News @ M-Media

Tag: discrimination

  • No-Hate Speech ခေါ် အမုန်းမဲ့စကားပရောဂျက်

    No-Hate Speech ခေါ် အမုန်းမဲ့စကားပရောဂျက်

    M-Media
    မေလ ၂ ရက်၊ ၂၀၁၆

    ပုံကို အမုန်းမဲ့စကားပရောဂျက် ဖေ့စ်ဘွတ်ခ်စာမျက်နှာမှ တဆင့် ဖော်ပြထားခြင်း ဖြစ်ပါသည်။
    ပုံကို အမုန်းမဲ့စကားပရောဂျက် ဖေ့စ်ဘွတ်ခ်စာမျက်နှာမှ တဆင့် ဖော်ပြထားခြင်း ဖြစ်ပါသည်။

    No-Hate Speech Project ခေါ် အမုန်းမဲ့စကားလို့အမည်ပေးထားတဲ့ ဖေ့စ်ဘွတ်ခ်စာမျက်နှာတစ်ခုကို အမုန်းတရားလျော့နည်းပပျောက်စေဖို့ လှုပ်ရှားဆောင်ရွက်နေကြသူတွေက တည်ထောင်ထားပါတယ်။ အဲဒီစာမျက်နှာကိုတော့ ၂၀၁၆ မတ်လအတွင်းက အင်္ဂလိပ်မြန်မာ နှစ်ဘာသာနဲ့ တည်ထောင်ထားတာဖြစ်တယ်လို့ သိရပါတယ်။

    လေ့လာသူအချို့ရဲ့အဆိုအရ ၂၀၀၈ ခုနှစ် နိုင်ငံတော်အခြေခံဥပဒေဟာ ခွဲခြားဆက်ဆံတာတွေအတွက် တိကျသေချာတဲ့ ဥပဒေကို ပြဌာန်းပေးထားခြင်းမရှိဘူးလို့ သိရပါတယ်။ “Interfaith Understanding and Peace Advocacy” လို့ အမည်ပေးထားတဲ့ ဘာသာပေါင်းစုံချစ်ကြည်ရေးအဖွဲ့တစ်ခုဟာ ဧပြီ ၂၆ ရက်နေ့က နိုင်ငံလုံးဆိုင်ရာ ကွန်ဖရင့်ကို ကျင်းပခဲ့ပြီး အမုန်းစကားတိုက်ဖျက်ဖို့ တိကျတဲ့ ဥပဒေပြဌာန်းနိုင်ရေး ဆွေးနွေးခဲ့ကြတယ်လို့ သိရပါတယ်။

    ပြီးခဲ့တဲ့ နှစ်တွေတုန်းကတော့ အွန်လိုင်းပေါ်က အမုန်းစကားတွေ ပပျောက်စေဖို့ ပန်းစကားစီမံချက် ပေါ်ပေါက်လာခဲ့ပါတယ်။ ဒီနှစ်မှာတော့ ဖေ့စ်ဘွတ်ခ်အသုံးပြုသူတွေ ပေါင်းပြီး #Say_No_to_Racism #2016_OnlineCampaign စတဲ့ hash tag တွေနဲ့ အမုန်းစကားတိုက်ဖျက်ရေး လှုံဆော်မှုကို ပြုလုပ်ခဲ့ကြပြီး မြန်မာပြည်တွင်းက ဖေ့စ်ဘွတ်ခ်အသုံးပြုသူ ထောင်ဂဏန်းကျော်ပါဝင်ခဲ့တာ တွေ့ရပါတယ်။ ဒီလှုပ်ရှားမှုကိုတော့ အမုန်းစကားတိုက်ဖျက်ရေး တက်ကြွလှုပ်ရှားသူ ကိုမိုးသွေးက စတင်ခဲ့တာဖြစ်တယ်လို့ သိရပါတယ်။

    အမုန်းစကားဖြန့်ချိတဲ့ ဖေ့စ်ဘွတ်ခ်ပေါ်က စာသားများတွေကို globalvoices.org နဲ့ ဆောင်းပါးရှင် ကိုသန့်စင်က အခုလို သုံးသပ်ထားပါတယ်။ No-Hate Speech ခေါ် အမုန်းမဲ့စကားပရောဂျက်က အမုန်းစကားဖြန့်ဖြူးတဲ့ အွန်လိုင်း ပို့စ်တွေကို မှန်ကန်တိကျတဲ့ အချက်အလက်တွေ၊ ဆန့်ကျင်ဘက် အမြင်တွေနဲ့တုန့်ပြန်ကြောင်း၊ မတ်လကတည်းစတင်ပြီး မွတ်စလင်တွေ၊ အမျိုးသမီးတွေ၊ တိုင်းရင်းသားလက်နက်ကိုင်တွေနဲ့ နိုင်ငံခြားသားအလုပ်သမားတွေကို ရည်ညွှန်းစော်ကားတဲ့ အမုန်းစကားစာသားတွေကို အမုန်းမဲ့စကားပရောဂျက်က တုန့်ပြန်ခဲ့တဲ့အကြောင်း၊ အမုန်းစကားဖြန့်ချိတဲ့ စာသားကို တွေ့တာတဲ့ အမုန်းမဲ့စကားပရောဂျက်က မှန်ကန်တဲ့ အချက်အလက်များနဲ့ တုန့်ပြန်ခဲ့ကြောင်း၊ ဥပမာ မတ်လ ၃၁ ရက်နေ့က လူတစ်ဦးဖြန့်ဖြူးခဲ့တဲ့ အစ္စလာမ်ကင်းမဲ့ဇုန်လို့ ရေးထားတဲ့ ဓါတ်ပုံနဲ့ပတ်သတ်ပြီး အမုန်းမဲ့စကားပရောဂျက်ကအောက်ပါတိုင်း တုန့်ပြန်ထားကြောင်း ကိုသန့်စင်က ရေးသားထားပါတယ်။

    “…ဤနေရာတွင် ဗုဒ္ဓဘာသာဝင်များကိုသာ ဈေးရောင်းချခွင့်ပြုမည်
    https://www.facebook.com/photo.php?fbid=1586414375013933&set=a.1419320498389989.1073741828.100009361582669&type=3&theater
    မတ်လ ၁၃ ရက်တွင် Soe Naing အမည်ရှိ facebook account တွင် ယနေ့ အကြိုက်ဆုံးပုံ ဟူသော ခေါင်းစဉ်ဖြင့် ဘာသာရေးခွဲခြားသည့် ဓာတ်ပုံကို ဖော်ပြခဲ့သည်။ ဓာတ်ပုံတွင် “ဤ ဘုရားပွဲတော်တွင် ဗုဒ္ဓဘာသာ ဈေးသည်များသာ ရောင်းချခွင့်ပြု သည် မုတ္တမမြို့ ကော့စိုင် ” ဟူသော ဗီနိုင်းကို ဖော်ပြခဲ့သည်။ ၎င်းဗီနိုင်းအောက်တွင် မြတ်နိုးမင်္ဂလာ ဇာတ်အဖွဲ့၏ ဗီနိုင်း ကြော်ငြာကို ချိတ်ဆွဲထားသည်ကို တွေ့ရသည်။ မုတ္တမမြို့သည် မွန်ပြည်နယ်၊ ရေး ခရိုင်လက်အောက်တွင် တည်ရှိသည့် မြို့ဖြစ်သည်။ မြန်မာ့နိုင်ငံတွင် ဘုရားပွဲတော်များသည် ပွင့်လင်းရာသီများဖြစ်သည့် နိုဝင်ဘာလမှ မတ်လအထိ ဒေသအသီးသီးရှိ ဘုရားစေတီပုထိုးများကို အကြောင်းပြု၍ ပွဲတော်များ ကျင်းပပြုလုပ်လေ့ရှိသည်။ ဘုရားပွဲတော်များသည် ဒေသအလိုက်၊ နာမည်ကျော်ကြားမှုအလိုက် ရက်ကာလများ ကြာရှည်တတ်ပါသည်။ ထိုသို့သော ဘုရားပွဲတော်များတွင် ဆယ်နှစ်ရာသီပွဲဈေးသည်များ၊ ဇာတ်ပွဲသဘင်များကို တွေ့မြင်ရလေ့ရှိပါသည်။ပြန်လည်ဝေမျှမှု ၁၀၄၅ ခုရှိခဲ့ပြီး၊ Like လုပ်သူပေါင်း ၃၃၀၀ ကျော်ခန့်ရှိခဲ့သည်။ ဝေဖန်မှတ်ချက်ပြုမှု ၁၉၄ ခုခန့်ရှိခဲ့သည်။ ဝေဖန်မှတ်ချက်ပြုသူ Nay Thu Rain က ” ဒီနှစ် ပိုစတာလဲ ဟုတ်ဘူး၊ မနှစ်က ပိုစတာကြီး ” ဟု မှတ်ချက်ပြုခဲ့သည်။ အဆိုပါဓာတ်ပုံကို ထောက်ခံသူ Nay Myo က ” ဒါက အယူသည်းတာ မဟုတ်ဘူး။ ဘာသာတရားနဲ့ လာမကိုင်ပေါက်နဲ့။ မေတ္တာတရားဆိုတာ တန်ရာ တန်ရာ ထားရတယ်။ ကုလားကို သတ်ဖို့ ပြောနေတာ မဟုတ်ဘူး။ ဝေးဝေးနေဖို့ ပြောတာ။ လူချင်းအတူတူပဲ လို့ မပြောနဲ့။ အမျိုးပြုတ်သွားမယ်။ ငါးချင်း အတူတူ ဆိုပြီး အာဖရိကငါးခူနဲ့ ငါးသလဲထိုး အတူထားပါလား မျိုးကန်းသွားမယ် ” ဟု ထောက်ခံ ရေးသား ထားသည်။ အနူတောက လူချောဆိုသူကမူ ” မြတ်စွာဘုရားရှင်က ဘာသာခြားမုန်းတီးရေး၊ ဘာသာခြားဆန့်ကျင်ရေးကို လုံးဝ ဟောကြား မထားပါဘူး။ ဘာသာတိုင်းကို လေးစားဖို့၊ အသိအမှတ်ပြုဖို့ပဲ ဟောကြားထားပါတယ်။ လူတိုင်းသိတဲ့ မေတ္တသုတ်မှာ မေတ္တာဆိုတာ ဘာသာအကန့်အသတ်မရှိ၊ လူမျိုး အကန့်အသတ်မရှိ၊ တခြား ဘာ အကန့်အသတ်မှ မရှိတိဲ့ အကန့်အသတ်မဲ့ မေတ္တာ မျိုး ဖြစ်ရမယ်။ အကန့်အသတ်မဲ့ ကူညီစောင့်ရှောက်မှုမျိုးဖြစ်ရမယ်လို့ ဟောကြား ထားပါတယ် ” ဟူသော ကောက်စာကို ရိုက်ကူးထားသည့် ဓာတ်ပုံဖြင့် လာရောက်ပြီး မှတ်ချက်ပြု ရေးသား ထားသည်။ ဤဓာတ်ပုံတွင် ပါဝင်သည့် ဗီးနိုင်းသည် ဗုဒ္ဓဘာသာ ဈေးသည်များသာ ရောင်းချခွင့်ပြုမည် ဟူသော စာသားက ဘာသာရေးအရ ခွဲခြားဆက်ဆံမှု တစ်ရပ်ပင်ဖြစ်သည်။ Soe Naing အမည်ရှိ facebook account ပိုင်ရှင်သည် follower ပေါင်း ၂၄ ၂၆၈ ဦးခန့်ရှိသည်။…”

    No-Hate Speech ခေါ် အမုန်းမဲ့စကားပရောဂျက်ရဲ့ ဖေ့စ်ဘွတ်ခ် စာမျက်နှာတွေကတော့ ဒီမှာပါ။

    မြန်မာ – https://www.facebook.com/NoHateSpeechMyanmar/timeline

    အင်္ဂလိပ် – https://www.facebook.com/NoHateSpeechProject/timeline

     

  • နိုင်ငံရေး သမားများနှင့် နိုင်ငံတော်ကို အသေသတ် နေသည့် နာမ ဝိသေသနနှင့် ကြိယာ ဝိသေသနများ

    နိုင်ငံရေး သမားများနှင့် နိုင်ငံတော်ကို အသေသတ် နေသည့် နာမ ဝိသေသနနှင့် ကြိယာ ဝိသေသနများ

    ဧပြီ ၅ ၊ ၂၀၁၆
    M-Media
    မောင်သမာဓိ ရေးသည်။

    မူရင်း မြန်မာ ဝေါဟာရများနှင့် နိုင်ငံရေး စကားလုံးများတွင် မလိုလား အပ်သော နာမဝိသေသနနှင့် ကြိယာ ဝိသေသနများ ထပ်မံ ပေါင်းထည့် ခြင်းဖြင့် မလိုလားအပ်သော အရေး အခင်းများနှင့် နိုင်ငံအတွင်း ကြီးမားသော ပြဿနာများ ဖြစ်ပေါ်စေ ခဲ့သည်ကို သင်ခန်းစာ ယူသင့်ကြပါပြီ။

    ၁။ လူတော် လူကောင်းနှင့် လူကောင်း လူတော်။
    ————————————————-
    မြန်မာနိုင်ငံ၏ စစ်အာဏာရှင် စံနစ်ကို စတင်ခဲ့သူ ဦးနေဝင်းက မူလ တစ်လုံးတည်း ရှိသော မြန်မာ စကားလုံး (လူတော်လူကောင်း) ကို (လူတော်) နှင့် (လူကောင်း) ဟူ၍နှစ်လုံး ခွဲပြစ်ရုံမက တစ်လုံးနှင့် တစ်လုံး နာမ ဝိသေသန အဖြစ် အပြန်အလှန် အထူးပြုသည့် အဓိပ္ပါယ်ကို ဖွင့်ဆိုသည့် အပြင် မူလ စကားလုံးကို ပြောင်းပြန် လှန်ကာ (လူကောင်း လူတော်) ဟူ၍ အရေးအသားကိုပါ ပြောင်းပြန် လုပ်ပြီး သည့် သကာလ မြန်မာ နိုင်ငံကိုလည်း ဇောက်ထိုး မိုးမျှော် ဖြစ်အောင် အံ့သြဖွယ် လုပ်ဆောင် နိုင်ခဲ့ပေသည်။
    ဤစကားသည် စာရေးသူ တီထွင်၍ ပြောသော စကားမဟုတ်ပါ။ စင်္ကာပူ ဝါရင့် ခေါင်းဆောင် ကြီး လီကွမ်ယုက အရှေ့တောင် အာရှတွင် အခြေခံကောင်းများ ရှိပြီးဖြစ်သော ချမ်းသာ ကြွယ်ဝသည့် မြန်မာ နိုင်ငံကို သဘောဆိုးဖြင့် တမင်ဖျက်ဆီးမယ်ဆိုရင်တောင်မှ ဤမျှ မပျက်ဆီးနိုင်၍ စစ်ဗိုလ်ချုပ် များ မည့်သို့ စီမံ ခန့်ခွဲခဲ့သည်ကို သူဥာဏ်မမှီပါဟု ဆိုပါသည်။

