News @ M-Media

Tag: discrimination

  • “လိုင်လာခန်း ရဲ့ အကယ်ဒမီ ရင်ခုန်သံ နှင့် ခွဲခြားဆက်ဆံခံရမှု ဂယက် “

    “လိုင်လာခန်း ရဲ့ အကယ်ဒမီ ရင်ခုန်သံ နှင့် ခွဲခြားဆက်ဆံခံရမှု ဂယက် “

    MRTV4 ရဲ့ Let’s Talk အစီအစဉ်မှ ကောက်နှုတ်ဖော်ပြပါသည်။
    11258133_10155870750390230_2109914642906547152_n
    ဇင်အောင် – နောက်တစ်ခုထပ်ပြီး မေးချင်တာက ဒီရုပ်ရှင်ဇာတ်ကားနဲ့ ပတ်သက်ပြီးတော့ အမရဲ့သရုပ်ဆောင်မှု အပေါ် ပရိသတ်တော်တော် များများက အရမ်းကို နှစ်ခြိုက်အားပေးကြတယ်ခင်ဗျ ဒါကတော့ ခြွင်းချက် မရှိပေါ့နော်။ ဒါနဲ့ပတ်သက်ပြီး အကယ်ဒမီနဲ့ပတ်သက်ပြီးတော့ အမရဲ့ရင်ခုန်သံလည်း ကြားချင်ပါတယ်။ များသောအားဖြင့် ကျွန်တော်တို့ဒီမှာ တော်တော်များက အကယ်ဒမီနဲ့ပတ်သက်ပြီးတော့ အရမ်း sensitive ဖြစ်ကြပါတယ်ခင်ဗျ။ အမနဲ့ပတ်သက်ပြီးတော့ အကယ်ဒမီရင်ခုန်သံတွေ အရမ်းကြားနေရပါတယ်။ အဲ့ဒီအပေါ်မှာ ဒါပေမယ့်လည်း တစ်ဖက်မှာ ရင်ခုန်စိတ်လှုပ်ရှားဖွယ်ရာ အငြင်းပွားဖွယ်ရာ အများများကြီးလည်း ဖြစ်နေပါတယ်ခင်ဗျ။ ကျွန်တော်ဆိုလိုချင်တဲ့ အဓိပ္ပာယ်ကို အမသဘောပေါက်လားတော့မသိဘူးခင်ဗျ။
    .
    လိုက်လာခန်း – သဘောပေါက်ပါတယ်မောင်လေး။ အမ အရမ်းသဘောပေါက်ပါတယ်။ အဲ့ဒါကြောင့်မို့လည်း interview တိုင်းမှာ အမကို interview လာ view တဲ့လူတွေအားလုံးက သမီး အကယ်ဒမီရမှာနော်။ အဲ့ဒီအပေါ် ဘယ်လိုမြင်လဲလို့ ပြောတဲ့အခါကျလို့ရှိရင် – အဲ့လိုပြောလိုက်တာလေး အဲ့အသံလေးကိုကြားလိုက်ရင် ၀မ်းသာပါတယ်။ ဒါပေမယ်လို့ အမ interview တိုင်းမှာ ပြောခဲ့တဲ့ အတိုင်းပဲ။ မမှန်းပါဘူးလို့။ မမှန်းတာ ကိုယ့်ရဲ့ talent ကိုမယုံကြည်လို့ မဟုတ်ဘူး။ ပရိတ်သတ်တွေကို မယုံကြည်လို့လည်း မဟုတ်ဘူး။ မမှန်းရဲဘူးဆိုတာ အကယ်ဒမီက နတ်ကြီးတယ်လေ။ ပြီးတော့ ၂ နှစ်လောက်ရှိပြီ။ အကယ်ဒမီ ပေးတဲ့အချိန်ပိုင်းလောက်မှာ အမ ရန်ကုန်မှာ ရောက်ရောက်နေတယ်။ ဆိုတော့ လူတွေပြောလိုက်ပြီဆိုရင် အဲ့လူကမရဘူး။ မရတာများတာကို တွေ့နေရတယ်။ ဟာ ဒီနှစ်သူရမယ်၊ သူရမယ်ဆိုရင် မဖြစ်လာဘူးဆိုတော့ အဲ့ဒါလေးကို နည်းနည်းကြောက်တယ်။


    .
