Tag: Champions League 2015-16

အောက်တိုဘာ ၂၀၊ ၂၀၁၅
M-Media

– ချန်ပီယံလိဂ်တွင် အရှုံးများနှင့် ရင်ဆိုင်ခဲ့ရခြင်းမှာ ဒိုင်နမိုဇာဂရဘ်နှင့် အိုလံပီယာကော့စ်တို့ကို မိမိတို့က လျှော့တွက်ခဲ့ခြင်းကြောင့် ဖြစ်သည်ဟု အာဆင်နယ်ကစားသမား ဘယ်လာရင်က ပြောကြားလိုက်သည်။

၂ ပွဲကစား ၂ ပွဲရှုံးဖြင့် အုပ်စု F ၏ အောက်ဆုံးရောက်နေသည့် အာဆင်နယ်မှာ ယနေ့ညတွင် ရာနှုန်းပြည့်နိုင်ပွဲ ရရှိထားသည့် ဘိုင်ယန်မြူးနစ်နှင့် အိမ်ကွင်းတွင် ကစားရမည်ဖြစ်ပြီး ရှုံးနိမ့်ခဲ့ပါက နောက်တစ်ဆင့်တက်ရေး အလွန်ခက်ခဲသွားမည်ဖြစ်သည်။

“ကျွန်တော်တို့ ပြိုက်ဘက်အချို့ကို အထင်သေးမိခဲ့ပါတယ်။ နောက်ထပ်အကြောင်းအရင်းတစ်ခုက ကျွန်တော်တို့ဟာ ချန်ပီယံလိဂ်မှာ အစမကောင်းခဲ့ဘူး။ အခု ဘိုင်ယန်နဲ့ ၂ ပွဲကစားရဖို့ရှိတယ်။ ဒါပေမယ့် နောက်တစ်ဆင့်ကို တက်ချင်ရင်တော့ ကျွန်တော်တို့ အမှတ်ရဖို့လိုပါတယ်” ဟု ဘယ်လာရင်က ပြောကြားခဲ့သည်။

နည်းပြ၀င်းဂါးကလည်း ဘိုင်ယန်မြူးနစ်ပွဲတွင် အားကုန်ထုတ်သွားမည်ဟု ပြီးခဲ့သည့်ရက်ပိုင်းအတွင်း ပြောကြားခဲ့သည်။

Ref: Goal

အောက်တိုဘာ ၁၉၊ ၂၀၁၅
M-Media

– အင်္ဂါနေ့ညတွင် အိမ်ကွင်း၌ကစားမည့် ဘိုင်ယန်မြူးနစ်နှင့် ချန်ပီယံလိဂ်ပွဲတွင် မိမိအသင်းမှာ အားကုန်ထုတ်သွားမည်ဟု အာဆင်နယ်နည်းပြ အာဆင်ဝင်းဂါးက ပြောကြားလိုက်သည်။

ချန်ပီယံလိဂ် ကစားပြီးခဲ့သည့် အုပ်စုပွဲစဉ် ၂ ခုစလုံးတွင် အနိုင်ရရှိထားသည့် ဘိုင်ယန်မှာ ပုံစံကောင်းကို ပြသနေပြီး နောက်ဆုံး ၁၂ ပွဲစလုံးကို အနိုင်ကစားထားနိုင်သည်။ အာဆင်နယ်ကမူ ဒိုနုမိုဇာဂရက်ဘ်နှင့် အိုလံပီယာကော့စ်တို့ကို အံ့သြဖွယ်ရှုံးနိမ့်ထားကာ ချန်ပီယံလိဂ် အုပ်စု F တွင် အောက်ဆုံးရောက်နေသည်။