    ဤ လူကောင်းလူတော် ဟူသည့် ပုဒ်မဖြင့် လူတော်သော်လည်း မကောင်း သူနှင့် လူ အရင်က တော်ပြီး နောက်မှ ကောင်းလာသူများဟု တံဆိပ်ကပ် ကာ နိုင်ငံ ဝန်ထမ်းများကို အရေး ယူခြင်းဖြင့် အရည် အချင်း ရှိသူ လူတော်လူကောင်း များကို ဖယ်ထုပ်ကာ စစ်အာဏာရှင် စနစ်အား ကျိူးနွံမည့် လူကောင်းလူတော် များ သာ ကျန်အောင် ဖြုတ် ထုတ် သတ် လုပ် ခဲ့ခြင်းကြောင့် ကမ္ဘာပေါ်တွင် အဆင်းရဲဆုံး တိုင်းပြည် ဖြစ်ခဲ့ရခြင်းသည် လီကွမ်ယု ဥာဏ် မမှီလိုက်သော လျှို့ဝှက်ချက်ပင် ဖြစ်သည်။

    Nice and Clever man

    သို့သော် အမှားများကို သိသောကြောင့် အမှန် ပြင်သည့် အနေဖြင့် ယနေ့ ဧပြီလ ၄ ရက်နေ့ထုတ် ကြေးမုံ သတင်းစာ စာမျက်နှာ ၁၉ တွင် (လူတော်လူကောင်း) ဟူ၍ သုံးနှုံးထား သည်ကို ကြည်နူးစွာ ဖတ်ရှု့ လိုက် ရပါသည်။

    ၂။ သွေးနှော တံဆိပ်ကပ်၍ နာမ်ကို နာမ်နှင့် အထူးပြုခြင်း။
    —————————————————-
    အစ္စလာမ် ဘာသာကိုးကွယ်သူ နိုင်ငံသားများကို သွေးနှော ဟူသည့် နာမ်နာမ ဝိသေသန တစ်ခု ကပ်ကာ ခိုးဝင် နိုင်ငံသားများ အဖြစ်ပုံဖေါ်ပြီး လူမျိုး အမည်များတွင် ဗမာပြည်တွင် ဗမာမှ မွေးသူ များကို ဗမာ လူမျိုးအမည် သီးသန့် အတပ် မခံဘဲ နိုင်ငံခြား တိုင်းပြည် အမည်များဖြစ်သည့် အိန္ဒိယ၊ ပါကစ္စတန်၊ ဘင်္ဂါလီ စသည့် တို့ကို နာမ် နာမ ဝိသေသန အဖြစ် ရှေ့မှ ထည့် ၍ အိန္ဒိယ မြန်မာ၊ ပါကစ္စတန် မြန်မာ၊ ဘင်္ဂါလီ မြန်မာ စသည်ဖြင့် လူဝင်မှု ကြီးကြပ်ရေး ဌာနမှ အတင်း အကြပ် ရေးသွင်းကာ မြန်မာ နိုင်ငံသား မွတ်ဆလင်တို့၏ (Identity) ကို စနစ်တကျ ဖျက်ဆီး လာခဲ့ သောကြောင့် အစ္စလာမ်ဘာသာ ကိုးကွယ် သူများကို ပြည်သူ အများက နိူင်ငံခြားသား အဖြစ် ရှု့မြင်နေကြ ပါတော့သည်။

    စစ်ဗိုလ်ချုပ်များသည် အမှန် တကယ် ပြည်ပ အားမကိုးသူ၊ ပြည်ပကို အထင် မကြီးသူများ ဖြစ်လျှင် မြန်မာ ကပြားမျာ၏ အမည်ကို မြန်မာ အိန္ဒိယ၊ မြန်မာ ပါကစ္စတန်၊ မြန်မာ ဘင်္ဂါလီ၊ မြန်မာ တရုတ် ဟူ၍ ကိုယ့် လူမျိုး အမည် မြန်မာကို ရှေ့က နာမ်နာမ ဝိသေသန နေရာတွင် ထားရန် ညွှန်ကြားမည် ဆိုလျှင် တော်သေး သည်ဟု ဆိုရပါမည်။

    အကောင်းဆုံးက မြန်မာနိုင်ငံတွင် မွေးသူတိုင်းကို နာမ ဝိသေသန မပါဘဲ မြန်မာဟု သာ ခေါ်ဆိုမည်  ဆိုလျှင် နိုင်ငံသားအားလုံး စည်းလုံး ညီညွတ် နေကြ ပါလိမ့်မည်။

    ၃။ န.ဝ.တ ခေတ် မြန်မာ့ သမိုင်း အမှန် ရေးစွဲရေး အဖွဲ့။
    ——————————————————–
    သမိုင်းဟူသည် အထောက်အထား ခိုင်မာစွာဖြင့် အမှန်များကိုသာ ရေးရသည့် ဘာသာရပ် တစ်ခု ဖြစ်၍ ရေးစွဲဟူသည့် ကြိယာရှေ့တွင် အမှန် ဆိုသော ကြိယာ ဝိသေသန တစ်ခုကို အဆစ် ထည့်ထားခြင်းဖြင့် လုပ်ကြံ သမိုင်းများကို ရေးစွဲတော့မည် ဖြစ်ကြောင်း နိုင်ငံရေး ဝါရင့် ဦးသုဝေက ထောက်ပြ ဖူးပါသည်။

    ဦးသုဝေ၏ ခန့်မှန်းချက်က မှန်ပါသည်။  မြန်မာ မွတ်ဆလင် တို့၏ သမိုင်း၊ ရခိုင် သမိုင်းနှင့် ရိုဟင်ဂျာ သမိုင်းတို့ကို စိတ်ထင်ရာရေးပြီး ဝါဒ ဖြန့်ဖြူးခဲ့တာ ကြာလာသောအခါ မြန်မာ မွတ်ဆလင် များကို ဧည့်သည်များ အဖြစ် သာသနာရေး ဝန်ကြီး သူရ ဦးအောင်ကိုက အမှတ်မှားပြီး ဝန်ကြီးချုပ် ဦးနုခေတ် ရွေးကောက်ခံ ပါလီမန်က တိုင်းရင်း သား အဖြစ် အသိအမှတ် ပြုခဲ့သော ရိုဟင်ဂျာကို ခိုးဝင်သူ အဖြစ် သတ်မှတ် ဆက်ဆံ ပါတော့သည်။

    ထို့ကြောင့် မလိုအပ်သော ကြိယာဝိသေသန အမှန်ကို ဖြုတ်ပြီး တာဝန်ယူမှု တာဝန်ခံမှု အပြည့်ရှိသော မြန်မာ့ သမိုင်း ရေးစွဲရေး အဖွဲ့ ဟု အမည် ပေးမှသာ မြန်မာ့ သမိုင်း အမှန်များ ကို ပြည်သူများ ဖတ်ခွင့် ရကြပါ လိမ့်မည်။

    ၄။ ပြည်တွင်းနေ အစ္စလာမ် ဘာသာဝင်။
    ——————————————–
    ဦးကျော်ဆန်း ပြန်ကြားရေး ဝန်ကြီး အဖြစ် တာဝန်ထမ်းဆောင်စဉ် ၂၀၁၂ ခု တောင်ကုတ် လူသတ် ပွဲနှင့် ပတ်သက်၍ အုပ်စုဖွဲ့ အသတ်ခံရ သူ ခရီးသွား ၁၀ ဦးကို မွတ်ဆလင် ကုလား များဟု အစိုးရသတင်းစာမှ ရေးသားဖေါ်ပြ ပြီး ဝေဖန်မှုများ ဆူညံလာသောအခါ ပြည်တွင်းနေ အစ္စလာမ် ဘာသာဝင် ၁၀ ဦး ဟု အမှား ပြင်ဆင် ပေးပါ သည်။

    ခရီးသွား ၁၀ ဦး အုပ်စုဖွဲ့ အသတ်ခံရပါတယ်လို့ ရေးရင် မီဒီယာ ကျင့်ဝတ် (conflict sensitive media ethics) အရ လုံလောက်နေတာကို ခရီးသွား ၁၀ ဦးရှေ့မှာ မွတ်ဆလင်ကုလား နဲ့ ပြည်တွင်းနေ အစ္စလာမ် ဘာသာဝင် ဆိုတဲ့ နာမ် နာမ ဝိသေသနတွေ ထည့်လိုက်ခြင်းဖြင့် မြန်မာနိုင်ငံရဲ့ မြို့အတော်တော် များများ ပြာပုံ ဖြစ်သွားကြပါတယ်။ ပြည်သူတွေရဲ့ အိုးအိမ်တွေ မီးလောင် ဆုံးရှုံးတယ် ဆိုတာ တကယ်တော့ တိုင်းပြည်ရဲ့ asset ပြိုကွဲတာဖြစ်လို့ တိုင်းပြည် ဆင်းရဲသွားတာဘဲ ဖြစ်တယ်။

    မလိုအပ်တဲ့ နာမ ဝိသေသန တွေဟာ တိုင်းပြည်ကို မီးလောင်တိုက် သွင်းသလို ဖြစ်စေခဲ့တာကို လည်း နိုင်ငံရေးသမားတွေနဲ့ သတင်းသမားတွေ သင်ခန်းစာ ယူသင့်တယ်။

    ၅။ တိုင်းရင်းသား ကိုးကွယ်သောဘာသာနှင့် ဧည့်နိုင်ငံသား ကိုးကွယ်သောဘာသာများ။
    —————————————————-
    အစိုးရ အဖွဲ့ဝင် ဝန်ကြီးများ အနေဖြင့် မြန်မာ နိုင်ငံတွင် ကိုးကွယ်နေကြသော ဘာသာများကို ၂၀၀၈ ဖွဲ့စည်းပုံ ဥပဒေ ပုဒ်မ ၃၆၂ တွင် ပြဌာန်းထားသည့် အတိုင်း မလိုအပ်သော နာမ ဝိသေသန အပိုများ မထည့်ဘဲ ခရစ်ယာန် ဘာသာ သာသနာ၊ အစ္စလာမ် ဘာသာ သာသနာ၊ ဟိန္ဒူဘာသာ သာသနာနှင့် နတ်ကိုးကွယ်သော ဘာသာဟု သုံးနှုံး ကြမည်လျှင် စိတ်အချရဆုံးနှင့် နိုင်ငံ အတွက် အန္တရာယ် အကင်းဆုံး ဖြစ်ပါလိမ့်မည်။

    VOA အစီအစဉ်မှူး ဒေါ်ခင်စိုးဝင်း၏ အင်တာဗျူးတွင် တိုင်းရင်းသား ကိုးကွယ်သော ခရစ်ယာန် ဘာသာ၊ ဧည့်နိုင်ငံသား ကိုးကွယ်သော အစ္စလာမ်နှင့် ဟိန္ဒူ ဘာသာ စသည်ဖြင့် သုံးနှုံး ဖြေကြားခဲ့သော ယဉ်ကျေးမှုနှင့် သာသနာရေး ဝန်ကြီး သူရ ဦးအောင်ကိုမှာ ဖြေရှင်ချက်များ ထုတ်လို့ မဆုံးဖြစ်နေသည်ကို နိုင်ငံရေး သမားများ သင်ခန်းစာ  ယူသင့်သည်။

    တကယ်တော့ ၂၀၀၈ ဖွဲ့စည်းပုံ ပုဒ်မ ၃၄၈ အရ လူမျိုး ဇာတိ ကိုးကွယ်ရာ ဘာသာ များကို အကြောင်း ပြု၍ ခွဲခြားဆက်ဆံမှု မပြုရဆိုသော ပြဌာန်းချက်ကို သာသနာရေး ဝန်ကြီးကိုယ်တိုင် အမှုမဲ့ အမှတ်မဲ့ ဖြစ်သွား ပုံရသည်။

    FB_IMG_1459699877212

    ထို့ကြောင့် နိုင်ငံရေးနှင့် ပတ်သက်သော ဝေါဟာရ စကားလုံးများကို တရားဝင် ပြဌာန်းထားသော ဖွဲ့စည်းပုံ ဥပဒေ အတိုင်း သုံးနှုံးခြင်းကသာ အကောင်းဆုံးဖြစ်ကြောင်း NLD အစိုးရ အဖွဲ့ကို စေတနာဖြင့် အကြံပြု လိုက်ရပါသည်။

    လေးစားစွာဖြင့်

    မောင်သမာဓိ

  • “လူ့အခွင့်အရေး၊ ခွဲခြားဆက်ဆံခြင်း အမူအကျင့် နှင့် မြန်မာ့ရုပ်ရှင် မီဒီယာ”

    “လူ့အခွင့်အရေး၊ ခွဲခြားဆက်ဆံခြင်း အမူအကျင့် နှင့် မြန်မာ့ရုပ်ရှင် မီဒီယာ”

