Tag: Bercelona

သြဂုတ် ၈၊ ၂၀၁၇
M-Media

– ပီအက်စ်ဂျီသို့ ကမ္ဘာ့စံချိန်တင်ပြောင်းရွှေ့ကြေးဖြင့် ရောက်ရှိသွားသည့် ဘရာဇီးလ်တိုက်စစ်မှူး နေးမာမှာ အသင်းအပေါ် သစ္စာမရှိဟု ဘာစီလိုနာအသင်းဥက္ကဌ ဂျိုးဆက်ပ် မာရီယာ ဘာတိုမြူက ယမန်နေ့တွင် ဝေဖန်ပြောကြားလိုက်သည်။

ဘာစီလိုနာ၏ ရာသီကြို ခြေစမ်းပွဲတစ်လျှောက်လုံးတွင် နေးမာ အသင်းမှထွက်ခွာတော့မည်ဆိုသည့် သတင်းများမှာ ကျယ်ကျယ်ပြန့်ပြန့် ထွက်ပေါ်ခဲ့ပြီး အသင်းဖော်များက ထိုကိစ္စအတွက် မေးမြန်းခဲ့သော်လည်း နေးမာမှာ နောက်ဆုံး စာချုပ်ချုပ်ဆိုချိန် ပြီးခဲ့သည့်တစ်ပတ် ကြာသာပတေးနေ့အထိ မည်သည့်တုန့်ပြန်မှုမှ မပြုလုပ်ခဲ့ပေ။

“သူလုပ်တဲ့ ပုံစံမျိုးက မလုပ်သင့်မလုပ်ထိုက်တဲ့ ပုံစံမျိုးပါ။ ဒါဟာ ကစားသမားတွေဆီကနေ ကျွန်တော်တို့ မျှော်လင့်တဲ့ အပြုအမူမျိုး မဟုတ်ပါဘူး။ ကျွန်တော်တို့ဟာ အမြဲတမ်း ရှင်းရှင်းလင်းလင်း လုပ်ထားပြီး သူ့ဆီကလည်း ပြတ်ပြတ်သားသား သိချင်ခဲ့တာပါ။ တန်ဖိုးဆိုတာ ကျွန်တော်တို့အတွက် အရမ်းအရေးကြီးတဲ့အရာဖြစ်ပြီး ကစားသမားတွေအနေနဲ့ သူတို့ဟာ ကမ္ဘာ့အကောင်းဆုံး အသင်းမှာ ရှိနေတယ်ဆိုတဲ့ ခံစားချက်မျိုး လိုအပ်ပါတယ်” ဟု ယမန်နေ့က ပြုလုပ်ခဲ့သည့် ဘာစီလိုနာအသင်း ပရိတ်သတ်များ ညီလာခံတွင် ဘာတိုမြူက ပြောကြားခဲ့သည်။

နေးမာမှာ ဘာကာတွင် ၄ ရာသီကစားကာ ၁၀၅ ဂိုး သွင်းယူပေးခဲ့ပြီး လာလီဂါ ၂ ကြိမ်၊ ဘုရင့်ဖလား ၃ ကြိမ်၊ ချန်ပီယံလိဂ်တစ်ကြိမ် ရရှိခဲ့သည်။

“ဘယ်ကစားသမားမှ အသင်းအထက်မှာ မရှိပါဘူး။ အရာအားလုံးမှာ ကန့်သတ်ချက်တစ်ခုရှိနေပြီး ဒါ့ကြောင့်ပဲ ကျွန်တော်တို့ လုပ်စရာရှိတာ လုပ်ခဲ့တာပါ။ ကျွန်တော်တို့အသင်းအင်္ကျီကို ၀တ်ချင်တဲ့ လူတိုင်းအတွက် မက်ဆီနဲ့ အင်နီယေစတာတို့ဟာ သစ္စာရှိမှု ပြယုဂ်ပါပဲ” ဟု ဘာကာဥက္ကဌက ဆိုပြီး နေးမာမရှိသည့် ဘာစီလိုနာမှာ ရာသီသစ်အတွက် အသင့်ဖြစ်နေသည်ဟု ပြောကြားခဲ့သည်။

