News @ M-Media

Tag: AntiHateSpeech

  • ရွေးကောက်ပွဲကာလ သတင်းအမှားများကို တားဆီးရန် Facebook နှင့် မြန်မာအစိုးရ ပူးပေါင်းဆောင်ရွက်မည်

    ရွေးကောက်ပွဲကာလ သတင်းအမှားများကို တားဆီးရန် Facebook နှင့် မြန်မာအစိုးရ ပူးပေါင်းဆောင်ရွက်မည်

    သြဂုတ် ၂၅၊ ၂၀၁၅
    M-Media

    1_Wira_Thu_-_2014-07-02_02.37.562
    ၂၀၁၄ ခုနှစ် ဇူလိုင်လမှာ မန္တလေးမြို့တွင် အကြမ်းဖက်မှုများ ဖြစ်ပွားစေခဲ့သည့် ဦးဝီရသူရဲ့ လုပ်ကြံဝါဒဖြန့်ချိမှု

    – လာမည့်ရွေး ကောက်ပွဲကျင်းပမည့်ကာလအတွင်း အကြမ်းဖက်မှုကို လှုံ့ဆော်သော မည်သည့်ပို့စ်ကိုမဆို ဖယ်ရှားရန်အတွက် မြန်မာအစိုးရမှာ Facebook နှင့် ပူးပေါင်းဆောင်ရွက်သွားမည်ဟု သိရသည်။

    နိုင်ငံတစ်ဝှမ်းနှင့် Facebook နှင့် မိုဘိုင်းဖုန်းအသုံးပြုသူ မြင့်တက်လာသည့်အတွက်ကြောင့် လာမည့်လတွင် မဲဆွယ်မှုစတင်ပြီး ရွေးကောက်ပွဲနောက်ဆုံးကာလများ၌ အဆိုပါကြားခံကို အသုံးပြုကာ နိုင်ငံသားအချို့မှာ တိကျမှုမရှိသော သတင်းအချက်အလက်များကို ပြန့်နှံ့စေရန် ဆောင်ရွက်ကောင်း ဆောင်ရွက်နိုင်သည်ဟု မြန်မာအာဏာပိုင်များက ပြောကြားခဲ့သည်။

    “၂၀၁၂ နဲ့ ၂၀၁၃ မှာ ကျွန်တော်တို့ဆီမှာ လူမျိုးရေးပဋိပက္ခတွေ ဖြစ်ပွားခဲ့ပါတယ်။ အဲဒီနောက်ပိုင်းမှာ ကျွန်တော်တို့ Facebook နဲ့ ပထမဆုံး ပူးပေါင်းဆောင်ရွက်ခဲ့ပါတယ်။ ဒါ့ကြောင့်ပဲ ရွေးကောက်ပွဲကာလမှာ ဒီလို ပူးပေါင်းမှုကို ဆောင်ရွက်ဖို့ ကျွန်တော်တို့ ကြိုးစားတာပါ။ သတင်းအချက်အလက် လွတ်လပ်မှုကို ထိန်းချုပ်တာမျိုးမဟုတ်ဘဲ အမုန်းစကားတွေနဲ့ အကြမ်းဖက်မှု ဒါမှမဟုတ် လူမျိုးရေးအကြမ်းဖက်မှုကို လှုံ့ဆော်တာမျိုးတွေကို တားဆီးဖို့ပါပဲ” ဟုန် ပြန်ကြားရေးဝန်ကြီး ဦးရဲထွဋ်က ပြောကြားခဲ့သည်။

    သို့သော်လည်း ထိုသို့ပူးပေါင်းဆောင်ရွက်မှုအတွက် လူမှုအဖွဲ့အစည်းများက စိုးရိမ်မှုများရှိနေသည်။

    “ပထမဆုံး စိုးရိမ်မိတာက အစိုးရနဲ့ Facebook ဟာ ဘယ်လိုပူးပေါင်းဆောင်ရွက်မှု ပြုလုပ်မလဲ၊ ဘယ်သူက (အမုန်းစကားကို) အဓိပ္ပါယ်သတ်မှတ်မှာလဲ၊ ဘာတွေကို ဘယ်သူက တာဝန်ယူ ဖြုတ်ချမှာလဲ၊ Facebook မှာ ဘာတွေကိုခွင့်ပြုပြီး ဘာတွေကိုခွင့်မပြုမှာလဲ ဆိုတာတွေပါပဲ” ဟု မြန်မာ အိုစီတီဖွံ့ဖြိုးတိုးတက်ရေးအဖွဲ့မှ ပရိုဂရမ်မန်နေဂျာဖြစ်သူ ထိုက်ထိုက်အောင်က ပြောကြားခဲ့သည်။

    မြန်မာနိုင်ငံတွင် မိုဘိုင်းဖုန်းသုံးစွဲမှုမှာ ၂၀၁၄ ခုနှစ် မတ်လမှ ၂၀၁၅ ခုနှစ် မတ်လအတွင်း ၂ ဆနီးပါး တိုးလာခဲ့သည်ဟု အစိုးရနှင့် ပုဂ္ဂလိက အော်ပရေတာများ၏ စာရင်းအရ သိရသည်။

    သုံးစွဲသူများ မြင့်တက်လာခြင်းနှင့်အတူ သတင်းအချက်အလက်များ လျှင်မြန်စွာ ပြန့်နှံလာနိုင်ကာ မဲဆွယ်မှုကာလအတွင်း ကောလဟာလများ တိုးလာခြင်းကို သတိပြုရမည်ဟု အစိုးရက ပြောကြားခဲ့သည်။