    against

    (ဒီမိုကရေစီနှင့်လူ့အခွင့်ရေးဂျာနယ်) မှ ကူးယူဖော်ပြသည်။
    မှူးသစ် ရေးသည်။
    .
    Violence ( အကြမ်းဖက်မှု)တွေ ကို လေ့လာကြည့်မယ်ဆိုရင် အကြမ်းအားဖြင့် Structure Violence နဲ့ Culture Violence ရယ်လို့ တွေ့နိုင်တယ်။ Structure Violence နဲ့ ပတ်သက်ပြီး အဓိက ရည်ညွန်းချင်တာက လက်နက်ကိုင် တိုက်ပွဲတွေ၊ ဘာသာရေး၊ လူမျိုးရေး ပဋိပက္ခ အထိကရုဏ်းတွေ နဲ့ လူမျိုးတုန်းသတ်ဖြတ်မှုတွေ စတာတွေပဲဖြစ်တယ်။ Culture Violence ကတော့ အထက်မှာ ဆိုခဲ့တဲ့ Structure Violence ထက် ပိုပြီး နက်နဲလိမ့်မယ်လို့ ယူဆပါတယ်။
    .
    Structure အားဖြင့် ဖြစ်ပေါ်နေတဲ့ Violence တွေကို ဖြေရှင်းဖို့က စစ်ပွဲတစ်ပွဲ လူသတ်ပွဲတစ်ပွဲ လက်နက်ကိုင် အထိကရုဏ်းပွဲတစ်ပွဲ စတဲ့ ဖြစ်စဉ်တွေကို စေ့စပ်ညှိုနိုင်းနိုင်မယ်ဆိုရင် အချိန်ကာလတစ်ခုနဲ့ ရည်မှန်းပြီး လုပ်ဆောင်နိုင်မယ်။ Culture Violence ကတော့ ဒီလိုမဟုတ်ဘဲ လူ့အဖွဲ့အစည်းထဲမှာ စိမ့်ဝင်နေတဲ့ အကြမ်းဖက်စိတ်တွေဖြစ်တဲ့ အတွက် ဖြေရှင်းရဖို့ အချိန်ကြာတတ်သလို ဖြေရှင်းနိုင်ရင်တောင် အကြမ်းဖက်စိတ်မီး တွေဟာ အချိန်မရွေး ထလောင်နိုင်တဲ့ အခြေအနေမှာရှိတယ်။ ဆိုရရင် Culture Violence တွေ အပြီးသတ်ပျောက်သွားဖို့က လူ့အဖွဲ့အစည်းတစ်ခုလုံးရဲ့ စိတ်ပိုင်းဆိုင်ရာ နဲ့ အမူအကျင့်တွေ၊ အတွေးအခေါ်တွေကိုပါ ပြောင်းဖို့လိုအပ်တယ်။
    .
    နောက်ထပ် သတိထားဖို့ လိုတာက လူ့အဖွဲ့အစည်းအတွင်းမှာ မမြင်ရတဲ့ အကြမ်းဖက်စိတ်တွေ၊ စိမ့်ဝင်တွေနဲ့ အကြမ်းဖက်မှု အမူအကျင့်တွေဟာ လက်နက်ကိုင်တိုက်ပွဲတွေ၊ လူမျိုးတုန်းသတ်ဖြတ်မှုတွေ၊ ဘာသာရေး လူမျိုးရေး အထိကရုဏ်းတွေစသည့်ဖြင့် (Structure) အားဖြင့် ဖြစ်ပေါ်လာမယ့် (Violence) အကြမ်းဖက်မှုတွေ ပေါ်ပေါက်လာဖို့ ကို အဓိက တွန်းအားပေးနေတာပဲဖြစ်တယ်။
    .
    ဒီနေရာမှာ အဓိက ပြောချင်တာက ကျွန်တော်တို့ လူ့အဖွဲ့အစည်းအတွင်းမှာ စိမ့်ဝင်နေတဲ့ အကြမ်းဖက်စိတ်(Culture Violence ) ပဲဖြစ်တယ်။
    .
    Culture Violence တွေဖြစ်ပေါ်လာဖို့ ဘယ်က အခြေခံလာသလဲဆိုရင်တော့ ခွဲခြားဆက်ဆံမှု (Discrimination) တွေကြောင့်လို့ ပြောရလိမ့်မယ်။
    .
    လူ့အဖွဲ့အစည်းအတွင်း ခွဲခြားဆက်ဆံခြင်း အမူအကျင့်တွေ စိမ့်ဝင်ဆွဲကပ် နေသမျှ ကာလပတ်လုံး အထက်မှာ ဆိုခဲ့တဲ့ Structure Violence နဲ့ Culture Violence တွေ ဖြစ်ပေါ်လာဖို့ လွယ်ကူနေမှာပဲဖြစ်တယ်။
    .
    အကြမ်းဖက်မှုလို့ ဆိုလိုက်ရင် လက်နက်ကိုင် အကြမ်းဖက်မှု၊ အုပ်စုဖွဲ့ ရုန်းရင်းဆန်ခတ်မှု ၊ အုပ်စုဖွဲ့ ဗိုလ်ကျ ဖိနှိပ်မှုလို့ မြင်ကြမှာအမှန်ပါပဲ။ သို့ပေမယ့် လူ့အဖွဲ့အစည်းကြားထဲမှာ ကိုယ်ထိလက်ရောက် ကျူးလွန်ကြတဲ့ အကြမ်းဖက်မှုတွေ ရှိနေသလို နူတ်အားဖြင့်အကြမ်းဖက်မှု၊ အမူအရာအားဖြင့် အကြမ်းဖက်မှုတွေကလည်း ကျွန်တော်တို့ လူ့အဖွဲ့အစည်းမှာ နေရာတိုင်း အချိန်တိုင်း လိုလို တွေ့ကြုံနေရပြန်တယ်။
    .
    ကျွန်တော့်တို့ မြန်မာ့လူ့အဖွဲ့အစည်းကို ကြည့်လိုက်မယ်ဆိုရင် ခွဲခြားဆက်ဆံခြင်း(Discrimination) အမူအကျင့်တွေ အများကြီး စွဲကပ်နေတာ စိမ့်ဝင်နေတာကို မလွဲမသွေ တွေ့ရမှာပဲဖြစ်တယ်။ အနီးကပ်ဆုံး ဥပမာပေးပြရမယ်ဆိုရင် လူမျိုးရေး၊ ဘာသာရေး ဆန်တဲ့ ပဋိပက္ခတွေဖြစ်ပေါ်ပြီးတဲ့နောက်ပိုင်း၊ အခုလို ၀ါတွင်းကာလမှာ အချို့သော အလှူခံမဏ္ဍပ်တွေရဲ့ အချိန်ပြည့်နီးပါးဖွင့်လေ့ရှိတဲ့ “ငါတို့ အရိုး စည်းရိုးထိုး ” ဆိုတဲ့ စာသားတွေပါ၊ ဘာသူတူရာဈေးဆိုင်မှာသာ ဈေးဝယ်ပါ၊ အိမ်ရှင်စော်ကား” စတဲ့စာသားတွေပါတဲ့ သီချင်းတွေကို ကျယ်ကျယ်လောင်လောင်ဖွင့်နေတာကို ပြရ မှာပဲဖြစ်တယ်။
    .
    ဒါဟာ တနည်းအားဖြင့်တွေးမယ်ဆိုရင် လူမျိုးမတူ ဘာသာမတူသူတွေအပေါ် လူများစုတွေက နူတ်အားဖြင့် အကြမ်းဖက်မှုပဲဖြစ်တယ်။ သို့ပေမဲ့လည်း ဒီသီချင်းတွေကို ဘာသာရေးဆိုင်ရာ မဏ္ဍပ်တွေမှာ ကျေကျေနပ်နပ်ဖွင့်နေကြရုံသာမက မြို့ရွာ ရပ်ကွက်အနှံ့ ကားနဲ့လှည့်ပြီးလို့တောင် ဖွင့်ကြတယ်။
    .
    ဒီအပြုအမှုတွေ ဘာကြောင့် ရှိနေရသလဲ၊ ဘာကြောင့် ဖြစ်ပေါ်နေရသလဲဆိုတဲ့ လားရာ အခြေခံအကြောင်းအရင်းတွေကို ကြည့်လိုက်ရင်တော့ လူ့အဖွဲ့အစည်းအတွင်းက သိစိတ်၊မသိစိတ်တွေထဲမှာ ခွဲခြားဆက်ဆံခြင်း အမူအကျင့်တွေ စွဲကပ်နေတာကို အထင်အရှားတွေ့ရလိမ့်မယ်။
    .
    ခွဲခြားဆက်ဆံမှုဟာ sensitive ဖြစ်တဲ့ issue တစ်ခုလည်းဖြစ်ပြီး နေရာတိုင်းလိုလိုမှာ ရှိနေတယ်။ ခွဲခြားဆက်ဆံမှုတွေကနေတဆင့် ဘာသာ၊ လူမျိုး၊ စတဲ့မတူညီတဲ့ Identity တွေအပေါ် အကောင်းဘက်က မရှုမြင်နိုင်တာတွေ၊ လေးစားမှုမရှိတော့တာတွေနဲ့ ရန်သူသဖွယ် သတ်မှတ် ပြုမှုလာကြတော့တာပဲဖြစ်တယ်။
    .
    ခွဲခြားဆက်ဆံမှုတွေဟာ ဒေါသစိတ်တွေကို မွေးမြူပေးတယ်။ ဒေါသစိတ်တွေကတဆင့် မတူညီတဲ့ လူ့အဖွဲ့အစည်း နှစ်ခုကြားမှာ ပဋိပက္ခမီးတွေဟာ တောက်လောင်စေတော့တာပဲဖြစ်တယ်။
    .
    ကိုယ့်လူမျိုး၊ကိုယ့်ဘာသာ သာလျှင် ကြီးကျယ်မြင့်မြတ်တယ် ကိုယ်နဲ့မတူညီတဲ့ လူမျိုး၊ဘာသာ၊နိုင်ငံသားတွေဟာ နိမ့်ကျတယ် ဆိုတဲ့ အစွန်းရောက် ဘာသာရေး အမျိုးသားရေး စိတ်ဓါတ်တွေကြီးထွားလာဖို့အတွက် ခွဲခြားဆက်ဆံမှုတွေက အဓိက တွန်းအားပေးနေတယ်လို့ဆိုရမယ်။
    .
    ခွဲခြားဆက်ဆံခြင်း အမူအကျင့်တွေကို ဘယ်လိုအရင်းအမြစ်တွေကနေ စွဲကပ်စေသလဲ ခွဲခြားဆက်ဆံခြင်းအမူအကျင့်တွေ လူ့အဖွဲ့အစည်းအတွင်းကို အရိုးစွဲ စိမ့်ဝင်စေတဲ့ အဓိက အကြောင်းအရင်းတွေက ဘာတွေလဲ စတဲ့ အရင်းအမြစ်တွေကို ရှာဖွေကြည့်ရင်တော့ အများကြီးတွေ့နိုင်တယ်။ စာပေတွေ၊ ကျောင်းစာသင်ခန်းတွေ၊ လူမှုပတ်ဝန်းကျင်တွေ၊ မိဘဘိုးဘွားတွေ၊ ရုပ်ရှင်ဖျော်ဖြေရေးတွေ စသည့်ဖြင့် အများကြီးပါပဲ။
    .
    လူ့အဖွဲ့အစည်းအတွင်းကို ခွဲခြားဆက်ဆံခြင်းအမူအကျင့်တွေ စွဲကပ်စေတဲ့ အရင်းအမြစ်တွေအားလုံးကို ဖေါ်ပြရေးသားရမယ်ဆိုရင်တော့ လေ့လာမှုများစွာနဲ့ အရမ်းကျယ်ပြန့်ပါလိမ့်မယ်။
    .
    အဲ့ဒီထဲကမှ ရုပ်ရှင်ဗီဒီယို ဖျော်ဖြေရေးတွေဟာ မြန်မာ့လူ့အဖွဲ့အစည်းအတွင်းကို ခွဲခြားဆက်ဆံခြင်း အမူအကျင့်တွေ ဘယ်လို ရိုက်သွင်းနေတယ်၊ ဘယ်လိုဆွဲကပ်စေတယ်ဆိုတာနဲ့ပတ်သက်ပြီး အနည်းငယ် ဆွေးနွေးချင်ပါတယ်။
    .
    အာဏာရှင်လက်ထက်တစ်ခုလုံးမှာ ထွက်ပေါ်လာတဲ့ မြန်မာ့ရုပ်ရှင်ဗီဒီယို ဇတ်လမ်းတွေကို ကြည့်လိုက်မယ်ဆိုရင် လူ့အခွင့်အရေးတန်ဖိုးစံနူန်းနဲ့ပတ်သက်ပြီး ထုတ်ဖေါ်ပြသနိုင်တဲ့ ဇတ်ကားတွေဟာ မရှိသလောက် ရှားပါးခဲ့ပေမဲ့ လူ့အခွင့်အရေးတွေကို မသိလိုက်မသိသာနဲ့ သိသိသာသာချိုးဖေါက်မှုတွေကတော့ အများအပြားရှိနေတာကို တွေ့မြင်နိုင်တယ်။
    .
    အထင်ရှားဆုံးညွှန်းရရင် အခုလက်ရှိ အောင်မြင်မှုရနေတဲ့ ဟာသ ဇတ်ကားတွေနဲ့ အငြိမ့်ပြဇတ်တွေမှာ လိင်၊ အသားအရောင်၊ လူမျိုး၊ ဘာသာစကား စတာ တွေကို လှောင်ပြောင်တာ၊ နှိမ်ချ ဟာသ လုပ်တာ အများဆုံးတွေ့ရလေ့ရှိတယ်။
    .
    ဂေးတွေကို လှောင်ပြောင်တာ ၊ မိန်းမလျာပုံစံနဲ့ ဟာသ လုပ်တာ၊ အသားမည်းတာကို ဟာသ လုပ်တာ တိုင်းရင်းသား ဘာသာစကားအသံတွေကို မပီမသအသံ တုပပြောဆိုတာတွေက မြန်မာ ရုပ်ရှင်ဗီဒီယို၊ အငြိမ့်တွေအတွက် ပြတ်လုံး ဖန်တီးတဲ့ ဖေါ်မျူလာ တစ်ခုလိုတောင်ဖြစ်နေတယ်လို့ ဆိုနိုင်တယ်။
    .
    ဒီအပေါ်မှာကြည့်ရှုသူတွေအနေနဲ့ သဘောတကျ ရယ်မောကြသလို၊ ကိုယ့်နေထိုင်တဲ့ လူမှု ပတ်ဝန်းကျင်တွေမှာ အဲ့ဒီ ဟာသ ပြတ်လုံးတွေကို အသုံးပြုပြီး ကိုယ်နဲ့ မတူညီသူတွေကို ပြန်ပြီး လှောင်ပြောင်လေ့ရှိကြတယ်။ ဒါဟာ ခွဲခြားဆက်ဆံခြင်း အမူအကျင့်စွဲကပ်ခံရခြင်း အရာတစ်ခုလို့လည်း ဆိုနိုင်တယ်။
    .
    အထူးသဖြင့် ဒီလို ခွဲခြားဆက်ဆံပြီး လှောင်ပြောင်တဲ့ စကားလုံးတွေဟာ အသိဥာဏ်နုနယ်သေးတယ် ကလေးတွေအတွက် အတုယုဖွယ်ရာ တစ်ခုဖြစ်လာပြီး၊ ကျောင်းစာသင်ခန်းတွေထဲအထိ သယ်ဆောင်လာတော့တယ်။ အဲ့ဒီမှာပဲ အခန်းဖေါ်တွေထဲက အသားမည်းတဲ့ ကျောင်းသားတွေ၊ နေထိုင်မှုပုံစံမတူတဲ့ သူငယ်ချင်းတွေ၊ ဘာသာကွဲ လူမျိုးကွဲ အတန်းဖေါ်တွေအပေါ်မှာ ခွဲခြားဆက်ဆံခြင်း စကားလုံးတွေကို အသုံးပြုပြီး စနောက် လှောင်ပြောင်ကြတော့တာပဲဖြစ်တယ်။
    .
    မြန်မာရုပ်ရှင်ဇတ်လမ်းတွေဟာ ဖျော်ဖြေရေးအရာတစ်ခုလို့ ဆိုပေမယ့်လည်း အဲ့ဒီ ဖျော်ဖြေရုပ်ရှင်တွေထဲက ဘယ်လိုဇတ်ကွက်တွေကတော့ဖြင့် ကြည့်ရှုသူတွေအပေါ် ဘယ်လိုမျိုး အကျိုးသက်ရောက်စေတယ် လူ့အဖွဲ့အစည်းကို ဘယ်လို စရိုက်တွေ ကူးဆက်စေတယ်ဆိုတာကို ဇတ်ကားရိုက်ကူးသူတွေ ကိုယ်တိုင်က လေ့လာဆန်းစစ်ကြည့်ဖို့ သတိရကြဟန်တော့မရှိပါဘူး။
    .
    ဒါ့အပြင် ပညာပေးဇတ်ကားလို့ဆိုလိုက်ရင်၊ မိဘမေတ္တာနဲ့ ရိုးသားမှု ၊မတော်လောဘရဲ့ အကျိုးအပြစ်တွေ၊ ဥပဒေချိုးဖေါက်မှုတွေ စတာတွေလာက်ကိုသာ အသားပေးပြသကြပြီး။ လူ့အခွင့်အရေးတန်ဖိုးတွေ၊ တရားမျှတမှုတွေ၊ လူသားခြင်းစာနာမှုတွေ၊ လူလူခြင်းတန်ဖိုးထားမှုတွေကို ပြသနိုင်တဲ့ ဇတ်ကားတွေက မရှိသလောက် ရှားနေစဲဖြစ်တယ်။
    .
    အစိုးရသစ်ပြောင်းပြီးတဲ့နောက်ပိုင်း မီဒီယာလွတ်လပ်ခွင့်တွေနဲ့အတ ဆင်ဆာလွတ်လပ်ခွင့်တွေရလာပေမယ့်လည်း မြန်မာရုပ်ရှင်ဗီဒီယိုဇတ်ကားတွေရဲ့ တိုးတက်မှုကတော့ မေးခွန်းထုတ်စရာကောင်းတဲ့ အခြေအနေတွေမှာ ရှိနေတုန်းလို့ပဲ ဆိုရမယ်။
    .
    ဆင်ဆာ လွတ်လပ်ခွင့်ရပြီးတဲ့နောက်မှာ စကားလုံးအားဖြင့် ခွဲခြားဆက်ဆံခြင်းပြုလုပ်တာတွေက ပိုလို့တောင်များလာတယ်လို့ ဆိုမယ်။
    .
    အင်တာနက်ပေါ်မှာ ဝေဖန်မှုခံခဲ့ရတဲ့ ဒါရိုက်တာ နေပိုင်ရဲ့ “ဂျောင်း”ဆိုတဲ့ ဇတ်ကားမှာဆိုရင် လူမျိုးနှစ်မျိုးကို ထိခိုက်ပြီး ဟာသလုပ်တဲ့ ဇာတ်ဝင်ခန်းကို တွေ့ရမယ်။ ဒီဇာတ်ကားကို ရခိုင် တိုင်းရင်းသားတွေက တရားဝင်ကန့်ကွက် ဝေဖန်လို့သာ အများပြည်သူကြားကို ကျယ်ကျယ်ပြန့်ပြန့်ရောက်လာပြီး ပြန်လည်တောင်းပန်မှုတွေ ရှိခဲ့တာပဲဖြစ်တယ်။ အခြားသော ဇာတ်ကားတွေမှာလည်း ရုပ်ရှင်ကြည့်သူတွေကြားမှာ မသိလိုက်မသိသာ ရယ်ပွဲတွေနဲ့တင် ပြီးဆုံးသွားတဲ့ လူမျိုးရေး၊ ဘာသာရေး ခွဲခြားဆက်ဆံမှု၊ ဖိနှိပ်လှောင်ပြောင်မှု ပါဝင်တဲ့ ဇာတ်ဝင်ခန်းတွေ အများကြီး ကျန်နေနိုင်သေးတယ်။
