စက်တင်ဘာ ၂၅၊ ၂၀၁၉
M-Media
-တရုတ်နိုင်ငံအနောက်မြောက်ပိုင်းမှာ အစ္စလာမ်ဘာသာဝင်အများစုနေထိုင်ပြီး ရှုမငြီးစဖွယ် သာယာတဲ့ တောင်ကြားဒေသရဲ့ ထင်ရှားတဲ့ အစ္စလာမ့်အမှတ်သညာတွေကို တရုတ်အစိုးရက ဖယ်ရှား ဖျောက်ဖျက်ပစ်နေပါတယ်။ ‘မက္ကာအငယ်စားလေး’ လို့ တင်စားရလောက်တဲ့ လင်ရှာမြို့နား ရွာငယ်လေးမှာရှိနေတဲ့ ဗလီတွေရဲ့ အမိုးခုံးတွေ၊ မင်နာရတ် မျှော်စင်တွေဟာ အာဏာပိုင်တွေရဲ့ ဖျက်ဆီးမှုကို ခံခဲ့ရပါတယ်။
မွန်ဂိုလီးယားအတွင်းပိုင်း၊ ဟီနန်ပြည်နယ်နဲ့ နင်ရှာဒေသတို့မှာလည်း ဒီလို ဖျက်ဆီးမှုတွေ ပြုလုပ်လာပါတယ်။ နင်ရှာဒေသဟာ တရုတ်နိုင်ငံရဲ့ အကြီးဆုံး အစ္စလာမ်ဘာသာဝင် လူမျိုးစုဖြစ်တဲ့ ‘ဟွေ’ လူမျိုးစုဒေသ ဖြစ်ပါတယ်။ နိုင်ငံတောင်ပိုင်း ယူနန်ပြည်နယ်မှာလည်း ဗလီ ၃ လုံး အပိတ်ခံရပါတယ်။ ဘေဂျင်းကနေ နင်ရှာဒေသအထိ အာဏာပိုင်တွေဟာ အာရဘီစာပန်းချီတွေ လူမြင်ကွင်းမှာ အသုံးပြုမှုကို ပိတ်ပင်ထားပါတယ်။
ဒါဟာ ဆယ်စုနှစ်ချီ အထိုက်အလျောက် တံခါးဖွင့်ပေးထားပြီးတဲ့နောက် တစ်ဦးချင်းစီရဲ့ ဘာသာရေးလွတ်လပ်ခွင့်ကို တရုတ် ကွန်မြူနစ်ပါတီက ပြန်လည်ပိတ်ပင်လာတာ ဖြစ်ပါတယ်။ တံခါးဖွင့်ကာလအတွင်းမှာ အလယ်အလတ်ကျတဲ့ အစ္စလာမ်သာသနာ တရုတ်ပြည်မှာ ထွန်းကားလာခဲ့တာပါ။ ရှင်ကျန်းပြည်နယ်က အစ္စလာမ်ဘာသာဝင် ဝီဂါလူမျိုးတွေအပေါ်မှာ စတင်ခဲ့တဲ့ နှိပ်ကွပ်မှုဟာ အခုအချိန်မှာတော့ အခြားဒေသ၊ အခြားလူမျိုးစုတွေအပေါ် ပြန့်နှံ့လာနေပါတယ်။
အစ္စလာမ်ကို ကျင့်သုံးမှုများလာရင် ဘာသာရေးအစွန်းရောက်ဝါဒ ပေါ်ပေါက်ကာ သူတို့ရဲ့ အုပ်စိုးမှုကို ဆန့်ကျင်လာလိမ့်မယ်ဆိုတဲ့ စိုးရိမ်မှုနဲ့ ဒီလိုဖိနှိပ်ချုပ်ချယ်မှုတွေကို ကွန်မြူနစ်ပါတီက လုပ်ဆောင်လာတာ ဖြစ်ပါတယ်။ လက်ရှိအချိန်မှာတော့ တရုတ်နိုင်ငံတစ်ဝှမ်း အစ္စလာမ့် ဓလေ့ထုံးတမ်းတွေ၊ ကျင့်သုံးမှုတွေအပေါ် ကန့်သတ်တားမြစ်မှုတွေကို ကွန်မြူနစ်ပါတီက လုပါနေပါတယ်။ ပါတီရဲ့ လျှို့ဝှက်ညွှန်ကြားမှုနဲ့အညီ လုပ်ဆေင်တာဖြစ်ပြီး ညွှန်ကြားချက်တစ်စိတ်တစ်ပိုင်းကို New York Times သတင်းစာက ဖော်ထုတ် ဖွင့်ချခဲ့ပြီး ဖြစ်ပါတယ်။
