Tag: Bangladesh

အောက်တိုဘာ ၆၊ ၂၀၁၇
M-Media

– မြန်မာနိုင်ငံက ထွက်ပြေးလာရတဲ့ ရိုဟင်ဂျာဒုက္ခသည်တွေအတွက် ကမ္ဘာ့အကြီးဆုံး ဒုက္ခသည်စခန်း တည်ဆောက်ပေးသွားမယ်လို့ ဘင်္ဂလားဒေ့ရ်ှက ဒီနေ့မှာ ပြောကြားလိုက်ပါတယ်။

သြဂုတ်လနှောင်းပိုင်းက ရိုဟင်ဂျာလက်နက်ကိုင်တွေ ရခိုင်မြောက်ပိုင်းက ရဲကင်းတွေကို ၀င်ရောက်တိုက်ခိုက်ခဲ့ပြီးတဲ့နောက် တစ်ကျော့ပြန် ဖြစ်ပွားလာတဲ့ မတည်ငြိမ်မှုတွေကြောင့် ရိုဟင်ဂျာ ၅ သိန်းလောက်ဟာ ဘင်္ဂလားဒေ့ရ်ှဖက်ကို ထွက်ပြေးခဲ့ရတယ်လို့ ကုလက သတင်းထုတ်ပြန်ထားပါတယ်။

၁၉၇၈ ခုနှစ်ကတည်းက ဘင်္ဂလားဒေ့ရ်ှကို ရောက်ရှိနေတဲ့ ရိုဟင်ဂျာဒုက္ခသည်အရေအတွက်ဟာ ၃ သိန်းလောက် ရှိနေပြီး အခုအရေတွက်နဲ့ဆို စုစုပေါင်း ၈ သိန်းလောက် ဖြစ်လာပါတယ်။

ဘင်္ဂလားဒေ့ရှ် ဘေးအန္တရာယ် စီမံခန့်ခွဲရေးနဲ့ ကယ်ဆယ်ရေးဝန်ကြီး မိုဖက်ဇဲလ် ဟိုစိန် ချောင်ဒရီ မာယာက ကော့ဇ်ဘဇား နယ်စပ်တစ်လျှောက်မှာရှိတဲ့ ဒုက္ခသည်စခန်းတွေနဲ့ ယာယီတဲတွေမှာ နေထိုင်ကြတဲ့ ရိုဟင်ဂျာတွေအားလုံးကို စခန်းအသစ်တစ်ခုမှာ နေရာချထားပေးသွားမယ်လို့ ပြောကြားခဲ့ပါတယ်။

“ပြန့်ကျဲနေထိုင်နေကြတဲ့သူတွေကို တစ်နေရာထဲမှာ ထားပေးသွားမှာပါ။ ဒီအတွက် နေရာထပ်လိုပြီး ဖြည်းဖြည်းချင်း ခေါ်ယူသွားမှာပါ” လို့ ၀န်ကြီးက AFP သတင်းဌာနကို ပြောကြားခဲ့ပါတယ်။

တစ်ချို့မိသားစုတွေဟာ Kutupalong Extension လို့ အမည်ပေးထားတဲ့ အဲဒီစခန်းသစ်ကို ပြောင်းရွှေ့နေကြကြောင်း၊ ရှိနေတဲ့ ဒုက္ခသည်စခန်းတွေထဲက ၂ ခုကို ပိတ်ပစ်လိုက်ပြီဖြစ်ကြောင်း ထည့်သွင်း ပြောဆိုခဲ့ပါတယ်။

ကုလကတော့ ဒုက္ခသည်တွေကို ဘင်္ဂလားဒေ့ရ်ှဖက်က ကြိုဆိုမှုအတွက် ချီးကျူးခဲ့ပြီး ရိုဟင်ဂျာ ဒုက္ခသည်တွေကို ကူညီဖို့အတွက် ကန်ဒေါ်လာ သန်း ၄၃၀ လောက် လိုမယ်လို့ ပြောကြားထားပါတယ်။

လက်ရှိမှာ ယူဂန်ဒါနိုင်ငံက ဘီဒီဘီဒီ ဒုက္ခသည်စခန်းဟာ လူဦးရေ ၂၈၅၀၀၀ နဲ့ ကမ္ဘာ့အကြီးဆုံး ဒုက္ခသည်စခန်းဖြစ်ပြီး ကင်ညာနိုင်ငံက ဒါဒဘ် ဒုက္ခသည်စခန်းကတော့ လူဦးရေ ၂၄၅၀၀၀ နဲ့ ဒုတိယ လိုက်ပါတယ်။

