News @ M-Media

Tag: Chinese Muslims

  • ရှင်ကျန်းအကျဉ်းစခန်းမှ ၀ီဂါအများစုကို ပြန်လွှတ်ပေးလိုက်ပြီဟု တရုတ်ပြော

    ရှင်ကျန်းအကျဉ်းစခန်းမှ ၀ီဂါအများစုကို ပြန်လွှတ်ပေးလိုက်ပြီဟု တရုတ်ပြော

    ဇူလိုင် ၃၀၊ ၂၀၁၉
    M-Media

    -ရှင်ကျန်းပြည်နယ်က အသက်မွေးဝမ်းကြောင်း စင်တာတွေမှာ တက်ရောက်ခဲ့ကြသူ အများစုဟာ လူ့အဖွဲ့အစည်းအတွင်းကို ပြန်လည်ရောက်ရှိသွားပြီး အလုပ်အကိုင်တွေ ရနေကြပြီလို့ တရုတ်နိုင်ငံက ထုတ်ပြန်ပြောကြားလိုက်ပါတယ်။

    တရုတ်အစိုးရဟာ ရှင်ကျန်းပြည်နယ်က အစ္စလာမ်ဘာသာဝင် ၀ီဂါလူမျိုးတွေနဲ့ တစ်ခြား လူမျိုးစု
    ငယ်တွေအပေါ် ဖိနှိပ်ကာ လူတစ်သန်းလောက်ကိုလည်း အကျဉ်းစခန်းတွေထဲမှာ ထည့်ထားတယ်လို့ ကမ္ဘာ့မီဒီယာတွေ၊ လူ့အခွင့်အရေး အဖွဲ့တွေက ဖော်ထုတ်ခဲ့ကြပါတယ်။

    တရုတ်ကတော့ ဒါတွေဟာ အကျဉ်းစခန်းတွေမဟုတ်ဘဲ အသက်မွေးဝမ်းကြောင်းပညာရပ်တွေ
    သင်ကြားပေးတဲ့ စင်တာတွေ ဖြစ်ကြောင်း၊ အစွန်းရောက်ဝါဒ တိုက်ဖျက်ရေးလုပ်ငန်း လုပ်ဆောင်တာသာဖြစ်ကြောင်း ပြန်လည် တုန့်ပြန်ပြောကြားခဲ့ပါတယ်။

    မနေ့က ဘေဂျင်းမှာပြုလုပ်တဲ့ သတင်းစာရှင်းလင်းပွဲမှာ ရှင်ကျန်းပြည်နယ် အုပ်ချုပ်ရေးမှူး ၀ီဂါလူမျိုး ရှိုရတ် ဇာကီရ်က သင်တန်းကျောင်းတွေမှာ ရှိနေသူ တော်တော်များများဟာ ဒေသတွင်း ကုမ္ပဏီတွေနဲ့ စာချုပ်ချုပ်ကာ အလုပ်လုပ်နေကြပြီလို့ ပြောကြားခဲ့ပါတယ်။

    “အသက်မွေးဝမ်းကြောင်း စင်တာတွေကနေ ဘွဲ့ရသွားသူ တော်တော်များများဟာ လူ့အဖွဲ့အစည်းထဲ ပြန်ရောက်နေပါပြီ။ ဘွဲ့ရသူ ၉၀ ရာခိုင်နှုန်း ကျော်ကျော်ဟာ လခကောင်းကောင်းနဲ့ အဆင်ပြေတဲ့ အလုပ်တွေလည်း ရနေပါတယ်”

    အဲဒီစင်တာတွေမှာ လူဘယ်လောက်ကို ထိန်းသိမ်းထားလဲဆိုတာနဲ့ ဘယ်လောက်ကို ပြန်လွှတ်ပေးခဲ့တယ် ဆိုတာတွေကိုတော့ ဇာကီရ်က ထည့်သွင်းပြောကြားခြင်း မရှိပါဘူး။

    ရှင်ကျန်းပြည်နယ်ရဲ့ ဒုတိယအုပ်ချုပ်ရေးမှူး အဲလ်ကန် တူနီယက်ဇ်က စင်တာတွေမှာ ညှင်းပမ်းနှိပ်စက်မှုတွေ ရှိတယ်ဆိုတဲ့သတင်းဟာ နိုင်ငံအနည်းငယ်နဲ့ သတင်းဌာန အနည်းငယ်က လုပ်ကြံဖော်ပြချက်သာ ဖြစ်တယ်လို့ ပြောကြားခဲ့ပါတယ်။

    သင်တန်းကျောင်းမှာ တက်ရောက်နေသူတွေကို ပုံမှန် အိမ်ပြန်ခွင့်ပြုကြောင်း၊ သင်တန်းကျောင်းမှာ ဘာသာရေးလုပ်တာကို ခွင့်မပြုပေမယ့် အိမ်ပြန်ရောက်ရင် လုပ်ဆာင်နိုင်ကြောင်း တူနီယက်ဇ်က ထည့်သွင်း ပြောဆိုခဲ့ပါတယ်။

    စခန်းတွေကနေ ထွက်ပြေးလွတ်မြောက်လာသူတွေက စခန်းတွေဟာ ထောင်သဘောမျိုးဖြစ်ပြီး
    ညှင်းပမ်းနှိပ်စက်တာတွေ၊ ကွန်မြူနစ်ဝါဒ သွတ်သွင်းတာတွေ ရှိတယ်လို့ ဖွင့်ဟ ပြောကြားခဲ့ပါတယ်။

    Ref: Aljazeera

  • အကျဉ်းစခန်းကလွတ်ပေမယ့် ဆင်းရဲဒုက္ခ ဆက်ရှိနေဆဲ တရုတ်မွတ်စလင်များ

    အကျဉ်းစခန်းကလွတ်ပေမယ့် ဆင်းရဲဒုက္ခ ဆက်ရှိနေဆဲ တရုတ်မွတ်စလင်များ

    ဇူလိုင် ၂၅၊ ၂၀၁၉
    M-Media

    ရှင်ကျန်းပြည်နယ်မှ မြင်ကွင်း တစ်ခု

    -လူနည်းစုတွေအတွက် အသက်မွေးဝမ်းကြောင်းသင်တန်းလို့ ခေါ်တဲ့ နေရာမှာ အလုပ်လုပ်ခဲ့ပြီးတဲ့နောက် မနှစ်က တရုတ်နိုင်ငံကနေ ထွက်ပြေးလာတဲ့ ကာဇက်လူမျိုး Sairagul Sauytbai တစ်ယောက် သင်တန်းကျောင်းမှာ သူမြင်ခဲ့ရတဲ့ ရိုက်နှက်မှု၊ ညှင်းပမ်းနှိပ်စက်မှုတွေကို တစ်ခြားသူတွေသိအောင် ပြောပြချင်နေပါတယ်။