ဒီလုပ်ဆောင်ချက်တွေမှာ တရုတ်သမ္မတ ရှီကျင့်ဖျင်ရဲ့ တင်းမာတဲ့ ပေါ်လစီတွေလည်း ပါဝင်ပါတယ်။ ရှီဟာ ကွန်မြူနစ်ပါတီရဲ့ ထိပ်ခေါင်နေရာကို အခိုင်အမာဖြစ်အောင်၊ ပါတီရဲ့ အယူအဆကို လူထုရဲ့နေ့စဉ်ဘ၀ထဲမှာပါ စိမ့်ဝင်လာအောင် လုပ်ဆောင်နေသူပါ။
ဒါ့ကြောင့် နိုင်ငံအနောက်ပိုင်း ရှင်ကျန်းပြည်နယ်က ဝီဂါမွတ်စလင်တွေအပေါ်မှာ ပြုလုပ်တဲ့ ဖိနှိပ်မှုတွေဟာ နိုင်ငံရဲ့ အခြားဒေသတွေမှာပါ ပေါ်ပေါက်လာပြီး တရုတ်လူ့အဖွဲ့အစည်းမှာ ဝီဂါတွေထက် ပိုပြီး တစ်သားတည်းဖြစ်တဲ့ ဟွေနဲ့ အခြား အစ္စလာမ်ဘာသာဝင် လူမျိုးစုတွေအပေါ်မှာပါ ပစ်မှတ်ထားလာမလားဆိုတဲ့ စိုးရိမ်မှုတွေလည်း မြင့်တက်လာပါတယ်။ ပြီးခဲ့တဲ့နှစ် နင်ရှာပြည်နယ်က ကွန်မြူနစ်ပါတီ ထိပ်တန်းတာဝန်ရှိသူတစ်ဦး ရှင်ကျန်းပြည်နယ်ကို သွားရောက်စဉ် ရှင်ကျန်းအစိုးရကို ချီးကျူးခဲ့ပြီး လုံခြုံရေးဆိုင်ရာ ကိစ္စတွေမှာ ဒေသနှစ်ခု ပူးပေါင်းလုပ်ဆောင်မှုကို တိုးမြှင့်သွားမယ်လို့ ကတိပြုခဲ့ပါတယ်။
ဒီလိုဖိနှိပ်မှုတွေဟာ ဘာသာရေးယုံကြည်သူတွေကို သီးခြားလူလို့ ရှုမြင်တဲ့ တရုတ်အစိုးရရဲ့ အစ္စလာမ်သာသနာအပေါ် အချိန်အတော်ကြာကတည်းက ရှိနေတဲ့ မုန်းတီးစိတ်ကနေ ဆက်လက် ပေါက်ဖွားတာမျိုး ဖြစ်တယ်လို့ အမေရိကန်ပြည်ထောင်စု မေရီလန်းပြည်နယ် Frostburg State တက္ကသိုလ်က ဟွေလူမျိုး ပရော်ဖက်ဆာ မာဟိုင်ယွင်က ပြောကြားခဲ့ပါတယ်။
“တရုတ်ပြည်သူ့ သမ္မတနိုင်ငံဟာ အစ္စလာမ်ဆန့်ကျင်ရေး သဘောထားနဲ့ အမုန်းတရားမှာ ကမ္ဘ္ဘာ့ထိပ်တန်းရောက်လာတဲ့ နိုင်ငံတစ်ခု ဖြစ်လာပါတယ်။ ဒါကို အစိုးရက အများပြည်သူ ထောက်ခံမှုရစေတဲ့ ပုံစံကို ပြောင်းပြီး ရှင်ကျန်းဒေသနဲ့ တိုင်းပြည်က အခြားနေရာတွေမှာ အစ္စလာမ်ဘာသာဝင်တွေအပေါ် ဘေဂျင်းအစိုးရရဲ့ ဖိနှိပ်မှုတွေ တိုးမြှင့်လုပ်ဆောင်လာပါတယ်” လို့ Hudson Institute အတွက် မကြာသေးခင်က ရေးသားခဲ့တဲ့ ဆောင်းပါးတစ်ပုဒ်မှာ ဖော်ပြထားပါတယ်။
