Tag: China

ဇွန် ၁၀၊ ၂၀၁၅
M-Media

– တရုတ်အင်တာနက်ကုမ္ပဏီနှစ်ခု ပူးပေါင်းကျင်းပသော လိင်တူချစ်သူ စုံတွဲပြိုင်ပွဲတွင် ရွေးချယ်ခြင်းခံခဲ့ရသည့် တရုတ်နိုင်ငံမှ အမျိုးသား၊ အမျိုးသမီး လိင်တူချစ်သူ စုံတွဲ ၇ ခုမှာ အမေရိကန်နိုင်ငံတွင် လက်ထပ်လိုက်ပြီဟု သိရသည်။

အဆိုပါ စုံတွဲပြိုင်ပွဲကို WeDo ဟု အမည်ပေးထားပြီး ၀င်ရောက်ယှဉ်ပြိုင်သူ စုံတွဲ ၂၀၀၀ ကျော် ရှိခဲ့သည်။ လိင်တူချစ်သူများမှာ ၎င်းတို့၏ ဇာတ်လမ်းများအကြောင်းကို ဗီဒီယိုမှတစ်ဆင့် ပြောကြားရပြီး ထိုဗီဒီယိုများကို အွန်လိုင်း ကုန်သွယ်ရေးကုမ္ပဏီ အလီဘာဘာ၏ အွန်လိုင်း ဈေးဝယ်ဆိုက်ဖြစ်သော Taobao တွင် အင်တာနက်သုံးစွဲသူများက မဲပေးရွေးချယ်ရခြင်း ဖြစ်သည်။

ထိုပြိုင်ပွဲကို အလီဘာဘာနှင့် တရုတ်နိုင်ငံ၏ အကြီးဆုံး လိင်တူချစ်သူ မိုင်းဘိုင်း Dating အက်ပလီကေးရှင်း Blued တို့က ပူးပေါင်းကျင်းပခြင်းဖြစ်သည်။ မဲအများဆုံးရသည့် လိင်တူချစ်သူ စုံတွဲ ၁၀ ခုကို ရွေးချယ်ခဲ့ပြီး ဆုအနေဖြင့် ကယ်လီဖိုးနီးယားတွင် လက်ထပ်ခွင့်နှင့် ဟန်းနီးမွန်းတို့အတွက် ကုန်ကျစားရိတ်အားလုံးကို ပြိုင်ပွဲကျင်းပပေးသည့် ကုမ္ပဏီများက ကျခံပေးသွားမည်ဖြစ်သည်။

၎င်းတို့ထဲမှ အမျိုးသားနှင့် အမျိုးသမီး လိင်တူချစ်သူ စုံတွဲ ၇ ခုမှာ ကယ်လီဖိုးနီးယားတောင်ပိုင်း လိင်တူချစ်သူလူ့အဖွဲ့အစည်း များပြားသည့် ၀က်စ်ဟောလီးဝုဒ်ရှိ မြို့တော်စာကြည့်တိုက်တွင် ယမန်နေ့က လက်ထပ်ခဲ့ကြပြီး လက်ထပ်ပွဲကို ၀က်စ်ဟောလီးဝုဒ် အုပ်ချုပ်ရေးမှူးက တာဝန်ယူ ကျင်းပပေးခဲ့သည်။

“သူတို့ကို ၀က်စ်ဟောလီးဝုဒ်မှာ လက်ထပ်ပေးရတဲ့အတွက် ကျွန်မတို့ အရမ်းဂုဏ်ယူမိပြီး ပျော်လည်းပျော်ပါတယ်။ လူအားလုံးအတွက် တူညီတဲ့အခွင့်အရေးကို လက်သင့်ခံတဲ့၊ အထူးသဖြင့် ကျွန်မတို့ လိင်တူချစ်သူ လူ့အဖွဲ့အစည်းရဲ့ အခွင့်အရေးတွေကို မြှင့်တင်ကာကွယ်ပေးတဲ့ လူ့အဖွဲ့အစည်း ကျွန်မတို့ဆီမှာ ရှိနေတာ ကြာပါပြီ” ဟု အုပ်ချုပ်ရေးမှူး လင်ဆေး ဟော်ဗို့သ်က ပြောကြားခဲ့သည်။

