Tag: DailySportsNews

အောက်တိုဘာ ၂၀၊ ၂၀၁၃
M-Media

ဖလားတစ်လုံးရလျှင်ပင် အဆင်ပြေသည်ဟု မိုယက်စ်အား ဖာဂူဆန်နှစ်သိမ့်

မန်ချက်စတာ ယူနိုက်တက်အသင်း နည်းပြအဖြစ် ပထမဦးဆုံးရာသီတွင် ဖလားတစ်လုံးဆွတ်ခူးနိုင်ခဲ့လျှင်ပင်အလွန်ကောင်းမွန်သော စွမ်းဆောင်ရည် ဖြစ်လိမ့်မည်ဟု မန်ယူအသင်း၏ ဂန္တ၀င်နည်းပြဟောင်း ဖာဂူဆန်က ယမန်နေ့ ဆောက်သက်တမ်အသင်းအား ၁ ဂိုးစီသရေကျခဲ့သော ပွဲအပြီးတွင်ပြောကြားခဲ့သည်။

ယခုပွဲသရေကျမှုကြောင့် လက်ရှိချန်ပီယံ မန်ယူအသင်းမှာ အမှတ်ပေးဇယားတွင် အဆင့် ၈ အထိရောက်ရှိသွားပြီး ချန်ပီယံလိဂ် ၀င်ခွင့်အနေရာထက် ၅-မှတ်လျော့နေ ပြီး၊ တန်းဆင်းဇုန်နှင့် လေးမှတ်အကွာတွင်ရှိနေခြင်းဖြစ်သည်။ မန်ယူအသင်းမှာ ကစားပြီးသည့် ပရီးမီးယားလိဂ် ပွဲစဉ် ၈ ပွဲတွင် ၃ ပွဲသာအနိုင်ရရှိထားသည်။

အသင်းတွင် ၂၆ နှစ်တာရှိနေခဲ့ပြီးအောင်မြင်မှုများစွာရယူပေးခဲ့သည့် နည်းပြဖာဂူဆန်မှာ မန်ယူအသင်းသို့ စတင်ရောက်ရှိပြီး လေးနှစ်အကြာမှ အသင်းအတွက် ပထမဦးဆုံး ဆုဖလားကို ဆွတ်ခူးနိုင်ခဲ့သည်။

“ဒေးဗစ်(မိုယက်စ်)အတွက်တော့ ဖလာတစ်လုံးရခဲ့ရင်တောင်မှ အလွန်ကောင်းမွန်တဲ့ အောင်မြင်မှုမျိုးဖြစ်မှာပါ။ လိဂ်ဖလားဖြစ်ဖြစ်၊ အက်ဖ်အေဖလားဖြစ်ဖြစ်၊ ဥရောပ ဖလားဖြစ်ဖြစ်၊ ပရီးမီးယားလိဂ်ဖြစ်ဖြစ် ကိစ္စမရှိပါဘူး။ အမှတ်ပေးပြိုင်ပွဲမှာ ချန်ပီယံဆုအတွက် အသင်းခြောက်သင်းလောက် ပြိုင်နေရတဲ့အတွက် ဗိုလ်စွဲဖို့ဆိုတာ မလွယ်ပါဘူး”ဟု MUTV နှင့် အင်တာဗျူးတွင် ဖာဂူဆန်က ပြောကြားခဲ့သည်။
channelnewasia
______________________

ATP Stockholm Open တင်းနစ်ပြိုင်ပွဲတွင် ဖာရဲရား ဗိုလ်လုပွဲသို့တက်ရောက်

ဆွီဒင်နိုင်ငံတွင်ကျင်းပပြုလုပ်လျက်ရှိသည့် ATP Stockholm Open တင်းနစ်ပြိုင်တွင် စပိန်နာမည်ကြီးတင်းနစ်သမား ဒေးဗစ်ဖာရဲရားမှာ နောက်ဆုံးဗိုလ်လုပွဲသို့ တက်ရောက်သွားခဲ့ပြီဟုသိရသည်။

နိုင်ခြေအဆင့် ၁ ရ ဖာရဲရားမှာ ဆီးမီးဖိုင်နယ်တွင် လတ်ဗီယား တင်းနစ်သမား အာန်နတ်စ် ဂူလ်ဘစ်နှင့် ကစားခဲ့ရခြင်းဖြစ်ပြီး ပထမပွဲငယ်တွင် ၆-၃ ဖြင့်ရှုံးနိမ့်ခဲ့သည်။ သို့သော်လည်း ဒုတိယပွဲငယ်တွင် ၆-၄ ဖြင့်လည်းကောင်း၊ တတိယ ပွဲငယ်တွင် ၆-၁ ဖြင့်လည်းကောင်း အနိုင်ရအောင် ပြန်လည်ကစားနိုင်ခဲ့သောကြောင့် ပွဲအပြီးတွင် ၃-၆၊ ၆-၄၊ ၆ -၁ ဖြင့် အနိုင်ရရှိခဲ့ကာ နောက်ဆုံးဗိုလ်လုပွဲသို့တက်ရောက်နိုင်ခဲ့ခြင်းဖြစ်သည်။

နောက်ဆုံးဗိုလ်လုပွဲတွင် ဖာရဲရားမှာ နိုင်ခြေအဆင့် ၆ ရ ပြင်သစ်တင်းနစ်သမား ဘန်နွိုက် ပိုင်ရီကို ၄-၆၊ ၆-၂၊ ၆-၂ ဖြင့်အနိုင်ရရှိခဲ့သည့် ဘူလ်ဂေးရီးယားတင်းနစ်သမား ဒီမီထရော့ဗ်နှင့် တွေ့ဆုံယှဉ်ပြိုင်ရမည်ဖြစ်သည်။
skysports
______________________

Erste Bank Open တင်းနစ်ပြိုင်ပွဲ ဗိုလ်လုပွဲတွင် ရော်ဘင်ဟေ့စ်နှင့် တော်မီ ဟက်စ်တို့တွေ့ဆုံမည်

သြစတြီးယားနိုင်ငံတွင် ကျင်းပပြုလုပ်နေသည့် Erste Bank Open တင်းနစ်ပြိုင်ပွဲဗိုလ်လုပွဲတွင် ရော်ဘင်ဟေ့စ်နှင့် တော်မီ ဟက်စ်တို့တွေ့ဆုံယှဉ်ပြိုင်ရမည်ဟု သိရသည်။

ဆီမီးဖိုင်နယ်ပွဲစဉ်တွင် ဒခ်ျတင်းနစ်သမား ရော်ဘင်ဟေ့စ်မှာ နိုင်ခြေအဆင့် ၁ ရ ပြင်သစ်တင်းနစ်သမား ဂျိုးဝိုင်းလ်ဖရိုင်း ဆွန်ဂါအား အကြိတ်အနယ်ကစားကာ ၇-၅၊ ၇-၆(၆-၄)ဖြင့်အနိုင်ရရှိခဲ့ခြင်းဖြစ်သည်။

“သူ(ဆွန်ဂါ)ဟာ ဒဏ်ရာနည်းနည်းရနေပြီး၊ ကျွန်တော်နည်းနည်းတုန်လှုပ်မိပါတယ်။ သူနဲ့ကစားတဲ့အခါမှာ ဘောလုံးကို ထိန်းပြီး သူရဲ့အမှားကိုစောင့်ရပါတယ်။ နောက်ပိုင်းမှာတော့ ပွဲကို ကျွန်တော်ပိုပြီးအာရုံစိုက်နိုင်ခဲ့ပါတယ်” ဟု အဆင့် ၁၀ အတွင်းရှိကစားမားများနှင့် ကစားရသည့် ၁၄ ပွဲတွင် ရှုံးနိမ့်ခဲ့ပြီး ယခု ပွဲတွင်မှ အနိုင် ရရှိခဲ့သည့် ကမ္ဘာ့အဆင့် ၆၃ရှိ ဟေ့စ်က
ပွဲအပြီးတွင်ပြောကြားခဲ့သည်။

နိုင်ခြေအဆင့် ၂ ရ ဂျာမန်တင်းနစ်သမား တော်မီဟက်စ်မှာ နိုင်ခြေအဆင့် ၈ ရ ချက်တင်းနစ်သမား လူးကပ်စ် ရိုဆိုလ်အား ပထမပွဲငယ်တွင် ရှုံးနိမ့်ခဲ့သော်လည်း ဒုတိယနှင့် တတိယ ပွဲငယ်တို့တွင် အနိုင်ကစားနိုင်ခဲ့သောကြောင့် ၃-၆၊ ၆-၄၊ ၇-၆(၇-၀) ဖြင့် အနိုင်ရရှိခဲ့သည်။

“အရေးကြီးတဲ့ အမှတ်တွေနဲ့ တိုင်းဘရိတ်ရိုက်ချက်တွေမှာ ကျွန်တော် အကောင်းဆုံးစွမ်းဆောင်နိုင်ခဲ့ပါတယ်။ အဲဒီအတွက် ကျွန်တော်အရမ်းကို ကျေနပ်မိပါတယ်” ဟု တော်မီက ပွဲအပြီးတွင်ပြောကြားခဲ့သည်။
skysports
______________________

