Tag: Daw Aung San Suu Kyi

အောက်တိုဘာ ၁၇၊ ၂၀၁၈
M-Media

– ‘ဒေါ်ခင်ကြည်ဖောင်ဒေးရှင်း’ ကနေ မြစ်ကြီးနားမြို့မှာ ဆောက်လုပ်လှူဒါန်းတဲ့ မူးယစ်ပြန်လည်ထူထောင်ရေးစင်တာကို နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က တက်ရောက်ဖွင့်လှစ်မယ်လို့ ကချင်ပြည်နယ်လွှတ်တော် ဒုတိယဥက္ကဌ Ding Hkang Hpung က ပြောကြားခဲ့ပါတယ်။

အတိုင်ပင်ခံပုဂ္ဂိုလ်ဟာ သောကြာနေ့မှာ မြစ်ကြီးနားကို သွားရောက်မှာဖြစ်ပြီး ၂၀၁၁ ခုနှစ်ကတည်းက အစိုးရစစ်တပ်နဲ့ ကချင်လက်နက်ကိုင်အဖွဲ့ KIA တို့အကြား ဖြစ်ပွားတဲ့ တိုက်ခိုက်မှုတွေကြောင့် အိုးအိမ်စွန့်ခွာ ထွက်ပြေးနေရသူတွေ နေထိုင်တဲ့ Njang Dung စခန်းကို သွားရောက် ကြည့်ရှုဖို့ ရှိပါတယ်။

၂၀၁၄ ခုနှစ်နဲ့ ၂၀၁၆ ခုနှစ်အကြား ဖြစ်ပွားခဲ့တဲ့ ရေကြီးရေလျှံမှုတွေကြောင့် ကချင်ပြည်နယ် တစ်ချို့ဒေသတွေက အိုးအိမ်စွန့်ခွာ ထွက်ပြေးခဲ့ရတဲ့ ကျောင်းသားတွေကို တွေ့ဆုံဖို့အတွက် မြစ်ကြီးနားမြို့ ဆင်ခြေဖုံးက စာသင်ကျောင်းတစ်ခု၊ ၀ိုင်းမော်မြို့က ဘုန်းကြီးကျောင်း တစ်ကျောင်းကိုလည်း ဒေါ်အောင်ဆန်းစုကြည်က သွားရောက်မှာ ဖြစ်ပါတယ်။

ကချင်ပြည်နယ်မှာ မူးယစ်ဆေးစွဲမှုဟာ အဓိကပြဿနာ ဖြစ်နေတယ်လို့ ဘာသာရေးခေါင်းဆောင်တွေနဲ့ အရပ်ဖက်အဖွဲ့အစည်းတွေက ပြောကြားထားပြီး လူငယ်တွေရဲ့ ၇၀ ရာခိုင်နှုန်းလောက်ဟာ မူးယစ်ဆေးရဲ့သားကောင်တွေ ဖြစ်နေကြတယ်လို့ ဆိုပါတယ်။ Three Millennium Development Goal Fund (3MDG) အဖွဲ့က အခုနှစ်အတွင်း ကချင်ပြည်နယ်မှာ မူးယစ်ဆေးသုံးသူ အရေအတွက်ဟာ မြင့်တက်လာခဲ့တယ်လို့ ဆိုပါတယ်။ ကချင်ပြည်နယ်မှာ HIV ပိုး ကူးစက်မှုနှုန်းဟာ ၂၈.၅ ရာခိုင်နှုန်းရှိပြီး နိုင်ငံအတွင်းမှာ အမြင့်ဆုံးဖြစ်ပါတယ်။

ဒေါ်အောင်ဆန်းစုကြည်ဟာ ငြိမ်းချမ်းရေးကိစ္စ ဆွေးနွေးဖို့အတွက် ပြီးခဲ့တဲ့နှစ်မှာ ကချင်ပြည်နယ်ကို ပထမဆုံးအကြိမ် သွားရောက်ခဲ့ဖူးပြီး အခုတစ်ခေါက်ဟာ ဒုတိယအကြိမ် ဖြစ်လာမှာပါ။

ပြီးခဲ့တဲ့နှစ်မှာ နိုင်ငံတော် အတိုင်ပင်ခံရုံးဟာ ကချင်ပြည်နယ်က စစ်ရှောင်ပြည်သူတွေအတွက် ကျပ်ငွေ သန်း ၃၀၀ ကို လူကယ်ပြန်ဝန်ကြီးဌာနကနေတစ်ဆင့် လှူဒါန်းခဲ့ပါတယ်။

Ref: Irrawaddy

(ဧရာဝတီ အင်္ဂလိပ်ပိုင်းမှ သတင်းကို ကောက်နှုတ် ဘာသာပြန်ဆိုခြင်း ဖြစ်ပါသည်။)