    ထို့ကြောင့် မဲဆွယ်မှုကာလအတွင်း ပြန့်နှံကောင်းပြန့်နှံလာနိုင်သည့် သတင်းအချက်အလက်အမှားကို ပြန်လည်ဖြေရှင်းနိုင်ရန်အတွက် မြန်မာ့လူ့အဖွဲ့အစည်းက ရွေးကောက်ပွဲ စောင့်ကြည့်ရေး အစီအစဉ်ကို အကောင်အထည်ဖော်နေကြသည်။

    “ဥပမာအားဖြင့် Facebook မှာ ကောလဟာလတစ်ခုခု ထွက်ပေါ်လာပြီဆိုရင် ဒါကိုကြည့်ပြီး တကယ့် သတင်းအချက်အလက်က ဘာလဲဆိုတာ ဆန်းစစ်သွားမှာပါ” ဟု ထိုက်ထိုက်အောင်က ဆိုပြီး ထိုစောင့်ကြည့်အဖွဲ့မှာ သတင်းအချက်အလက်အမှန်ကို ပြည်သူများသိအောင် ချပြသွားမည်ဟု ပြောကြားခဲ့သည်။

    သို့သော်လည်း လက်ရှိ မြန်မာနိုင်ငံတွင် Facebook အသုံးပြုမှာ ၅ သန်းခန့်ရှိနေမှုနှင့်အတူ အကြောင်းအရာများကို စေ့စေ့စပ်စပ် နောက်ကြောင်းလိုက်ရန်မှာ မဖြစ်နိုင်ပေ။

