သြဂုတ် ၂၄၊ ၂၀၁၉
M-Media
-ကမ္ဘ္ဘာကြီးရဲ့ အဆုတ်လို့ တင်စားခေါ်ဝေါ်ခြင်းခံရတဲ့ အမေဇုန်သစ်တောကြီး မီးလောင်နေတာသီတင်းပတ်နဲ့ချီရှိလာပြီး နိုင်ငံတကာက သတိပေးပြောဆိုမှုတွေလည်း ကျယ်လောင်လာပါတယ်။
အမေဇုန်ဟာ ကမ္ဘ္ဘာပေါ်မှာ အကြီးဆုံး အပူပိုင်းသစ်တောကြီးဖြစ်ပြီး ဘရာဇီးလ်၊ ဘိုလီးဗီးယား၊ ကိုလံဘီယာ၊ အီကွေဒေါ၊ ပြင်သစ်ဂီနီ၊ ဂူယာနာ၊ ပီရူး၊ ဆူရီနမ်နဲ့ ဗင်နီဇွဲလား စတဲ့ နိုင်ငံပေါင်း ၉ နိုင်ငံမှာ စကွဲယားကီလိုမီတာ ၅ သန်းလောက် ပြန့်နှံ့နေတာပါ။
ကမ္ဘ္ဘာ့အကြီးဆုံး ကာဘွန်သိုလှောင်ရုံကြီးလည်းဖြစ်ပြီး လူသားတွေထုတ်လွှတ်တဲ့ ကာဘွန် စုစုပေါင်း နှစ် ၁၀၀ စာလောက်ကို စုပ်ယူထားပါတယ်။ ဒါ့ကြောင့် အမေဇုန်ဟာ ကမ္ဘ္ဘာ့ရာသီဥတုကို ထိန်းညှိပေးရာမှာ အလွန်အရေးပါပါတယ်။
လူသားတွေရှူသွင်းတဲ့ အောက်ဆီဂျင်ရဲ့ ၂၀ ရာခိုင်နှုန်းကို အမေဇုန်က ထုတ်လွှတ်ပေးသလို၊ ကမ္ဘ္ဘာပေါ်မှာ စီးဆင်းနေတဲ့ ရေချို ၂၀ ရာခိုင်နှုန်းကို ထိန်းသိန်းပေးထားပါတယ်။
ဒါပေမယ့် ပြီးခဲ့တဲ့ နှစ်ပေါင်း ၅၀ အတွင်း အမေဇုန်သစ်တောရဲ့ ၂၀ ရာခိုင်နှုန်းနီးပါးဟာ ပြုန်းတီးသွားခဲ့ပါတယ်။ သိပ္ပံပညာရှင်တွေဟာ လာမယ့် ၁၀ စုနှစ်တွေအတွင်း ၂၅ ရာခိုင်နှုန်းကနေ ၄၀ ရာခိုင်နှုန်းလောက် ထပ်မံပြုန်းတီးဖို့ရှိနေပြီး ဒီရဲ့ နောက်ဆက်တွဲ ဆိုးကျိုးကို လူသားတွေ သိသိသာသာ ခံစားရမယ်လို့ သတိပေးထားပါတယ်။
ဘယ်မှာလောင်နေလဲ???
ဘရာဇီးလ်နိုင်ငံရဲ့ အမေဇုန်သစ်တောကြီးမှာ မီးတွေ လောင်ကျွမ်းနေတာပါ။
အမေဇိုနက်စ်ပြည်နယ်၊ အက်ရီပြည်နယ်၊ ရွန်ဒိုနီယားပြည်နယ်နဲ့ မာတိုဂရိုဆို ဒို ဆူလ် ပြည်နယ်တွေဟာ အမေဇုန်သစ်တော မီးလောင်မှုဒဏ်ကို အကြီးအကျယ်ခံစားနေရပါတယ်။
ဘရာဇီးလ် အာကာသ စူးစမ်းရှာဖွေရေးအဖွဲ့ (INPE) က အမေဇုန်သစ်တောမှာ သြဂုတ် ၁၅ ရက်နေ့ကစလို့ မီးလောင်မှုပေါင်း ၉၅၀၀ ကျော်လောက် ဖြစ်ပွားခဲ့တယ်လို့ ထုတ်ပြန်ထားပါတယ်။ မီးခိုးငွေ့တွေကတော့ လက်တင်အမေရိက တစ်ဝိုက်နဲ့ အတ္တလန်တိတ် ကမ်းရိုးတမ်းတွေအထိ ပြန့်နှံ့နေပါတယ်။
ဘရာဇီးလ်နိုင်ငံရဲ့ အကြီးဆုံးပြည်နယ် အမေဇိုနက်စ်မှာ သြဂုတ်လ ၉ ရက်နေ့ကတည်းက အရေးပေါ်အခြေအနေ ကြေငြာထားရပြီး အက္ကရီပြည်နယ်မှာတော့ သြဂုတ်လ ၁၆ ရက်နေ့မှာ သဘာသပတ်ဝန်းကျင် သတိပေးချက် ထုတ်ပြန်ခဲ့ပါတယ်။
INPE က အမေဇုန်ဒေသတစ်ဝိုက်က အခြားတိုင်းပြည်တွေမှာလည်း တောမီးလောင်မှုဟာ အရင်နှစ်တွေကထက် သိသိသာသာ များပြားလာတယ်လို့ ဆိုပါတယ။်
ဘယ်လောက်များလဲ???
