Tag: Australia

ဧပြီ ၆၊ ၂၀၁၅
M-Media

– မူးယစ်မှောင်ခိုမှုဖြင့် သေဒဏ်ချမှတ်ခံထားရပြီး မကြာမီ ကွပ်မျက်ခံရတော့မည့် သြစတေးလျနိုင်ငံသား ၂ ဦးအတွက် အယူခံကို အင်ဒိုနီးရှားက ယနေ့တွင် ပယ်ချလိုက်သည်ဟု သိရသည်။

အန်ဒရူးချန်နှင့် မြူရန် ဆူကူမာရန်တို့၏ သေဒဏ်ပြစ်ဒဏ်ကို လျော့ပေါ့ပေးရန် အယူခံဝင်ခဲ့ခြင်းဖြစ်ပြီး ဂျာကာတာရှိ အုပ်ချုပ်ရေးဆိုင်ရာတရားရုံးက သမ္မတ၀ီဒိုဒို လွတ်ငြိမ်းချမ်းသာခွင့် ပယ်ချထားသည့် ထိုအမှုကို မိမိတို့က ကြားနာရန် အခွင့်အာဏာမရှိဟုဆိုကာ ပယ်ချခဲ့ခြင်းဖြစ်သည်။

တရားခံများ၏ ရှေ့နေအဖွဲ့ကမူ ဖွဲ့စည်းပုံအခြေခံဥပဒေခုံရုံးသို့ ဆက်လက်တက်ရောက်သွားမည်ဟုဆိုပြီး အင်ဒိုနီးရှား တရားသူကြီးချုပ်က ရှေ့နေအဖွဲ့မှာ တရားရေးနှင့်ကစားနေသည်ဟု ပြောကြားခဲ့ကာ ထိုသို့ဆောင်ရွက်မှုများက ကွပ်မျက်မည့်အစီအစဉ်ကို နှောင့်နှေးစေမည်မဟုတ်ဟု ပြောကြားခဲ့သည်။

ချန်နှင့် ဆူကူမာရန်တို့မှာ “ဘာလီနိုင်း” ဟု ခေါ်သည့် မူးယစ်မှောင်ခိုဂိုဏ်း၏ ခေါင်းဆောင်များဖြစ်ပြီး အင်ဒိုနီးရှားတွင် ဘိန်းဖြူ မှောင်ခိုကုန်ကူးမှုဖြင့် ၂၀၀၆ ခုနှစ်က သေဒဏ် ချမှတ်ခံခဲ့ရခြင်းဖြစ်သည်။

ကွပ်မျက်ခံရမှုမှ လွတ်မြောက်ရန် နောက်ဆုံးအခွင့်အရေးအဖြစ် သမ္မတ၏ လွတ်ငြိမ်းချမ်းသာခွင့် တောင်းခံမှုကို သမ္မတ ၀ီဒိုဒိုက မကြာသေးမီကပင် ပယ်ချခဲ့သည်။ ၎င်းတို့နှစ်ဦးမှာ အခြားသော ပြင်သစ်၊ ဘရာဇီးလ်၊ ဖိလစ်ပိုင်၊ နိုက်ဂျီးရီးယားနှင့် ဂါနာတို့မှ မူးယစ်မှောင်ခိုသမားများနှင့်အတူ မကြာခင် ကွပ်မျက်ခံရတော့မည်ဖြစ်သည်။

အင်ဒိုအစိုးရကမူ ထိုအုပ်စုတွင် ပါဝင်သူများ၏ အယူခံဝင်မှုများအားလုံး ဖြေရှင်းပြီးမှသာ ကွပ်မျက်သွားမည်ဟု ပြောကြားထားပြီး အချို့သော တရားခံများမှာ တရားရုံးချုပ်သို့ အယူခံများ တင်ထားသောကြာင့် သီတင်းပတ်အနည်းငယ် ကြာမြင့်မည်ဖြစ်သည်။

Ref: Channelnewsasia

ဧပြီ ၅၊ ၂၀၁၅
M-Media

– သြစတေးလျနိုင်ငံတစ်ဝှမ်းရှိ မြို့များတွင် အစ္စလာမ်ဆန့်ကျင်ရေး ချီတက်ဆန္ဒပြသူများနှင့် လူမျိုးရေးခွဲခြားမှု ဆန့်ကျင်ရေး ချီတက်ဆန္ဒပြသူများအကြား ယမန်နေ့က ထိပ်တိုက်တွေ့ဆုံခဲ့ကြပြီး ရုန်းရင်းဆန်ခတ်မှုများ ဖြစ်ပွားခဲ့သည်ဟု သိရသည်။