အခြားဒေသတွေမှာပြုလုပ်တဲ့ ဖိနှိပ်မှုအသစ်တွေဟာ ရှင်ကျန်းမှာ ဝီဂါတွေကို အစုလိုက်အပြုံလိုက် ထိန်းသိမ်းထားတာ၊ နောက်ယောင်ခံ စောင့်ကြည့်နေတာလောက်အထိ မဟုတ်သေးပါဘူး။ ဒါပေမယ့် လူဦးရေ ၁၀ သန်းလောက်ရှိတဲ့ ဟွေလူမျိုးတွေကတော့ စိုးရိမ်မှုတွေ ရှိနေပါတယ်။
“အခု ကျွန်တော်တို့ နောက်ပြန်သွားနေတာပါ” လို့ A n Ran အမည်နဲ့ ကဗျာတွေ စာတွေ ရေးသားဖြန့်ဝေတဲ့ ကျွေဟောင်ရှင်က ဆိုပါတယ်။
ဘေဂျင်းမြို့တောင်ဘက် ဂျီနန်က သူ့နေအိမ်မှာ ပြုလုပ်တဲ့ အင်တာဗျူးမှာ သူက အခုလို ပြောကြားခဲ့တာပါ။
ရှင်ကျန်းက ဝီဂါလူမျိုးစုတွေ တစ်ဖြည်းဖြည်း အနေရကြပ်လာစေတဲ့ နည်းလမ်းတွေဟာ တရုတ်တစ်နိုင်ငံလုံးကို လွှမ်းခြုံသွားတော့မယ်လို့ ကျွေဟောင်ရှင်က ယူဆနေပါတယ်။
“တစ်နေ့ကြရင် ဒီပုံစံဟာ မွတ်စလင်တွေအတွက် သီးသန့်မဟုတ်တော့ဘဲ လူတိုင်းအပေါ် ထိခိုက်နာကျင်လာစေမှာ ဖြစ်ပါတယ်”
အစ္စလာမ်ကို တရုတ်ဇာတ်သွင်းခြင်း
တရုတ်နိုင်ငံမှာ ရာစုနှစ်ချီ အရင်ကတည်းက အစ္စလာမ်ဘာသာဝင်တွေ ရှိနေခဲ့တာပါ။ ၂၂ သန်းကနေ ၃၃ သန်းလောက်ရှိပြီး လူဦးရေ ၁.၄ ဘီလီယံရှိတဲ့ တရုတ်နိုင်ငံမှာ လူနည်းစုလေးသာ ဖြစ်ပါတယ်။ အဲဒီအထဲမှာ ဟွေနဲ့ ဝီဂါတို့ဟာ အစ္စလာမ်ဘာသာကိုးကွယ်တဲ့ အကြီးမားဆုံး လူမျိုးစုတွေ ဖြစ်ပါတယ်။ ဝီဂါတွေဟာ အဓိကအားဖြင့် ရှင်ကျန်းပြည်နယ်မှာ နေထိုင်ပေမယ့် ဟွေလူမျိုးတွေကတော့ နိုင်ငံတစ်ဝှမ်းမှာ ပြန့်နှံ့ နေထိုင်ကြပါတယ်။
ဒီကနေ့ သူတို့ ကြုံတွေ့နေရတဲ့ ဖိနှိပ်ချုပ်ချယ်မှုတွေဟာ ၂၀၁၅ ခုနှစ်က စတင်ခဲ့တာပါ။ တရုတ်သမ္မတ ရှီကျင့်ဖျင်က ‘အစ္စလာမ်ဘာသာကို တရုတ်ဇာတ်သွင်းရေး’ ကျွေးကြော်သံနဲ့ စတင်ခဲ့တာဖြစ်ပြီး ဘာသာတရားအားလုံးဟာ တရုတ်ယဉ်ကျေးမှုနဲ့ ကွန်မြူနစ်ပါတီရဲ့ လက်အောက်မှာ ရှိရမယ်လို့ ဆိုပါတယ်။ ပြီးခဲ့တဲ့နှစ်တုန်းကဆိုရင် ရှီဟာ ထိပ်တန်းလျှို့ဝှက် ညွှန်ကြားချက်တစ်စောင် ထုတ်ပြန်ခဲ့ပြီး နေ့စဉ်ဘ၀နဲ့ အစိုးရဲ့ လုပ်ငန်းစဉ်တွေမှာ အစ္စလာမ်ဘာသာ ၀င်ရောက်လာခြင်းမရှိအောင် လုပ်ဆောင်ရမယ်လို့ အာဏာပိုင်တွေကို အမိန့်ပေးခဲ့ပါတယ်။
