Tag: article

ဆန့်ကျင်ဖက် သံဃာများ (ဘာသာပြန်)

ဇွန် ၂၀၊၂၀၁၃
M-Media
ဘာသာပြန်-သာကီထက်ကောင်း

မွတ်စ်လင်မ်ဆန့်ကျင်ရေး ၉၆၉ အစွန်းရောက်လှုပ်ရှားမှုများ၏ ကြီးစိုးလာသောပုံရိပ်များကို မြန်မာနိုင်ငံရှိ ဆိုင်များ၊ အငှားယာဉ်ရှေ့ဖက်မှန်ချပ်များ၌ အမျက်ကြီးစွာ စူးစိုက်ကြည့်သယောင် ပေါ်လွင်လျက် ရှိသည်။ လမ်းမများတလျှောက် ပျံကျခွေရောင်းသူများထံမှတဆင့် နာမည်ကြီး ၉၆၉ ဂိုဏ်းဘုန်းတော်ကြီးတို့၏ တရားမ၀င် DVD တရားခွေများမှာလည်း ကိုးရီးယား ဇာတ်လမ်းတွဲခွေများနှင့်အပြိုင် ရောင်းကောင်းလျက် ရှိနေသည်။ ယင်းစစ်ဆင်ရေးမှာ ထင်သာမြင်သာ ကျယ်ပြန့်လာသည့်တိုင်အောင် ဗုဒ္ဓဘာသာဝင်နှင့်မွတ်စ်လင်မ်တို့အကြားသွေးခွဲရေး ၄င်းတို့၏အစွန်းရောက်တရားများသည် လူတိုင်းက လက်ခံယုံကြည်သောအနေအထားသို့ ရောက်မလာခဲ့ချေ။

ဤအငြင်းပွားဖွယ်ရာလှုပ်ရှားမှုအမြင်များနှင့်ပတ်သက်၍ ၉၆၉ ခေါင်းဆောင်တစ်ဦးဖြစ်သူ မြနန်းဆရာတော် ဥူးသဓမ္မ ကိုလည်းကောင်း၊ ၉၆၉ ဆန့်ကျင်သူဘုန်းတော်ကြီး ဥူးပဏ္ဍ၀ံသ ကိုလည်းကောင်း ဧရာဝတီသတင်းဌာနမှ တွေ့ဆုံမေးမြန်းခဲ့သည်။

“ တိုင်းပြည်မငြိမ်သက်မှုနောက်ကွယ်၌ ၉၆၉ ရှိသည်ဆိုခြင်းမှာ အဓိပ္ပာယ်မဲ့စကား ဟူသည့်အမြင် ”

(မြနန်းဆရာတော် ဥူးသဓမ္မ နှင့် အင်တာဗျူး)

(မေး) ၉၆၉ လှုပ်ရှားမှု ဆိုတာ ဘာပါလဲ ?
(ဖြေ) ဗုဒ္ဓ၊ ဓမ္မ၊ သံဃ ဆိုတဲ့ ဗုဒ္ဓ၀ါဒရဲ့ယုံကြည်ချက်ဗဟိုစည်းမျဉ်း ရတနာသုံးပါး ဖြစ်တယ်။ ဗုဒ္ဓဘာသာဝင်တွေရဲ့ နှလုံးသားမှာ ဒီအချက်တွေ ရှိမနေယင် အယူဝါဒ ပျက်သုဉ်းတာပါဘဲ။ ၉၆၉ က ဒီသုံးချက်ကို ကိုယ်စားပြုတာ။ ဗုဒ္ဓ၀ါဒကိုယ်စားပြု ဂဏာန်းနံပါတ်ကို တီထွင်ထားရတာကတော့ ဗုဒ္ဓဘာသာဝင်အပေါင်း ရတနာသုံးပါးကို ဆင်ခြင်နှလုံးသွင်းနိုင်ရေးအတွက် နှိုးဆော်ချက်တစ်ရပ်၊ စိတ်မ၀င်စားသူများအကြား သာသနာပြန့်ပွားလာရေးအတွက် နှိုးဆော်မှုတစ်ခုသာဖြစ်တယ်။

(မေး) ၉၆၉ လှုပ်ရှားမှုက အချိန်ကာလ ဘယ်လောက်ကြာပါပြီလဲ ?
(ဖြေ) သာသနာပြန့်ပွားရေးအတွက် ဘုန်းဘုန်းလုပ်ကိုင်နေတာ တော်တော်ကြာပါပြီ။ ဒါပေမယ့် ၉၆၉ နဲ့ပတ်သက်ပြီး ခြောက်လပဲ ရှိပါသေးတယ်။ ဒါဟာ ရာနဲ့ချီတဲ့သံဃာတော်တွေကို ဗုဒ္ဓဓမ္မသင်ကြားပေးနေကြတဲ့ မော်လမြိုင်က ဓမ္မာစရိယ ဆရာတော်တွေဆီက မြစ်ဖျားခံပေါက်ဖွား လာခြင်းဖြစ်တယ်။ တွေ့ဆုံဆွေးနွေးမှု အကြိမ်ကြိမ်ပြုလုပ်ပြီးတဲ့နောက် ဒီလုပ်ငန်းစဉ်ကို စတင်ခဲ့ကြတယ်။

(မေး) ဒီလုပ်ငန်းစဉ်ကို မွတ်စ်လင်မ်ဆန့်ကျင်ရေးလို့ ကျယ်ကျယ်ပြန့်ပြန့်လက်ခံထားကြတယ်။ ဒါနဲ့ပတ်သက်လို့ တစ်စုံတစ်ရာ မှတ်ချက်ပေးမိန့်ကြားလိုတဲ့အချက်များ ရှိပါသလား ?
(ဖြေ) ဒါက ထင်ယောင်ထင်မှားကိစ္စသာဖြစ်ပါတယ်။ အခြားဘာသာတရားတွေကို အလိုမရှိကြောင်း ပြောဆိုချက်ဟာ ဘုန်းဘုန်းတို့နဲ့ ဘာမှမသက်ဆိုင်ပါဘူး။ ဘုန်းဘုန်းတို့က ဗုဒ္ဓဘာသာအတွက် အလုပ်လုပ်ခြင်းသာဖြစ်တယ်။ ဘုန်းဘုန်းတို့လုပ်ကိုင်ဆောင်ရွက်မှုအပေါ် လူထုက အမြင်အမျိုးမျိုးဖြစ်နိုင်ပါတယ်။ တခြားဘာသာတရားတွေကို အနိုင်ယူဖို့ ဘုန်းဘုန်းတို့ လုပ်နေတာမဟုတ်ဘူး၊ မိမိဘာသာတရားကို ခိုင်မာအောင်ပြုလုပ်နေခြင်းသာဖြစ်တယ်။

(မေး) မွတ်စ်လင်မ်ဆန့်ကျင်ရေး လတ်တစ်လောအကြမ်းဖက်မှုတွေကိုကြည့်ယင် ဖျက်ဆီးခံအဆောက်အဦနံရံတွေမှာ ၉၆၉ သင်္ကေတတွေကို ဆေးမှုတ်ရေးသားထားတွေ့ရတော့ ဒီအကြမ်းဖက်မှုနောက်ကွယ်မှာ ၉၆၉ တည်ရှိနေတာလား ?
(ဖြေ) ဒီအမှတ်သင်္ကေတကို လူတွေဘယ်လိုအသုံးချကြသလဲဆိုတာ ဒကာတို့ သတိထားအပ်တယ်။ လူတစ်ချို့ဟာ မိမိတို့အရေးကိစ္စအတွက် ဒါကို ခုတုံးလုပ်အသုံးချတာ ဖြစ်ကောင်းဖြစ်နိုင်တယ်။ ဒါပေမယ့် ဘုန်းဘုန်းတို့ ရည်ရွယ်ချက် ပန်းတိုင်က အဲ့ဒါမျိုး မဟုတ်ဘူး။ မော်လမြိုင်က ၉၆၉ စတင်မြစ်ဖျားခံလာပုံကို ထပ်ပြီး အသိပေးပါရစေ။ အကယ်၍ ဘုန်းဘုန်းတို့ဟာ ဒီပဋိပက္ခတွေဖြစ်လာဖို့ ကြံစည်ခဲ့မယ်ဆိုယင် မော်လမြိုင်ဟာ ပထမဆုံးပစ်မှတ်ဖြစ်နေမှာပေါ့။ ဘုန်းဘုန်းတို့ ၉၆၉ တရားပွဲပြုလုပ်ခဲ့တဲ့ မြန်မာပြည်တောင်ပိုင်းနဲ့ဧရာဝတီမြစ်ဝကျွန်းပေါ်ဒေသတွေမှာ ဘာသာရေးပဋိပက္ခဖြစ်တဲ့ သတင်းတစ်စုံတစ်ရာမှ မရရှိသေးပါဘူး။ ဒီအချက်တွေကိုကြည့်ယင် လူအချို့က ဒီအမှတ်သင်္ကေတကို တလွဲအသုံးချနေတယ်လို့ သုံးသပ်နိုင်ပါတယ်။

(မေး) တကယ်လို့ ဒီသင်္ကေတကို လူထုက တလွဲအသုံးချတယ်ဆိုယင် သူတို့နဲ့ပတ်သက်ပြီး ဘာများ မိန့်ကြားလိုတာ ရှိပါသလဲ ?
(ဖြေ) ရတနာသုံးပါးဟာ လူတွေရဲ့အသိစိတ်ထဲကို ငြိမ်းချမ်းမှုစီးဆင်းစေတဲ့ ရေအလား ဖြစ်ပါတယ်။ ဘုန်းဘုန်းတို့ဟာ ရေတိုက်ကျွေးသူများနဲ့တူပါတယ်။ ဒီအရာထဲ လူအချို့ အဆိပ်ခပ်ခြင်းကိစ္စက ဘုန်းဘုန်းတို့နဲ့ ဘာမှမပတ်သက်ပါဘူး။ သူတို့ဟာ တလွဲအသုံးချနေတယ်လို့ဘဲ ဆိုရမှာဖြစ်တယ်။ သူတို့ရဲ့မိုက်မဲမှုကို ပြစ်တင်ရှုတ်ချရမှာဖြစ်တယ်။ ဒီအမှတ်သင်္ကေတကို လွဲမှားစွာအသုံးချခြင်းက ဘာသာရေးအရ မမှန်ကန်ဘူး။ မိမိတို့ရဲ့ ကိုယ်ကျိုးအတွက် ဘာသာရေးကို ခုတုံးမလုပ်ကြဖို့ သတိပေးလိုပါတယ်။ သူတို့ဟာ ရလဒ်ဆိုးနဲ့ အဆုံးသတ်သွားပါလိမ့်မယ်။

(မေး) ဒီလှုပ်ရှားမှုကနေ ဘာသာရေးဆိုင်ရာပဋိပက္ခများ ဖြစ်လာနိုင်တယ်လို့ စဉ်းစားခဲ့ဖူးပါသလား ?
(ဖြေ) ရိုးရိုးသားသားဆိုရယင်တော့ မတွေးမိခဲ့ဖူးပါဘူး။ ယောင်လို့တောင် မစဉ်းစားမိဖူးပါဘူး။ ကနဦးက ဖော်ပြထားတဲ့ အတိုင်း ဘုန်းဘုန်းတို့က (တရား)ရေအေးတိုက်ကျွေးသူတွေပါ။ မကောင်းတဲ့အကျိုးဆက်ဖြစ်ရပ်ကြောင့် ဟောပြောခွင့် ပိတ်ပင်မယ်ဆိုယင်တော့ ဥာဏ်အမြော်အမြင်မရှိဘူးလို့ ဖော်ပြရာရောက်နေပါတယ်။ မတည်ငြိမ်မှုအတွင်း ဖြစ်ပျက်ခဲ့တဲ့ အရာတွေဟာ မဖြစ်သင့်မဖြစ်အပ်တဲ့အရာတွေလို့ဘဲ ဆိုရပါလိမ့်မယ်။

(မေး) ၉၆၉ တရားပွဲတွေမှာ ဗုဒ္ဓဘာသာဝင်တွေကို ဗုဒ္ဓဘာသာဝင်ရဲ့ဆိုင်တွေမှာသာဝယ်ယူကြဖို့ တိုက်တွန်းနေကြတယ်။ ဒါဟာ ချိုးနှိမ်မှုလုပ်ရပ်လို့ မထင်မြင်မိဘူးလား ?
(ဖြေ) ဘာသာခြားတွေနဲ့အရောင်းအ၀ယ်မလုပ်ရဘူးလို့ ဘုန်းဘုန်းကတော့ ဟောပြောခဲ့တာမျိုး မရှိဘူး။ ဗုဒ္ဓဘာသာဝင်တွေအချင်းချင်း ကူညီရိုင်းပင်းကြဖို့ဘဲ အားပေးခဲ့တယ်။ တခြားဘာသာဝင်တွေက သူတို့အချင်းချင်းရဲ့ စီးပွားရေးလုပ်ငန်းတွေကိုသာ အားပေးကြဖို့ မကြာခဏ ရှေ့တန်းတင်နေလေတော့ ဘုန်းဘုန်းတို့လည်း ကိုယ့်ဘာသာဝင်အချင်းချင်းရဲ့စီးပွားရေးကို အားပေးကူညီမှု မပြုအပ်ပေဘူးလား။ တကယ်လို့ သူတို့(မွတ်စ်လင်မ်တွေ) မှာ ဒီစည်းမျဉ်းမျိုး အမှန်တကယ်ရှိနေတယ်ဆိုယင် ဘုန်းဘုန်းတို့လည်း ဗုဒ္ဓဘာသာတည်တံ့ဖို့ ကိုယ်ပိုင်စည်းမျဉ်းကို ပြုလုပ်ကြရမှာပါဘဲ။

(မေး) ဗုဒ္ဓ၀ါဒက အန္တရာယ်ရှိတဲ့အနေအထားကို ကျရောက်နေပြီလား ?
(ဖြေ) မြန်မာနိုင်ငံဟာ ထေရ၀ါဒဗုဒ္ဓဘာသာ အထွန်းကားဆုံး တစ်ခုတည်းသောတိုင်းပြည်ဖြစ်တယ်။ ဗုဒ္ဓဘာသာဝင်တွေက ဘာသာအယူဝါဒကို စိတ်ဝင်စားမှုလျော့နည်းလာတာနဲ့အမျှ ဘုန်းဘုန်းတို့သာသနာဟာလည်း အန္တရာယ်အနေအထားကို ရောက်ရှိသွားနိုင်တယ်။ ဒါကြောင့် လူတွေကို ဘာသာရေးမှာ ပိုမိုစိတ်အားထက်သန်လာစေဖို့ ဘုန်းဘုန်းတို့ ကြိုးစားဆောင်ရွက်နေခြင်းဖြစ်တယ်။

(မေး) ၉၆၉ ဟာ အမြင်ကျဉ်းအစွန်းရောက်တဲ့ ဘာသာရေးလှုပ်ရှားမှုဖြစ်တယ်လို့ဆိုနေသူများအပေါ် ဘယ်လိုတုန့်ပြန်မိန့်ကြားလိုပါသလဲ ?
(ဖြေ) ဘုန်းဘုန်းတို့ရဲ့လုပ်ငန်းစဉ်ကို အနီးကပ်မလေ့လာဘဲ ပြောဆိုနေကြသူတွေသာဖြစ်တယ်။ ဒီလှုပ်ရှားမှုဟာ ပညာရှိဘုန်းတော်ကြီးများကနေ ဦးဆောင်နေတဲ့အတွက် ကျဉ်းမြောင်းတဲ့ဘာသာရေးအယူအဆအတွေးအမြင် မဟုတ်ဘူး၊ အလွန်အမြော်အမြင်ကြီးတဲ့အရာလို့ ရဲရဲဝံ့ဝံ့ မှတ်ယူနိုင်ပါတယ်။ ပေးခဲ့တဲ့ဥပမာအတိုင်း ဘုန်းဘုန်းတို့ဟာ ရတနာသုံးပါးဆိုတဲ့ (တရား)ရေအေးတိုက်ကျွေးသူများသာဖြစ်ကြောင်း ကမ္ဘာသိအောင် ပြောကြားလိုပါတယ်။ အခြားဘာသာတရားတွေကို အလိုမရှိကြောင်း ပြောဆိုချက်ဟာ ဘုန်းဘုန်းတို့နဲ့ ဘာမှမသက်ဆိုင်ပါဘူး။ ဘုန်းဘုန်းတို့က ဗုဒ္ဓဘာသာအတွက် အလုပ်လုပ်ခြင်းသာဖြစ်တယ်။

၉၆၉ နှင့် ပတ်သက်ပြီး တရားပွဲ ရုပ်သံမှတ်တမ်းများ ကြည့်ရှု့ရန်

http://www.youtube.com/watch?v=viFU8KvvNYI&list=PLrN3vEHYCFKLVqhj_q2JJEDw6nYSNvQa0&index=1

ကရင်ပြည်နယ်က ၉၆၉ လှုပ်ရှားမှု ဖြစ်စဉ်တွေထဲက တခု

“ ရဟန်သံဃာဘုန်းတော်ကြီးများ အသုံးချခံနေရသည် ဟူသော အမြင် ”

(ဆရာတော် ဥူးပဏ္ဍ၀ံသ နှင့် အင်တာဗျူး)

(မေး) ၉၆၉ လှုပ်ရှားမှုအပေါ် ယုံကြည်မှု ရှိပါသလား ?
(ဖြေ) လုံးဝ အယုံအကြည် မရှိပါဘူး။ တကယ်လို့ ဒီလှုပ်ရှားမှုက တရားနှလုံးသွင်းဖို့ ဒါမှမဟုတ် ဗုဒ္ဓသာသနာတော် ပြန့်ပွားဖို့သာဆိုယင် သိပ်ကောင်းတာပေါ့။ ဒါပေမယ့် အခု ဘာဖြစ်လာသလဲ။ လူတစ်ချို့က ၉၆၉ ကို အကာအကွယ်တစ်ခုအဖြစ်အသုံးပြုပြီး ဘာသာရေးတိုက်ခိုက်မှုတွေကို အရှိန်မြှင့်တင်လာတယ်၊ လူမျိုးရေး ဘာသာရေး ပဋိပက္ခဖြစ်ပွားလာအောင် ဖန်တီးနေကြတယ်။ ဒါဟာ (သူတို့ပြောတဲ့) မူလလမ်းစဉ်ကနေ သွေဖည်နေတာပါဘဲ။ ကမ္ဘာပေါ်မှာ ဘာသာတရားကြီးလေးခု တည်တံ့နေဆဲပါ။ Globalization ခေတ်မှာ မိမိဘာသာတရားအကျိုးအတွက် တခြားဘာသာတရားကို ဆန့်ကျင်ချိုးနှိမ်ဖို့ လူတွေကို တွန်းအားပေးခြင်းက အဓိပ္ပာယ် မရှိပါဘူး။ ဒီအတွေးအမြင်ဟာ ဒီမိုကရေစီကူးပြောင်းရေးနည်းစဉ်နဲ့လည်း လမ်းချော်သွားစေပါတယ်။ ကမ္ဘာ့လူ့အခွင့်အရေးကို လက်မခံအောင် တားဆီးရာလည်း ရောက်နေပါတယ်။ ထေရ၀ါဒဓမ္မစည်းမျဉ်းအရ ဘုန်းဘုန်းတို့ဟာ ဗုဒ္ဓဘုရားရှင်ရဲ့ သွန်သင်မှုအဆုံးအမကိုသာ လိုက်နာရမှာဖြစ်တယ်။ လက်ရှိ ၉၆၉ လှုပ်ရှားမှုခေါင်းဆောင်တွေရဲ့စကားတွေလို ဗုဒ္ဓမြတ်စွာ ဟောကြားခဲ့တာမျိုး အလျဉ်း မရှိခဲ့ပါဘူး။

(မေး) ဗုဒ္ဓဘုရားရှင်ဟာ ဗုဒ္ဓဘာသာကိုသာလျှင် ဗုဒ္ဓဘာသာဝင်များက ကျားကန် ကူညီပေးရမယ်လို့ ဟောကြားခဲ့ပါသလား ?
(ဖြေ) လုံးဝ မရှိခဲ့ပါဘူး။ ဗုဒ္ဓဘုရားရှင်မှာ အယူကွဲပြားတဲ့ ပြိုင်ဖက်များစွာရှိခဲ့ပေမယ့် သူတို့ကို ဆန့်ကျင်တဲ့တရား မဟောကြားခဲ့ပါဘူး။ အလွန်ကျော်ကြားလူသိများတဲ့ ဖြစ်ရပ်တစ်ခုရှိခဲ့ပါတယ်။ ဗုဒ္ဓကိုယ်တော်ရဲ့ပြိုင်ဖက်တစ်ဦးကို ကူညီကျားကန်ပေးတဲ့ သူကြွယ်တစ်ဦးရှိခဲ့တယ်။ ဒါပေမယ့် ဗုဒ္ဓဘုရားရှင်ရဲ့တရားကိုနာကြားပြီးတဲ့နောက်ပိုင်းမှာ အဆင့်မြင့် ရဟန္တာတစ်ပါး ဖြစ်သွားခဲ့ပါတယ်။ ဒီအခြေအနေမှာတောင်မှ ဗုဒ္ဓကိုယ်တော်က သူ့ကို မိမိရဲ့မိတ်ဆွေရောင်းရင်းဟောင်းတွေအပေါ် ဆက်လက်ကူညီသွားဖို့ မိန့်ကြားခဲ့တယ်။ အခြားဘာသာတရားတွေကို ဆန့်ကျင်ဖို့ ဗုဒ္ဓဘုရားရှင်က မိမိသားတော်သာဝကတွေကို သွန်သင်မှု အလျဉ်းမရှိခဲ့ကြောင်း ဒီအချက်က ပြသနေပါတယ်။ ရဟန်းသံဃာတွေက ၉၆၉ လှုပ်ရှားမှုကို ရှေ့တန်းကဦးဆောင်နေပေမယ့် မိမိတို့စကားကြောင့် ပျက်ရာပျက်ကြောင်းဖြစ်ပေါ်လာစေဖို့ ရည်ရွယ်ချက်ရှိပုံမရပါဘူး။ သူတို့ဟာ တိုင်းပြည်ကို မငြိမ်မသက်ဖြစ်ပွားစေလိုတဲ့ လူတစ်ချို့ရဲ့ ဓားစားခံများသက်သက် ဖြစ်နေတာပါ။

(မေး) အသုံးချခံနေရတယ်လို့ဆိုယင် အသုံးချသူက ဘယ်သူပါလဲ ?
(ဖြေ) ဘုန်းဘုန်းအနေနဲ့ သိနိုင်ဖို့ အလှမ်းဝေးပါတယ်။ သို့သော်လည်း လက်ရှိအကြမ်းဖက်နေတဲ့ပုံစံကို လေ့လာကြည့်ယင် အကြမ်းဖက်သမားတွေဟာ စံနစ်တကျကြိုတင်ပြင်ဆင်ထားတယ်၊ ပြီးတော့ သူတို့နောက်မှာ ကြိုးကိုင်သူရှိနေတာကိုတော့ ငြင်းလို့မရနိုင်ပါဘူး။ မွန်ပြည်နယ်ထဲမှာ ဟောပြောထားတဲ့ ၉၆၉ ဒီဗီဒီခွေပေါင်း သုံးသောင်းကျော်ကို ရန်ကုန်မြို့ထဲ ဖြန့်ဝေခဲ့ကြတယ်။ ဒါဟာ အလွန်များပြားတဲ့ပမာဏအထိ ဖြန့်ချိနိုင်အောင် တာဝန်ယူကျားကန်ပေးသူ(sponsor) ရှိကြောင်း ခိုင်လုံတဲ့အထောက်အထားပါဘဲ။ ဖြစ်နိုင်စရာ အမျိုးမျိုးရှိပါတယ်။ စစ်အာဏာရှင်ဟောင်းတွေနဲ့အလွမ်းသင့်ခဲ့တဲ့ ခရိုနီတွေလား ဒါမှမဟုတ် ပြုပြင်ပြောင်းလဲမှုကို အလိုမရှိကြတဲ့အတွက် တိတ်တဆိတ် ငွေကြေးထောက်ပံ့ပေးနေသူတွေလား – ဘယ်သူသိနိုင်မလဲ ။

(မေး) ရဟန်းသံဃာဘုန်းတော်ကြီးများက မွတ်စ်လင်မ်ဆန့်ကျင်ရေးလုပ်ဖို့ ဟောပြောနေတာကို ဘယ်လိုမြင်ပါသလဲ?
(ဖြေ) သူတို့လုပ်ရပ်တွေဟာ နိုင်ငံတော်လက်အောက်ခံ သံဃာ့မဟာနာယကအဖွဲ့က ထုတ်ပြန်ထားတဲ့ ညွှန်ကြားချက်များနဲ့ ဆန့်ကျင်နေတာတော့ အမှန်ပါဘဲ။ ဘုန်းဘုန်း မနှစ်မြို့တဲ့အချက်တစ်ခုရှိတယ်။ တရုတ်ပြည်ရဲ့ လက်ပံတန်းတောင်ကြေးနီစီမံကိန်းအပေါ် ရဟန်းသံဃာအပါအ၀င် ဆန္ဒပြကြသူတွေကို အစိုးရက အလွန်အကျွံ အင်အားသုံးဖြိုခွဲခဲ့တယ်။ မွတ်စ်လင်မ်တွေကို သူတို့မျက်စေ့ရှေ့မှောက်မှာ ရိုက်နှက်၊ သတ်ဖြတ်၊ မီးလောင်တိုက်သွင်းနေတဲ့ကိစ္စကျတော့ အကြမ်းဖက်သမားတွေကို တားဆီးဖို့ သေနတ်တစ်ချက်မှ မဖောက်ခဲ့ကြဘူး။ ဒါဟာ တကယ့်ကို စိတ်ထဲမတင်မကျခံစားနေရတယ်။ နောက်တစ်ဖက်ကျပြန်တော့လဲ ၉၆၉ ဘုန်းကြီးတွေရဲ့ ဟောပြောမှုတွေက လူ့အဖွဲ့အစည်းကြီးနှစ်ခုအကြား ငြိမ်းချမ်းစွာအတူယှဉ်တွဲနေထိုင်ဖို့ ပိုပြီး အခက်တွေ့လာစေတယ်။ ဘုန်းတော်ကြီးတစ်ချို့ကို ဒီမိုကရေစီတရား မဟောပြောဖို့၊ ဒေါ်အောင်ဆန်းစုကြည်ကို လူရှေ့ထွက် မိန့်ခွန်းမဆိုဖို့ တစ်ချိန်က သူတို့ပဲ တားမြစ်ပိတ်ပင်ခဲ့ကြတယ်။ ဒီကာလမှာကျတော့ သူတို့က ဘာလို့ အလားတူ အရေးယူမှုမျိုး မလုပ်ကြတာလဲ ?