နေးမာအား ကာကွယ်မှုပေးရန် မာတီနိုတိုက်တွန်း

အသင်းရှိ လူငယ်ကြယ်ပွင့်ကစားသမား နေးမာအား ပြိုက်ဘက်နောက်ခံလူများမှ ကြမ်းတမ်းစွာဖြတ်ထုတ်မှုများနှင့်ပက်သက်၍ တုန်လှုပ်မိသည်ဟု ဖွင့်ဟခဲ့ပြီး၊ ဒိုင်လူကြီးများအနေဖြင့် နေးမာအား ကာကွယ်မှုများပေးရန် ဘာစီလိုနာအသင်း၏ နည်းပြဖြစ်သူ မာတီနိုက ပြောကြားလိုက်သည်။

ဘာစီလိုနာအသင်းမှာ ယမန်နေ့က ကစားခဲ့သည့် အိုဆူနာအသင်းနှင့် ပွဲစဉ်တွင်ဂိုးမရှိသရေကျခဲ့ပြီး ရာနှုန်းပြည့်နိုင်ပွဲစံချိန်ရပ်တန့်သွားခဲ့သည်။ ထိုပွဲတွင်နေးမာမှာ ပြိုင်ဘက်ကစားသမားများ၏ လူကပ်ကစားခြင်းနှင့် ကြမ်းတမ်းသောဖျက်ထုတ်မှုများကိုလည်း ခံခဲ့ရသည်။

“နေးမာကို ပြိုက်ဘက်နောက်ခံလူတွေ ကြမ်းကြမ်းတမ်းတမ်းဖျက်ထုတ်တာကို ဒိုင်လူကြီးက ပစ်ဒဏ်ဘောမပေးခဲ့ ပါဘူး။ အထူးသဖြင့် ဘောလုံးမရှိဘဲဖြတ်ထုတ်တဲ့ ပုံစံမျိုးတွေကို သူတို့(ဒိုင်လူကြီး)တွေက ပိုပြီး ဂရုစိုက်သင့်ပါတယ်” ဟု မာတီနိုက ပွဲအပြီးတွင် သတင်းထောက်များသို့ ပြောကြားခဲ့သည်။

နေးမာမှာ ဥရောပသို့စရောက်လာပြီးကတည်းက ပြိုင်ဘက်အသင်း နောက်ခံလူများ၏ ပစ်မှတ်ထားခြင်းကိုခံနေရသူဖြစ်သည်။
goal
______________________

အာဆင်နယ်၊ ချယ်ဆီးနှင့် ဆွမ်ဆီးတို့ ဂိုးပြတ်ခဲ့ပြီး အဲဗာတန်အနိုင်ရ မန်ယူ၊ လီဗာပူးလ်တို့ သရေကျခဲ့သည့် ပရီးမီးယားလိဂ် ပွဲစဉ်-၈ စနေနေ့ညပွဲစဉ်များ

ပရီးမီးယားလိဂ်ပွဲစဉ် ၈ အဖြစ် ယနေ့ညတွင်ယှဉ်ပြိုင်ကစားခဲ့ရာ အာဆင်နယ်၊ ချယ်ဆီးတို့ ဂိုးပြတ်အနိုင်ရခဲ့ပြီး မန်ယူနှင့် လီဗာပူးလ်တို့ သရေကျခဲ့သည်။

နယူးကာဆယ် ၂-၂ လီဗာပူးလ်

စနေနေ့၏ အစောဆုံးပွဲစဉ်ဖြစ်သည့် လီဗာပူးလ်အသင်းနှင့် နယူးကာဆယ် အသင်းတို့မှာ နယူးကာဆယ်အသင်း၏ အိမ်ကွင်း စိန့်ဂျိမ်းပါ့က်တွင် ကစားခဲ့ကြသည်။

လီဗာပူးလ်အသင်းတွင် ရဟီမ်းစတာလင်နှင့် ဂျိုအာကွင်းတို့ ပါဝင်ခြင်းမရှိချေ။ လီဗာပူးလ်းအသင်းမှာ နယူးကာဆယ်အသင်းအား အသားစီးကစားနိုင်ခြင်းမရှိဘဲ ဦးဆောင်ဂိုးကိုလည်း အိမ်ရှင်နယူးကာဆယ် အသင်းက စတင်ရရှိခဲ့သည်။ ပထမပိုင်း ၂၃ မိနစ်တွင် ယိုဟန်ကာဘာယီက အဝေးမှကန်သွင်းကာ နယူးကာဆယ် အသင်းအတွက် ဦးဆောင်ဂိုး သွင်းယူပေးခဲ့သည့် သို့သော်လည်း ၄၂ မိနစ်တွင် စတီဗင်ဂျရတ်က ပင်နယ်တီမှတစ်ဆင့် ချေပဂိုးကို သွင်းယူပေးခဲ့သည်။ ထိုပင်နယ်တီမှာ လီဗာပူးလ် တိုက်စစ်မှူး ဆွာရက်ဇ်အား နယူးကာဆယ်ကစားသမား ယန်ဂါ မဘီဝါမှ ဖျက်ထုတ်မှုကြမ်းတမ်းသောကြောင့် ပေးခဲ့ရခြင်းဖြစ်ပြီး ယန်ဂါမှာလည်း တိုက်ရိုက် အနီကတ် ဖြင့် ထွက်ခဲ့ရသည်။

တစ်ယောက်လျော့သွားသော်လည်း ကစားအားကျသွားခြင်းမရှိသည့် နယူးကာဆယ်အသင်းမှာ ဒုတိယပိုင်း ၅၇ မိနစ်တွင် ဒုတိယဂိုးရရှိခဲ့ပြီး ပေါလ် ဒမ်မတ်က သွင်းယူပေးခဲ့ခြင်းဖြစ်သည်။ လီဗာပူးလ်အတွက် ဒုတိယချေပဂိုးကို ၇၂ မိနစ်တွင် တိုက်စစ်မှူးစတားရစ်ခ်ျက ဆွာရက်ဇ်၏ ဖန်တီးပေးမှုမှတစ်ဆင့် အကောင်းဆုံး အဆုံးသတ်နိုင်ခဲ့ကာ အဝေးကွင်းတွင် သရေတစ်မှတ် ရယူနိုင်ခဲ့သည်။
…………………………..

အာဆင်နယ် ၄-၁ နော်ဝစ်ခ်ျ

ပရီးမီးယားလိဂ်အမှတ်ပေးဇယားထိပ်ဆုံးတွင် ဦးဆောင်နေသည့် အာဆင်နယ်အသင်းမှာ အိမ်ကွင်းအီမရိတ်၌ အမှားအယွင်းမရှိ ကစားနိုင်ခဲ့ပြီး ၄ ဂိုး ၁ ဂိုးဖြင့် နော်ဝစ်ခ်ျအား အနိုင်ရရှိခဲ့သည်။ ဂျာမနီအသင်းတွင် ရရှိခဲ့သည့် ဒူးဒဏ်ရာကြောင့် ပါဝင်နိုင်ဖွယ်မရှိဟု သတင်းထွက်ပေါ်ခဲ့သည့် ကွင်းလယ်လူ မီဆု အိုဇေးလ် ပါဝင်လာခဲ့သည်။

အာဆင်နယ်အသင်းမှာ ပွဲကိုစိုးမိုးနိုင်ခဲ့ပြီး ပွဲအစ ၁၈ မိနစ်တွင် အဖွင့်ဂိုးစရခဲ့သည်။ ထိုဂိုးကို ဂျရူနှင့် ၀ီလ်ရှိုင်းယားတို့၏ လှလှပပ ထိုးဖောက်မှုမှတစ်ဆင် ၀ီလ်ရှိုင်းယားက သွင်းယူပေးခဲ့သည်။ ဒုတိယဂိုးကို ကွင်းလယ်လူ အိုဇေးလ်က ၅၈ မိနစ်တွင်သွင်းယူပေးခဲ့ပြီး မိနစ် ၇၀ တွင် ဂျိုနသန်ဟောင်ဆန်က နော်ဝစ်ခ်ျအသင်းအတွက် ချေပဂိုးတစ်ဂိုး ပြန်လည်သွင်းယူပေးနိုင်ခဲ့သည်။

သို့သော်လည်း ၈၃ မိနစ်နှင့် ၈၈ မိနစ်တို့တွင် ရမ်ဆေးနှင့် အိုဇေးလ်တို့က အာဆင်နယ်အသင်းအတွက်အနိုင်ဂိုးများကိုသွင်းပေးခဲ့ပြီး ၄ ဂိုး ၁ ဂိုးဖြင့် ပွဲပြီးဆုံးခဲ့သည်။ ယခုပွဲအနိုင်ကြောင့် အာဆင်နယ်အသင်းမှာ လီဗာပူးထက် နှစ်မှတ်အကွာဖြင့်ပရီးမီးယားလိဂ်ဇယားအား ဆက်လက်ဦးဆောင်ထားနိုင်သည်။
…………………………………

ချယ်ဆီး ၄-၁ ကာဒစ်ဖ်

ယခုနောက်ပိုင်းတွင် ခြေစွမ်းပိုင်းပုံမှန်ဖြစ်လာသည့် မော်ရင်ဟို၏ ချယ်ဆီးအသင်းမှာ ကာဒစ်ဖ်အသင်းအား အိမ်ကွင်းတွင် ၄ ဂိုး ၁ ဂိုးဖြင့် ဂိုးပြတ်အနိုင်ယူနိုင်ခဲ့သည်။

သို့သော်လည်း ဦးဆောင်ဂိုးကို ဧည့်သည် ကာဒစ်ဖ်အသင်းက ပွဲအစ ၁၀ မိနစ်တွင်ရရှိခဲ့ခြင်းဖြစ်ပြီး ချယ်ဆီးနောက်ခံလူ လူးဝစ်၏ အမှားမှတစ်ဆင့် ဂျော်ဒန်မတ်ခ်ျက သွင်းယူးပေးခဲ့ခြင်းဖြစ်သည်။ ချယ်ဆီးအသင်းအတွက် ချေပဂိုးကို ၃၃ မိနစ်တွင် အလယ်တန်းကစားသမား အေဒင် ဟာဇာတ်က သွင်းယူပေးခဲ့ပြီး၊ ၆၆ မိနစ်တွင် ၀ါရင့်တိုက်စစ်မှူး အီတူးမှလည်းကောင်း၊ ၇၈ မိနစ်တွင် မာတာအားကျော်ကာ မော်ရင်ဟို၏ အခွင့်အရေးအပေးခြင်းကို ခံရသော အော်စကာက လည်းကောင်း၊ ၈၂ မိနစ်တွင် ဟဖာတ်က သူ၏ ဒုတိယမြောက်ဂိုးအဖြစ်လည်းကောင်း အသီးအသီးသွင်းယူခဲ့ကြကာ ချယ်ဆီအသင်းအတွက် အနိုင် ၃ မှတ်ကို သေချာစေခဲ့သည်။
………………………………..