    ဒါပေမယ့် ဒုက္ခသည်အဖြစ် ခံယူဖို့ ရောက်ရှိလာတဲ့ အိမ်နီးချင်း ကာဇက်စတန်နိုင်ငံကတော့ သူမကို တရားမ၀င် ၀င်ရောက်လာတယ်လို့ စွပ်စွဲတာ၊ ကိုယ်လုံးတီးချွတ်ပြီးစစ်တာ၊ တရုတ်အစိုးရရဲ့ ‘အစွန်းရောက်တိုက်ဖျက်ရေး ဆောင်ရွက်မှု’ အကြောင်း ထုတ်မပြောဖို့ လုံခြုံရေးတပ်ဖွဲ့ဝင်တွေက သတိပေးတာတွေ ရှိနေပါတယ်။ တရုတ်အစိုးရဟာ အစွန်းရောက်တိုက်ဖျက်ရေး ခေါင်းစဉ်တပ်ပြီး သိန်းနဲ့ချီတဲ့သူတွေကို ထောင်တွေနဲ့တူတဲ့ စခန်းထဲမှာ ပိတ်လှောင်ထားတယ်လို့
    Sairagulနဲ့ သူမရဲ့ ရှေ့နေတို့က Reuters သတင်းဌာနကို ပြောကြားခဲ့ပါတယ်။

    အကျဉ်းစခန်းတွေကြောင့် တရုတ်နိုင်ငံအနောက်ပိုင်း ရှင်းကျန်းပြည်နယ်ကနေ ထွက်ပြေးလာရတဲ့ Sairagul နဲ့ အခြားသူတွေရဲ့ အဖြစ်အပျက်တွေဟာ တရုတ်နဲ့ နီးစပ်တဲ့ဆက်ဆံရေးရှိတဲ့ အိမ်နီးချင်း ကာဇက်စတန်နိုင်ငံမှာ ကြုံတွေ့နေရတဲ့ သူတို့ရဲ့ ဒုက္ခဆင်းရဲတွေကို မီးမောင်းထိုးပြနေသလို၊ ဒီလို အဖြစ်ဆိုးတွေ ကြုံတွေ့နေရပေမယ့် ဘာ့ကြောင့် သူတို့ အသံတိတ်နေရလဲဆိုတာကိုပါ ဖော်ပြနပါတယ်။

    ရှင်ကျန်းပြည်နယ်တစ်ဝှမ်းမှာ တည်ဆောက်ထားတဲ့ အကျဉ်းစခန်းတွေအတွင်း တရုတ်အစိုးရဟာ လူတစ်သန်းလောက်ကို ထိန်းသိမ်းထားတယ်လို့ လူ့အခွင့်အရေး အဖွဲ့တွေက ပြောကြားထားပါတယ်။ ရှင်ကျန်းမှာ အစ္စလာမ်ဘာသာဝင် ဝီဂါလူမျိုးတွေ အများဆုံးနေထိုင်ပြီး အရင်က လူမျိုးစု အကြမ်းဖက်မှုတွေလည်း ရှိခဲ့ဖူးပါတယ်။

    စခန်းမှာနေခဲ့ဖူးသူတွေကတော့ ဒီနေရာတွေဟာ ထောင်တွေသာဖြစ်ပြီး လူတွေကို လချီထိန်းသိမ်းကာ ကွန်မြူနစ်အတွေးအခေါ်တွေ ရိုက်သွင်းပေးနေတယ်လို့ ပြောကြားခဲ့ပါတယ်။ တရုတ်အစိုးရက စခန်းတွေဟာ အကြမ်းဖက်ဝါဒနဲ့ အစွန်းရောက်ဝါဒတွေကို တားဆီးဟန့်တားဖို့ ရည်ရွယ်တဲ့ ‘အသက်မွေးဝမ်းကြောင်း လေ့ကျင်ရေးစင်တာတွေ’ ဖြစ်တယ်လို့ ပြောကြားထားပါတယ်။

    အ၀တ်ချွတ်၊ ခြိမ်းခြောက်

    အသက် ၄၂ နှစ်အရွယ် ရှိပြီဖြစ်တဲ့ Sauytbai ဟာ ရှင်ကျန်းပြည်နယ် ကာဇက် ကိုယ်ပိုင်အုပ်ချုပ်ခွင့်ရဒေသမှာ မူကြိုကျောင်းအုပ်အဖြစ် အလုပ်လုပ်ခဲ့ဖူးသူ ဖြစ်ပါတယ်။ ၂၀၁၇ ခုနှစ် နိုဝင်ဘာလမှာတော့ စခန်းတစ်ခုမှာ တရုတ်ဘာသာနဲ့ ယဉ်ကျေးမှု၊ ကွန်မြူနစ် အတွေးအခေါ်တွေကို သင်ကြားဖို့အတွက် ရုတ်တရက် လာရောက်ခေါ်ဆောင်ခြင်း ခံခဲ့ရပါတယ်။

    သူမရဲ့ ခင်ပွန်းနဲ့ ကလေး ၂ ဦးဟာ ကာဇက်စတန်ကို ပြောင်းရွှေ့သွားပေမယ့် သူမ မလိုက်နိုင်အောင် တရုတ်အာဏာပိုင်တွေက နိုင်ငံကူးလက်မှတ်ကို သိမ်းဆည်းခဲ့ပါတယ်။ စခန်းမှာ လူတွေအပေါ် ဆိုးဆိုးဝါးဝါး ဆက်ဆံမှုတွေ၊ ညှင်းပမ်းမှုတွေ၊ ရိုက်နှက်မှုတွေကို Sauytbai တစ်ယောက် ကြုံတွေ့ခဲ့ရပါတယ်။

    “အဲဒီကလူ တော်တော်များများကို ကျွန်မသိတယ်။ သာမန် မွေးမြူရေးလုပ်သူတွေ၊ စာရေးဆရာတွေ၊ တက်ကြွလှုပ်ရှားသူတွေ အစုံပါပဲ။ ဘာရာဇ၀တ်မှုမှ မကျူးလွန်ထားကြသူတွေပါ” လို့ သူမက ပြောကြားခဲ့ပါတယ်။

    ၄ လအကြာမှာတော့ အာဏာပိုင်တွေက Sauytbai ကို အိမ်ပြန်လွှတ်လိုက်ပြီး မူကြိုကျောင်းအုပ်အလုပ်ကလည်း ပြုတ်သွားပါတယ်။ အကျဉ်းစခန်းကို အကျဉ်းသားတစ်ယောက်အဖြစ် ပြန်ရောက်မှာ စိုးရိမ်လာတဲ့အတွက် သူမဟာ Khorgos နယ်ခြားဂိတ်ကနေတစ်ဆင့် ကာဇက်စတန်နိုင်ငံကို တရားမ၀င် ၀င်ရောက်သွားခဲ့ပါတယ်။

    ရောက်ပြီး သိပ်မကြာခင်မှာ Sauytbai ကို ကာဇက်အာဏာပိုင်တွေက ဖမ်းဆီး တရားစွဲဆိုခဲ့ပါတယ်။ ဒါပေမယ့် တရားရုံးက သူမကို တရုတ်ပြည်ပြန်မပို့ဖို့ ဆုံးဖြတ်ခဲ့ပြီး၊ ဆိုင်းငံ့ပြစ်ဒဏ်သာ ပေးခဲ့ပါတယ်။