တရုတ်ပြည်ပြင်ပရောက်နေတဲ့ ဝေဖန်ရေးသမားတွေဟာ အဲဒီညွှန်ကြားချက်တွေထဲက အချို့ကို ကောက်နှုတ်ပြီး The Times သတင်းစာကို ပေးခဲ့ပါတယ်။ ညွှန်ကြားချက်ကို “အခြေအနေသစ်မှာ အစ္စလာမ်ကို ပုံစံပြောင်းရေး” လို့ ခေါင်းစဉ်တပ်ထားတဲ့ ဒီညွှန်ကြားချက်ကို အများပြည်သူထံ ထုတ်ပြန်ခြင်း မရှိသေးပါဘူး။ ညွှန်ကြားချက်ကို ‘နိုင်ငံတော်ကောင်စီ’ လို့ခေါ်တဲ့ တရုတ်အစိုးရက ပြီးခဲ့တဲ့နှစ် ဧပြီလမှာ ထုတ်ပြန်တာဖြစ်ပြီး နှစ်ပေါင်း ၂၀ ထိပ်တန်းလျှို့ဝှက်အဆင့်မှာထားဖို့ သတ်မှတ်ထားပါတယ်။
တရုတ်နိုင်ငံအတွင်း အစ္စလာမ်သာသနာနဲ့ သက်ဆိုင်တဲ့ နေရာတွေ၊ ဖက်ရှင်တွေနဲ့ ဓလေ့ထုံးတမ်းတွေမှာ အာရပ်ပုံစံဖြစ်နေမှုကို သတိပေးထားပြီး အစ္စလာမ့် အထွဋ်အမြတ်ထားရာ နေရာတွေရှိတဲ့ ဆော်ဒီအာရေဗျရဲ့ လွှမ်းမိုးမှုကို စိုးရိမ်စရာ အကြောင်းအရင်းတစ်ခုအဖြစ် ဖော်ပြထားပါတယ်။
အစ္စလာမ့်နည်းကျ ဘဏ္ဍာရေးစနစ် အသုံးပြုမှုကို တားမြစ်ဖို့ ညွှန်ကြားထားသလို၊ ဗလီနဲ့ အခြား အစ္စလာမ်အသင်းအဖွဲ့တွေမှာ မူကြိုကျောင်းဖွင့်တာ၊ ကျောင်းချိန်ပြင်ပအတန်းတွေ ဖွင့်လှစ်တာကိုလည်း တားမြစ်ထားပါတယ်။ အာရဘီဘာသာစကား ကျောင်းတွေအနေနဲ့ ဘာသာရေးသင်တာ၊ ဒါမှမဟုတ် ကျောင်းသားတွေကို နိုင်ငံရပ်ခြားလွှတ် ပညာသင်စေတာတွေကိုလည်း ပိတ်ပင်ခဲ့ပါတယ်။
သိသာထင်ရှားတဲ့ ဖိနှိပ်မှုတစ်ခုက ဗလီတွေမှာရှိတဲ့ အမိုးခုံးတွေ၊ မင်နာရတ်တွေ၊ အရှေ့အာရှနဲ့ အာရဘီကမ္ဘ္ဘာနဲ့ ဆက်စပ်နေတဲ့ ဗိသုကာလက်ရာတွေကို ပစ်မှတ်ထားလာတာ ဖြစ်ပါတယ်။
အမိုးခုံးတွေနဲ့ အာရဘီ စာပန်းချီတွေကို ပစ်မှတ်ထား