အဲဗာတန် ၂-၁ ဟားလ်စီးတီး

ပြီးခဲ့သည် သီတင်းပါတ်က ပရီးမီးယားလိဂ် ပထမဆုံး ရှုံးပွဲစတွေ့ခဲ့သည့် အဲဗာတန်အသင်းမှာ ယခုတစ်ပါတ်အိမ်ကွင်းတွင် ဟားလ်စီးတီအသင်းအား အနိုင်ယူနိုင် ခဲ့သည်။ ၂ ဂိုး ၁ ဂိုးဖြင့်အနိုင်ရရှိခဲ့ခြင်းဖြစ်ပြီး အိမ်ကွင်းသုံးပွဲဆက် နိုင်ပွဲရရှိခဲ့ခြင်းလည်းဖြစ်သည်။

အဖွင့်ဂိုးကို အဲဗာတန်အသင်းက ပထမိုင်း ၈ မိနစ်တွင် ရရှိခဲ့သည်။ ထိုဂိုးအား ကီဗင် မီရာလာစ်က အနိမ့်ကန်သွင်းယူခဲ့ခြင်းဖြစ်သည်။ သို့သော်လည်း မိနစ် ၃၀ တွင် ဧည့်သည်အသင်းက ချေပဂိုးပြန်လည်ရရှိခဲ့ပြီး ယန်နစ် ဆဂ်ဘိုက သွင်းယူပေးခဲ့သည်။ အဲဗာတန်အသင်းအတွက် အနိုင်သေချာစေမည့်ဂိုးကို ၅၇ မိနစ်တွင် စတီဗင် ပီးနားက သွင်းယူပေးခဲ့သည်။
………………………………..

မန်ယူ ၁-၁ ဆောက်သက်တမ်

ဒေးဗစ်မိုယက်စ်၏ မန်ယူအသင်းမှာ ယခုနှစ်ပရီးမီးယားလိဂ်တွင် ယခုအချိန်အထိ နောက်တန်းအကောင်းဆုံးအသင်းဖြစ်သော ဆောက်သက်တမ်အသင်းအား အနိုင်ကစားနိုင်ခြင်းမရှိခဲ့ဘဲ အိမ်ကွင်းတွင် သရေတစ်မှတ်ဖြင့်သာ ကျေနပ်ခဲ့ရသည်။

၁ဂိုးစီ သရေကျခဲ့သော အဆိုပါပွဲတွင် အဖွင့်ဂိုးကို မန်ယူအသင်းက ၂၆ မိနစ်တွင် ဗန်ပါစီ၏ ကန်သွင်းမှုဖြင့် ရရှိခဲ့သော်လည်း ၈၉ မိနစ်တွင် အဒမ်လာလ်နာက ဆောက်သက်တမ် အသင်းအတွက် အဖိုးတန်ချေပဂိုးကို သွင်းယူပေးနိုင်ခဲ့သည်။
…………………………………

ဆွမ်ဆီး ၄-၀ ဆန်ဒါးလန်း

ဆွမ်းဆီးအသင်းမှာ နည်းပြသစ်ဖြင့် ပွဲထွက်လာသည့် ဆန်ဒါလန်းအသင်းအား အိမ်ကွင်း လေဘာတီတွင် ၄ ဂိုး ဂိုးမရှိဖြင့် အနိုင်ရရှိခဲ့သည်။

ပထမပိုင်းတစ်ပိုင်းလုံးတွင် ဆွမ်ဆီးအသင်းမှာ ဂိုးသွင်းယူနိုင်ခြင်းမရှိဘဲ ဒုတိပိုင်း ၅၇ မိနစ်တွင်မှ ဆန်းဒါလန်းကစားသမား ဖီလ် ဘာဒ်စလေ၏ ကိုယ့်ဂိုးကိုယ် သွင်းမှုကြောင့် ဂိုးစရခဲ့သည်။ ဂိုးစရပြီးနောက် တစ်မိနစ်အကြာတွင်ပင် ဂျိုနသန် ဒီ ဂုဇ်မန်က ဒုတိယဂိုးသွင်းယူနိုင်ခဲ့ပြီး ၆၄ မိနစ်တွင် ပင်နယ်တီမှတစ်ဆင့် ဘိုနီက
တတိယဂိုး၊ မိနစ် ၈၀ တွင် ချီကိုက စတုတ္ထဂိုး အသီးသီးသွင်းယူပေးခဲ့သည်။
……………………………..

စတုတ်စီးတီး ၀-၀ ၀က်စ်ဘရွန်း

မန်အသင်းအား အဝေးကွင်းတွင် အနိုင်ကစားနိုင်ခဲ့ပြီး အာဆင်နယ်အသင်းအား ဦးဆောင်ဂိုးသွင်းကာ အိမ်ကွင်းတွင်သရေကစားနိုင်ခဲ့သည့် ၀က်စ်ဘရွန်းအသင်းမှာ စတုတ်စီးတီးအသင်း၏ အိမ်ကွင်း ဘရစ်တားနီးယားတွင်ကစားခဲ့သည့် ယခုပွဲတွင် သရေတစ်မှတ်သာရရှိခဲ့သည်။ ထိုပွဲမှာ မည်သူမျှ ဂိုးသွင်းနိုင်ခြင်းမရှိဘဲ ဂိုးမရှိ သရေဖြင့် ပြီးဆုံးခဲ့သည်။
goal

http://www.goal.com/en/match/109283/man-utd-vs-southampton/report#
______________________

မန်စီးတီး အနိုင်ရရှိခဲ့တဲ့ ပရီးမီးယားလိဂ် ပွဲစဉ်-၈

ပပရီးမီးယားလိဂ်ပွဲစဉ်-၈ စနေနေ့ည နောက်ဆုံးပွဲစဉ်အဖြစ် ၀က်စ်ဟမ်းအသင်း နှင့် မန်စီးတီးအသင်းတို့ ၀က်စ်ဟမ်းအသင်း၏ အိမ်ကွင်း အက်ပ်တန်ပါ့က်တွင် ကစားခဲ့ကြပြီး ဧည့်သည့် မန်စီးတီးအသင်းက ၃-ဂိုး ၁-ဂိုးဖြင့် အနိုင်ရရှိခဲ့ သည်။

ဝက်စ်ဟမ်းအသင်းမှာ ပြီးခဲ့သည့်တစ်ပါတ်က ခြေစွာနေသည့် အဲဗာန်တန် အသင်းအား ၃-ဂိုးပြတ်ဖြင့် အနိုင်ရရှိခဲ့သည့် လူစာရင်းအတိုင်း ပွဲထွက်လာခဲ့ သော်လည်း အဖွင့်ဂိုးကို မန်စီးတီးက စတင်ရရှိခဲ့ပြီး ၁၆-မိနစ်တွင် အာဂျင်တိုင်း တိုက်စစ်မှူး အဂူရိုကသွင်းယူပေးခဲ့ခြင်းဖြစ်သည်။ ထို့နောက် ကျန်ရှိနေသည့် ပထမပိုင်းမိနစ်များတွင် အိမ်ရှင်
ဝက်စ်ဟမ်းအသင်းက အပိုင်ဂိုးသွင်း ခွင့် တစ်ကြိမ်နှင့် မန်စီးတီးအသင်းက အပိုင်ဂိုးသွင်းခွင့် ၂-ကြိမ်ခန့်ရရှိခဲ့ သော်လည်း ဂိုးအဖြစ်မပြောင်းလဲနိုင်ခဲ့ပေ။

ဒုတိယပိုင်းတွင်လည်း မန်စီတီးအသင်းက ကစားကွက် အသာဖြင့် ကစားနိုင်ခဲ့ပြီး ၅၁ မိနစ်တွင် အဂူရိုကပင် ဒုတိယဂိုးသွင်းယူပေးခဲ့သည်။ ၅၈ မိနစ် တွင် ၀က်စ်ဟမ်းမှ ရီကာဒို ဗက်ဇ်တီက ချေပဂိုးပြန်သွင်းခဲ့သော်လည်း မိနစ် ၈၀ တွင် ဒေးဗစ်ဆေးလ်ဗားက မန်စီးတီးအတွက် နောက်ဆုံးပိတ်အနိုင်ဂိုးကို သွင်းကာ အဖိုးတန် သုံးမှတ်ကို ရယူသွားခဲ့သည်။

