News @ M-Media

Tag: Central Africa

  • ဗဟိုအာဖရိကရှိ ဗလီကို ခရစ်ယာန်လက်နက်ကိုင်အဖွဲ့က စီးနင်းတိုက်ခိုက်၊ လူ ၂၀ ကျော် သေဆုံး

    ဗဟိုအာဖရိကရှိ ဗလီကို ခရစ်ယာန်လက်နက်ကိုင်အဖွဲ့က စီးနင်းတိုက်ခိုက်၊ လူ ၂၀ ကျော် သေဆုံး

    အောက်တိုဘာ ၁၄၊ ၂၀၁၇
    M-Media

    တိုက်ခိုက်မှုကို အဝေးမှ မြင်ရစဉ်

    – ဗဟိုအာဖရိကနိုင်ငံရှိ ဗလီဝတ်ကျောင်းတော်တစ်လုံးကို ခရစ်ယာန် လက်နက်ကိုင်အဖွဲ့တစ်ခုက ယမန်နေ့တွင် ၀င်ရောက်တိုက်ခိုက်ခဲ့ပြီး ၀တ်ပြုသူ ၂၀ ကျော် သေဆုံးခဲ့သည်ဟု သိရသည်။

    နိုင်ငံအရှေ့မြောက်ပိုင်း ဂျင်မ်ဘီ ဗလီဝတ်ကျောင်းတော်၌ သောကြာနေ့ ၀တ်ပြုဆုတောင်းနေစဉ်အတွင်း အန်တီဘလာကာ လက်နက်ကိုင်အဖွဲ့က ၀င်ရောက် စီးနင်းတိုက်ခိုက်ခဲ့ကာ ဒဏ်ရာရရှိသူလည်း အများအပြားရှိခဲ့သည်။

    မွတ်စလင်လူ့အဖွဲ့အစည်းခေါင်းဆောင် အိုစမန် မဟာမတ်က မိမိတို့ နိုင်ငံသားအချင်းချင်း ဘာသာရေးမုန်းတီးမှုဖြစ်အောင် လုပ်ဆာင်နေသည့်အတွက် စိတ်မကောင်းဖြစ်ရသည်ဟု ပြောကြားခဲ့သည်။

    “ကျွန်တော်တို့ သတိဝိရိယကို ၂ ဆတိုးဖို့ လိုပါတယ်။ ကျွန်တော်တို့ဟာ တစ်ယောက်နဲ့တစ်ယောက် သတ်ဖြတ်နေကြတယ်။ ဒီစစ်ပွဲမှာ ဘယ်သူကမှ မနိုင်သလို၊ ဘယ်သူကမှလည်း ရှုံးမှာ မဟုတ်ပါဘူး။ ဂျင်မ်ဘီဗလီမှာ ဖြစ်ပွားခဲ့တာက တကယ့်ကို တုန်လှုပ်စရာပါပဲ”

    ဗဟိုအာဖရိကနိုင်ငံအတွင်း ၂၀၁၃ ခုနှစ်မှစ၍ လူမျိုးရေး၊ ဘာသာရေးပဋိပက္ခများ ဖြစ်ပွားနေခြင်းကြောင့် လူထောင်ချီ သေဆုံးခဲ့ပြီး အိုးအိမ်စွန့်ခွာ ထွက်ပြေးရသူများမှာလည်း ထောင်သောင်းချီရှိခဲ့ကာ အိမ်နီးချင်း ကင်မရွန်းနှင့် ချဒ်နိုင်ငံတို့တွင် ခိုလှုံနေရသည်။

    လူ့အခွင့်အရေးအဖွဲ့ Amnesty International ၏ အစီရင်ခံစာတွင် ဗဟိုအာဖရိကပဋိပက္ခအတွင်း လူပေါင်း ၅၀၀၀ ကျော် သေဆုံးခဲ့ပြီး အများစုမှာ အရပ်သားများဖြစ်သည်ဟု ဖော်ပြခဲ့သည်။