(မေး) ၉၆၉ လှုပ်ရှားမှု အထူးရေပန်းစားလာရတာ ဘာကြောင့်လို့ထင်ပါသလဲ ?
(ဖြေ) အာဏာပိုင်တွေက လိုအပ်တဲ့ အရေးယူဆောင်ရွက်မှု မလုပ်ကြလို့ ဖြစ်ပါတယ်။ ဒါ့အပြင် မြန်မာအများစုဟာ သဘောထားကြီးနားလည်မှုရှိနေကြပေမယ့် မွတ်စ်လင်မ်ဆန့်ကျင်ရေးလှုပ်ရှားမှုတွေကို မလှန်နိုင်တာလဲ ပါတယ်။ ဒါဟာ ဘာနဲ့အလားသဏ္ဍာန်တူနေလဲဆိုတော့ တစ်ချိန်တုန်းက စစ်တပ်မကောင်းကြောင်းပြောတဲ့သူ မည်သူ့ကိုမဆို ဒို့တစ်တွေ လှိုက်လှိုက်လှဲလှဲ ထောက်ခံခဲ့တဲ့ ပုံဟန်မျိုးပါဘဲ။

(မေး) အကြမ်းဖက်မှု မကျယ်ပြန့်လာအောင် အစိုးရက မတားမြစ်မဆောင်ရွက်နိုင်ခဲ့တာ ဘာကြောင့်ပါလဲ ?
(ဖြေ) အကြမ်းဖက်မှု ဒီလောက်ကျယ်ပြန့်လာလိမ့်မယ်လို့ သူတို့မတွေးမိတာ ဖြစ်ကောင်းဖြစ်ပါလိမ့်မယ်။ ၉၆၉ ကို ကြပ်မတ်ကိုင်တွယ်မှု မပြုခဲ့တာလည်း ဖြစ်နိုင်ပါတယ်။ သမ္မတကြီးက နိုင်ငံတော်မတည်ငြိမ်မှုကို နည်းလမ်းပေါင်းစုံနဲ့ ကာကွယ်ကြဖို့ မေတ္တာရပ်ခံလင့်ကစား အချို့အာဏာပိုင်များက အဲ့ဒီကဏ္ဍကို အစီအစဉ်ချမှတ်ဆောင်ရွက်ဖို့ နေနေသာသာ ၊ ပြောင်ပြောင်တင်းတင်း လျစ်လျူရှုနေတာကတော့ အလွန်စိတ်ပျက်စရာကောင်းလှပါတယ်။ အထက်က အမိန့်ကို စောင့်ဆိုင်းနေပါတယ်ဆိုတဲ့ ဆင်ခြေကိုဘဲ တစိုက်မတ်မတ် ပေးနေကြတယ်။ တိုတိုပြောရယင် အစိုးရရဲ့ တလွဲတချော် စီမံခန့်ခွဲကိုင်တွယ်မှုကို အပြစ်တင်ရမှာဖြစ်ပါတယ်။

( ၂၀၁၃ ခုနှစ်၊ ဇွန်လထုတ် ဧရာဝတီမဂ္ဂဇင်း မှ Two Sides of the Sangha ဆောင်းပါးကို ‘သာကီထက်ကောင်း’ မြန်မာလိုဆီလျော်အောင်ပြန်ဆိုခြင်းဖြစ်သည်)

June 20, 2013
“အချစ်ဂျီဟဒ်” ရဲ့ နောက်ဆက်တွဲ စာမျက်နှာများ (By ငြိမ်းချမ်းအေး)

“အချစ်ဂျီဟဒ်” ရဲ့ နောက်ဆက်တွဲ စာမျက်နှာများ

မိုးမခ မှ တဆင့်ကူးယူဖော်ပြသည်။

ငြိမ်းချမ်းအေး၊ ဇွန် ၁၈၊ ၂၀၁၃

“အချစ်ဂျီဟဒ်” စကားလုံး အစ

“အချစ်ဂျီဟဒ်” ဆိုတဲ့ အသုံး လွန်ခဲ့တဲ့ လေးငါးနှစ်လောက်က နိုင်ငံတကာ မှာ ထင်ထင်ရှားရှား ဖြစ်လာတယ်။ ဗမာပြည်မှာလည်း အလားတူ သဘောတရားတခု ခုနှစ်ပိုင်း ပို ခေတ်စားလာတယ်။ နိုင်ငံတကာမှာတော့ နာမည်ကို နားဝင်သာအောင် ပေးကြတယ်။ နောက်တမျိုးက ပိုတောင် ယဉ်သေးတယ်။ “ရိုမီယိုဂျီဟဒ်” တဲ့။ ဆိုလိုချင်တဲ့ အဓိပ္ပာယ် အနက် ကို ပို ပေါ်လွင် အားပါစေတဲ့ အသုံး ကျ “အချစ်ထောင်ခြောက်” တဲ့။ စာရေးသူ တို့ဆီမှာလည်း လှပါတယ်။ တခါတည်း ပေးလိုက်တာ ဒုတ်ထိုးအိုးပေါက် ကွက်ကွက်ကွင်းကွင်း “သားဖောက်သာသနာပြုခြင်း” ဆိုပဲ။ မြန်မာ စကားလုံး ရဲ့ လားရာ “Etymology” ကို စစ်ရင် နိုင်ငံတကာက အသုံးထက် ပိုတောင် ရှေးကျဦးမလား မသိဘူး။ စာရေးသူတော့ ကြားဖူးခဲ့တာ တော်တော်ကြာပေါ့။

စကားလုံးရဲ့ ပုံဖော်နိုင်မှု၊ တနည်းအားဖြင့် စကားလုံးရဲ့ အားက သိပ်ကောင်းတယ်။ ဒါကြောင့် အထက်မှာ လှတယ်လို့ သုံးလိုက်တာပါ။ ဒါပေမယ့် ကိုးကွယ်ယုံကြည်မှု ဘာသာတရား တခုခုနဲ့ ဆက်စပ်တဲ့ ကိစ္စကို ဆိုရာမှာ စကားလုံးရွေးချယ်မှုက အားကောင်းဖို့ထက် တဘက်သား နာခံသာပြီး ယဉ်ကျေးဖွယ်ရာဖြစ်ဖို့က ပိုအရေးကြီးတယ်။ ဒါ့အပြင် စွပ်စွဲချက်က မှန်နေရင် တော်သေးတယ်။ မမှန်ရင် တဘက်အုပ်စုက ပို အခံရခက်တာပေါ့။ ပြီးတော့ စကားလုံး အားကောင်းလေ လူအများကြား ဟုတ်နိုးနိုးနဲ့ ပို ယုံထင်ကြောင်ထင် ဒွိဟဖြစ်လေ၊ ပြဿနာပိုကြီးလေ၊ ရှင်းဖို့ခက်လေ နဲ့ နောက်ဆုံးတော့ တဘက်နဲ့ တဘက်နဲ့ မယုံသင်္ကာပိုဖြစ်၊ သံသယတွေ ပိုထားလာပြီး နောက်ဆုံး ပြင်းထန်တဲ့ ပဋိပက္ခတွေ အထိ ဖြစ်လာပြီး အရှည် မှာ ဖျောက်ဖို့ခက်တဲ့ ဒဏ်ရာအမာရွတ်တွေ မတူကွဲပြားတဲ့ လူအုပ်စု နှစ်ခုကြားမှာ ထင်ကျန်လာတော့တာပေါ့။

“မျိုးစောင့်ဥပဒေ” ထုတ်ပြန်လိုမှု ရဲ့ အကြောင်းရင်း

ခု ဗမာပြည်မှာ ဖြစ်ပေါ်လာတဲ့ အငြင်းပွားဖွယ် “မျိုးစောင့်ဥပဒေ” ထုတ်ပြန်လို မှု ရဲ့ အရင်းစစ်က ဒီ “အချစ်ဂျီဟဒ်” စကားလုံး (သို့) သီအိုရီ ကြောင့်လို့ ဆိုနိုင်တယ်။ Theory ဆိုတာထက် “Conspiracy Theory” ဆိုရင် ပိုမှန်မယ်။ အင်အားကြီးတဲ့ လူတစုက ရည်ရွယ်ချက်ရှိရှိ၊ အကွက်ကျကျ၊ လျှို့ဝှက်ကြံစည် နေမှု တခုခုကြောင့် ဖြစ်ရပ်တချို့ရဲ့ နောက်ကွယ်မှာ မနှစ်မြို့ဖွယ် အခြေအနေတခုခု ရှိနေတယ်ဆိုပြီး မှန်းဆ တွေးတော ကောက်ချက်တွေထုတ် ယုံကြည်နေမှု တခုခုလို့ ဆိုပါတော့။

ဗမာပြည်က “အချစ်ဂျီဟဒ်” (မြန်မာလို တွင်ကျယ်နေတဲ့ အသုံး “သားဖောက်သာသနာပြုခြင်း”) သီအိုရီ ဖြစ်စဉ်မှာ သတိပြုဖွယ်တခုက ဒီလို အသုံးမျိုးနဲ့ သဘောတူ (အလားတူ) နီးစပ် စကားမျိုး ကို အပြောခံ အုပ်စုဘက်ကပါ “အပြောင်အပြက်” ပြောလေ့ရှိတာပဲ။ စာရေးသူ ကိုယ်တိုင် မကြခဏ ဆိုသလို ကြားဖူးတယ်။ ဘာသာကွဲ နဲ့ လူငယ်ဘာသာ၊ ဘာဝ ချစ်၊ ကြိုက် မိရာက လက်ထပ်ဖို့ အထိ ဖြစ်လာရင် ဘာသာတူ လူငယ် သူငယ်ချင်း အချင်းချင်းကြား နောက်ပြောင်ရင်း “ကောင်းတာပေါ့..။ သာသနာပြုပြီးသားလည်း ဖြစ်တာပေါ့..။” လို့ “ပြက်ချော်ချော်” ပြောလေ့ရှိတာ သတိထာမိတယ်။ ဆင်ခြင်ဖွယ်ရာပါပဲ။ “အပြက်အပြက် နဲ့ နှာခေါင်းသွေးထွက်” ကိန်းဆိုက်တာပေါ့။ “အမှိုက်ကစ ပြဿဒ်မီးလောင်” ပြီး အခုတော့ ဘာသာကွဲတွေကြားမှာ တကယ် အမြင်မှား၊ ထိထိရောက်ရောက် စွပ်စွဲ၊ အရေးယူချင်စရာ ဖြစ်လာတော့တယ်။

လက်ထပ်ခြင်းဆိုင်ရာ မတူညီတဲ့ ထုံးတမ်းများ

ဒီ “အချစ် ဂျီဟဒ်” ရဲ့ အရင်းစစ်က အစွပ်စွဲခံ အုပ်စုတွေရဲ့ ဘာသာတရား အစ္စလာမ် ထုံးက လက်ထပ်ခြင်းဆိုင်ရာ ဓလေ့ကြောင့်လို့ ဆိုနိုင်မယ် ထင်တယ်။

အစ္စလာမ် သာသနာ ဟာ ပေါ်ထွန်းခဲ့တဲ့ ခေတ် အနေအထား၊ ပထဝီဝင် ဒေသ အခြေအနေကြောင့် အခြား ဘာသာကြီးတွေနဲ့ ယှဉ်ရင် လူမှုရေး၊ စီးပွားရေး၊ နိုင်ငံရေး (တိုင်းပြည် အုပ်ချုပ်ရေး) နဲ့ ပတ်သက်တဲ့ လမ်းညွှန်ချက်တွေကို ပိုပြီး တိတိကျကျ ဆိုသလို ပြဋ္ဌာန်း သတ်မှတ်ထားတယ်။ ဥပမာ – စီးပွားရှာရမှာ ဘာသာ ပေါ်ဦးစ ဒေသတွင်း ခေတ်အနေအထား ကြီးစိုးနေတဲ့ အတိုးကြီးစားမှု ကို ပပျောက်စေချင်တော့ အတိုးယူ စီးပွားရှာမှုကို ပြင်းပြင်းထန်ထန် တားမြစ်တာမျိုး၊ ကျွေးကျွန်တွေကို လွတ်ငြိမ်းချမ်းသာပေးတာမျိုး၊ အလုပ်သမား လုပ်ခ ကို ဘယ်လိုအချိန်၊ ဘယ်လိုပုံစံနဲ့ မျှမျှတတ ဘယ်လိုပေးရမယ် ဆိုတာမျိုး နဲ့ စီးပွားရှာရာမှ ရရှိတဲ့ အမြတ်ကို ဘယ်လို သုံးစွဲ၊ စုစောင်း၊ လှူဒါန်းမှုမျိုးပြုရမယ်ဆိုတာမျိုးတွေကို တိတိကျကျ လမ်းညွှန်တာမျိုး ကို ဆိုလိုတယ်။ ဒါကြောင့် ကိုးကွယ်ယုံကြည်မှု နဲ့ မဆိုင်တဲ့ လွတ်လပ်တဲ့ လေ့လာသူ နိုင်ငံတကာ ပညာရှင်တွေက အစ္စလာမ် အယူဝါဒ ကို စတင်ဖော်ထုတ်တဲ့ ခေါင်းဆောင် တမန်တော် မုဟမ္မဒ် ကိုဆိုရင် သြဇာကြီးမားလှတဲ့ လူမှုရေး ခေါင်းဆောင်၊ နိုင်ငံရေး ခေါင်းဆောင် အနေနဲ့ပါ သတ်မှတ်လေ့ရှိကြတယ်။

ဆိုချင်တာက အစ္စလာမ် ဘာသာဝင် မွတ်ဆလင်တွေ အတွက် လက်ထပ်ခြင်း နဲ့ ပတ်သက်လို့ တိတိကျကျ သတ်မှတ်ထားတဲ့ လမ်းညွှန်ချက်တွေရှိတယ်။ ဘာသာကွဲသူများ အကြား အိမ်ထောင်ပြုမှု (Mixed Marriage/Interfaith Marriage) အတွက်လည်း အတိအကျ ပြဋ္ဌာန်းထားတယ်။ တခြား ဘာသာကြီးတချို့မှာဆိုရင် ဒီလို သတ်မှတ်ချက်မျိုး အတိအကျရယ်လို မရှိဘူးလို့ ဆိုနိုင်တယ်။

ဥပမာ – ကမ္ဘာ့ ရှေးအကျဆုံး ဘာသာကြီးတခုဖြစ်တဲ့ ဟိန္ဒိူ ဘာသာယုံကြည်မှုအရဆိုရင် ဘုရားကို ရှာတဲ့ နေရာမှာ၊ တနည်းအားဖြင့် ပရမတ္တသစ္စာ (Absolute Truth) ကို ရှာရမှာ မရေမတွက်နိုင်တဲ့ ကွဲပြားတဲ့ လမ်းတွေ ရှိမယ်။ ဒါပေမယ့် ခရီးအဆုံးမှာ (နိဗ္ဗာန်မှာ) အားလုံးဟာ အတူတူပဲ လို့ ယူဆတဲ့ အတွက် ဟိန္ဒိူ တယောက် နဲ ဟိန္ဒိူ မဟုတ်သူ တယောက် အကြား မှာ အဓိပ္ပာယ် သတ်မှတ်ချက် ကွဲပြားမှု မရှိဘူး။ ဒါကြောင့် ကိုးကွယ်ယုံကြည်မှုဆိုတာ ပုဂ္ဂလိက အခွင့်အရေး နဲ့ ရွေးချယ်မှု သက်သက် ဖြစ်တယ်။ ကြိုက်တဲ့ လမ်းရွေး၊ ကြိုက်တာ ကိုးကွယ် ဆိုတဲ့ အယူအဆ အရ ဘာသာကွဲနဲ့ လက်ထပ်မှု ကို သတ်သတ်မှတ်မှတ် လမ်းညွှန်မှု ပြုမထားဘူး။

ခရစ်ယာန် ဘာသာ မှာ ဆိုရင်လည်း သမ္မာကျမ်းစာ ကို ဘုရားကျောင်းတော် (ဂိုဏ်း) တခုနဲ့ တခု အနက်ကောက်ရာမှာ မတူညီတဲ့ အတွက် ဘာသာကွဲ လက်ထပ်မှု ခွင့်ပြုတာ ရှိသလို၊ ပြင်းထန်တဲ့ အစုအဖွဲ့ တွေမှာလည်း တားမြစ်ထားတာ ရှိတယ်။ ဓမ္မသစ်ကျမ်းစာမှာ ယုံကြည်မှုမရှိသူ လင် (သို့) မယား ဟာ ယုံကြည်မှုရှိသူ မိမိ အိမ်ထောင်ဘက် မှ တဆင့် မြင့်မြတ်တဲ့ ကောင်းကင်ဘုံ (နိဗ္ဗာန်) ကို ရောက်နိုင်တယ် ဆိုတဲ့ သဘောမျိုးပါတဲ့အတွက် ယေဘုယျ သဘော ဘာသာကွဲနဲ့ လက်ထပ်ခြင်းကို ခွင့်ပြုတယ်လို့ ဆိုနိုင်တယ်။ ဒါပေမယ့် လက်ထပ်မှုပုံစုံ ဘယ်လို၊ ဘယ်ပုံ ဆိုပြီး အတိအကျ လမ်းညွှန်ထားမှုမျိုး မရှိဘူး။

(စကားချပ် – ကိုးကွယ်ယုံကြည်မှုတွေမှာ ဘာသာတူချင်းတောင်မှ ဂိုဏ်းအမျိုးမျိုးကွဲ၊ နေထိုင်၊ ကျင့်ကြံပုံ အမျိုးမျိုး ရှိပါတယ်။ ဆောင်းပါးပါ ရေးသားချက်မှာ ယေဘုယျ သဘောကိုသာ ဆိုလိုခြင်း ဖြစ်တယ်။)

ဗုဒ္ဓဘာသာ မှာ ဆိုရင်လည်း ကိလေသာ နဲ့ ဆက်စပ်တဲ့ အိမ်ထောင်သားမွေးပြုမှုဟာ ဘာသာတရားနဲ့ မပတ်သက်တာကြောင့် လက်ထပ်မှုအပြုဟာ ဘာသာရေးနဲ့ လုံးလုံး မသက်ဆိုင်တဲ့ ကိစ္စ “Pure Secular Affair” ဖြစ်တယ်။ ငါးပါးသီလ လို ကျင့်ဝတ် ဆိုင်ရာ လမ်းညွှန်ချက်တွေမှာ လိင်ပိုင်းဆိုင်ရာ မလျော်မကန် မပြုအပ်ဖို့ တားမြစ်ထားတဲ့ အချက် ရှိတယ်။ ဒါပေမယ့် အိမ်ထောင်မှုပြုခြင်း အတွက် သီးသန့် လမ်းညွှန်မှုမျိုးတော့ အတိအကျ မရှိဘူး။ ဒါဟာ ဗုဒ္ဓဘာသာ မှာ အိမ်ထောင်မှုပြုခြင်းကို ဆန့်ကျင်တယ်ဆိုတဲ့ သဘောမျိုးလည်း မဟုတ်ဘူး။ ဆန့်ကျင်ခြင်း၊ ကန့်သတ်ခြင်း မရှိသလို၊ တိတိကျကျ သတ်မှတ် ပြဋ္ဌာန်းထားပြီး လမ်းညွှန် အားပေးထားခြင်းမျိုးလည်း မရှိဘူး ဆိုတဲ့ သဘောသာ ဖြစ်တယ်။

ဒါပေမယ့် ယေဘုယျ ဆိုရရင် ဗုဒ္ဓဟာ ဆင်းရဲခြင်း ချုပ်ငြိမ်းရာ နိဗ္ဗာန်ရောက်ကြောင်း ညွှန်ကြားရာမှာ မွေးဖွား၊ ကြီးပြင်း၊ အို၊ နာ၊ သေ အားလုံးဟာ ဆင်းရဲခြင်း ချည်းပဲ ဆိုတဲ့ ဒုက္ခသစ္စာ အမှန်တရား ကို သိမြင် ရှုတတ်အောင် လမ်းပြခဲ့တဲ့အတွက် အိမ်ထောင်သားမွေးပြုခြင်းရဲ့ ဒုက္ခ ဆင်းရဲခြင်းကို ဟောကြားခဲ့တာတွေ ရှိတယ်။ အတိုဆိုရရင် ဗုဒ္ဓဘာသာဝင်တွေ အဖို့ လက်ထပ်ထိမ်းမြားခြင်းဟာ လောကီလူမှုကိစ္စသက်သက်၊ ဘာသာတရားနဲ့ လုံးလုံး မဆပ်စပ်ဘူးလို့ ဆိုလိုတယ်။

