မေ ၂၁၊ ၂၀၁၈
M-Media
ချန်ပီယံလိဂ်ဗိုလ်လုပွဲလက်မှတ် မှောင်ခိုဈေးကွက်တွင် အဆမတန်မြင့်တက်
==============
မေလ ၂၆ ရက်နေ့မှာကစားမယ့် ချန်ပီယံလိဂ်ဗိုလ်လုပွဲအတွက် လီဗာပူးလ် လက်မှတ်တွေဟာ မှောင်ခိုဈေးကွက်မှာ မူရင်းဈေးထက် အဆ ၂၀ လောက် များနေလို့ ပရိတ်သတ်တွေက ဝေဖန်မှုတွေ ရှိနေပါတယ်။ လီဗာပူးလ်ရဲ့ လက်မှတ်ခွဲတမ်း ၁၆၆၂၆ စောင်ဟာ ရောင်းကုန်သွားပေမယ့် ၀ယ်ထားသူတွေဟာ အွန်လိုင်းမှာ ဈေး
တင်ရောင်းနေပြီး မူရင်းဈေး ပေါင် ၂၈၀ ရှိတဲ့ အထူးတန်း လက်မှတ်တစ်စောင်ကို ပေါင် ၁၄၀၀၀ အထိ ပေါက်နေပါတယ်။ အခြားလက်မှတ်တွေရဲ့ ဈေးတွေကလည်း မူရင်းဈေးတွေထက် မြင့်နေပါတယ်။ ယူကရိန်းနိုင်ငံ ကီဗ်မြို့က ဗိုလ်လုပွဲကစားမယ့်ကွင်းဟာ ပရိတ်သတ် ၆၃၀၀၀ လောက်ဆံ့ပြီး လီဗာပူးလ်ကတော့ မှောင်ခိုဈေးကွက်ကနေလက်မှတ်တွေမ၀ယ်ဖို့ ပရိတ်သတ်တွေကို တိုက်တွန်းထားပါတယ်။
ဘာစီလိုနာကွင်းလယ်လူ အင်နီယေစတာ မျက်ရည်လည်ရွဲဖြင့် အသင်းကိုနှုတ်ဆက်
============
၂၂ နှစ်လောက် ကျင်လည်ခဲ့ရတဲ့အသင်းကို နှုတ်ဆက်ရတဲ့နေ့ဟာ အလွန်အမင်း ခက်ခဲတဲ့နေ့ဖြစ်ပြီး အသင်းနဲ့ ပရိတ်သတ်တွေကို တစ်ဘ၀စာလုံး လွမ်းနေတော့မယ်လို့ ဘာစီလိုနာကွင်းလယ်လူ အင်နီယေစတာက ဒီနေ့မနက်ကစားခဲ့တဲ့ သူ့ရဲ့ နောက်ဆုံးပွဲအပြီးမှာ ပရိသတ်ကို နှုတ်ဆက်ခဲ့ပါတယ်။ ဘာစီလိုနာအသင်းကြီးမှာ ၁၆ နှစ်ကစားပေးခဲ့တဲ့ အင်နီယေစတာဟာ အဓိကဖလား ၂၂ လုံးရရှိခဲ့ပြီး နောက်နှစ်မှာ တရုတ်စူပါလိဂ်ကို ပြောင်းရွှေ့တော့မယ်လို့ သတင်းတွေ ထွက်နေပါတယ်။ အင်နီယေစတာကတော့ ပရိတ်သတ်တွေ၊ သူ့ကိုချစ်တဲ့သူတွေ၊ အသင်းဖော်တွေကို ကျေးဇူးတင်ကြောင်း၊ အသင်းဟာ သူ့ရဲ့နှလုံးသားထဲမှာ အမြဲရှိနေမှာဖြစ်ကြောင်း ပြောကြားခဲ့ပါတယ်။
ချန်ပီယံလိဂ်ဗိုလ်လုပွဲတွင် ရီးယဲလ်ကို အနိုင်ယူနိုင်မည်ဟု လီဗာပူးလ်နည်းပြ ပြော
==============
အသင်းရဲ့ စိတ်အားထက်သန်မှု၊ အမူကျင့်နဲ့ လုပ်အားတွေက ချန်ပီယံလိဂ်ဗိုလ်လုပွဲမှာ ရီးယဲလ်အသင်းရဲ့ အတွေ့အကြုံကို ကျော်ဖြတ်အောင်ပွဲခံနိုင်တယ်လို့ လီဗာပူးလ်နည်းပြ ကလော့ပ်က ပြောကြားလိုက်ပါတယ်။ ချန်ပီယံလိဂ် ၁၂ ကြိမ်ရထားတဲ့ ရီးယဲလ်နဲ့ ၅ ကြိမ်ရထားတဲ့ လီဗာပူးလ်တို့ဟာ မေလ ၂၆ ရက်နေ့ ကီဗ်မြို့မှာ ဗိုလ်လုရမှာပါ။ လီဗာပူးလ်ဟာ ၂၀၀၇ ခုနှစ်နောက်ပိုင်း ပထမဆုံး နောက်ဆုံးဗိုလ်လုပွဲကို တက်ရောက်နိုင်တာဖြစ်ပြီး ကလော့ပ်က ကွာတားဖိုင်နယ်မှာ မန်စီးတီး၊ ဆီးမီးဖိုင်နယ်မှာ ရိုးမားတို့ ကျော်ဖြတ်နိုင်ခဲ့တဲ့ ပုံစံအတိုင်း ရဲရဲဝံ့ဝံ့ကစားဖို့ အသင်းကို တိုက်တွန်းထားပါတယ်။
အသင်းမှထွက်ခွာချင်သည်ဟု နေးမာက ပီအက်စ်ဂျီကို ပြောထား
===========
ပီအက်စ်ဂျီတိုက်စစ်မှူး နေးမာဟာ ရီးယဲလ်ကိုပြောင်းရွှေ့ချင်တယ်လို့ အသင်းကို ပြောထားပေမယ့် အသင်းက သူ့ကို ပြောင်းရွှေ့ခွင့်မပေးဘူးလို့ သတင်းထွက်လာပါတယ်။ ဘာစီလိုနာကနေ ကမ္ဘာ့စံချိန်ပြောင်းရွှေ့ကြေး ယူရို ၂၂၂ သန်းနဲ့ မနှစ်ကမှ ပီအက်စ်ဂျီကိုရောက်လာတဲ့ နေးမာဟာ အခုနှစ်မှာ အသင်းက ထွက်ချင်နေတာပါ။ သူ့ရဲ့အေးဂျင့်က ရီးယဲလ်ဥက္ကဌ ပီရက်ဇ်နဲ့ မေလ ၁၃ ရက်နေ့မှာ တွေ့ဆုံခဲ့ပါတယ်။ နေးမာရဲ့ ဖခင်ဖြစ်သူကလည်း နေးမာ ရီးယဲလ်ကိုပြောင်းရွှေ့တာကို မြင်ချင်နေပါတယ်။
Ref: Goal, BBC