“ကျွန်တော်တို့ ပရီးမီးယားလိဂ်မှာ အကောင်းဆုံးဖြစ်နေပါတယ်။ တစ်ခြားတစ်ဖက်မှာလည်း ဘိုင်ယန်ပွဲအတွက် အကောင်းဆုံး ပြင်ဆင်ထားပါတယ်။ ဘာ့ကြောင့်လည်းဆိုတော့ ကျွန်တော်တို့မှာ ဒဏ်ရာရသူတွေမရှိဘဲ ၃ မှတ် ရယူရမယ်ဆိုတဲ့ အတွက်ကြောင့်ပါ။ ပွဲအတွက် တကယ့်ကို အာရုံစိုက်နိုင်တဲ့ အခြေအနေမျိုးမှာ ကျွန်တော်တို့ ရှိနေပါတယ်။ ပြီးတော့ အင်္ဂါနေ့ညမှာ ကျွန်တော်တို့ အားကုန်ထုတ်သွားမှာပါ။ အခုအချိန်မှာ ဘယ်လောက်ပြင်ဆင်ထားလဲ၊ ဘယ်လို ကျွန်တော်တို့ ချဉ်းကပ်ချင်သလဲဆိုတာ ကြည့်ရမှာပါ” ဟု ၀င်းဂါးက ၀က်ဖို့ဒ်အား ၃ ဂိုးပြတ်ဖြင့် အနိုင်ရခဲ့သည့်ပွဲအပြီးတွင် ပြောကြားခဲ့သည်။

Ref: Goal

အောက်တိုဘာ ၁၊ ၂၀၁၅
M-Media

– ယနေ့မနက် ချန်ပီယံလိဂ် ၀ုလ်ဖ်ဘာ့ဂ်နှင့်ပွဲတွင် ခြေစွမ်းပြခဲ့သော်လည်း ကွင်းလယ်လူမာတာမှာ အကောင်းဆုံးအခြေအနေသို့ မရောက်သေးဟု မန်ယူနည်းပြ ဗန်ဂါးလ်က ပြောကြားလိုက်သည်။

ဦးဆောင်ဂိုးပေးခဲ့ရပြီးနောက် မန်ယူက ၂ ဂိုး ၁ ဂိုးဖြင့်အနိုင်ရခဲ့သည့် ထိုပွဲတွင် မာတာမှာ ခြေစွမ်းကောင်းများ ပြသခဲ့ပြီး ချေပဂိုးကို ပင်နယ်တီမှတစ်ဆင့် သွင်းပေးခဲ့သလို၊ စမောလင်းသွင်းသည့် အနိုင်ဂိုးကိုလည်း ဖန်တီးပေးခဲ့သည်။

“တစ်ဦးကောင်းတစ်ယောက်ကောင်းအကြောင်း ကျွန်တော် မပြောပါဘူး။ ဒါပေမယ့် မာတာက ဒီပွဲမှာကစားတာထက် ပိုကောင်းကောင်း ကစားတာမျိုး ကျွန်တော်မြင်ဖူးပါတယ်။ နည်းပြတစ်ယောက်အနေနဲ့ သူ တော်တော်ကောင်းတယ်ဆိုပြီး ပြောလို့ရတယ်လို့ ခင်ဗျားက ဆိုလာရင်တော့ ကျွန်တော် အဲ့ဒါကို သဘောမတူပါဘူး” ဟု ဗန်ဂါးလ်က ပွဲအပြီး သတင်းစာရှင်းလင်းပွဲတွင် ပြောကြားခဲ့သည်။

ထို့ပြင် အသင်း၏ နေရာအလိုက်ကစားပုံများကို ကျေနပ်သော်လည်း ယခုကဲ့သို့ပင် တောင့်တောင့်တင်းတင်း ဆက်ရှိနေရမည်ဟု ၎င်းက ထည့်သွင်းပြောကြားခဲ့သည်။

Ref: Goal

အောက်တိုဘာ ၁၊ ၂၀၁၅

M-Media

– ဒီနေ့မနက်မှာ ကစားခဲ့တဲ့ ချန်ပီယံလိဂ် အုပ်စု ဒုတိယ ပွဲစဉ်တွေမှာတော့ အက်သလက်တီကို မက်ဒရစ်ကလွဲလို အသင်းကြီးတွေအားလုံး နိုင်ပွဲရခဲ့ကြပါတယ်။

