သြဂုတ် ၁၉၊ ၂၀၁၉
M-Media
-ဂျီဘရော်တာ ရေလက်ကြားမှာ ရက်ပေါင်း ၄၀ ကျော်ကြား ဖမ်းဆီးထိန်းသိမ်းထားတဲ့ အီရန် ရေနံတင်သင်္ဘောကို ဗြိတိန်အာဏာပိုင်တွေက တနင်္ဂနွေနေ့ ညပိုင်းမှာ လွှတ်ပေးလိုက်ပါတယ်။
ကန်ဒေါ်လာ သန်း ၁၃၀ တန်ဖိုးရှိတဲ့ ရေနံစိမ်းတွေ တင်ဆောင်ထားတဲ့ အဲဒီသင်္ဘောကို ဇူလိုင်လ ၄ ရက်နေ့မှာ ဗြိတိန်အာဏာပိုင်တွေက ဖမ်းဆီးခဲ့တာပါ။ ရေနံတွေကို ဆီးရီးယားအစိုးရထံ ပေးပို့မှာ ဖြစ်တဲ့အတွက် ဒါဟာ ဥရောပသမဂ္ဂရဲ့ ပိတ်ဆို့မှုကို ချိုးဖောက်တာလို့ ဗြိတိန်က ပြောပါတယ်။
ဒီကိစ္စကြောင့် ဗြိတိန်နဲ့ အီရန်တို့ကြားမှာ သံတမန်ရေးရာ တင်းမာမှု ဖြစ်ပွားခဲ့ပြီး အီရန်ကလည်း
ဟော်မုဇ်ရေလက်ကြားမှာ ဗြိတိန် ရေနံတင်သင်္ဘောကို ဖမ်းဆီးခဲ့ပါတယ်။
ကြာသာပတေးနေ့မှာတော့ ဂျီဘရော်တာ တရားရုံးချုပ်က အီရန် ရေနံတင်သင်္ဘောကို ပြန်လွှတ်ပေးဖို့ အမိန့်ချခဲ့ပြီး၊ ရေနံတွေကို ဘယ်နိုင်ငံကိုမှ ပို့ဆောင်ခြင်းမပြုဘူးဆိုတဲ့ အာမခံစာကို အီရန်အစိုးရထံကနေ ရတဲ့အတွက် လွှတ်ပေးလိုက်တာဖြစ်တယ်လို့ တရားရုံးက ထုတ်ပြန်တဲ့ ကြေငြာချက်မှာ ဖော်ပြထားပါတယ်။
စပိန်နိုင်ငံ တောင်ဘက်ကမ်းရိုးတန်းနားမှာရှိတဲ့ ဂျီဘရော်တာ ကျွန်းဆွယ်ကို ဗြိတိန်က အုပ်ချုပ်နေတာပါ။ အီရန်ကတော့ သူတို့ဖမ်းဆီးထားတဲ့ ဗြိတိန်ရေနံတင်သင်္ဘောကို ပြန်လွှတ်ပေးခြင်း မရှိသေးပါဘူး။
ပင်လယ်ရေကြောင်း လုပ်ထုံးလုပ်နည်းအရ သင်္ဘောအမည်ပြောင်းမှု၊ အလံပြောင်းမှု ပြုလုပ်ပြီးတဲ့နောက် ဂျီဘရော်တာ ရေလက်ကြားရဲ့ နိုင်ငံတကာ သင်္ဘောလမ်းကြောင်းကို တနင်္ဂနွေနေ့ညပိုင်းက ထွက်ခွာသွားတယ်လို့ ရေကြောင်း စောင့်ကြည့်ရေးဝဘ်ဆိုက် Marine Traffic က ဖော်ပြခဲ့ပါတယ်။
အမေရိကန်က ကန့်ကွက်
သင်္ဘောကိုလွှတ်ပေးဖို့ ဗြိတိန်အာဏာပိုင်တွေက ကြာသာပတေးနေ့မှာ အမိန့်ထုတ်ပြန်ခဲ့ပြီးတဲ့နောက် အမေရိကန် တရားရုံးတစ်ခုက ဒီသင်္ဘောကို ဖမ်းဆီးဖို့ သောကြာနေ့မှာ ၀ရမ်းထုတ်ခဲ့ပါတယ်။
သင်္ဘောဟာ အမေရိကန်က အကြမ်းဖက်အဖွဲ့အစည်းအဖြစ် သတ်မှတ်ထားတဲ့ အီရန်တော်လှန်ရေးအစောင့်တပ်ဖွဲ့ IRGC နဲ့ ဆက်နွယ်နေတာကြောင့် ဖမ်းဆီးဖို့ ၀ရမ်းထုတ်ရတာဖြစ်ကြောင်း
တရားရုံးက ပြောကြားခဲ့ပြီး သင်္ဘောကို ဆက်ဖမ်းထားဖို့လည်း ဂျီဘရော်တာ အာဏာပိုင်တွေကို တောင်းဆိုခဲ့ပါတယ်။
ဂျီဘရော်တာအစိုးရကတော့ အမေရိကန်ရဲ့ တောင်းဆိုမှုဟာ ဥရောပသမဂ္ဂရဲ့ ဥပဒေနဲ့ ဆန့်ကျင်နေပြီး အမေရိကန်နဲ့ ဥရောပရဲ့ အီရန်အပေါ် ပိတ်ဆို့မှုတွေဟာ မတူညီတဲ့အတွက် သင်္ဘောကို ဆက်လက်ဖမ်းထားမှာ မဟုတ်ဘူးလို့ တနင်္ဂနွေနေ့မှာ ကြေငြာချက် ထုတ်ပြန်ခဲ့ပါတယ်။
Ref: Aljazeera