တရုတ်နိုင်ငံတွင် လိင်တူဆက်ဆံမှုကို ရာဇ၀တ်မှုအဖြစ် သတ်မှတ်ထားရာမှ ၁၉၉၃ ခုနှစ်တွင် ပယ်ဖျက်ခဲ့သော်လည်း လိင်တူလက်ထပ်မှုကိုမူ တရားမ၀င်ဟု သတ်မှတ်ထားသည်။

ကယ်လီဖိုးနီးယားပြည်နယ်တွင်မူ ၂၀၁၃ ခုနှစ်က လိင်တူလက်ထပ်ခွင့်ကို တရားဝင်ခွင့်ပြုခဲ့သည်။ ယခုလက်ထပ်ထားသည့် စုံတွဲများမှာ တရုတ်နိုင်ငံတွင် တရားဝင်မည်မဟုတ်ပေ။

Ref: Aljazeera

ဇွန် ၆၊ ၂၀၁၅
M-Media

– တနင်္လာနေ့ညပိုင်းက တရုတ်နိုင်ငံအလယ်ပိုင်း ယန်ဇီမြစ်တွင် နစ်မြုပ်သွားသည့် ဇိမ်ခံသင်္ဘောမှ သေဆုံးသူအရေအတွက်မှာ ၃၃၁ ဦး ရှိလာခဲ့ပြီဟု မီဒီယာများက ဖော်ပြခဲ့ကြပြီး နှစ်ပေါင်း ၇၀ အတွင်း အဆိုးဝါးဆုံးသော ရေကြောင်းဖြစ်ရပ်ဆိုးကြီးလည်း ဖြစ်သည်။

မုန်တိုင်းကြောင့် နစ်မြုပ်သွားခဲ့ပြီးနောက် ဇောက်ထိုးဖြစ်သွားခဲ့သည့် Eastern Star အမည်ရ အဆိုပါသင်္ဘောကို ယမန်နေ့က ပြန်လည်တည့်မက်ခဲ့ပြီးနောက် ရှာဖွေမှုများ ပြုလုပ်ရာတွင် ထိုကဲ့သို့ အလောင်းများ ပိုမိုတွေ့ရှိခဲ့ရခြင်း ဖြစ်သည်။

အသက် ၆၀ ကျော်အရွယ် ခရီးသွားအများစု ပါဝင်ပြီး လူပေါင်း ၄၅၆ ဦး လိုက်ပါသွားသည့် အဆိုပါ သင်္ဘောမှ ၁၄ ဦးသာ အသက်ရှင်လျက် ကယ်ဆယ်ရရှိခဲ့သည်။ တာဝန်ရှိသူများကမူ ဒေသစံတော်ချိန် ယနေ့နံနက် ၈ နာရီအထိ ဆယ်ယူရရှိသော အလောင်းများမှာ ၃၃၁ လောင်း ရှိသွားပြီဟု ကြေညာခဲ့သည်။

ပျောက်ဆုံးနေသော ၁၀၀ ကျော်ကို ဆက်လက်ရှာဖွေမှုများ ပြုလုပ်နေပြီး အသက်ရှင်လျက် ရှိနေသူများကို တွေ့ရှိရန် မျှော်လင့်ချက်မရှိတော့ဟု တာဝန်ရှိသူတစ်ဦးက ပြောကြားခဲ့သည်။

တိမ်းမှောက်ခဲ့သည့်အချိန် မတိုင်မီ ညနေပိုင်းက မုန်တိုင်းသတိပေးချက် ထုတ်ပြန်ခဲ့သော်လည်း အဘယ့်ကြောင့် ဆက်လက်မောင်းနှင်ခဲ့ရသနည်းဆိုသည်ကို သေဆုံးသွားသူများ၏ ဆွေမျိုးများက မေးခွန်းထုတ်ခဲ့ကြကာ အဆိုပါသင်္ဘော တိမ်းမှောက်မှုအတွက် မကျေမနပ် ဖြစ်နေကြသည်။

အသက်ရှင်လျက် ကယ်ဆယ်ရရှိသူများတွင် သင်္ဘောကပ္ပတိန်နှင့် အင်ဂျီနီယာချုပ်တို့ ပါဝင်ပြီး ၎င်းတို့အား ရဲတပ်ဖွဲ့က ထိန်းသိမ်းထားသည်။