    .
    “ဂျောင်း” ဆိုတဲ့ ဇာတ်ကားက ဇာတ်ဝင်ခန်းပြောစကားနဲ့ပတ်သက်ပြီး သရုပ်ဆောင် မြင့်မြတ်ရဲ့ တောင်းပန်တဲ့ စကားကို ကြည့်မယ် ဆိုရင် ရုပ်ရှင်လောကသား သရုပ်ဆောင် တစ်ယောက်ရဲ့ အမြင်ကို ၀မ်းနည်းဖွယ်ရာ တွေ့ရလိမ့်မယ်။
    .
    “ကျနော် ဒီဇာတ်ကားကို ရိုက်တုန်းက သိပ်တောင် သတိမထားမိခဲ့ပါဘူး။ ကျနော်တို့က အနုပညာ တခုအပေါ်မှာ ဟာသ တခုကို ဖန်တီးလိုက်တဲ့ သဘောပါပဲ။ ဘယ်သူ့ကိုမှ ထိခိုက်နစ်နာပါစေလို့ မရည်ရွယ်ပါဘူး။” ဒါဟာ မြင့်မြတ်ရဲ့ တောင်းပန်မှု စကားကို ပေါ်ပြူလာဂျာနယ်ရဲ့ ဖေါ်ပြချက်ထဲက ဖြစ်ပါတယ်။
    .
    ဆိုရရင် သူအနေနဲ့ ဒီဇာတ်ဝင်ခန်းက စကားနဲ့ ပတ်သက်ပြီး သတိမထားမိခဲ့ဘူး၊ ဒါကို သူက အနုပညာ တစ်ခုအပေါ် ဟာသာတစ်ခုအနေနဲ့ ဖန်တီးတယ်လို့ ဆိုထားတယ်။ ကိုယ်နဲ့ မတူညီတဲ့ လူမျိုးစု နှစ်ခုဟာ ဟာသ ပြုလုပ်စရာမဟုတ်ဘူးဆိုတာ ဒါရိုက်တာရော သရုပ်ဆောင်ရော မသိရှာဘူး။ အနုပညာအရလည်း မလုပ်သင့်ဘူးဆိုတာ မသိရှာဘူး။ ဒါက ခွဲခြားဆက်ဆံမှု တစ်ခုဖြစ်တယ်ဆိုတာလည်း သူတို့ သတိမထားမိရှာဘူး။ မြန်မာ့ လူ့အဖွဲ့အစည်း အတွက် စိုးရိမ်စရာကောင်းတဲ့ အခြေအနေလို့တောင် ဆိုရမယ်။
    ဒါဟာ ဥပမာအားဖြင့် ထုတ်နုတ်ပြတာဖြစ်ပြီး အဲ့ဒီထက်ပိုမိုပြီး လူမျိုးရေးအရ လှောင်ပြောင်တဲ့ ဇာတ်ဝင်ခန်းတွေပါတဲ့ ဇာတ်ကားတွေ အများကြီးရှိနေတယ်ဆိုတာ သတိပြုဖို့လိုနေမှာဖြစ်တယ်။
    .
    မြန်မာ့ရုပ်ရှင်ဗီဒီယို ဇာတ်လမ်းတွေမှာ အလှောင်ပြောင်ခံရဆုံး၊ ဟာသ အလုပ်ခံရဆုံးသူတွေကို ပြပါဆိုရင်၊ မိန်းမလျာ(ဂေး)တွေနဲ့ အသားမည်းသူတွေပဲ ဖြစ်တယ်။ အထူးသဖြင့် ဂေးတွေဟာ မြန်မာဟာသ ဇာတ်ကားတွေအတွက် ပြက်လုံး ထုတ်ကုန်တစ်ခုလိုတောင် ဖြစ်နေပါပြီ။ လူတွေ အပန်းဖြေကြည့်ရှုကြတဲ့ ရုပ်ရှင်ဗီဒီယို ဇတ်လမ်းတွေကနေတဆင့် မိန်းမလျာတွေကို ခွဲခြားဆက်ဆံဖို့ သင်ယူကြတဲ့အခြေအနေလို့ ဆိုရမှာပါ။
    .
    သရုပ်ဆောင် မိုးအောင်ရင် ၊ ဒိန်းဒေါင် နဲ့ နန်းခင်ဇေယျာတို့ ပါဝင်တဲ့ ဗီဒီယို ဇာတ်ကား တစ်ခုရဲ့ နာမည်ဆိုရင် “အခြောက်တို့ရဲ့ မာယာ”လို့ ပေးထားတာကို တွေ့ရတယ်။ ဇာတ်လမ်းတစ်လုံးကိုမကြည့်ဖြစ်ခဲ့ပေမယ့် ဇတ်ကားအမည်အရတော့ မိန်းမလျာ သဘာဝတွေကို ဟာသ လုပ်တော့မယ် ဆိုတာ ကြိုတင် မှန်းစလို့ရနေပါပြီ။
    .
    သရုပ်ဆောင်မိုးအောင်ရင်ပဲ အဓိက မင်းသားအဖြစ် ပါဝင်တဲ့ ဇာတ်ကားတစ်ရဲ့ အမည်ကိုဆိုရင်လည်း မိန်းမလျာတွေကို နှိမ်ချလှောင်ပြောင်တဲ့အခါ သုံးလေ့ရှိတဲ့ စကားလုံး“ဂျော်ဒကီး”လို့ ပေးထားတာတွေရပြန်တယ်။
    .
    ဒါရိုက်တာ ကိုဇော်(အာရုဏ်းဦး) ရိုက်ပြီး နေတိုး၊ ဝေဠုကျော်၊သက်မွန်မြင့်တို့ အဓိက သရုပ်ဆောင်ထားပြီး လူကြိုက်များလှတဲ့ ရုံတင်ကား “လာထား အာဘွား”ဆိုတဲ့ ဇာတ်ကားတစ်ခုလုံးမှာဆိုရင် သရုပ်ဆောင် ခင်လှိုင်ဟာ မိန်းမလျာအဖြစ် သရုပ်ဆောင်ပြီး၊ ကြည့်ရှုသူတွေ ရယ်ရအောင် ဖန်တီးထားတာ တွေ့ရပြန်တယ်။
    .
    ဒီလိုပဲ အငြိမ့်တွေမှာလည်း ဟာသ ပြတ်လုံးထုတ်တဲ့အခါမျိုးမှာ လိင်ကွဲပြားမှု၊ အမျိုးသမီးတွေ၊ မိန်းမလျာတွေ။ အသားမည်းသူတွေ၊ လူမျိုးခြား ၊ဘာသာခြားတွေ၊ တိုင်းရင်းသား ဘာသာစကားတွေကို ဟာသလုပ် ပြတ်လုံးထုတ်လေ့ရှိတာကို တွေ့နိုင်တယ်။
    ခင်လှိုင်၊ဒိန်းဒေါင် တို့ အဓိက ပါဝင်တဲ့ အငြိမ့်တစ်ခုမှာဆိုရင် ပြတ်လုံးအနေနဲ့ ပြောတဲ့စကားမှာ “မင်းတို့လို နိမ့်ကျတဲ့ မိန်းကလေးတစ်ယောက် လက်ကို ဒို့လို မြင့်မြတ်တဲ့ ယောက်ကျားကလေးတစ်ယောက်က ကိုင်တာ ဂုဏ်တောင်ယူရဦးမယ် ဟိုက်ရှားး ” ဆိုပြီး ကျားမ ခွဲခြားမှုနဲ့ ဟာသ လုပ်ကြပြန်တာကို တွေ့ရပြန်တယ်။
    .
    ဒါကို ပွဲကြည့်ပရိတ်သတ်တွေကလည်း သဘောတကျ ရယ်မောကြတယ် ဆိုတာ က ခွဲခြားဆက်ဆံမှုကို အားပေးအားမြှောက်ပြုနေတဲ့ပုံစံကို သက်ရောက်နေတယ်။
    .
    အဲ့ဒီ အငြိမ့်မှာပဲ “အခု ၂၀၁၃ ရောက်နေပြီ မင်းတို့ မိန်းမတွေ ရင်ထုပြီး လင်လုရမယ်”လို့ ဆိုပြီး ပိုပြီးဆိုတဲ့ စကားလုံးတွေကိုတောင် ဟာသအနေနဲ့ ပြက်ထားပါသေးတယ်။
    .
    ဒီလို နာမည်ရ သရုပ်ဆောင်တွေ၊ လူရွှင်တော် အနေနဲ့တောင် သူတို့ ပြောဆိုသရုပ်ဆောင်လိုက်တဲ့ ဇာတ်ဝင်ခန်းတွေ၊ သူတို့ ဟသအဖြစ် လုပ်လိုက်တဲ့ ပြက်လုံးတွေဟာ ဘယ်လို ခွဲခြားဆက်ဆံမှုတွေဖြစ်စေတယ်၊ လူ့အဖွဲ့အစည်းအတွက်ဘယ်လိုအကျိုးသက်ရောက်မှုတွေ ရှိစေတယ်ဆိုတာကို သတိမထားမိဘဲ နေကြတာဟာ မြန်မာ့လူ့အဖွဲ့အစည်းအတွက် စိုးရိမ်စရာ အခြေအနေလို့လည်းဆိုနိုင်တယ်။
    .
    Five Star အငြိမ့်က လူရွှင်တော်အချို့ပါဝင်တဲ့ ဇာတ်ကားတစ်ခုမှာ ဆိုရင် “လူကောင်းနဲ့ လူမည်း မခွဲတတ်ဘူးလား”ဆိုတဲ့ စကားလုံးအပါအ၀င် သားရောင်မည်းတာကို ဇာတ်ဝင်ခန်းတစ်ခုလုံး ဟာသ လုပ်သွားတာ တွေ့ရပြန်တယ်။
    .
    ဒီထုတ်နုတ်ပြတဲ့ ဇာတ်ဝင်ခန်းတွေဟာ ဇတ်ကားအနည်းစုတွေထဲကသာ ဖြစ်ပြီး ဇတ်ကားအများစုမှာလည်း ခွဲခြားဆက်ဆံခြင်း အမူအကျင့်တွေ တော်တော်များများပါနေတာကို မြန်မာ ရုပ်ရှင်ဗီဒီယိုတွေ မှာ သတိထားကြည့်ရင် တွေ့နိုင်တယ်။
    .
    ခွဲခြားဆက်ဆံမှုတွေကနေတဆင့်၊ မသိစိတ်တွေမှာ အကြမ်းဖက်စိတ်တွေ ဖြစ်လာမယ်၊ ကိုယ်နဲ့ လူမျိုး၊ဘာသာ မတူညီတဲ့ သူတွေကို ဖိနှိပ်ဖို့ လှောင်ပြောင်ဖို့၊ မုန်းတီးဖို့ အကြမ်းဖက်ဖို့ လွယ်ကူလာမယ်ဆိုတာကို သတိပြုရမယ့်အစား ရုပ်ရှင်ဗီဒီယိုတွေက လူ့အဖွဲ့အစည်းအတွင်းမှာ ခွဲခြားဆက်ဆံခြင်း အမူအကျင့်တွေ ရလာဖို့ ပိုလို့တောင် တွန်းအားပေးနေတယ်လို့ ဆိုရမှာပါ။
    .
    တစ်ချို့အငြိမ့်ပြက်လုံးတွေမှာဆိုရင်လည်း တိုင်းရင်းသားတွေရဲ့  ပင်ကိုစကားဝဲတတ်တဲ့ အသံကို ဟာသ လုပ်တတ်ကြတာ တွေ့နိုင်တယ်။
    .
    ဥပမာအနေနဲ့ ပြရရင် အခုချိန်မှာ အရမ်းရိုးသွားတဲ့ ပြက်လုံးတစ်ခုကို ပြရရင် စပါကရင်ဆိုတဲ့ အချိုရည်အမည်ကို ကရင်တိုင်းရင်းသားတွေ စကားသံဝဲ၀ဲနဲ့ ဆဲဆိုမှုအသံနဲ့ ပြက်ကြ တယ်။ ဒါတင်မကသေးဘူး တရုတ်အနွှယ်တွေရဲ့လူမျိုးရေး စကားအသံဟန်တွေ၊ အိန္ဒိယအနွယ်တွေရဲ့ လူမျိုးရေး စကားအသံဟန်တွေကိုလည်း ပြက်လုံးထုတ်ကြလေ့ရှိတယ်။
    .
    မြန်မာ့လူ့အဖွဲ့အစည်းကို နောက်ထပ် အဆိပ်အတောက်ဖြစ်စေတဲ့ ဇတ်ကားမျိုးကတော့ အာဏာရှင်အကြိုက် အမျိုးသားရေးဝါဒကို ရှေ့တန်းတင်ထားတဲ့ ဇတ်ကားတွေနဲ့ ၊ တော်လှန်ရေးဇတ်ကားတွေပါပဲ။ တော်လှန်ရေး ဇတ်ကားတွေမှာဆိုရင် သမိုင်းကြောင်းတွေထက် လူမျိုးခြားမုန်းတီးမှု အပြည့်အ၀ အသုံးပြုထားတာတွေ့ရမယ်။ အဲ့ဒီဇတ်ကားတွေမှာ သူတစ်ပါးလူမျိုးကို အထင်သေး ရွံမုန်းအောင် ပြုလုပ်တဲ့ နည်းနဲ့ ကိုယ့်လူမျိုး ကိုယ့်နိုင်ငံကို တန်ဖိုးထားစိတ်ကို ပြသလေ့ရှိကြတယ်။
    .
    သာမန်ချစ်ကြိုက်ကွဲညား ဇတ်လမ်းတွေမှာဆိုရင်လည်း ဗီလိန်ဇတ်ဆောင် နေရာကို ဖန်တီးတဲ့နေရာမှာ ကြည့်ရှုသူတွေအနေနဲ့ အဖွဲ့အစည်း နယ်ပယ်တစ်ခုကို ကိုယ်စားပြုပြီး မြင်အောင် ဖေါ်ပြလေ့ရှိကြတယ်။ ဥပမာပေးပြောရမယ်ဆိုရင် မိဘသဘောတူသူ ဗီလိန်သရုပ်ဆောင်တွေနေရာမှာ သင်္ဘောသားတွေ၊ ကိုယ်ပိုင်လုပ်ငန်းရှင်တွေလို့သာ ရိုက်ကူးလေ့ရှိကြတယ်။ အထူးသဖြင့် သဘောင်္သားဇာတ်ဆောင်ဆိုရင် ရှုပ်ပွေသူ HIV ကူးဆက်ခံရသူလို့တောင် ရိုက်ကူးပြကြတာကိုတွေ့ရတယ်။ ဘယ်သောအခါမှ ဗီလိန်သရုပ်ဆောင်နေရာမှာ မရှိတဲ့ ဇာတ်ရုပ်တွေကတော့ စစ်ဗိုလ်လို၊ ရဲဝန်ထမ်းလို ဇတ်ဆောင်မျိုးတွေပဲဖြစ်တယ်။ ဆိုလိုချင်တာကတော့ ကောင်းမှု၊မကောင်းမှု၊ ကောင်းသူ၊မကောင်းသူ ဆိုတာကို ရိုက်ကူးပြတာမှာ ယူနီဖေါင်းနဲ့ တွဲပြီးကြည့်တတ်တဲ့ အမူအကျင့်တွေရအောင် တွန်းပို့နေတဲ့ ဇာတ်ကားတွေလို့ ဆိုရမယ်။
    .
    ၀ါဒဖြန့်ချီရေးကိုဆောင်ရွက်တဲ့နေရာမှာ ရုပ်ရှင်ဗီဒီယိုတွေက အကောင်းဆုံးစွမ်းဆောင်ပေးနိုင်တယ်ဆိုတာကို လက်ကိုင်ထားပြီး အရင်အစိုးရရဲ့ ၀ါဒဖြန့်ချီရေး ဇတ်ကားတွေမှာဆိုရင်လည်း တိုင်းရင်းသား လက်နက်ကိုင်တပ်ဖွဲ့တွေအပေါ် တစ်လွဲပုံဖေါ်ကြတဲ့အပြင် ခွဲခြားဆက်ဆံတဲ့ ဇတ်ကွက်တွေကိုလည်းတွေ့ရနိုင်တယ်။ အဲ့ဒီ ဇတ်ကားတွေကိုပဲ အစိုးရသစ်လက်ထက်မှာ နိုင်ငံပိုင်ရုပ်သံမီဒီယာတွေကနေ ထုတ်လွှင့်နေစဲဖြစ်တယ်။ တရားသူကြီးတစ်ယောက်မှားရင် အပြစ်မဲ့သူတစ်ယောက် နှစ်ရှည်ထောင်ဒဏ်တွေ ကျခံသွားရနိုင်တယ်။
    .
    ဆရာဝန်တစ်ယောက်မှားရင် အနည်းဆုံး လူနာတစ်ယောက်  အသက်ဆုံးရှုံးနိုင်တယ်။
    .
    အင်ဂျင်နီယာတစ်ယောက်မှားရင် လူရာနဲ့ ချီအောင် ထိခိုက်ဒဏ်ရာရ အသက်ဆုံးရှုံးရနိုင်တယ်။ မီဒီယာတစ်ခုမှားရင် လူ့အဖွဲ့အစည်းတစ်ခုလုံး ပျက်ဆီးသွားနိုင်တယ်။
    .
    ဒါကတော့ ကျွမ်းကျင်လုပ်ကိုင်ရာ နယ်ပယ်တွေရဲ့ တာဝန်ခံမှု တာဝန်ယူမှုတွေနဲ့ ပတ်သက်ပြီး လူ့အဖွဲ့အစည်းအပေါ် အကျိုးသက်ရောက်မှုတွေအပေါ် သတိပေးလေ့ရှိကြတဲ့ ဥပမာတွေပဲဖြစ်ပါတယ်။
    .
    မီဒီယာတွေရဲ့ တာဝန်ယူမှု တာဝန်ခံမှုတွေက လူ့အဖွဲ့အစည်းတစ်ခုလုံးအပေါ် အကျိုးသက်ရောက်မှုအများကြီး ရှိနေနိုင်တယ်လို့ ဆိုရမယ်။
    .
    မီဒီယာတွေထဲကမှ ဖျော်ဖြေရေးမီဒီယာတစ်ခုဖြစ်တဲ့ မြန်မာရုပ်ရှင်ဗီဒီယို ဇာတ်လမ်းတွေဟာ မြန်မာ့လူ့အဖွဲ့အစည်းကို ဘယ်လိုအခြေအနေမျိုးရောက်အောင် တွန်းပို့နေသလဲ၊ ဘယ်လိုလူ့အဖွဲ့အစည်းတစ်ခုဖြစ်လာအောင် ဆွဲခေါ်နေသလဲဆိုတာ ဆန်းစစ်ကြည့်ဖို့တော့ လိုနေပါတယ်။ မြန်မာ့ရုပ်ရှင် အင်စတီးကျူးရှင်းတစ်ခုလုံးအနေနဲ့လည်း ပြန်ပြီး ဆန်းစစ်ကြည့်ဖို့ ပြုပြင်ဖို့ လိုအပ်နေမှာဖြစ်တယ်။
    .
    ခွဲခြားဆက်ဆံခြင်းအမူအကျင့်တွေနဲ့ အကြမ်းဖက်စိတ်တွေဟာ လူ့အဖွဲ့အစည်းတစ်ခု အတွက် ထိတ်လန့်စရာအကောင်းဆုံး အရာတွေလို့ ဆိုရမယ်။ လူ့အဖွဲ့အစည်းတစ်ခု အတွင်းမှာ ခွဲခြားဆက်ဆံမှုတွေ၊ အကြမ်းဖက်စိတ်တွေ၊ လူ့အခွင့်အရေးတန်ဖိုး စံနူန်းလျော့ကျမှုတွေ ရှိနေရင် အဲ့ဒီလူ့အဖွဲ့အစည်းဟာ ငြိမ်းချမ်းတဲ့ လူ့အဖွဲ့အစည်း ယဉ်ကျေးတဲ့ လူ့အဖွဲ့အစည်းမဖြစ်တော့ပါဘူး။ စိုးရိမ်စရာကောင်းတဲ့ လူ့အဖွဲ့အစည်းတစ်ခုအဖြစ်ကို ရောက်နေပြီလို့ ပဲ ကောက်ချက်ချရမှာပါ။