Ref: Alarabiya

သြဂုတ် ၃၊ ၂၀၁၇
M-Media

– ဥရောပဘောလုံးအဖွဲ့ချုပ်က ထုတ်ပြန်ထားသည့် ဘဏ္ဍာရေး ညီမျှမှု စည်းမျဉ်း (FFP) အား ချိုးဖောက်ဖွယ် ရှိနေသည့်အတွက်ကြောင့် ပီအက်စ်ဂျီအသင်းက နေးမာအပြောင်းအရွှေ့အတွက် လျော်ကြေး ယူရို ၂၂၂ သန်း ပေးချေမှုကို လာလီဂါတာဝန်ရှိသူများက လက်မခံဟု သိရသည်။

အသက် ၂၅ နှစ်အရွယ် နေးမာမှာ မနေ့က အသင်းမှ ထွက်ချင်သည်ဟု ဘာစီလိုနာအား ပြောကြားခဲ့ပြီး ကမ္ဘာ့စံချိန်တင်ပြောင်းရွှေ့ကြေးဖြင့် ပီအစ်က်ဂျီသို့ ရောက်ရန် ရှိနေသည်။

စာချုပ်သက်တမ်း မပြည့်သေးသောကြောင့် ပီအက်စ်ဂျီမှာ ဘာစီလိုနာအား လျော်ကြေး ယူရို ၂၂၂ သန်း ပေးရမည်ဖြစ်ပြီး စည်းမျဉ်းအားဖြင့် လာလီဂါအုပ်ချုပ်ရေးအဖွဲ့က လက်ခံရမည်ဖြစ်ကာ နောက်ပိုင်းတွင် ဘာစီလိုနာကို လွှဲပေးရမည်ဖြစ်သည်။

လာလီဂါက ယခုငွေကြေးကို လက်မခံမှုအတွက် ပြင်သစ် လိဂ်ဝမ်း တာဝန်ရှိသူတစ်ဦးက ဝေဖန်ခဲ့ပြီး လာလီဂါမှာ တရားနည်းလမ်းမကျသည့် လုပ်ရပ်ကို လုပ်နေခြင်းဖြစ်ကြောင်း၊ မိမိတို့အနေဖြင့် ဖြေရှင်းသွားမည်ဖြစ်ကြောင်း ပြောကြားခဲ့သည်။

ဘာစီလိုနာအသင်း၏ ပြောရေးဆိုခွင့်ရှိသူတစ်ဦးက ၎င်းတို့အနေဖြင့် အခြေအနေကို စောင့်ကြည့်နေသည်ဟု AP သတင်းဌာနသို့ ပြောကြားခဲ့သည်။ ဘာစီလိုနာမှာ ပီအက်စ်ဂျီ၏ ထိုကမ်းလှမ်းမှုအတွက် ဥရောပဘောလုံးအဖွဲ့ချုပ်ကို တင်ပြမည်ဟု စောစောပိုင်းက ပြောကြားခဲ့သည်။

လာလီဂါက နေးမာ၏ ရှေ့နေမှာ ထိုငွေကြေးကို မိမိတို့ထံ လာရောက်ပေးအပ်ခဲ့သော်လည်း မမိတို့က ငြင်းပယ်ခဲ့သည်ဟု BBC သို့ ပြောကြားခဲ့သည်။

Ref: BBC

သြဂုတ် ၁၊ ၂၀၁၇
M-Media

– ဘာစီလိုနာတိုက်စစ်မှူး နေးမာမှာ ဒူဘိုင်းသို့ရောက်ရှိနေသည့် ဓာတ်ပုံများကို ယမန်နေ့တွင် ၎င်း၏ ဆိုရှယ်မီဒီယာစာမျက်နှာ၌ လွှင့်တင်ခဲ့ပြီးနောက် ပြင်သစ်ကလပ် ပီအက်စ်ဂျီအသင်းသို့ ရောက်ရှိရန် သေချာသလောက် ရှိသွားပြီဖြစ်သည်။

ပီအက်စ်ဂျီမှာ ဘာစီလိုနာအသင်းအား နေးမာအတွက် လျော်ကြေးပေး၍ စုစုပေါင်း ပြောင်းရွှေ့ကြေး ပေါင် ၁၉၉ သန်း (ယူရို ၂၂၂ သန်း) ဖြင့် ခေါ်ယူရန် ကမ်းလှမ်းထားပြီး အပြောင်းအရွှေ့ဖြစ်ပေါ်လာပါက နေးမာမှာ ကာတာသို့သွားရောက်ကာ စာချုပ်လက်မှတ်ရေးထိုးရဖွယ် ရှိနေသည်။