အခုနှစ် ဇန်နဝါရီလကတည်းက ဘရာဇီးလ် အမေဇုန်သစ်တောမှာ မီးလောင်မှုပေါင်း ၇၃၀၀၀ လောက် ဖြစ်ပွားခဲ့ပြီး ပြီးခဲ့တဲ့နှစ် အခုလိုအချိန်ကထက် ၈၀ ရာခိုင်နှုန်းကျော် မြင့်တက်လာတာပါ။ ဒါဟာ INPE က လေ့လာမှုစတင်ခဲ့တဲ့ ၂၀၁၃ ခုနှစ်ကစလို့ အမြင့်ဆုံး ပမာဏလည်း ဖြစ်ပါတယ်။
နာဆာရဲ့ သြဂုတ်လ ၁၆ ရက်နေ့ ထုတ်ပြန်ချက်မှာတော့ လက်ရှိ အမေဇုန်သစ်တောမှာ မီးလောင်မှု ပမာဏဟာ လွန်ခဲ့တဲ့ ၁၅ နှစ်အတွင်း လောင်းကျွမ်းမှုအားလုံးပေါင်းရဲ့ ပမာဏလောက်ရှိတယ်လို့ ဆိုပါတယ်။
ဘာ့ကြောင့်လောင်တာလဲ???
ခြောက်သွေ့ရာသီရောက်ရင် အမေဇုန်သစ်တောမှာ မီးလောင်မှု ပုံမှန်ဖြစ်ပွားပေမယ့် အခုလို မီးလောင်မှု အများအပြား မြင့်တက်လာတာကတော့ လူတွေရဲ့ လုပ်ဆောင်မှုကြောင့် ဖြစ်ပါတယ်။
တောင်ယာလုပ်ဖို့၊ ထင်းရဖို့ မီးရှို့မြေရှင်းရာကနေ မီးလောင်ကြတာဖြစ်ပြီး INPE ကလည်း မီးလောင်မှု သိသိသာသာမြင့်တက်လာတာဟာ သဘာဝထက် လူတွေရဲ့ ပယောဂါကြောင့်ဆိုတာ
ဝန်ခံခဲ့ပါတယ်။
အမေဇုန်သစ်တောမှာ မီးလောင်မှုအတွက် လက်ရှိ ဘရာဇီးလ်သမ္မတ ဘိုလ်ဆိုနာရိုလည်း အကြီးအကျယ် ဝေဖန်ခံနေရပါတယ်။ သစ်တောဒေသအတွင်း တောင်ယာနဲ့ သတ္တုတွင်းလုပ်ငန်းတွေ အုံနဲ့ကျင်းနဲ့ လုပ်ကိုင်ခွင့်ပေးလိုက်တာကြောင့် သစ်တော ခုတ်ထွင်မှုကို မတားဆီးနိုင်တော့တာလို့ ဆိုပါတယ်။ ဘိုလ်ဆိုနာရိုလက်ထက်မှာ အမေဇုန်သစ်တောအတွင်း မီးလောင်မှုက အလွန်အမင်းကို မြင့်တက်လာခဲ့ပါတယ်။
ဇူလိုင်လအတွင်း ဘရာဇီးလ်အမေဇုန်သစ်တော ဖျက်ဆီးခံရမှုဟာ ၂၇၈ ရာခိုင်နှုန်းအထိ မြင့်တက်လာခဲ့ပါတယ်။
သမ္မတကတော့ မိုးခေါင်တာလို သဘာဝအကြောင်းအရင်းတွေကို လက်ညှိုးထိုးခဲ့ပါတယ်။ ဒါပေမယ့် မီးလောင်မှုကို ထိန်းနိုင်ဖို့နဲ့ တရားမ၀င် သစ်တောခုတ်ထွင်မှုကို ရပ်တန့်ဖို့အတွက် မနေ့က စစ်သားတွေ စေလွှတ်လိုက်ရပါတယ်။
အမေဇုန်ကို မှီခိုသူ ဘယ်လောက်ရှိလဲ???