အစ္စလာမ် အယူဝါဒ မှာတော့ ဆိုခဲ့သလို အိမ်ထောင်ပြုမှုဆိုင်ရာအတွက် လမ်းညွှန်ချက်တွေ သီးသန့် ရှိတယ်။ ယေဘုယျ သဘောအရ မွတ်ဆလင် အမျိုးသမီးတွေကို ဘာသာကွဲနဲ့ လုံးလုံး လက်ထပ်ခွင့်မပေးဘူး။ အမျိုးသားတွေကိုတော့ ကျမ်းစာပါ အခြား ဘာသာ နှစ်ခု ဖြစ်တဲ့ ဂျူး နဲ့ ခရစ်ယာန် ဘာသာဝင် အမျိုးသမီးတွေနဲ့ လက်ထပ်ခွင့်ပေးတယ်။ သားသမီးကိုလည်း မွတ်ဆလင် အဖြစ်သာ ကြီးပြင်းစေရမယ်လို့ သတ်မှတ်ထားတယ်။

ဒီလို တိတိကျကျ သတ်မှတ်ထားမှု သဘောကြောင့် ဒါဟာ မွတ်ဆလင် ဘာသာဝင် အရေအတွက် တိုးပွားအောင် စနစ်တကျ ကြံဆောင်ထားခြင်းသာ ဖြစ်တယ် ဆိုပြီး ဆိုခဲ့တဲ့ “အချစ်ဂျီဟဒ်” သီအိုရီ ပေါ်လာခြင်း ဖြစ်တယ်လို့ ယူဆနိုင်တယ်။ မွတ်ဆလင် အမျိုးသားတွေဟာ မွတ်ဆလင် မဟုတ်တဲ့ အခြား ဘာသာဝင် အမျိုးသမီးတွေ၊ အထူးသဖြင့် လူမှု၊ စီးပွား တခုခု ချို့ယွင်း မှု ကြောင့် သိမ်းသွင်းဖို့ပိုလွယ် “Vulnerable“ ဖြစ်တဲ့ အမျိုးသမီးတွေကို ချစ်ခင်စုံမက်မှု အကြောင်းပြ လက်ထပ်ပြီး ဘာသာထဲကို သွတ်သွင်းကြရင်း သာသနာပြန့်ပွားအောင် လုပ်နေခြင်းဖြစ်တယ်ဆိုတဲ့ အယူအဆတရပ်၊ စွပ်စွဲမှုတရပ် ဘာသာမတူသူတွေကြားမှာ ဖြစ်လာတယ်။

အိန္ဒိယ ဖြစ်စဉ်

လွန်ခဲ့တဲ့ လေးငါးနှစ်လောက်က အိန္ဒိယ မှာ အစ္စလာမ် ဘာသာရေး အခြေခံဝါဒီ အုပ်စုတစုက ဦးစီးပြီး “အချစ်ဂျီဟဒ်” ဆင်နွှဲကာ သူတို့ ဘာသာဝင် အမျိုးသမီးငယ်တွေကို အစ္စလာမ်ဘာသာထဲကို သိမ်းသွင်းနေတယ်ဆိုပြီး ဟိန္ဒိူ နဲ့ ခရစ်ယာန် ဘုန်းကြီးတွေက စွပ်စွဲခဲ့ဖူးတယ်။ ဒီလို စနစ်တကျ နဲ့ လူပ်ရှားမှု “Campaign” ပုံ သဏ္ဌာန် ဆောင်ရွက်နေတဲ့ အစ္စလာမ် အခြေခံဝါဒီ အုပ်စုကိုလည်း နိုင်ငံခြားက အစ္စလာမ် အဖွဲ့အစည်းတွေကလည်း ငွေကြေးထောက်ပံ့ ကူညီပြီး အားပေးနေတယ်ဆိုပြီး တပါတည်း ဆိုလာခဲ့ကြတယ်။ ဒါကြောင့် အစိုးရနဲ့ တရားရေး အဖွဲ့တွေက ဒီကိစ္စ ကို တရားဝင် စုံစမ်းစစ်ဆေးမှုတွေ လုပ်ခဲ့ကြတယ်။ ပုဂ္ဂလိက တဦးချင်း ဆန္ဒ နဲ့ မိမိ ဇနီး၊ မယား ဘာသာခြားကို အဓမ္မ ဘာသာပြောင်းခိုင်းမှုတချို့ တွေ့ရှိခဲ့ပေမယ့် အဖွဲ့အစည်း ပုံစံ၊ ရည်ရွယ်ချက် ရှိရှိ ကျူးလွန်မှု ပုံစံ မျိုးနဲ့ စနစ်တကျ ကျယ်ကျယ်ပြန့် လုပ်တာမျိုး မတွေ့ရဘူးလို့ စစ်ဆေး ဖော်ထုတ်တွေ့ရှိချက်ကို သတင်းထုတ်ပြန်ခဲ့တယ်။ ဒါပေမယ့် စာနယ်ဇင်း တချို့က ဒီကိစ္စကို အလေးပေး ရေးသား ဆွေးနွေးနေဆဲ ဖြစ်တယ်။ အထူးသဖြင့် ဘာသာရေး အစွန်းရောက်တွေက မုန်းတီးမှု တွေ လူအများကြား ပြန့်နှံ့စေဖို့ အွန်လိုင်းမှာ အင်တိုက်အားတိုက် ဝါဒဖြန့်နေကြဆဲ ဖြစ်တယ်။ သာမန် ဘာသာရေး၊ လူမှုရေး အဖွဲ့အစည်းတွေကလည်း “အချစ်ဂျီဟဒ်” ကိစ္စ ဆက်လက် ထောက်ပြ၊ စုံစမ်းစစ်ဆေးအရေးယူဖို့၊ သူတို့ သမီးတွေ နဲ့ အိန္ဒိယ ကို ဟန်ဆောင် အချစ် “အချစ်ဂျီဟဒ်” စစ်ပွဲ မွတ်ဆလင်တွေက စနစ်တကျ ဆင်နွှဲနေတာကို ကာကွယ်ဖို့ တောင်းဆိုနေကြဆဲ ဖြစ်တယ်။

ယူကေ ဖြစ်စဉ်

ဗြိတိန် နိုင်ငံမှာလည်း အလားတူ စွပ်စွဲမှုမျိုး နိုင်ငံသား ဆစ်ခ်လူမျိုးစု အသိုင်းအဝန်းမှာ ဖြစ်ခဲ့ဖူးတယ်။ ဆစ်ခ် အမျိုးသမီးငယ် ပညာတတ် ကောလိပ် ကျောင်းသူလေးတွေဟာ မွတ်ဆလင်တွေရဲ့ ပစ်မှတ်ထား “အချစ်ထောင်ခြောက်” နဲ့ သိမ်းသွင်းခြင်းခံနေရတယ်။ နောက်ပိုင်းမှာ အဓမ္မ ဘာသာပြောင်းခံရမှုတွေ ကျယ်ကျယ်ပြန့်ပြန့် ဖြစ်နေတယ် ဆိုပြီး ဆစ်ခ် အသိုင်းအဝန်းမှာ စိုးရိမ်မှုတွေ ဖြစ်ပေါ်ခဲ့တယ်။ ဒါကြောင့် ၂၀၀၈ ခုနှစ်တုန်းက လိဒ်စ်တက္ကသိုလ် “လူမျိုးစု နှင့် လူမျိုးရေးခွဲခြားမှု လေ့လာရေး ဌာန” က ဦးစီးပြီး လွတ်လပ်တဲ့ ပညာရပ်ဆိုင်ရာ လေ့လာဆန်းစစ်မှု လုပ် စစ်ဆေး တွေ့ရှိချက်ကို အစီအရင် ခံစာ ထုတ်ခဲ့ဖူးတယ်။ လေ့လာချက်အရ ဆစ်ခ် အသိုင်းအဝန်းရဲ့ စိုးရိမ် စွပ်စွဲ မှုတွေဟာ အခြေအမြစ်မရှိဘဲ ချဲ့ကားပြောဆိုမှုတွေသာ ဖြစ်တယ် ဆိုတာ တွေ့ရှိခဲ့တယ်။ မွတ်ဆလင်တွေကို မကောင်းဆိုးဝါးတွေ အဖြစ် ယူဆနေတဲ့ အစ္စလာမ် အကြောက်၊ အမုန်း ရောဂါ (Islamophobia) ရဲ့ ပြဿနာ တရပ်သာ ဖြစ်တယ်ဆိုပြီး အဆုံးသတ် ကောက်ချက်စွဲ လူထု နဲ့ ဆစ်ခ် အသိုင်းအဝန်းကို ထုတ်ပြန် တင်ပြခဲ့ရဖူးတယ်။

ဗမာပြည် ဖြစ်စဉ်

ဆိုတော့ ဆိုလိုချင်တာက “အချစ်ဂျီဟဒ်” ပြဿနာ ဟာ နိုင်ငံတကာမှာလည်း စိုးရိမ်မှုတွေ၊ စွပ်စွဲမှုတွေ ရှိခဲ့တယ်။ မှန်ကန်တဲ့ အရေးယူ ဆောင်ရွက်မှုတွေလည်း ပြုခဲ့တယ်။ အခု ဗမာပြည်မှာလည်း ဒီ “အချစ်ဂျီဟဒ်” သဘောနဲ့ ဆက်နွယ်ပြီးတော့ လူအများကြား ကျယ်ကျယ်ပြန့်ပြန့်နဲ့ စဉ်းစား၊ ပြောဆို၊ ဆွေးနွေးလာကြသလို၊ ဘာသာရေးအစွဲကြီးသူ တချို့ကလည်း အွန်လိုင်း/ပြင်ပ နှစ်မျိုးစလုံးအနေနဲ့ ပြင်းပြင်းထန်ထန် ဝါဒဖြန့်ချီ လာကြတယ်။ ဘာသာရေး ပဋိပက္ခ ဖြစ်ပေါ်စေလိုသူတွေ၊ ခေတ်နောက်ပြန်ဆွဲသမားတွေ၊ အစွန်းရောက် ကျဉ်းမြောင်းသူတွေကလည်း နေရာတိုင်းမှာ ဘာသာမတူသူချင်းအကြား ပိုမို အထင်အမြင် လွဲမှားစရာ အဖြစ်အပျက်တွေကို ချဲ့ကား ဖော်ထုတ်ခြင်း၊ မမှန်အချက်အလက်များကို ပုံဖျက် ဖြန့်ဖြူးနေခြင်းဖြင့် လူအုပ်စု နှစ်စု အကြား အမုန်းတရား နဲ့ သံသယ ဟာ ဗမာ့ လူ့အဖွဲ့အစည်းအတွင်းမှာ ကျယ်ကျယ်ပြန့်ပြန့်၊ ထိထိရောက်ရောက် ပြန့်နှံ့ လာနေတယ်။ အခုနောက်ဆုံး လောကီရေးရာ နဲ့ အမြဲလိုလို ကင်းကင်းနေလေ့ရှိတဲ့ ဗုဒ္ဓဘာသာ သံဃာတော် အရှင်သူမြတ်များကပါ ဘာသာ၊ သာသနာအရေးအတွက် စိုးရိမ်သောက ရောက်လာပြီး “အချစ်ဂျီဟဒ်” ကို ကာကွယ်လိုမှု သဘော “မျိုးစောင့်ဥပဒေ” ထုတ်ပြန်လို မှု မျိုး ပုံစံ အထိ အဆိုတင်သွင်းလာကြတယ်။

ဗမာပြည် ဖြစ်စဉ်အတွက် ဦးစားပေး စတင် လုပ်သင့်တဲ့အရာ

ဒီလို ဗမာပြည်မှာ ဗုဒ္ဓ၊ ခရစ်ယာန်၊ ဟိန္ဒိူ နဲ့ အစ္စလာမ် မဟုတ်တဲ့ အခြားဘာသာဝင် အားလုံးထဲက အမျိုးသမီးငယ်လေးတွေ ဟာ မွတ်ဆလင်တွေရဲ့ ပစ်မှတ် သားကောင် အနေနဲ့ ဟန်ဆောင် အချစ် (သို့) ငွေကြေး နဲ့ မြူဆွယ် ဖြားယောင်းမှု ထောင်ခြောက် ဒဏ် ကို စနစ်တကျ ကျူးလွန် ခံနေရပြီး အဓမ္မ ဘာသာပြောင်းခြင်း ခံနေရတဲ့ ဖြစ်စဉ်မျိုး ဗမာပြည်မှာ တကယ် ကျယ်ကျယ်ပြန့်ပြန့် ရှိနေပါက အမှန်တကယ် လျစ်လျူရှုထားလို မရတဲ့ ပြဿနာ အကြီး ဖြစ်ကာ တကယ်လည်း အလေးထား အရေးယူ၊ ကာကွယ်မှု တခုခု ပြုလုပ်ရာမှာ အမှန်ဖြစ်တယ်။

ဒါပေမယ့် အခု သံဃာတော် များ ဆွေးနွေး ညှိနှိုင်းပြီး ထုတ်ပြန်ဖို့ ဆန္ဒ ရှိတဲ့ “မျိုးစောင့်ဥပဒေ” လို မျိုးနဲ့တော့ မဟုတ်ပါ။

ပထမဆုံးအနေနဲ့ ဖြစ်သင့်တာက နိုင်ငံတကာမှာ ဆောင်ရွက်သလို အစိုးရ၊ ဘာသာရေး နဲ့ လူမှုရေး အဖွဲ့အစည်းတွေ၊ ပညာရှင်တွေက ဦးစီးပြီး လွတ်လပ် ဘက်မလိုက် မျှတပြီး မြင်သာထင်သာရှိတဲ့ ပညာရပ်ဆိုင်ရာ စုံစမ်းစစ်ဆေးမှုမျိုး အရင် ပြုလုပ်ရပါမယ်။ ပြီးတော့ ထုတ်ဖော် တွေ့ရှိချက် ကို အများပြည်သူ နဲ့ နိုင်ငံတကာ၊ အထူးသဖြင့် ကမ္ဘာ့မွတ်ဆလင် အသိုင်းအဝန်း ကို မှန်မှန်ကန်ကန် အကျိုး/အကြောင်း အညီ ချပြရပါမယ်။

“အချစ်ဂျီဟဒ်” သီအိုရီဟာ လူအများ ထင်ယောင်မှားမှုလား၊ အစ္စလာမ် အမုန်းရောဂါ ရဲ့ ပြဿနာ နောက်ဆက်တွဲလား၊ ဒါမှမဟုတ် တကယ်ပဲ လက်တွေ့မှာ ကျယ်ကျယ်ပြန့်ပြန့် အနေနဲ့ကို ဗမာ့လူ့အဖွဲ့အစည်းက အမျိုးသမီးငယ်တွေ ခံစားနေရသလား ဆိုတာ မျှတတဲ့ စုံစမ်း စစ်ဆေးမှု မဖြစ်မနေ အရင်လုပ်ရပါမယ်။

ရှေးရိုးစွဲနဲ့ ဘာသာရေး အစွန်းရောက် အုပ်စုတွေ အွန်လိုင်းနဲ့ အပြင်မှာ လက်လွယ်စပယ်၊ လေဖမ်းဝါးလုံးတန်းချည် ပြောဆို၊ ရေးသား နေမှုမျိုး၊ အမှတ်တဝက် အမှားတဝက် ရောစွက် ပုံဖျက်ထားတဲ့ အချက်အလက်မျိုး၊ ဝါဒဖြန့် မှိုင်းတိုက်နေမှုမျိုးကို အခြေခံပြီး လုပ်လို့ မရပါ။ ဘက်မလိုက်၊ အစွဲကင်းတဲ့ အဖြေတခု ထွက်အောင် အရင် ရှာရပါမယ်။ ဒါမှ ပကတိ အခြေအမှန်ကို သိနိုင်ပါမယ်။

တကယ်လို့ “အချစ်ဂျီဟဒ်” ဖြစ်စဉ် အမှန်တကယ် ဖြစ်ပေါ်နေတယ်၊ ဒါမှမဟုတ် ဖြစ်ပေါ်လာနိုင်ဖို့ အလားအလာ ရှိတယ်၊ နောက်ဆုံး ယုတ်စွအဆုံး တကယ်မဖြစ်ပေါ်နေ၊ မဖြစ်ပေါ်နိုင်သော်ငြားလည်း အမျိုး၊ ဘာသာ၊ သာသာနာ ကို ကာကွယ်စောင့်ရှောက်လိုမှုသဘောနဲ့ အရေးယူ ဆောင်ရွက်မှုမျိုး၊ ဥပဒေပြူမှုမျိုး လုပ်ချင်တာဆိုရင်လည်း အခု သံဃာတော်များ ဆွေးနွေး အဆိုပြု ခဲ့တဲ့ “မျိုးစောင့်ဥပဒေ” သဘောမျိုးနဲ့တော့ ပြဿနာ အဖြေ မရှာနိုင်ပါ။

အထူးသဖြင့် “မြန်မာ ဗုဒ္ဓဘာသာဝင် အမျိုးသမီးများ လက်ထပ် ထိမ်းမြားခြင်းဆိုင်ရာ အရေးပေါ် ဥပဒေ (မူကြမ်း)” အဆိုပါ ထည့်သွင်းထားတဲ့ သဘောမျိုးနဲ့တော့ လုံးဝ အရေးယူမှု ပြုလို့ မရပါ။ ဘာ့ကြောင့် ဆိုတဲ့ အကြောင်းပြချက် နဲ့ ဖြစ်သင့်တဲ့ သဘောကို အောက်ပါ ဆွေးနွေးချက် (၁၁) ချက်မှာ ဆက်လက် ရှုပါ။

၁) ပုဂ္ဂလိက ဆန္ဒ နဲ့ အခွင့်အရေး ကို လေးစား အသိအမှတ်ပြုရမယ်။

အိမ်ထောင်သားမွေးပြုခြင်း (လက်ထပ်ခြင်း) နဲ့ လိင်ဆက်ဆံခြင်း ဆိုတာဟာ အရွယ်ရောက်ပြီး ကျား/မ လူသားတိုင်းအတွက် ကိုယ်ပိုင် အသိဉာဏ်၊ ပညာ နဲ့ ဆင်ခြင်ပြီး လွတ်လပ်စွာ ဆုံးဖြတ်ခွင့်ရှိတဲ့ တကိုယ်ရေ ပုဂ္ဂလိက ရွေးချယ်မှု၊ သဘော နဲ့ ဆန္ဒသာ ဖြစ်တယ်။

၂) အခြေတည် ပြီးသား ကောင်းမွန်တဲ့ ဓလေ့ထုံးကို ထိန်းသိမ်းရမယ်။

ဗမာ့ရိုးရာဓလေ့ နဲ့ ဗုဒ္ဓဘာသာ ဓလေ့ မှာ အိမ်ထောင်မှုပြုခြင်းကိစ္စဟာ အင်မတန် ရိုးရှင်း လွတ်လပ်ပြီး ဘာသာရေး လမ်းညွှန်ချက်တွေ၊ အဖွဲ့အစည်းတွေ အပြင် ဥပဒေရဲ့ တုန့်နှောင်မှု နဲ့ပါ လွတ်ကင်းပြီး (၂၁) ရာစု မျက်မှောက်ခေတ် လူ့အခွင့်အရေး စံနှုန်းတွေနဲ့ အံဝင်ပြီးသားလည်း ဖြစ်တယ်။ ဒါဟာ မိမိဓလေ့၊ ဘာသာထုံးရဲ့ အမြင်ကျယ်၊ သဘာထားကြီး၊ လူသားဆန်မှု နဲ့ လွတ်လပ်ခွင့် ကို ဖော်ပြရာရောက်တဲ့အတွက် ထိန်းသိမ်းရပါမယ်။

၃) ကျား/မ လိင် ခွဲခြားဆက်ဆံ ပြုမူခြင်းကို ဆန့်ကျင် ရှုတ်ချရမယ်။

အခု မူကြမ်း ဥပဒေ အဆိုပါ “မြန်မာ ဗုဒ္ဓဘာသာဝင် အမျိုးသမီးများ” လို့ ခေါင်းစဉ် တပ် ကန့်သတ်ခြင်းဟာ လူ့အခွင့်အရေး ကို ချိုးဖောက်ရုံမက ကျား/မ လိင် ခွဲခြားမှု ကို ဖြစ်စေတယ်။ အစ္စလာမ် လက်ထပ်ခြင်း ထုံးမှာလည်း အလားတူပဲလို့ ပြန်အကြောင်းပြချက် ပေးလိုသူများကို တခါတည်း စဉ်းစားနိုင်ဖို့ ဒီမှာ ရှင်းပါမယ်။ အစ္စလာမ် ဘာသာ နဲ့ ဘာသာဝင် မိတ်ဆွေများကို စော်ကားလိုစိတ် ရိုးသားစွာ မရှိပါ။ ဘာသာရေး ထုံးတမ်းတွေ အများစုဟာ ရှေးဟောင်း လူ့အဖွဲ့အစည်း ကို အခြေခံပြီး အဲဒီ ခေတ် လိုအပ်ချက်အရ သတ်မှတ်ခဲ့ခြင်း ဖြစ်တယ်။ ခေတ်သစ် ကမ္ဘာ (၂၁) ရာစု အတွေးအခေါ်၊ အဆင့်အတန်း ရေချိန် အရ ပြုပြင်ပြောင်းလဲသင့်တာကို ပြုပြင် ပြောင်းလဲဖို့လိုသလို တင်းကျပ်မှုတချို့ကို ဖြေလျော့ဖို့ လိုတယ်။ အစ္စလာမ်ထုံးပါ အမျိုးသားများကိုသာ ကွက်ပြီး ဘာသာကွဲနဲ့ လက်ထပ်လိုပါက ခွင့်ပြုခြင်းဟာ ကျား/မ လိင် ခွဲခြား၊ ဖိနှိပ်ဆက်ဆံခြင်း ဖြစ်တယ်။ မျက်မှောက် လူ့အဖွဲ့အစည်းအတွက် မသင့်တော်ပါ။

၎) မလေးရှား ဒီမိုကရေစီ ကို တုချင်ရင် အာဏာရှင်စနစ်သာ ကျင့်သုံးပါ။ ဒါမှမဟုတ် “Theocracy” စနစ် ကျင့်သုံးပါ။

မလေးရှားမှာလည်း အလားတူ သဘော ဥပဒေ ရှိတယ်လို့လည်း အခု အကြောင်းပြကြတယ်။ မလေးရှားဟာ ဘာသာရေးက နိုင်ငံတော်ရဲ့ မူဝါဒ နဲ့ လမ်းစဉ်တွေအပေါ် လွှမ်းမိုးမှုလုံးလုံးကင်းတဲ့ “Secular State” စစ်စစ် မဟုတ်ပါ။ ဘာသာရေး အစွန်းရောက်တွေ မများဘဲ အလယ်အလတ်ဝါဒီ အများစုလို့ ဆိုနိုင်သော်လည်း ဘာသာရေးထုံးတမ်း နဲ့ ရှေးရိုးစွဲ အမြင်၊ အလုပ်တွေ အများကြီး ရှိနေတယ်။ ဒါဟာ အတုယူစရာ မဟုတ်ပါ။

မလေးရှားဟာ ဒီမိုကရေစီနိုင်ငံလည်း အပြည့်အဝ မဟုတ်ပါ။ မလေးရှား ဒီမိုကရေစီလောက်ပဲ မှန်းနေရင် ဗမာပြည်မှာ အာဏာရှင်စနစ်သာ ဆက်လက် ကျင့်သုံးပါ။ ဒါမှမဟုတ် ဘာသာရေးအဖွဲ့အစည်း နဲ့ ခေါင်းဆောင်တွေကသာ တိုင်းပြည်ကို အုပ်ချုပ်တဲ့ “Theocracy” စနစ်ကို ကျင့်သုံးပါ။