အုပ်စု A
———
ရှက်တာဒိုးနက် ၀-၃ ပီအက်စ်ဂျီ
မာလ်မို ၀-၂ ရီးယဲလ်

ပီအက်စ်ဂျီတို့ ဂိုးပြတ်နဲ့ ရာနှုန်းပြည့်နိုင်ပွဲရခဲ့ပေမယ့် ရှက်တာဒိုးနက်ကို ကစားပုံအသာရခဲ့တာတော့ မဟုတ်ပါဘူး။ ပွဲအစ ၂၃ မိနစ်အတွင်းမှာပဲ သြရီအာနဲ့ ဒေးဗစ်လူးဝစ်ဇ်တို့က တစ်ဂိုးစီသွင်းပေးနိုင်ခဲ့တာကြောင့် နောက်ပိုင်းပွဲချိန်ကို ဖိအားသိပ်မရှိဘဲ ကစားခဲ့ရပါတယ်။ နောက်ဆုံးမိနစ်မှာ အိမ်ရှင်အသင်းက ကိုယ်ဂိုးကိုယ်သွင်းမှုနဲ့ ပီအက်စ်ဂျီတို့ တစ်ဂိုးထပ်ရခဲ့ပြီး နောက်တစ်ဆင့် တက်ရောက်နိုင်ဖို့အတွက် မျှော်လင့်ချက်တွေ ပိုမိုရှင်သန်လာခဲ့ပါပြီ။

အသင်းငယ်မာလ်မိုကို ရီးယဲလ်တို့ သက်တောင့်သက်တာနဲ့ပဲ အနိုင်ရခဲ့ပါတယ်။ အနိုင်ဂိုး ၂ ဂိုးစလုံးကို သွင်းပေးခဲ့တဲ့ ရော်နယ်ဒိုကတော့ ပရော်ဖက်ရှင်နယ်ကစားသမားဘ၀ ဂိုးပေါင်း ၅၀၁ ဂိုး ပြည့်မြောက်ခြင်းနဲ့အတူ ရီးယဲလ် ဂန္တ၀င်တိုက်စစ်မှူး ရာအူးလ်ရဲ့ အသင်းအတွက်
ဂိုးအများဆုံးသွင်းယူထားနိုင်တဲ့ စံချိန်ကိုလည်း လိုက်မီခဲ့ပါတယ်။

အုပ်စု B
——–
မန်ယူ ၂-၁ ၀ုလ်ဖ်ဘာ့ဂ်
စီအက်စ်ကေအေ ၃-၂ ပီအက်စ်ဗီ

အဖွင့်ပွဲမှာရှုံးခဲ့တဲ့ မန်ယူတို့ ဒီပွဲမှာလည်း ပွဲအစ ၄ မိနစ်မှာ ဂိုးပေးခဲ့ရပေမယ့် မာတာရဲ့ ခြေစွမ်းပြမှုနဲ့အတူ အနိုင်ရှိခဲ့ပါတယ်။ ၃၄ မိနစ်မှာ ပင်နယ်တီကတစ်ဆင့် ချေပဂိုးသွင်းပေးခဲ့တဲ့ မာတာဟာ ၅၃ မိနစ်မှာ စမောလင်းသွင်းတဲ့ဂိုးကိုလည်း လှလှပပ ဖန်တီးပေးနိုင်ခဲ့ပါတယ်။

ပီအက်စ်ဗီက ကစားပုံမဆိုးပေမယ့် ပထမပိုင်းမှာ ပေးလိုက်ရတဲ့ ဂိုး ၃ ဂိုးကြောင့် အထိနာရခဲ့ရတာ ဖြစ်ပါတယ်။ အိမ်ရှင် စီအက်စ်ကေအေအတွက် ပယ်နယ်တီတစ်လုံးအပါအ၀င် ၂ ဂိုးသွင်းပေးခဲ့တဲ့ ဒွန်ဘီယာ နောက်ထပ် ပင်နယ်တီတစ်လုံးကို ၀င်အောင်မကန်နိုင်တာကြောင့် ဟက်ထရစ်ရမယ့် အခွင့်အရေး ဆုံးရှုံးခဲ့ရပါတယ်။ ပီအက်စ်ဗီကတော့ ဒုတိယပိုင်းမှာ ပိုကြိုးစားခဲ့ပြီး ၂ ဂိုးရခဲ့ပေမယ့် ရလဒ်ကိုတော့ ပြောင်းလဲနိုင်ခြင်း မရှိခဲ့ပါဘူး။