    Ref: Channelnewsasia

  • အမုန်းတရားပြန့်ပွားမှု ဆန့်ကျင်ရေး လူငယ်တွေ အရှိန်မြှင့် ဆောင်ရွက်

    အမုန်းတရားပြန့်ပွားမှု ဆန့်ကျင်ရေး လူငယ်တွေ အရှိန်မြှင့် ဆောင်ရွက်

    VOA မြန်မာပိုင်းမှ ကူးယူဖော်ပြသည်။
    ဇူလိုင် ၁၃ ၊ ၂၀၁၅
    .67D89A1B-E35F-4C17-8BEC-441A0A907C48_w640_r1_s_cx0_cy4_cw0
    မြန်မာနိုင်ငံမှာ ၂၀၁၅ ရွေးကောက်ပွဲ နီးကပ်လာချိန် အမုန်းစကားတွေကြောင့် အကြမ်းဖက် ပဋိပက္ခတွေ ထပ်မံမဖြစ်ပေါ်ရအောင် မြန်မာကျောင်းသားလူငယ်တွေကနေ My Friend Campaign ကို အရှိန်မြှင့် လုပ်ဆောင်နေပါတယ်။ ဘာသာပေါင်းစုံ၊ လူမျိုးပေါင်းစုံ ပါဝင်တဲ့ ကျောင်းသားလူငယ်တွေဟာ တနင်္ဂနွေနေ့က ရန်ကုန်မြို့မှာ ဘာတွေလှုပ်ရှားခဲ့ကြသလဲ ဆိုတာကိုတော့ မအင်ကြင်းနိုင်က တင်ပြထားပါတယ်။
    .
    မြန်မာနိုင်ငံမှာ ခွဲခြားဆက်ဆံမှုနဲ့ အမုန်းစကားတွေကို ဆန့်ကျင်တဲ့ လှုပ်ရှားမှုအဖြစ် မနေ့က ရန်ကုန်မြို့ ရွှေတိဂုံစေတီအနီး ကန်တော်မင်ပန်းခြံမှာ ဆယ်ကျော်သက်အရွယ် ကျောင်းသူကျောင်းသားတွေဟာ လူမျိုး၊ ဘာသာ မတူညီကြပေမဲ့ ညီညွတ်ချစ်ခင်ကြတယ်ဆိုတဲ့ အထိမ်းအမှတ်အဖြစ် Selfie ဓာတ်ပုံတွေရိုက်ပြီး လူမှုကွန်ယက် အင်တာနက် စာမျက်နှာပေါ်မှာ ဖြန့်နေကြတာပါ။
    .
    ဒီလှုပ်ရှားမှုဟာ My Friend Campaign ရဲ့ Selfie လှုပ်ရှားမှုအနေနဲ့ မိုဘိုင်လ်တယ်လီဖုန်း အင်တာနက်ကို အသုံးပြုပြီး လူမှုအသိုင်းအ၀ိုင်း ခွဲခြားဆက်ဆံမှုတွေ နည်းနိုင်သမျှနည်းအောင် လှုပ်ရှားဆောင်ရွက်ဖို့ ရည်ရွယ်ထားတာ ဖြစ်တယ်လို့ ဦးဆောင်လှုပ်ရှားသူတွေက ပြောပါတယ်။ အထူးသဖြင့် နိုဝင်ဘာလ ၈ ရက်နေ့မှာ ကျင်းပမယ့် အထွေထွေ ရွေးကောက်ပွဲ နီးကပ်လာချိန် နိုင်ငံတွင်း အမုန်းစကားတွေ လှုံ့ဆော်မှု တိုးမြှင့်လာတာတွေ ရှိနေတာကြောင့် အခုလို လူငယ်တွေက လူမှုအသိုင်းအတွင်း ငြိမ်းချမ်းရေးအတွက် အရှိန်အဟုန်နဲ့ ဆောင်ရွက်လာတာ ဖြစ်တယ်လို့  ဦးဆောင် လှုပ်ရှားနေသူတဦးဖြစ်တဲ့ လူ့အခွင့်အရေး တက်ကြွလှုပ်ရှားသူ မဝေေ၀နုက ဗွီအိုအေ ကို ပြောပါတယ်။
    .
    “အခုက အမုန်းစကားနဲ့ ပတ်သက်လို့ ကျမတို့ နိုင်ငံမှာက ဘယ်တွေမှာသွားပြီး ထိခိုက်မလဲဆိုတော့ ငြိမ်းချမ်းရေးဖြစ်စဉ်တွေမှာပါ ထိခိုက်တယ်ပေါ့နော်။ အမုန်းစကားလို့ ပြောလိုက်လို့ရှိရင် လူတွေက ဒီ ဘာသာခြား တိုင်းပြည်တွင်းမှာပဲ မြန်မာနိုင်ငံထဲမှာပဲ အတူတူ တမြေတည်း၊ တရေတည်း နေလာပြီးတော့မှ ဘာသာခြားရယ်လို့ ဒီနေရာမှာ အမုန်းစကားနဲ့ ပတ်သက်လို့ ထိခိုက်လာတာ ရှိတယ်။ လူမျိုးကြားထဲမှာ အဖွဲ့အစည်းကြားထဲမှာ အဲဒီလို ထိခိုက်လာတာရှိတယ်။ နောက်ပြီးတော့ တဦးနဲ့တဦး အမုန်းစကား ပြန့်ပွားဖို့အတွက် အဓိက လုပ်ဆောင်နေတာမျိုးတွေကိုလည်း ကျမတို့ ကြားနေရတယ်။ ကျမတို့ ဘယ်လောက်လိုက်ပြီးတော့ ကာကွယ်နိုင်မလဲပေါ့နော်။ ပတ်ဝန်းကျင်မှာ ကျမတို့ လက်လှမ်းမီသ၍ကတော့ ဒါဟာ အမုန်းစကား ပြန့်ပွားစေတဲ့ စကားလုံးတွေ ဒါတွေ မလုပ်သင့်ဘူးလို့ ပြောနေပေမဲ့ ကျမတို့ထက် ပိုပြီး ထိရောက်အောင် သူတို့က အမုန်းစကားတွေ ဖြန့်ချိတာမျိုးကိုလည်း ကျမတို့ တွေ့ရတယ်။ အခု ၂၀၁၅ နီးလာပြီ။ မြန်မာနိုင်ငံမှာ ကြုံတွေ့ရမယ့် ရွေးကောက်ပွဲကာလအတွင်းမှာ အဲဒါမျိုးတွေ ထပ်မဖြစ်စေချင်ပါဘူး။ ကျမတို့ ပြည်သူကြားမှာ စိတ်ဝမ်းကွဲတာတွေ၊ ညှိနှိုင်းလို့မရတဲ့ ဖြစ်စဉ်မျိုးတွေ ကျမတို့ မကြုံတွေ့ချင်ဘူး။ ဒီအမုန်းစကားကြောင့်။ ၂၀၁၅ မှာ ပိုပြီး အရေးကြီးလာပြီလို့ ကျမတို့ ထင်တယ်။”
    .
    လက်ရှိအခြေအနေမှာလည်း နယ်တွေမှာ ရွေးကောက်ပွဲနဲ့ ဆိုင်တဲ့ အမုန်းစကားတွေကို ပိုပြီး ဖြန့်နေကြတယ်လို့ မဝေေ၀နုက ပြောပါတယ်။
    .
    “ဒီဘာသာရေး၊ လူမျိုးရေး အမုန်းစကား ဖြန့်ချိနေတဲ့ သူတွေကလည်း သူတို့ရဲ့ အဓိကသတ်မှတ်တဲ့ နယ်မြေတွေဟာ ကျေးလက်ဒေသတွေ ဖြစ်နေတယ်။ အဲဒီဒေသတွေမှာ အမုန်းစကားတွေကို ပိုပြီး ဖြန့်ချိနေတာ ကျမတို့ တွေ့ရတယ်။ ဥပမာ – အတိုက်အခံပါတီဘက်ကဆိုလို့ရှိရင် NLD ဘက်က ဆိုလို့ရှိရင် အဲလိုမျိုးလေးတွေ ပြောဆိုခံရတာပေါ့။ ဥပမာ – ခွပ်ဒေါင်းက မွတ်ဒေါင်းဖြစ်သွားပြီ ဆိုတဲ့ စကားလုံးမျိုးလေးတွေ၊ NLD ကို မဲပေးရင် ကုလားကြီးစိုးသွားမယ်ဆိုတဲ့ စကားလုံးမျိုးတွေ၊ အဲတော့ ဒီလူထုကြားထဲမှာ ရွေးကောက်ပွဲနဲ့ ပတ်သက်ပြီး ခုတလောအတွင်းမှာ ပိုပြီးတော့ ကျေးလက်ဒေသမှာ ဖြန့်ချိတာ ကျမတို့ တွေ့ရတယ်။”
    .
    မကြာသေးခင် နှစ်တွေအတွင်း အသိုင်းအ၀ိုင်း နှစ်ဘက်ကြား သေဆုံး၊ ဒဏ်ရာရစေခဲ့တဲ့ အကြမ်းဖက် ပဋိပက္ခတွေဟာ မိတ္ထီလာ၊ မန္တလေး စတဲ့ မြို့ကြီး တချို့မှာ ဖြစ်ခဲ့တာပါ။ ဒီအတောအတွင်း သဘောထား တင်းမာတဲ့ ဗုဒ္ဓဘာသာ သံဃာတော်တွေ ဖွဲ့စည်းထားတဲ့ မဘသ အဖွဲ့ဟာ မူဆလင် လူနည်းစုတွေ ဆန့်ကျင်ရေးအတွက် ဆန္ဒပြပွဲတွေ၊ အင်တာနက် အွန်လိုင်းကနေ အမုန်းတရား လှုံ့ဆော်တာတွေ ရှိနေတယ်လို့ နိုင်ငံတကာ လူ့အခွင့်အရေး အဖွဲ့အစည်းတွေက ဝေဖန် ထောက်ပြနေကြတာပါ။ အခုလို နိုင်ငံတွင်း အမုန်းတရား ပြန့်ပွားအောင် လှုံ့ဆော်နေတာကို ရပ်တန့်ရေး အတွက် အစိုးရဘက်က ဆောင်ရွက်မှုတွေမှာ အားနည်းတာတွေ ရှိနေတယ်လို့ ဘလော့ဂါ ကိုနေဖုန်းလတ်က AFP သတင်းဌာနကို ပြောပါတယ်။ ဒါ့အပြင် အချို့အုပ်စုတွေဟာ အမုန်းတရား ပြန့်ပွားအောင် ရည်ရွယ်ချက်ရှိရှိ လုပ်ဆောင်နေကြတာကို တွေ့နေရတယ်လို့ သူက အင်္ဂလိပ်ဘာသာစကားနဲ့ အခုလို ပြောသွားပါတယ်။
    .
    “နည်းပညာကို လူတချို့က ကောင်းတဲ့ကိစ္စတွေအတွက် အသုံးပြုပေမဲ့ အခြားတဘက်မှာတော့ မကောင်းတဲ့သူတွေက မကောင်းတာလုပ်ဖို့ ဒီနည်းပညာကို အသုံးချနေကြတာပါ။ အဲဒါကြောင့် လူတွေရဲ့ နားလည်သဘောပေါက်မှုအပေါ်မှာ မူတည်နေတဲ့အပြင် လူတွေရဲ့ အသိပညာဥာဏ်ဟာလည်း အလွန်အရေးကြီးပါတယ်။”
    .
    သူကိုယ်တိုင်လည်း လူမှုကွန်ယက် အင်တာနက်စာမျက်နှာဖြစ်တဲ့ Facebook မှာ အမုန်းတရား လှုံ့ဆော်မှုတွေကို စောင့်ကြည့်ပြီး အစီရင်ခံတင်ပြနေတဲ့ ပန်းစကားအဖွဲ့ကို ဦးဆောင်နေသူ ဖြစ်ပါတယ်။ My Friend Campaign ရဲ့ Selfie ဓာတ်ပုံရိုက်လှုပ်ရှားမှုမှာ ဗုဒ္ဓဘာသာဝင် လူငယ်တွေနဲ့ အစ္စလာမ်ဘာသာဝင် လူငယ်တွေ ပျော်ပျော်ရွှင်ရွှင်နဲ့ အတူတကွ ဓာတ်ပုံရိုက်နေကြတာကို တွေ့မြင်ရပါတယ်။
    .
    ဧပြီလကစတင်ခဲ့တဲ့ My Friend Campaign လှုပ်ရှားမှုမှာတော့ လူမျိုး၊ ဘာသာပေါင်းစုံက ကျောင်းသားလူငယ်တွေ ပါဝင်နေပြီး မိတ်ဆွေသူငယ်ချင်းတွေအဖြစ် သူတို့မှာ ခွဲခြားမှုဆိုတဲ့ အကန့်အသတ် နယ်နိမိတ် မရှိကြဘူးလို့ အဖွဲ့ရဲ့တရားဝင် လူမှုကွန်ယက်စာမျက်နှာမှာ ဖော်ပြထားပါတယ်။