    အဲဒီနောက်မှာ ခိုလှုံခွင့်လျှောက်ထားပေမယ့် ဖိနှိပ်ချုပ်ချယ်မှု ခံရတယ်ဆိုတဲ့ သက်သေအထောက်အထား လုံလုံလောက်လောက် မတွေ့ရတာကြောင့် အာဏာပိုင်တွေက လက်မခံခဲ့ပါဘူး။ ပြီးခဲ့တဲ့လမှာတော့ သူမနဲ့ သူမရဲ့ မိသားစုဟာ ဆွီဒင်ကို ပြောင်းကာ နေထိုင်ခွင့် လျှောက်ထားခဲ့ပါတယ်။

    ဆွီဒင်နိုင်ငံTrelleborg မြို့မှာ နေထိုင်နေတဲ့ Sauytbai ကို ရိုက်တာသတင်းဌာနက မေးမြန်းရာမှာ တရုတ်အစိုးရကို မဝေဖန်ဖို့အတွက် ကာဇက်ရဲတပ်ဖွဲ့က သတိပေးခဲ့တယ်လို့ ဖြေကြားခဲ့ပါတယ်။

    “အားလုံး မျက်မြင်တွေ့ခဲ့ရတာကြောင့် ကာဇက်စတန်ရောက်တဲ့အခါ ဒီအကြောင်းတွေကို ကျွန်မ ကမ္ဘ္ဘာကြီးကို ပြောပြချင်ခဲ့ပါတယ်။ ဒါပမယ့် ကာဇက်စတန် လုံခြုံရေး ကော်မတီနဲ့ ကျွန်မရှေ့နေ အဘ်ဇဲလ် ကူစ်ပန်တို့က မပြောဖို့ တားခဲ့ပါတယ်”

    ကူစ်ပန်က သူ ဒီလိုပိတ်ပင်ခဲ့ကြောင်း ၀န်ခံခဲ့ပြီး၊ တရုတ်က အကျဉ်းစခန်းတွေအကြောင်း ပြောရင် Sauytbai ရင်ဆိုင်နေရတဲ့ အမှုနဲ့ လျှောက်ထားမယ့် ခိုလှုံခွင့်ကိစ္စတွေကို ထိခိုက်မှာစိုးတဲ့အတွက် တားရတာလို့ ပြောကြားခဲ့ပါတယ်။

    “ကျွန်တော်တို့ ပထမဆုံးလုပ်ရမယ့်အချက်က သူမကို တရုတ်ပြည် ပြန်မလွှဲပေးအောင်ပါ”

    ကာဇက်စတန်မှာ ဖမ်းဆီးထိန်းသိမ်းခံရပြီး ချက်ခြင်းဆိုသလိုပဲ Sauytbai တစ်ယောက် ဖိအားအောက် နေခဲ့ရတယ်ဆိုတာ သူသိတယ်လို့လည်း ကူစ်ပန်က ပြောပါတယ်။

    “ကိုယ်တုံးလုံးချွတ်ပြီး အဆောက်အဦးတစ်ခုမှာ သူ့ကို ထိန်းသိမ်းထားတာပါ”

    ကာဇက်စတန် နိုင်ငံတော်လုံခြုံရေးကော်မတီက Sauytbai ရဲ့ ပြောကြားမှုနဲ့ပတ်သက်ပြီး
    ရိုက်တာသတင်းဌာနရဲ့ မေးမြန်းမှုကို ဖြေကြားခြင်း မရှိပါဘူး။ တရုတ်နိုင်ငံခြားရေးဝန်ကြီဌာနက ‘Sairagul Sauytbai ရဲ့ ခရစ်ဒစ်ကတ် လိမ်လည်မှု၊ တရားမ၀င် နယ်စပ်ဖြတ်ကျော်မှုတွေဟာ ထင်ရှားတာကြောင့် ပြင်းပြင်းထန်ထန် အပြစ်ပေးရမယ်’ လို့ ပြောကြားခဲ့ပါတယ်။

    Sauytbai မိသားစုကတော့ တရုတ်ပြည်မှာ ဘဏ်ချေးငွေတွေ ပိတဲ့အတွက် အိမ်ရောင်းပြီး ဆပ်ခဲ့ရတယ်လို့ ကာဇက် မီဒီယာတစ်ခုကို ပြောကြားခဲ့ပါတယ်။

    လေ့ကျင့်ရေးစင်တာတွေမှာ တင်းကြပ်တဲ့ စည်းမျဉ်းစည်းကမ်းတွေကို ချမှတ်ထားပြီး၊ လူ့အခွင့်အရေးကို လေးစားလိုက်နာဖို့၊ ကာကွယ်ဖို့လည်း သတ်မှတ်ထားသလို၊ သင်တန်းသားတွေရဲ့ လူ့ဂုဏ်သိက္ခာကို ချိုးဖောက်မှု မရှိအောင် အသေအချာ ဆောင်ရွက်ထားတယ်လို့ တရုတ်နိုင်ငံခြားရေး ၀န်ကြီးဌာနက ထည့်သွင်း ပြောကြားခဲ့ပါတယ်။ ရှင်ကျန်းပြည်နယ် အစိုးရကတော့ ရိုက်တာသတင်းဌာနရဲ့ မေးမြန်းမှုကို ပြန်လည်ဖြေကြားခြင်း မရှိပါဘူး။

    တရုတ်ပြည်ပြန်ပို့

    ရှင်ကျန်းပြည်နယ်က ကာဂျစ်လူမျိုး အသက် ၅၅ နှစ်အရွယ် ကုန်သည် Aishan Memetrasul က နေမကောင်းတဲ့ အမျိုးတစ်ယောက်ကို သွားကြည့်ဖို့အတွက် အကျဉ်းစခန်းကနေ ထွက်လာခဲ့တဲ့အချိန်တုန်းက ဘေးကင်းပြီလို့ တွေးခဲ့ကြောင်း ပြောကြားခဲ့ပါတယ်။

    တရုတ်ရဲ့ နောက်ထပ် အိမ်နီးချင်း ကာဂျစ်စတန်နိုင်ငံကို Aishan တစ်ယောက် ပြေးလာပြီး ကာဂျစ်လူမျိုးတွေကို နိုင်ငံသားပေးတဲ့ ဥပဒေကြောင့် သူဟာ နိုင်ငံသား လျှောက်ထားခဲ့ပါတယ်။

    ဒါပေမယ့် ကာဂျစ်စတန် အာဏာပိုင်တွေက တရုတ်ပြည်ကနေ သွားယူရမယ့် စာရွက်စာတမ်းတစ်ခု လိုအပ်တယ်လို့ ပြောကြားခဲ့ပါတယ်။ အဲဒီနောက် Aishan ကို တရုတ်ပြည် ပြန်ပို့ခဲ့ပြီး အကျဉ်းစခန်းထဲမှာ နောက်ထပ် ၆ ပတ် ထပ်နေခဲ့ရပါတယ်။