ကမ္ဘာအနှံမှာ အထူးသဖြင့် မွတ်ဆလင်ကမ္ဘာ၊ အာရပ်ကမ္ဘာမှာ နိုင်ငံတော်ကို ဘာသာရေး ခေါင်းဆောင်တွေ ကြီးစိုးလို့ ဘယ်လို လူမှု၊ စီးပွား မတည်ငြိမ်မှုတွေ၊ ဖွံ့ဖြိုး တိုးတက်မှု နှေးကွေးနှောင့်နှေး၊ အောက်ကျနောက်ကျ နိုင်မှုတွေ ဖြစ်ခဲ့၊ ဖြစ်နေတယ် ဆိုတာကို ဗမာ့လူ့အဖွဲ့အစည်းက သင်ခန်းစာ ယူဖို့ပါ။ လိုက်လံ၊ အတုယူ ကျင့်သုံးပြီး တိုင်းပြည်ကို ခေတ်နောက်ပြန်ဆွဲခေါ်သွားဖို့ မဟုတ်ပါ။

၅) စင်္ကာပူလို လုပ်လို့မရ။ လက်ထပ်ခြင်း စံနှုန်းတွေဟာ အရပ်ဘက် ဥပဒေ အောက်မှာ ဘာသာအားလုံး အတူတူဖြစ်ရမယ်။

စင်္ကာပူမှာ အလားတူ ဥပဒေ ရှိတယ်ဆိုတာလည်း တကယ်တော့ အပြည့်အဝ မမှန်ပါ။ အစ္စလာမ် ဘာသာမှာ အထက်တနေရာမှာ တင်ပြခဲ့သလို လက်ထပ်ခြင်းအတွက် သီးသန့် ညွှန်းဆို ပြဋ္ဌာန်းထားချက်တွေ သီးခြားရှိတဲ့အတွက် စင်္ကာပူအစိုးရက သူတို့နိုင်ငံရဲ့ အစ္စလာမ်လူ့အဖွဲ့အစည်းကို သီးသန့် အခွင့်အရေးပေးတဲ့ အနေနဲ့ အစ္စလာမ် လက်ထပ်ထိမ်းမြားခြင်းဆိုင်ရာ ရုံး နဲ့ ဥပဒေ ခွဲထားခြင်းသာ ဖြစ်တယ်။ ဗမာပြည်မှာ အလားတူ သဘော မွတ်ဆလင်တွေအတွက် သီးခြား ထိမ်းမြားခြင်း ဆိုင်ရာ တရားရုံး နဲ့ ဥပဒေ ခွဲဖို့လည်း လုပ်လို့ မရပါ။

အကြောင်းက မယားပြိုင်ယူခွင့် (Polygyny) ကိုပါ အရပ်ဘက် ဥပဒေ (Civil Law) အရ မွတ်ဆလင် အသိုင်းအဝန်းအတွက် သီးသန့် စင်္ကာပူမှာ ခွင့်ပြုသလို ခွင့်ပြုရမှာ ဖြစ်လို့ ဖြစ်တယ်။ ဒါဟာ လုံးဝ မဖြစ်သင့်တဲ့ အရာ ဖြစ်တယ်။ လက်ရှိ ဗမာပြည် အရပ်ဘက် ဥပဒေမှာကို Polygamy (လင်ပြိုင်/မယားပြိုင်) ကိစ္စနဲ့ ပတ်သက်ပြီး ဗမာအမျိုးသမီးတွေဟာ တရားမျှတမှု မဲ့၊ အမျိုးသမီးအခွင့်အရေး ဆုံးရှုံးနေတယ်။ လက်ရှိ ဗမာပြည်မှာ ဥပဒေအရ လင်ပြိုင်ထားခြင်း (Polyandry) ကိုသာ အမျိုးသမီးများအပေါ် ကွက်တားမြစ်ထားပြီး အမျိုးသားများအတွက်တော့ မယားပြိုင်ယူခွင့် (Polygyny) တဘက်စောင်းနင်း ခွင့်ပြုထားတယ်။ ဒါကိုသာ ပြုပြင်ပြီး Polygamy (လင်ပြိုင်/မယားပြိုင်) ကို ညီတူညီမျှ ကန့်သတ်တားမြစ်တဲ့ ဥပဒေထုတ်ဖို့ ကြံဆောင်ရမှာ ဖြစ်တယ်။ ဒီလိုသဘောဟာ အရပ်ဘက် ဥပဒေ (Civil Law) နဲ့ တည်ရှိနေပြီး လူမျိုး၊ ဘာသာအားလုံး၊ နိုင်ငံသားအားလုံးအပေါ် တပြေးညီ သက်ရောက်ရမှာ ဖြစ်တယ်။

၆) အမျိုး/ဘာသာ/သာသာနာ နဲ့ အမျိုးသမီးငယ်တွေကို အမှန်တကယ် လက်တွေ့ အကျိုးရှိ ကာကွယ်နည်း

အမျိုး၊ ဘာသာ ကို ကာကွယ်ချင်သလား။ ဗမာမိန်းကလေးတွေကို လူမျိုး/ဘာသာခြားက ငွေနဲ့ သိမ်းသွင်းနေတာမျိုး ကို ကာကွယ်ချင်သလား။ ဘာသာရေးမုန်းတီးမှု မှိုင်းတိုက်နေတာတွေ ရပ်ပါ။ လူမျိုးရေး၊ ဘာသာရေး ပဋိပက္ခတွေ ဖြစ်ပေါ်စေနိုင်တဲ့ လူပ်ရှားမှု “Campaign” တွေ (မွတ်ဆလင်ဆိုင် ဈေးမဝယ်ရေးလိုမျိုး) ရပ်ပါ။ တိုင်းပြည်မှာ တည်ငြိမ်၊ အေးချမ်းပြီး လူမှု၊ စီးပွား ဖွံ့ဖြိုးတိုးတက်လာအောင် ဝိုင်းဝန်းပါ။ အထူးသဖြင့် တိုင်းပြည်ရဲ့ ရာခိုင်နှုန်းအများစု သူဆင်းရဲမိသားစုက ဗမာမိန်းကလေးတွေရဲ့ လူမှု-စီးပွား ဘဝတိုးတက်အောင်၊ ပညာရေးတိုးတက်အောင် ဆောင်ရွက်နိုင်ဖို့ ကြိုးစားပါ။ ဒါမှသာ ဗုဒ္ဓဘာသာ အပါအဝင် ဘာသာပေါင်းစုံ က နိုင်ငံသား မျက်နှာမွဲ လူ့ဆင်းရဲ အမျိုးသမီးငယ်လေးတွေ ငွေကြေး အလို့ငှာ ဘဝတွေ ပေးဆပ်နေရတာတွေ၊ ပြည်တွင်းနဲ့ နိုင်ငံခြားမှာ လိင်အလုပ်သမ အဖြစ် လုပ်ကိုင်နေရတာတွေ၊ လူကုန်ကူးခြင်း၊ အိမ်နီးချင်း တိုင်းပြည်တွေကို ဇနီး/မယား အဖြစ် ရောင်းစားခံနေရာတွေ ပပျောက်မှာ ဖြစ်တယ်။ “သားဖောက်သာသနာပြုနေတယ်” ဆိုတာကို အခု ဇောင်းပေးနေသူများ ဒီလို ကျယ်ပြန့်တဲ့ ရှုထောင့်ကနေကြည့်ပြီး အမှန်တကယ် စိုးရိမ်သင့်တဲ့ အခြေအနေ နဲ့ အကြောင်း ကို အကျိုး/အကြောင်းညီ စိုးရိမ်တတ်ပါ။

ဗမာပြည်က လူမျိုးစုံ/ဘာသာစုံ အမျိုးသမီးငယ်လေးတွေ လူမှု-စီးပွားအတွက် ဘဝတွေ ရေတိမ်နစ်နေတာကိုသာ စာနာမှုထားပြီး အမျိုးသမီးငယ်အားလုံး လူမှုဘဝ လုံခြုံမှုရအောင် ဖန်တီးပေးနိုင်တဲ့ လူမှု၊ စီးပွား၊ နိုင်ငံရေး နဲ့ ဥပဒေ အခင်းအကျင်းမျိုး၊ အသိုင်းအဝန်းမျိုး ဖန်တီးနိုင်ဖို့ ဝိုင်းဝန်းကြံဆပါ။ ပထမဆုံး လုပ်သင့်တဲ့ အလုပ်ကတော့ ဆိုခဲ့တဲ့ အတိုင်း ဘာသာ/လူမျိုး မတူသူတွေအကြေား အမုန်းတရား တိုးပွားအောင် မှိုင်းတိုက်နေမှုတွေကို ရပ်တန်းက ရပ်ပါ။

၇) “Theocracy” စနစ် ရဲ့ အန္တရာယ် ကို သတိပြုပါ။

ကိုလိုနီခေတ် လွတ်လပ်ရေးလှုပ်ရှားမှုတွေ စလို့ ခေတ်အဆက်ဆက် စစ်အာဏာရှင်စနစ်ဆန့်ကျင်ရေး လှုပ်ရှားမှုတွေမှာ ဗုဒ္ဓဘာသာ သံဃာတော် အရှင်သူမြတ်များ လှုပ်ရှားပါဝင်မှုသဘော၊ တိုင်းသူပြည်သား အတိဒုက္ခရောက်မှုကို သံဃာတော်တွေက ကူညီဖြေရှင်းပေးတဲ့ ပြည့်ဝတဲ့ သဘောကို စာရေးသူအနေနဲ့ လုံးဝထောက်ခံတယ်။ ဗမာ့လူမှုအသိုင်းအဝန်းမှာ သံဃာတော် တွေရဲ့ အရေးပါမှုသဘော၊ သြဇာ နဲ့ တန်ဖိုးကို စာရေးသူ အနေနဲ့ အပြည့်အဝ လေးစားတန်ဖိုးထား အသိအမှတ်ပြုတယ်။ ဒါပေမယ့် ဘာသာရေး အဖွဲ့အစည်းတွေ၊ ကျောင်းတော်တွေ နဲ့ ခေါင်ဆောင်တွေက တိုင်းပြည်ရဲ့ အုပ်ချုပ်ရေး၊ ဥပဒေပြုရေး၊ တရားစီရင်ရေး၊ ပညာရေး စနစ် စတဲ့ အဓိက အရေးပါတဲ့ မဏ္ဍိုင်ကြီးတွေမှာ လွှမ်းမိုး နေရာယူလာမှာမျိုးကို လုံးဝ လက်မခံပါ။ ဒါဟာ တိုင်းပြည်မှာ လူမှုမတည်ငြိမ်မှုတွေ ဖြစ်စေတဲ့ အကြောင်းရင်း ဖြစ်တယ်။

“Democracy Vs Theocracy” ဆိုပြီး နှိုင်းယှဉ် အမျိုး/ဘာသာ သာသာန အတွက် ဆိုပြီး စဉ်းစားနေစရာကို အကြောင်းမရှိပါ။ အထက်မှာလည်း ရှင်းပြခဲ့သလို ဘာသာရေးခေါင်းဆောင်တွေ ကြီးစိုးတဲ့ “Theocracy” တိုင်းပြည်တွေ၊ ဘာသာရေး အစွန်းရောက်တွေ ကြီးစိုးတဲ့ နိုင်ငံတွေ၊ ရှေးရိုးစွဲ မွတ်ဆလင် နဲ့ အာရပ် ကမ္ဘာ ဒေသတွေ ဘယ်လိုတွေ ဖြစ်ပျက်နေ၊ ဖြစ်ပျက်ခဲ့တယ်ဆိုတာ သမိုင်းသင်ခန်းစာ ယူတတ်ရပါမယ်။ တာလီဘန် အန္တရာယ် မကျရောက်ခင် အာဖဂန်နစ္စတန် ဟာ အလယ်အာရှ မှာ စီးပွား၊ ပညာ၊ ကျန်းမာ အရာရာ ထိပ်တန်းကျခဲ့ဖူးတယ်ဆိုတာ သတိပြုဆင်ခြင် သင်ခန်းစာ ယူပါ။ မွတ်ဆလင်တွေထဲက ဘာသာရေး အစွန်းရောက်၊ ဘာသာရေး အယူသီးတချို့ရန်ကို ကာကွယ်ချင်လို့ ဆိုပြီး သူတို့လို ပြင်းထန် အစွန်းရောက်တဲ့ အပြုအမူ၊ အကျင့်၊ အကြံ၊ ဥပဒေသ တွေ လိုက်ကျင့်သုံးမယ်ဆိုတာ ဓမ္မာဓိဋ္ဌာန်လုံးဝ မကျပါ။ အမှားတခု ကို နောက်ထပ် အမှားတခုနဲ့ လိုက်ချေဖျက်လို့ အမှန်မဖြစ်ပါ။ အမှားနှစ်ခုသာ ဖြစ်လာမှာ ဖြစ်တယ်။ အကြမ်းဖက်မှုကို အကြမ်းဖက်မှုနဲ့ ဖြေရှင်းလို့ ဘယ်လိုမှ ဆုံးခန်းတိုင် မဖြေရှင်းနိုင်သလိုမျိုးပဲ အစွန်းရောက်နေမှု သဘောတွေကို နောက်ထပ် အစွန်းရောက်မှု သဘောနဲ့ တန်ပြန် ချေလို့ မရပါ။ ရလဒ်ကောင်း ထွက်မလာနိုင်ပါ။

၈) ဥပဒေ ပြုရေးဟာ ဘာသာရေးခေါင်းဆောင်များ ရဲ့ ကျွမ်းကျင်မှု အလုပ် မဟုတ်ပါ။

အခုလို ဗုဒ္ဓဘာသာ သံဃာတော် အရှင်သူမြတ်တွေ မိမိ ဘာသာ၊ သာသနာအတွက် စိုးရိမ်မှုရှိတာ သဘာဝကျတယ်။ လက်ခံတယ်။ ဒါပေမယ့် တိုင်းပြည်ရဲ့ ကဏ္ဍ အသီးအသီး နဲ့ ကျယ်ကျယ်ပြန့်ပြန့် တွက်ချက် စဉ်းစားဖို့လိုတဲ့ ဥပဒေပြုရေးလို အကြောင်းအရာမျိုးမှာ ဖြစ်ပေါ်လာနိုင်တဲ့ အကျိုးဆက် နိုင်ငံရေး၊ လူမှုရေး၊ စီးပွားရေး ဘက်ပေါင်းစုံကို ဖြန့်ကြည့်မြင်ရပါမယ်။ ဒါမျိုးဟာ ဘာသာရေးတခုသာ ဇောက်ချ လေ့လာ၊ အားထုတ်နေတဲ့ ရဟန်း သံဃာတော်များရဲ့ အလုပ် တာဝန် မဟုတ်သလို လိုအပ်တဲ့ ကျွမ်းကျင်မှု ပညာအရည်အချင်းလည်း မရှိပါ။ ဘာသာရေး တတ်ကျွမ်းမှု တခုတည်းနဲ့ စဉ်းစား၊ ဘာသာ/သာသနာ အမြင် တခုတည်းနဲ့ပဲ မြင်ကြည့်ပြီး ဥပဒေ ထုတ်မယ်ဆိုလည်း ဆိုခဲ့သလို သီအိုကရေစီ နိုင်ငံပဲ ဖြစ်သွားမှာပါပဲ။ ဒီမိုကရေစီနိုင်ငံ မဟုတ်တော့ပါ။ လူမျိုးစုံပေါင်းစုံ၊ ဘာသာပေါင်းစုံ မှီတင်းနေထိုင်နေတဲ့ ပြည်ထောင်စုစနစ်တိုင်းပြည်မှာ သီအိုကရေစီ စနစ် ဖြစ်သွားရင် ဖြစ်ပေါ်လာမယ့် ဆိုးကျိုးတွေဟာ စဉ်းစာကြည့်ဖို့တောင် မဝံ့ပါ။ ဗုဒ္ဓဘာသာကို နိုင်ငံတော်ဘာသာ အဖြစ် ပြဋ္ဌာန်ဖို့ ကြံစည်ခဲ့ရုံလေးနဲ့ ကချင်အမျိုးသား ညီအကို များနဲ့ ဖြစ်ခဲ့ရတဲ့ ပြည်တွင်းစစ် အခုအထိ အပြီးအပြတ် မငြိမ်းသေးပါ။ သံဃာတော် အရှင်သူမြတ်များ အနေနဲ့ ဘာသာရေးရာ တရားဓမ္မနဲ့ ဆိုင်တဲ့ လမ်းညွှန်မှုတွေ၊ ဆိုဆုံးမမှုတွေ လူ့အဖွဲ့အစည်းအပေါ် လုပ်ပါ။ ဒါပေမယ့် ပိုမိုကျယ်ပြန့်တဲ့ သဘောဆောင်တဲ့ ဥပဒေပြုရေးလို တိုင်းပြည်ရဲ့ အရေးတွေမှာတော့ သက်ဆိုင်ရာ တတ်ကျွမ်းနားလည်သူ ပညာရှင်များကိုသာ ဆောင်ရွက်ခွင့်ပေးဖို့ သံဃာတော် အရှင်သူမြတ်များကို ရှိခိုးဦးတင် တောင်းပန်ပါရစေ။

၉) ယနေ့ခေတ်မှာ ဘာသာတရား တခုခု ဟာ တနေရာမှာ လုံးဝ ကွယ်ပျောက်စရာ အကြောင်း အင်မတန် နည်းတယ်။

ဘာသာ၊ သာသနာ ကွယ်ပျောက်မှာ စိုးတယ်၊ သမိုင်းကို ကြည့်လိုက်၊ ဗုဒ္ဓဘာသာ ကွယ်ပျောက်သွားတဲ့ တိုင်းပြည်တွေ ရှိတယ် ဆိုတဲ့ အမြင်သဘောကို အကျိုး/အကြောင်း ပြန်စီစစ်ကြည့်ပါ။ ရှေးခေတ် တိုင်းပြည် တခု နဲ့ တခု၊ လူမျိုး တမျိုး နဲ့တမျိုး စစ်ပွဲကြီးတွေ ဖြစ်လေ့ရှိတယ်။ စစ်ပွဲပြီးရင် နိုင်သူရဲ့ ဘာသာတရား လွှမ်းမိုးမှု တွေရှိတယ်။ ဒါ့အပြင့် အကြီးအကျယ် အစုလိုက်၊ အပြုံလိုက်လူမျိုးစုတွေ ရွှေ့ပြောင်းမှု ရှိတယ်။ မျက်မှောက် ကမ္ဘာမှာ ဒီလို အချက် နှစ်ခုစလုံး မရှိတော့တဲ့ အတွက် လူမျိုးတမျိုး၊ ဘာသာတခု တနေရာရာမှာ လုံးလုံး ကွယ်ပျောက်သွားဖို့ဆိုတာ လက်ရှိမှာ လက်တွေ့ ဘယ်လိုမှ ဖြစ်မလာနိုင်တော့ပါ။ အထိုက်အလျောက် ရှိနိုင်တဲ့ နိုင်ငံခြားသား ရွှေ့ပြောင်း အခြေချ နေထိုင်မှုကိုလည်း နိုင်ငံတကာစံနှုန်း အညီ တန်းဝင်ပြီး နိုင်ငံတော်လုံခြုံရေးကိုလည်း အပြည့်အဝ ကာကွယ်ပေးနိုင်တဲ့ လူဝင်မှုကြီးကြပ်ရေး ဥပဒေတွေ ပြဋ္ဌာန်းထားပြီး အဂတိ ကင်းကင်း ဥပဒေအတိုင်း တရားမျှတ ဆောင်ရွက်ရင်း ထိန်းချုပ်နိုင်တယ်။ အဓိက ကတော့ မိမိဘာသာရဲ့ တရားစစ်၊ တရာမြတ် ဓမ္မ ကို သာ အခြေတည်ပြီး ကျင့်ကြံ၊ ပြောဟော နေရင် ဘယ်ဘာသာကိုးကွယ်မှုမှ ကမ္ဘာမှာ ကွယ်ပျောက်စရာ မရှိတော့ပါ။ အထူးသဖြင့် မဇ္ဈိမပဋိပဒါ ကျင့်ကြံမှုသဘော အလယ်အလတ်ကျ၊ လွတ်လပ်မှု အပြည့်ရှိ၊ ဒီမိုကရေစီ သဘော ကြွယ်ဝလွန်းလို့ အရှေ့အနောက် နေရာတိုင်းမှာ ရေပန်းစား လူကြိုက်များ စိတ်ဝင်တစား လေ့လာသူပေါ်များလာနေတဲ့ ဗုဒ္ဓဘာသာ လို ဘာသာကြီးတခုအနေနဲ့ ဘယ်လိုနည်းနဲ့မှ ကွယ်ပျောက်စရာမရှိပါ။.. အမျိုး/ဘာသာ လှိမ့်အော်နေပြီး တရားမဲ့မှုတွေ၊ အဓမ္မမှုတွေ ကျူးလွန်နေရင်သာ လူအကြည်အညိုလျော့လာစရာ အကြောင်းရှိတယ်။

၁၀) “Islamophobia” ဟာ ပိုမို ကျယ်ပြန့်လာပြီ

နောက်တချက် အနေနဲ့ အခု “မျိုးစောင့်ဥပဒေ” အငြင်းပွားမှု နဲ့ သံဃာအစည်းအဝေး ဆွေးနွေးချက်ပါ သဘောထားတချို့မှာ အရေးကြီးဆုံး အလေးထား သတိပြု၊ စဉ်းစားစရာ ဖြစ်လာတာ တခုက မွတ်ဆလင်တွေကို အန္တရာယ်တခု အနေနဲ့ မြင်၊ ပြုမူ၊ ပြောဆိုခြင်းဟာ ဟိုအရင် နိုင်ငံတကာ အသိုင်းအဝန်း အပါအဝင် အားလုံးက ယူဆထားသလို ပြင်းထန်တဲ့ အမြင်သဘောရှိသူ ရဟန်းတချို့ နဲ့ ခေတ်နောက်ပြန်ဆွဲလိုသူ (သို့) နိုင်ငံရေးပယောဂ နဲ့ လူပုဂ္ဂိုလ် တချို့သာ ပါလို့ ယူဆလို့ မရတော့တာပါ။ လူအများကြည်ညိုလေးစားရတဲ့ တိုင်းပြည်ရဲ့ ထိတ်တန်း သံဃာတော်အများစုရဲ့ အမြင်မှာလည်း (အစွန်းရောက်မှုသဘော မရှိပေမယ့်) စိုးရိမ်မှု အမြင်ကတော့ တသဘောတည်းပဲရှိနေတယ် ဆိုတာ သိလာရတယ်။ နိုင်ငံရဲ့ အုပ်ချုပ်ရေး၊ ဥပဒေပြုရေး၊ တရားစီရင်စနစ် မဏ္ဍိုင်ကြီးတွေကိုလည်း ဘာသာရေးခေါင်းဆောင်တွေက လွှမ်းမိုးလိုမှု သဘောရှိတယ် ဆိုတာ သိလာရတယ်။