ယခုပွဲအနိုင်ကြောင့် မန်စီတီးအသင်းမှာ ပရီးမီးယားလိဂ်ဇယား အဆင့်လေး နေရာသို့ရောက်ရှိလာခဲ့ပြီး၊ အဂူရိုဂိုးသွင်းသည့် ၃၁ ပွဲတွင် ၂၉ ပွဲအနိုင် ရရှိသည့် ထူးခြားသည့် စံချိန်တစ်ခုကိုလည်း တင်သွားနိုင်ခဲ့သည်။
goal
______________________

အောက်တိုဘာ၊ ၁၉
M-Media

ခြေစွမ်းပြနေသည့်တောင်းဆန် စပါးနှင့် သက်တမ်းတိုးစာချုပ် ချုပ်ဆို

စပါးအသင်း၏ အကယ်ဒမီမှထွက်ပေါ်လာခဲ့ပြီး စပါးအသင်းကြီးနှင့် အင်္ဂလန် လက်ရွေးစင်အသင်းတို့တွင် ခြေစွမ်းပြနေသည့် ကွင်းလယ်လူ တောင်းဆန်မှာ စပါးအသင်းနှင့် သက်တမ်းတိုး စာချုပ် ချုပ်ဆို လိုက်ပြီဟုသိရသည်။

ပြီးခဲ့သည့်ရာသီက ကျူပီအာ အသင်းသို့အငှားဖြင့် သွားရောက်ကစားခဲ့သည့် အသက် ၂၂ နှစ်အရွယ်ရှိတောင်းဆန်မှာ စပါးအသင်းနှင့် ၄ နှစ်သက်တမ်းတိုး စာချုပ် ချုပ်ဆိုခဲ့ခြင်းဖြစ်သည်။

တောင်းဆန်မှာ ယခုရာသီတွင် စပါးအသင်းတွင် ပုံမှန်နေရာ ရရှိနေပြီး အသင်းအတွက် ကစားထားသည့် ၈ ပွဲတွင် ၁ ဂိုးသွင်းယူထားကာ သုံးဂိုး ဖန်တီးပေးနိုင်ခဲ့သည်။
Ref: Goal.com
……………………………………….
ရူနီမှာ မန်ယူအသင်း၏ အဓိကကစားသမားဖြစ်သည်ဟု မိုယက်စ်ပြော

တိုက်စစ်မှူး ရူနီမှာ မန်ယူအသင်း၏ အရေးပါသောကစားသမားတစ်ဦးဖြစ်ပြီး ၎င်း၏ခြေစွမ်းများအရ လာမည့်နှစ်နွေရာသီအပြောင်းအရွှေ့တွင်လည်း အသင်းမှထွက်ခွာခွင့်ပြုလိမ့်မည်မဟုတ်ဟု မန်ယူအသင်း၏ နည်းပြဖြစ်သူ ဒေးဗစ်မိုယက်စ်က ပြောကြားလိုက်သည်။

ပြီးခဲ့သည့် နွေရာသီအပြောင်းအရွှေ့က ချယ်ဆီးမှခေါ်ယူရန် အလွန်အမင်း စိတ်ဝင်စားခဲ့သော်လည်း ခေါ်ယူနိုင်ခြင်းမရှိခဲ့သည့် ရူနီမှာ ယခုအချိန်အထိ မန်ယူအသင်းနှင့် သက်တမ်းတိုးစာချုပ်အတွက် ဆွေးနွေးရန် ငြင်းဆန်နေဆဲဖြစ်သည်။

ရူနီ၏ ရင့်ကျက်လာမှုက သူ၏စွမ်းဆောင်ရည်အား တိုးတက်စေသည်ဟု ယုံကြည်နေသည့် မိုယက်စ်က “သူရဲ့ကစားသမားသက်တမ်းမှာ အကောင်းဆုံး အချိန်ကိုရောက်နေပြီး မန်ယူအတွက် အဓိက ကစားသမားတစ်ဦးပါပဲ။ သူဟာ တာဝန်ယူနိုင်တယ်၊ အသင်းအတွက် လိုအပ်တဲ့ဂိုးတွေသွင်းနိုင်တယ်။ ပြီးတော့ ငယ်ငယ်ကတည်းကလည်း သူဟာ ဒီလိုပါပဲ” ဟု သတင်းထောက်များအား ပြောကြားခဲ့သည်။

ရူနီမှာ ယခုနှစ်တွင် မန်ယူအသင်းအတွက် ပြိုင်ပွဲအရပ်ရပ်တွင် ၁၁ ပွဲကစားပေးထားပြီး ၇ ဂိုးသွင်းယူပေးထားသည်။

……………………………………….
ATP Erste Bank Open တင်းနစ်ပြိုင်ပွဲ ဆီမီးဖိုင်နယ်သို့ ဆွန်ဂါတက်ရောက်

သြစတြီးယားနိုင်ငံ ဗီယင်နာမြို့တွင်ကျင်းပပြုလုပ်နေသည့် ATP Erste Bank Open တင်းနစ်ပြိုင်ပွဲဆီးမီးဖိုင်နယ်သို့ ပြင်သစ်တင်းနစ်သမား ဂျိုး ၀ိုင်းလ်ဖရိုင်း ဆွန်ဂါ တက်ရောက်သွားပြီဟုသိရသည်။

နိုင်ခြေအဆင့် ၁ ရရှိခဲ့သည့် ဆွန်ဂါမှာ အိမ်ရှင်တင်းနစ်သမား  ဒိုမီနစ်သီယမ်အား အကြိတ်အနယ်ကစားခဲ့ကာ အနိုင်ရရှိခဲ့သောကြောင့် ဆီမီးဖိုင်နယ်သို့ တက်ရောက်ခွင့်ရခဲ့ခြင်းဖြစ်သည်။ ၂ နာရီနှင့် ၁၅ မိနစ်ကြာမြင့်ခဲ့သည့် အဆိုပါပွဲစဉ်တွင် ဆွန်ဂါက ၆-၄၊ ၃-၆၊ ၇-၆(၇-၃) ဖြင့် အနိုင်ရရှိခဲ့ခြင်းဖြစ်သည်။

“သူ(ဒိုမီနစ်)ဟာ ငယ်ရွယ်တဲ့ကစားသမားဖြစ်ပြီး သူ့ပရိတ်သတ်အရှေ့မှာ ကစားရတဲ့အတွက် အခြေအနေကောင်းခဲ့ပါတယ်။ ကျွန်တော်အနေနဲ့ ပြင်းပြင်းထန်ထန်ကစားခဲ့ရတာပါ။ ကျွန်တော်ဟာ ကမ္ဘာ့ဆင့် ၁၀ ၀င်တဲ့ ကစားသမားတစ်ဦးဖြစ်ပြီး ဒီလိုပွဲမျိုးကို နိုင်အောင်ကစားဖို့ဆိုတာ ကျွန်တော့်အလုပ်ပါ ” ဟု ဆွန်ဂါက ပွဲအပြီးတွင်ပြောကြားခဲ့သည်။

ဆွန်ဂါမှာ ဆီမီးဖိုင်နယ်တွင် အီတလီတင်းနစ်အကျော်အမော် ဖေဘီယို ဖော့ဂ်နီနီအား အနိုင်ကစားနိုင်ခဲ့သည့် ဒခ်ျ တင်းနစ် သမား ရော်ဘင်ဟေ့စ်နှင့် တွေ့ဆုံ ယှဉ်ပြိုင်ရမည်ဖြစ်သည်။

……………………………..
အရှေ့အလယ်ပိုင်း ခရီးကြမ်းကားမောင်းပြိုင်ပွဲအား အီရန် လက်ခံကျင်းပမည်

ကားမောင်းအားကစားနည်းမှာ အီရန်နိုင်ငံတွင် တစ်စထက်တစ်စ လူကြိုက်များလာပြီး ပထမဦးဆုံးအကြိမ်ဖြစ် ခရီးကြမ်းကားမောင်းပြိုင်ပွဲအား ကျင်းပရန် အီရန်နိုင်ငံက စီစဉ်နေသည်ဟုသိရသည်။

အီရန်မော်တော်ဆိုင်ကယ်နှင့် ကားမောင်းအဖွဲ့ချုပ်(MAFIRI)က အရှေ့အလယ်ပိုင်းနိုင်ငံ များပါဝင်မည့် ကားမောင်းပြိုင်ပွဲတစ်ရပ်ကို ကျင်းပမည်ဟု ယမန်နေ့က ပြောကြားခဲ့သည်။ နိုင်ငံတကာ စက်တပ်ယာဉ်များအဖွဲ့ချုပ်(FIA) ၏ ဒုတိယဥက္ကဌ မိုဟာမက်ဘင် ဆူလေမန်၊ ယူအေအီးကားမောင်းကလပ် (ATCUAE)မှ ဥက္ကဌနှင့် MAFIRI တို့ ယမန်နေ့က ဒူးဘိုင်းတွင်ပြုလုပ်ခဲ့သည့် အစည်းအဝေးတွင် ပြိုင်ပွဲအား အီရန်နိုင်ငံ၌ ကျင်းပရန် သဘောတူညီခဲ့ခြင်းဖြစ်သည်။