    မွတ်စလင်သူပုန်အဖွဲ့ ဆီလီကာက ၂၀၀၃ ခုနှစ်တွင် စစ်အာဏာသိမ်းခဲ့သည့် သမ္မတ ဖရန်ကိုအစ် ဘိုဇီဇီကို ဖြုတ်ချခဲ့သော ၂၀၁၃ ခုနှစ်မှစ၍ ဆီလီကာနှင့် ခရစ်ယာန် အန်တီ-ဘာလာကာအဖွဲ့အကြား တိုက်ခိုက်မှုများ ဖြစ်ပွားခဲ့ပြီး ဘာသာရေးလူမျိုးရေး ပဋိပက္ခအဖြစ် အသွင်ပြောင်းသွားခဲ့သည်။

    Ref: aa.com

  • ဗဟိုအာဖရိကနိုင်ငံတွင် မွတ်စလင် ၃ ဦး အကြမ်းဖက် သတ်ဖြတ်ခံရ

    ဗဟိုအာဖရိကနိုင်ငံတွင် မွတ်စလင် ၃ ဦး အကြမ်းဖက် သတ်ဖြတ်ခံရ

    အောက်တိုဘာ ၃၀၊ ၂၀၁၅
    M-Media

    africa

    – မငြိမ်သက်မှုများ ဖြစ်ပွားနေသည့် ဗဟိုအာဖရိကနိုင်ငံ မြို့တော်ဘန်ဂွီတွင် ယမန်နေ့က မွတ်စလင် ၃ ဦးမှာ ခရစ်ယာန်လူအုပ်စုကြီး၏ ရိုက်နှက်သက်ဖြတ်မှုကို ခံခဲ့ရပြီး ထိုကဲ့သို့ ဘာသာရေး အကြမ်းဖက်မှုများက ဒီဇင်ဘာတွင် ပြုလုပ်ရန် စီစဉ်ထားသည့် ရွေးကောက်ပွဲကို ခြိမ်းခြောက်မှုများ ဖြစ်လာခဲ့သည်။

    ထိုကဲ့သို လူအုပ်စုဖြင့် သတ်ဖြတ်မှုကြောင့် သေဆုံးရသူ အရေအတွက်မှာ ယခုသီတင်းပတ်အတွင်း ၁၁ ဦးအထိ ရှိလာခဲ့ပြီး သေဆုံးသူများတွင် ၂ နှစ်တာကြာမြင့်နေသည့် မငြိမ်သက်မှုကို အဆုံးသတ်ရေး ရည်ရွယ်သော ငြိမ်းချမ်းရေးဆွေးနွေးပွဲကို တက်ရောက်လာကြသည့် Seleka မဟာမိတ်အဖွဲ့မှ အကြီးတန်း မွတ်စလင် ညှိနှိုင်းဆွေးနွေးရေးမှူး ၃ ဦးလည်း ပါဝင်သည်။

    ယမန်နေ့မနက်ပိုင်းက ဘန်ဂွီမြို့၏ မွတ်စလင်များ စု၍နေထိုင်ရာ PK5 ဒေသမှ မြို့အတွင်းသို့ လာသော မွတ်စလင် ၃ ဦးကို ခရစ်ယာန်လူအုပ်စုကြီးက တိုက်ခိုက်ခဲ့ခြင်းဖြစ်သည်ဟု မျက်မြင်သက်သေများက ပြောကြားခဲ့သည်။ ထိုအထဲမှ နှစ်ဦးမှာ နေရာတွင်ပင် အသတ်ခံခဲ့ရပြီး ၎င်းတို့၏ ခန္ဓာကိုယ်များကိုလည်း လူအုပ်ကြီးက အပိုင်းပိုင်းလှီးပစ်ခဲ့သည်။

    တတိယ မွတ်စလင်တစ်ဦးမှာ လွတ်မြောက်ခဲ့သော်လည်း လူအုပ်စုကြီးက ၎င်းအား ကျောက်တုံးများဖြင့် ပစ်ပေါက် သတ်ဖြတ်ခဲ့ကာ အလောင်းအား ဘုရားကျောင်းတစ်ခု၏ အထဲတွင် ထားပစ်ခဲ့သည်။