    http://burmese.voanews.com/content/selfie-campaign/2859217.html

  • ဗုဒ္ဓလမ်းစဉ်က သွေဖယ်ရင် ဗုဒ္ဓဘာသာလို့ ခေါ်လို့မရကြောင်း မြဝတီ မင်းကြီးကျောင်းတိုက် ဆရာတော် ပြောပြီ

    ဗုဒ္ဓလမ်းစဉ်က သွေဖယ်ရင် ဗုဒ္ဓဘာသာလို့ ခေါ်လို့မရကြောင်း မြဝတီ မင်းကြီးကျောင်းတိုက် ဆရာတော် ပြောပြီ

    ဇွန် ၇ ၊ ၂၀၁၄
    M-Media
    မိုးစက်
    4
    ရန်ကုန်။    ။ ဗုဒ္ဓ္ဒမြတ်စွာဘုရားရှင်ရဲ့ လမ်းစဉ် ကျင့်စဉ်တွေကို မကျင့်သုံး မလိုက်နာတဲ့သူတွေကို ဘယ်လိုနည်းနဲ့မှ ဗုဒ္ဓဘာသာဝင်တွေလို့ ခေါ်ဆိုလို့ မရနိုင်ပါဘူးဟု ဆရာတော် ဘဒ္ဒ န္တအရိယာဝံသ ဘိဝံသ (မြဝတီမင်းကြီးကျောင်းတိုက် မန္တလေး) ဆရာတော်က ပြောကြားလိုက်ပါတယ်။

    ဇွန်လ ၆ ရက်နေ့၌ Park Royal Hotel တွင် ကျင်းပပြုလုပ်သော ဘာသာ သာသနာဖြင့် ငြိမ်းချမ်းရေးကို စောင့်ရှောက်ခြင်း ဆွေးနွေးပွဲမှာ အခု လို ပြောကြားလိုက်တာပါ။