အုပ်စု C
———
အက်သလက်တီကို ၁-၂ ဘင်ဖီကာ
အက်စ်တာနာ ၂-၂ ဂါလာတာစာရေး

အိမ်ရှင် အက်သလက်တီကိုအတွက် ခြေစွမ်းပိုင်းနဲ့ ရလဒ်က ပြောင်းပြန်ဖြစ်ခဲ့ပါတယ်။ ၂၃ မိနစ်မှာ ဦးဆောင်ဂိုးရခဲ့ပြီး နောက်ပိုင်းမှာလည်း ပွဲဖြတ်နိုင်မယ့်အခွင့်အရေးတွေ ရခဲ့ပေမယ့် ကစားသမားတွေ အဆုံးသတ် ညံ့ဖျင်းခဲ့တာ၊ ဘင်ဖီကာနောက်တန်း ကောင်းလွန်းတာတွေကြောင့် အရာမထင်ခဲ့ပါဘူး။ ပထမပွဲ ၃ မှတ်ရထားတဲ့ ဘင်ဖီကာက ရခဲ့တဲ့ အပိုင်အခွင့်အရေး ၂ ကြိမ်ကို ဂိုးအဖြစ် အသုံးချသွားခဲ့ပြီး ထိုက်ထိုက်တန်တန် အနိုင်ယူနိုင်ခဲ့ပါတယ်။

အုပ်စုအတွင်းမှာ အားအနည်းဆုံးဖြစ်တဲ့ အက်စ်တာနာဟာ ဂါလာတာစာရေးကစားသမားနှစ်ဦးရဲ့ ကိုယ့်ဂိုးကိုယ်သွင်းမှုကြောင့် ချန်ပီယံလိဂ် ပထမဆုံး ၁ မှတ် ရခဲ့ပါတယ်။ ဂါလာတာစာရေးတို့ ၃၁ မိနစ်မှာ ဘီလာလ်ကီစာရဲ့ဂိုး၊ ၈၆ မိနစ်မှာ အိမ်ရှင်ဂိုးသမားရဲ့ ကိုယ့်ဂိုးကိုယ်သွင်းမှုတွေနဲ့ နှစ်ကြိမ်တိုင်တိုင် ဦးဆောင်နိုင်ခဲ့ပေမယ့် ၃ မှတ်တော့ မရခဲ့ပါဘူး။ အက်စတာနာနည်းပြက ဒီပွဲဟာ အသင်းနဲ့
ကာဇက်စတန်နိုင်ငံအတွက် သမိုင်းဝင်ပွဲလို့တောင် တင်စားခဲ့ပါတယ်။

အုပ်စု D
———
မိုချက်ဂလဒ်ဘက်ခ်ျ ၁-၂ မန်စီးတီး
ဂျူဗင်တပ်စ် ၂-၀ ဆီဗီးလား

နောက်ဆုံး ၃ ပွဲမှာ နိုင်ပွဲမရှိသေးတဲ့ မန်စီးတီး ဒီပွဲမှာလည်း ဦးဆောင်ဂိုးပေးခဲ့ရကာ ရုန်းကန်ခဲ့ရပြီး အိမ်ရှင်နောက်ခံလူ ခရစ်တန်ဆန်ရဲ့ ကိုယ့်ဂိုးကိုယ်သွင်းမှုနဲ့ မိနစ် ၉၀ မှ အဂူရိုရဲ့ ပင်နယ်တီတွေနဲ့ ကံကောင်းထောက်မစွာ ၃ မှတ်ရခဲ့တာဖြစ်ပါတယ်။ ဒါတောင် ဂိုးသမားဂျိုးဟတ် ပင်နယ်တီတစ်လုံးအပါအ၀င် အပိုင်ဂိုးသွင်းခွင့်တစ်ချို့ကို ကာကွယ်နိုင်ခဲ့တာကြောင့် သက်သာရာရခဲ့တာပါ။

စီးရီအေမှာ ရုန်းကန်နေရပေမယ့် ချန်ပီယံလိဂ်မှာတော့ ဂျူဗင်တပ်စ်တို့ ပုံမပျက်ပါဘူး။ တစ်ပွဲလုံး ဟာကွက်မရှိ ကစားသွားခဲ့ပြီး ပထမပိုင်း ၄၁ မိနစ်မှာ မိုရာတာကတစ်ဂိုး၊ ဒုတိယပိုင်း ၈၇ မိနစ်မှာ ဇာဇာက တစ်ဂိုးနဲ့ ချန်ပီယံလိဂ် ရာနှုန်းပြည့်နိုင်ပွဲကို ရယူနိုင်ခဲ့ပါတယ်။