    အသက်ကြီးနေတဲ့အမေကို ပြုစုစောင့်ရှောက်ရမယ်ဆိုတဲ့ အကြောင်းပြချက်နဲ့ပဲ Aishan ဒုတိယအကြိမ် အကျဉ်းစခန်းကထွက်ပြီး ကာဂျစ်စတန်ကို ပြန်ဝင်လာခဲ့ပါတယ်။ အခုအချိန်မှာတော့ ရှင်ကျန်းမှာကျန်ခဲ့တဲ့ သူ့အမျိုးတွေဆီကနေ စာရွက်စာတမ်းတွေတောင်းဖို့ အစိုးရထံမှာ အကူအညီ တောင်းခံထားပါတယ်။

    “ကာဂျစ်အစိုးရဆီကနေ ဘာအဖြေမှ မလာသေးဘူးဗျ”

    တရုတ်ပြည်က အကျဉ်းစခန်းတွေအကြောင်း ကာဂျစ်စတန် နိုင်ငံခြားရေးဝန်ကြီးဌာနကို ရိုက်တာက မေးမြန်းရာမှာ လက်ရှိ အခြေအနေတွေကို စောင့်ကြည့်နေကြောင်း တရုတ်နဲ့ ပြဿနာရှိလာရင် သံတမန်နည်းလမ်းအရ ဖြေရှင်း ဆောင်ရွက်သွားမှာဖြစ်ကြောင်း ပြန်လည်ဖြေကြားခဲ့ပါတယ်။

    Ref: Reuters

    (Reuters သတင်းဌာနတွင် ဖော်ပြထားသည့် For some Chinese Muslims, fleeing doesn’t end trouble ဆောင်းပါးကို လေးမောင်က ဆီလျော်အောင် ဘာသာပြန်ဆိုပါသည်)

  • ဝီဂါများ၏ အမှတ်သညာကို တရုတ်ငြင်းဆန်၊ ရှင်ကျန်းပြည်နယ်ကို ၃ ရာစုကတည်းက မိမိတို့ပိုင်ဆိုင်ခဲ့ဟု ပြော

    ဝီဂါများ၏ အမှတ်သညာကို တရုတ်ငြင်းဆန်၊ ရှင်ကျန်းပြည်နယ်ကို ၃ ရာစုကတည်းက မိမိတို့ပိုင်ဆိုင်ခဲ့ဟု ပြော

    ဇူလိုင် ၂၂၊ ၂၀၁၉
    M-Media

    -နိုင်ငံအနောက်မြောက်ပိုင်းက ရှင်ကျန်းပြည်နယ်ဟာ ၃ ရာစုကတည်းက တရုတ်ပြည်ရဲ့ အစိတ်အပိုင်းတစ်ခု ဖြစ်ခဲ့ပြီး တူရကီနဲ့ အစ္စလာမ့်မစ်အုပ်စုတွေက ဒေသရဲ့သမိုင်းကို ပုံဖျက်ပြောဆိုနေတယ်လို့ တရုတ်အစိုးရရဲ့ မနေ့က စက္ကူဖြူစာတမ်းမှာ ဖော်ပြထားပါတယ်။

    ရှင်ကျန်းပြည်နယ်က ဝီဂါမွတ်စလင်တွေနဲ့ တစ်ခြားလူနည်းစုတွေအပေါ်မှာ ကွန်မြူနစ်အစိုးရက ဖိနှိပ်ညှင်းပမ်းမှုတွေ လုပ်နေပြီး၊ ဝီဂါတစ်သန်းလောက်ကိုလည်း အကျဉ်းစခန်းတွေထဲမှာ ထည့်ထားတယ်လို့ နိုင်ငံတကာ မီဒီယာတွေက စုံစမ်းဖော်ထုတ် တင်ပြခဲ့ပါတယ်။

    တရုတ်အစိုးရကတော့ ဒီသတင်းတွေကို ငြင်းဆိုခဲ့ပါတယ်။ ဝီဂါတွေဟာ တူရကီစကားပြောတဲ့ တာ့ခ်မျိုးနွယ်ဝင်တွေဖြစ်ပြီး၊ အစ္စလာမ်ဘာသာ ကိုးကွယ်ကြပါတယ်။

    တရုတ်အစိုးရရဲ့ သတင်းအချက်အလက်ကောင်စီက မနေ့မှာထုတ်ပြန်ခဲ့တဲ့ စာတမ်းမှာတော့ ဝီဂါတွေ တာ့ခ်မျိုးနွယ်က ဆင်းသက်လာတယ်ဆိုတာ တူရကီနဲ့ အစ္စလာမ့်မစ်အဖွဲ့တွေရဲ့ ပုံဖျက်ထားတဲ့ မှားယွင်းတဲ့ ပြောဆိုချက်ဖြစ်တယ်လို့ ဖော်ပြထားပါတယ်။

    ဒါအပြင် “တရုတ်နိုင်ငံအပြင်ဘက်က ရန်လိုတဲ့အဖွဲ့တွေ – အထူးသဖြင့် ခွဲထွက်ရေးသမား၊ ဘာသာရေးအစွန်းရောက်နဲ့ အကြမ်းဖက်အဖွဲ့တွေဟာ ပုံဖျက်ထားတဲ့ သမိုင်းဆိုင်ရာ အချက်အလက်တွေနဲ့ တရုတ်နိုင်ငံကို ဖြိုခွဲဖို့ ကြိုးစားနေတယ်” လို့ ကြေငြာချက်က ဆိုပါတယ်။

    အမေရိကန်နိုင်ငံခြားရေးဝန်ကြီး မိုက် ပွမ်ပီယိုက ဝီဂါတွေအပေါ် တရုတ်ရဲ့ ဖိနှိပ်ညှင်းပမ်းမှုတွေဟာ ‘ရာစုနှစ်ရဲ့ အစွန်းအထင်းတစ်ခု’ လို့ ကြာသာပတေးနေ့မှာ ပြောကြားခဲ့ပါတယ်။

    ရှင်ကျန်းပြည်နယ်ဟာ ဟန်မင်းဆက်လက်ထက် ၃ ရာစုကတည်းက တရုတ်နိုင်ငံရဲ့ အစိတ်အပိုင်းတစ်ခု ဖြစ်ခဲ့ပြီး၊ အချိန်ကြာမြင့်စွာရှိတဲ့ခဲ့ ပြောင်းရွှေ့အခြေချမှု၊ ပေါင်းစပ်ဖြစ်တည်မှုတွေကြောင့် ရှင်ကျန်းပြည်သူတွေနဲ့ ယဉ်ကျေးမှုတွေဟာ ယနေ့လိုအနေအထားမျိုးကို ရောက်ရှိခဲ့တာဖြစ်ကြောင်း၊ အစ္စလာမ်သာသနာဟာ ဝီဂါတွေရဲ့ ဌာနေဝါဒ၊ တစ်ခုတည်းသောဝါဒမဟုတ်ဘဲ ကျယ်ပြန့်လာတဲ့ အာရပ်အင်ပါယာက သွတ်သွင်းပေးခဲ့တာဖြစ်ကြောင်း ကြေငြာချက်မှာ ဖော်ပြထားပါတယ်။

    ဒါ့အပြင် ဘာသာရေးအခြေခံ အုပ်ချုပ်မှုနဲ့ ဘာသာရေး အစွန်းရောက်မှုတွေဟာ ဆန့်ကျင်တိုက်ဖျက်ဖို့ လိုအပ်တဲ့ သစ္စာဖောက်မှုဖြစ်တယ်လို့လည်း စက္ကူဖြူစာတမ်းက ဆိုပါတယ်။