အဆိုးဝါးဆုံး ရုန်းရင်းဆန်ခတ်မှုမှာ သြစတေးလျ၏ ဒုတိယမြို့တော်ဖြစ်သော မဲလ်ဘုန်းမြို့လည်ကောင်ရှိဖက်ဒရေးရှင်းရင်ပြင်တွင်ဖြစ်ပြီး ရဲတပ်ဖွဲ့ဝင်များမှာ ဆန္ဒပြသူ ၃၀၀၀ ကျော်ကို လူစုခွဲရန် ခက်ခက်ခဲခဲ ကြိုးစားခဲ့ရကာ ဒဏ်ရာရရှိသူများကိုလည်း သူနာပြုယာဉ်များက ကုသပေးခဲ့ရသည်။

မဲလ်ဘုန်းဖြစ်စဉ်အတွင်း ရဲတပ်ဖွဲ့က အမျိုးသား ၂ ဦးနှင့် အမျိုးသမီးတစ်ဦးကို ရဲတပ်ဖွဲ့က ဖမ်းဆီးခဲ့ပြီး တရားစွဲဆိုခဲ့ကာ နောက်ပိုင်းတွင် ပြန်လွှတ်ပေးခဲ့သည်။

Reclaim Australia ဟုခေါ်သည့် အဖွဲ့တစ်မှာ ယမန်နေ့က နိုင်ငံတစ်ဝှမ်းရှိ မြို့ပေါင်း ၁၆ မြို့၌ အစ္စလာမ်ဆန့်ကျင်ရေး၊ သြစတေးလျတစ်ဝှမ်းတွင် ရောင်းချနေသော အသားများတွင် ဟာလာလ်တံဆိပ်ဖြုတ်ရေး၊ ရရှီအာဥပဒေ ဆန့်ကျင်ရေး ချီတက်ဆန္ဒပြမှုများ ပြုလုပ်ခဲ့သည်။

သို့သော်လည်း No Room for Racism၊ Socialist Alliance နှင့် Socialist Alternative အဖွဲ့များအပါအ၀င် လက်ဝဲယိမ်းအဖွဲ့များက လူမျိုးရေးခွဲခြားမှုဆန့်ကျင်သည့် ကျွေးကျော်သံများကို ကျွေးကျော်ကာ အစ္စလာမ်ဆန့်ကျင်ရေးအုပ်စုများကို တန်ပြန်ဆန္ဒပြခဲ့သည်။

Reclaim Australia မှ ဆန္ဒပြသူ ရွန်ဒါ ကက်ရ်ှမိုးရ်ကမူ မိမိတို့၏ ဆန္ဒပြမှုမှာ လူမျိုးရေးခွဲခြားနှင့် မပတ်သက်ဟုဆိုသည်။

“ဒီကိုလာချင်တဲ့ ပြောင်းရွှေ့အခြေချသူတွေရှိတာကို အများစုက ပျော်ရွှင်ကြပါတယ်။ ကျွန်တော်တို့ရဲ့ ဥပဒေတွေကို မလိုက်နာချင်သူတွေကိုသာ ကျွန်တော်တို့ ဆန့်ကျင်ဆန္ဒပြတာပါ” ဟု ကက်ရ်ှမိုးရ်က ဆိုသည်။

လူမျိုးရေးခွဲခြားမှု ဆန့်ကျင်ရေးအဖွဲ့မှ ဂျရာဒ် မိုရဲလ်က မိမိတို့အဘိုးမှာ ဒုတိယကမ္ဘာစစ်အတွင်းက နာဇီတို့၏ သားကောင်ဖြစ်သည့်အတွက် အစ္စလာမ်ဆန့်ကျင်ရေး ဆန္ဒပြမှုကို လက်မခံဟု ဆိုသည်။