ဆိုတော့ ဒီပြဿနာဟာ ပေ့ါပေါ့တန်တန် မဟုတ်ပါ။ လူမျိုး၊ ဘာသာ ပေါင်းစုံ မှီတင်းနေထိုင်နေတဲ့ ဗမာ့လူ့အဖွဲ့အစည်းရဲ့ အနာဂတ် တည်ငြိမ်အေးချမ်း၊ ဖွံ့ဖြိုးတိုးတက်မှုအတွက် အင်မတန် အလေးအနက်ထား စဉ်းစား အရေးယူရမယ့် အခြေအနေဖြစ်တယ်။ လက်ရှိ ဗမာပြည်ဟာ တခြား ကမ္ဘာ့နိုင်ငံတချို့လို မွတ်ဆလင်ဘာသာဝင်ထဲက အစွန်းရောက် တချို့ရဲ့ အကြမ်းဖက်မှု အန္တရာယ် ကျရောက်နေတာမျိုး မရှိပါ။ မွတ်ဆလင် ခွဲထွက်ရေး သူပုန်ဆိုတာမျိုးလည်း မရှိပါ။ ဒါပေမယ့် ဒီလို မွတ်ဆလင် ကို မကောင်းဆိုးဝါး အန္တရာယ် လို အမြင်တွေ ကြီးထွားပြီး မလိုလားအပ်တဲ့ အပြုအမူ၊ မူဝါဒ အမှားတွေ ပြုလုပ်မိရင် တိုင်းပြည်ဟာ အနာဂတ်မှာ တကယ့်ကို အကြမ်းဖက်မှု အန္တရာယ်ကျရောက်လာနိုင်ပါတယ်။ ဒါအပြင် တိုင်းပြည်မှာ လူမှုတည်ငြိမ်မှု မရှိ၊ ပြည်တွင်းစစ်တွေ မရပ်၊ လူမျိုး/ဘာသာ အဓိကရုဏ်းတွေ ပြည့်နေရင် ခေတ်မီ တိုးတက်ဖွံဖြိုး ချမ်းသာအောင်လည်း ဘယ်လိုမှ ဆောင်ရွက်နိုင်မှာ မဟုတ်ပါ။

၁၁) မှန်ကန်တဲ့ အလုပ်သဘောနဲ့ ကျယ်ပြန့်တဲ့ စဉ်းစားတွေးခေါ်၊ မျှော်မြင်နိုင်မှုကသာ ပြဿနာ ရဲ့ အဖြေဖြစ်တယ်။

ဒါကြောင့် “အချစ်ဂျီဟဒ်” အပါအဝင် မွတ်ဆလင်တွေအပေါ် ဖြစ်ပေါ်နေတဲ့ သံသယတွေကို ဆောင်းပါးမှာ ဆွေးနွေးအကြံပြု တင်ပြခဲ့သလို လွတ်လပ် မျှတ၊ ဘက်မလိုက် စုံစမ်းစစ်ဆေးပါ။ ဗမာမွတ်ဆလင် အသိုင်းအဝန်း နဲ့ ဘာသာရေး အဖွဲ့အစည်း၊ ခေါင်းဆောင်တွေကလည်း သဘောထားကြီးကြီးထား တိုင်းပြည် အကျိုးအတွက် ပူးပေါင်းဆောင်ရွက်ပါ။ ဘာသာတရားရဲ့ ဓမ္မ အစစ် နဲ့ အညီ တရားမျှတစွာ နေထိုင်နေမှုသဘော နဲ့ ဗမာ-မွတ်ဆလင်တွေရဲ့ ဗမာပြည်အပေါ် သစ္စာစောင့်သိ၊ ချစ်မြတ်နိုးမှု သဘောကို လူအများနားလည်အောင် ကျယ်ကျယ်ပြန့်ပြန့် ဖော်ထုတ်ပါ။ မတူကွဲပြားတဲ့ ဘာသာ အုပ်စုတွေအကြား လူမှုရေးလုပ်ငန်း ပူးပေါင်းလုပ်မှုတွေ၊ ဘာသာပေါင်းစုံချစ်ကြည်ရေး ဆွေးနွေးပွဲ၊ နှီးနှောဖလှယ်စတဲ့ ပူးပေါင်းဆောင်ရွက် ထိတွေ့ဆက်ဆံမှုတွေ အများအပြားလုပ်လာနိုင်ဖို့ ကြိုးစားပါ။ ပြဿနာ ကို ဖြေရှင်းနိုင်ဖို့ရာမှာ “ဘက်နှစ်ဘက်စလုံး” က မိမိ အမျိုး၊ ဘာသာ၊ သာသနာ တခုတည်း ကြည့်လို့မရပါ။ လူမျိုးပေါင်းစုံ၊ ဘာသာပေါင်းစုံ နေထိုင်နေတဲ့ တိုင်းပြည်တခုလုံးရဲ့ အရေးဖြစ်တဲ့အတွက် နောက်ဆက်တွဲ အကျိုးဆက်တွေကိုပါ ကျယ်ကျယ်ပြန့်ပြန် မျက်စိဖွင့်၊ နားဖွင့်၊ ရင်ဘတ်ဖွင့် အစွဲကင်းကင်းနဲ့ ဘက်ပေါင်စုံက ဆင်ခြင်၊ စဉ်းစား၊ သုံးသပ် အဖြေမှန်ရှာရပါမယ်။

နိဂုံး

နိဂုံးချုပ်ရရင် လက်ရှိ ဗမာပြည်ဟာ ဒီမိုကရေစီ ခရီးကြမ်းကို ဆယ်စုနှစ်ပေါင်းများစွာ နောက်ကျပြီး ခုမှ စလျှောက်ဖို့ ခြေလှမ်း လှမ်းနေဆဲ ဖြစ်တယ်။ အခက်အခဲ ပေါင်းစုံ ရှေ့မှာ ရင်ဆိုင်ရဦးမှာ ဖြစ်တယ်။ ပြဿနာပေါင်း သောင်းခြောက်ထောင် ဖြေရှင်းစရာတွေလည်း ရှိနေသေးတယ်။ ဖွံ့ဖြိုးတိုးတက်မှုမှာလည်း နိုင်ငံတကာမဆိုထားနဲ့ အိမ်နီးချင်းနိုင်ငံတွေကိုမီအောင်တောင် နှစ်များစွာ ကြိုးစားရဦးမှာ ဖြစ်တယ်။ တိုင်းပြည်မှာ မှီတင်းနေထိုင်နေတဲ့ လူမျိုးစုံ၊ ဘာသာစုံ ညီညွတ်မှ၊ စည်းလုံးမှ၊ ချစ်ခင်မှ အားလုံးရဲ့ အင်အားတွေကို စုစည်းပြီး တိုင်းပြည်တိုးတက်အောင် ကြံဆောင်နိုင်မှာ ဖြစ်တယ်။ မတူညီကွဲပြားမှုတွေဟာ ဒီမိုကရေစနစ်မှာ အန္တရာယ် မဟုတ်ပါ။ အားသာချက် အင်အားတရပ်သာ ဖြစ်တယ်။ အတွေးအခေါ်ပေါင်းစုံ စည်ပင်၊ ယဉ်ကျေးမှုပေါင်းစုံထွန်းကားတဲ့ ပန်းပေါင်းစုံပွင့်ဖူး ရှင်သန်ရာ အနာဂတ် ကသာ တိုင်းပြည်ရဲ့ ပြဿနာ အစုစုအတွက် အဖြေဖြစ်တယ်။ ဒီသော့ချက် သဘောကို ရဟန်းရှင်၊ လူ၊ ပြည်သူ အပေါင်း နားလည် သဘောပေါက် ဆင်ခြင်၊ စဉ်းစားနိုင်ဖို့ မိုးမခ ကနေတဆင့် တင်ပြဆွေးနွေးလိုက်ပါတယ်။

မိုးမခ စာဖတ်ပရိသတ် ရဲ့ အမြင်၊ သဘောထားတွေကိုလည်း တိုင်းပြည် အကျိုးအတွက် အပြုသဘောဆောင်၊ ယဉ်ကျေးစွာ ပြန်လည် ဆွေးနွေးပေးဖို့ ဖိတ်ခေါ်ပါတယ်။ မှတ်ချက် အနေဖြင့် ဖြစ်စေ၊ E-mail မှ တဆင့် ဖြစ်စေ ပြန်လည် ဆွေးနွေးချက်၊ အမြင် များကို ပေးပို့ ရေးသားနိုင်ပါတယ်။

ငြိမ်းချမ်းအေး

၁၆ ၊ ဇွန် ၊ ၂၀၁၃

(ဆက်သွယ်ရန် – [email protected])

June 20, 2013
ဆရာဝန်တို့ လိုက်နာအပ်သည့် သမားကျင့်ဝတ် (Medical Ethics)

ဇွန် ၆၊ ၂၀၁၃
ရေးသူ – မောင်သမာဓိ

မေးခွန်းထုတ်စရာ RFA မှထုတ်လွင့်သော အစီအစဉ် တစ်ခု။

မီဒီယာကျင့်ဝတ် မသိသော RFA အသံလွှင့်ဌာနမှ အစီအစဉ်တင်ဆက်သူ၊ နိုင်ငံရေး၊ အမျိူးသားရေးနှင့် ကျန်မာရေး ပြဿနာ များကို ရောထွေး စဉ်းစားသော မြန်မာ့အရေးလေ့လာသူ ဦးအောင်မိုးဝင်းနှင့် သမားကျင့်ဝတ် (Medical Ethics) ကို ဂဃနဏ မသိသော ဒေါက်တာ ဒေါ်ခင်စောဝင်းတို့ ၃ ဦးပေါင်းကာ သောတရှင်ပြည်သူ အပေါင်းကို လမ်းမှားသို့ရောက်အောင် ၂၀၁၃ခုနှစ် ဇွန်လ၂ ရက်နေ့ ည၇:၀၀အချိန်တနင်္ဂနွေ စကားဝိုင်း၌ RFA မှ တလွဲပညာပေးမှု များထုတ်လွင့်သွားသည်ကို ဝမ်းနည်းဖွယ် ကြားနေရချိန်တွင် မြန်မာနိုင်ငံဆေးလောကမှ ဆရာဝန် သစ်လွင်လေးများအတွက် စိတ်ပူနေမိပါတော့သည်။

လူနာထံမှာ Informed Consent မယူဘဲရိုဟင်ဂျာများကို သန္ဓေ တားရန် အတင်းအကြပ် ပြုမူနေမှု သည် နာဇီဟစ်တလာ လက်ထက်က ဂျာမန်မဟုတ်သည့် လူသားများနှင့် ပြုလုပ်ခဲ့သောရက်စက်သည့် ဆေးဝါး စမ်းသပ်မှုများတွင် ပါဝင်ကျူးလွန်ခဲ့သူ နာဇီဆရာဝန်တို့၏ ကျင့်ဝတ်မဲ့ စ်ိတ်ဓါတ်နှင့် ခံယူချက်မျိုးကို နောင်မျိုးဆက် ဆရာဝန်တို့အား ရိုက်သွင်းပေးနေလေရော့ သလားဟု စေ့ငုနေမိပါသည်။

သားဆက်ခြားခြင်းကို မလိုက်နာသည့် ရိုဟင်ဂျာများကို အရေးယူ အပြစ်ပေးရန် အထိ ဒေါက်တာ ဒေါ်ခင်စောဝင်းက ရက်ရက်စက်စက် တောင်းဆိုခဲ့ပါသည်။ ဘာသာရေးကို အခြေပြုပြီး မွေးဖွားနှုန်းကန့်သတ်သည့် ဥပဒေမျိုးသည် ကမ္ဘာပေါ်၌ မည်သည့် တိုင်းနိုင်ငံမှာမှ မရှိပါ။ တရုတ်ပြည်၏ “ကလေး တစ်ဦးတည်းသာယူရမည်” ဆိုသည့် တင်းကြပ်သော မူဝါဒသည်ပင်လျှင် လူနည်းစုများ အတွက် ခြွင်းချက်ပေး ထားခဲ့သည်။

RFA ဦးခင်မောင်ညိမ်း ဦးဆောင်ထုတ်လွှင့်သော ထိုအသံလွှင့်ချက်ကို အင်တာနက်မှတဆင့် တိုက်ရိုက် နားဆင်ရင်း ယ္ခုဆောင်းပါးကို ဆက်လက်ဖတ်ရှု နိုင်ပါသည်။

ခြေပခွင့်ရရန်နှင့် Counter Balance ဖြစ်စေရန် အလွှာအသီးသီးမှ လူမျိုးစုံပါဝင်သောစကားဝိုင်းမျိုးဖြစ်သင့်

ရခိုင်ပြည်နယ် မောင်းတောခရိုင်နေ ရိုဟင်ဂျာတို့အပေါ် ရခိုင်ပြည်နယ်အစိုးရမှ တစ်အိမ်ထောင် ကလေး နှစ်ယောက်သာယူရန် ခွဲခြားဆက်ဆံသည့် ဥပဒေ (Two Child Policy) ကို ပြဌာန်းခဲ့သည်နှင့် ပတ်သက် ၍ လူထုခေါင်းဆောင် ဒေါ်အောင်ဆန်းစုကြည်က လူသိရှင်ကြားကမ္ဘာသိ ကန့်ကွက်ခဲ့ပါသည်။

ထိုကိစ္စနှင့် ပတ်သက်၍ အမေရိကန် နိုင်ငံခြားရေးဝန်ကြီးဌာန၊ ကုလသမဂ္ဂ ကလေးငယ်များ အခွင့် အရေး ကော်မတီ၊ မြန်မာနိုင်ငံ ဆိုင်ရာ လူ့အခွင့် အရေးအထူးကိုယ်စားလှယ် မစ္စတာသောမတ် ကင်တားနားနှင့် ကုလသမဂ္ဂ အထွေထွေ အတွင်းရေမှူး ဘန်ကီမွန် တို့မှလည်း အလားတူကန့်ကွက်ခဲ့ပါသည်။

RFA မှ ဦးခင်မောင်ညိမ်း ဦးဆောင်သော စကားဝိုင်းသည် ဒေါ်အောင်ဆန်း စုကြည်ဦးဆောင်သော NLD ပါတီ၏ သဘောထားကိုဆန့်ကျင်သော စကားဝိုင်းဖြစ်သောကြောင့်၎င်း၊ ဆေးပညာကျင့်ဝတ်များနှင့် ပတ်သက် နေသောကြောင့်၎င်း၊ ရိုဟင်ဂျာတို့ကို ခွဲခြားဆက်ဆံသော ဥပဒေအကြောင်းအရာကို ဆွေးနွေးသည့် အတွက်၎င်း၊ ထိုစကားဝိုင်းတွင် NLD နှင့် ရခိုင်ပြည်နယ် အစိုးရအဖွဲ့မှ ပြောရေးဆိုခွင့်ရှိသူတစ်ဦးစီ၊ မြန်မာနိုင်ငံမှ သမားကျင့်ဝတ် ကျွမ်းကျင်သူ Medical Ethics Adjunct Professor Dr. မြင့်ဦး (GP, ကလောင်အမည် ဒေါက်တာစေတနာ)၊ ဥပဒေ ကျွမ်းကျင်သူ ရှေ့နေဦးအောင်ထူးနှင့် ရိုဟင်ဂျာခေါင်းဆောင် လွှတ်တော် ကိုယ်စားလှယ် ဦးရွှေမောင် စသည်ဂုဏ်သရေရှိ လူကြီးလူကောင်းများ ပါဝင်သင့်သည့် အပြင် ထိုကဲ့သို့သော စကားဝိုင်းအစီအစဉ် အသစ်တစ်ခုကို RFA မှ အမြန်ဆုံး စီစဉ်ထုတ်လွှင့် သင့်ပါသည်။

မဆိုင်သည့်အပေါက် ဂလိုင်နှင့် ခေါက်သည့် ဦးအောင်မိုးဝင်း။

ဆိုဗီယက်ပြည်ထောင်စုကြီး ဂေါ်ဘာချော့လက်ထက် ပြိုကွဲရသည့် အကြောင်းရင်းမှာ ပြည်ထောင်စု အတွင်းရှိ မွတ်ဆလင်ပြည်နယ် အသီးသီးတွင် ရုရှ အစိုးရအဆက်ဆက် ဂရုမပြုမိသော မွတ်ဆလင်လူဦးရေ ပေါက်ကွဲမှုကြောင့်ဟု ဦးအောင်မိုးဝင်းက အတိအလင်းဆို၏။

ထို့ကြောင့် ရိုဟင်ဂျာတို့အပေါ် တစ်အိမ်ထောင် ကလေးနှစ်ယောက်သာ ယူရန် ပြဌာန်းထားသော ဥပဒေသည် အမျိုးသားရေး၊ လုံခြုံရေးအရ မှန်ကန်သည်ဟု ဆို၏၊

ဒေါ်အောင် ဆန်းစုကြည်သည် နိုင်ငံရေး သမား၊ နိုင်ငံရေးအမြင်ဖြင့် မသုံးသပ်ဘဲ၊ လူ့အခွင့်အရေးသမား၊ လူ့အခွင့် အရေးအမြင် ဖြင့် ကြည့်သော ကြောင့်သာ ဤဥပဒေကိုကန့်ကွက်ခြင်း ဖြစ်မည်ဟု ဦးအောင်မိုးဝင်းက ဆို၏။ အမျိုးသားရေးအတွက်ဆိုလျှင် လူ့အခွင့် အရေးကို ယှဉ်တွဲ မစဉ်းစားသင့်သည့်သဘော ပြောသည်ဟု နားလည်လိုက်ပါသည်။

အမျိုးသားရေး၊ လုံခြုံရေးနှင့် ဆိုင်လျှင် လူ့အခွင့်အရေးကို ဘေးဖယ်စဉ်းစားသော ဦးအောင်မိုးဝင်း သည် လူသားတို့၏ ကျန်းမာရေးနှင့် ပတ်သက်လျှင် သမားကျင့်ဝတ်နှင့် Patient Right တို့ကို လိုက်နာဖို့ ယောင်လို့တောင် အိမ်မက်မည် မဟုတ်ပါ။

        တနည်းအားဖြင့် မျက်ကန်းမျိုးချစ် အမျိုးသားရေး လှုပ်ရှားမှုများနှင့် ဘာသာရေးအစွန်းရောက် လှုပ်ရှားမှုတို့ကို ဥပဒေအားလုံး၏ အထက်တွင် ရှိနေစေချင်သည့် နိုင်ငံအတွက် အလွန် အန္တရာယ်ကြီးသော ဦးအောင်မိုးဝင်း၏ အတွေးအခေါ် အယူအဆဖြစ်သည်။

နာဇီတို့သည် ဂျူးလူမျိုးများအပေါ် လူမျိုးတုံးသတ်ဖြတ်သကဲ့သို့ ဆိုဗီယက်ရုရှားတို့သည်လည်း ၎င်းတို့ သိမ်းပိုက် ခဲ့သောနယ်မြေများတွင် မူလကတည်းက နေထိုင်ခဲ့ကြသည့် အစ္စလာမ်ဘာသာဝင်တို့ကို လူဦးရေ လျှော့နည်းအောင် ခွဲခြားဆက်ဆံ နှိပ်ကွပ်ခဲ့လျှင် ဆိုဗီယက်ပြည်ထောင်စုကြီး မပြိုကွဲနိုင်ဟု လူသားမျိုးနွယ်တို့ အပေါ် အလွန် အန္တရာယ်ကြီးသော မှတ်ချက်ကို ဦးအောင်မိုးဝင်း သွယ်ဝိုက်ကာ ပြောခဲ့လေပြီ။ မြန်မာ နိုင်ငံတော်သီချင်းနှင့် ဆန့်ကျင်ဘက်ဖြစ်နေသည့် မဖြူစင်သော၊ အလွန်မဲညစ်သည့်ဝါဒ ဖြစ်သည်။ ယဉ်ကျေး သောလူ့ဘောင်ကို ပျက်စီးစေမည့် Genocide ကို သိသိသာသာကြီး အားပေးနေသူအဖြစ် ပေါ်လွင် နေပါသည်။

တကယ်တော့ အဇာဘိုင်ဂျန်၊ တာဂျီကစ္စတန်၊ ချက်ချင်းညှာစသည့်ဒေသတို့မှ ဒေသခံတို့မှာ ဒုတိယကမ္ဘာစစ် မဖြစ်မီကပင် အစ္စလာမ် ဘာသာဝင်များ ဖြစ်နေကြပြီး ဆိုဗီယက်ကသိမ်းပိုက် အုပ်ချုပ်ခဲ့ ခြင်းသာဖြစ် သည်ဟု ကျွန်ုပ် မှတ်သားဘူးပါသည်။

ဒီနေရာမှာ RFA သတင်းဌာနမှ ဦးခင်မောင်ညိမ်း ၊ ဦးအောင်မိုးဝင်းနှင့် ဒေါက်တာခင်စောဝင်း တို့ကို ပြောချင်သည်မှာ အကယ်၍သာ ရိုဟင်ဂျာတို့သည် မြန်မာနိုင်ငံ၏ တိုင်းရင်းသားများဖြစ်ကြောင်း လက်ရှိ ခိုင်လုံသောသက်သေ ပြချက်များ ကို မြန်မာနိုင်ငံ၏ အစိုးရ တရပ်ရပ် သို့မဟုတ် လွှတ်တော်တရပ်ရပ်က လက်ခံ လိုက်ချိန်တွင် အမျိုးသားရေး၊ လုံခြုံရေးအကြောင်းပြချက်တွေနဲ့ ရိုဟင်ဂျာတွေကို ခွဲခြားဆက်ဆံသူတွေဟာ သမိုင်းတရားခံများ ဖြစ်သွားပါလိမ့်မည်။

မြန်မာနိုင်ငံ၏ လွတ်လပ်ရေးဗိသုကာဗိုလ်ချုပ်အောင်ဆန်း၊ ပါကစ္စတန် ခေါင်းဆောင် အလီဂျင်းနား၊ မြန်မာနိုင်ငံကို ဗုဒ္ဓဘာသာနိုင်ငံအဖြစ် ကြေငြာသူဦးနု၊ ပထမဆုံးသမ္မတစဝ်ရွှေသိုက်၊ ဒုတိယဝန်ကြီးချုပ်နှင့် ကာကွယ်ရေးဝန်ကြီး ဦးဗဆွေနှင့် မေယုခရိုင်ကို အုပ်ချုပ်ခဲ့သော ဗိုလ်ချုပ်အောင်ကြီးတို့က တိုင်းရင်းသားအဖြစ် လက်ခံသော သမိုင်းဝင် ရိုဟင်ဂျာလူမျိုးတို့ကို ဗိုလ်ချုပ်နေဝင်းနှင့် လက်ရှိ ဦးသိန်းစိန် အစိုးရကမျက်စေ့စုံမှိတ် ငြင်းနေခြင်းသာ ဖြစ်သည်။ သို့သော် ပြည်နယ်တိုင်းဒေသကြီး လွှတ်တော်နှင့် ပြည်ထောင်စုလွှတ်တော် အသီးသီးတွင် ရိုဟင်ဂျာ တိုင်းရင်းသား များသည် လွှတ်တော်ကိုယ်စားလှယ် အဖြစ် တက်ရောက် နေကြပါသည်။

ဦးအောင်မိုးဝင်း၏ ပြောစကားများကိုနားထောင်ပြီးနောက် ဦးအောင်မိုးဝင်းကို လူ့အခွင့်အရေးမသိ၊ ဥပဒေ မသိရုံမက ဆေးပညာ ကျင့်ဝတ်ကို လစ်လျှူရှုသော ဥပဒေအထက်တွင် နေချင်သည့် အမျိုးသားရေးဝါဒီ၊ မျက်ကန်းမျိုးချစ် ဘာသာရေးအစွန်းရောက် ဝါဒီအဖြစ် ကျွန်ုပ်ကသတ်မှတ်မည်ဆိုလျှင် သင့်တော်၏၊ မတော်၏ စာရှုသူကိုယ်တိုင် RFA ၏ထုတ်လွှင့်ချက်ကို အင်တာနက်မှတဆင့် တိုက်ရိုက် နားထောင်ပြီး ဆုံးဖြတ် ကြည့်စေ ချင်ပါသည်။

ဥပဒေမစိုးမိုးခြင်းနှင့် ဝါဒမဖြူစင်ခြင်းသည်သာတိုင်းပြည်များကို ပြိုကွဲစေသောတရားခံအစစ်ဖြစ်သည်။