    “မြင်ခဲ့ရတာတွေအတွက် ကျွန်မ တုန်လှုပ်ခဲ့ရပါတယ်။ ငိုကြွေးမြည်တမ်းပြီး၊ အသက်ချမ်းသာပေးဖို့ တောင်းဆိုတဲ့ အဲဒီအမျိုးသားကို ကလေးတွေကအစ ကျောက်တုံးနဲ့ ပေါက်သတ်ခဲ့ကြတာပါ” ဟု အမည်မဖော်လိုသည့် အမျိုးသမီးတစ်ဦးက ပြောကြားခဲ့သည်။

    ထိုအဖြစ်အပျက်အား တုန့်ပြန်သည့်အနေဖြင့် PK5 အတွင်းသို့ ၀င်ရောက်လာသော ခရစ်ယာန်တစ်ဦးမှာလည်း ယမန်နေ့မနက်ကပင် အသတ်ခံခဲ့ရသည်ဟု ရေခဲတိုက်တွင် ၎င်း၏ အလောင်းအား လာရောက်ကြည့်ရှုခဲ့သည့် ဒေသခံများနှင့် မိသားစုဝင်များက ပြောကြားခဲ့သည်။

    မွတ်စလင်အများစုပါဝင်သည့် Seleka သူပုန်များမှာ ၂၀၁၃ ခုနှစ်က အာဏာသိမ်းခဲ့ပြီးနောက်ပိုင်း ခရစ်ယာန် ပြည်သူစစ်အဖွဲ့ဖြစ်သော anti-balaka အဖွဲ့က မွတ်စလင်များကို တွေ့ရာနေရာတွင် လိုက်လံသတ်ဖြတ်ကာ လက်စားချေခဲ့ကြသည်။

    ထိုအချိန်မှစ၍ ဘာသာရေးအသွင်ဆောင်သည့် အကြမ်းဖက်တိုက်ခိုက်မှုများ ဗဟိုအာဖရိကနိုင်ငံတွင် ဖြစ်ပွားခဲ့ပြီး မွတ်စလင်အများစုအပါအ၀င် လူအမြောက်အများ သေဆုံးကာ မွတ်စလင်ထောင်ပေါင်းများစွာမှာလည်း နိုင်ငံမြောက်ပိုင်းသို့ ထွက်ပြေးခဲ့ကြရသည်။

    နောက်ပိုင်းတွင် အခြေအနေ အလွန်ဆိုးရွားသောကြောင့် ကုလ၏ ငြိမ်းချမ်းရေးတပ်ဖွဲ့များကို ချထားခဲ့ရသည်။ ပြီးခဲ့သည့် သီတင်းပတ်များအတွင်း မြို့တော်ဘန်ဂွီတွင် လူ့အဖွဲ့အစည်းနှစ်ခုအကြား အကြမ်းဖက်တိုက်ခိုက်မှုများကြောင့် လူ ၈၀ ကျော် သေဆုံးခဲ့ပြီး ကုလ ငြိမ်းချမ်းရေးတပ်ဖွဲ့ဝင် အချို့ပါ တိုက်ခိုက်ခံခဲ့ရသည်။

    Ref: Reuters

  • ဗဟိုအာဖရိကတွင် ပြင်သစ်တပ်က ကလေးများအား လိင်ပိုင်းဆိုင်ရာစော်ကားမှု ပြင်သစ်စစ်ဆေးနေ

    ဗဟိုအာဖရိကတွင် ပြင်သစ်တပ်က ကလေးများအား လိင်ပိုင်းဆိုင်ရာစော်ကားမှု ပြင်သစ်စစ်ဆေးနေ

    ဧပြီ ၃၀၊ ၂၀၁၅
    M-Media

    france

    – ဗဟိုအာဖရိကနိုင်ငံတွင် ကုလ၏ ငြိမ်းချမ်းရေးတပ်အဖြစ် တပ်ဖြန့်ချထားသော ပြင်သစ်စစ်သားများမှာ လိင်ပိုင်းဆိုင်ရာ အမြတ်ထုတ်မှုများနှင့် ကလေးငယ်များအား ခေါင်းပုံဖြတ်မှုများ ပြုလုပ်သည်ဆိုသော ပြောကြားမှုများအတွက် စုံစမ်းစစ်ဆေးမှု ပြလုပ်နေသည်ဟု ပြင်သစ်က ကြေညာခဲ့သည်။