အမေဇုန် သစ်တောကြီးမှာ လူနေထိုင်မှုသက်တမ်းဟာ အနည်းဆုံး နှစ်ပေါင်း ၁၁၀၀၀ လောက်ရှိခဲ့ပြီး လူပေါင်း သန်း ၃၀ လောက် မှီတင်းနေထိုင်ကြပါတယ်။ အဲဒီအထဲက ၃ ပုံ ၂ ပုံလောက်က သစ်တောတစ်ဖြစ်လဲ မြို့တွေမှာ နေထိုင်နေကြတာပါ။
အမေဇုန်မှာ နေထိုင်သူတွေထဲမှာ ၁ သန်းလောက်က ဌာနေမျိုးနွယ်တွေဖြစ်ပြီး စုစုပေါင်း လူမျိုးစု ၄၀၀ လောက် ရှိနေတယ်လို့ ဌာနေမျိုးနွယ်စု အခွင့်အရေးဆိုင်ရာအဖွဲ့ Survival International က ဆိုပါတယ်။
အများစုက အမေဇုန်သစ်တောတစ်ဝိုက်က ရွာတွေမှာ နေထိုင်ကြပေမယ့် တောတွင်းမှာ ဆက်လက်နေထိုင်သူတွေလည်း ရှိနေပါတယ်။
လူသားတွေအပြင် အမေဇုန်မှာ သားရိုင်းတိရစ္ဆာန်တွေလည်း မှီတင်းနေထိုင်နေကြပါတယ်။ ကမ္ဘ္ဘာပေါ်မှာ လူသားတွေ သိရှိထားတဲ့ သားရိုင်းတိရစ္ဆာန်မျိုးစိတ်တွေရဲ့ ၁၀ ရာခိုင်နှုန်းလောက်က အမေဇုန်မှာ ရှိနေတာပါ။ သဘာဝဆိုင်ရာ ကမ္ဘ္ဘာ့ရန်ပုံငွေအဖွဲ့ WWF က ပျမ်းမျှ ၃ ရက်တိုင်းမှာ အမေဇုန်သစ်တောအတွင်း တိရစ္ဆာန်နဲ့ အပင်မျိုးစိတ်အသစ်တွေ တွေ့ရှိလေ့ ရှိတယ်လို့ ထုတ်ပြန်ထားပါတယ်။
ကမ္ဘ္ဘာကြီးက ဘယ်လိုတုန့်ပြန်လဲ???
အမေဇုန်သစ်တောကြီး မီးလောင်နေတဲ့အတွက် ကမ္ဘ္ဘာကြီးက ဘရာဇီးလ်သမ္မတ ဘိုလ်ဆိုနာရိုကို အဓိကထားပြီး ဝေဖန်ပြစ်တင်နေကြပါတယ်။
ပြင်သစ်သမ္မတ အီမန်နျူယဲလ်မာခရွန်နဲ့ အိုင်ယာလန်ဝန်ကြီးချုပ် လီယိုဗာရဒ်ကာတို့ဆိုရင် ဘရာဇီးလ်အနေနဲ့ အမေဇုန်မီးလောင်မှုကို တားဆီးနိုင်အောင် မလုပ်မချင်း ဥရောပသမဂ္ဂနဲ့ ကုန်သွယ်မှုကို ရပ်ဆိုင်းထားမယ်လို့ သတိပေးခဲ့ပါတယ်။
သြဂုတ် ၂၅ ရက်နေ့ ပဲရစ်မှာပြုလုပ်ဖို့ရှိနေတဲ့ G7 ထိပ်သီးအစည်းအဝေးမှာ ဒီကိစ္စကို အဓိကထား ဆွေးနွေးဖို့ မာခရွန် တိုက်တွန်းခဲ့ပါတယ်။
ဂျာမနီဝန်ကြီးချုပ် အိန်ဂျလာ မာကဲလ်ကတော့ အမေဇုန်သစ်တော မီးလောင်မှုဟာ တကယ့်ကိုအရေးပေါ်ကိစ္စဖြစ်ပြီး G7 ရဲ့ ရည်ရွယ်ချက်နဲ့လည်း သက်ဆိုင်တယ်လို့ ပြောကြားခဲ့ပါတယ်။
နော်ဝေနဲ့ ဂျာမနီနိုင်ငံတို့က အမေဇုန်ထိန်းသိမ်းရေးအဖွဲ့ Amazon Fund အပေါ် ငွေကြေးထောက်ပံ့နေမှုကို အခုလအစောပိုင်းမှာ ရပ်ဆိုင်းခဲ့ပြီး ဘရာဇီးလ်အစိုးရက အဖွဲ့ရဲ့ လုပ်ဆောင်မှုတွေကို အလေးမထားတာကြောင့်ဖြစ်တယ်လို့ ဝေဖန်ခဲ့ပါတယ်။
ဆိုရှယ်မီဒီယာတွေမှာလည်း #PrayForAmazonia and #PrayForAmazon ခေါင်းစဉ်တွေနဲ့ အမေဇုန်သစ်တောကို ကာကွယ်ထိန်းသိမ်းရေး အရှိန်မြှင့် ဆော်သြလာကြပါတယ်။
Ref: Aljazeera