    ပြီးတော့နောက်တစ်ခုက ဘာလဲဆိုရင် ဘာသာရေးနဲ့ပတ်သက်ပြီးတော့ အမတို့နိုင်ငံမှာ အခုချိန်ထိ ဒီမိုကရေစီ ဘယ်လောက်ပဲ ရသွားပြီလို့ ပြောပေမယ့် mentally ဒီမိုကရေစီမရသေးဘူး မောင်လေး။ လူတွေဆီမှာ ဒီမိုကရေစီဆိုတာ နိုင်ငံတစ်ခု ကပေးတဲ့ ဒီမိုကရေစီက တန်ဖိုးဒီလောက်မရှိဘူး။ အဲ့နိုင်ငံမှာနေတဲ့လူတွေအားလုံးရဲ့mentally ဒီမိုကရေစီဖြစ်ဖို့က ပိုအရေးကြီးတယ်လို့ အမထင်တယ်၊ မမတို့ ပညာရှိအသိုင်းအ၀ိုင်းပေါ့နော် မမတို့မြင်သလောက်က အားလုံးက အရမ်းနားလည်တယ်။ ဒါပေမယ့် အခုအချိန်မှာလည်း တစ်ချို့တွေက ဟိုပေါ့ ဘာသာ- မြန်မာလူမျိုး ဘယ်လောက်ပဲဖြစ်နေပါစေ။ ကိုးကွယ်တဲ့ဘာသာမတူတဲ့အပေါ်မှာ အမြင်တွေစောင်းကြတယ်။ အဲဒါကို စိတ်မကောင်းဘူး အမ။ အဲဒါကတော့ အရမ်းဝမ်းနည်းတယ်။ အဲဒါဝမ်းနည်းတာလည်း ကိုယ့်အတွက် အကျိုးမရှိမှာစိုးလို့ ၀မ်းနည်းတာမျိုးမဟုတ်ဘူး။ ကိုယ်အရမ်းချစ်တဲ့ကိုယ့် မြန်မာနိုင်ငံကြီး တိုးတက်သင့်သလောက် မတိုးတက်မှာကိုကြောက်လို့ ၀မ်းနည်းတာ။
    .
    အိန္ဒိယသည် ဒီအချိန်မှာ ရင်ဘောင်တန်းပြီးတော့ ဟောလီးဝုဒ်နဲ့အပြိုင်သွားနိုင်တယ်။ ဟောလီးဝုဒ်က ဒါရိုက်တာတွေက အိန္ဒိယက Actor တွေကို တောင်းတောင်းပန်ပန်နဲ့လာပြီး ရှိခိုးကန်တော့ပြီး ခေါ်နေတယ်။ အိန္ဒိယက Actor တွေက `ကျွန်တော်တို့ အလုပ်မလုပ်နိုင်ဘူး´ လို့ ပြောရတဲ့အထိအောင် ရောက်နေတယ်။ Why? ဘာဖြစ်လို့လဲ။ အိန္ဒိယနိုင်ငံသည် အခုအချိန် Medical မှာ – ကမ္ဘာတစ်ခုလုံးမှာ အကောင်းဆုံး Kidney (ကျောက်ကပ်) ဆေးရုံ၊ အကောင်းဆုံး Heart Transplant (နှလုံးအစားထိုးကု) ဆေးရုံ အိန္ဒိယမှာရှိတယ်။ ဘာကြောင့်လဲ။ သွားကြည့်လိုက်မောင်လေး။ ဟိုမှာ ဘာသာရေးခွဲခြားမှုမရှိဘူး။ ဘာသာရေး အဓိကရုဏ်း မဖြစ်ဘူးလား။ ဖြစ်တယ်။ ဒါနိုင်ငံတိုင်းမှာဖြစ်တယ်။ China မှာဖြစ်တယ်။ အိန္ဒိယမှာဖြစ်တယ်။ မြန်မာပြည်မှာဖြစ်တယ်။ ဒါပေမယ့်လို့ တကယ် လူတွေရဲ့ Mind မှာ – သူတို့ဘာသာရေးအဓိကရုဏ်းဖြစ်တယ်ဆိုတာက Politics (နိုင်ငံရေး) တွေကြောင့် ဖြစ်တာများတယ်။ ဒါပေမယ့် သူတို့ Mind ထဲမှာ တစ်ကယ်တမ်း မောင်လေးကြည့်လိုက်တယ်ဆိုလို့ရှိရင် – အမ ဥပမာတစ်ခုပြမယ်။
    .