ဥပဒေမစိုးမိုးလျှင်၊ သို့မဟုတ် ဥပဒေအထက်တွင် လူတန်းစားတရပ်ရှိနေမည်ဆိုလျှင် ပြည်သူ ပြည် သားတို့၏ အခွင့်ရေးသည် တူညီစရာအကြောင်းမရှိ၍ ထိုတိုင်းပြည်၏ ဝါဒသည် ဖြူစင်စရာ အကြောင်း မရှိသောကြောင့် တိုင်းရင်းသားများအကြား ရင်ကြားစေ့ရန်လည်း မဖြစ်နိုင်ပါသဖြင့် တိုင်းပြည်ပြိုကွဲရန် လမ်းစဖြစ်သော ပြည်တွင်းစစ်ကို ဖိတ်ခေါ်နေပါလိမ့်မည်။ ပြည်တွင်းစစ်ဖြစ် လျှင်လည်းထိုနိုင်ငံမျိုးများတွင် ငြိမ်းသတ် ရန်မလွယ်ပါ။ မကြမီက ပြည်တွင်းစစ်ကြောင့် ပြိုကွဲသွားသော ဆူဒန်နိုင်ငံကို နမူနာ ယူသင့်ပါသည်။

ဂျာမဏီပြိုကွဲခြင်းသည် လူမျိုးကြီးဝါဒ၊ နာဇီဝါဒကြောင့်သာ ဖြစ်၏၊ ဆိုဗီယက် ပြည်ထောင်စု ပြိုကွဲခြင်းသည် တစ်ပါတီ အာဏာရှင် ဗဟိုဦးစီးစနစ်ကြောင့်သာ ဖြစ်၏။ ရခိုင်လူမျိုးကြီးဝါဒကြောင့် ရိုဟင်ဂျာနှင့် ပဋ္ဋိပက္ခဖြစ်၏။ မြန်မာလူမျိုးကြီး ဝါဒကြောင့် ရှိသမျှ ကျန်တိုင်းရင်းသား အားလုံးနှင့် မတည့်၍ အနှစ် ၆၀ ကြာ ပြည်တွင်းစစ် ဖြစ်နေသည့်အပြင် ဘာသာရေးအထိကရုံးများလည်း မကြာခဏ ဖြစ်ပေါ် နေရုံမက လူမျိုးတုံး သတ်ဖြတ်မှုများ (Genocide & Ethnic Cleansing) အထိ ဖြစ်ပေါ်နေလေသည်။

ဥပဒေစိုးမိုးမှု (Rule of Law) မရှိသော၊ လူမျိုးကြီးဝါဒထွန်းကားသော၊ နှစ်ပေါင်း ၆၀ ကြာ ပြည်တွင်းစစ်ဖြစ်နေသော၊ ကြံ့ခိုင်ရေးတစ်ပါတီအာဏာရှင်စနစ် ကြီးစိုးသော၊ လူမျိုးရေးဘာသာရေး အထိကရုံး များ တစ်မြို့ပြီးတစ်မြို့ပြောင်းဖြစ်နေသော၊ စသည့် အကြောင်းများကြောင့် များမကြာမီ ပြိုကွဲရန် အလားအလာ ရှိနေသော မြန်မာနိုင်ငံတော်ကြီး မပြိုကွဲရန်အတွက်ဟု အကြောင်းပြ၍ ရိုဟင်ဂျာ အိမ်ထောင်သည် အမျိုးသမီး မှန်သမျှ မဖြစ်မနေ သားဆက်ခြားရန် ဥပဒေ ပြဌာန်းခြင်းသည် အလွန်ညံ့ဖျင်းသည့် အတွေးအခေါ်ဖြစ်ကြောင်း ဦးအောင်မိုးဝင်းကို သိစေအပ်ပါသည်။

ထိုဒေသဆိုင်ရာ ခွဲခြားဆက်ဆံသည့် ဥပဒေကို ပြဌာန်းလိုက်ခြင်းသည် Genocide အသွင်ကို ပိုမိုပေါ်လွင်စေသောကြောင့် နိုင်ငံတကာ ငြိမ်းချမ်းရေးတပ်များ ကုလသမဂ္ဂမှ မလွှတ်၊ လွှတ်အောင် ဖိတ်ခေါ်လိုက်သည်နှင့် တူနေပါသည်။

မွတ်ဆလင်များကို မုန်းချင်မုန်းပါ၊ သမားကျင့်ဝတ်၊ ဆေးလောကနှင့် သမားစိတ်ဓါတ်တို့ကို မဖျက်ဆီးသင့်ပါ။

ရောဂါ အသည်းအသန် ခံစားနေရသူ လူနာက ၎င်းအား သေဆေး ပေးရန် တောင်းဆိုမှုကို ဆရာဝန် တစ်ဦးသည် လူနာကောင်းကျိူးအတွက် သမားကျင့်ဝတ်အရ လိုက်လျှောမှု မပြုရပါဟု ဒေါက်တာ ဒေါ်ခင်စောဝင်းက ပြောပါသည်။ Ethics က Don’t harm the patient. ဟုဆိုသောကြောင့် မှန်ပါသည်။ လူနာအား သေစေသော ဆေးဝါးကို မပေးရန် ဆရာဝန်တိုင်း ကျမ်းကြိမ် ကတိပြုထားရပါသည်။ ထို့ကြောင့် လူနာကို ညှင်သာစွာ သေအောင် (Euthanasia) လုပ်ပေးခွင့် မရှိပါ။

         (က) Consent ။              ။ ရိုဟင်ဂျာ အမျိုးသမီးများအတွက် ခွဲခြားပြဌာန်းသော Two Child Policy သည် မိခင်ရော ကလေး အတွက်ပါ ကျန်းမာရေး၊ လူမှုရေးနှင့် ပညာရေးအတွက် ကောင်းကျိုး ရစေသည်သာ ဖြစ်၍ တရားမျှတ သောကြောင့် မဖြစ်မနေလိုက်နာရမည်ဟု ဒေါက်တာ ဒေါ်ခင်စောဝင်းက ဆိုလိုက်ခြင်းသည် Ethics နှင့် လုံးဝ လွဲသွား ပါတော့ သည်။

မည်သို့သော ဆေးကုသမှုကို မဆို လူနာ၏ သဘောတူညီမှု (Consent) ရှိမှ ပေးခွင့်ရှိသည်ကို ကထိက ဒေါ်ခင်စောဝင်း လက်ခံမည်ဟု ယုံကြည်ပါသည်။ ထို့ကြောင့် မြန်မာနိုင်ငံ ဆရာဝန်အသင်း မျိုးဆက်ပွား ကျန်းမာရေး (RH, reproductive health) စီမံချက်၊ IUD Project နှင့် PSI တို့မှ လုပ်ဆောင်လျှက်ရှိသော သားဆက်ခြား (Contraception) ပေးခြင်းလုပ်ငန်း အားလုံး မလုပ်ဆောင်မီအရင် (Informed Consent) ယူပြီး နည်းလမ်း အမျိုးမျိုးရှိသည့်အနက် Client အကြိုက်ကိုသာ ရွေးချယ်စေရ ပါသည်။

လက်ရှိမြန်မာနိုင်ငံတွင် အနာကြီးရောဂါရှိသူများနှင့် HIV/AIDS ရှိသူ အိမ်ထောင်သည်များကိုပင် ၎င်းတို့နှင့် အများ အကျိုးအတွက်ဟု ဆိုကာ အတင်းအဓမ္မ သားဆက်ခြားခွင့်၊ သားကြောဖြတ်ခွင့်မရှိပါ။ ဒေါက်တာဒေါ်ခင်စောဝင်းက အများပြည်သူ စုဝေးရာတွင် ဆေးလိပ် မသောက်ရ အမိန့်နှင့် ရိုဟင်ဂျာ အမျိုးသမီး တစ်ဦးသည် ခလေးနှစ်ယောက်ထက် ပိုမမွေးရ ဥပဒေသည် အများ ကောင်းစားရေးဖြစ် သောကြောင့် လူ့အခွင့်အရေး ချိုးဖေါက်ခြင်းမဟုတ်ဟု အခြေခံချင်း လုံးဝမတူညီသည့် ကိစ္စရပ်နှစ်ခုကို နှိုင်းယှဉ်ပြ သွားပါသည်။ ဆေးလိပ်သောက်ခြင်းသည် မကောင်းသော အမူအကျင့် (Behavior) သာဖြစ်ပြီး၊ ကိုယ်ဝန် ဆောင်ခြင်းသည် မလွဲရှောင်နိုင်သော လူ့သဘာဝ (Nature) ဖြစ်၏။

Patient has the right to refuse the treatment. ဟု Ethics ကဆို၏။ ဥပမာ လူနာက သူ၏ နှလုံးခုံခြင်း ရပ်သွားလျှင် နှလုံးကို စက်ဖြင့်နှိုးခြင်း (CPR) မပြုလုပ်ရန် ကြိုတင်ပြောထားလျှင် မည်သို့ပင် ကောင်းကျိုးကို ဆောင်စေကာမူ CPR လုပ်ပေးခွင့်မရှိပါ။

တဖန် ထောင်တွင်း ယုံကြည်ချက်ကြောင့် အစာငတ်ခံ ဆန္ဒပြ၍ အားနည်း သွေးပေါင်ကျ နေသူ အကျဉ်းသား တစ်ဦးကို အကြောတွင်း ဆေးရည်သွင်းကုသရန် သို့မဟုတ် နှာခေါင်းပိုက်သွင်း၍ အစာထည့်ရန် ထောင်ပိုင်ကြီးက ခိုင်းစေသော်လည်း လူနာက လက်မခံလျှင် ဆရာဝန် တစ်ဦးသည် လူနာကောင်းကျိုးကို အကြောင်းပြ၍ အတင်းအကြပ် သွင်းခွင့် မရှိပါဟု Ethic Lecture တစ်ခုတွင် ဒေါက်တာမြင့်ဦး (GP) ပြောဘူးပါသည်။

ထို့အတူ ဆရာဝန်တစ်ဦးသည် လူနာ၏ အတွင်းရေးကို လူနာ၏သဘောတူညီချက် (Consent) မရှိဘဲ ထုတ်ဖေါ် ခွင့်မရှိပါ။ တရာရုံးတွင် တရားသူကြီး၏ ခွင့်ပြုချက်ဖြင့်၎င်း၊ ရပ်ကွက်အုပ်ချုပ်ရေးမှူး၊ ရဲစခန်းနှင့် ထောက်လှမ်းရေးမှ အလွတ်သဘော မဟုတ်ဘဲ တရားဝင် ရုံးစာထုတ် မေးမြန်းမှသာ လူနာ၏ အတွင်းရေးကို ထုထ်ဖေါ်ခွင့် ရှိသည့်အတွက် ဆရာဝန် တစ်ဦးအဖို့ Ethics သည် ဥပဒေ အထက်တွင် ရှိသယောင် ထင်ရသည်ဟု ဒေါက်တာမြင့်ဦး (ဂျီပီ) က Lecture ပို့ချရာ တက်ရောက်နားထောင်သူများ အမှတ်မမှားစေရန် အတွက် ဒေါက်တာ ဒေးဗစ်ကျော်မှ Ethics အထက်တွင် ဥပဒေ အမြဲရှိကြောင်း ထောက်ပြပါသည်။ Ethics အကြောင်းပြောဆိုလျှင် ထိုကဲ့သို့ Check & Balance ရှိသင့်ပါသည်ဟု RFA ဦးခင်မောင်ညိမ်းကို ပြောချင်ပါသည်။

         ဒေါက်တာ ဒေးဗစ်ကျော်နှင့် ဒေါက်တာ မြင့်ဦး (GP) တို့ဆွေးနွေးသည်ကို နားထောင်ပြီးနောက် လူနာနှင့် ပတ်သက်လာ လျှင် နုတ်မိန့် အထက်တွင် (Ethics) ရှိကြောင်း ရှင်းလင်းစွာ သိလိုက်ရပါသည်။

         (ခ) Equity ။         ။ ဆရာဝန် တစ်ဦးသည် အသားအရောင်၊ လူမျိုး၊ ကျားမ လူတန်းစား မခွဲခြား ဘဲ စမ်းသပ်ခကို လူနာတိုင်း အပေါ်တွက် အညီအမျှယူပြီး ကုသမှုကိုလည်း အညီအမျှပေးရန် သမားကျင့်ဝတ်က ပြဌာန်း ထားသောကြောင့် မြန်မာတပြည်လုံးမှာမှ ရခိုင်ပြည်နယ်တစ်ခုတည်း၊ ရခိုင်ပြည်နယ်တွင် ၄ ခရိုင် ရှိသည့်အနက် မောင်တောခရိုင် တစ်ခုတည်း၊ မောင်တော ခရိုင်တွင် မြို၊ ခမွီ၊ ဒိုင်းနက်၊ သက်၊ မရမာကြီး၊ ချင်းနှင့် ရိုဟင်ဂျာ လူမျိုးတို့ ပျံ့နှံ့ နေထိုင်ကြသည့်အနက် ရိုဟင်ဂျာလူမျိုးတစ်စုတည်းသာ Two Child Policy ကို လိုက်နာရန် ပြဌာန်းခြင်းသည် Ethics အရ တရားမျှတမှု ရှိပါသလားဟု ဒေါက်တာဒေါ်ခင်စောဝင်းကို မေးချင်ပါသည်။

        (ဂ) Medical Neutrality ။   ။ ရန်သူ ဃီလာနကိုပင် ဆရာဝန်သည် ဆေးကုသမှုပေးရမည်ဟု ကျမ်းကျိမ်ကြရ ပါသည်။ ရခိုင်ဒုက္ခသည် စခန်းများတွင် ကျန်းမာရေးစောင့်ရှောက်မှု ပေးရန် ဆရာဝန် အသင်းမှ အဖွဲ့တစ်ခု သွားရာတွင် ရခိုင်ဒုက္ခသည် စခန်းများမှ ဆေးကုသမှုပေးပြီး ပြန်လာချိန်တွင် ပြုံးရွှင်စွာ ကြိုဆိုခဲ့သော စစ်တွေ ဆေးရုံမှ ဆေးဝန်ထမ်းတို့သည် ရိုဟင်ဂျာ ဒုက္ခသည် စခန်းမှ ဆေးကုသမှုပေးပြီး ပြန်လာချိန်တွင် ဆေးဝန်ထမ်း ကျင့်ဝတ် ကင်းမဲ့စွာ မကြေနပ်သည့် ဟန်အမူအယာများ တွေ့လိုက်ကြရရာ ဆရာဝန်ကလေးများ အံ့သြ ထိတ်လန့် ခဲ့ရသည်ဟုဆို၏။ ထို့ကြောင့် ထိုအစီစဉ်ကို ဆရာဝန်လေးများ လုံခြုံရေးအတွက် ခေတ္တ ရပ်ဆိုင်း လိုက်ရသည်။

ယ္ခုရက်ပိုင်းအတွင်း အခြေအနေ အတန်ငယ် အေးချမ်းလာသောကြောင့် ဆရာဝန်အသင်းမှ ရခိုင် ဒုက္ခသည် စခန်းများသို့ ဆရာဝန်များစေလွှတ်၍ ဆေးကုသမှု ပေးစေရာတွင်လည်း ရိုဟင်ဂျာ ဒုက္ခသည် စခန်းများသို့ သွားရောက်ကုသမှုပေးသူ ဆရာဝန် တည်းခိုသည့်အိမ်ကို ခဲပေါက်ခံရခြင်းနှင့် ဝိုင်းဝန်း ဆန္ဒပြခြင်းများ တွေ့ကြုံရ ကြောင်းကြားသိရပါသည်။

လူမျိုးရေး ပဋိပက္ခ ဖြစ်နေသောနေရာတွင် ဆေးဝန်ထမ်းတို့၏ ပေးသော ကျန်းမာရေး စောင့်ရှောက်မှုသည် နှစ်ဖက်စလုံးတွင် ညီမျှမှု (Medical Neutrality) ရှိရမည် ဆိုသည့်အချက်ကို ဆရာဝန်အသင်းမှ ဆရာဝန်များက လက်တွေ့ကျကျလိုက်နာသည်ကို အဘယ်အ တွက်ကြောင့် ဒေသခံတို့က အပြစ်မြင်နေ ကြသနည်း။

        (ဃ) ဘက်လိုက်ခြင်း(Bias)။ ။စစ်တွေဆေးရုံမှ ဆေးဝန်ထမ်းတို့သည် သမားကျင့်ဝတ်နှင့် ကျမ်းကျိမ်ခဲ့ရသည်တို့ကို မေ့လျှော့ သွားသည် အထိ ရိုဟင်ဂျာတို့အပေါ် အမုန်းပွားကြလေရာ ဒေါက်တာ ဒေါ်ခင်စောဝင်းသည်လည်း ရခိုင်လူမျိုး ဖြစ်လေသောကြောင့် Ethics ကတားမြစ်သော ဘက်လိုက်မှု (Bias) ဖြစ်သွားလေသလားဟု စေ့ငုနေမိပါသည်။

လက်ရှိ မွတ်ဆလင်ကို အလွန်မုန်းသော အစိုးရပင် ပြန်လည် သုံးသပ်ပါဦးဟုဆိုကာ မဆုံးဖြတ်ရ သေးသော Two Child Policy ပြဿနာကို ဦးခင်မောင်ညိမ်းတို့ တသိုက် ထောက်ခံချက် မြန်လွန်းသည်ဟု ထင်ပါသည်။ အလွန်ရှုပ်ထွေးသော ပြဿနာ (Issue) ကြီးတစ်ခုကို ခပ်လွယ်လွယ် အပေါ်ယံရှပ် ဆွေးနွေးပြီး အဖြေ မထုတ်သင့်ပါ။

       (င) Patient Centered ။   ။ လူနာနှင့် လူနာ၏ ဂုဏ်သိက္ခာ (Dignity)၊ ဘာသာ၊ နိုင်ငံရေး ယုံကြည်ချက်၊ ယဉ်ကျေးမှု ဓလေ့စရိုက် စသည်တို့ကို ဗဟိုပြု စဉ်းစားရန် အရေးကြီးပါသည်။

ရခိုင်ပြည်မှ ရိုဟင်ဂျာ အမျိူးသမီးများကို ခလေးနှစ်ယောက်မွေးပြီးနောက် သားကြောဖြတ်ခွင့် ပေးခြင်း ကို အထူးအခွင့်ရေးပေးသည် ဟုထင်၍ အခြားပြည်နယ်များမှ အမျိုးသမီးများက သူတို့ကိုလည်း ခလေး နှစ်ယောက် မွေးပြီးနောက် သားကြောဖြတ်ပေးရန် ဆန္ဒပြ တောင်းဆိုလာလျှင် လိုက်လျှောနိုင်ပါမည်လား။

သန္တေတားရန် အသုံးပြုသည့် မည်သည့် နည်းမဆို ၁၀၀% ကိုယ်ဝန် မရရန် အာမ မခံနိုင်ပါ။ Failure rate ရှိပါသည်။ ပိုမိုသေ ချာအောင် သားကြောဖြတ်လိုက်သည်ထားဦး၊ အမျိုးသမီးများတွင် ဥပြွန်မှားဖြတ်၍ သော်၎င်း၊ ယောကျာင်္ံးများတွင် သုတ်ပြွန်မှားဖြတ် ၍သော်၎င်း၊ သားဆက်ခြားထား သော်လည်း သားသမီး ရနိုင် ပါသေးသည်။ Technical Failure ကြောင့် ထိုသို့ ရရှိလာသော နှစ်ဦး ထက်ပိုလာသည့် ခလေးအတွက် မိဘ များကို ထောင်ချလျှင် တရားပါသလား။ မွေးလာသော ထိုခလေးကို ကျောင်းတက်ခွင့် မပေးလျှင် တရား ပါသလား၊ ထိုကိုယ်ဝန် (Unwanted or Illegal Pregnancy) ကို တရားဝင် ဖျက်ချခွင့် ပေးမှာလား။ ဒါဆိုရင် အခြား ပြည်နယ်များက အမျိုးသမီးများ လွယ်ထားသော Unwanted Pregnancy များကိုရော တရားဝင် ဖျက်ချပေးမှာလား၊ ဒါမှမဟုတ် သေချာသည်ထက် သေချာအောင် Ethics ကခွင့်မပြုသည့် ရိုဟင်ဂျာ ယောကျာင်္းများကို ဝှေးစေ့ဖြတ် သင်းကွပ်ခြင်း (Castration) လုပ်ဖို့ ဒေါက်တာ ဒေါ်ခင်စောဝင်း တိုက်တွန်း အကြံပေး မည်လား။ ထိုမေးခွန်းများကို အရင် စဉ်းစားပြီးမှသာ ဥပဒေတစ်ခု ပြုသင့်ပါသည်။

        မှတ်ချက်။      ။ ၈ လေးလုံး ကျောင်းသားခေါင်ဆောင် ကိုဂျင်မီက မတရားမှုတို့ကို မေးခွန်းများ မေးခြင်းဖြင့် အလွယ်တကူ ကာကွယ်တားဆီးနိုင်သည် ဆိုသောကြောင့် မေးခွန်းများ တရစပ် မေးနေရခြင်း ဖြစ်ပါသည်။

(စ) Religion and Culture ။                ။ သမားကျင့်ဝတ်သည် လူနာ၏ ဘာသာရေး၊ နိုင်ငံရေး ယုံကြည်ချက်နှင့် ယဉ်ကျေးမှု အလေ့အထတို့ကို အလေးထားရန် ညွှန်ပြထားပါသည်။

လူနာကောင်းကျိုးအတွက်ဟုဆိုကာ ဟီဗရူးနှင့် ယေဟောဝါဘာသာဝင်တို့ကို သွေးသွင်း ကုသခြင်း ပြုလုပ်ခွင့်မရှိပါ။ Patient has the right to refuse treatment. ဟုဆို၏။

ဥပမာပေးသည့်အနေဖြင့် ကျွန်ုပ်၏ အတွေ့အကြုံ တစ်ခုကို ပြောပြချင်ပါသည်။ တနေ့တွင် ကျွန်ုပ်၏ ဆေးခန်းသို့ ကုလားထိုင်ပေါ်မှလိမ့်ကျ၍ ခေါင်းပေါက်သွားသော ၁ နှစ်ခွဲ အရွယ် ဆံပင် ရှည်ရှည် ဟိန္ဒူ ခလေးငယ် တစ်ဦးလာ ပြရာ ကျွန်ုပ်က Dressing လုပ်ရန်အတွက် ဆံပင်ကို ညှပ်ဖို့ပြင်ဆင်နေစဉ် အတူပါသူ ခလေး၏ မိခင်က ဟိန္ဒူဘာသာတွင် အသက် ၂ နှစ်ပြည့်မှ ဆံပင် ရိတ်ရပါသည်ဟု ပြောလာသောကြောင့် ဆံပင်ကို မဖြတ်၊ မရိတ်ဘဲ ဆေးကုသမှု ပေးခဲ့ရပါသည်။

အမေရိကားရှိ ပဋိသန္တေတားပေးသော မိသားစု စီမံကိန်း ဆေးခန်း (Family Planning Clinic) များကို ရိုမန် ကက်သလစ် ဘာသာဝင်တို့ တိုက်ခိုက်လေ့ရှိသည်ကို ကနေဒါတွင် နေထိုင်သော ဒေါက်တာ ဒေါ်ခင်စောဝင်း သိပါ လိမ့်မည်။ ရခိုင်ပြည်တွင် ရှိသော ကက်သလစ် ဘာသာဝင် အမျိုးသမီး တစ်ဦးကို သားဆက်ခြားရန် အတွက် ဒေါက်တာ ဒေါ်ခင်စောဝင်း ကျန်းမာရေး ပညာပေးလျှင် လက်ခံမည်ဟု ထင်ပါသလား။ ဒါမှမဟုတ် လူနာကောင်းကျိုးအတွက် ထိုကက်သလစ်ဘာသာဝင် အမျိုသမီးကို အတင်းအဓမ္မ ဥပဒေပြု၍ သားဆက် ခြားပေးမည်လား၊ သားကြောဖြတ်မည်လား။ ကက်သလစ်ဘာသာဝင် အတွက် Ethics ရှိပြီး ရိုဟင်ဂျာ အမျိုးသမီးများအတွက် Ethics မရှိဟု ဆိုလျှင် ဒေါက်တာ ဒေါ်ခင်စောဝင်း တယောက် နာဇီလက်သစ် ဖြစ်သွားပါလိမ့်မည်။