အစ္စလာမ်ဓလေ့ထုံးတမ်းတွေ ပြန့်နှံ့လာတာဟာ နိုင်ငံရဲ့ လူမှုရေးနဲ့ နိုင်ငံရေး သဟာဇာတဖြစ်မှုကို ဆိုးဆိုးဝါးဝါး ခြိမ်းခြောက်မှုလို့ ကွန်မြူနစ်အစိုးရက ရှုပြင်ပါတယ်။
နင်ရှာပြည်နယ်မှာဆိုရင် ပြည်နယ်အစိုးရဟာ အများပြည်သူမြင်နိုင်တဲ့ အာရဘီ စာပန်းချီလက်ရာတွေကို ပိတ်ပင်ခဲ့ပြီး ဟာလာလ်စားသောက်ဆိုင်တွေမှာ အာရဘီနဲ့ ရေးသားထားတဲ့ ဟာလာလ်တံဆိပ်တွေကိုပါ ဖယ်ရှားခဲ့ပါတယ်။ အခုအချိန်မှာတော့ ဟာလာလ်တံဆိပ်ကို တရုတ်စာနဲ့သာ ရေးသားရပါတယ်။ အခုနှစ်နွေရာသီမှာတော့ ဒီလိုလုပ်ဆောင်မှုဟာ ဘေဂျင်းနဲ့ အခြားနေရာတွေအထိ ရောက်ရှိလာပါတယ်။
အစားအသောက်၊ နို့ထွက်ပစ္စည်းနဲ့ ဂျုံထုတ်လုပ်သူတွေ စားသောက်ဆိုင် ပိုင်ရှင်တွေကို ဟာလာလ်အသိအမှတ်ပြု လက်မှတ်ထုတ်ပေးတာတွေကိုလည်း ပြည်နည်အစိုး တော်တော်များများက ရပ်ဆိုင်းလိုက်ပါတယ်။ ‘ဟာလာလ်ရေစီးကြောင်း’ ပေါ်ပေါက်လာမှာစိုးတဲ့အတွက် ဒီလိုလုပ်ဆောင်တာလို့ တရုတ်အစိုးရပိုင် သတင်းစာက ရေးသားခဲ့ပြီး ဟာလာလ်ဖြစ်လာတဲ့ အစားအသောက်တွေနဲ့ စားသောက်ဆိုင်တွေ အလွန်များလာပြီလို့ အစိုးရကရှုမြင်ကြောင်းလည်း ဖော်ပြခဲ့ပါတယ်။
နင်ရှာနဲ့ ဂန်ဆူပြည်နယ်တွေမှာလည်း ဗလီက ၀တ်ပြုဖို့ နှိုးဆော်သံတွေကို ပိတ်ပင်ထားပါတယ်။
ဝန်ပြုဖို့ နှိုးဆော်မှုကို အခုအချိန်မှာ ဟွန်းတွေနဲ့ ပြုလုပ်နေရပါတယ်။ နင်ရှာပြည်နယ်ရဲ့မြို့တော် ယင်ချွမ်က ရှေ့ဆောင်အီမာမ်တစ်ပါးက တရုတ်အစိုးရ အာဏာပိုင်တွေဟာ သူဆီကို မကြာခင်က လာသွားပြီး ဘာသာရေးကိစ္စတွေကို အများပြည်သူထံ ထုတ်ပြန်ခြင်းမပြုဖို့ ပြောကြားခဲ့ကြောင်း ဖွင့်ဟခ့ပါတယ်။
တရုတ်အာဏာပိုင်တွေဟာ ဗလီအဆောက်အဦးတွေကိုလည်း ပစ်မှတ်ထားလာပါတယ်။ ဂန်ဆူပြည်နယ် လင်ရှာမြို့အနီးက ဂါကျွမ်းဆိုတဲ့ရွာမှာ ဧပြီလတုန်းက ဆောက်လုပ်ရေး လုပ်သားတွေဟာ ဗလီတစ်လုံးပေါ်တက်ပြီး ရွှေရောင်အမိုးခုံးကို ဖြိုချပစ်ခဲ့ကြပါတယ်။ အဲဒီဗလီကို အခုအချိန်အထိ ပြန်မဖွင့်ရသေးပါဘူး။ အခင်းဖြစ်ရာနေရာကို Times က ဂျာနယ်လစ် ၂ ဦး ၀င်ရောက်ဖို့ ကြိုးစားမှုကို အရပ်ဝတ်ရဲတွေက တားမြစ်ခဲ့ပါတယ်။