    “သမိုင်းကို ပုံဖျက်ရာမှာ ပူးပေါင်းပါဝင်ခဲ့တဲ့ နိုင်ငံခြားက အဖွဲ့တွေ၊ ခွဲထွက်ရေးသမားတွေနဲ့ ဘာသာရေး အစွန်းရောက်တွေကို သမိုင်းကြောင်းနဲ့ ပြည်သူလူထုက ဘေးဖယ်ထုတ်သွားပါလိမ့်မယ်”

    Ref: CNA

  • ဝီဂါများအပေါ် တရုတ်ကဖိနှိပ်မှုကို မွတ်စလင်နိုင်ငံများမှလွဲ၍ နိုင်ငံ ၂၀ ကျော်က ကန့်ကွက်ရှုတ်ချ

    ဝီဂါများအပေါ် တရုတ်ကဖိနှိပ်မှုကို မွတ်စလင်နိုင်ငံများမှလွဲ၍ နိုင်ငံ ၂၀ ကျော်က ကန့်ကွက်ရှုတ်ချ

    ဇူလိုင် ၁၃၊ ၂၀၁၉
    M-Media

    ကုလသမဂ္ဂ အထွေထွေညီလာခံမြင်ကွင်း

    -နိုင်ငံအနောက်ပိုင်း ရှင်ကျန်းပြည်နယ်က ဝီဂါမွတ်စလင်တွေအပေါ် တရုတ်အစိုးရက နည်းမျိုးစုံနဲ့ ဖိနှိပ်ချုပ်ချယ်မှုကို ဆန့်ကျင် ရှုတ်ချတဲ့ ကြေငြာချက်တစ်ခုကို ကမ္ဘ္ဘာ့နိုင်ငံပေါင်း ၂၂ နိုင်ငံက လက်မှတ်ရေးထိုးကာ ကုလလူ့အခွင့်အရေးကောင်စီမှာ တင်သွင်းခဲ့ပြီး လက်မှတ်ထိုးတဲ့နိုင်ငံတွေထဲမှာ မွတ်စလင်အများစုရှိရာ နိုင်ငံတွေ တစ်နိုင်ငံမှ ပါဝင်ခြင်း မရှိပါဘူး။

    ရှင်ကျန်းက ဝီဂါတွေနဲ့ အခြားလူနည်းစုတွေကို တရုတ်အစိုးရက တရားလက်လွတ် ဖမ်းဆီးမှုတွေ၊ သွားလာလှုပ်ရှားမှုကို ကန့်သတ်တာတွေကို ဆက်လက်မလုပ်ဆောင်ဖို့ ကြေငြာချက်မှာ တိုက်တွန်းဆော်သြထားပါတယ်။

    ကြေငြာချက်ကို လက်မှတ်ရေးထိုးခဲ့တဲ့ နိုင်ငံတွေက သြစတေးလျ၊ သြစတြီးယား၊ ဘယ်ဂျီယံ၊ ကနေဒါ၊ ဒိန်းမတ်၊ အက်စတိုးနီးယား၊ ဖင်လန်၊ ပြင်သစ်၊ ဂျာမနီ၊ အိုင်ယာလန်၊ အိုက်စလန်၊ ဂျပန်၊ လတ်ဗီးယား၊ လစ်သူယေးနီးယား၊ လူဇင်ဘတ်၊ နယ်သာလန်၊ နယူးဇီလန်၊ နော်ဝေ၊ စပိန်၊
    ဆွီဒင်၊ ဆွစ်ဇာလန်နဲ့ ယူကေတို့ ဖြစ်ပါတယ်။

    တရုတ်အစိုးရဟာ ဝီဂါမွတ်စလင် တစ်သန်းခွဲလောက်ကို အကျဉ်းစခန်းတွေထဲမှာ ထိန်းသိမ်းထားပြီး ရုပ်ပိုင်းဆိုင်ရာနဲ့ စိတ်ပိုင်းဆိုင်ရာ ညှင်းပမ်းမှုတွေ လုပ်ဆောင်နေတယ်လို့ ကမ္ဘ္ဘာ့မီဒီယာတွေက ပြီးခဲ့တဲ့နှစ်နှောင်းပိုင်းမှာ စုံစမ်းဖော်ထုတ်ခဲ့ကြပါတယ်။ တရုတ်အစိုးရက ဒီသတင်းကို အစောပိုင်းမှာ ငြင်းဆိုခဲ့ပေမယ့် နောက်ပိုင်းမှာတော့ ၀န်ခံခဲ့ပြီး ဒါဟာ အစွန်းရောက်တိုက်ဖျက်ရေး ဆောင်ရွက်မှုတစ်ခု ဖြစ်တယ်လို့ ပြောကြားခဲ့ပါတယ်။

    တရုတ်ဟာ အရွယ်ရောက်ပြီးသူတွေသာမကဘဲ ဝီဂါကလေးငယ်တွေကိုလည်း မိဘတွေမသိအောင် ပေါ်တာဆွဲကာ ဦးနှောက်ကျင်းမှု လုပ်ဆောင်နေတယ်လို့ အခုလအစောပိုင်းမှာ BBC သတင်းဌာနက ဖော်ပြခဲ့ပါတယ်။ တရုတ်ဟာ လွန်ခဲ့တဲ့ နှစ်အနည်းငယ်ကတည်းက ဝီဂါတွေအပေါ် လူမှုရေး၊ ဘာသာရေး၊ ယဉ်ကျေးမှုဆိုင်ရာ ဖိနှိပ်ချုပ်ချယ်မှုတွေ လုပ်ဆောင်လာခဲ့တာ ဖြစ်ပါတယ်။

    ဗုဒ္ဓဟူးနေ့က တင်သွင်းတဲ့ အဲဒီကြေငြာချက်ကြောင့် လူ့အခွင့်အရေးကောင်စီကနေ တရားဝင်ကြေငြာချက် ထွက်လာမှာမဟုတ်ပေမယ့် ရှင်ကျန်းပြည်နယ်က ဝီဂါမွတ်စလင်တွေကိစ္စအတွက် ကမ္ဘ္ဘာ့နိုင်ငံတွေရဲ့ ပထမဆုံး စုပေါင်းတုန့်ပြန်မှု ဖြစ်ပါတယ်။

    တရုတ်နိုင်ငံခြားရေးဝန်ကြီးဌာနရဲ့ ပြောရေးဆိုခွင့်ရှိသူ ဂန့်ရွှမ်က ကုလမှာတင်သွင်းတဲ့ ဒီကြေငြာချက်ဟာ တရုတ်ရဲ့ပြည်တွင်းရေးကို ဆိုးဆိုးဝါးဝါး ၀င်ရောက်စွက်ဖက်မှု ဖြစ်တယ်လို့ တုန့်ပြန်ပြောကြားခဲ့ပါတယ်။