ဒေါက်တာဒေါ်ခင်စောဝင်းအနေဖြင့် မွတ်ဆလင်များကို မုန်းချင်လျှင် မုန်းနိုင်ပါသည်။ သို့သော် ဆေး လောကကြီး ဂုဏ်သရေ တင့်စေရန် သမားကျင့်ဝတ်တို့ကိုတော့ ခါးဝတ်ပုဆိုးကဲ့သို့ မြဲစေချင်ပါသည်။

         ဘက်လိုက်ပြီး တစ်ဖက်စောင်းနင်း ရေးတတ်သော ဥပဒေနှင့် လူကိုလူလိုရှု့မြင်သော ဆေးပညာ ကျင့်ဝတ် တို့သည် တခါတရံ ထိပ်တိုက်ရင်ဆိုင် ဆန့်ကျင်ဖက် ဖြစ်နေလေ့ရှိပါသည်။ နိုင်ငံတကာတွင် လုပ်ရန် လွယ်ကူ သော Therapeutic Abortion ကို မြန်မာနိုင်ငံတွင် လုပ်ပေးရန် အလွန်ခဲယဉ်း လက်ဝင် သည်ကို ဒေါက်တာ ဒေါ်ခင်စောဝင်း သိပါသည်။ သမားကျင့်ဝတ် အထက်တွင် ဥပဒေရှိသည်ဟု ဆိုသည့် စကားရပ် အတွက် အကောင်းဆုံး ဥပမာ ဖြစ်ပါသည်။

အော်ကြီးဟစ်ကျယ် ပြန်လည်တောင်းပန်သင့်သည်။

၈ လေးလုံး ကျောင်းသားခေါင်းဆောင် ကိုဂျင်မီက မတရားမှုများကို မေးခွန်းမေးခြင်းဖြင့် ဆန့်ကျင်နိုင် သည်ဟု ဟောပြောပါသည်။

အကယ်၍သာဒေါ်အောင်ဆန်းစုကြည်ကလက်ခံမည်ဆိုလျှင် ဤကိစ္စနှင့်ပတ်သက် ဦးခင်မောင်ငြိမ်း၊ ဦးအောင်မိုးဝင်း နှင့် ဒေါက်တာ ခင်စောဝင်းတို့ ၃ ဦးသည် ဒေါ်စုနှင့် မျက်နှာချင်းဆိုင် အကြေအလည်ပြောဝန့် (Debate လုပ်ဝန့်) ပါသလားဟု မေးလိုက်ချင်ပါသည်။

မည်သူ့တွင် တာဝန်ရှိသည်ဖြစ်စေ ဤကိစ္စနှင့် ပတ်သက်၍ သမိုင်းတွင် နာဇီအဖြစ် သတ်မှတ်မှု မခံရစေရန် RFA သတင်း ဌာန၊ ဒေါက်တာ ခင်စောဝင်းနှင့် ဦးအောင်မိုးဝင်းတို့ အလျှင်အမြန်နှင့် ကျယ်ကျယ် လောင်လောင် ၃ ရက်ခန့် ဆက်တိုက် တောင်း ပန်သင့်ပါသည်။

အကြံပေးရင်းတောင်းဆိုချင်ပါသည်။

(၁) မြန်မာနိုင်ငံ အကျဉ်းထောင်များအတွင်းတွင် နိုင်ငံရေးအကျဉ်းသမား မရှိပါဟု ဇွတ်ငြင်းခဲ့သော သမ္မတ ဦးသိန်းစိန်ကိုယ်တိုင် ယ္ခင်ခေတ် အဆက်ဆက်က (၎င်းကိုယ်တိုင်ပါသောခေတ်က) နိုင်ငံရေးနှင့် ရာဇတ်မှုတို့ကို ရောထွေးကာ တရားစီရင်ခဲ့မှုများကြောင့် ထောင်ကျခံနေရသော နိုင်ငံရေးအကျဉ်းသား အားလုံးကို လွှတ်ပါတော့မည်ဟု ဇွန်လ ၄ရက်နေ့ ညနေပိုင်းတွင် ကြေငြာခဲ့ပါသည်။

မြန်မာနိုင်ငံတွင်ရိုဟင်ဂျာ လူမျိုးမရှိပါဟု တစ်ချိန်လုံးငြင်းဆိုနေရာမှ ထိုင်းနိုင်ငံတွင် လုပ်သော ဖိုရမ် တစ်ခုတွင် ရခိုင် လူမျိုးသမိုင်း ဆရာ ဒေါက်တာ အေးချမ်းက သမိုင်းဝင် ရှေးဟောင်း ရိုဟင်ဂျာလူမျိုးဆိုသည်မှာ ရခိုင် ဗုဒ္ဓဘာသာဝင်များကို ခေါ်ဆိုခြင်းဖြစ်ကြောင်း ဇွတ်ရော အဓမ္မပါ ကြေငြာပါတော့သည်။

အထက်ပါ ဦးသ်ိန်းစိန်နှင့် ဒေါက်တာအေးချမ်းတို့၏ လုပ်ရပ်များကို အခြေခံစဉ်းစားသော် မူလဒေသခံ ရိုဟင်ဂျာနှင့် ခိုးဝင်လာသူ ဘင်္ဂလာလီများကို ရောထွေးပြဿနာ ရှာနေမှုများကို ရပ်တန့်ပြီး သမိုင်းဝင် ဒေသခံ ရိုဟင်ဂျာတို့ကို မြန်မာနိုင်ငံသားအဖြစ် အသိအမှတ်ပြုပါတော့မည်ဟု တနေ့နေ့တွင် ကြေငြာရန် အလားအလာ ရှိပါသည်ဟု ဒဿနိကဗေဒ (Logic) နည်းဖြင့်တွက်ကြည့်လျှင် မမှားနိုင်ကြောင်း သမိုင်းကို နှံ့စပ်သူတိုင်း သိပါလိမ့်မည်။ ထိုအချိန်တွင် ရိုဟင်ဂျာများအတွက် Two Child Policy ပြဌာန်း သူနှင့် ထောက်ခံသူတို့ ဒုက္ခတွေ့မည်ကို မြင်ယောင်နေမိပါသည်။

(၂) ယနေ့ခေတ်သည် နာဇီဟစ်တလာခေတ် မဟုတ်သောကြောင့် လူသားတို့ အတွက်သာမက တိရိစ္ဆာန်တို့ အတွက် ကုသရေးနှင့် ဆေးသုတေသနဆိုင်ရာ ဥပဒေများကို ပြဌာန်းသည့်အခါ ဥပဒေ ပညာရှင် တို့သည် သမားကျင့်ဝတ် (ဆေးပညာကျင့်ဝတ်) ပညာရှင်များနှင့် ညှိနှိုင်းရေးဆွဲ ပြဌာန်းကြရပါသည်။

(၃) M.B.,B.Sအောင်ရုံ၊ MRCP ရရုံမျှနှင့် သမားကျင့်ဝတ်များတတ်သိနားလည်ပြီဟု မမှတ်ယူသင့်ပါ။ ဆေးသုတေသနနှင့် ကုသရေး အပိုင်းတွင်သာမက ကိုယ်ခန္တာ အစိတ်အပိုင်းများ အစားထိုး ကုသခြင်းဆိုင်ရာ ကျယ်ဝန်းသည့် ဆေးပညာကျင့်ဝတ် (Medical Ethics) များကိုသီးသန့် အထူးပြုလေ့လာထားမှသာကျင့်ဝတ် ချိုးဖေါက်မှုများကို ချက် (ဂျက်) ကျကျ ထောက်ပြနိုင်ပါမည်။

ထို့ကြောင့် ဆရာဝန်တိုင်း သိသင့်သည့် Medical Governance and Humanity workshop ကို ဇွန် ၁၇၊ ၁၈၊ ၁၉ သုံးရက်တိတိ မြန်မာနိုင်ငံဆရာဝန် အသင်းတိုက်တွင် အထွေထွေရောဂါကု အသင်း ဆေးပညာ ကျင့်ဝတ် ကော်မတီမှ ဦးစီးကျင်းပရန် ရှိပါသဖြင့် ဒေါက်တာဒေါ်ခင်စောဝင်း တက်လိုပါက [email protected] ကိုဆက်သွယ်ကာ စာရင်းပေးသွင်းနိုင်သည့်အကြောင်း သတင်းကောင်း ပါးအပ်ပါသည်။

(၄) RFA မှ ဦးခင်မောင်ငြိမ်းကို အကြံပေးချင်ပါသည်။ ဆေးပညာရှင် သမားကျင့်ဝတ်များနှင့် ပတ်သက် လျှင် Ethics ပညာရှင်များဖြစ်သော မာမီကြီးဒေါက်တာဒေါ်မြင့်မြင့်ခင်၊ ဒေါက်တာဦးရဲသွေး၊ မှုခင်းဆရာဝန်ကြီး ဒေါက်တာ ဦးသိန်းဇော်၊ ဒေါက်တာဒေးဗစ်ကျော်နှင့် လူငယ်လက်တက် ဒေါက်တာ မြင့်ဦး (ဂျီပီ) စသည်တို့နှင့် ဒုတိယ ဆွေးနွေးခြင်း (Second Consultation) မလုပ်ဘဲ မထုတ်လွှင့်သင့်ကြောင်း RFA အသံလွှင့်ဌာနကို အကြံ ကောင်းတစ်ခု ပေးချင်ပါသည် ခင်ဗျား။

** M-Media သို့ အီးမေးလ်မှ တဆင့်ပေးပို့လာသော ဆောင်းပါးဖြစ်ပါသည်။

ဆောင်းပါးရှင်၏ အာဘော်သာဖြစ်ပါသည်။

June 6, 2013
မကောင်းဆိုးဝါးမွှေတဲ့ ဒုက္ခ (The Straits Times မှ ဘာသာပြန် ဆောင်းပါး)

ဇွန် ၅ ၊ ၂၀၁၃
M-Media
ဘာသာပြန်-ကိုလေး

ယခင်အစိုးရဟောင်းအုပ်စုများထဲက မြေတောင်မြှောက်ပေးခဲ့တဲ့ ပြည်တွင်းအကြမ်းဖက်ဂိုဏ်းက ဒီမိုကရေစီကို ဖြိုလဲပျက်ပြားစေဖို့လုပ်ဆောင်နေတယ်လို့ တချို့ကပြောနေကြတယ်။

အေးဆေးငြိမ်းချမ်းတဲ့ ရှမ်းပြည်နယ် လားရှိုးမှာ လွန်ခဲ့တဲ့ သီတင်းပတ်က (၂)ရက်ကြာ အကြမ်းဖက်မှုကြောင့် လူ ၈-ယောက်သေဆုံးခဲ့ပေမယ့် အစိုးရသတင်းက ၂-ယောက်သာ သေသည်ဟု သတင်းထုတ်ပြန်ခဲ့တယ်။ ဒီလို ယခင်နဲ့ပုံစံတူ တစ်နိုင်ငံလုံးကို တုန်လှုပ်ချောက်ခြားစေတဲ့ နောက်ထပ်သွေးမြေကျမှု ပုံရိပ်များဟာ မြန်မာနိုင်ငံရဲ့ပုံမှန် ဖြစ်ရိုးဖြစ်စဉ်လို ဖြစ်နေပါပြီ။ စံနစ်တကျ ဖွဲ့စည်းထားတဲ့ အကြမ်းဖက်လူအုပ်စုဟာ မြို့ထဲဝင်ရောက်လာပြီး မွတ်စလင်မ်တွေကို ပစ်မှတ်ထား တိုက်ခိုက်ခဲ့တာဖြစ်တယ်။

ဒီလို တိုက်ခိုက်မှုနောက်ကွယ်မှာ ဘယ်သူရှိတာကို အမျိုးမျိုးထင်ကြေးပေးနေကြသော်လည်း၊ ဒီလိုဖြစ်ရပ်တွေဟာ အစိုးရရဲ့ ဥပဒေစိုးမိုးရေးလုပ်ဆောင်ချက်တွေကို စိန်ခေါ်နေပါတယ်။ အရေးအကြီးဆုံးက လူမျိုး၊ ဘာသာ ပေါင်းစုံနေထိုင်တဲ့ မြန်မာနိုင်ငံရဲ့ ဒီမိုကရေစီဟာ ဒီဖြစ်ရပ်ဆိုးတွေနဲ့ တွေ့ကြုံစမ်းသပ်ခံနေရပါတယ်။

ရှေ့အပတ် နေပြည်တော်မှာ ကမ္ဘာ့စီးပွားရေး forum ကို စဖို့ရှိတဲ့အတွက် ယခုအခါ လားရှိုးမြို့မှာ တည်ငြိမ်အောင် စစ်တပ်ချထားရပါတယ်။

ဒီလိုဖြစ်ရပ်တွေ ဆက်လက်ဖြစ်ပေါ်နေခြင်းဟာ အစိုးရက အကြိမ်ကြိမ်ပေးထားတဲ့ ဥပဒေစိုးမိုးရေးဆောင်ရွက်နေတယ် ဆိုတဲ့ ကတိတွေ၊ ခွဲခြားမှုမရှိပါဘူးဆိုတဲ့အပြောတွေနဲ့ ဆန့်ကျင်ဖက်ဖြစ်နေတယ်။ ပြည်ပမှာ ရင်းနှီးမြှုပ်နှံလိုသူတွေ၊ စောင့်ကြည့်လေ့လာနေသူတွေက ဆယ်စုနှစ်များစွာ စစ်တပ်နှင့်လက်နက်ကိုင် တိုင်းရင်းသားတွေအကြား -စစ်တပ်နဲ့အစိုးရအကြားမှာ တစ်နည်းမဟုတ်တစ်နည်း ရှုပ်ထွေးပွေလီကွဲပြဲနေတဲ့ မြန်မာနိုင်ငံကို ဘယ်လိုမှ နားမလည်နိုင်အောင် ရှိနေပါတယ်။

လားရှိုးမှာ ဗုဒ္ဓဘာသာဝင် ရှမ်းလူမျိုးနဲ့ မွတ်စလင်မ်ကြားမှာ ဘာပြဿနာမှ မရှိခဲ့ပါဘူး။ ယခင်အပတ်က တိုက်ခိုက်ခံရတဲ့ မွတ်စလင်မ်တွေကို ရှမ်းဘုန်းကြီးများက သူတို့ရဲ့ ဘုန်းကြီးကျောင်းမှာ ကာကွယ်ခိုလှုံခွင့်ပေးထားခဲ့ပါတယ်။

ရှမ်းဘုန်းကြီးအုပ်စုတစ်စုက ဒီလို စတင်အကြမ်းဖက်တာ ဗမာတွေကလုပ်တာ၊ ရှမ်းတွေကလုပ်တာ မဟုတ်ဘူးလို့ ပြောပါတယ်။ ဒီပြဿနာကို စဖြစ်စေတဲ့ ဗုဒ္ဓဘာသာ အမျိုးသမီးကို မီးရှို့တဲ့ မွတ်စလင်မ်ဆိုသူဟာ လားရှိုးမြို့က မဟုတ်ပါဘူးလို့ လားရှိုးမြို့ခံတွေက ပြောပါတယ်။ ဘယ်ကလာမှန်းမသိတဲ့ အပြင်လူတွေ ရုတ်တရက်ပေါ်လာပြီး ဗလီတစ်လုံး၊ မိဘမဲ့ကလေးကျောင်း နဲ့ မွတ်စလင်မ်အိမ်တွေကို စတင်ဖျက်ဆီးခဲ့ကြတာလို့ပြောကြတယ်။

လူ ၄၀ ကျော် သတ်ဖြတ်ခံရတဲ့ မိတ္ထီလာက မွတ်စလင်မ်တွကို အကြမ်းဖက်မှု၊ ပဲခူးမြို့က ဖျက်ဆီးမှုလုပ်ရပ်တွေဟာလည်း မြို့ပြင်ပမှ လူတွေ ပြုလုပ်ခဲ့တယ်ဟု မြို့ခံများက ပြောပါတယ်။

လုံခြုံရေးတပ်ဖွဲ့တချို့ဆီက ကြားသိချက်အရ အကြမ်းဖက်အုပ်စုတွေဟာ အဓိကအားဖြင့် စွမ်းအားရှင်အဖွဲ့ဝင်တွေ ဖြစ်တယ်လို့ သိရပါတယ်။ စွမ်းအားရှင်ဆိုတာ ယခင် စစ်အစိုးရလက်ထက်က ငြိမ်းချမ်းစွာ ဆန္ဒပြသူများကို ဖြိုခွင်းဖို့ စနစ်တကျ သင်ကြားပေးထားတဲ့ လက်ရဲဇက်ရဲ လူမိုက်လူယုတ်တွေ၊ ရာဇ၀တ်မှုကျူးလွန်ခဲ့သူတွေ၊ ကြံရာပါတွေနဲ့ ပါဝင်ဖွဲ့စည်းပေးထားတဲ့ အဖွဲ့ဖြစ်ပါတယ်။ စွမ်းအားရှင်ဆိုတာ အာဏာရှိသူ၊ အစွမ်းရှိသူ လို့ အဓိပ္ပါယ်ရတယ်။

၂၀၀၃ ခုနှစ် ဒေါ်အောင်ဆန်းစုကြည်နဲ့အဖွဲ့ကို ဒီပဲယင်းမှာ တိုက်ခိုက်လုပ်ကြံခဲ့တာ၊ ၂၀၀၇ ရွှေဝါရောင်တော်လှန်ရေးမှာ သံဃာတော်တွေကို ဖြိုခွင်းခဲ့တာလည်း ဒီစွမ်းအားရှင်တွေထဲကပဲလို့ အများက ယုံကြည်နေကြတယ်။

လွတ်လပ်သောအာရှလူ့အခွင့်အရေးကော်မရှင်ရဲ့ ၂၀၀၈ ခုနှစ် အစီရင်ခံစာမှာ “ ဒီအုပ်စုရဲ့တည်ရှိမှုနဲ့လှုပ်ရှားမှုတွေကို အများသိပြီးဖြစ်တယ်။ တရားဝင် အသိအမှတ်ပြု အဖွဲ့အစည်းမဟုတ်သလို ပြည်တွင်းသတင်းမီဒီယာများကလည်း ဖော်ပြလေ့မရှိပါဘူး။ လူသိလည်း မခံတတ်ကြဘူး ” လို့ ဖော်ပြထားပါတယ်။

စွမ်းအားရှင်ဟာ ယခင် စစ်အစိုးရကို ထောက်ခံခဲ့တဲ့ ပြည်ထောင်စု ကြံ့ခိုင်ရေးနှင့်ဖွံ့ဖြိုးရေးအသင်း(USDA)ရဲ့ လက်ကိုင်တုတ်ဖြစ်ခဲ့တယ်။ အဲဒီအသင်းကတဆင့် (USDP)ပါတီ အဖြစ်ပြောင်းလဲပြီး လက်ရှိအာဏာရပါတီဖြစ်နေပါတယ်။ ဒါပေမယ့် သူတို့ဟာ စွမ်းအားရှင်အုပ်စုနဲ့ ပတ်သက်မှု မရှိကြောင်း မျက်စေ့မှိတ်ငြင်းဆိုခဲ့ပါတယ်။

Taung Tha (တောင်သာ)လို့ခေါ်တဲ့နေရာမှာ ဗုဒ္ဓဘာသာဝင်ပြည်သူ့စစ်အဖွဲ့သစ်လည်း ပေါ်ပေါက်လာတယ်ဆိုပြီး နီးစပ်သူများထံက သတင်းတွေလဲ ထွက်ပေါ်လာတယ်။ တောင်သာမြို့ဟာ အလွန်အင်မတန် သဘောထားဆိုးတယ်လို့ လူသိများတဲ့ ဦးအောင်သောင်းရဲ့ မြို့ဖြစ်နေပါတယ်။ ဦးအောင်သောင်းဟာ ဗိုလ်ချုပ်ဟောင်းတစ်ယောက်ဖြစ်ပြီး၊ လက်ရှိအာဏာရပါတီ (USDP) ရဲ့ အရေးပါတဲ့ ရာထူးရှင်လဲ ဖြစ်ပါတယ်။

မိတ္ထီလာနဲ့ လားရှိုးက အကြမ်းဖက် တိုက်ခိုက်မှုတွေကို စံနစ်တကျ စီစဉ်ထားပြီး ပြီပြီပြင်ပြင် အကောင်အထည်ဖော်သွားခဲ့ပါတယ်။ လားရှိုးအကြမ်းဖက်မှုမဖြစ်ခင် ၂ ရက်အလိုက ဗုဒ္ဓဘုန်းကြီး ဦးဝီရသူဟာ လားရှိုးမြို့က ကီလိုမီတာ ၅၀ လောက်ဝေးတဲ့ မြို့တစ်မြို့မှာ သူရဲ့ဝသီအတိုင်း မွတ်စလင်မ် ဆန့်ကျင်ရေး တရားဟောခဲ့ပါတယ်။ စွမ်းအားရှင် နဲ့ ၀ီရသူဦးဆောင်တဲ့ ၉၆၉ တွေဟာ အပြန်အလှန် မှီခို ပူးပေါင်းဆောင်ရွက်နေကြတဲ့အဖွဲ့လို့ မြန်မာ့အရေးသုံးသပ်သူတွေက တင်ပြတယ်။

စွမ်းအားရှင်တွေက ပညာမတတ်တဲ့ တောင်သူလယ်သမားတွေကို မမှန်သတင်းများနဲ့ အမုန်းပွား ဒေါသထွက်အောင် လှုံ့ဆော်စည်းရုံးအင်အားစုခဲ့ပြီး၊ ပြဿနာကို မီးခွက်ထွန်းရှာနေခဲ့ကြတယ်။ စဖြစ်တာနဲ့ အရှိန်မြှင့်တင် ထိုးသွင်းလိုက်ကြတယ်။

မွတ်စလင်မ်တွေကို တိုက်ခိုက်ဖို့ ဓါးရှည်၊ မြက်ခုတ်လွှဓါး၊ ဆယ်ပေါင်တူ စတဲ့ လက်နက်များကို တပ်ဆင်ထားတဲ့ အကြမ်းဖက်သမားများကို ကားများနဲ့ စနစ်တကျ သယ်ယူပို့ဆောင်ပေးတာဖြစ်တယ်။

သူတို့ တိုက်ခိုက်မှုပုံစံဟာ အလွန်ရက်စက်ကြမ်းကြုတ်ပြီး ရန်သူကို အချိန်ကိုက်နည်းစံနစ်နဲ့ စစ်ဆင်နေသလိုပါဘဲ။ တစ်စုံတစ်ရာ အရေးယူဖွယ်မရှိကြောင်း ကြိုတင်သိထားပုံရတယ်။ အပြစ်မဲ့သူကို ရန်သူအဖြစ် ဖန်တီးလိုက်ပြီး သို့မဟုတ် ရုန်းရင်းဆန်ခတ်ဖြစ်အောင်ဖန်တီးပြီး တိုက်ခိုက်ကြမယ်။ အဲ့ဒီအခါ လုံခြုံရေးတပ်ဖွဲ့တွေနဲ့ ထိပ်တိုက်တွေ့အောင် လမ်းကြောင်းပေးတတ်ကြပါတယ်။