    Discrimination Act ကို ဒီမိုကရေစီနိုင်ငံတွေမှာ ပြဌန်းလေ့ရှိကြတယ်။ မြန်မာနိုင်ငံရဲ့ ၂၀၀၈ ဖွဲ့စည်းပုံအခြေခံဥပဒေ အခန်း (၈)၊ ပုဒ်မ (၃၄၈) မှာလည်း “နိုင်ငံတော်သည် ပြည်ထောင်စုသမ္မတ မြန်မာနိုင်ငံတော်၏ မည်သည့်နိုင်ငံသားကိုမျှ လူမျိုး၊ ဇာတိ၊ ကိုးကွယ်ရာဘာသာ၊ ရာထူးဌာနန္တရ၊ အဆင့်အတန်း၊ ယဉ်ကျေးမှု၊ အမျိုးသား၊ အမျိုးသမီး၊ ဆင်းရဲချမ်းသာတို့ကို အကြောင်းပြု၍ ခွဲခြားမှုမရှိစေရ။” လို့ဆိုပြီး ခွဲခြားဆက်ဆံမှုနဲ့ပတ်သက်ပြီး ပြဌန်းထားတာကို တွေ့ရမယ်။
    .
    ခွဲခြားဆက်ဆံခြင်းဆိုတာဟာ “လူ့အခွင့်အရေးတည်ရှိမှုကို တိုက်ခိုက်ခြင်းဖြစ်တယ်လို့ အပြည်ပြည်ဆိုင်ရာ လွတ်ငြိမ်ချမ်းသာခွင့်အဖွဲ့ကြီး က အဓိပါယ်ဖွင့်ဆိုမှုမှာ ထည့်သွင်းဖွင့်ဆိုထားတယ်။ ဆိုရရင်တော့ မြန်မာ့ရုပ်ရှင်ဇာတ်လမ်းတွေဟာ ခွဲခြားဆက်ဆံခြင်းအပြုအမှုတွေပါဝင်တဲ့ ဇာတ်လမ်း ဇာတ်ကွက်တွေ၊ ဒိုင်ယာလော့တွေကို အသုံးပြုနေဦးမယ်ဆိုရင် ဒါဟာ လူ့အခွင့်အရေးကို ချိုးဖေါက်နေတာဖြစ်သလို့၊ ၂၀၀၈ ဖွဲ့စည်းပုံအခြေခံဥပဒေကိုလည်း ချိုးဖေါက်ရာရောက်တယ်လို့ သတ်မှတ်ရမယ်။ အဲ့ဒီ ဇာတ်လမ်းရုပ်ရှင်တွေဟာ လူ့အခွင့်အရေးကို ချိုးဖေါက်ဖို့ အားပေးအားမြှောက်ပြုနေတဲ့ အရာတွေလို့လည်း ဆိုနိုင်တယ်။
    .
    ခွဲခြားဆက်ဆံမှုတွေဟာ လူ့အဖွဲ့အစည်းအတွင်းမှာ ပဋိပက္ခတွေဖြစ်စေတယ်။ ခွဲခြားဆက်ဆံခြင်းအမူအကျင့်တွေကတဆင့် လူတွေရဲ့ မသိစိတ်ထဲကို ကိုယ်နဲ့မတူညီတဲ့ လူတွေအပေါ် အကြမ်းဖက်လိုစိတ်၊ နှိမ်ချလိုစိတ်နဲ့ မုန်းတီးစိတ်တွေ ဖြစ်ပေါ်လာတယ်။ တနည်းအားဖြင့် ပုန်းကွယ်နေတဲ့ အကြမ်းဖက်စိတ်လို့ ပြောရမယ်။ ဒါဟာ လူ့အဖွဲ့အစည်းအတွင်းမှာအကြမ်းဖက် ပဋိပက္ခတွေဖြစ်ပေါ်စေဖို့ အဓိက အကြောင်းအရင်းတစ်ချက်လည်းဖြစ်တယ်။ ယုံကြည်ကိုးကွယ်မှု မတူညီတဲ့ လူ့အဖွဲ့အစည်းနှစ်ခုကြားက မြန်မာပြည်မှာ ဖြစ်ပွားခဲ့တဲ့ ပဋိပက္ခတွေကို ပြန်သုံးသပ်လိုက်မယ်ဆိုရင်လည်း ဖြစ်ပေါ်ရတဲ့ အခြေခံအကြောင်းအရင်းတွေထဲမှာ ပုန်းကွယ်နေတဲ့ အကြမ်းဖက်စိတ်နဲ့ ခွဲခြားဆက်ဆံမှု အမူအကျင့်တွေက အဓိက ကျတဲ့ အချက်ထဲမှာ ပါနေတယ်လို ဆိုရမယ်။
    .
    အချုပ်အားဖြင့် ဆိုရရင်တော့ လူ့အဖွဲ့အစည်းအပေါ် လွှမ်းမိုးနိုင်တဲ့ ဖျော်ဖြေရေးမီဒီယာတစ်ခုဖြစ်တဲ့ မြန်မာရုပ်ရှင်ဗီဒီယိုကားတွေဟာ မြန်မာ့လူ့အဖွဲ့အစည်းအပေါ် ဘယ်လိုအကျိုးသက်ရောက်မှုတွေ ရှိနေသလဲဆိုတာကို ရုပ်ရှင် အင်စတီးကျူးရှင်းတစ်ခုလုံးက လေ့လာဆန်းစစ်ကြည့်ဖို့ လိုနေပြီလို့ ဆိုရပါမယ်။
    .
    မြန်မာရုပ်ရှင်ဗီဒီယိုဇတ်ကားတွေနဲ့ ဇတ်ဝင်ခန်းသရုပ်ဆောင်မှုတွေဟာ ၂၀၀၈ ဖွဲ့စည်းပုံအခြေခံဥပဒေ အခန်း (၈)၊ ပုဒ်မ (၃၄၈) ရဲ့ “နိုင်ငံတော်သည် ပြည်ထောင်စု သမ္မတ မြန်မာနိုင်ငံတော်၏ မည်သည့်နိုင်ငံသားကိုမျှ လူမျိုး၊ ဇာတိ၊ ကိုးကွယ်ရာဘာသာ၊ ရာထူးဌာနန္တရ၊ အဆင့်အတန်း၊ ယဉ်ကျေးမှု၊ အမျိုးသား၊ အမျိုးသမီး၊ ဆင်းရဲချမ်းသာတို့ကို အကြောင်းပြု၍ ခွဲခြားမှုမရှိစေရ။” ဆိုတဲ့ စံနဲ့ ကိုက်ညီမှုရှိကြရဲ့လားဆိုတာ မဖြစ်မနေ ဆန်းစစ်ကြည့်ဖို့ လိုနေတယ်လို့ဆိုရမယ်။ ဘာကြောင့်လဲဆိုရင်တော့ ဒါဟာ မြန်မာ့လူ့အဖွဲ့အစည်းအတွက် အရေးကြီးတဲ့ ကိစ္စရပ်တစ်ခုဖြစ်နေတာကြောင့်ပါပဲ

  • အရိုးစွဲနေသော ခွဲခြားကန့်သတ်မှု့များလည်း ပြောင်းလဲချိန်တန်ပြီ

    အရိုးစွဲနေသော ခွဲခြားကန့်သတ်မှု့များလည်း ပြောင်းလဲချိန်တန်ပြီ

    စိုင်းလတ် ဧရာဝတီ ၂၀၁၆ ဧပြီ ၀၄
    .