    “ဗုဒ္ဓကိုယုံကြည်ချင်တယ်ဆိုရင် ဗုဒ္ဒရဲ့ လမ်းစဉ်ကိုလိုက်ရမှာပဲ။ ဗုဒ္ဓလမ်းကိုလိုက်မှ ဗုဒ္ဓဘာသာဖြစ်မယ်။ မဟုတ်ရင်တော့ အဲ့လူကို Non- Buddhist လို့ခေါ်လို့ရတယ်။ ဗုဒ္ဓလမ်းပြခဲ့တာက အမျိုးထက် နိုင်ငံတော်ကိုပိုချစ်ရမယ်။ နိုင်ငံတော် ဖွံ့ဖြိုးတိုးတက်အောင်ပဲ လုပ်ရမှာ။ ဗုဒ္ဓဘုရားက အကောင်းတွေကိုပဲ လမ်းပြခဲ့တာပါ။ အခု ဗုဒ္ဓဘာသာဆိုပြီး လုပ်နေတာတွေက ဗုဒ္ဓဘာသာတွေနဲ့ တလွဲတွေပါပဲ။ ကိုယ့်ဘာသာကို ဖျက်အောင်လုပ်တာ ကိုယ့်ထဲက ကိုယ့်ဘာသာဝင်တွေပဲ ပျက်အောင်လုပ်လို့ ရတာပါ။ အသိဥာဏ်တိမ်ရင် တိမ်သလောက် ကိုယ့်အတွက်၊  ကိုယ့်မိသားစုအတွက်၊ ကိုယ့်ကျိုးအတွက်ပဲ ကြည့်တတ်ကြတာပါ” ဟု ဆရာတော်က ဆက်လက်မိန့်ကြားခဲ့ပါတယ်။

    အဆိုပါ ပွဲမှာ အစ္စလာမ်ဘာသာဝင်များဘက်မှ ခေါင်းဆောင်တစ်ဦးဖြစ်သူ K.A.F.T.G ဃရာနာမှ ဦးဆောင်ဆရာတော် ခလီဖွာ ဦးသိန်းဝင်းအောင်မှလည်း  ” ဒီနေ့ IS တွေအကြမ်းဖက်နေတာနဲ့ပဲ အစ္စလာမ်ဘာသာဝင်တွေ အားလုံးက အကြမ်းဖက်တဲ့လူတွေ မဟုတ်ပါဘူး။ IS မကောင်းတာနဲ့ အစ္စလာမ်မကောင်းတာ မဟုတ်ပါဘူး။ သူတို့တစ်ဦးချင်းဆီနဲ့ပဲ သက်ဆိုင်ပါတယ်။ ဘာသာတရား တစ်ခုအကြောင်းကို သေချာ မလေ့လာဘဲနဲ့ ရမ်းပြီးတော့ စွပ်စွဲ အမုန်းစကားတွေ ပြောဆိုနေတဲ့သူတွေကတော့ သမိုင်းတရားခံတွေ ဖြစ်လာမှာပါ” ဟု မြဝတီမင်းကြီးဆရာတော်၏ စကားအပေါ် ထပ်မံဖြည့်စွက် ပြောကြားခဲ့ပါတယ်။

    6

    ဘာသာတရားတွေဆိုတာ ငြိမ်းချမ်းဖို့အတွက်ပဲ ဖြစ်ပေါ်လာတာဖြစ်ပြီး အစ္စလာမ်သာသာနာကလည်း နူးညံ့တဲ့ အဆုံးအမတွေကိုပဲ သွန်သင်ထားတာ ဖြစ်ကြောင်း၊ လူသားအချင်းချင်း တစ်ဦးနှင့်တစ်ဦး ရိုသေဂါရဝပြုဖို့ရန်က အထူးလိုအပ်သည်ဖြစ်ကြောင်းနှင့် ဘာသာတရားတိုင်း၏ အဆုံးအမများကိုသာ လိုက်နာနိုင်လျှင် စစ်မှန်တဲ့ ငြိမ်းချမ်းရေးကို ရနိုင်မည်ဖြစ်ကြောင်း  ခလီဖွာ ဦးသိန်းဝင်းအောင် က ဆွေးနွေးပွဲမှာ ပြောပါတယ်။

    ” ပိုက်ဆံတွေ လက်နက်တွေနဲ့ ဝယ်လို့မရနိုင်တဲ့ ငြိမ်းချမ်းရေးသည် လူတိုင်း၏ ရင်ဘတ်ထဲတွင် ရှိနေပြီး ငြိမ်းချမ်းရေးကို လိုချင်ရင်တော့ ဘာသာအချင်းချင်း မုန်းတီးမှုတွေရပ်၊ တစ်ယောက်နဲ့တစ်ယောက် မနာလို မုန်းတီးစိတ်တွေကို ရပ်ပစ်မှ ရနိုင်မည်ဖြစ်ကြောင်း၊ တစ်ယောက်ကိုတစ်ယောက် ကုသိုလ်တွေ မုဒိတာတွေ များများပွားများပေးပါမည်ဆိုပါက ငြိမ်းချမ်းရေးက လက်တစ်ကမ်းတွင်သာ ရှိနေကြောင်း” ငြိမ်းချမ်းရေးကို ရယူလိုလျှင် မိမိကိုယ်တိုင်က စတင်ကြိုးစားရမည်ဖြစ်ကြောင်း ရှုထောင့်ကနေ ဆွေးနွေးသွားတာကတော့ ဟိန္ဒူဘာသာ ဘာသာရေးခေါင်းဆောင် ဦးဆန်းမင်းနိုင်ဖြစ်ပါတယ်။