ထိုပြိုင်ပွဲအား မြို့တော်တီဟီရန်၏တောက်ဘက် ၉၁၉ ကီလိုမီတာအကွာရှိ ရှီရက်ဇ်မြို့တွင် ကျင်းပရန်စီစဉ်ထားပြီး၊ အီရန်နိုင်ငံ၏ သမိုင်းဝင်ပြိုင်ပွဲတစ်ခုဖြစ်လာမည့် ထိုပွဲအတွက် ပြိုင်ပွဲကျင်းပရေးကော်မတီကလည်း လိုအပ်သောဆောင်ရွက် မှုများကို လုပ်ဆောင်လျက်ရှိသည်ဟု သိရသည်။

အောက်တိုဘာ ၁၈၊ ၂၀၁၃
M-Media

ဂျိုအာချင်းလို ဂျာမနီနှင့် သက်တမ်းတိုးပြီ

ဂျာမနီအသင်း၏ နည်းပြဖြစ်သူ ဂျိုအာချင်းလိုမှာ အသင်းနှင့် သက်တမ်းတိုး စာချုပ်ချုပ်ဆိုရန် ဆုံးဖြတ်ခဲ့သည်ဟုသိရသည်။ ၂၀၁၄ ကမ္ဘာ့ဖလားပွဲအပြီးတွင် အသင်းနှင့် သက်တမ်းကုန်ဆုံးမည့် ဂျိုအာချင်းလိုမှာ ဂျာမနီဘောလုံးအဖွဲ့ချုပ်နှင့် ၂ နှစ်သက်တမ်းတိုးစာချုပ် ချုပ်ဆိုသွားမည်ဖြစ်ပြီး ၂၀၁၆ခုနှစ်အထိ အသင်းတွင် ဆက်ရှိနေမည် ဖြစ်သည်။

ဂျာမနီနည်းပြဟောင်း ကလင်းစမန်း၏ လက်ထောက်အဖြစ်မှ ၂၀၀၆ ခုနှစ်တွင် နည်းပြအဖြစ်ဆောင်ရွက်ခဲ့သည့် အသက် ၅၃ နှစ်အရွယ်ရှိပြီဖြသည့် ဂျိအာချင်းလိုမှာ ဂျာမနီအသင်းအား ၂၀၀၈ ဥရောပဖလား ဗိုလ်လုပွဲ၊ ၂၀၁၀ ကမ္ဘာ့ဖလားနှင့် ၂၀၁၂ ဥရောပဖလားတို့တွင် ဆီးမီးဖိုင်နယ်သို့ ပို့ဆောင်ပေးနိုင်ခဲ့သည်။

ဂျာမနီအသင်းမှာ ဖီဖာ၏ ကမ္ဘာ့အဆင့်သတ်မှတ်ချက်တွင် အဆင့် ၂ နေရာရှိနေပြီး လာမည့် ၂၀၁၄ ကမ္ဘာ့ဖလားပြိုင်ပွဲကိုလည်း တိုက်ရိုက်ဝင်ခွင့်ရရှိထားသည်။
goal
__________________________

အာဆင်နယ်အသင်းအောင်မြင်နိုင်မည့် အချက်သုံးချက်ကို ၀င်းဂါးထုတ်ဖော်

အာဆင်နယ်အသင်း၏နည်းပြဖြစ်သူ အာဆင်ဝင်းဂါးက အာဆင်နယ်အသင်း ဖလားများစွာကို ဆွတ်ခူးစေနိုင်မည့် အချက်သုံးချက်ကို ထုတ်ဖော်ပြောဆို လိုက်သည်။

ထိုသုံးချက်မှာ (၁) အသင်း၏ကစားပုံ၊ (၂) လူငယ်ကစားသမားများကို ပျိုးထောင်ပေးခြင်းနှင့် (၃) ကစားသမားကောင်းများကို ခေါ်ယူရန် ဆုံးဖြတ်ခြင်း တို့ဖြစ်သည်။ ၀င်းဂါးမှာ အာဆင်နယ်အသင်း၏ ၈ နှစ်ကြာ ဖလားလက်မဲ့ဖြစ်နေမှုကို ယခုနှစ်တွင် အဆုံးသတ်နိုင်မည်ဟု ယုံကြည်နေကြောင်းနှင့် ပရီးမီးယားလိဂ်ကို အဓိကထားရယူသွားမည် ဖြစ်ကြောင်း ယမန်နေ့ကပြုလုပ်ခဲ့သည့် အဆင်နယ်အသင်း၏ နှစ်ပတ်လည် အစည်းအဝေးတွင် ပြောကြားခဲ့သည်။

“တကယ်တော့ ပရီးမီးယားလိဂ်ကို ပြန်လည်ရယူဖို့ကျွန်တော်တို့မှာ ကြီးမားတဲ့ ရည်ရွယ်ချက်ရှိပြီး ဒါဟာ ကျွန်တော်တို့ရဲ့ ဒီနှစ်ပစ်မှတ်ပါ။ မေလကုန်မှာ ကျွန်တော်တို့ ပျော်ရွှင်ရမယ်လို့ ကျွန်တော်ယုံကြည်ပါတယ်” ဟု ၀င်းဂါးက ထို အစည်းအဝေးတွင် ပြောကြားခဲ့သည်။

ထို့ပြင် အသင်းကစားပုံ၊ နည်းစနစ်နှင့် အသင်း၏ တန်ဖိုးတို့ကို ဆက်လက်ထိန်းသိမ်းထားရန်နှင့် အသင်း၏ကိုယ်ပိုင် လူငယ်ကစားသမားများကို ပျိုးထောင်ပေးရန်လိုကြောင်း၊ ထိုလူငယ်ကစားသမားများကသာ အသင်း၏ အသက်ဖြစ်လာမည်ဖြစ်ကြောင်း ၀င်းဂါးက ထပ်လောင်းပြောကြားခဲ့သည်။
mirror
__________________________
မန်စီးတီးအသင်းမှထွက်ခွာတော့မည်ဆိုသည့် ကောလဟာလများအား ရစ်ချက်ငြင်းဆို

ယခုနှစ်ရာသီတွင် နှစ်ပွဲသာကစားထားရပြီး ဒူးနှင့် တံကောက်ကြောဒဏ်ရာကြောင့် အနားယူနေရကာ ယခုအခါ ပြန်လည် သက်သာလာသည့် မန်စီးတီးနောက်ခံလူ မီကာရစ်ချတ်က ၎င်းအနေဖြင့် မန်စီးတီးအသင်းတွင်ပင် ဆက်လက်ရှိနေမည်ဟု ဆုံးဖြတ်ထားကြောင်း ပြောဆိုလိုက်သည်။

ချန်ပီယံလိဂ်နှင့် ကပီတယ်ဝမ်းဖလားပြိုင်ပွဲတို့တွင် တစ်ပွဲစီကစားထားပြီး ယခုနှစ် ပရီးမီးယားလိဂ်တွင် တစ်ပွဲမှမကစားရသေးသည့် ရစ်ချတ်မှာ အသင်းမှထွက်ခွာတော့မည်ဟု သတင်းများထွက်ပေါ်နေသောကြောင့် ဤကဲ့သို့ ပြောဆိုလိုက်ခြင်းဖြစ်သည်။

“နည်းပြရဲ့အစီအစဉ်ကို ကြည့်ချင်တယ်လို့ ရာသီအစတုန်းက ကျွန်တော်ပြောခဲ့ပါတယ်။ ကျွန်တော်ဟာ သူ့ရဲ့အစီအစဉ်ထဲမှာ ပါနေတယ်လို့ သူ့ကကျွန်တော့်ကိုပြောပါတယ်။ ဒါ့ကြောင့် အနာဂတ်ကို ကျွန်တော်တို့ ရှေ့ရှုရပါမယ်။ မန်စီတီးမှာကျွန်တော်ပျော်ပါတယ်” ဟု ဗြိတိန် အားကစားချန်နယ်တစ်ခုဖြစ်သည့် BT Sport သို့ ရစ်ချတ်က ပြောကြားခဲ့သည်။
goal
__________________________
ဝုဇ်နီအက်ကီ၊ ဆိုလိန်းစတီဖင်နှင့် လီစစ်ကီတို့ ကွာတားသို့တက်ရောက်သွားခဲ့ကြသည့် WTA Luxembourg Open တင်းနစ်ပြိုင်ပွဲ

ကျင်းပလျက်ရှိသည့် Luxembourg Open အိုးပင်းတစ်နစ်ပြိုင်ပွဲတွင် နိုင်ခြေအဆင့် ၁ ရ ဒိန်းမတ်တင်းနစ်မယ် ကာရိုလိုင်း ၀ုဇ်နီအက်ကီ၊ အမေရိကန် နာမည်ကြီးတင်းနစ်မယ် ဆိုလိန်းစတီဖင်နှင့် ဂျာမန်တင်းနစ်မယ် ဆာဘိုင်း လီစစ်ကီတို့မှာ ကွာတာဖိုင်နယ်သို့ အသီးသီးတက်ရောက်သွားကြသည်ဟု သိရသည်။

ဝုဇ်နီအက်ကီမှာ ရိုမေးနီယားတင်းနစ်မယ် မိုနီကာ နီကူလက်စ်ကူအား အနိုင်ရရှိကာ ကွာတားသို့တက်ရောက်နိုင်ခဲ့ခြင်းဖြစ်သည်။ ၁ နာရီ ၄၈ မိနစ် ကြာမြင့်သည့် အဆိုပါပွဲတွင် ၀ုဇ်နီအက်ကီက ၆-၃၊ ၆-၂ဖြင့် နှစ်ပွဲပြတ် အနိုင်ရရှိခဲ့ခြင်းဖြစ်သည်။