    လူဝင်မှုကြီးကြပ်ရေး ၀န်ကြီးဟောင်း ဦးခင်ရီကို သူ၏ ရုံးခန်းရှေ့တွင် ၂၀၁၃ ခုနှစ်အတွင်းက မြင်ရစဉ် (ဓာတ်ပုံ – Reuters)
    ပြီးခဲ့သည့်နှစ်က ရှမ်း-ဓနု တိုင်းရင်းသား မွတ်ဆလင် ဆယ်ကျော်သက် တဦးနှင့် အတူ ရှမ်းပြည်နယ်အတွင်းရှိ လူဝင်မှုကြီး ကြပ်ရေး ရုံးတရုံးသို့ ကျနော်ရောက်ခဲ့ပါသည်။ အထက်တန်းကျောင်းမှတဆင့် နိုင်ငံသား စိစစ်ရေးကတ်ပြား လျှောက်ထား ခဲ့ခြင်းအတွက် စုံစမ်းရန်သွားရောက်ခဲ့ခြင်း ဖြစ်ပါသည်။ သူ၏ သူငယ်ချင်းများကတော့ မှတ်ပုံတင်ရခဲ့ကြပြီး ဖြစ်သော်လည်း သူ့ကို လူဝင်မှုကြီးကြပ်ရေးရုံးသို့ လာရောက်ရန်ခေါ်သည်။
    .
    သူက သူ့ကို ခေါ်ရသည့် အကြောင်းရင်းကို မေးသည့်အခါ သူ့ကို “မင်းက သွေးရောတဲ့ ကပြားလား” ဟု မေးပါသည်။ မေး ခွန်းကို မိန်းကလေးက နားမလည်ပါ။ “မင်းက တရုတ်လား” ဟု အဆိုပါ တာဝန်ရှိသူက ထပ်မေးပါသည်။ မိန်းကလေးက တရုတ်လူမျိုးနှင့် အနည်းငယ်သာ တူပါသည်။ သူ၏ ဖခင်က ဓနုတိုင်းရင်းသား ဖြစ်ပြီး မိခင်က ရှမ်းတိုင်းရင်းသူ တဦးဖြစ် သည်။ သူတို့ကိုယ်တိုင် မြန်မာနိုင်ငံသားများ ဖြစ်သလို သူတို့၏ မိဘများကလည်း နိုင်ငံသားများ ဖြစ်သည်။
    .
    “ကျမက မွတ်ဆလင်ပါ” ဟု မိန်းကလေးက ပြန်ဖြေသည်။
    .
    “ဟုတ်တယ် အဲဒါ ကပြားပေါ့” ဟု တာဝန်ရှိသူက စိတ်မရှည်သော လေသံဖြင့် ပြောသည်။ ထို့ကြောင့် ရုံးသို့ လာရခြင်းဖြစ် သည်ဟုလည်း ထပ်ပြောသည်။
    .
    သွေးရောခြင်းက သူ သို့မဟုတ် သူ့မိဘများ၏ လူမျိုးနှင့် မဆိုင်ပါ။ ကိုးကွယ်သော ဘာသာကြောင့် ဖြစ်သည်။ မွတ်ဆလင် များအတွက် အတန်းအစား ခွဲခြား သတ်မှတ်ချက် ရှိသည့် သဘောဖြစ်နေသည်။
    .
    သူ့ကို သွေးရောသည့် ကပြားတယောက်အဖြစ် သတ်မှတ်လိုက်ခြင်းကြောင့် ငွေကြေးအကုန်အကျခံဖို့ ဖြစ်လာသည်။ သူ၏ လျှောက်လွှာကို လက်ခံဖို့အတွက် အငယ်တန်းအရာရှိတယောက်ကို ကျပ် ၇၀၀၀ ပေးလိုက်ရသည်။ သူလုပ်လိုက်သည်မှာ မိန်းကလေး၏ စာရွက်စာတမ်းများကို ဖိုင် အဟောင်းတခုထဲသို့ ထည့်လိုက်ခြင်းသာ ဖြစ်ပါသည်။
    .
    အဆိုပါ မိန်းကလေး၏ အဖြစ်က မြန်မာနိုင်ငံမှ မွတ်ဆလင် အသိုင်းအ၀ိုင်း၏ အခြေအနေနှင့် ပတ်သက်၍ နိုင်ငံရေးအရ အခြေအတင် ကိစ္စများ တိုးလာနေသည်ကို ဖော်ပြနေခြင်း ဖြစ်သည်။ အလွန် ရှုပ်ထွေးပါသည်။ မြန်မာမဟုတ်သူဟု ယူဆခြင်းခံရသူများကို ဆန့်ကျင်သည့် သဘောထားများ မြင့်တက်လာနေသည့် နိမိတ်ဆိုးတခုလည်း ဖြစ်ခဲ့သည်။ နိုင်ငံသား အဖြစ်မှ ပြန်လည်ရုပ်သိမ်းမှုများလည်း အမြောက်အမြားရှိခဲ့သည်။
    .
    ဆွန်နီ အများစုဖြစ်သည့် မွတ်ဆလင်များသည် နိုင်ငံလူဦးရေ၏ ၄ ရာခိုင်နှုန်းမျှသာရှိသည်ဟု နောက်ဆုံး ကောက်ယူခဲ့သည့် အစိုးရ သန်းခေါင်စာရင်းအရ သိရသော်လည်း ၆ ရာခိုင်နှုန်းမှ ၁၀ ရာခိုင်နှုန်း အထိ ရှိနိုင်သည်ဟု မြန်မာနိုင်ငံမှ အစ္စလာမ် ပညာရှင်များက ဆိုသည်။ သူတို့ကို လူဦးရေ၏ ၈၉ ရာခိုင်နှုန်း ရှိသည့် ထေရ၀ါဒ ဗုဒ္ဓဘာသာ၏ ခေါင်းဆောင်အချို့က မကောင်းဆိုးရွားများသဖွယ် ယူဆထားကြသည်။ လူအများအပြားက ဘင်္ဂလီများသည် အကြမ်းဖက်သမားများ၊ ပဋိပက္ခ ဖန်းတီးနေသည့် ပြဿနာလုပ်သူများ ဖြစ်ကြ၍ သူတို့၏ ဘာသာရေးကို နှိပ်ကွပ်ရမည်ဟု အထပ်ထပ် ပြောခဲ့ကြပါသည်။ အစိုးရ၏ လုပ်ငန်းများကို နောက်ကွယ်မှ ဆက်လက်ထိန်းသိမ်းလိုသော စစ်တပ်က လှုံ့ဆော်ခြင်းဟုလည်း သတင်းများ ထွက်ပေါ်ခဲ့သည်။ ပဋိပက္ခများကို အမြန်ဆုံးရပ်တန့်ရမည်၊ နားလည်မှုလွဲမှားခြင်းနှင့် ပြဿနာများကို ရှင်းလင်းရန် အတွက် နိုင်ငံရေးအရ ဆွေးနွေးမှုများ လိုအပ်သည် ဆိုခြင်းကို လူအများစုက လက်ခံကြပုံ မရပါ။
    .
    လူမျိုးရေးခွဲခြားသည့် ရေးသားဖော်ပြမှုများက လူမှုကွန်ရက်ဝက်ဘ်ဆိုက်များနှင့် ပုံနှိပ်စာရွက်စာတမ်းများတွင် နေ့စဉ်လို ပေါ်ထွက်ခဲ့ပြီး ပြင်းထန်သော မွတ်ဆလင်ဆန့်ကျင်ရေး ပြောဆိုစည်းရုံးမှုများကို မီးထိုးပေးခဲ့သည်။ နိုင်ငံအတွင်းရှိ လူဝင်မှု ကြီးကြပ်ရေး ရုံးအသီးသီးတွင်လည်း “မြေပြို၍ လူမျိုးမပြုတ်၊ လူမျိုမှ လူမျိုးပြုတ်မည်။” ဟုရေးထားသည့် ဆိုင်းဘုတ်ကို တွေ့ရမည်ဖြစ်သည်။
    .
    သားကောင်ဘဝကျရောက်နေပြီဟု ကိုယ့်ကိုယ်ကိုယ် ခွဲခြားသတ်မှတ်ခြင်း၏ နိုင်ငံရေးသက်ရောက်မှုက မွတ်ဆလင်ဆန့်ကျင်ရေး လှုပ်ရှားမှု အပေါ် အထောက်အပံ့ ဖြစ်စေခဲ့သည်ကို ကြီးမားသော အကြမ်းဖက်မှုများက သက်သေဖြစ်သည်။
    .
    မြန်မာနိုင်ငံ၏ ၁၉၈၂ ခုနှစ် နိုင်ငံသား ဥပဒေအရ တရားဝင်တိုင်းရင်းသားလူမျိုးစုဆိုသည်မှာ မြန်မာနိုင်ငံ၏ လက်ရှိ ပိုင်နက် နယ်မြေဒေသများတွင် ၁၈၂၃ ခုနှစ် မတိုင်မီကထဲက အမြဲနေထိုင်ခဲ့သည့် လူမျိုးစုများ ဖြစ်ကြသည်။ အင်္ဂလိပ်-မြန်မာ ပထမ စစ်ပွဲမတိုင်မီ တနှစ် အလိုက ဖြစ်သည်။
    .
    ထိုအချိန်က ယခုမြန်မာနိုင်ငံဟု ကျနော်တို့သိကြသည့် နိုင်ငံမရှိသေးပါ။ ထို့ပြင် တရားဝင်သတ်မှတ်ထားသည့် တိုင်းရင်းသား လူမျိုး ၁၃၅ မျိုး ဆိုသည်မှာလည်း သမိုင်းတလျှောက်တွင် အမျိုးအစားသတ်မှတ်ချက် ကွဲပြားမှုများ ရှိနေသည်။ ဥပမာ ၁၉၆၀ ခုနှစ်တွင် ယဉ်ကျေးမှုဝန်ကြီးဌာန၏ ထုတ်ပြန်ချက်တခုတွင် တိုင်းရင်းသား လူမျိုးစု ၅၀ ခန့်ရှိသည်ဟု ခန့်မှန်းဖော် ပြထားသော်လည်း ၁၉၇၁ ခုနှစ်တွင် လူဝင်မှုကြီးကြပ်ရေးနှင့် ပြည်သူ့အင်အား ဦးစီးဌာနမှ ထုတ်ဝေသည့် လက်စွဲစာအုပ်တွင် တိုင်းရင်းသား လူမျိုး ၁၄၄ ခု စာရင်းသွင်းထားသည်ကို တွေ့ရသည်။
    .
    ထိုစာရင်းတွင် မွတ်ဆလင်နှင့် တောင်အာရှ လူမျိုးစုများကို ရခိုင်-စစ်တကောင်း၊ ဗမာ မွတ်ဆလင်၊ ရခိုင်-ကမန် နှင့် ဗမာ-အိန္ဒိယ စသည်ဖြင့် ဖော်ပြထားသည်ကို တွေ့ရသည်။ အစိုးရက မည်သည့်အချိန်မှာမှ တရားဝင် ထုတ်ပြန်ခြင်း မရှိခဲ့သော နောက်ဆုံးစာရင်းတွင်မူ တိုင်းရင်းသားလူမျိုး ၁၃၅ ခုသာ ပါဝင်တော့သည်။ မွတ်ဆလင် အားလုံးနှင့် တောင်အာရှ နွယ်ဖွားများ ဖယ်ထုတ်ခြင်း ခံခဲ့ရသည်။ မြန်မာနိုင်ငံ၏ နိုင်ငံသား ဥပဒေနှင့် ဖွဲ့စည်းပုံအခြေခံဥပဒေ ၃ ခုတို့မှ ၀ိရောဓိများကြောင့် တိုင်းရင်းသား မိဘများမှ မွေးဖွားသော နိုင်ငံသားများ၊ မွေးရာပါ နိုင်ငံသားများ၊ ဧည့်နိုင်ငံသားများ၊ နိုင်ငံသား အဆင့်အတန်းအတွက် သံသယရှိသူများ၊ မွေးရာပါ နိုင်ငံသားဖြစ်ခွင့်ရှိသူများ၊ ရွေးကောက်ပွဲဝင်ခွင့်ရှိသည့် နိုင်ငံသားများနှင့် ရွေးကောက်ပွဲ ၀င်ခွင့် မရှိသည့် နိုင်ငံသားများ ဟူ၍ ရှုပ်ထွေးမှုများ ဖြစ်စေခဲ့သည်ဟု တရားရုံးချုပ်ရှေ့နေ ဦးကိုနီက ပြည်သူ့ခေတ် ဂျာနယ်တွင် ရေးသားခဲ့သည်။
    .
    ဥပဒေပြုရေးဆိုင်ရာ ချို့ယွင်းချက်များ၊ ဥပဒေ အကောင်အထည်ဖော်မှုနှင့် နိုင်ငံရေး သို့မဟုတ် ရွေးကောက် တင်မြှောက်ခြင်း ဆိုင်ရာ ခွဲခြားမှုများအပြင် မြန်မာနိုင်ငံမှ မွတ်ဆလင်များသည် နိုင်ငံသား သို့မဟုတ် နိုင်ငံခြားသား တချိန်တည်းမှာပင် ဖြစ်နေနိုင်ခြင်းနှင့် ကြုံတွေ့နေရသည်။
    .
    ပထမဆုံး အနေဖြင့် နိုင်ငံသား အဆင့်အတန်း ရရှိသူတယောက်ကို ထုတ်ပေးသော အသိအမှတ်ပြု ကတ်ပြား၏ အမည်ပင် လျှင် နိုင်ငံသား စိစစ်ရေးကတ်ဟူ၍ ဖြစ်နေသည်။ သုံးစွဲထားသည့် စိစစ်ရေးဆိုသည့် စကားလုံးက စောင့်ကြည့် စစ်ဆေး နေသည့် အခြေအနေဟု အဓိပ္ပါယ်ထွက်နေသည်။ နိုင်ငံသားများကို လူပုဂ္ဂိုလ်အလိုက် စိစစ်ခြင်းသာမက လူမျိုးနှင့် ဘာသာကို ကာကွယ်သည်ဆိုသော ခေါင်းစဉ်ဖြင့် ပြည်သူတို့၏ အခွင့်အရေးများကိုလည်း ကန့်သတ်ထားသည်။
    .
    လူဝင်မှုကြီးကြပ်ရေး ရုံးများတွင် ကျနော် အဖော်လိုက်သွားပေးခဲ့သော မိန်းကလေးကဲ့သို့ပင် “သွေးရော ကပြား” ဆိုသည့် အသုံးကို မကြာခဏ ဆိုသလို သုံးစွဲလျက် ရှိသည်။ သွေးရောခြင်းက ၂၁ ရာစု၏ လူမှုနိုင်ငံရေးတွင် ရှက်စရာ တခု မဟုတ်ပါ။ လူဝင်မှုကြီးကြပ်ရေး ၀န်ကြီးဟောင်း ဦးခင်ရီက မြန်မာနိုင်ငံတွင် နိုင်ငံသား သတ်မှတ်မှုကို သွေးဖြင့် သတ်မှတ်သည်ဟု ပြောကြားခဲ့သည်။
    .
    ထိုသို့ အံ့ဩဖွယ် ကောင်းသော အလားတူဖြစ်ရပ်မှာ မွတ်ဆလင်များ၏ မှတ်ပုံတင်ကတ်များတွင် လူမျိုးနှင့် ဘာသာကို ဖော်ပြသည့်နည်း ဖြစ်သည်။ ဓနုတိုင်းရင်းသား ဖခင်နှင့် အင်းသားတိုင်းရင်းသူ မိခင်တို့မှ မွေးဖွားသည့် တက္ကသိုလ်ကျောင်းသား တယောက်၏ စိစစ်ရေး ကတ်ပြားတွင် သူ၏ လူမျိုးနှင့် ဘာသာကို အိန္ဒိယ+ဗမာ+ဓနု+အင်းသား+ အစ္စလာမ် ဟု အဖြတ်အတောက်မရှိ ဖော်ပြထားသည်ကို တွေ့ရသည်။ ထိုသို့ဖြစ်ရခြင်းမှာ မွတ်ဆလင်တိုင်းက ၎င်းတို့သည် အိန္ဒိယ၊ ပါကစ္စတန် သို့မဟုတ် ဘင်္ဂါလီ ဖြစ်ကြောင်း စိစစ်ရေး ကတ်ပြားတွင် ဖော်ပြရန် လိုအပ်ခြင်းကြောင့် ဖြစ်သည်။
    .
    လူမျိုး အခေါ်အဝေါ်များသဖွယ် ဖော်ပြထားသော်လည်း အိန္ဒိယနှင့် ပါကစ္စတန် တို့သည် နိုင်ငံများသာ ဖြစ်ကြသည်။ အဆိုပါ စကားလုံးများကို နိုင်ငံသား သို့မဟုတ် လူမျိုး အဖြစ် အသုံးပြုရန် တရားဝင် ရှင်းလင်းဖော်ပြထားခြင်းမျိုး မရှိသော်လည်း လူမျိုးနှင့် ကိုးကွယ်သည့် ဘာသာကို ခေါင်းစဉ်တပ်ရန် အလွယ်တကူ သုံးစွဲလိုက်ခြင်း ဖြစ်ပုံရပါသည်။
    .