    ထိုကျူးလွန်မှုများမှာ ၂၀၁၃ ခုနှစ် ဒီဇင်ဘာမှ ၂၀၁၄ ခုနှစ် ဇွန်လအတွင်း မြို့တော် ဘန်ဂီရှိ M’Poko နိုင်ငံတကာလေဆိပ်တွင် ကလေး တစ်ဒါဇင်ခန့်ကို ကျူးလွန်ခဲ့ခြင်းဖြစ်သည်ဟု ဆိုသည်။ ပြင်သစ်ရုပ်သံ BFMTV မှ ပြောကြားသော မိန့်ခွန်းတွင် ပြင်သစ်သမ္မတ ဟော်လန်ဒေးက ထိုစွပ်စွဲမှုများ မှန်ကန်ပါက ပြင်းထန်သော အရေးယူမှုများ ပြုလုပ်သွားမည်ဟု ကတိပြုခဲ့သည်။

    “တကယ်လို့ အချို့စစ်သားတွေက ဆိုးဆိုးဝါးဝါး ပြုလုပ်ခဲ့တယ်ဆိုရင် ကျွန်တော်အနေနဲ့ ညှာမှာမဟုတ်ပါဘူး။ ဒီသတင်းအချက်အလက်က အတည်ပြုနိုင်တယ်ဆိုရင် နောင်ကျင်အောင် အပြစ်ပေးသွားမှာပါ” ဟု ဟော်လန်ဒေးက ပြောကြားခဲ့သည်။

    ထိုစွပ်စွဲချက်နှင့်ပတ်သက်သည့် ကုသမဂ္ဂ လူ့အခွင့်အရေးရုံးမှ လျှို့ဝှက်အစီရင်ခံစာတစ်ခု ပေါက်ကြားမှုကလည်း ပိုမို ဒေါသဖြစ်စရာ ဖြစ်ခဲ့သည်။ ထိုသို့ပေါက်ကြားမှုနှင့်ပတ်သက်၍ ကုလလူ့အခွင့်အရေးရုံးမှ ၀န်ထမ်းတစ်ဦးကို တာဝန်မှ ရပ်စဲထားသည်ဟု ကုလအထွေထွေအတွင်းရေးမှူးချုပ်ရုံးမှ ပြောရေးဆိုခွင့်ရှိသူတစ်ဦးက ယမန်နေ့တွင် ပြောကြားခဲ့သည်။

    အမည်ထုတ်ဖော်ခြင်းမရှိခဲ့သည့် အဆိုပါဝန်ထမ်းမှာ တည်းဖြတ်ရခြင်းမရှိသေးသော ကုလရုံးတွင်း အစီရင်ခံစာကို ကုလလူ့အခွင့်အရေး မဟာမင်းကြီးရုံးရှိ အကြီးတန်း စီမန်ခန့်ခွဲမှုဌာနသို့ မရောက်ခင် ပြင်သစ်အာဏာပိုင်များအား ပေးအပ်ခဲ့သည်ဟု စွပ်စွဲခြင်း ခံထားရသည်။

    ကုလအထွေထွေအတွင်းရေးမှူးချုပ်ရုံးမှ ပြောရေးဆိုခွင့်ရှိသူက ထုတ်ပြန်သော ကြေညာချက်တွင် ထိုစွပ်စွဲမှုများမှာ MINUSCA ဟုခေါ်သည့် ဗဟိုအာဖရိကတွင် ကုလသမဂ္ဂ ငြိမ်းချမ်းရေးတပ်များ၏ လုပ်ငန်းများကို မစတင်မီ ဖြစ်ပွားခဲ့ခြင်းဖြစ်သည်ဟု ဆိုသည်။

    ကုလသမဂ္ဂ၏ လူ့အခွင့်အရေးဆိုင်ရာ စုံစမ်းစစ်ဆေးမှုများကို ၂၀၁၄ ခုနှစ် နွေဦးပိုင်းတွင် စတင်ပြုလုပ်ခဲ့သည်။

    Ref: CNN