စက်တင်ဘာ ၂၈၊ ၂၀၁၈
M-Media
– နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို ချီးမြှင့်ထားတဲ့ ဂုဏ်ထူးဆောင်နိုင်ငံသားဘွဲ့ကို ရုပ်သိမ်းဖို့အတွက် ကနေဒါလွှတ်တော်က မနေ့မှာ တညီတစ်ညွတ်တည်း ဆုံးဖြတ်ခဲ့ပါတယ်။
ကနေဒါဟာ ဒေါ်အောင်ဆန်းစုကြည် နေအိမ်အကျယ်ချုပ်ကျနေစဉ် ၂၀၀၇ ခုနှစ်က ဒီဘွဲ့ကို ချီးမြှင့်ထားတာဖြစ်ပါတယ်။
ရခိုင်ပြည်နယ်က ရိုဟင်ဂျာတွေ အစုလိုက်အပြုံလိုက် ထွက်ပြေးရမှု၊ သတ်ဖြတ်ခံရမှုတွေဟာ လူမျိုးတုန်းသတ်ဖြတ်မှုမြောက်တယ်လို့ ကနေဒါက ပြီးခဲ့တဲ့တစ်ပတ်မှာ သတ်မှတ်ခဲ့ပါတယ်။
ကနေဒါနိုင်ငံခြားရေးဝန်ကြီး ခရစ္စတီယာ ဖရီးလန်းရဲ့ ပြောရေးဆိုခွင့်ရှိသူ အဒမ် အော်စတင်က ဒေါ်အောင်ဆန်းစုကြည်အနေနဲ့ ‘ရိုဟင်ဂျာတွေ လူမျိုးတုန်း သတ်ဖြတ်ခံရမှုကို ပြစ်တင်ရှုချဖို့ အမြဲတမ်း ငြင်းဆိုခဲ့တဲ့အတွက်’ ဂုဏ်ထူးဆောင် နိုင်ငံသားဘွဲ့ကို ရုပ်သိမ်းရတာ ဖြစ်တယ်လို့ ပြောကြားခဲ့ပါတယ်။
“လူသားချင်း စာနာထောက်ထားမှုဆိုင်ရာ အကူအညီတွေပေးတာ၊ ဗိုလ်ချုပ်တွေအပေါ် ပိတ်ဆို့မှုတွေလုပ်တာ၊ ကျူးလွန်သူတွေကို ခိုင်မာတဲ့ နိုင်ငံတကာအဖွဲ့ရှေ့မှောက်မှာ အပြစ်ပေးဖို့ တောင်းဆိုတာတွေနဲ့ ရိုဟင်ဂျာတွေကို ကျွန်တော်တို့ ကူညီ ပံ့ပိုးပေးသွားမှာ ဖြစ်ပါတယ်”
ကနေဒါဟာ ဘုန်းတော်ကြီး ဒလိုင်းလားမား၊ နိုဘယ်ဆုရှင် မာလာလာ ယူဆွဖ်ဇိုင်၊ တောင်အာဖရိက လွတ်မြောက်ရေးခေါင်းဆောင် နယ်လ်ဆင် မင်ဒဲလားတို့ အပါအ၀င် စုစုပေါင်း ၅ ဦးကိုသာ ဂုဏ်ထူးဆောင်နိုင်ငံသား ချီးမြှင့်ထားတာ ဖြစ်ပါတယ်။
ရခိုင်ပြည်နယ်မှာ မြန်မာစစ်တပ်က လူနည်းစု ရိုဟင်ဂျာတွေအပေါ် ကျူးလွန်မှုတွေကို ရှုတ်ချဖို့ ပျက်ကွက်တယ်ဆိုတဲ့ စွပ်စွဲချက်နဲ့ ဒေါ်အောင်ဆန်းစုကြည်ဟာ နိုင်ငံတကာအသိုင်းအ၀ိုင်းမှာ ဂုဏ်သိက္ခာ ကျဆင်းနေတာ ဖြစ်ပါတယ်။
စစ်တပ်ကတော့ သူတို့အနေနဲ့ ဥပဒေအတိုင်းသာ ဆောင်ရွက်တာဖြစ်တယ်လို့ တုန့်ပြန်ပြီး နိုင်ငံတကာက စွပ်စွဲချက်တွေကို ငြင်းဆိုထားပါတယ်။
Ref: CNA