    တက္ကသိုလ်ကျောင်းသားလေး၏ ကိစ္စတွင်သူ၏ မိခင် အကြောင်းမှာလည်း စိတ်ဝင်စားစရာ ဖြစ်သည်။ မိခင်ဖြစ်သူမှာ အင်းသား တိုင်းရင်းသူ ဖြစ်ပြီး ဘင်္ဂလီလူမျိုးနှင့် ဆက်နွယ်ပတ်သက်မှု မရှိသော်လည်း နိုင်ငံသား စိစစ်ရေး ကတ်ပြားတွင် ဘင်္ဂလီဟု ဖော်ပြထားသည်ကို တွေ့ရသည်။ နိုင်ငံသား စိစစ်ရေး ကတ်ပြားများထုတ်ပေးသည့် ၁၉၈၉ ခုနှစ်တွင် လူဝင်မှု ကြီးကြပ်ရေး တာဝန်ရှိသူများက အင်းလေးကန်ဒေသရှိ ကျေးရွာငယ်လေးတခုတွင် နေထိုင်သော အဆိုပါ အမျိုးသမီး၏ ဖခင် ဖြစ်သူကို ဘင်္ဂလီဟု စာရင်းသွင်းရန် ပြောခဲ့ကြသည်။ နားမလည်သည့် အဘိုးအိုကလည်း “ကိစ္စမရှိဘူး၊ ခင်ဗျားတို့ ရေးချင်တယ် ဆိုရင်ရေးလိုက်” ဟု ခွင့်ပြုခဲ့သည့် အတွက် ဘင်္ဂလီ ဖြစ်လာခဲ့သည်။
    .
    နောက်ဆက်တွဲ အနေဖြင့် သမီးအတွက် စိစစ်ရေး ကတ်ပြားထုတ်ပေးသည့် အချိန်တွင်လည်း ဘင်္ဂလီဟု ဖော်ပြခြင်းခံခဲ့ရသည်။ ဘင်္ဂလီဟု သတ်မှတ်ခံရခြင်းကြောင့် ဒုက္ခရောက်ရမည်ကို နားလည်လိုက်သည့် အချိန်တွင် မြို့နယ်တရားရုံးသို့ သွား၍ သူသည် ဘင်္ဂလီ မဟုတ်ဘဲ အင်းသား ဖြစ်ကြောင်း ကျမ်းကျိန် ခဲ့သည်။ ကျမ်းကျိန်ခဲ့ပြီး နောက်ပိုင်းတွင် သူ၏ တိုင်းရင်းသား အမည်သတ်မှတ်ချက်ကို မြို့နယ်လူဝင်မှုကြီးကြပ်ရေး အရာရှိက ပြောင်းမပေးခဲ့သော်လည်း နောက်ဆုံးတွင် သူအနိုင်ရရှိခဲ့သည်။ ဘင်္ဂလီဆိုသည့် သတ်မှတ်ချက်ကို ပယ်ဖျက်နိုင်ခဲ့သည်။
    .
    ရှမ်းပြည်နယ်၏ မြို့တော်တောင်ကြီးမှ နောက်ထပ်မိသားစုတစုတွင် ကလေးငယ်တယောက်ကို “အိန္ဒိယ+ဗမာ+အစ္စလာမ်” ဟု သတ်မှတ်ခဲ့သော်လည်း နောက်ကလေး တယောက်ကို မူ“ပါကစ္စတန်+ရှမ်း+ဗမာ+အစ္စလာမ်” ဟု သတ်မှတ်ခဲ့သည်။ သူတို့ မှာ မိသားစုတစုတည်းမှ ဖြစ်ကြသည်။ အစိုးရအတွက်တော့ အရေးမကြီးသည့် အသွင်ဖြစ်သည်။
    .
    တောင်ကြီးမြို့တွင် မျိုးဆက် ၄ ခုမျှ နေထိုင်ခဲ့ကြသူများကို နိုင်ငံခြားသားများအဖြစ် ဖန်တီးလိုက်ခြင်း ဖြစ်ပါသည်။ သူတို့သည် ရွှေ့ပြောင်းဝင်ရောက်လာကြသူများ မဟုတ်ကြပါ။ သို့သော်လည်း တရားဝင် အမည်သတ်မှတ်ချက်ကြောင့် “ကုလား”ဟု သိကြသည့် တောင်အာရှဒေသမှ နိုင်ငံခြားသားများ ဖြစ်သွားကြသည်။ ပထမ ကိစ္စ ၂ ခု (အထက်တန်းကျောင်းသူလေးနှင့် တက္ကသိုလ်ကျောင်းသား) တွင် ပေါ်လွင်ထင်ရှားနေသည့် အချက်မှာ မိမိတို့ဒေသတွင် ကောင်းစွာသိရှိ နေထိုင်ခဲ့ကြသူများ၏ မြေးများကို ရှမ်းပြည်နယ်သို့ အစိုးရတာဝန်(မည်သူသည် နိုင်ငံသားဖြစ်သင့်သည် မဖြစ်သင့်သည်ကို စိစစ် သတ်မှတ်ချက်)ဖြင့် ပြောင်းရွှေ့လာသော ဗမာများက နိုင်ငံခြားသားများ၊ အပြင်လူများ အဖြစ် သတ်မှတ်လိုက်ခြင်းဖြစ်သည်။ နောက်မှ ရောက်လာသည့် သူစိမ်းများက ဒေသခံ မိသားစုများကို အပြင်လူများ အဖြစ် ပြောလိုက်ခြင်း ဖြစ်ပါသည်။
    .
    နိုင်ငံအတွင်းတွင် မွေးဖွားခဲ့သော မွတ်ဆလင်များကို နိုင်ငံခြားသားများ အဖြစ်သို့ ပြောင်းလဲလိုက်ခြင်း အပြင် အာဏာပိုင်များ က လူမျိုးစုများကို စနစ်တကျ ဖျောက်ဖျက်ခြင်းများလည်း ဆက်ရှိနေသည်။ ဥပမာ ပြရလျှင် ပသီလူမျိုးများသည် မြန်မာနိုင်ငံ အလယ်ပိုင်းတွင် အများဆုံးနေထိုင်ကြသည့် မွတ်ဆလင်များ ဖြစ်ကြပြီး မြန်မာဘုရင်များလက်ထက်ကတည်းက နေထိုင်ခဲ့သည့် သမိုင်းကြောင်း ရှိသူများလည်း ဖြစ်ကြသည်။ ၁၉ရာစု နှစ်အလယ်ပိုင်းခန့်မှစ၍ှဗမာ မွတ်ဆလင်များအဖြစ် ယေဘုယျ ရည်ညွှန်းခဲ့ကြသော်လည်း ပသီလူမျိုးဆိုသည့် အမျိုးအစားက ပျောက်ကွယ်သွားခဲ့ပြီ ဖြစ်သည်။ ၎င်းတို့ကိုယ်တိုင်ကသာ ပသီ ဆိုသည့် အသုံးကို ဆက်လက်သုံးစွဲခဲ့ကြသည်။
    .
    ၂၀၁၂ ခုနှစ်တွင် ပသီအမည်ဖြင့် မှတ်ပုံတင်သည့် နိုင်ငံရေးပါတီတခုကို တားမြစ်ခြင်းခံခဲ့ရသည်။ အလားတူပင် ၎င်းတို့၏ နိုင်ငံသား စိစစ်ရေး ကတ်ပြားတွင်လည်း ပသီဟု စာရင်းသွင်းခြင်း မပြုတော့ပါ။ မန္တလေးမြို့မှ ကျနော်နှင့် ခင်မင်သည့် အမျိုးသမီးတယောက်၏ ကတ်ပြား အသစ်တွင် “အိန္ဒိယဗမာ+အိန္ဒိယဗမာ/အစ္စလာမ်” ဟု ရေးထားသည်။ သူ အသက် ၁၀ နှစ် အရွယ်က ရရှိခဲ့သော ကတ်ဟောင်းတွင်မူ သူ၏ လူမျိုးက ပသီ ဖြစ်ပြီး ဘာသာကို အစ္စလာမ်ဟု ဖော်ပြထားသည်။ သူ အသက် ၁၈ နှစ်ပြည့်ပြီး ကတ်သစ်လဲလှယ်ရမည့် အချိန်ရောက်သည့်အခါ လူဝင်မှုကြီးကြပ်ရေးဌာနက ပသီ ဆိုသည့် လူမျိုးနာမည်နှင့် ကတ်ထုတ်ပေးရန် ငြင်းဆန်ခဲ့သည်။ ထို့ကြောင့် သူက ကတ်သစ်လဲလှယ်ခြင်း မပြုဘဲ ၁၂ နှစ် ကျော်အောင် နေခဲ့သည်။ လဲလိုက်ပြီးသည့် နောက်တွင် သူ၏ ဆန္ဒမပါဘဲ အိန္ဒိယဗမာ အဖြစ်သတ်မှတ်ထားသည့် ကတ်ကို ကိုင်ဆောင်ခဲ့ရသည်။
    .
    အာဏာပိုင်များက သူ့ကို လှည့်ဖျားခဲ့သည်။ လူမျိုး နာမည်ကို ပသီဟု သတ်မှတ်ပေးရန် သေချာသည့်အချိန်အထိ သူက ကတ်သစ်လဲလှယ်ခြင်း မပြုဘဲ ၁၂ နှစ်ကျော်ကြာအောင် နေခဲ့သည်။ သို့သော်လည်း စာရွက်စာတမ်းများ လက်မှတ်ထိုး၍ ကတ်ကို ယူလိုက်သည့် အချိန်တွင် “အိန္ဒိယဗမာ+အိန္ဒိယဗမာ/အစ္စလာမ်” ဟု ရေးထားသည်ကို တွေ့လိုက်ရသည်။ ယခုအခါ အသက် ၃၀ ကျော်အရွယ် ပသီလူမျိုး အမျိုးသမီးတယောက်သည် “အိန္ဒိယဗမာ” လူမျိုး ဖြစ်သွားသည်။
    .
    ယခု စနစ်တွင် ဘာသာရေးက အဓိက ခွဲခြားချက်တခု ဖြစ်သည်။ ဥပမာ အားဖြင့် မန္တလေးမြို့မှ အမျိုးသားတယောက်၏ ကတ်တွင် အိန္ဒိယဟုဖော်ပြထားသော်လည်း မိခင်ဘက်သို့လိုက်၍ ဗုဒ္ဓဘာသာဝင်ဖြစ်ခဲ့သော် သူ့အကို၏ ကတ်တွင်မူ ထိုသို့ ဖော်ပြထားခြင်း မရှိပါ။
    .
    မွတ်ဆလင်များကို မနှစ်ချိုက်ခြင်းနှင့် ခွဲခြားခြင်းတို့က မြန်မာနိုင်ငံတွင် မထူးဆန်းပါ။ ဆယ်စုနှစ်ပေါင်းများစွာ ကြာမြင့်ခဲ့ပြီ ဖြစ်သည်။ သို့သော်လည်း ၉၆၉ လှုပ်ရှားမှုက ဖန်တီးခဲ့သည့် နောက်ဆုံး ဖြစ်ပေါ်ခဲ့သော မွတ်ဆလင်ဆန့်ကျင်ရေး လှုပ်ရှားမှုများက ဗုဒ္ဓဘာသာဝင်များနှင့် မွတ်ဆလင်များကြားမှ ဆက်ဆံရေးအပေါ် ပြင်းပြင်းထန်ထန် သက်ရောက်မှု ရှိခဲ့သည်။
    .
    မကြာသေးမီက ရှမ်းပြည်နယ်တွင် ကျနော် လေ့လာမှုပြုလုပ်ခဲ့ရာတွင် မူလတန်းကျောင်းမှ ဆရာ၊ ဆရာမများက ကလေးငယ်များကို ခွဲခြားဆန့်ကျင်မှုနှင့် ကြုံတွေ့ခဲ့သည်။ ဆရာဆရာမများက ၎င်းတို့၏ ကလေးငယ်များကို “ကုလား” သို့မဟုတ် “ကုလားမ” ဟု ခေါ်ဝေါ်သုံးစွဲသည့်အတွက် မွတ်ဆလင် မိဘများ စိတ်မကောင်း ဖြစ်ခဲ့ရသည်။ တောင်ကြီးမြို့မှ ကျောင်း တကျောင်းတွင် ဒုတိယတန်းကျောင်းသူ မွတ်ဆလင် မိန်းကလေးတဦးမှာ “ကုလား” အသွင်အပြင်ရှိသည့်အတွက် စင်မြင့် ဖျော်ဖြေမှုတွင် ပါဝင်ခွင့်မရခဲ့သည့် အတွက် ကျောင်းမသွားဝံ့ဘဲ ဖြစ်ခဲရသည်။
    .
    တဘက်နှင့် တဘက် လေးစား သည်းခံကြရန် ဆရာဆရာမများက သင်ကြားပေးကြပုံမရပါ။ သူငယ်တန်းကျောင်းသူလေး တဦးမှာ သူ၏ရုပ်ရည် (အထူးသဖြင့် မျက်ခုံး ၂ ခု ဆက်နေခြင်း)ကြောင့် အခြားကလေးငယ်များနှင့် ပေါင်းသင်းခြင်း မပြုနိုင်ခဲ့ပါ။
    .
    မွတ်ဆလင်ဆန့်ကျင်ရေး ၉၆၉ လှုပ်ရှားမှုနှင့် အတူ အလုပ်အကိုင်ရရှိရေးတွင်လည်း မွတ်ဆလင်များအပေါ် ခွဲခြားခြင်းများ တိုးလာသည်။ ယခင်ကဆိုလျှင် မွတ်ဆလင်များကို စစ်ဘက်နှင့် အရပ်ဘက်ဌာနများတွင် ရွေးချယ်ခန့်ထားခြင်း မပြုခဲ့ပါ။ ယခုအခါ မိသားစု စီးပွားရေးလုပ်ငန်းများနှင့် ကုမ္ပဏီများက မွတ်ဆလင်များကို အလုပ်သမားအဖြစ် ငှားရမ်းရန် ဆန္ဒ နည်းပါးလာကြသည်။ မကြာသေးမီက တက္ကသိုလ်မှ ဘွဲ့ရခဲ့သော မွတ်ဆလင် မိန်းကလေးတယောက် ဘဏ်တခုတွင် အလုပ်လျှောက်ထားခဲ့ရာ သူ့ကို ခန့်မည် မဟုတ်ကြောင်း ဘဏ်က သူ့ကို ပြောခဲ့သည်။
    .
    ဗမာ အားလုံး၊ ဗုဒ္ဓဘာသာဝင် အားလုံးက မွတ်ဆလင်များကို မုန်းတီးနေခြင်း မဟုတ်ပါ။ မြန်မာနိုင်ငံအတွင်း မွတ်ဆလင် ဆန့်ကျင်ရေး လှုပ်ရှားမှုများ ကျယ်ပြန့်လာသည်ကို စိုးရိမ်နေကြသော ဘုန်းတော်ကြီးများ၊ တက်ကြွလှုပ်ရှားသူများနှင့် သာမန်ပြည်သူများလည်း ရှိနေပါသည်။ သို့သော်လည်း သူတို့၏ သနားကြင်နာတတ်သော စိတ်ထားနှင့် အသံများက အင်အားနည်းနေသည်။
    .
    တင်းကျပ်သည့် နိုင်ငံသား ဥပဒေက မွတ်ဆလင်များကို ဒုတိယတန်းစား နိုင်ငံသားများ ဖြစ်စေသည့်အပြင် ၎င်းတို့ရင်ဆိုင်နေရသည့် ခွဲခြားဆက်ဆံမှုများက ဥပဒေရေးအရသာမဟုတ်ဘဲ အသိုင်းအ၀ိုင်း၏ အပြင်ကို ဖယ်ထုတ်ခြင်း အထူးသဖြင့် လူမျိုးရေးခွဲခြားမှုနှင့် ဥပေက္ခာပြုခြင်းမျိုးဖြစ်သည့် ပေါ်ပေါ်ထင်ထင် ငြင်းပယ်သည့် အလေ့အထကို ဖြစ်စေခဲ့သည်။ မွတ်ဆလင်များကို ခွဲခြားဆက်ဆံခြင်းက သူတို့၏ လူမှုရေးနှင့် ယဉ်ကျေးမှု သို့မဟုတ် လူမျိုးစုနှင့် ဘာသာရေး အပေါ်တွင် အခြေခံခြင်း ဖြစ်သည်။
    .
    ထို့ကြောင့် ၁၉၈၂ ခုနှစ် နိုင်ငံသား ဥပဒေကို မဖြစ်မနေ ဖြေရှင်းရမည်ဖြစ်သလို ပစ်ပယ်ထားခြင်း၊ လူမျိုးအမည် ဖျောက်ဖျက်ခြင်းနှင့် ခွဲခြားဆက်ဆံခြင်းများကို လူမှုရေးအရ၊ နိုင်ငံရေးအရ ဖြေရှင်းရန်လည်း အရေးကြီးပါသည်။ အပြန်အလှန် လေးစားခြင်း၊ အသိအမှတ်ပြုခြင်းများကို မြှင့်တင်ပေးခြင်းများ နည်းတူ မွတ်ဆလင်ဆန့်ကျင်ရေး ၀ါဒဖြန့်ချိမှုများကို ရပ်တန့်ရန်နှင့် လူများစု၏ လူမျိုးရေးခွဲခြားသည့် အတွေးအခေါ်များနှင့် လုပ်ဆောင်ချက်များကိုလည်း မဖြစ်မနေ ဖြေရှင်းရမည် ဖြစ်သည်။
    .
    (စိုင်းလတ်သည် ကနေဒါနိုင်ငံ Simon Fraser တက္ကသိုလ်တွင် Ph.D. စာတမ်းပြုစုနေသူ မြန်မာသုတေသီတဦးဖြစ်သည်။ ဟောင်ကောင်အခြေစိုက် Asia Sentinel အွန်လိုင်းသတင်းဌာနပါ Sai Latt ၏ Burma’s Ominous Political Debate over Ethnicity ကို ဆီလျော်အောင် ဘာသာပြန်ဆိုသည်)