    မွတ်စလင်နိုင်ငံတွေ တရုတ်ကို ထောက်ခံ

    ဆော်ဒီအာရေဗျနဲ့ ရုရှားတို့အပါအ၀င် အခြားနိုင်ငံပေါင်း ၃၅ နိုင်ငံကတော့ ရှင်ကျန်းပြည်နယ်မှာ တရုတ်ကဆောင်ရွက်နေတဲ့ ပေါ်လစီတွေကို ထောက်ခံကြောင်း ကုလကို စာတစ်စောင် ရေးသားပေးပို့ခဲ့ပါတယ်။ အဲဒီစာ မိတ္တူကို ရိုက်တာသတင်းဌာနာက သောကြာနေ့မှာ ရရှိခဲ့ပါတယ်။

    တရုတ်ဟာ လူ့အခွင့်အရေးကဏ္ဍမှာ သိသာထင်ရှားတဲ့ အောင်မြင်မှုတွေ ရရှိခဲ့တယ်လို့ အဲဒီစာမှာ ဖော်ပြထားပါတယ်။

    “အစွန်းရောက်ဝါဒနဲ့ အကြမ်းဖက်ဝါဒကို သိသိသာသာ ရင်ဆိုင်လာရတဲ့ တရုတ်ဟာ ရှင်ကျန်းပြည်နယ်မှာ အကြမ်းဖက်တိုက်ဖျက်ရေး၊ အစွန်းရောက်တိုက်ဖျက်ရေးလုပ်ငန်း အများအပြားကို ဆောင်ရွက်နေပြီး အဲဒီအထဲမှာ အသက်မွေးဝမ်းကြောင်း သင်တန်းပေးတာတွေ ပါဝင်ပါတယ်”

    ရှင်ကျန်းဒေသမှာ ပြန်လည် လုံခြုံလာခဲ့ပြီး တိုင်းရင်းသားလူနည်းစုတွေရဲ့ အခြေခံ လူ့အခွင့်အရေးကိုလည်း တရုတ်အစိုးရက ကာကွယ်ပေးထားကြောင်း၊ ပြီးခဲ့တဲ့ ၃ နှစ်အတွင်း အဲဒီဒေသမှာ အကြမ်းဖက်တိုက်ခိုက်မှု မဖြစ်တော့ဘဲ ပြည်သူတွေကလည်း ပျော်ရွှင်မှု၊ ပြီးပြည့်စုံမှုတွေကို အပြည့်အ၀ ခံစားနေရကြောင်း ဒီစာမှာ ထည့်သွင်း ဖော်ပြခဲ့ပါတယ်။

    ကုလကို တင်သွင်းခဲ့တဲ့ တရုတ်ထောက်ခံကြောင်းစာကို ဆော်ဒီ၊ ရုရှားနဲ့ အာဖရိကနိုင်ငံတွေ၊ မြောက်ကိုရီးယား၊ ဗင်နီဇွဲလား၊ ကျူးဘား၊ ဘီလာရုဇ်၊ မြန်မာ၊ ဖိလစ်ပိုင်၊ ဆီးရီးယား၊ ပါကစ္စတန်၊ အိုမန်၊ ကူဝိတ်၊ ကာတာ၊ ယူအေအီးနဲ့ ဘာရိန်းတို့က လက်မှတ်ရေးထိုးခဲ့ကြတာ ဖြစ်ပါတယ်။

    ၃ ပတ်တာကြာမြင့်ခဲ့တဲ့ လူ့အခွင့်အရေးကောင်စီ အစည်းအဝေး နောက်ဆုံးနေ့ဖြစ်တဲ့ မနေ့မှာတော့ တရုတ်သံအမတ် ရှူချန်က အခုလို ထောက်ခံမှုရတဲ့အတွက် လက်မှတ်ရေးထိုးတဲ့နိုင်ငံတွေကို ကျေးဇူးတင်ကြောင်း ပြောကြားခဲ့ပါတယ်။

    တရုတ်ကိုကြောက်ရ

    ဝီဂါတွေအပေါ် တရုတ်က ညှင်းပမ်းမှုတွေကို မွတ်စလင်နိုင်ငံတွေက လူသိရှင်ကြား မဝေဖန်ရဲတာဟာ တရုတ်က စီးပွားရေးနဲ့ ပြန်လည်လက်စားချေမှာကို ကြောက်ရွံ့မှု၊ မွတ်စလင်နိုင်ငံတစ်ချို့မှာ လူ့အခွင့်အရေး မှတ်တမ်းကောင်းတွေ မရှိမှု စတာတွေကြောင့် ဖြစ်တယ်လို့ ပညာရှင်တွေက သုံးသပ်ပါတယ်။

    အဖွဲ့ဝင် ၅၇ နိုင်ငံပါဝင်တဲ့ အစ္စလာမ့်မစ် ပူးပေါင်းဆောင်ရွက်ရေးအဖွဲ့ OIC ဟာ တရုတ်က ဝီဂါတွေအပေါ် ညှင်းပမ်းမှုရှိတယ်ဆိုတဲ့ သတင်းတွေအတွက် စိုးရိမ်မိတယ်လို့ ပြီးခဲ့တဲ့နှစ် ဒီဇင်ဘာလမှာ ပြောကြားခဲ့ပေမယ့် အခုနှစ်မတ်လမှာ ဒီစကားကို ပြန်လည် ရုပ်သိမ်းသွားခဲ့ပါတယ်။
    OIC က သူတို့ဟာ ‘အစ္စလာမ်ကမ္ဘ္ဘာရဲ့ အသံ’ ဖြစ်တယ်လို့ ခံယူထားတဲ့အဖွဲ့ ဖြစ်ပါတယ်။

    တရုတ်ဟာ သူ့နိုင်ငံက နိုင်ငံသား အစ္စလာမ်ဘာသာဝင်တွေအပေါ် စောင့်ရှောက်တဲ့အတွက် ချီးကျူးတယ်လို့ OIC က နောက်ပိုင်းမှာ ပြန်လည်ထုတ်ပြန်ခဲ့ပါတယ်။

    Ref: Reuters, Business Insider

  • ဝီဂါမွတ်စလင် ကလေးငယ်များကို တရုတ်အစိုးရက ပေါ်တာဆွဲကာ ဦးနှောက်ကျဉ်းမှု လုပ်ဆောင်နေ

    ဝီဂါမွတ်စလင် ကလေးငယ်များကို တရုတ်အစိုးရက ပေါ်တာဆွဲကာ ဦးနှောက်ကျဉ်းမှု လုပ်ဆောင်နေ

    ဇူလိုင် ၇၊ ၂၀၁၉
    M-Media

    မိဘများထံမှ ပျောက်ဆုံးသွားသည့် ဝီဂါ ကလေးငယ်များ

    -တရုတ်နိုင်ငံအနောက်ပိုင်း ရှင်ကျန်းဒေသမှာ ဝီဂါမွတ်စလင်ကလေးငယ်တွေကို တရုတ်အစိုးရက မိဘတွေနဲ့ခွဲကာ ထိန်းသိမ်းထားပြီး ရိုးရာ၊ ယဉ်ကျေးမှု၊ ဘာသာရေးနဲ့ အဆက်ပြတ်အောင် လုပ်ဆောင်နေတယ်လို့ BBC သတင်းဌာနက စုံစမ်း ဖော်ထုတ်လိုက်ပါတယ်။