နိုင်ခြေဒုတိယအဆင့်ရှိ ဆိုလိန်းစတီဖင်မှာလည်း သြစတြီးယားတင်းနစ်မယ် အီဗွန် မြူစ်ဘာဂါအား ၇-၅၊ ၆-၄ ဖြင့်အနိုင်ရရှိခဲ့ပြီး ကွာတားဖိုင်နယ်တွင် ဆွဇ်ဇလန်တင်းနစ်မယ် စတီဖာနီ ဗိုဂီလီနှင့် ယှဉ်ပြိုင်ကစားရမည်ဖြစ်သည်။

လီစစ်ကီမှာ ချက်တင်းနစ်မယ် တီရီဇာ စမစ်ကိုဗာနှင့်ယှဉ်ပြိုင်ကစားခဲ့ရခြင်းဖြစ်ပြီး ၆၂ မိနစ်သာကြာမြင့်သည့် အဆိုပါပွဲတွင် လီစစ်ကီက ၆-၄၊ ၆-၀ ဖြင့် နှစ်ပွဲပြတ်အနိုင်ရရှိခဲ့သည်။

ကွာတားဖိုင်နယ်တွင် ၀ုဇ်နီအက်ကီမှာ ဆားဘီးယားတင်းနစ်မယ် ဘိုဂျာနာ ဂျိုဗန်နော့စကီးနှင့်တွေ့ဆုံရမည်ဖြစ်ပြီး လီစစ်ကီမှာ ဂျာမန်တင်းနစ်မယ် ကရစ်ကေနပ်နှင့် ယှဉ်ပြိုင်ရမည်ဖြစ်သည်။
skysports
__________________________

ဗြိတိန်ဂုဏ်ထူးဆောင်ဘွဲ့အား အန်ဒီမာရေးရယူ

ဗြိတိန်တင်းနစ်အကျော်အမော် အန်ဒီမာရေးမှာ ဗြိတိန်ဘုရင်မကြီးက ချီးမြှင့်သော ဗြိတိန်ဂုဏ်ထူးဆောင် OBE ဘွဲ့ကို ယမန်နေ့က ရယူခဲ့သည်ဟု သိရသည်။

တင်နစ်လောကတွင် မာရေး၏အောင်မြင်မှုများကြောင့် ပေးအပ်သည့် အဆိုပါ ဘွဲ့ချီးမြှင့်ခြင်းအခမ်းအနားအား ဘက်ကင်ဟမ်နန်းတော်တွင် ယမန်နေ့ကကျင်းပပြုလုပ်ခဲ့ခြင်းဖြစ်ပြီး ယခုနှစ် ၀င်ဘယ်လ်ဒန်ချန်ပီယံ အန်ဒီမာရေးမှာ တားမြစ်ဆေး စစ်ဆေးခံနေရသည့်အတွက်ကြောင့် ထိုပွဲသို့ အနည်းငယ် နောက်ကျမှ ရောက်ရှိလာခဲ့သည်။

ထို့ပြင် ဗြိတိန်တော်ဝင်လေတပ်တွင်တာဝန်ထမ်းဆောင်ပြီး ပြီးခဲ့သည့်တစ်ပါတ်ကမှ ထွက်လာခဲ့သည့်မာရေးအား ကမ်းဘရစ်ဂ်ျ မြို့စားဘွဲ့ကိုလည်း ချီးမြှင့်ခဲ့သေးသည်။

အခမ်းအနားအပြီး ဘီဘီစီနှင့် အင်တာဗျူးတွင် မာရေးက ထိုကဲ့သို့ ဘွဲ့တံဆိပ်များ ချီးမြှင့်ခြင်းခံရမှုအတွက် အလွန်ပျော်ရွှင်မိကြောင်း ပြောကြားခဲ့သည်။
bbc
__________________________

အောက်တိုဘာ ၁၇၊ ၂၀၁၃
M-Media

ပုံမှန်နေရာအတွက် ဘိုင်ယန်တွင် ယှဉ်ပြိုင်ရခြင်းကို ကြောက်ရွံ့ခြင်းမရှိဟု ရာဖင်ဟာဆို

အသင်းရှိဝါရင့်ညာနောက်ခံလူဖီလစ်လမ်း၏ နေရာအား ရယူရန်မျှော်လင့်ချက်အတွက် စိုးရိမ်နေမည်မဟုတ်ဟု ဖွင့်ဟခဲ့ပြီး၊ နိုင်ငံအသင်းတွင်ကစားခွင့်ရရေးအတွက် စိတ်ဝင်စားမှုမရှိဟု ပြောကြားခဲ့သည်။

ဘိုင်ယန်အသင်းသို့ နည်းပြသစ်ဂွာဒီယိုလာ ရောက်ရှိလာပြီးကတည်းက အသင်းရှိအလယ်တန်းကစားသမားများမှာ ဒဏ်ရာပြဿနာများနှင့် ရင်ဆိုင်နေရသောကြောင့် အသင်း၏ညာနောက်ခံလူ ဖီလစ်လမ်းက အလယ်တန်းတွင် တက်ရောက်ကစားခဲ့ရပြီး ရာဖင်ဟာမှာ ပုံမှန်နေရာရခဲ့သည်။ သို့သော် ယခုအချိန်တွင် ဒဏ်ရာရကစားသမား များမှာ ပြန်လည်ကြံ့ခိုင်လာပြီဖြစ်သောကြာင့် ရာဖင်ဟာမှာ အရန်ခုံတွင် ပြန်လည်ထိုင်နေရဖွယ်ရှိနေသည်။

ဖြစ်လာသောစိန်ခေါ်မှုများအား ရင်ဆိုင်ရန်အသင့်ရှိနေသည့် ရာဖင်ဟာက “လူတိုင်းဟာ ကျွန်တော်တို့အသင်းမှာ ပါဝင်ခွင့်မရနိုင်ပါဘူး။ ဘိုင်ယန်အသင်းရဲ့ အရန်ခုံမှာ ထိုင်ရတာ ရှက်စရာမဟုတ်တဲ့အတွက် ကျွန်တော်ကြောက်ရွံ့နေမှာမဟုတ်ပါဘူး။ တစ်ပွဲလုံးပဲကစားရ ကစားရ၊ ငါးမိနစ်ပဲ ကစားရကစားရ အသင်းအတွက် ကျွန်တော် အပြည့်အ၀ ပေးဆပ်သွားမယ်ဆိုတာကို ကတိပေးပါတယ်” ဟု ရာဖင်ဟာက ဂျာမနီသတင်းစာတစ်စောင်ဖြစ်သည့် Bild သို့ ပြောကြားခဲ့သည်။
goal
______________________

အာဆင်နယ်မှာ ဖလားများစွာကို ဆွတ်ခူးနိုင်မည်ဟု မွန်ရီယဲလ်ဆို

ရာသီအစ ကောင်းမွန်သောစွမ်းဆောင်ရည်များက ရှေ့တွင်လာမည့် များစွာသောစိန်ခေါ်မှုများအတွက် အဆင်သင့်ဖြစ်စေပြီး အသင်းမှာ ဖလားများစွာကို စိန်ခေါ်နိုင်သူ အစစ်ဖြစ်လာလိမ့်မည်ဟု ယုံကြည်ကြောင်း အာဆင်နယ်အသင်း၏ စပိန်ကစားသမား မွန်ရီယဲလ်က ပြောဆိုလိုက်သည်။

အာဆင်နယ်အသင်းမှာ ယခုနှစ်ရာသီတွင်ပုံစံကောင်းများရရှိနေပြီး ပရီးမီးယားလိဂ်နှင့် ချန်ပီယံလိဂ်တို့တွင် ထိပ်ဆုံးနေရာ၌ ရှိနေသည်။

“ဖလားတစ်လုံးလို့ကျွန်တော်မပြောပါဘူး။ ဖလားအနည်းငယ်ပါ။ ရရှိဖို့ တကယ့်ကိုခက်ခဲ့တဲ့ဖလားတွေပါ။ (အာဆင်နယ်အသင်းရရှိမယ်လို့ ယုံကြည်ပါတယ်) ကျွန်တော်တို့ ဇယားထိပ်ဆုံမှာရှိတယ်။ စောသေးပေမယ့် ပွဲတိုင်းကိုကျွန်တော်တို့အကောင်းဆုံး ကစားသွားမယ်။ ပြီးတော့ နောက်ဆုံးမှာ ချန်ပီယံဖြစ်လိမ့်မယ်လို့ ကျွန်တော်မျှော်လင့်ပါတယ်” ဟု မွန်ရီယဲလ်၏ ပြောကြားမှုကို အာဆင်နယ်အသင်းဝဘ်ဆိုဒ်တွင် ဖော်ပြထားသည်။

မွန်ရီယဲလ်မှာ အာဆင်နယ်အသင်းသို့ ယခုနှစ်ဇန်န၀ါရီအပြောင်းအရွှေ့က မာလာဂါအသင်းမှ ပြောင်းရွှေ့လာခဲ့ခြင်းဖြစ်ပြီး အာဆင်နယ်သို့ အကောင်းဆုံး အချိန်တွင် ပြောင်းရွှေ့လာခြင်းဖြစ်သည်ဟု သူက ယူဆနေသည်။
goal
____________________

