Tag: cambodia

သြဂုတ် ၁၁၊ ၂၀၁၇
M-Media

– နယ်စပ်ကိုကျော်၍ ၀င်ရောက်နေသည့် လာအိုစစ်သားများအား ၆ ရက်အတွင်း ထွက်သွားရန် ကမ္ဘောဒီးယားဝန်ကြီးချုပ် ဟန်ဆန်က ရာဇသံပေးထားပြီး သို့မဟုတ်ပါက စစ်အရေးအရ တုန့်ပြန်မှုကို ရင်ဆိုင်ရမည်ဟု ဆိုသည်။

ကမ္ဘောဒီယားစစ်သား ၃၀ ခန့်မှာ ဧပြီလက မြောက်ပိုင်း စတွန်ဂ် ထရန်းပြည်နယ်သို့ ၀င်ရောက်ခဲ့ပြီး မိမိတို့အစိုးရက ထွက်သွားရန် အကြိမ်ကြိမ်ပြောကြားထားသော်လည်း ဂရုမစိုက်ကြောင်း၊ လာအိုအစိုးရနှင့်လည်း ထိုကိစ္စအတွက် ပြောဆိုထားကြောင်း ဟန်ဆန်က ဆိုသည်။

“ကမ္ဘောဒီးယားပိုင်နက်ကနေ ခြွင်းချက်မရှိ တပ်တွေထွက်သွားဖို့ ကျွန်တော် လာအိုဝန်ကြီးချုပ် သောင်လွန် ဆီဆိုလစ်ကို မေတ္တာရပ်ခံထားပါတယ်” ဟု ယနေ့တွင် မြို့တော်ဖနွမ်းပင်၌ ပြုလုပ်သည့် အခမ်းအနားတစ်ခု၌ ၀န်ကြီးချုပ်က ပြောကြားခဲ့သည်။

နယ်စပ်တွင် တပ်များ၊ ဒုံးကျည်လောင်ချာများ ချထားရန် တပ်မှူးများကို ဟန်ဆန်က အမိန့်ပေးထားပြီး၊ လာအိုအား သြဂုတ် ၁၇ ရက်နေ့ နောက်ဆုံးထား၍ တပ်များထွက်သွားရန်လည်း ရာဇသံပေးထားသည်။

“ကျွန်တော်တို့က မိတ်ဆွေတွေပါ။ မိတ်ဆွေဆိုပေမယ့်လည်း ခေါင်းတော့ လာနင်းလို့ မရဘူးလေဗျာ။ စစ်မဖြစ်ချင်ပါဘူး။ ဒါပမယ့် ကိုယ့်မြေကို ပြန်လိုချင်တယ်”

လာအိုနှင့် ကမ္ဘောဒီးယားတို့မှာ နယ်စပ်ချင်း ၅၄၀ ကီလိုမီတာ ထိစပ်နေပြီး နေရာအများအပြားမှာ တရားဝင် ပိုင်းခြားသတ်မှတ်ထားခြင်း မရှိသောကြောင့် ပိုင်နက်အငြင်းပွားမှုများ ရှိနေသည်။ ယခုကိစ္စနှင့်ပတ်သက်၍ လာအိုဘက်မှ မည်သည့်တုန့်ပြန်မှုမျိုးမှ မပြုလုပ်သေးပေ။

ထို့ပြင် လာအိုနယ်စပ်မှာ မူးယစ်ဆေးဝါးလုပ်ငန်း တွင်ကျယ်ရာနေရာဖြစ်ပြီး ထိုမှတစ်ဆင့် ကမ္ဘောဒီးယားသို့ ၀င်ရောက်လျက်ရှိနေသည်။