    အရွယ်ရောက်ပြီးတဲ့ ဝီဂါ အမျိုးသား၊ အမျိုးသမီး တစ်သန်းလောက်ကို အကျဉ်းစခန်းတွေမှာ ထိန်းသိမ်းကာ ဦးနှောက်ကျင်းမှုတွေ လုပ်ဆောင်နေတယ်ဆိုတဲ့ သတင်းတွေဟာ ပြီးခဲ့တဲ့နှစ် နှောင်းပိုင်းနဲ့ အခုနှစ် အစောပိုင်းတွေမှာ ကျယ်ကျယ်ပြန့်ပြန့် ထွက်ပေါ်လာခဲ့ပါတယ်။ တရုတ်အစိုးရက ဒီသတင်းကို အစောပိုင်းက ငြင်းခဲ့ပေမယ့် နောက်ပိုင်းမှာ ၀န်ခံခဲ့ပါတယ်။ ဒါပေမယ့် ဒီစခန်းတွေဟာ အကျဉ်းစခန်းတွေမဟုတ်ဘဲ အစွန်းရောက်တိုက်ဖျက်ရေး ပြုပြင်ရေးကျောင်းတွေ
    ဖြစ်တယ်လို့ ပြောကြားခဲ့ပါတယ်။

    BBC ရဲ့ အခု ဖော်ထုတ်မှုအသစ်အရ တရုတ်အစိုးရဟာ လူကြီးတွေကိုသာမကဘဲ ကလေးငယ်တွေကိုပါ တစ်ပြိုင်နက်တည်း တရုတ်ဇာတ်သွင်းနေတယ်ဆိုတာ ဖော်ပြနေတယ်လို့ ကျွမ်းကျင်သူတွေက သုံးသပ်ပါတယ်။ ဝီဂါတွေဟာ တာ့ခ်အနွယ်တွေဖြစ်ပြီး တူရကီစကားပြောကာ အစ္စလာမ်ဘာသာကို ကိုးကွယ်ကြသူတွေ ဖြစ်ပါတယ်။

    နိုင်ငံခြားရောက်နေတဲ့ ဝီဂါမိသားစုတွေကို တွေ့ဆုံမေးမြန်းမှု၊ တရုတ်အစိုးရ ထုတ်ပြန်ထားတဲ့ စာရွက်စာတမ်း အထောက်အထားတွေကို ကိုးကားပြီး BBC က ဒီသတင်းကိုဖော်ပြခဲ့တာပါ။ အရွယ်ရောက်သူတွေရဲ့ အမှတ်သညာကို ပြောင်းလဲအောင်လုပ်ဆောင်နေရုံသာ မကဘဲ၊ ကလေးတွေကိုလည်း ယဉ်ကျေးမှု၊ ဓလေ့ထုံးတမ်း၊ ဘာသာတရားတွေကနေ အဆက်ပြတ်အောင် လုပ်ဆောင်နေကြောင်း ခိုင်မာတဲ့အထောက်အထားတွေ တွေ့ရတယ်လို့ BBC က ပြောပါတယ်။

    ကလေး ရာနဲ့ချီ ပျောက်ဆုံး

    ရှင်ကျန်းပြည်နယ်က တစ်ချို့မြို့နယ်တွေမှာဆိုရင် ပျောက်ဆုံးသွားတဲ့ ကလေးငယ်အရေအတွက်ဟာ ၄၀၀ ကျော်လောက်ရှိနေပြီး၊ အာဏာပိုင်တွေဟာ စနစ်တကျ စီစဉ်ပြီးမှ ကလေးတွေကို ထိန်းသိမ်းတာ ဖြစ်ပါတယ်။

    လုံခြုံရေး အလွန် တင်းကျပ်ထားတာကြောင့် ရှင်ကျန်းမှာ BBC သတင်းထောက်တွေ တွေ့ဆုံမေးမြန်းခွင့် မရပေမယ့်၊ တူရကီကို ထွက်ပြေးလာရတဲ့ ဝီဂါမွတ်စလင်တွေက သူတို့ကလေးတွေ ပျောက်ဆုံးမှုကို အသေးစိတ် ပြောပြခဲ့ပါတယ်။

    တွေ့ဆုံမေးမြန်းမှု ၆၀ လောက် လုပ်ဆောင်ခဲ့ရာမှာ မိခင်တွေ၊ ဖခင်တွေက သူတို့သားသမီးတွေ ရုတ်တရက်ပျောက်ဆုံးသွားမှုတွေအကြောင်း ဖွင့်ဟခဲ့ကြပြီး၊ မိဘမဲ့ဂေဟာမှာ တရုတ်အာဏာပိုင်တွေက ထိန်းသိမ်းထားတယ်ဆိုတာကို နောက်မှသိရတယ်လို့ ဆိုပါတယ်။ BBC ရဲ့ တွေ့ဆုံမေးမြန်းမှုကို လာရောက်ဖြေကြားတဲ့ ဝီဂါမိသားစုတွေကို ဆန်းစစ်လိုက်ရင် ပျောက်ဆုံးမှုအရေအတွက်ဟာ ၁၀၀ ကျော်လောက် ရှိနေပြီး၊ ကလေး ၃ ယောက်မွေးထားတဲ့ တစ်ချို့မိသားစုတွေမှာ ၃ ယောက်စလုံးကို တရုတ်အာဏာပိုင်တွေက ခေါ်ဆောင်ထိန်းသိမ်းထားတွေကိုလည်း တွေ့ခဲ့ရပါတယ်။

    မိသားစုတွေဟာ ပျောက်ဆုံးနေတဲ့ ကလေးငယ်တွေရဲ့ ပုံတွေကိုလည်း ပြသခဲ့ကြပါတယ်။

    ကျောင်းများ တိုးချဲ့ဆောက်လုပ်

    BBC က ခန့်အပ်တာဝန်ပေးထားတဲ့ သုတေသနအဖွဲ့ရဲ့ လေ့လာဆန်းစစ်မှုအရ ရှင်ကျန်းပြည်နယ်မှာရှိနေတဲ့ စာသင်ကျောင်းတွေမှာ အိတ်ဆောင်တွေနဲ့အခြား အဆောက်အဦးတွေကို အကြီးအကျယ် တိုးချဲ့တာတွေလုပ်ဆောင်နေတယ်ဆိုတာကိုလည်း တွေ့ခဲ့ရပါတယ်။

    ရှင်ကျန်းက အရွယ်ရောက်ပြီးသား ဝီဂါမွတ်စလင်တွေကို ထိန်းသိမ်းထားတဲ့ အကျဉ်းစခန်းကြီးတွေကို ကမ္ဘ္ဘာကသိအောင် ဖော်ထုတ်နိုင်ခဲ့တဲ့ ဂျာမန် သုတေသနပညာရှင် ဒေါက်တာ အေဒရီယန်ဇန့်က ထိန်းသိမ်းရေးစခန်းတွေကို တည်ဆောက်နေတဲ့ တစ်ချိန်တည်းမှာပဲ တရုတ်အာဏာပိုင်တွေဟာ ပြည်နယ်တွင်း စာသင်ကျောင်းတွေမှာ အိမ်ဆောင်တွေကို အကြီးအကျယ် တို့ချဲ့နေတာ၊ ဘော်ဒါကျောင်း ထပ်တိုးဆောက်လုပ်နေတာတွေ ရှိနေတယ်လို့ တရားဝင် စာရွက်စာတမ်းတွေကို ကိုးကားပြီး ဖော်ပြခဲ့ပါတယ်။