    ဘာသာတရား အကြောင်းများနှင့် ပတ်သက်ပြီး ခရစ်ယာန်ဘာသာရေးခေါင်းဆောင် ဒေါက်တာဦးအေးမင်းမှလည်း ယနေ့အချိန်အခါတွင် အစိုးရနှင့်ပူးပေါင်း၍ ဘာသာရေးကို အမြတ်ထုတ်နေကြသူများမှာ ဘာသာရေး ခရိုနီများသာ ဖြစ်ကြပြီး ယင်းကဲ့သို့ ဘာသာရေးကို အကျိုးပြု အမြတ်မထုတ်သင့်ကြောင်း၊ အမုန်းစကားတွေကင်းဝေးပြီးမှသာ လူတိုင်း လောကကြီးကိုကြည်ကြည်လင်လင်နဲ့ မြင်နိုင် မှာဖြစ်ကြောင်း ထို့ကြောင့် အမုန်းတရားများကို စွန့်လွှတ်ရန် အလွန်အရေးကြီးကြောင်း ယနေ့ဖြစ်ပေါ်နေသော အမုန်းတရားများအကြောင်း ပြောကြားဆွေးနွေးခဲ့ပါတယ်။

    အမုန်းတရားများ အကြောင်းနှင့် ပတ်သက်ပြီး သတင်းစာဆရာ ဦးစည်သူအောင်မြင့်ကလည်း “ဒီနေ့လုပ်တဲ့အခမ်းအနားက ဒီလိုဟိုတယ်ထဲက အခန်းလေးထဲမှာ လုပ်ရတာ တကယ် မွန်းကျပ်တယ်ဗျာ။ ကုလသမဂ္ဂကို ဖာသည်မလို့ဆဲတဲ့လူတွေ၊ သတင်းထောက်တွေကို လည်လှီးမယ်လို့ပြောတဲ့ သူတွေကိုကျတော့ လမ်းတွေမှာ အမုန်းတရားဟောပြောနေတဲ့ပွဲတွေကို ခမ်းခမ်းနားနားနဲ့ လုပ်ခွင့်ပေးထားတယ်။ ကျွန်တော်တို့ဒီမှာ မေတ္တာတရား အကြောင်း ငြိမ်းချမ်းရေး အကြောင်းပြောနေတဲ့ သူတွေကိုကျတော့ အခန်းကျဉ်းလေးထဲမှာ လူမသိ သူမသိ သိုသိုသိပ်သိပ်ပဲ လုပ်နေရတယ်။ ဒီလိုတွေဖြစ်နေတော့ ကျွန်တော်တို့နိုင်ငံ အခြေအနေက မကောင်းတော့ပါဘူး။ ဒီလိုပြသနာတွေ ဘာကြောင့်ဖြစ်နေရလဲ ဆိုတာကို အဖြေရှာကြရဖို့ လိုအပ်နေပါပြီ” ဟု ယနေ့ချိန်ခါတွင် ဖြစ်ပေါ်နေသော အကြောင်းအရာများကို သုံးသပ်ဆွေးနွေးခဲ့ပါတယ်။

    ယခုကဲ့သို့ ဘာသာသာသနာဖြင့် ငြိမ်းချမ်းရေးကို စောင့်ရှောက်ခြင်း ဆွေးနွေးပွဲကို Social Alliance အဖွဲ့မှ ဦးစီးကျင်းပခဲ့သည်ဖြစ်ပြီး ယင်းအခမ်းအနားအား ဘာသာတစ်ခုကို သက်ဝင်ယုံကြည်နေတဲ့ လူတစ်ယောက်က ငြိမ်းချမ်းရေးကို ပျက်ပြားစေမဲ့လုပ်ရပ်၊ အမုန်းစကားများ ပြောဆိုလုပ်ကိုင်နေသည်ကိုတွေ့လျှင် ယင်းဘာသာရဲ့ အနှစ်သာရကို သိမြင်ယုံကြည်ထားတဲ့သူတွေက ထိုအမုန်းများရပ်တန့်ရန် မည်ကဲ့သို့ ထိန်းသိမ်းရန် တာဝန်ရှိကြောင်း သိရှိနိုင်ရန် ဆရာတော်များအား ဆွေးနွေးပြောကြားပေးနိုင်ရန် အတွက် ယနေ့ပြုလုပ်ကျင်းပသည့် အခမ်းအနားကို စီစဉ်ရခြင်းဖြစ်ကြောင်း ပွဲစီစဉ်သူတစ်ဦးဖြစ်သူ မနွယ်နီက ပြောကြားခဲ့ပါတယ်။

    ဓါတ်ပုံများ ကြည့်လိုလျှင် => Link

  • အမုန်းတရားပပျောက်ရန် Hate Free Group မှ ပဲခူးတွင် စတင်လှုပ်ရှား

    အမုန်းတရားပပျောက်ရန် Hate Free Group မှ ပဲခူးတွင် စတင်လှုပ်ရှား

    မေ ၄ ၊ ၂၀၁၅
    M-Media
    သတင်း-သူရိန်

    5a82dcd9c1e777c22bf20dfc89eb7045f7f72016a07579f6ba2e0788693ad756

    မြန်မာနိုင်ငံအတွင်းရှိ လူငယ်များအကြားတွင် ဘာသာရေးဆိုင်ရာ အမြင်မကြည်မှုများနှင့် ဘာသာမတူသူများ အကြား အမုန်းတရားများ ပပျောက်စေရန် အတွက် Hate Free Group ကို ပဲခူးတိုင်းဒေသကြီး ပဲခူးမြို့တွင် စတင်ဖွဲ့စည်းလိုက်သည်။