ကော့ဇ်ဘဇားက ဒီစခန်းသစ်ထဲ ရိုဟင်ဂျာတွေကို ပြောင်းရွှေ့နေရာချမှု ပြီးသွားရင် ဘင်္ဂလားဒေ့ရ်ှဟာ ကမ္ဘာ့အကြီးဆုံး ဒုက္ခသည်စခန်းရှိရာနိုင်ငံ ဖြစ်လာမှာ ဖြစ်ပါတယ်။

Ref: CNA

စက်တင်ဘာ ၂၂၊ ၂၀၁၇
M-Media

– ရခိုင်ပြည်နယ်မှာ လူမျိုးတုန်း သတ်ဖြတ်နေတာတွေကို မြန်မာနိုင်ငံက ရပ်တန့်ရမှာဖြစ်ပြီး အရပ်သားတွေကို ကာကွယ်ဖို့အတွက် ကုလရဲ့ ကြီးကြပ်မှုနဲ့ ‘အန္တရာယ်ကင်းဇုန်’ တွေ ဖန်တီးပေးဖို့ လိုတယ်လို့ ဘင်္ဂလားဒေ့ရ်ှဝန်ကြီးချုပ် ရှိခ်ဟာဆီနာက ကုလ အထွေထွေညီလာခံမှာ ပြောကြားလိုက်ပါတယ်။

“ဆာလောင်မွတ်သိပ်မှုအတိနဲ့ ပရိဒေ၀မီး တောက်လောင်ကာ မျှော်လင့်ချက်မဲ့ပြီး ဘင်္ဂလားဒေ့ရှ် ကော့ဇ်ဘဇားဒေသကို ထွက်ပြေးလာတဲ့ မြန်မာနိုင်ငံက ရိုဟင်ဂျာတွေကို ဒီမလာခင် ကျွန်မ သွားကြည့်ခဲ့ပါတယ်။ အဓမ္မ မောင်းထုတ်ခံရတဲ့ မြန်မာနိုင်ငံက ဒီလူတွေဟာ သူတို့ ရာစုနှစ်များစွာ နေထိုင်ခဲ့ကြတဲ့ သူတို့ရဲ့ နိုင်ငံကနေ ‘လူမျိုးစုလိုက် သုတ်သင်မှု’ ကြောင့် ထွက်ပြေးလာရတာပါ” လို့ ဟာဆီနာက မနေ့က မိန့်ခွန်းမှာ ထည့်သွင်းပြောဆိုခဲ့တာပါ။

လက်ရှိမှာ သူတို့နိုင်ငံဟာ မြန်မာနိုင်ငံက ထွက်ပြေးလာကြတဲ့ ရိုဟင်ဂျာ ၈ သိန်းလောက်ကို ခိုလှုံခွင့်ပေးထားရပြီး၊ မြန်မာနိုင်ငံမှာ ရက်စက်ကြမ်းကြုတ်မှုတွေ၊ လူ့အခွင့်အရေး ချိုးဖောက်မှုတွေ ဆက်လက်ဖြစ်ပွားနေတာကြောင့် မြန်မာ-ဘင်္ဂလားဒေ့ရှ် နယ်စပ်က အခြေအနေတွေကို ပိုမိုဆိုးရွားစေတယ်လို့လည်း ၀န်ကြီးချုပ်က ဆိုပါတယ်။

မြန်မာနိုင်ငံအနေနဲ့ ရခိုင်ပြည်နယ်က ‘လူမျိုးစုလိုက်သုတ်သင်မှု’ လုပ်ရပ်တွေကို ခြွင်းချက်မဲ့ လုံးဝ ရပ်တန့်ဖို့၊ ကုလအနေနဲ့ အချက်အလက်ရှာဖွေရေးအဖွဲ့ကို အမြန်ဆုံးလွှတ်ဖို့၊ ကုလရဲ့ ကြီးကြပ်မှုအောက်မှာ ဘာသာလူမျိုး မခွဲခြားဘဲ ‘အန္တရာယ်ကင်းဇုန်’ တွေ ဖန်တီးပေးဖို့၊ အဓမ္မနှင်ထုတ်ခံရပြီး ဘင်္ဂလားဒေ့ရ်ှကို ရောက်ရှိနေကြတဲ့ ရိုဟင်ဂျာတွေအားလုံးကို ရှေရှည်အဆင်ပြေစေမယ့် နည်းလမ်းနဲ့ မြန်မာနိုင်ငံက သူတို့ရဲ့အိမ်တွေကို ပြန်နိုင်ဖို့ ဘင်္ဂလားဒေ့ရ်ှဝန်ကြီးချုပ်က ထည့်သွင်း အဆိုပြုခဲ့ပါတယ်။

Ref: un.org