မေ ၁၈၊ ၂၀၁၆
M-Media
– ဥရောပဖလား (European Cup) အမည်ဖြင့် ကျင်းပစဉ် ရီးယဲလ်မက်ဒရစ်အသင်းက ချန်ပီယံဖြစ်ခဲ့သည့် ၅ ချိန်ကို ယခုချန်ပီယံလိဂ်စာရင်းတွင် ထည့်သွင်းမှု ရပ်ဆိုင်းရေး အွန်လိုင်းမှ တောင်းဆိုမှုကို လူပေါင်း ၅၀၀၀၀ ခန့်က ထောက်ခံခဲ့ကြသည်ဟု သိရသည်။
အဆိုပါ တောင်းဆိုမှုကို စပိန်အခြေစိုက် အားကစားဆိုင်ရာ တရားမျှတရေးအဖွဲ့ Justicia Deportiva မှ စတင်ကာ change.org ၀ဘ်ဆိုက်က လွှင့်တင်ခြင်းဖြစ်သည်။ ဥရောပဖလားအမည်ဖြင့် ပြုလုပ်ခဲ့ပြီး ရီးယဲလ်က ၁၉၉၅-၅၆ ခုနှစ်မှ ၁၉၅၉-၆၀ နှစ်အထိ ဗိုလ်စွဲခဲ့သည့် အဆိုပါ ပြိုင်ပွဲများမှာ လက်ရှိကျင်းပနေသော ချန်ပီယံလိဂ်ပုံစံမျိုးနှင့် တူညီခြင်းမရှိဟု တောင်းဆိုစာတွင် ထောက်ပြထားသည်။
ဥရောပဖလားနှင့် ချန်ပီယံလိဂ် ၂ ခုပေါင်းပါက ရီးယဲလ်မှာ စုစုပေါင်း ၁၀ ကြိမ် ရရှိခဲ့ပြီး ယခုလ ၂၈ ရက်နေ့တွင် မီလန်၌ အက်သလက်တီကိုနှင့်ကစားမည့် ဗိုလ်လုပွဲတွင် ဗိုလ်စွဲပါက ၁၁ ကြိမ်မြောက် ဖြစ်လာမည်ဖြစ်သည်။
“အားကစား၊ ဒီမိုကရေစီတို့က ကိုယ်စားပြုထားတဲ့ တန်ဖိုးတွေအရ ရီးယဲလ်အသင်း ၁၉၅၅-၅၆ ကနေ ၁၉၅၉-၆၀ ကြား ရရှိခဲ့တဲ့ ဥရောပဖလားတွေကို ချက်ခြင်းရုပ်သိမ်းဖို့ ကျွန်တော်တို့ တောင်းဆိုချင်ပါတယ်။ ဒီလိုလုပ်ခြင်းအားဖြင့် အဲဒီဖလားတွေဟာ ဒီနေ့ကျင်းပနေတဲ့ ယူအီးအက်ဖ်အေ ချန်ပီယံလိဂ်အဖြစ် အသိအမှတ်ပြုထားတဲ့ ပြိုင်ပွဲနဲ့ ဘာမှ မသက်ဆိုင်ဘူးဆိုတာကို ဖော်ပြလိုက်တာလည်း ဖြစ်ပါတယ်” ဟု တောင်းဆိုစာတွင် ရေးသားထားသည်။
လက်ရှိအချိန်တွင် ထိုတောင်းဆိုစာအား ထောက်ခံသူပေါင်းမှာ ၅ သောင်းခန့်ရှိနေပြီး ထပ်တိုးလာမည့် အခြေအနေတွင် ရှိနေသည်။
Ref: Goal