“ကျွန်တော်မြင်ရတာကတော့ အတွေးအခေါ်တွေ ဖြောင့်ဖြောင့်ကြီးဆန့်ကျင်နေတဲ့ အုပ်စု ၂ ခုပါပဲ။ သူတို့ရဲ့ အယူအဆတွေက အစွန်းရောက်နေပြီး သြစတေးလျရဲ့ ရပ်တည်ချက်နဲ့ မလျော်ကန်ပါဘူး” ဟု မိုရဲလ်က ပြောကြားခဲ့သည်။

Ref: Todayonline

ဖေဖော်ဝါရီ ၉၊ ၂၀၁၅
M-Media

– သြစတေးလျရှေ့ပိုင်း ကမ်းခြေတစ်ခုတွင် လှိုင်းစီးနေသည့် ဂျပန်နိုင်ငံသားတစ်ဦးမှာ ယမန်နေ့က ငါးမန်းကိုက်ခံရသောကြောင့် ခြေထောက်နှစ်ဖက်စလုံး ဆုံးရှုံးခဲ့ကာ သေဆုံးခဲ့သည်ဟု သိရသည်။

ဘရစ္စဘိန်းမြို့မှ ၁၈၇ ကီလိုမီတာဝေးသော ဘာလီနာမြို့အနီး ကမ္ဘာလှည့်ခရီးသွားများဖြင့် စည်ကားသော ရှဲလီကမ်းခြေတွင် ဖြစ်ပွားခဲ့ခြင်းဖြစ်ပြီး အသက် ၄၁ နှစ်အရွယ် အဆိုပါဂျပန်နိုင်ငံသားမှာ လှိုင်းစီးနေစဉ် ငမန်းကိုက်ခံခဲ့ရပြီး ခြေထောက် နှစ်ဖက်စလုံး ဆုံးရှုံးခဲ့သည်။ ၎င်းအား လှိုင်းစီးနေသည့်အဖွဲ့များက ရှေးဦးသူနာပြုနည်းဖြင့် ကုသခဲ့သော်လည်း သွေးလွန်ကာ အသက်ဆုံးရှုံးခဲ့သည်။

အဆိုပါကမ်းခြေအနီးတွင် စနေနေ့ကလည်း ငါးမန်းကိုက်မှုတစ်ခု ဖြစ်ပွားခဲ့ပြီး အက် ၃၅ နှစ်အရွယ် ဂျာဘက်ဇ်ရိုက်မန်ဆိုသူမှာ ၎င်း၏ လှိုင်းစီးဘုတ်ပြားပေါ်တွင် ထိုင်နေစဉ် ငါးမန်းကိုက်ခံခဲ့ရခြင်းဖြစ်ပြီး ကျောကုန်းနှင့် တင်ပဆုံတို့တွင် ဒဏ်ရာရရှိခဲ့သည်။

“တစ်စုံတစ်ခုက ရေပေါ်ကိုထွက်လာပြီး ကျွန်တော့်ရဲ့တင်ပါးကို ကိုက်ကာ ရေထဲကိုဆွဲသွားပါတယ်။ အဲဒီနောက်မှာ ကျွန်တော်ရေပေါ်ကို ပြန်တက်လာနိုင်ခဲ့ပြီး ကမ်းခြေကိုရောက်ဖို့ ကီလိုမီတာ ၆၀ လောက် ပြန်လှော်ခဲ့ရပါတယ်” ဟု ရိုက်မန်က ပြောကြားခဲ့သည်။

ယမန်နေ့ကဖြစ်ပွားခဲ့သည့် ငါးမန်းကိုက်မှုပြီးနောက် ထိုကမ်းခြေတစ်ဝိုက်ကို တာဝန်ရှိသူများက ပိတ်ပစ်ခဲ့သည်။ ငါးမန်းကိုက်မှုများမှာ သြစတေးလျကမ်းခြေများတွင် မကြာခဏဖြစ်ပွားလေ့ရှိသော ဖြစ်ရပ်ဖြစ်ပြီး ကျွမ်းကျင်သူများကမူ ရေပေါ်ကစားနည်းများ လူကြိုက်များလာသည့်အတွက်ကြောင့် ငါးမန်းများ၏ တိုက်ခိုက်မှုများမှာလည်း မြင့်တက်လာသည်ဟု ပြောကြားခဲ့သည်။