Ref: Aljazeera

စက်တင်ဘာ ၂၂၊ ၂၀၁၆
M-Media

– ကမ္ဘောဒီးယားမှာ အွန်လိုင်းမှတဆင့် မသမာမှုများ ပြုလုပ်သည်ဟု သံသယရှိသော ထိုင်ဝမ်နိုင်ငံသား ၁၃ ဦးကို တရုတ်သို့ ပြည်နှင်ဒဏ်ပေးလိုက်ကြောင်း ပေကျင်းရှိ ပြည်သူ့လုံခြုံရေး ၀န်ကြီးဌာနက ပြောကြားခဲ့ပြီး၊ ထိုင်ဝမ်က ၎င်းတို့နိုင်ငံသားမျာကို တရုတ်ပြည်သို့ မပို့ဆောင်ရန် ကန့်ကွက်မှုအား ကမ္ဘောဒီးယားက လစ်လျူရှုခဲ့ခြင်းဖြစ်သည်။

အဆိုပါ ၁၃ ဦးနှင့်အတူ တရုတ်နိုင်ငံသား ၅၀ ကိုလည်း ကမ္ဘောဒီးယားက ပြည်နှင်ဒဏ်ပေးခဲ့ပြီး၊ ၎င်းတို့အားလုံးကို အင်တာနက်နှင့် ဖုန်းလိုင်းအသုံးပြု၍ ငွေကြေးလိမ်လည်မှုဖြင့် ကမ္ဘောဒီးယားရဲများက ဖနွမ်ပင်တွင် ဖမ်းဆီးခဲ့ခြင်းဖြစ်သည်။ ၎င်းတို့၏ ထိုလိမ်လည်မှုကြောင့် ကမ္ဘောဒီးယားပြည်သူများမှာ ဒေါ်လာ ဘီလီယံပေါင်းများစွာ နစ်နာဆုံးရှုံးခဲ့ပြီး၊ အလိမ်ခံရသူအချို့မှာ မိမိကိုယ်ကို အဆုံးစီရင်သည်အထိပင် ရှိခဲ့သည်။

တရုတ်နိုင်ငံနှင့် အရင်းနှီးဆုံး ဆွေမျိုးပေါက်ဖော်နိုင်ငံတစ်ခုဖြစ်သည့် ကမ္ဘောဒီးယားမှာ ကိုယ်ပိုင်အုပ်ချုပ်ခွင့်ရ ထိုင်ဝမ်နိုင်ငံနှင့် တရားဝင်ဆက်ဆံရေး မရှိဘဲ ထိုင်ဝမ်ကျွန်းကို တရုတ်နိုင်ငံ၏ အစိတ်အပိုင်းအဖြစ်သာ သတ်မှတ်ထားသည်။ တရုတ်ကလည်း ထိုင်ဝမ်ကို ခွဲထွက်နေသောပြည်နယ်တစ်ခုအဖြစ် မှတ်ယူထားသည်။

ကမ္ဘောဒီးယား လူဝင်မှုကြီးကြပ်ရေး ဌာနက ထိုသတင်းကို အတည်ပြုခဲ့ပြီး မိမိတို့အနေဖြင့် ထိုင်ဝမ်အား ထိုကိစ္စအတွက် အကြောင်းကြားခဲ့ခြင်းမရှိဟု ဆိုသည်။

ပြီးခဲ့သည့် နိုဝင်ဘာလကတည်းက ကမ္ဘောဒီးယားမှာ တရုတ်လူမျိုး လူလိမ်ဂိုဏ်းများကို ဖြိုခွဲခဲ့ပြီး ၂၀၀ ကျော်ကို တရုတ်နိုင်ငံသို့ ပြည်နှင်ဒဏ် ပေးခဲ့ပြီးဖြစ်သည်။

Ref : Bangkokpost

စက်တင်ဘာ ၁၀၊ ၂၀၁၆
M-Media

– ကမ္ဘောဒီးယားနိုင်ငံမှ ထင်ရှားသည့် အတိုက်အခံနိုင်ငံရေးသမားကို ယမန်နေ့က ပထမဆုံး ရုံးချိန်းကြားနားမှုအတွင်းမှာပင် ထောင်ဒဏ်ချမှတ်လိုက်သည်ဟု သိရသည်။