ဟွေလူမျိုးစုတွေ နှစ်ပေါင်းများစွာ နေထိုင်လာတဲ့ ယူနန်ပြည်နယ်တောင်ပိုင်းမှာတော့ ပြီးခဲ့တဲ့ဒီဇင်ဘာက အာဏာပိုင်တွေဟာ ရွာသုံးရွာမှာရှိတဲ့ ဗလီ ၃ လုံးကို ချိတ်ပိတ်ခဲ့ပြီး တရားဝင်ခွင့်ပြုချက်မရှိတဲ့အတွက် ဒီလိုလုပ်ဆောင်တာလို့ ပြောကြားခဲ့ပါတယ်။ ဒေသခံတွေက ဆန္ဒပြခဲ့ပေမယ့် ရဲတပ်ဖွဲ့နဲ့ ရုန်းရင်းဆန်ခတ်ဖြစ်ခဲ့ပြီး ဘာရလဒ်မှ ထွက်မလာပါဘူး။ ပြည်နယ်အာဏာပိုင်တွေ ထုတ်ပြန်တဲ့ ကြေငြာချက်မှာတော့ ဒီဗလီဟာ တရားမ၀င် ဘာသာရေးလှုပ်ရှားမှုတွေ လုပ်ဆောင်တာမျိုး၊ ဘာသာရေးသင်တန်တွေ ဖွင့်တာမျိုး ရှိတယ်လို့ ဖော်ပြထားပါတယ်။
အဲဒီထဲက ဟွေဟွေဒန်ဆိုတဲ့ရွာက အပိတ်ခံလိုက်ရတဲ့ ဗလီအရှေ့မှာ မာဂျီဝူဟာ မြေးကလေးကိုချီပြီး ရပ်နေပါတယ်။ ဒီဗလီဟာ နေအိမ်တစ်လုံးမှာ တည်ဆောက်ထားတာ ဖြစ်ပါတယ်။
အာဏာပိုင်တွေက ၀တ်ပြုဆုတောင်းမှုတွေကို ရွာမှာရှိတဲ့ အစိုးရဗလီမှာ ရွှေ့ပြောင်း လုပ်ဆောင်ဖို့ သတိပေးမှုကို ရှေ့ဆောင်အီမာမ်တွေက လစ်လျူရှုခဲ့တယ်လို့ ဟွေလူမျိုးတွေရဲ့ ရိုးရာဦးထုပ်ကို ၀တ်ဆင်ထားတဲ့ မာက ပြောကြားခဲ့ပါတယ်။ အစိုးရက အသိအမှတ်ပြုထားတဲ့ ဗလီခြံဝန်း အလယ်မှာ တရုတ်အလံတွေ လွှင့်ထူထားပြီး “တိုင်းပြည်ကိုချစ်ခြင်းဟာ ဘာသာတရားကိုချစ်ခြင်းပါပဲ” ဆိုတဲ့ ဆိုင်းဘုတ်ကြီးကိုလည်း ချိတ်ဆွဲထားပါတယ်။
“အီမာမ်တွေက နားမထောင်ကြဘူး”
ဗလီအသေးလေးကို ပိတ်ပစ်လိုက်တာကို မကျေနပ်ပေမယ့် လက်ခံရမယ်လို့ အစိုးဗလီကြီးရဲ့အနားမှာရှိနေတဲ့ အမျိုးသမီးတစ်ဦးက ပြောပါတယ်။ အင်းအားကြီးတဲ့သူတွေ ပြုသမျှ နုရတဲ့ဘ၀ကိုလည်းသူက စကားပုံလေးတစ်ခုနဲ့ တင်စားခဲ့ပါတယ်။
“ပေဖြစ်တုန်းတော့ ခံနေရအုံးမှာပေါ့လေ”
Ref: New York Times
(New York Times သတင်းဌာနတွင် ဖော်ပြထားသည့် A crackdown on Islam is spreading across China ဆောင်းပါးကို လေးမောင်က ဆီလျော်အောင် ဘာသာပြန်ဆိုပါသည်)
