ဇူလိုင် ၁၉၊ ၂၀၁၅
M-Media
– တရုတ်နိုင်ငံ ဟူနန်ပြည်နယ်မှ အသက် ၃ နှစ်အရွယ် ကလေးငယ်တစ်ဦးအား ကမ္ဘာ့ပထမဆုံးအဖြစ် 3D printing နည်းပညာကို အသုံးပြု၍ ဦးခေါင်းခွံ အစားထိုးခွဲစိတ်မှုကို ပြီးခဲ့သည့် ဗုဒ္ဓဟူးနေ့က ပြုလုပ်နိုင်ခဲ့သည်ဟု သိရသည်။
ဟန်ဟန်ဟု အမည်ရသည့် အဆိုပါကလေးငယ်မှာ မွေးရာပါ ဟိုက်ဒရိုဆပ်ဟာလက်စ်ရောဂါ ဖြစ်ပွားနေသူဖြစ်ပြီး ထိုရောဂါကြောင့် ဦးနှောက်အတွင်း အရည်တစ်မျိုးကို လုံလောက်စွာ မစုဆောင်းနိုင်ချေ။
ထို့ပြင် ၎င်း၏ ဦးခေါင်းမှာလည်း သာမန်အရွယ်အစားထက် ၄ ဆခန့် ကြီးထွားနေကာ လည်ပင်းက ထောက်ပံ့မှု မပြုလုပ်နိုင်သောကြောင့် ဟန်ဟန်မှာ အိပ်ရာထဲတွင်ပင် လှဲနေရကာ အကျိုးဆက်အဖြစ် မျက်လုံးလည်း ကွယ်သွားခဲ့သည်။
ချန်ရှာပြည်နယ် Second People ဆေးရုံမှ ခွဲစိတ်ဆရာဝန်များမှာ 3D printing နည်းပညာကို အသုံးပြု၍ ဦးခေါင်းခွံပုံစံတစ်ခုကို ဖန်တီးခဲ့ပြီး၊ ဦးခေါင်းခွံအစားထိုးရာတွင် ဦးနှောက်အား အောက်ခံအဖြစ် ကာကွယ်ပေးမည့် တိုက်တယ်နီယံ ဇကာတစ်ခုကိုလည်း ပြုလုပ်ခဲ့သည်။
ထို့နောက် ၁၇ နာရီကြာသည့် ခွဲစိတ်ကုသမှုတွင် ဦးခေါင်းခွံအား ဖယ်ရှားခဲ့ကာ 3D printing ဦးခေါင်းခွံကို အောင်မြင်စွာ အစားထိုးနိုင်ခဲ့သည်။
“ဦးခေါင်းခွံကို ဖယ်ရှားပြီးတဲ့နောက်ပိုင်းမှာ ဦးနှောက်က အခွံခွာထားတဲ့ ဥလေးလိုပါပဲ။ ဦးနှောက်အမှေးပါး ကြပ်ကြပ်တည်းတည်းရှိဖို့နဲ့ ဦးနှောက် အရမ်းလှုပ်နေတာကို ရပ်တန့်စေဖို့အတွက် လိုအပ်နေတဲ့အရည်တွေကို အစက်ချ ထည့်သွင်းခဲ့ရပါတယ်။ ပြီးတော့ ဦးခေါင်းခွံရဲ့ဖိအားကိုလည်း မှန်ကန်အောင် လုပ်ခဲ့ရပါတယ်” ဟု ခွဲစိတ်မှုတွင် ပါဝင်ခဲ့သည့် ဒေါက်တာ ကူအန် ဝေပင်းက
ပြောကြားခဲ့သည်။
ခွဲစိတ်ဆရာဝန်များမှာ ဦးနှောက်အတွင်းသို့ အရည် ၇.၅ လီတာကို ၄ နာရီကြာ ထည့်သွင်းခဲ့ရပြီး ဟန်ဟန်၏ မျက်နှာမှာ အကောင်းပကတိအတိုင်းရှိကာ ဦးခေါင်းခွံအသစ်နှင့် အံဝင်ခွင်ကျ ဖြစ်ခဲ့သည်ဟု ဒေါက်တာကူအန်က ထည့်သွင်းပြောကြားခဲ့သည်။
ဟန်ဟန်မှာ ဆက်လက်ကြီးထွားနေသောကြောင့် ဦးခေါင်းခွံအား အရွယ်ရောက်ပြီးသည့် ဦးခေါင်းခွံအရွယ်အစားကို အသုံးပြုခဲ့ရသည်ဟု ခွဲစိတ်ဆရာဝန်များက ဆိုသည်။ ထို့ပြင် သူမ၏ဦးခေါင်းမှာ သေးငယ်လာပါက ဦးခေါင်းခွံတစ်ရှူးများကို အသုံးပြု၍
ထပ်မံကုသနိုင်သည်ဟုလည်း ထည့်သွင်းပြောကြားခဲ့သည်။
ဟန်ဟန်မှာ လက်ရှိအချိန်တွင် အထူးကြပ်မတ်ကုသမှုအောက်တွင် ရှိနေသည်။
Ref: Straitstimes