ဒီလိုနည်းဗျူဟာကို အသုံးချခြင်းအားဖြင့် ပြည်သူ့လွှတ်တော်က လက်လှမ်းမမီတဲ့ မကိုင်တွယ်နိုင်တဲ့ အခြေအနေမျိုးဖြစ်နေသယောင် လုပ်ထားပါတယ်။ အကယ်၍ သက်တမ်းနုသေးတဲ့ ဒီမိုကရေစီဟာ ဖရိုဖရဲဖြစ်သွားမယ်ဆိုရင် (ဒါမှမဟုတ်) တစ်ချိန်က သူတို့ကို ချမ်းသာကြွယ်ဝစေတဲ့ အာဏာဆုပ်ကိုင်ထားမှု ဆုံးရှုံးသွားပြီး စစ်မှန်တဲ့ ဒီမိုကရေစီဖြစ်လာမယ်ဆိုရင် ဒီလိုနည်းလမ်းတွေကို အမာခံပေါ်လစီတစ်ရပ်လို ပြည်သူ့လွှတ်တော်ကို ချုပ်ကိုင်နိုင်ဖို့ဖြစ်တယ်။

လားရှိုးအကြမ်းဖက်မှုအပေါ် အစိုးရဘက်က တုန့်ပြန်မှုကတော့ မိတ္ထီလာထက်မြန်ဆန်ပါတယ်။ အနောက်နိုင်ငံက လူ့အခွင့်အရေးအုပ်စုတွေနဲ့ ဒီမိုကရေစီထောက်ခံအားပေး လှုပ်ရှားသူတွေဟာ နိုင်ငံရေးမှာ စစ်တပ်ရဲ့ အခန်းကဏ္ဍ လျှော့ချဖို့တောင်းဆိုနေချိန်မှာ စစ်တပ်ကသာ ငြိမ်းချမ်းရေးကို ထိန်းသိမ်းနိုင်တယ်ဆိုတဲ့အမြင်ရောက်အောင် စစ်တပ်က လမ်းပေါ်ကို ပြန်တက် ရောက်ရှိလာပါတယ်။

ဗမာမျက်ကန်းမျိုးချစ်အမျိုးသားရေးဝါး နိုးကြားလာပြီး သမ္မတသိန်းစိန်နဲ့ ဒေါ်အောင်ဆန်းစုကြည်ကို အပြစ်မြင်အောင်၊ ဒါ့အပြင် တရုတ်ဆန့်ကျင်ရေးလှုပ်ရှားမှု လမ်းလွဲသွားအောင် နိုင်ငံရေးကစားကွက်ကြီးလုပ်ရာမှာ မွတ်စလင်မ်တွေဟာ ထိုးကျွေးခံရတဲ့ နယ်ရုပ်လေးတွေဖြစ်နေပါတယ်လို့ မွတ်စလင်မ်တွေ ခံစားနေကြရပါတယ်။ စစ်တပ်ရဲ့အခန်းကဏ္ဍဟာ တိုင်ပြည်အတွက်အရေးကြီးကြောင်းကိုလည်း တစ်ဖက်လှည့်နဲ့ ဖော်ပြလိုက်တာဖြစ်ပါတယ်။

သမ္မတဦးသိန်းစိန်ကတော့ ဒီလို ဒီမိုကရေစီအပြောင်းအလဲကာလမှာ ဒီလို အစွန်းရောက် နှောက်ယှက်ဖျက်ဆီးမှုတွေကို ပြတ်ပြတ်သားသား နှိမ်နင်းဖို့သတိပေးလိုက်ပေမယ့် ၊ မြန်မာ့နိုင်ငံရေးနဲ့အာဏာရေးမှာ ရက်စက်ကြမ်းကြုတ်မှုက ထာဝစဉ်ရှိနေပါတယ်။

ဒီကြောက်စရာကောင်းတဲ့ (old monsters) လက်ဟောင်းမကောင်းဆိုးဝါးတွေကို မထိန်းချုပ်နိုင်ရင် သမ္မတရဲ့အခန်းကဏ္ဍဟာ တဖြေးဖြေး မှေးမှိန်ချည့်နဲ့သွားမယ်လို့ သုတေသီများက သုံးသပ်ပြထားပါတယ်။

**၂၀၁၃ ခုနှစ် ဇွန်လ ၂ ရက် နေ့ The Straits Times သတင်းစာပါ “Old monsters stirring up trouble” ဆောင်းပါးကို ကိုလေး ဆီလျော်အောင် ဘာသာပြန်ဆိုပါသည်။

June 5, 2013
သည်မိုး သည်လေ သည်လူတွေ (ဆောင်းပါး)

ဇွန်လ-၃၊၂၀၁၃
ဆောင်းပါးရှင်-အောင်တင်

ဇွန်လ(၂)ရက် ၂၀၁၃ခု မနက်ပိုင်း RFAမှာ ရိုဟင်ဂျာလူဦးရေ ထိန်းချုပ်ရေးကိစ္စကို ကနေဒါက ဒေါက်တာခင်စောဝင်းနဲ့ အမေရိကက ကိုအောင်မိုးဝင်းတို့ ထောက်ခံ ဆွေးနွေးသွားတာကို စိတ်မသက်မသာ နားထောင်ရတယ်။ အဲဒီမတိုင်ခင်ကလည်း ဒေါက်တာခင်စောဝင်းရဲ့ ထောက်ခံဆွေးနွေးချက်ကို RFAက အကြိမ်ကြိမ် ထုတ်လွှင့်ခဲ့ပါတယ်။

ဒေါ်ခင်စောဝင်းက အများရဲ့အခွင့်အရေးကို ကာကွယ်ဖို့ အနည်းရဲ့ အခွင့်အရေးကို ချိုးဖောက်နိုင်တယ်ဆိုပြီး အများနဲ့ သက်ဆိုင်တဲ့ နေရာတွေမှာ ဆေးလိပ်သောက်တားမြစ်ခြင်းကို ဥပမာပေး ထောက်ပြသွားခဲ့တယ်။ ဆေးလိပ်သောက်ခြင်းဆိုတာ ဗိုလ်ချုပ်အောင်ဆန်း လွန်ခဲ့သောနှစ်(၆၀)ကျော်က ထောက်ပြခဲ့တဲ့ လမ်းပေါ်မှာ ဆေးရိုးလှမ်းတဲ့ လူ့အခွင့်အရေးမျိုးဖြစ်ပြီး လူသားတွေရဲ့ မူလဘူတ အခြေခံအခွင့်အရေးဖြစ်တဲ့ လူသားမျိုးဆက်ပြန့်ပွါးပိုင်ခွင့်နဲ့ မနှိုင်းယှဉ်အပ် မနှိုင်းယှဉ်ကောင်းတဲ့အရာ ဖြစ်တယ်ဆိုတာကို လူ့အခွင့်အရေးနဲ့ ကျန်းမာရေးနယ်ပယ်မှာ အတွေ့အကြုံရှိတဲ့ ဆရာမကြီးက မေ့လျော့သွားဟန်တူပါတယ်။ ရှိစေတော့။

ကိုအောင်မိုးဝင်းက သူဟာ အရှေ့အလယ်ပိုင်း၊ အမေရိကန် နိုင်ငံခြားရေး မူဝါဒတွေကို အထူးပြုလေ့လာသူဖြစ်တဲ့အတွက် ရုရှားအကြောင်းကို မရှိမဖြစ် လေ့လာရပါတယ်တဲ့။ ဆိုဗီယက်အင်ပါယာပြိုကွဲရတာ ချက်ချနီးယား(မွတ်စလင် ကိုယ်ပိုင်အုပ်ချုပ်ခွင့်ဒေသ)က လူဦးရေ များပြားလာခြင်းကလည်း တစ်ကြောင်းပါတယ်တဲ့။ ရင်သတ်ရှုမော အံ့သြဘွယ်ရာ သုံးသပ်ချက်ဖြစ်ပါတယ်။ ဆင်ဖြတ်လို့ တံတားကြီး တုန်သွားတဲ့အခါ ဆင်နားရွက်ထဲက မွှားကောင်ရဲ့ အလေးချိန်ကလည်း သက်ရောက်မှုရှိပါတယ်ဆိုတဲ့ ပြင်ညာရှိကြီးပေဘဲ။ မြန်မာတစ်နိုင်ငံလုံး မွတ်စလင် မုန်းတီးရေး လှုံ့ဆော်မှုတွေ၊ မွတ်စလင်တွေကို တိုက်ခိုက်မှုတွေ ပြင်းထန်နေချိန်မှာ ဆိုင်ဆိုင် မဆိုင်ဆိုင် ရတဲ့အပေါက်က မွတ်စလင်မုန်းတီးရေး တုတ်ထဲ့လိုက်မဟေ့ဆိုတဲ့ စိတ်စေတနာဆိုးက တံတားပေါ် ဆင်သွားသလို ထင်ရှားလှတယ်။ ရှိစေတော့။

နိုင်ငံတကာ အတွေ့အကြုံတွေ များပြားလှပါတယ်ဆိုတဲ့ ဒေါက်တာယဉ်ယဉ်နွယ်ကလည်း (သူ့ရဲ့ ကြည်ညိုစရာကောင်းတဲ့ မျက်နှာဟန်ပေးတွေနဲ့) ခေတ်နောက်ကျနေတဲ့ တနည်းအားဖြင့်ဆိုရင် အစွန်းရောက်နေတဲ့ မွတ်စလင်ဘာသာရေး ဆရာတွေက သားသမီးကန့်သတ်ရေးကို ရခိုင်ပြည်မှာ ကန့်ကွက်ဟန့်တားနေသတဲ့။ ကမ္ဘာပေါ်မှာ လူဦးရေ အများဆုံးဖြစ်တဲ့ အပြင် ဒေါက်တာဘွဲ့ရ ပညာတတ်အကျော်အမော်တွေ ထောင်သောင်းသိန်းချီအောင် ရှိနေနိုင်တဲ့ ကက်သိုလစ် ဂိုဏ်းဝင်တွေကလည်း လူသိ၊ ကမ္ဘာသိ ယနေ့တိုင်အောင် သားသမီးတားဆီးခြင်းကို ခါးခါးသီးဆန့်ကျင်နေကြဆဲဖြစ်တာကို ကျနော်တို့ရဲ့ ဒေါက်တာမကြီးက သိဟန်မတူဘူး။ အဲဒီကက်သိုလစ်တွေကို ပညာမတတ်ဘူး။ အစွန်းရောက်နေတယ်လို့ ဆရာမကြီး ပြောရဲသလားဆိုတာကို သိချင်မိတယ်။ ကက်သိုလစ်ဘာသာကြီးစိုးတဲ့ နိုင်ငံအချို့မှာ သားသမီးကန့်သတ်ခြင်းကို လက်မခံကြပေမဲ့ အိမ်နီးချင်း ဘင်္ဂလားဒေ့ရ်ှအပါအဝင် မွတ်စလင်နိုင်ငံတွေမှာ သားသမီးကန့်သတ်ခြင်းကို ကျင့်သုံးနေကြတယ်ဆိုတာကိုလည်း ပညာရှင်ဆရာမကြီးက မေ့ချင်ယောင် ဆောင်နေပြန်တယ်။ သူ့မစ်ရှင်(Mission)က မီးငြိမ်းတဲ့ မစ်ရှင် မဟုတ်ဘူး။ ဓါတ်ဆီလောင်းတဲ့ မစ်ရှင်ဖြစ်ဟန်တူတယ်။ ရှိစေတော့။

ရှိစေတော့တွေ များလာရင်တော့ ကိစ္စရှိလာနိုင်ပါတယ်။

ဒီနေ့ ဦးသိန်းစိန်အစိုးးရရဲ့ လူဦးရေထိန်းချုပ်ခြင်းကို ဒေါ်အောင်ဆန်းစုကြည်၊ လူ့အခွင့်အရေး အဖွဲ့အစည်းတွေနှင့် ကုသသမဂ္ဂက ကန့်ကွက်နေတာလား။ ထိန်းချုပ်တဲ့နည်းစနစ်၊ ပုံသဏ္ဍာန်ကို ကန့်ကွက်နေတာလားဆိုတဲ့ အင်မတန်အခရာကျတဲ့ မေးခွန်းကြီးကို RFAမှာ ဆွေးနွေးသူ ပညာရှင်နှစ်ယောက်ကော၊ သတင်းမေးသူ ဦးခင်မောင်ငြိမ်းတို့ သာကမ မြန်မာပြည်သူ အများအပြားက နားလည်သဘောပေါက်ဟန် မတူကြတာက ဝမ်းနည်းစရာပါ။

ကမ္ဘာကြီးမှာ လူဦးရေ ပေါက်ကွဲမှု များပြားနေပြီး အစာရေစာနဲ့ သဘာဝပတ်ဝန်းကျင် ပျက်ဆီးဆုံးရှုံးမှုတွေ များပြားနေလို့ ကုလသမဂ္ဂကိုယ်တိုင်က ငွေကုန်ကြေးကျခံ၊ အဖွဲ့အစည်းတွေဖွဲ့၊ ပညာရှင်တွေအကူအညီနဲ့ လူဦးရေ ထိန်းချုပ်ရေး ကူညီလုပ်ဆောင်ပေးနေတာကို မမြင်ကြဘူးလား။ အိမ်နီးချင်း အိန္ဒိယ၊ ဘင်္ဂလားဒက်နိုင်ငံတွေအပါအဝင် ကမ္ဘာ့နိုင်ငံအားလုံးလောက်လိုလို (လူဦးရေတိုးနှုံး အနှုတ်ပြနေတဲ့ စီးပွားတိုးတက်သော နိုင်ငံအနည်းငယ်ကလွဲလို့)က လူဦးရေ ထိန်းချုပ်ခြင်းကို ကိုယ့်နည်းကိုယ့်ဟန်နဲ့ လုပ်နေကြတာကို မတွေ့ကြဘူးလား။ ဆင်းရဲပြီး သားသမီးများရင် ခလေးကော၊ မိခင်သာ ထိခိုက်ရုံမက လူ့အဖွဲ့အစည်းကိုပါ ဝန်ထုပ်ဝန်ပိုးဖြစ်နေလို့ လူဦးရေ ထိန်းချုပ်ခြင်း (Family Planning)ကို လူ့အခွင့်အရေးအဖွဲ့အစည်း၊ ကျန်းမာရေးအဖွဲ့အစည်း အားလုံးလိုလို ထောက်ခံကူညီနေကြတာကို ဒီပညာရှင်ကြီးများ မသိကြဘူးလား။

ဦးသိန်းစိန်ကို ထောက်ခံချင်ဇောကြောင့် ဒေါ်အောင်ဆန်းစုကြည်က ဘာကြောင့် ကန့်ကွက်ရသလဲဆိုတာကို မစဉ်းစားနိုင်ကြဘူး ဆိုရင်တော့ ကျနော်တို့နိုင်ငံ ဒီမိုကရေစီ ခရီးလမ်းက ကြမ်းနေအုံးမှာပါ။

ဒေါ်အောင်ဆန်းစုကြည်အပါအဝင် လူ့အခွင့်အရေး အဖွဲ့အစည်းတွေ၊ နိုင်ငံတကာအစိုးရတွေနဲ့ ကုလသမဂ္ဂတို့က ရိုဟင်ဂျာတွေကို ခလေးနှစ်ယောက်ထက် ပိုမယူရဆိုတဲ့အမိန့်ကို ကန့်ကွက်ရခြင်းက အမိန့်အာဏာနဲ့ လုပ်လို့ဖြစ်တယ်။ အမိန့်အာဏာနဲ့ လုပ်ရင် လူ့အခွင့်အရေး ချိုးဖောက်မှုဖြစ်တယ်။ ဒါကြောင့် လူ့အခွင့်အရေး ချိုးဖောက်မှု မဖြစ်အောင် စည်းရုံးခြင်း၊ ပညာပေးခြင်း၊ အထောက်အကူပေးခြင်းအားဖြင့်သာ လုပ်ကြဖို့ လိုပါတယ်။

ရိုဟင်ဂျာတွေ ဆင်းရဲတယ်။ ဆင်းရဲမှာပေါ့။ ဆင်းရဲအောင် အလုပ်ခံထားရတာကိုး။ သူတို့ထွက်ကုန်တွေ သူတို့ လွတ်လပ်စွာ ရောင်းဝယ်ခွင့် မရှိဘူး။ လွတ်လပ်စွာ ခရီးသွား ကုန်သွယ်ခွင့် မရှိဘူး။ အစိုးရကလည်း ဘာအထောက်အကူ (Infrastructures)မှ မလုပ်ပေးဘူး။ ဒီကြားထဲ သူတို့လယ်တွေ၊ ကျွဲနွားတွေကိုလည်း မကြာခဏ အဓမ္မ အသိမ်းခံကြရတယ်။ အသစ်နေရာချပေးတဲ့ နတလရွာသားတွေအတွက် သူတို့ လယ်၊ သူတို့ နွားကို ပေးရတယ်။ အလုပ်ခွင်မှာလည်း ပေါ်တာ အဆွဲခံရတယ်။

ရိုဟင်ဂျာတွေဟာ ပညာမတတ်ဘူး။ ဘာကြောင့်လဲ။ ကျောင်းအင်မတန် နည်းတယ်။ ဘာသာစကား ကျွမ်းကျင်တဲ့ ရိုဟင်ဂျာဆရာ မခန့်ဘူး။ ရခိုင်ဆရာတွေကို အများဆုံး ခန့်တယ်။ ဆရာအများစုကြီးက အိမ်မှာနေပြီး လခထိုင်ထုတ်၊ ကျောင်းမလာ။ စေတနာနည်း။

ရိုဟင်ဂျာတွေမှာ ပညာတတ်ရှားတယ်။ နည်းနည်းပါးပါး စာသင်နိုင်သူတွေ ဆယ်တန်းအောင်ရင် တက္ကသိုလ်တက်ခွင့်ရရေးက အိုင်ယာလန်ထီပေါက်တာထက် ပိုခက်ခဲတယ်။ ပညာတတ်တွေ မဖြစ်လာအောင် စနစ်တကျပိတ်ဆို့ထားတာ ၁၉၈၂ နိုင်ငံသားဥပဒေ ပြဌာန်းပြီး နောက်ပိုင်းကတည်းကဘဲ။

ရိုဟင်ဂျာတွေ လူဦးရေများတယ်ပြောတယ်။ လွန်ခဲ့သော ဘယ်နှစ်ခုနှစ်က လူဦးရေ ဘယ်လောက်ရှိခဲ့ပြီး အခုဘယ်လောက်ရှိလာလို့ လူဦးရေတိုးနှုံး ဘယ်လောက်မြင့်တက်လာပါတယ်လို့ ကိန်းဂဏန်းနဲ့ မချပြဘဲ ဘယ်လိုလုပ် လူဦးရေများတယ် ပြောနိုင်ကြတာလဲ။ ဘာအထောက်အထားနဲ့ ပြောနေတာလဲ။ ရိုဟင်ဂျာတွေကို ခွင့်ပြုချက်ရမှ လက်ထပ်ရမယ်။ ခလေးနှစ်ယောက်ထက် ပိုမယူရဘူးဆိုတာ နှစ်နှစ်ဆယ်ကျော်နေပြီ။ ဘယ်လိုလုပ်ပြီး လူဦးရေ များတယ် ပြောနိုင်ရတာလဲ။

မိသားတစ်စုမှာ ၅၀ – ၆၀ လောက်ရှိတယ်။ ဟုတ်လား။ ခင်ဗျားတို့ကို အဖိုး အဖွား၊ အမိ အဘ၊ သား သမီး၊ မြေးမြစ်အထိအောင် အိမ်ထောင်စုစာရင်း တစ်ခုဘဲ လုပ်ပေးထားရင် ခင်ဗျားတို့လည်း ၅၀ – ၆၀ မဖြစ်သွားနိုင်ဘူးလား။

အုပ်ချုပ်ရေး၊ ပညာရေး၊ ကျန်းမာရေး၊ ဌာနဆိုင်ရာမှာ ရိုဟင်ဂျာကို အလုပ်မခန့်တော့ဘူး။ အနှိမ်ခံ အဖိခံလုပ်ထားတယ်။ ဒီလူမျိုးမှ မနိမ့်ကျရင် ဘယ်လူမျိုး နိမ့်ကျအုံးမှာလဲ။ ဒီလိုလူမျိုးမှ ခေတ်နောက်မကျရင် ဘယ်လူမျိုး ခေတ်နောက်ကျအုံးမှာလဲ။ သူတို့ကို လွတ်မြောက်အောက် အကူအညီပေးမှာလား။ ပိုဆိုးအောင် ပိုဖိနှိပ်မှာလား။

ဒါကြောင့် ပထမအဆင့်အနေနဲ့ ရိုဟင်ဂျာတွေမှာ တစ်ကယ်ဘဲ လူဦးရေး တိုးပွါးမှုနှုံး မြင့်နေသလား။ အခြားမြန်မာနိုင်ငံသားတွေမှာကော လူဦးရေ တိုးပွါးနှုံးမြင့်နေသလား။ လူဦးရေတိုးနှုံးများနေတာမှန်ရင်၊ မိသားစု စီမံကိန်းလုပ်ဖို့ လိုအပ်တာမှန်ရင် သက်ဆိုင်ရာ ပညာရှင်တွေ၊ လူ့အဖွဲ့အစည်းတွေရဲ့ ထင်သာမြင်သာသော ထောက်ခံမှုနှင့် ပူးပေါင်းဆောင်ရွက်မှုကို ရယူပြီးမှ သားသမီး ဦးရေကို ထိန်းချုပ်တဲ့ မိသားစုစီမံကိန်း (Family Planning)ကို လုပ်ရမှာဖြစ်တယ်။ သို့သော် အမိန့်အာဏာနဲ့ လုပ်လို့ မရပါဘူး။ အမိန့်အာဏာနဲ့ ခိုင်းရင် လူ့အခွင့်အရေး ချိုးဖောက်မှုဖြစ်ပါတယ်။ လုပ်ချင်ရင် ရိုဟင်ဂျာတွေကို စည်းရုံးပါ။ ပညာပေးပါ။ ရိုဟင်ဂျာ လူထုခေါင်းဆောင်တွေ၊ ဘာသာရေး ခေါင်းဆောင်တွေ၊ နိုင်ငံရေးခေါင်းဆောင်တွေနဲ့ ညှိနှိုင်းဆောင်ရွက်ပါ။ ဒီနည်းဘဲ ရှိပါတယ်။

လက်ပံတောင်းတောင် စီမံကိန်း အစီရင်ခံစာနှင့် ရခိုင်ပဋိပက္ခစုံစမ်းရေး ကော်မရှင် အစီရင်ခံစာထဲက သပြေသီးကောက်သလို ကိုယ်ကြိုက်တာရွေးပြီး အကောင်အထည်ဖေါ်နေတာတွေ၊ ကိုယ်မကြိုက်တာတွေကို မသိချင်ယောင်ဆောင်နေတာတွေက သိပ်သိသာလွန်းနေပါပြီ။ ဦးသိန်းစိန်အစိုးရအနေနဲ့ ရှက်တတ်ဖို့ လိုပါတယ်။

နောက်ဆုံးအနေနဲ့ ပြောချင်တာက ရိုဟင်ဂျာတွေရဲ့ အပြည့်အဝ ပူးပေါင်းဆောင်ရွက်မှုကို လိုချင်တယ်ဆိုရင် သူတို့ကို လူလိုမြင်ကြပါ။ လူလိုဆက်ဆံကြပါ။ လူလို လေးစားပြပါ။ လူလို လူလို မမြင်ရင် လူသားအဖြစ်မှ တစ်ကယ်တန်း ဆုံးရှုံးသွားသူက ဘယ်သူတွေလဲဆိုတာကို သိပါ။

June 3, 2013