Ref: Aljazeera

ဇွန် ၄၊ ၂၀၁၅
M-Media

– တရုတ်နိုင်ငံ ယန်ဇီမြစ်အတွင်း တနင်္လာနေ့က တိမ်းမှောက်ခဲ့သော ဇိမ်ခံသင်္ဘောမှ အလောင်းများ ဆယ်ယူရရှိမှု မြင့်တက်လာပြီး သင်္ဘောပေါ်တွင် လိုက်ပါသွားသူများ၏ ဆွေမျိုးများမှာလည်း ရှာဖွေကယ်ဆယ်ရေး ပြုလုပ်နေသည့် နေရာသို့ ယနေ့တွင် တစ်ဖွဲဖွဲ ရောက်ရှိလာခဲ့သည်ဟု သိရသည်။

လူပေါင်း ၄၀၀ ကျော် လိုက်ပါသွားသည့် အဆိုပါသင်္ဘောတွင် အများစုမှာ သက်ကြီးရွယ်အိုများ ဖြစ်ကြပြီး နိုင်ငံပိုင်သတင်းဌာန CCTV ကမူ လက်ရှိအချိန်အထိ သေဆုံးသူ ရုပ်အလောင်း ၆၅ လောင်းကို ဆယ်ယူရရှိထားသည်ဟု ဖော်ပြခဲ့သည်။ အသက်ရှင်လျက် ကယ်တင်နိုင်ခဲ့သူများမှာ ၁၄ ဦးသာ ရှိသေးကာ ပျောက်ဆုံးသူများမှာ ၄၀၀ ခန့် ရှိနေသေးသည်။

ကယ်ဆယ်ရေး လုပ်သားများကမူ ဇောက်ထိုးမှောက်နေသော သင်္ဘောထဲတွင် ပိတ်မိနေသူများကို ကယ်တင်ရန် နောက်ဆုံး ကြိုးပမ်းမှုအဖြစ် သင်္ဘောဝမ်းကို ဖောက်ပစ်ရန် လုပ်ဆောင်နေကြကာ ယနေ့နက်ပိုင်းတွင်မှု ဆိုးရွားသော ရာသီဥတုကြောင့် ခေတ္တ ရပ်နားထားသည်။

သို့သော်လည်း တရုတ်နိုင်ငံ၏ ရေကြောင်းသွားလာရေးသမိုင်းတွင် အဆိုးဆုံးအဖြစ်အပျက်အဖြစ် မှတ်ယူနိုင်သည့် ထိုတိမ်းမှောက်မှုတွင် သေဆုံးသူအရေအတွက် မြင့်တက်လာမည်ကို စိုးရိမ်မှုများ ရှိနေသည်။ ယနေ့ တစ်နေ့တည်းတွင်ပင် သေဆုံးသူအလောင်း ၃၉ လောင်းကို ရှာဖွေတွေ့ရှိခဲ့သည်။

“၇၂ နာရီနောက်ပိုင်း အသက်ရှင်တဲ့လူရှိတဲ့ အနေအထားမျိုး မတွေ့ရဘူးဆိုရင်တော့ သင်္ဘောကြီးကို ပြန်လှန်သွားမှာပါ” ဟု ကယ်ဆယ်ရေးတမ်မှူး ၀မ်ဇီဂန်းက ဆင်ဟွာသတင်းဌာနသို့ ပြောကြားခဲ့သည်။

Eastern Star ဟု အမည်ရသည့် အဆိုပါသင်္ဘောတွင် လူပေါင်း ၄၅၆ ဦး လိုက်ပါသွားခဲ့ပြီး အများစုမှာ အသက် ၆၀ ကျော် သက်ကြီးရွယ်အိုများ ဖြစ်ကြသည်။ သင်္ဘောမှောက်သည့် အကြောင်းအရင်းကို သေချာ မသိရသေးသော်လည်း တနင်္လာနေ့ ညနေပိုင်းက မိနစ်အနည်းငယ်ကြာ တိုက်ခတ်ခဲ့သည့် လေပြင်းမုန်တိုင်းကြောင့် တိမ်းမှောက်ခဲ့ရခြင်းဖြစ်သည်ဟု အသက်ရှင်ကျန်ရစ်သူများက
ပြောကြားခဲ့သည်။