ကမ္ဘောဒီးယား မျိုးသားကယ်ဆယ်ရေးပါတီ (CNRP) ခေါင်းဆောင် Kem Sokha ဆိုသူဖြစ်ပြီး ထောင်ဒဏ် ၅ လ ချမှတ်ခဲ့ခြင်းဖြစ်ကာ လူ့အခွင့်အရေးအဖွဲ့များကမူ သက်တမ်းကြာရှည်စွာ အုပ်ချုပ်နေသည့် ၀န်ကြီးချုပ် ဟွန်ဆန်အနေဖြင့် ၂၀၁၈ ရွေးကောက်ပွဲအမီ အတိုက်အခံများကို အားအင်ချည့်နဲ့အောင် ကြိုးပမ်းအားထုတ်မှုသာ ဖြစ်သည်ဟု ဝေဖန်ခဲ့ကြသည်။

“တရားရုံးက အသက် ၆၃ နှစ်အရွယ်ရှိတဲ့ Kem Sokha ကို ထောင် ငါးလ ကျခံဖို့ အမိန့်ချလိုက်ပါတယ်” ဟု တရားသူကြီး Keo Mony က ပြောကြားခဲ့သည်။

အဆိုပါနိုင်ငံရေးသမားမှာ သမ္မတဟွန်ဆန်၏ အချိန်မရွေးဖမ်းဆီးမည်ဟု ကြိမ်းဝါးမှုကြောင့် CNRP ရုံးချုပ်တွင် လအနည်းငယ် ပုန်းရှောင်နေခဲ့ပြီး၊ ပါတီရုံးခန်းအပြင်ဘက်၌ စုဝေးနေသေ ထောက်ခံသူရာပေါင်းများစွာ ကို စကားပြောရန် သောကြာနေ့က ထွက်ပေါ်လာခဲ့ပြီးနောက် ယခုကဲ့သို့ ဖမ်းဆီး ထောင်ချခံခဲ့ရခြင်းဖြစ်သည်။

၎င်းကမူ ထိုကဲ့သို့ တစ်ရက်တည်းကြားနာကာ အမိန့်ချမှတ်မှုကို ဆန့်ကျင်ခဲ့ပြီး မိမိ၏ နိုင်ငံရေးသမားဘ၀ကို အဆုံးသတ်ရန် အစိုးရက ကြိုးစားနေသည်ဟုလည်း ပြောကြားခဲ့သည်။

လူ့အခွင့်အရေးစောင့်ကြည့်အဖွဲ့ Human Rights Watch ကမူ ထိုလုပ်ရပ်မှာ ၂၀၁၈ ခုနှစ်တွင် လွတ်လပ်၍ တရားမျှတသော ရွေးကောက်ပွဲဖြစ်လာရေးကို အဟန့်အတားဖြစ်နိုင်သည့် ကမ္ဘောဒီးယားအစိုးရ၏ အကြမ်းဖက်မှုများမှ နောက်ဆုံး ပေါ်ထွက်လာသည့် အဖြစ်အပျက်ဟု ပြောကြားခဲ့သည်။

လက်ရှိတွင် အတိုက်အခံလွှတ်တော်အမတ် ၂ ဦးမှာလည်း ထောင်ချခံထားရပြီး အနည်းဆုံး ၁၀ ဦးမှာ တရားစွဲဆိုခြင်း ခံထားရသည်။ ပြီးခဲ့သည့်နှစ်အတွင်း နိုင်ငံရေး တက်ကြွလှုပ်ရှားသူနှင့် လူ့အခွင့်အရေး ဆောင်ရွက်သူ စုစုပေါင်း ၂၀ ကျော်မှာ အစိုးရ၏ ဥပဒေကြောင်းအရ တရားစွဲဆိုမှုကို ခံခဲ့ရသည်။

Ref : Bangkokpost