    http://burma.irrawaddy.com/opinion/viewpoint/2016/04/04/111799.html

  • အိန္ဒိယတွင် ဇာတ်မြင့်အမျိုးသမီးကိုယူသည့် ဇာတ်နိမ့်အမျိုးသား၏ အမနှင့် ညီမကို မုဒိမ်းကျင့်ရန် ကျေးရွာကောင်စီက အမိန့်ပေး

    အိန္ဒိယတွင် ဇာတ်မြင့်အမျိုးသမီးကိုယူသည့် ဇာတ်နိမ့်အမျိုးသား၏ အမနှင့် ညီမကို မုဒိမ်းကျင့်ရန် ကျေးရွာကောင်စီက အမိန့်ပေး

    သြဂုတ် ၃၀၊ ၂၀၁၅
    M-Media

    india

    – အိန္ဒိယနိုင်ငံတွင် ဇာတ်နိမ့်အမျိုးသားတစ်ဦးက အိမ်ထောင်ရှိ ဇာတ်မြင့်အမျိုးသမီးတစ်ဦးကို ခိုးပြေးသွားသောကြောင့် ကျေးရွာကောင်စီက ထိုအမျိုးသား၏ အစ်မနှင့် ညီမနှစ်ဦးအား မုဒိမ်းကျင့်ရန်နှင့် ၀တ်လစ်စလစ်ဖြင့် ရွာတစ်ပတ်လျှောက်သွားရန် အမိန့်ချခဲ့သည်ဟု သိရသည်။

    အူတာပရာဒက်ရ်ှပြည်နယ်ရှိ ဘာဂ်ပတ်ရွာတွင် ဇူလိုင် ၃၀ ရက်နေ့က ဖြစ်ပွားခဲ့ခြင်းဖြစ်ပြီး ရွေးကောက် တင်မြှောက်ထားခြင်းမရှိဘဲ အမျိုးသားများသာ ပါဝင်သည့် ကျေးရွာကောင်စီက ထိုကဲ့သို့ ဆောင်ရွက်ခဲ့ခြင်းဖြစ်သည်။ ခိုးပြေးသွားသော အမျိုးသားမှာ ဇာတ်နိမ့် ဒါလစ် မျိုးနွယ်မှဖြစ်ပြီး ထိုကျေးရွာတွင် နေထိုင်သူအများစုမှာ ဂျတ် မျိုးနွယ်များဖြစ်ကာ မုဒိမ်းကျင့်ခံရသည့် အမျိုးသမီးများမှာ အသက် ၂၃ နှစ်နှင့်
    အသက် ၁၅ နှစ်အရွယ်သာ ရှိသေးသည်။

    ဒါလစ်ဇာတ်နိမ့်မျိုးနွယ်မှဖြစ်သော အဆိုပါ ညီအမနှစ်ဦးနှင့် ၎င်းတို့၏ မိသားစုများမှာ ထိုအဖြစ်အပျက်ပြီးကတည်းက ရွာမှထွက်ပြေးကာ နယူးဒေလီတွင် ပုန်းအောင်းနေကြသည်။

    ယခုလအစောပိုင်းတွင် ၎င်းတို့ညီအမနှစ်ဦးထဲမှ အကြီးဖြစ်သူမှာ အိန္ဒိယတရားရုံးချုပ်သို့ အသနားခံစာတစ်စောင် တင်သွင်းခဲ့ပြီး နေအိမ်သို့ ပြန်နိုင်ရေးအတွက် ကာကွယ်မှုပေးရန် တောင်းဆိုခဲ့သည်။ အဆိုပါ အသနားခံစာကို စက်တင်ဘာ ၁၅ ရက်နေ့ နောက်ဆုံးထား၍ ပြန်လည်ဖြေကြားရန်အတွက် သြဂုတ်လ ၁၈ ရက်နေ့တွင် တရားရုံးချုပ်က အူတာပရာဒက်ရှ် အာဏာပိုင်များအား အမိန့်ပေးခဲ့သည်။

    “ကျွန်တော်တို့ တရားရုံးချုပ်ကို တက်ပြီးတဲ့နောက်ပိုင်းမှာ ရွာသားတွေက ပိုပြီး ရန်လိုလာပါတယ်။ ကျေးရွာကောင်စီမှာ ဂျတ် လူမျိုးတွေရဲ့ဆုံးဖြတ်ချက်က အတည်ပါပဲ။ ကျွန်တော်တို့စကားကို သူတို့ နားမထောင်ပါဘူး။ ရဲကလည်း ကျွန်တော်တို့ပြောတာကို လက်မခံပါဘူး။ ဘယ်သူမဆို အခုအချိန်မှာ အသတ် ခံရနိုင်တယ်လို့ ရဲက ပြောခဲ့ပါတယ်” ဟု ထိုအမျိုးသမီးနှစ်ဦး၏ အစ်ကိုဖြစ်သူကAmnesty သို့ ပြောကြားခဲ့သည်။

    လူ့အခွင့်အရေးအဖွဲ့ဖြစ်သော Amnesty International အဖွဲ့ကမူ မုဒိမ်းကျင့်ခံရသည့် ညီအမနှစ်ဦး၏ ဘေးအန္တရာယ် ကင်းရှင်းရေးအတွက် အသေအချာဆောင်ရွက်ပေးရန် အိန္ဒိယအာဏာပိုင်များသို့ တောင်းဆိုခဲ့သည်။ ထို့ပြင် ထိုကိစ္စအတွက် အရေးယူပေးရန် အစိုးရအား တောင်းဆိုသည့် စာတစ်စောင်ကို ရေးသားခဲ့ပြီး ထိုစာတွင် လက်မှတ်ရေးထိုးသူမှာ ၉ သောင်းကျော် ရှိပြီဖြစ်သည်။

    Hindustan Times သတင်းစာကမူ ခိုးပြေးသွားသည့် အသက် ၂၂ နှစ်အရွယ် အမျိုးသားနှင့် အသက် ၂၁ နှစ်အရွယ် အမျိုးသမီးတို့မှာ လွန်ခဲ့သည့် ၃ နှစ်ကတည်းက ချစ်ကြိုက်နေကြခြင်း ဖြစ်သော်လည်း အမျိုးသမီး၏ မိဘများက ၎င်း၏ ဆန္ဒကို လွန်ဆန်ကာ ဂျတ်မျိုးနွယ်မှ အမျိုးသားတစ်ဦးနှင့် လက်ထပ်ပေးခဲ့သည်။

    လက်ထပ်ပြီး ၁ လခန့်အကြာတွင် ထိုအမျိုးသမီးမှာ ရည်းစားဟောင်းဖြစ်သော ဇာတ်နိမ့်အမျိုးသားနှင့် ခိုးရာလိုက်ခဲ့ပြီး မိသားစုများ နှိပ်စက်ခံရမှုကြောင့် ပြန်လည်အပ်နှံခဲ့ရသည်။ ထို့နောက် ထိုအမျိုးသားကို ဆေးမှုဖြင့် စွပ်စွဲကာ ရဲတပ်ဖွဲ့ ဖမ်းဆီးခဲ့ပြီး ယခုအချိန်အထိ အချုပ်ထဲတွင် ရှိနေသည်။

    မုဒိမ်းကျင့်ခံခဲ့ရသည့် အမျိုးသမီး ၂ ဦး၏ ဖခင်ဖြစ်သူကလည်း အမျိုးသားလူ့အခွင့်အရေးကောင်စီနှင့် ဇာနိမ့်များရေးရာ အမျိုးသားကော်မရှင်သို့ ထိုအဖြစ်အပျက်နှင့်ပတ်သက်၍ တိုင်ကြားမှု ပြုလုပ်ထားပြီး ရဲတပ်ဖွဲ့နှင့် လူများစု ဂျတ် ဇာတ်မြင့်များမှာ မိမိတို့အား အရှက်တကွဲအကျိုးနည်းအောင် ဆောင်ရွက်ခဲ့သည်ဟု ဖော်ပြထားသည်။

    အိန္ဒိယပြည်နယ်များရှိ ရွာအများအပြားတွက် ခက်ပ် ပန်ချာယက်စ်ဟုခေါ်သည့် ကျေးရွာကောင်စီမှာ နာမည်ဆိုးဖြင့် ကျော်ကြားပြီး တရားဝင် ပြစ်ဒဏ်ချမှတ်ခွင့်မရှိသော်လည်း လူမှုရေးရာကိစ္စရပ်များအတွက် ၎င်းတို့က စီရင်ဆုံးဖြတ်နေကြသည်။

    ထို့ပြင် ထိုကောင်စီများက သတ်မှတ်ထားသည့် ဇာတ်နှင့် ယဉ်ကျေးမှုကန့်သတ်ချက်များအား ဖောက်ဖျက်မှုအတွက် “မြင့်မြတ်သော သတ်ဖြတ်ခြင်း” ဟု ဆိုကာ အမျိုးသားငယ်များနှင့် အမျိုးသမီးငယ်များအား သတ်ဖြတ်လျက်ရှိကြသည်။

    Ref: Aljazeera