    ၂၀၁၇ ခုနှစ် တစ်ခုတည်းမှာပဲ ရှင်ကျန်းပြည်နယ်က မူကြိုတွေမှာ တက်ရောက်တဲ့ ကလေးငယ်အရေအတွက်ဟာ သန်းဝက်ကျော်လောက် တိုးလာခဲ့ပြီး အဲဒီအထဲက ၉၀ ရာခိုင်နှုန်းဟာ ဝီဂါနဲ့ အခြား တိုင်းရင်းသားလူနည်းစုတွေ ဖြစ်ပါတယ်။

    ရွာတွေအနီး ကျောင်းအိပ်ကျောင်းစားကျေင်းတွေ ဖွင့်လှစ်ကာ ရွာထဲက ကလေးငယ်တွေကို အဲဒီကျောင်းမှာ ရွှေ့ပြောင်းထားတာတွေလည်း ရှိနေတယ်လို့ ဒေါက်တာ အေဒရီယန်ဇန့်က ထည့်သွင်း ပြောကြားခဲ့ပါတယ်။ လူအဖွဲ့အစည်းအတွင်း တည်ငြိမ်အေးချမ်းရေးကို အထောက်အကူဖြစ်စေဖို့ ဒီလိုကျောင်းတွေ ဆောက်လုပ်တာဖြစ်တယ်လို့ တရုတ်အာဏာပိုင်တွေက ပြောပေမယ့် တကယ်တမ်းက လူနည်းစုတွေရဲ့ အမှတ်သညာပျောက်အောင် ဦးနှောက်ကျင်းမှု လုပ်ဆောင်နေတယ်လို့ ဇန့်က ဆိုပါတယ်။

    ကျောင်းတွေမှာ တရုတ် ဘာသာစကားကလွဲလို့ တိုင်းရင်းသား ဘာသာစကားတွေ ပြောခွင့်မပေးဘဲ ဒီသတ်မှတ်ချက်ကို ဖောက်ဖျက်တဲ့ ကျောင်းသားတွေ၊ ဆရာမတွေကို ပြင်းပြင်းထန်ထန် အပြစ်ပေးလေ့ရှိပါတယ်။

    ရှင်ကျန်းပြည်နယ် ဝါဒဖြန့်ချီရေးဌာနက တာဝန်ရှိသူ ရှီကွေ့ရှန်က ကလေးငယ်တွေကို မိဘတွေနဲ့ခွဲကာ ထိန်းသိမ်းထားတယ်ဆိုတဲ့သတင်းတွေဟာ မဟုတ်ဘူးလို့ ငြင်းဆိုခဲ့ပါတယ်။ မိသားစုတစ်ခုလုံး ပြုပြင်ရေးကျောင်း အပို့ခံရတယ်ဆိုရင် ဒီမိသားစုဟာ ဆိုးဆိုးဝါးဝါး ပြဿနာရှိနေလို့ပဲ ဖြစ်ရမယ်လို့ သူကဆိုပြီး ဒါမျိုးပုံစံ မရှိဘူးလို့လည်း ဆိုပါတယ်။

    အစိုးရစာရွက်စာတမ်းများက ဖော်ပြ

    ပြုပြင်ရေးကျောင်းတွေကို အပို့ခံရသူတွေရဲ့ ကျန်ရစ်သူ သားသမီးတွေကို ကျောင်းအိပ်ကျောင်းစား ကျောင်းတွေမှာ ထိန်းသိမ်းထားဖို့ တရုတ်အစိုးရကဆောင်ရွက်တဲ့ စာရွက်စာတမ်း အထောက်အထားတွေကို ဒေါက်တာ အေဒရီယန်ဇန့်က ရရှိခဲ့ပါတယ်။

    အဲဒီအထောက်အထားတွေထဲမှာ ကလေးတွေကို သီးသန့် ထိန်းသိမ်းရမလားဆိုတာကို ဆန်းစစ်ရာမှာ ဒေသခံအာဏာပိုင်တွေက အသုံးပြုတဲ့ ဖောင်တွေ၊ ကလေးတွေကို ထိန်းသိမ်းရာမှာ ပါဝင်တဲ့ အဖွဲ့တွေရဲ့အကြောင်းကို ဖော်ပြထားတဲ့ စာရွက်စာတမ်းတွေ၊ ကလေးတွေကို ကိုင်တွယ်ဖို့နဲ့ သူတို့ရဲ့ အတွေးအခေါ်တွေကို ပြောင်းလဲပစ်ဖို့ ဒေသခံပညာရေးဌာနကို တရုတ်အစိုးရက ညွှန်ကြားထားတဲ့စာတွေ ပါဝင်ပါတယ်။

    ဒါတွေကို ကြည့်ခြင်းအားဖြင့် ကလေးငယ်တွေကို အကျယ်ချုပ်ချထားဖို့ဟာ လိုအပ်ချက်တစ်ခုဖြစ်တယ်လို့ တရုတ်အစိုးရက ယူဆထားမှုကို မြင်တွေ့ရပြီး၊ ဒီလုပ်ဆောင်ချက်တွေကို
    လူတွေသိအောင် ချပြလိုစိတ်မရှိဘူးလို့လည်း ဒေါက်တာ ဇန့်က သုံးသပ်ပါတယ်။

    အကျဉ်းစခန်းတွေ၊ ဘော်ဒါကျောင်းတွေထံ တရုတ်မီဒီယာတွေကို ဖိတ်ပြီး ချီးကျူးရေးသားခိုင်းတာတွေ ရှိတယ်ဆိုတာကိုလည်း BBC ရဲ့ စုံစမ်းဖော်ထုတ်မှုမှာ တွေ့ခဲ့ရပါတယ်။

    ရှင်းကျန်းက ပညာရေးဌာနတွေကို ဖုန်းဆက်မေးမြန်းရာမှာ တော်တော်များများက ဒီကိစ္စကို ဖြေကြားဖို့ ငြင်းဆိုခဲ့ပြီး တစ်ချို့တာဝန်ရှိသူတွေကတော့ ကျောင်းတွေဟာ ဘော်ဒါကျောင်းတွေဖြစ်ကြောင်း၊ ကလေးငယ်တွေရဲ့ နေရေးထိုင်ရေး၊ စားသောက်ရေးနဲ့ ပညာရေးတွေ အားလုံးကို ကျောင်းက တာဝန်ယူပေးထားကြောင်း၊ ကလေးငယ်တွေကို ကောင်းကောင်းမွန်မွန် စောင့်ရှောက်ဖို့အတွက် အာဏာပိုင်တွေက အမိန့်ပေးထားကြောင်း ပြန်ဖြေခဲ့တယ်လို့ BBC သတင်းဌာနက ထည့်သွင်း ဖော်ပြခဲ့ပါတယ်။

    Ref: BBC