မတ် ၁၇၊ ၂၀၁၆
M-Media
– ချန်ပီယံလိဂ်မှ အာဆင်နယ်အသင်း ထွက်ခွာခဲ့ရပြီးနောက် အာဆင်ဝင်းဂါး၏ ဇာတ်သိမ်းခန်းမှာ နီးကပ်လာပြီဟု အာဆင်နယ်တိုက်စစ်မှူးဟောင်း အီယန် ရွိုက်က ပြောကြားလိုက်သည်။
ချန်ပီယံလိဂ် ၁၆ သင်းအဆင့် ပထမအကျော့ အိမ်ကွင်းတွင် ဘာစီလိုနာအား ၂ ဂိုးပြတ်ဖြင့် ရှုံးနိမ့်ခဲ့သည့် အာဆင်နယ်မှာ ယနေ့မနက်က ကစားခဲ့သည့် ဒုတိယအကျော့တွင်လည်း ၃ ဂိုး ၁ ဂိုးဖြင့် ထပ်ရှုံးခဲ့ပြီး FA ဖလားတွင် ၀က်ဖို့ဒ်အား ရှုံးနိမ့်ကာ ထွက်ခဲ့ရပြီးနောက်ပိုင်း တစ်ပတ်အတွင်း အဓိကပြိုင်ပွဲတစ်ခုမှ ထပ်မံ ထွက်ခွာခဲ့ရခြင်းလည်း ဖြစ်သည်။
“တကယ်လို့များ အာဆင်နယ်ဟာ ပရီးမီးယားလိဂ်ကို မရဘူးဆိုရင် သူ (၀င်းဂါး) ဟာ နွေရာသီနောက်ပိုင်း အသင်းမှာ ဆက်ရှိနေမလားဆိုတာ ကျွန်တော် အသေအချာ မပြောနိုင်ပါဘူး။ အဆင့် ၃၊ အဆင့် ၄ နေရာနဲ့ ဆက်ပြီး ရာသီသိမ်းမယ်ဆိုရင် ဘာဖြစ်မလဲဆိုတာကို ကျွန်တော် မပြောတတ်ပါဘူး။ အထူးသဖြင့် လက်စတာနဲ့ စပါးတို့က အပေါ်ရောက်နေပြီး အာဆင်နယ်က ချန်ပီယံလိဂ်နဲ့ FA က ထွက်ရတဲ့ ဒီလိုအခြေအနေမျိုးမှာပေါ့ဗျာ။ အခုအချိန်မှာ အခြေအနေက ပြောင်းသွားပါပြီ။ သူ့ကို ရှိနေစေချင်တဲ့သူထက် ထွက်သွားစေချင်တဲ့သူက ပိုများနေပါတယ်” ဟု ရွိုက်က ပြောကြားခဲ့သည်။
သို့သော်လည်း အသင်း၏မအောင်မြင်မှုအတွက် ၀င်းဂါးတစ်ဦးတည်းကိုသာ အပြစ်တင်၍ မရကြောင်း ၎င်းက ထည့်သွင်းပြောကြားခဲ့သည်။
Ref : Goal