    Hate Free Group Bago ကို မေလ၃ရက်နေ့ညနေပိုင်းက ပဲခူးမြို့ ကျွန်းသာယာရပ်ကွက် မီးရထားဂုံးဘေးရှိ စရီရာမ ဘုရားကျောင်းတွင် ဘာသာစုံမှ အမုန်းတရားတိုက်ဖျက်လိုသော လူငယ်များ စုပေါင်းကာ စတင်လှုပ်ရှားခြင်းလည်း ဖြစ်သည်။

    ထိုသို့ဖွဲ့စည်းရခြင်းနှင့်ပတ်သက်၍ ဦးစီးလုပ်ဆောင်တဲ့ လူငယ်တစ်ဦးဖြစ်သူ ကိုမျိုးကိုက “လူငယ်တွေတစ်ဦးနဲ့တစ်ဦးကြား ဘာသာတစ်ခုနဲ့တစ်ခုကြား လူမျိုးတွေတစ်ခုနဲ့တစ်ခုကြားမှာ ရင်းနှီးမှုတွေ ရသွားအောင် ချစ်ခင်မှုတွေရသွားအောင်  အမြင်ကြည်လင်မှု တွေရအောင် ရည်ရွယ်ဖွဲ့စည်းရတာ ဖြစ်ပါတယ် ” ဟု M-Media သို့ပြောပြသည်။

    ဆက်လက်၍လည်း လူမျိုးဘာသာစုံပါဝင်သော အမုန်းတရားတိုက်ဖျက်ရေးလုပ်ငန်းစဉ်များနှင့် အခြားသောပရဟိတ Activityများလုပ်​​ဆောင်​နိုင်​​သွားမည် ဟုလည်း ထိုအဖွဲ့မှ ကိုမျိုးကိုက ၄င်းတို့ ရည်ရွယ်လုပ်ဆောင်မည့် ရှေ့လုပ်ငန်းစဉ်များနှင့် ပတ်သက်၍ရှင်းပြသည်။
    e6eb1eb105f70e6135d4c18f7fab1bc3a76a746b901616fda6ff7150f8966907
    အဆိုပါ အဖွဲ့၏ ကနဦး လုပ်ငန်းစဉ်အနေဖြင့် အခြားပရဟိတအဖွဲ့များနှင့် ပူးပေါင်း၍ လာမည့် အင်္ဂါနေ့တွင် လတ်တလော ရေပြတ်လတ်၍ ရေလိုအပ်လျက်ရှိသည့် သနပ်ပင်မြို့နယ်သို့ သွားရောက်၍ ရေလှူဒါန်းမှုပြု မည်ဖြစ်သည်။ ထိုသို့လှူဒါန်းမှုပြုရာတွင် အမုန်းတရား ပြောဆိုမှုများပပျာက်ရေးနဲ့ ပတ်သက်သော ကာတွန်းများ ပိုစတာများဖြင့် ပညာပေးမှုများပါ ပူးတွဲပြုလုပ်မည်ဟုလည်း သိရသည်။

    Hate Free Groupကို ပဲခူးမြို့ပေါ်တွင် အခြေပြုစတင်ဖွဲ့စည်းခြင်းဖြစ်ပြီး ပဲခူးတိုင်းဒေသကြီး အနောက်ပိုင်းဒေသများနှင့် ချိတ်ဆက်ကာ ပိုမိုကျယ်ပြန့်စွာ တိုးချဲ့ဆောင်ရွက်သွားမည်ဟု သိရသည်။

  • ကလောမြို့တွင် ၁၃ နှစ်သား ရေနစ်သေဆုံးမှုအား နိုင်ငံရေးပါတီတခုမှ ဘာသာရေး/လူမျိုးရေး ပြသနာဖြစ်အောင် လှုံ့ဆော်ဝါဒဖြန့်နေ

    ကလောမြို့တွင် ၁၃ နှစ်သား ရေနစ်သေဆုံးမှုအား နိုင်ငံရေးပါတီတခုမှ ဘာသာရေး/လူမျိုးရေး ပြသနာဖြစ်အောင် လှုံ့ဆော်ဝါဒဖြန့်နေ

    ဧပြီ ၂၃ ၊ ၂၀၁၅
    M-Media
    သတင်း- သီဟ
    Ka Law Case 3
    ရှမ်းပြည်နယ် ကလောမြို့တွင် ၂၀၁၅ ခုနှစ် ဧပြီလ ၁၄ ရက်နေ့က အသက် ၁၃ နှစ် အရွယ်ရှိ ကျောင်းသားတဦး သူငယ်ချင်းများနှင့် ရေကူးရင်း ရေနစ်သေဆုံးမှုဖြစ်ပွားခဲ့ပါတယ်။

    ဖြစ်စဉ်နဲ့ ပတ်သက်ပြီး စုံစမ်းမေးမြန်းခဲ့ရာ ကလောမြို့ခံ တဦးမှ အောက်ပါအတိုင်း ပြောကြားခဲ့ပါတယ်။