ဗလင်စီယာနောက်ခံလူ ရာမီ အေစီမီလန်သို့ပြောင်းရွှေ့တော့မည်

ဗလင်စီယာအသင်းတွင် ပုံမှန်နေရာမရရှိခြင်းမရှိသည့် နောက်ခံလူး အဒီလ် ရာမီမှာ လာမည့်ဇန်န၀ါရီအပြောင်းအရွှေ့ဈေးကွက်ဖွင့်ချိန်တွင် အေစီမီလန်အသင်းသို့ ပြောင်းရွှေ့တောမည့်ဟု ဗလင်စီယာအသင်းက အတည်ပြုပြောဆိုခဲ့သည်။

ဗလင်စီယာအသင်း၏ ယခုနှစ်ရာသီအစ ရလဒ်များမှာ ကောင်းမွန်ခြင်းမရှိဘဲ လေးပွဲဆက်တိုက်ရှုံးနိမ့်ထားပြီး အသင်း၏ ဆိုးရွားသောရလဒ်များနှင့် ပက်သက်၍ ရာမီက Spanish ရေဒီယိုသို့ အသင်းနည်းပြ မီရိုဆလဗ် ဂျူကစ်အား ဝေဖန်ပြစ်တင်သည့်ှမှက်ချက်များပေးခဲ့သောကြောင့် တစ်ပါတ်လုပ်ခ ဖြတ်တောက်ခံခဲ့ရပြီး အသင်းတွင်လည်း ပါဝင်ကစားခွင့်မရရှိခဲ့ပေ။ ထို့ကြောင့် အေစီမီန်လန်သင်းသို့ ပြောင်းရွှေ့ရန် စီစဉ်ခဲ့ခြင်းဖြစ်သည်။ ရာမီမှာ ယခုအချိန်တွင် အေစီမီလန်အသင်းနှင့် လေ့ကျင့်ခန်းဆင်းနေသော်လည်း လာမည့် ဇန်န၀ါရီလတွင်မှ မီလန်အတွက် ကစားပေးနိုင်မည်ဖြစ်သည်။

ပြင်သစ်နိုင်ငံသား ရာမီမှာ ၂၀၁၁ ခုနှစ်က ပြင်သစ်ကလပ်လိုင်လီအသင်းမှ ဗလင်စီယာအသင်းသို့ပြောင်းရွှေ့လာခဲ့ခြင်းဖြစ်သည်။
goal
____________________

Kremlin Cup တင်းနစ်ပြိုင်ပွဲ ကွာတားသို့ တစ်ကျော့ပြန်တင်းနစ်မယ် အလီဆာတက်ရောက်

ရုရှား၌ကျင်းပပြုလုပ်နေသည့် WTA Kremlin Cup တင်းနစ်ပြိုင်ပွဲတွင် အိမ်ရှင်တင်းနစ်မယ် အလီဆာ ကလီဘန်နိုဘာမှာ ကွာတားဖိုင်နယ်သို့ တက်ရောက်သွားပြီဟု သိရသည်။

အလီဆာမှာ ဒုတိယအဆင့်တွင် နိုင်ခြေအဆင့် ၆ သတ်မှတ်ခြင်း ခံထားရသည့် စပိန်တင်းနစ်မယ် ကာရ်လာ ဆွာရက်ဇ် နာဗာရိုနှင့် ယှဉ်ပြိုင်ခဲ့ရခြင်းဖြစ်ပြီး အကြိတ် အနယ် ကစားကာ ၇-၆၊ (၇-၂)၊ ၆-၄ ဖြင့် အနိုင်ရရှိခဲ့သည်။

တင်းနစ်ကစားသမားသက်တမ်းတစ်လျှောက် ပြိုင်ပွဲနှစ်ပွဲတွင်သာ အနိုင်ရဗိုလ်စွဲဖူးသည့် အလီဆာမှာ ၂၀၁၁ ခုနှစ်ကတည်းက ကင်ဆာရောဂါကို ခံစားခဲ့ရပြီး ယခုနှစ် တွင်မှ တင်းနစ်ပြန်လည်ကစားခဲ့ခြင်းဖြစ်သည်။

“ကျွန်မ အမြဲတမ်း ကာရ်လာနဲ့ ကစားချင်ပါတယ်။ ပြီးတော့ ဒီနေ့ပွဲဟာလည်း တော်တော်ခက်ခဲမယ်ဆိုတာလည်း ကျွန်မသိခဲ့ပါတယ်။ ဒါပေမယ့် ဒီနေ့ပွဲရဲ့ အရေးကြီးဆုံး အချိန်တွေမှာ ကျွန်မဟာ ကာရ်လာထက် ပိုမိုတိကျစွာ ကစားနိုင်ခဲ့တာကြောင့် အခုလို အနိုင်ရရှိခဲ့တာပါ” ဟု အလီဆာက ပွဲအပြီးတွင်ပြောကြားခဲ့သည်။

အခြားဒုတိယအဆင့်ပွဲစဉ်တွင် အိမ်ရှင်တင်းနစ်မယ် အန်နက်တာစီယာ ပက်ဗလူချင်ကိုဗာက နိုင်ခြေအဆင့်သုံး သတ်မှတ်ခံရသည့် မာရီယာ ကီရီလန်ကို ၆-၃၊ ၆-၃ ဖြင့် နှစ်ပွဲပြတ်အနိုင်ရရှိခဲ့သည်။

နိုင်ခြေအဆင့် ၂ ရ ရော်ဘက်တာ ဗင်စီမှာလည်း အလီနာ ဗက်စ်နီနာအား ကြိတ်အနယ်ကစားကာ အနိုင်ရရယူနိုင်ခဲ့သည့်။ ဗစ်စီမှာ ပထမပွဲငယ်တွင် ရှုံးနိမ့်ခဲ့သော်လည်း ဒုတိယနှင့် တတိယ ပွဲငယ်တို့တွင် အနိုင်ရရှိအောင် စွမ်းဆောင်နိုင်ခဲ့သောကြောင့် ၂-၆၊ ၆-၁၊ ၆-၄ ဖြင့် အနိုင်ရရှိခဲ့သည်။
skysports
______________________

အောက်တိုဘာ၊ ၁၆
M-Media

ပေါ်တူဂီအသင်းမှာ အုပ်စုပထမနေရာကို ရခဲ့သင့်သည်ဟု ဘန်တိုဆို

အုပ်စုတွင်းပြိုင်ဘက် ရုရှားအသင်းမှာ တိုက်ရိုက်ခြေစစ်ပွဲအောင်မြင်ခြင်းနှင့် ထိုက်တန်ခဲ့ပြီး၊ ပေါ်တူဂီအသင်းမှာလည်း ပလေးအော့ဖ်ကစားခွင့်အား ရှောင်ရှားကာ ပထမနေရာကိုရယူနိုင်သည့် စွမ်းရည်ရှိသည်ဟု ရုရှားအသင်း၏ နည်းပြဖြစ်သူ ပေါ်လိုဘန်တိုက ပြောကြားလိုက်သည်။

ပေါ်တူဂီအသင်းမှာ ၂၀၁၄ ကမ္ဘာ့ဖလားခြေစစ်ပွဲ ဥရောပဇုန် အုပ်စု F တွင် ပါဝင်ယှဉ်ပြိုင်ခဲ့ရပြီး ယနေ့နံနက် ယှဉ်ပြိုင်ကစားခဲ့သည့် အုပ်စုနောက်ဆုံး ပွဲစဉ်ပြီးနောက် ရုရှားအသင်း၏နောက် ဒုတိယနေရာတွင်ရှိနေသည့်အတွက် တိုက်ရိုက်ခြေစစ်ပွဲ အောင်ခွင့်နှင့်ဆုံးရှုံးခဲ့သည်။

“အုပ်စုမှာတော့ ကျွန်တော်တို့ဟာအကောင်းအဆုံးအသင်းမဟုတ်ပါဘူး။ အကောင်းဆုံးအသင်းရုရှားကတော့ ပထမနေရာကိုရခဲ့ပါတယ်။ ကျွန်တော်တို့ ပထမနေရာကိုရခဲ့သင့်ပါတယ်။ ၂၀၁၄ အတွက် အကောင်းဆုံး မပြင်ဆင်နိုင်ခဲ့တဲ့အတွက်ကြောင့် အခုတော့ ကျွန်တော်တို့ ပိုမိုတွေးတော ရပါတော့မယ်” ဟု ပေါ်တူဂီနည်းပြ ဘန်တိုက လူဇင်ဘတ်အသင်းအား ၃ ဂိုးဂိုးမရှိဖြင့် နိုင်ရရှိခဲ့သော အုပ်စုနောက်ဆုံးပွဲစဉ်အပြီးတွင်ပြောကြားခဲ့သည်။ ထို့ပြင် ဘရာဇီးကမ္ဘာ့ဖလားပွဲသို့ တက်ရောက်နိုင်ရန်အတွက် ပေါ်တူဂီအသင်းမှာ အရာအားလုံးကို ရင်ဆိုင်သွားမည်ဖြစ်ကြောင်း ၎င်းက ထပ်လောင်းပြောကြားသွားခဲ့သည်။

ကမ္ဘာ့ဖလားဥရောပဇုန်အဖြစ် အုပ်စု ၉ စုရှိပြီး အုပ်စုပထမရသည့် အသင်းကိုးသင်းမှာ တိုက်ရိုက်ခြေစစ်ပွဲအောင်မည်ဖြစ်ပြီး အကောင်းဆုံးဒုတိယ ၈ သင်းမှာ ပလေးအော့ဖ်ကစားရမည်ဖြစ်သည်။ ပလေးအော့ဖ်ပွဲစဉ်ကို လာမည့်တနင်္လာနေ့တွင် မဲခွဲမည်ဖြစ်ပြီး ပေါ်တူဂီအသင်းမှာ ပြင်သစ်၊ ရိုမေးနီယား၊ ယူကရိန်း သို့မဟုတ် အိုက်စလန်အသင်း တစ်သင်းသင်းနှင့် တွေ့ဆုံရဖွယ်ရှိနေသည်။