အောက်တိုဘာ ၁၁၊ ၂၀၁၈
M-Media

– မြန်မာနိုင်ငံရဲ့ ဒီမိုကရေစီ အသွင်ကူးပြောင်းမှုကို ဆက်လက်ထောက်ခံသွားမှာဖြစ်ပြီး ရခိုင်ပြဿနာ ဖြေရှင်းရေး ကူညီသွားမယ်လို့ ဂျပန်ဝန်ကြီးချုပ် ရှင်ဇိုအာဘေးက အင်္ဂါနေ့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့အတူ ပြုလုပ်တဲ့ သတင်းစာရှင်းလင်းပွဲမှာ ပြောကြားလိုက်ပါတယ်။

“ရှုပ်ထွေးပြီး ထိလွယ်ရှလွယ်ပြဿနာဖြစ်ပေမယ့် ဂျပန်ဟာ မြန်မာနိုင်ငံနဲ့အတူ ပူးပေါင်းဆောင်ရွက်သွားမှာဖြစ်ပြီး ဒီပြဿနာဖြေရှင်းရေး မြန်မာအစိုးရရဲ့ ကြိုးပမ်းအားထုတ်မှုတွေကိုလည်း ပံ့ပိုးကူညီသွားပါမယ်”

ဒေါ်အောင်ဆန်းစုကြည်က သူမဟာ အာဘေးနဲ့ ရခိုင်ပြည်နယ်က အခြေအနေတွေကို ဆွေးနွေးခဲ့ကြောင်း၊ ဂျပန်ဟာ မြန်မာအတွက် မိတ်ဆွေကောင်းဖြစ်ပြီး ရေရှည်ဖွံ့ဖြိုးရေးတွေနဲ့ ငြိမ်းချမ်းတဲ့ ရခိုင်ပြည်နယ်ကို ဂျပန်နိုင်ငံက မြင်ချင်မယ်လို့ ယုံကြည်ကြောင်း ပြောကြားခဲ့ပါတယ်။

ဇူလိုင်လမှာ မြန်မာအစိုးရက ဖွဲ့စည်းခဲ့တဲ့ ‘ရခိုင်ပြည်နယ်ဆိုင်ရာ လွတ်လပ်တဲ့ စုံစမ်းရေးကော်မရှင်’ ဟာ မှန်ကန်ပြီး တိကျတဲ့ ချဉ်းကပ်မှုမျိုး လိုအပ်တယ်လို့လည်း အာဘေးက ပြောကြားခဲ့ပြီး ဒေါ်အောင်ဆန်းစုကြည်ကလည်း ကော်မရှင်အနေနဲ့ မှန်ကန်သင့်မြတ်တဲ့ စုံစမ်းစစ်ဆေးမှု ဆောင်ရွက်ဖို့ အရေးကြီးကြောင်း၊ ဒီလိုဆောင်ရွက်နိုင်မယ့် အာဏာတွေကိုလည်း ပေးထားကြောင်း ထည့်သွင်း ပြောဆိုခဲ့ပါတယ်။

မြန်မာနိုင်ငံရဲ့ ဒီမိုကရေစီ အသွင်ကူးပြောင်းမှုကို ဂျပန်အစိုးရနဲ့ ပုဂ္ဂလိကလုပ်ငန်းတွေက ဆက်လက် ကူညီသွားမှာဖြစ်ပြီး ဒေါ်အောင်ဆန်းစုကြည်ရဲ့ စီးပွားရေးပြုပြင်ပြောင်လဲမှု၊ ငြိမ်းချမ်းရေးနဲ့ ရခိုင်ပြည်နယ်အခြေအနေ တိုးတက်ရေး ကြိုးပမ်းမှုတွေကို တန်ဖိုးထားကြောင်း အာဘေးက ဆိုပါတယ်။

ရန်ကုန်မြို့က ရေနှုတ်မြောင်းတွေ၊ ကားလမ်းတွေ၊ လျှောက်လမ်းတွေ၊ ယာဉ်ကျောပိတ်ဆို့မှု ပြဿနာတွေကို ဖြေရှင်းနိုင်ရေး ယန်း ဘီလီယံ ၇၀ (ကန်ဒေါ်လာ ၆၁၈ သန်း) ကို အတိုးနှုန်းနည်းနည်းနဲ့ မြန်မာနိုင်ငံကို ချေးပေးသွားမယ်လို့ အဘေးက ကတိပြုခဲ့ပါတယ်။ ၂၀၁၆ ခုနှစ်ကတည်းက မြန်မာနိုင်ငံကို ပေးအပ်ခဲ့တဲ့ အကူအညီ ယန်း ဘီလီယံ ၈၀၀ အကြောင်းကိုလည်း ခေါင်းဆောင်နှစ်ဦးက ဆွေးနွေးခဲ့ကြပါတယ်။

ဒေါ်အောင်ဆန်းစုကြည်က ဂျပန်လုပ်ငန်းရှင်တွေနဲ့ သူမရဲ့တွေ့ဆုံမှုအတွင်း မြန်မာပြည်သူတွေအတွက် အကျိုးရှိစေမယ့် ကတိက၀တ်တွေ ရရှိခဲ့တယ်လို့ ပြောကြားခဲ့ပါတယ်။

Ref: Irrwaddy

(ဧရာဝတီသတင်းဌာန၏ အင်္ဂလိပ်ပိုင်းမှသတင်းကို ကောက်နှုတ် ဘာသာပြန်ဆိုခြင်း ဖြစ်ပါသည်)

