Tag: Australia

သြဂုတ် ၂၇၊ ၂၀၂၄
M-Media

-အလုပ်ချိန်နောက်ပိုင်း အလုပ်ရှင်က အလုပ်နဲ့ပတ်သက်တဲ့ ဆက်သွယ်ပြောဆိုမှုတွေကို လစ်လျူရှုနိုင်ရေး အာမခံချက်ပေးမယ့် ဥပဒေတစ်ခုကို သြစတေးလျက စက်တင်ဘာ ၂ ရက်နေ့မှာ စတင် အသက်သွင်းတော့မှာ ဖြစ်ပါတယ်။

“Right To Disconnect” လို့ အမည်ပေးထားတဲ့ အဲဒီဥပဒေအရ အလုပ်ချိန်ပြင်ပ ဆက်သွယ်ခိုင်းစေမှုတွေကို မလုပ်ပေးရင် အရေးယူတတ်တဲ့ အလုပ်ရှင်တွေကို တားဆီးအရေးယူသွားမှာ ဖြစ်ပါတယ်။

ကိုဗစ်ကပ်ရောဂါ စတင်ပြီး အိမ်ကနေအလုပ်လုပ်တဲ့ဓလေ့ ကမ္ဘာမှာ ပိုမိုထွန်းကားလာပြီးတဲ့နောက် အလုပ်ချိန်ပြင်ပ ၀န်ထမ်းတွေရဲ့ ကိုယ်ပိုင်အချိန်တွေမှာပါ အလုပ်ရှင်တွေက အီးမေလ်း၊ စာတိုနဲ့ ဖုန်းတွေကနေတစ်ဆင့် ဆက်သွယ် ခိုင်းစေမှု မြင့်တက်လာခဲ့တာဖြစ်ပါတယ။

ဒီဓလေ့ကြောင့် သြစတေးလျ ၀န်ထမ်းတစ်ဦးဟာ ၂၀၂၃ ခုနှစ်အတွင်း လုပ်ခလစာမရဘဲ အချိန်ပို အနည်းဆုံး ၂၈၁ နာရီ လုပ်ပေးခဲ့ရတယ်ဆိုတာ လေ့လာဆန်းစစ်မှုတွေမှာ တွေ့ရပါတယ်။ တစ်နိုင်ငံလုံး အတိုင်းအတာနဲ့ယှဥ်ရင် ကန်ဒေါ်လာ ၈၈ ဘီလီယံလောက် ၀န်ထမ်းတွေဖက်က နစ်နာနေတာ ဖြစ်ပါတယ်။

Right To Disconnect လို ဥပဒေမျိုး ပြဌာန်းထားတာ ကမ္ဘာမှာ သြစတေးလျအပြင် နောက်ထပ် အနည်းဆုံး နိုင်ငံ ၂ ဒါဇင်လောက်ရှိနေပြီး ဥရောပနဲ့ လက်တင်အမေရိက နိုင်ငံတွေ ဖြစ်ပါတယ်။

Ref: Reuters

မတ် ၁၈၊ ၂၀၂၃

M-Media

– သြစတေးလျနိုင်ငံ နယူးဆောက်သ်၀ေးလ် ပြည်နယ်က မြို့ငယ်လေးတစ်မြို့မှာ ငါးသန်းချီ သေဆုံးပြီး ကမ်းပေါ်လာတင်နေတာကို မနေ့က တွေ့ခဲ့ရပါတယ်။ 

မီနင်ဒီဆိုတဲ့မြို့က ဒီအဖြစ်အပျက်ဟာ ဒါလင်ဘာကာ မြစ်မှာဖြစ်ပေါ်နေတဲ့ အပူလှိုင်းကြောင့်ဖြစ်တယ်လို့ အာဏာပိုင်တွေက ပြောပါတယ်။ 

ဒီမြို့မှာ လွန်ခဲ့တဲ့ ၃ နှစ်လောက်က ဒီလိုအဖြစ်အပျက်မျိုး ဖြစ်ပွားခဲ့ပြီး အခုတစ်ကြိမ် ထပ်ကြုံရတာပါ။ ကမ္ဘာကြီးပူးနွေးလာမှုရဲ့ နောက်ဆက်တွဲ ဆိုးကျိုးလည်း ဖြစ်ပါတယ်။ 

စက်မှုထွန်ကားတဲ့ ခေတ်ကကာလနောက်ပိုင်း ကမ္ဘာကြီးရဲ့အပူချိန်ဟာ ၁.၁ စင်တီဂရိတ် တိုးလာပြီး၊ ကာဘွန်ထုတ်လွှတ်မှုကို မလျှော့ချနိုင်ရင် ဒီထက်ဆက်ပြီး တိုးဖို့ ရှိနေပါတယ်။

ဒါလင်ဘာကာမြစ်ဟာ သြစတေးလျက ရေအရင်းအမြစ်ကွန်ယက်တွေထဲမှာ အရေးပါပြီး မီနင်ဒီမြို့ခံတွေကလည်း ဒီမြစ်ကို အမှီပြုရပ်တည်နေရတာ ဖြစ်ပါတယ်။