………………………………………
နယ်သာလန်အသင်းမှာ ကမ္ဘာ့ဖလားပြိုင်ပွဲတွင် ရေပန်းစားသော အသင်းမဟုတ်ဟု ရော်ဘင်ဆို

၂၀၁၄ ကမ္ဘာ့ဖလားတွင် ရေပန်းစားသောအသင်းဖြစ်လာစေရန် နယ်သာလန်အသင်းမှာ လုပ်ဆောင်စရာများစွာ ရှိသေးသည်ဟု ဘိုင်ယန်မြူးနစ်အသင်း၏ အလယ်တန်းကစားသမားဖြစ်သူ အာဂျန်ရော်ဘင်က ပြောကြားလိုက်သည်။

ကမ္ဘာ့ဖလားခြေစစ်ပွဲ အုပ်စုနောက်ဆုံးပွဲစဉ်အဖြစ် တူရကီအသင်းအား ယနေ့နံနက်ပွဲစဉ်တွင် အဝေးကွင်း၌ ၂ ဂိုးဂိုးမရှိဖြင့်အနိုင်ရရှိခဲ့သည့် နယ်သာလန်အသင်းမှာ ဥရောပဇုန် အုပ်စု G တွင်ကျရောက်ခဲ့ပြီး ၁၀ ပွဲကစား ၉ ပွဲနိုင်ဖြင့် ကမ္ဘာ့ဖလားပြိုင်ပွဲအား  တိုက်ရိုက်ဝင်ရောက်ခွင့်ရခဲ့သည်။

“ကမ္ဘာ့ဖလားပြိုင်ပွဲမှာတော့ ကျွန်တော်တို့ဟာ ရေးပန်းစားတဲ့အသင်းမဟုတ် ပါဘူး။ ဒါပေမယ့် ကျွန်တော်တို့ တိုးတက်လာပါတယ်။ တစ်ခြားအသင်းတွေကို မဟုတ်ဘဲ ကျွန်တော်တို့ ကိုယ့်ကိုကိုယ် ဆန်းစစ်ရပါမယ်။ ကျွန်တော်တို့ဟာ တစ်ဆင့်ပြီးတစ်ဆင့် တိုးတက်နေပါတယ်။ ဒါပေမယ့် ကျွန်တော်တို့ လုပ်စရာတွေအများကြီးရှိပါသေးတယ်” ဟု SBS6 အားကစားသတင်းဌာနသို့ ရော်ဘင်က ပြောကြားခဲ့သည်။

………………………………
အိုဇေးလ်မှာ ဂျာမနီအသင်းတွင် မရှိမဖြစ်ဟု ဇစ်ကိုဆို

ဘရာဇီးအသင်း၏ ဂန္တ၀င်ကစားသမားဖြစ်သူ ဇစ်ကိုက အာဆင်နယ် အလယ် တန်းလူ မီဆုအိုဇေးလ်မှာ ဂျာမနီအသင်းအတွက် မရှိမဖြစ် ကစားသမား တစ်ဦးဟု ပြောဆိုခဲ့သည်။

ယနေ့နံနက်တွင် ကစားခဲ့သည့် ဆွီဒင်အသင်းအား ၅ ဂိုး ၃ ဂိုးဖြင့်အနိုင်ရရှိခဲ့သောပွဲတွင် တစ်ဂိုးသွင်းယူပေးခဲ့သည့် အိုဇေးလ်မှာ အာဆင်နယ်အသင်းတွင်လည်းခြေစွမ်းပြ ကစားနေသူဖြစ်သည်။

“အိုဇေးလ်းဟာ ကစားသမားကောင်းပါ။ ပြီးတော့ ဂျာမနီအသင်းအတွက် မရှိမဖြစ်ကစားသမားလည်းဖြစ်ပါတယ်။ သူကစားပုံကိုကြည့်ပြီးတော့ ကျွန်တော် စိတ်လှုပ်ရှားရပါတယ်။ သူ့မှာ ပွဲကို သုံးသပ်နိုင်စွမ်းရှိတယ်။ ပြီးတော့ အန္တရာယ်ရှိတဲ့ ဖြတ်တင်ဘောတွေကိုလည်း ကန်တင်ပေးနိုင်ပါတယ်” ဟု အားကစား စာစောင်တစ်ခုဖြစ်သည့် Sport Bild သို့ ဇစ်ကိုကပြောကြားခဲ့သည်။

ဂျာမနီအသင်းမှာ ကမ္ဘာ့ဖလားခြေစစ်ပွဲ အုပ်စုအဆင့်ပြီးဆုံးရန် ၁ ပွဲအလိုခန့်ကပင် ခြေစစ်ပွဲအားတိုက်ရိုက်အောင်မြင်ခဲ့သောအသင်းဖြစ်သည်။

…………………………………..
မိုနာကိုတွင်ပျော်ရွှင်နေသည်ဟု ဖယ်လ်ကာအိုဆို

ကိုလံဘီယာအသင်း၏တိုက်စစ်မှူးဖြစ်သူ ဖယ်လ်ကာအိုက ၎င်းအနေဖြင့် လာလီဂါသို့ပြောင်းရွှေ့ရန် စဉ်းစားမည်မဟုတ်ဘဲ၊ မိုနာကို အသင်းတွင်သာ ပျော်ရွှင်နေသည်ဟု ပြောဆိုလိုက်သည်။

ပြီးခဲ့သည့်နွေရာသီတွင် ခေါ်ယူရန်ကြိုးစားခဲ့သည့် ရီးယဲလ်မက်ဒရစ်အသင်းမှာ ယခုအချိန်အထိ ဖယ်လ်ကာအိုအား ခေါ်ယူရန်စိတ်ဝင်စားနေသည့် ရီးယဲလ်ဥက္ကဌ ပီရက်ဇ်က ယခု သီတင်းပတ်အစောပိုင်းတွင် ပြောကြားခဲ့ပြီးနောက် ဖယ်လ်ကာအိုက ယခုကဲ့သို့ ငြင်းဆိုလိုက်ခြင်းဖြစ်သည်။

“ပီရက်ဇ်ပြောခဲ့တဲ့ကစားအတွက် ကျွန်တော်သူ့ကို ကျေးဇူးတင်ပါတယ်။ ဒါပေမယ့် လက်ရှိကလပ်မိုနာကိုအသင်းကို ကျွန်တော်လေးစားရပါမယ်။ ဒီအသင်းမှာ ကျွန်တော်ပျော်ပါတယ်” ဟု ဖယ်လ်ကာအိုက သတင်းစာရှင်းလင်းပွဲတွင် ပြောကြားခဲ့သည်။

အသက် ၂၇ နှစ်အရွယ်ရှိပြီဖြစ်သည့် ဖယ်လ်ကာအိုမှာ ယခုနှစ်ရာသီအစက အက်သလက်တီကိုမက်ဒရစ်အသင်းမှ မိုနာကိုသို့ပြောင်းရွှေ့လာခဲ့ပြီး အသင်းတွင် အရေးပါသော ကစားသမားဖြစ်လာခဲ့သည်။ ဖယ်လ်ကာအိုနှင့်  မိုနာကိုအသင်းတို့၏ စာချုပ်သက်တမ်းမှာ ၂၀၁၈ ခုနှစ်တွင်ပြည့်မည်ဖြစ်သည်။

…………………………………………..
နီဂရီဒိုမှာ ပိုမိုတိုးတက်လာမည်ဟု ဒဲလ်ဘော့စကေးဆို

စပိန်အသင်းနှင့်သက်တမ်းတိုးစာချုပ်ချုပ်ဆိုရန်မသေချာသေးသည့် နည်းပြဒဲလ်ဘော့စကေးက မန်စီးတီးအသင်း၏ တိုက်စစ်မှူး နီဂရီဒိုအား စွမ်းဆောင်ရည် အပြည့်ကစားရန် တိုက်တွန်းလိုက်ပြီး၊ နီဂရီဒိုမှာ ပိုမိုတိုးတက်လာမည်ဟု ပြောကြားလိုက်သည်။

နီဂရီဒိုမှာ စပိန်အသင်းအတွက် အရေးပါဆုံးပွဲစဉ်ဖြစ်သည့် အုပ်စုနောက်ဆုံးပွဲ ဂျော်ဂျီယာအသင်းအား ၂ ဂိုး ဂိုးမရှိဖြင့်အနိုင်ရရှိခဲ့သော ပွဲတွင် ၁ ဂိုးသွင်းယူပေးခဲ့သည်။  သို့သော်လည်း နိုင်ငံအသင်းအတွက် အင်တိုက်အားတိုက်မကစားဟု ထင်မြင်နေသည့် နည်းပြ ဒဲလ်ဘော့စကေးက “နီဂရီဒိုဟာ သူစွမ်းဆောင်နိုင်သလောက် ထုတ်မကစားတဲ့ကစားသမားပါ။ သူဘယ်လောက်စွမ်းဆောင်နိုင်တယ် ဆိုတာကို သူကိုယ်တိုင်မသိသေးပါဘူး” ဟု သတင်းထောက်များအား ပြောကြားခဲ့သည်။