အောက်တိုဘာ ၁၊ ၂၀၁၈
M-Media

– တိုကျိုမြို့မှာ ကျင်းပပြုလုပ်မယ့် ‘၁၀ ကြိမ်မြောက် ဂျပန်-မဲခေါင် ထိသပ်သီးအစည်းအဝေး’ ကို တက်ရောက်ဖို့အတွက် နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ဟာ သောကြာနေ့မှာ ထွက်ခွာမယ်လို့ သိရပါတယ်။

အောက်တိုဘာ ၈ ရက်နေ့ကနေ ၉ ရက်နေ့အထိ ၂ ရက်တာကျင်းပမယ့် အဲဒီအစည်းအဝေးမှာ မဲခေါင်ဒေသအတွင်း လုပ်ငန်းတွေ ချိတ်ဆက်ဖို့၊ အခြေခံအဆောက်အဦးတွေ တိုးတက်စေဖို့ နည်းလမ်းတွေကို ဆွေးနွေးသွားမှာ ဖြစ်ပါတယ်။

၆ ရက်တာ ခရီးစဉ်အတွင်း ဒေါ်အောင်ဆန်းစုကြည်ဟာ ဖူကီရှီးမားပြည်နယ်က လယ်ယာလုပ်ငန်းကို သွားရောက်ကာ လုပ်သားရှားပါးမှုပြဿနာကို ဂျပန်နိုင်ငံက ဘယ်လိုဖြေရှင်းလဲဆိုတာ လေ့လာမှာ ဖြစ်ပါတယ်။ မြန်မာနိုင်ငံက လယ်ယာစိုက်ပျိုးရေးလုပ်ငန်းမှာလည်း လုပ်သားရှားပါးမှုပြဿနာကို ကြုံတွေ့နေရတာ ဖြစ်ပါတယ်။

အစည်းအဝေးမှာ တရုတ်ရဲ့ Belt and Road Initiative စီမံကိန်းကို တန်ပြန်နိုင်မယ့် ဂျပန်ဦးဆောင်တဲ့ Free and Open Indo-Pacific မဟာဗျူဟာအကြောင်းနဲ့ 2019-2023 Ayeyarwady-Chao Phraya-Mekong Economic Cooperation ဗဟာဗျူဟာ အကြောင်းတွေကို ဆွေးနွေးဖို့လည်း ရှိပါတယ်။

မြန်မာနိုင်ငံပြင် အာဆီယံနိုင်ငံတွေဖြစ်တဲ့ ကမ္ဘောဒီးယား၊ လာအို၊ ထိုင်းနဲ့ ဗီယက်နမ်တို့က နိုင်ငံ့ခေါင်းဆောင်တွေလည်း တက်ရောက်ကြမှာပါ။

ခေါင်းဆောင်တွေဟာ တရုတ်နဲ့ ပိုင်နက်အငြင်းပွားမှုဖြစ်နေတဲ့ တောင်တရုတ်ပင်လယ်အတွင်း လွတ်လပ်စွာ ရေကြောင်းသွားလာရေး လိုအပ်ချက်ကို အတည်ပြုပေးမယ့် ဂျပန်ရဲ့ Indo-Pacific မဟာဗျူဟာကို လက်ခံ သဘောတူဖို့လည်း ရှိနေပါတယ်။

သြဂုတ်လက မြန်မာနိုင်ငံကို လာရောက်ခဲ့တဲ့ ဂျပန်နိုင်ငံခြားရေးဝန်ကြီး တာရိုကိုနိုက ဒီထိပ်သီးအစည်းအဝေး တက်ရောက်ဖို့ ဖိတ်ကြားမှုကို ဒေါ်အောင်ဆန်းစုကြည်က လက်ခံခဲ့တာ ဖြစ်ပါတယ်။

နိုင်ငံတော်အတိုင်ပင်ခံပုဂ္ဂိုလ်ဟာ ၂၀၁၃ ခုနှစ်ကလည်း ဂျပန်နိုင်ငံကို ၂၇ နှစ်အတွင်း ပထမဆုံးအကြိမ် သွားရောက်ခဲ့ပါတယ်။

၂၀၁၆ ခုနှစ်မှာ ဒုတိယအကြိမ် သွားရောက်ခဲ့ပြီး ဂျပန်ဝန်ကြီးချုပ် ရှင်ဇိုအာဘေးနဲ့ တွေ့ဆုံခဲ့ကာ မြန်မာနိုင်ငံကို စီးပွားရေးအရ ကူညီထောက်ပံ့ပေးဖို့၊ တိုင်းပြည်ရဲ့ ငြိမ်းချမ်းရေးလုပ်ငန်းစဉ်မှာ ကူညီဖို့ ကိစ္စတွေကို ဆွေးနွေးခဲ့ပါတယ်။

Ref: Irrawaddy

(ဧရာဝတီသတင်းဌာန အင်္ဂလိပ်ပိုင်းတွင် ဖော်ပြထားသည့် သတင်းကို ကောက်နှုတ်ဘာသာပြန်ဆိုခြင်းဖြစ်ပါသည်။)