ပြည်နယ်အာဏာပိုင်တွေကတော့ ငါးတွေ အခုလို သန်းနဲ့ချီ သေဆုံးမှုရဲ့ အကြောင်းအရင်းအသေးစိတ်ကို ဗဟိုအစိုးရရဲ့ အကူအညီနဲ့ အဖြေရှာသွားမယ်လို့ ပြောကြားခဲ့ပါတယ်။ 

Ref: BBC 

ဒီဇင်ဘာ ၂၊ ၂၀၂၀
M-Media

-အမေရိကန်နဲ့ ပူးပေါင်းပြီး အသံထက်မြန်တဲ့ ဒုံးကျည်တွေ ဖန်တီးထုတ်လုပ်သွားမယ်လို့ ဩစတေးလျ ကာကွယ်ရေးဝန်ကြီးက မနေ့မှာ ပြောကြားလိုက်ပြီး ဒါဟာ တိုင်းပြည်ရဲ့ အကျိုးစီးပွား ခြိမ်းခြောက်ခံရမှုကို ကာကွယ်ဖို့ဖြစ်တယ်လို့ ဆိုပါတယ်။

လက်ရှိမှာ တရုတ်နဲ့ ရုရှားတို့က အသံထက်မြန်တဲ့ ဒုံးကျည်တွေကို ဖန်တီးထုတ်လုပ်နေတာ ဖြစ်ပါတယ်။

ဩစတေးလျက အခုထုတ်လုပ်မယ့် ဒုံးကျည်ဟာ အသံထက် ၅ ဆ မြန်မှာဖြစ်ပြီး ခြေရာခံဖို့ ခက်ခဲမှာ ဖြစ်ပါတယ်။ ဩစတေးလျ ကာကွယ်ရေးဝန်ကြီး လင်ဒါရေနိုးလ်ဒ်က ဒီစီမံကိန်းဟာ မိမိတို့ရဲ့ ကာကွယ်ရေးစွမ်းအားကို ရုတ်ချည်းပြောင်းလဲစေမယ့် စီမံကိန်းဖြစ်တယ်လို့ ပြောကြားခဲ့ပါတယ်။ စီမံကိန်းအတွက် ဘယ်လောက်ကုန်ကျမယ်ဆိုတာနဲ့ ဘယ်တော့ အသုံးပြုနိုင်မယ်ဆိုတာကိုတော့ ဝန်ကြီးက ပြောကြားခဲ့ခြင်း မရှိပါဘူး။

အမေရိကန် ခေတ္တကာကွယ်ရေးဝန်ကြီး မီခေးလ် ကရတ်စီယို့စ်က စီမံကိန်းဟာ အနာဂတ် အသံထက်မြန်တဲ့ နည်းပညာ သုတေသနအတွက် အရေးပါပြီး၊ အမေရိကန်နဲ့ မဟာမိတ်တွေကို ဒီနယ်ပယ်မှာ ဦးဆောင်သူတွေ ဖြစ်လာစေလိမ့်မယ်လို့ ပြောကြားခဲ့ပါတယ်။

ဩစတေးလျဟာ လတ်တလောမှာ တရုတ်နိုင်ငံနဲ့ တင်းမာမှုတွေ မြင့်တက်နေတာပါ။ တရုတ်နိုင်ငံ ဝူဟန်မြို့မှာ စဖြစ်ခဲ့တဲ့ ကိုဗစ်ကပ်ရောကိစ္စကို နိုင်ငံတကာအသိုင်းအဝိုင်းက စုံစမ်းစစ်ဆေးဖို့ ဩစတေးလျက တိုက်တွန်းခဲ့ပြီးတဲ့နောက် တရုတ်ဟာ ဩစတေးလျထုတ်ကုန်တွေအပေါ် ပိတ်ဆို့မှုတွေ လုပ်ခဲ့ပါတယ်။

ဩစတေးလျ စစ်သားတစ်ယောက်ဟာ အာဖဂန်ကလေးငယ်ရဲ့ လယ်ပင်းမှာ ဓားတင်ထားတဲ့ပုံစံ ဖန်တီးထားတဲ့ ပုံတုတစ်ပုံကို တရုတ်အစိုးရ အကြီးတန်းတာဝန်ရှိသူတစ်ဦးက တနင်္လာနေ့ ဆိုရှယ်မီဒီယာမှာ လွှင့်တင်ခဲ့ပြီးတဲ့နောက် တရုတ်နဲ့ ဩစတေးလျတို့အကြား တင်းမာမှုဟာ ပိုမိုမြင့်တက်လာခဲ့ပါတယ်။

ကာကွယ်ရေးဆိုင်ရာ လေ့လာဆန်းစစ်သူတွေက တရုတ်ဟာ အသံထက်မြန်တဲ့ ဒုံးကျည်တွေကို ချထားပြီးပြီ ဒါမှမဟုတ် ချထားဖို့ နီးစပ်နေပြီလို့ သုံးသပ်ထားပါတယ်။

Ref: Aljazeera