အသက် ၂၅ နှစ်အရွယ် နေးမာမှာ ၎င်း၏ Instagram စာမျက်နှာတွင် ဒူဘိုင်း၌ နေ့လည်စာစားနေသည့် ဓာတ်ပုံများကို ယမန်နေ့က လွှင့်တင်ခဲ့သည်။ ထိုမှတစ်ဆင့် နေးမာမှာ ကာတာသို့ ယနေ့တွင် သွားရောက်ရန်ရှိနေသည်။

ယမန်နေ့တွင် ကာတာသတင်းစာများက နေးမာမှာ ပီအက်စ်ဂျီအသင်းဥက္ကဌ နက်ဆာရ် အလ်-ခါလိုင်ဖီနှင့် တွေ့ဆုံရန်ရှိနေသည်ဟု ဥရောပရင်းမြစ်များကို ကိုးကား၍ ဖော်ပြခဲ့သည်။

ပီအက်စ်ဂျီအသင်းသို့ ယူရို ၂၂၂ သန်းဖြင့် နေးမာ ရောက်ရှိလာပါက ထိုပမာဏမှာ ကမ္ဘာ့စံချိန်တင်ပြောင်းရွှေ့ကြေး ဖြစ်လာမည်ဖြစ်သည်။

Ref: Mirror

ဇူလိုင် ၃၁၊ ၂၀၁၇
M-Media

– တိုက်စစ်မှူးနေးမာအတွက် ပီအက်စ်ဂျီအသင်းက ကမ္ဘာ့စိန်ချိန်တင် ပြောင်းရွှေ့ကြေးဖြင့် ကမ်းလှမ်းထားမှုမှာ Financial Fair Play (FFP) စည်းမျဉ်းနှင့် ညိစွန်းခြင်း ရှိ၊ မရှိကို ဘာစီလိုနာက ဆန်းစစ်ရဖွယ် ရှိနေသည်။

အသက် ၂၅ နှစ်အရွယ် နေးမာအနေအဖြင့် ပီအက်စ်ဂျီအသင်းသို့ ရောက်ရှိရန်မှာ သေချာနေပြီး ယခုတစ်ပတ်တွင် ကာတာ၌ ဆေးစစ်မှုပြုလုပ်မည်ဟု သတင်းများ ထွက်ပေါ်နေသည်။ ဘာစီလိုနာအသင်းဥက္ကဌ ဂျိုးဆက်ပ် မာရီယာ ဘာတိုမြူက နေးမာမှာ အသင်းတွင် ဆက်ရှိလိမ့်မယ်ဟု ပြောကြားထားသည်။

ပီအက်စ်ဂျီအသင်းမှာ နေးမာအား ခေါ်ယူရန်အတွက် ဘာစီလိုနာအား လျော်ကြေးအပါအ၀င် စတာလင်ပေါင် ၁၉၈ သန်း (ယူရို ၂၂၂ သန်း) ပေးချေရန် ရှိနေပြီး ထိုပမာဏက ယူအီးအက်ဖ်အေ၏ ငွေကြေး မျှတစွာသုံးစွဲရမည့် စည်းမျဉ်း Financial Fair Play နှင့် ညိစွန်းခြင်း ရှိ၊ မရှိကို ဘာစီလိုနာက ယူအီးအက်ဖ်အေထံ မေးမြန်းရဖွယ် ရှိနေသည်။

ဥရောပကလပ်များအနေဖြင့် ၎င်းတို့ရရှိသည့် ၀င်ငွေထက် ပို၍ သုံးစွဲခြင်းမပြုရန် ကန့်သတ်သည့် အဆိုပါ စည်းမျဉ်းကို ၂၀၁၁-၁၂ ဘောလုံးရာသီတွင် စတင်ကျင့်သုံးခဲ့ပြီး ပီအက်စ်ဂျီအသင်းမှာ Financial Fair Play စည်းမျဉ်းကို ချီုးဖောက်မှုကြောင့် ၂၀၁၄ ခုနှစ်တွင် အပြစ်ပေးခံခဲ့ရသည်။

Ref: BBC