Ref: gulfnews

ဇန်န၀ါရီ ၁၇၊ ၂၀၁၅
M-Media

– ထိန်းသိမ်းရေးစခန်းရှိ ဆိုးရွားသော အခြေအနေများကို ဆန့်ကျင်သည့်အနေဖြင့် ပါပူအာနယူးဂီနီရှိ သြစတေးလျ ထိန်းသိမ်းရေးစခန်းမှ ဒုက္ခသည်များမှာ ဘလိတ်ဓားများ၊ ဆပ်ပြာမှုန့်များစားခြင်းနှင့် နှုတ်ခမ်းများကို အပ်ဖြင့်ချုပ်ခြင်း စသည့် နည်းလမ်းများဖြင့် ဆန္ဒပြနေကြသည်ဟု သိရသည်။

မန်နက်စ်ကျွန်းရှိ ထိန်းသိမ်းရေးစခန်းတွင် ဖြစ်ပွားခြင်းဖြစ်ပြီး ဒုက္ခသည်အခွင့်အရေး လှုပ်ရှားသူ အိယန် ရင်တူလ်ကမူ အမျိုးသား ၄၀ ခန့်မှာ နှုတ်ခမ်းများကို အပ်ဖြင့် ချုပ်ထားကြပြီး၊ သုံးဦးမှာ ဘလိတ်ဓားများကို မျိုချကာ အခြား ၄ ဦးမှာ ဆပ်ပြာမှုန့်များကို မျိုချထားကြသည်ဟု ယမန်နေ့က ပြောကြားခဲ့သည်။ ထို့ပြင် အစာငတ်ခံဆန္ဒပြသူ ဦးရေမှာလည်း ၄၀၀ ကျော်ရှိသည်ဟု ၎င်းက
ထပ်လောင်းပြောကြားခဲ့သည်။

သြစတေးလျ လူဝင်မှုကြီးကြပ်ရေး ၀န်ကြီး ပီတာဒက်တန်ကလည်း ထိန်းသိမ်းရေးစင်တာမှ ဒုက္ခသည်များမှာ မိမိကိုယ်ကို နာကျင်စေသောလုပ်ရပ်များ လုပ်နေကြသည်ဟု အတည်ပြုခဲ့ပြီး အဆိုပါစခန်း မတည်မငြိမ်ဖြစ်မည်ကို စိုးရိမ်နေသည်ဟု ပြောကြားခဲ့သည်။

နိုင်အတွင်း ခိုလှုံရန်အတွက် လှေများဖြင့် ၀င်ရောက်လာသည့် ဒုက္ခသည်များကို သြစေတးလျက ပါပူအာနယူးဂီနီရှိ ထိန်းသိမ်းရေးစခန်းသို့ ပို့ဆောင်ထိန်းသိမ်းထားပြီး၊ ဒုက္ခသည်အစစ်အမှန်ဖြစ်သည်ဆိုလျှင်ပင် နိုင်ငံအတွင်းသို့ ၀င်ရောက်အခြေချခွင့် မပေးတော့ချေ။

မန်နက်စ်ကျွန်းရှိ ထိန်းသိမ်းရေးစခန်းမှ ဒုက္ခသည်တစ်ဦးကမူ ဒုက္ခည်များနှင့် လုံခြုံရေးတပ်ဖွဲ့များအကြား ရုန်းရင်းဆန်ခတ်မှုများ ဖြစ်ပွားပြီး ဒုက္ခသည်များမှာလည်း ခြိမ်းခြောက်ခံခဲ့ရသည်ဟု ပြောကြားခဲ့သည်။ သို့သော်လည်း ပါပူအာနယူးဂီနီအစိုးရကမူ ဒုက္ခသည်များနှင့် တာဝန်ရှိသူများအကြား ကိုယ်ထိလက်ရောက် ကိစ္စများ မဖြစ်ခဲ့ဟု ယနေ့တွင် ပြောကြားခဲ့သည်။

ပါပူအာနယူးဂီနီတွင် သြစေတးလျမှဖွင့်ထားသော ဒုက္ခသည်ထိန်းသိမ်းရေးစခန်း ၂ ခုရှိပြီး ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံးကမူ ထိုစခန်းများ၌ ဒုက္ခသည်များအား ဆိုးရွားစွာ ဆက်ဆံမှုများအတွက် ရှုတ်ချထားသည်။

Ref: aljazeera