    ၂၀၁၅ ခုနှစ် ဧပြီလ ၁၄ ရက်နေ့မှာ မောင်သူရိန်မင်းထွန်းဟာ သူငယ်ချင်း(၂) ယောက်နှင့် အတူ အိမ်မှ  လူကြီးမိဘများ မသိအောင် ရေကူးကန်၌ ရေကူးရန် သွားခဲ့ကြောင်း၊ သင်္ကြန်တွင်းကာလဖြစ်၍ ရေကူးကန် ပိတ်ထားသောကြောင့် လူငယ်(၃)ဦး ကလောမြို့နှင့် (၅) မိုင်အကွာ ရေယားရွာ အောက်ဘက် ညောင်ထောက်ရေတံခွန် ရေသွားကူးခဲ့ကြောင်း၊ သူငယ်ချင်း(၃) ဦး ရေကူးရင်း မောင်သူရိန်မင်းထွန်း ရေနစ်သွား၍ ကျန်သူငယ်ချင်း (၂) ဦး လိုက်ဆယ်ရာမှ မမှီတော့ကြောင်း၊ မောင်သူရိန်မင်းထွန်းရေနစ်ရာ မှ ပြန်မပေါ်လာသဖြင့် ကျန် လူငယ်(၂) ယောက်မှာ ကျောင်းသားကလေး အရွယ်များဖြစ်၍ လူကြီးမိဘများ၏ အရိုက်ခံရမည်ကို ကြောက်ရွံ၍ မည်သူကိုမျှ အကြောင်းမကြားဘဲ နေလိုက်ကြောင်း၊ မောင်သူရိန်မင်းထွန်း မိဘများမှ ၄င်းတို့၏သားပျောက်ဆုံး၍ မေးမြန်းသည့် အခါ၌လဲ မသိဘူးလို့ ပြောကြားခဲ့ကြောင်း၊ ဧပြီလ ၁၆ ရက်နေ့မှ လူငယ်(၂) ယောက်ထဲမှ တယောက်က ဖြစ်စဉ်ကို ပြောပြပြီး ရေနစ်သည့် နေရာကို လိုက်ပြခဲ့ကြောင်း၊ ဧပြီလ ၁၆ ရက်နေ့တွင် မောင်သူရိန်ထွန်း ရေနစ်ခဲ့သည့် ညောင်ထောက်ရေတံခွန်မှာ အလောင်းပြန်တွေ့ခဲ့ပြီး မျက်နှာမှာ ဂဏာန်းကိုက်ထား၍ အနည်းငယ်ပျက်ဆီးနေကြောင်း၊ အဆိုပါကိစ္စနှင့် ပတ်သက်ပြီး ဆိုရှယ်မီဒီယာတွင် မောင်သူရိန်မင်းထွန်းအား ကုလားက သတ်လိုက်သည့် ဟု လှုံ့ဆော်သည့် သတင်းများမိမိတို့ ကြားသိရကြောင်း၊ အဆိုပါကိစ္စမှာ လုံးဝ မှားယွင်းနေပြီး မောင်သူရိန်မင်းထွန်းနှင့် ရေအတူ သွားကူးခဲ့သည့် သူငယ်ချင်း (၂) ယောက်မှာ ဗုဒ္ဓဘာသာဝင် ကလေးငယ်များသာ ဖြစ်ပြီး မွတ်စလင်များ လုံးဝမဟုတ်ကြောင်း ကလောမြို့ခံ ကပြောကြားခဲ့ပါတယ်။

    Ka Law Case 2

    အဆိုပါဖြစ်ရပ်နှင့် ပတ်သက်ပြီး  နိုင်ငံရေးပါတီ တခုဖြစ်သည့် မတူကွဲပြားခြင်း နှင့် ငြိမ်းချမ်းရေးပါတီ ဥက္ကဌ ဦးနေမျိုးဝေ မှ ၄င်းရဲ့ စာမျက်နှာထပ်တွင် ကလောမှ ကျောင်းသား ရေနစ်သေဆုံးမှုကို လူမျိုးရေး/ဘာသာရေး အဓိကရုဏ်းများဖြစ်စေမည့် အချက်အလက်အမှား များစွာဖြင့် ရေးသားပြီး အကြိမ်များစွာ ဖြန့်ဝေခဲ့တာကိုတွေ့ပါတယ်။ ၄င်းက အစ္စလာမ် ဘာသာဝင်များ၏ နေအိမ်များကို အကြမ်းဖက်ဖျက်ဆီးရန် ရေးသားခဲ့ပြီး အခြေခံဥပဒေမှ တရားဝင် အသိအမှတ်ပြုထားသည့် ဘာသာတရား တခုအားလည်း ရင့်သီးရိုင်းစိုင်းသည့် အသုံးအနှုန်းများဖြင့် လှုံ့ဆော်ရေးသားနေတာကိုလည်း တွေ့ရပါတယ်။

    ဦးနေမျိုးဝေနှင့် ၄င်း၏ ပါတီဝင်များမှာ အခြေခံဥပဒေ၊ ရွေးကောက်ပွဲဥပဒေ၊ တည်ဆဲဥပဒေများကို ချိုးဖောက်ပြီး  ဆိုရှယ်မီဒီယာမှတဆင့် အမုန်းတရားများ ဖြန့်ဝေခြင်း၊ ဟောပြောပွဲများတွင် လူမျိုးရေး/ဘာသာရေး အမုန်းပွားစေမည့် ကိစ္စရပ်များ လှုံဆော်ဟောပြောခြင်း ကို ပြောင်ပြောင်းတင်းတင်း လုပ်ဆောင်နေသည့်မှာ အချိန်ကြာမြင့်နေပြီဖြစ်သော်လည်း သက်ဆိုင်ရာအာဏာပိုင်များမှ အရေးယူဆောင်ရွက်ခြင်း မရှိသေးပေ။

    Ka Law Case