Ref: Channelnewsasia

ဇွန် ၂၊ ၂၀၁၅
M-Media

– လူပေါင်း ၄၅၀ ကျော် တင်ဆောင်သွားခဲ့သည့် ဇိမ်ခံသင်္ဘောတစ်စင်းမှာ တရုတ်နိုင်ငံအလယ်ပိုင်း ယန်ဇီမြစ်အတွင်း နစ်မြုပ်သွားခဲ့ပြီး လူပေါင်း ရာနှင့်ချီ၍ ပျောက်ဆုံးနေသည်ဟု သိရသည်။

ယမန်နေ့ညပိုင်းက နစ်မြုပ်ခဲ့ခြင်းဖြစ်ပြီး လူ ၅ ဦး၏အလောင်းကို ဆယ်ယူရရှိခဲ့ကာ သင်္ဘောကပ္ပတိန်နှင့် အင်ဂျင်နီယာချုပ်တို့ အပါအ၀င် လူ ၃၀ ကို ကယ်ဆယ်နိုင်ခဲ့သည်။ ကပ္ပတိန်နှင့် အင်ဂျင်နီယာချုပ်တို့ကိုမူ ရဲတပ်ဖွဲ့က ထိန်းသိမ်းလိုက်ပြီဟု နိုင်ငံပိုင်မီဒီယာက ပြောကြားခဲ့သည်။

ယန်ဇီမြစ် ရေကြောင်းသွားလာမှု စီမံခန့်ခွဲရေးအဖွဲ့ကမူ အဆိုပါသင်္ဘောမှာ ဟူဘီပြည်နယ်ရှိ ဂျီယန်လီမြို့၌ မုန်တိုင်းတိုက်ခတ်စဉ်အတွင်း တိမ်းမှောက်ကာ ရေ၀င်၍ ဇောက်ထိုးဖြစ်သွားခဲ့သည်ဟု ပြောကြားခဲ့သည်။

တိမ်းမှောက်ပြီးနောက် လူ ၇ ဦးက ကမ်းခြေသို့ ရေကူးလာကာ ရဲတပ်ဖွဲ့အား အကြောင်းကြားခဲ့သောကြောင့် သင်္ဘောမှောက်သည်ကို သိရှိခဲ့ရခြင်း ဖြစ်သည်။

အဆိုပါသင်္ဘောတွင် လိုက်ပါခဲ့ကြသူ အများစုမှာ အသက် ၅၀ မှ အသက် ၈၀ အရွယ်ကြားရှိ ခရီးသွားများဖြစ်ပြီး သင်္ဘောမှောက်သည့်အချိန်မှာ အိပ်ရန် ပြင်ဆင်နေကြသည့်အချိန်ဖြစ်သည်ဟု ဆိုသည်။

ဆင်ဟွာသတင်းဌာနကမူ အဆိုပါသင်္ဘောပေါ်တွင် တရုတ်ခရီးသည် ၄၀၅ ဦး၊ ခရီးသွားအေဂျင်စီမှ ၀န်ထမ်း ၅ ဦးနှင့် သင်္ဘောအမှုထမ်း ၄၇ ဦး ပါဝင်သွားခဲ့သည်ဟု ဖော်ပြခဲ့သည်။

ယခုလက်ရှိတွင် သင်္ဘော အစီး ၁၅၀ ကျော်၊ စစ်သားနှင့် ရဲတပ်ဖွဲ့ဝင် စုစုပေါင်း ၂၁၀၀ တို့ဖြင့် ရှာဖွေကာဆယ်ရေးလုပ်ငန်းများကို လုပ်ဆောင်နေပြီး ယန်ဇီမြစ်အတွင်း၌ လေပြင်းများတိုက်ခတ်နေကာ၊ မိုးများလည်း ရွာသွန်းနေသည်။

တရုတ်သမ္မတ ဇီဂျင်ပင်းက ရှယ်ဖွေကယ်ဆယ်ရေးလုပ်ငန်းအား အစွမ်းကုန်လုပ်ဆောင်သွားရန် အမိန့်ပေးခဲ့ပြီး ၀န်ကြီးချုပ် လီကီကွီယန်မှာလည်း အခင်းဖြစ်ရာနေရာသို့ သွားရောက်ကြည့်ရှုနေသည်။

ယန်ဇီမြစ်အတွင်း သင်္ဘောဖြင့် အပန်းဖြေခရီးသွားခြင်းမှာ တရုတ်ပြည်သူများအကြား ရေပန်းစားသည့် အပန်းဖြေခရီးလည်းဖြစ်သည်။

Ref: Aljazeera