    ရှာရွတ်ခန်းဆိုတာက အိန္ဒိယမှာရော၊ ကမ္ဘာမှာရော လွှမ်းမိုးထားတဲ့ Actor တစ်ယောက်ပေါ့နော်။ သူက အစ္စလာမ်ဘာသာ စစ်စစ်။ အိန္ဒိယနိုင်ငံဟာ ဟိန္ဒူ ဗုဒ္ဓဘာသာလို့လည်းပြောလို့ရတယ်။ ဟိန္ဒူပေါ့နော်။ ဟိန္ဒူဘာသာနိုင်ငံပေါ့။ ဒါပေမယ့် ဘောလီးဝုဒ် မှာ မောင်လေးကြည့်မယ် ဆိုလို့ရှိရင် ၁၀၀ မှာ ၉၀ က အစ္စလာမ်တွေများတယ်။ မွတ်စလင်တွေများတယ်။ အမီးရ်ခန်းတို့၊ ဆလ်မန်းခန်းတို့၊ ရှာရွတ်ခန်းတို့၊စေဖ်အလီခန်း(saif ali khan) တို့ အကုန်လုံးက မွတ်စလင်တွေနော်။ ဒါရိုက်တာကြီးတွေမှာဆိုလည်း မွတ်စလင်တွေပဲ။ ဒါပေမယ့် အိန္ဒိယသည် ဘယ်တုန်းကမှ – မမအလုပ်လုပ်ခဲ့တာ ၇ နှစ်မှာလည်း တစ်ခါမှ – ဟို သူသည် မွတ်စလင်မို့လို၊ သူသည် ဟိန္ဒူမို့လို့ သူသည် Chinese မို့လို့ တစ်ခါမှ မကြားခဲ့ဖူးဘူး။ ရှာရွတ်ခန်းသည် ၁၈ နှစ် – သူ့ရဲ့အလုပ်သက် အနှစ် ၂၀ မင်းသားဖြစ်လာတဲ့အချိန်မှာ ၁၈ နှစ်လုံးလုံး အကယ်ဒမီ – Film Fair Award ကို ယူခဲ့တယ်။ အဲဒါသည် သက်သေပြနေတာ။ အိန္ဒိယနိုင်ငံ ဘယ်လောက်ဒီမိုကရေစီဖြစ်လည်းဆိုတာကို သက်သေပြနေတာပဲပေါ့နော်။ မမ အိန္ဒိယကို မြှောက်ပြီးပင့်ပြီး ပြောဆိုနေတာ မဟုတ်ဘူး။ မမနိုင်ငံ မြန်မာနိုင်ငံကို တစ်နေ့တစ်ချိန်မှာ အဲလိုဖြစ်စေချင်လို့ ကမ္ဘာမှာ။ အခုဆိုရင် အိန္ဒိယမှာဆိုလို့ရှိရင်။ ဘယ်သူ့မှ ဒီ အိန္ဒိယသည် မတရားဘူးလို့ ပြောလို့မရဘူး။ အိန္ဒိယသည် အရမ်း Fair ဖြစ်တယ်။ လူတွေဆိုရင် – အမေရိကန်တွေ၊ ယူရိုပီယန်တွေတောင် အင်ဒီယန်တွေကို လေးစားတယ်။ ဘာဖြစ်လို့လည်းဆိုတော့။ ဘယ်လောက်ပဲ ဘယ်လိုပဲဖြစ်ဖြစ်။ သူတို့သည် အလုပ်သဘောဆိုရင် အလုပ်သဘောအရ ဆုံးဖြတ်တယ်။ သဘောက ရှာရွတ်ခန်းသည် ၁၈ နှစ်လုံးလုံး ယူလာတယ်။ တစ်ခြားဟိန္ဒူဘာသာကိုးကွယ်နေတဲ့သူတွေ အများကြီး၊ တော်တာတွေအများကြီးရှိတယ်။ Nomination (ဇကာတင်စာရင်း) ဆိုတာ သူရမလား၊ သူရမလား ဖြစ်နေတဲ့အခါမှာ အမြဲတမ်း ရှာရွတ်ခန်းက ဆွဲသွားတယ်။ အမြဲတမ်း ရှာရွတ်ခန်းပဲ။ ဘာဖြစ်လို့လဲသိလား။ သူရသင့်တယ်။ သူ့ကိုပေးတယ်။ သူသည်မွတ်စလင်ဖြစ်လို့၊ ဒါသည် ဟိန္ဒူဖြစ်လို့ သူ့ကိုပေးရမယ်ဆိုလို့ရှိရင် – အဲဒီလိုမျိုးလည်း သူတို့မှာ မရှိဘူး။
    .
    ပြီးတော့ ပြည်သူလူထုကအစ မင်းသားတစ်ယောက်ကိုကြည့်ရင် သူ မွတ်စလင်လား၊ ဟိန္ဒူလားဆိုတာကို မကြည့်ဘူး။ သူသည် ဘယ်လောက်တော်တဲ့ Actor လဲ။ သူ့အလုပ်ကို ဘယ်လောက်ပိုင်အောင်လုပ်နိုင်လဲ။ လူတွေကို ဘယ်လောက်အထိ ချစ်အောင်လုပ်နိုင်လဲ။ အိန္ဒိယမှာ ရှာရွတ်ခန်းတို့ ဆလ်မန်းခန်းတို့ကို မွတ်စလင်တွေထက်ကိုပိုပြီးတော့ ဟိန္ဒူတွေကချစ်တယ်။ အရမ်းချစ်တယ်။ ဆိုတော့ အဲဒီဟာလေးတွေက အရမ်းစကားပြောတယ်။ နိုင်ငံတစ်နိုင်ငံ တိုးတက်ဖို့၊ နိုင်ငံတစ်နိုင်ငံကြီး – ဟို – ဘယ်လိုခေါ်မလဲ – စည်းလုံးမှု – အရမ်းအရေးကြီးတယ်။ အဲဒီစည်းလုံးမှု ရှိလာတဲ့အခါကျလို့ရှိရင်။ အခုဆိုလို့ရှိရင် အမတို့ နိုင်ငံခြား သွားတယ်ဆိုလို့ရှိရင် – မမတို့ဆိုရင် စဉ်းစားကြည့်။ မောင်လေးကို မမ ရင်ဖွင့်ပြီးပြောပြတာ။ မြန်မာနိုင်ငံမှာ လာတယ်ဆိုရင်- ဟာ – သူတို့က မွတ်စလင်တွေ။ တစ်ချို့ဆိုပြောမယ် ဒါ ကုလား- ဘာညာပေါ့။ ဟုတ်ပြီ။ မမတို့ မြန်မာ စာအုပ်ကိုင်ထားတယ်။ မြန်မာ ပတ်စ်ပို့ – ဒီပတ်စ်ပို့နဲ့ နိုင်ငံခြားကိုသွားတယ်။ ထိုင်းကိုသွားတယ်။ စင်ကာပူကိုသွားတယ်။ ဘာပြောလဲ။ သူတို့မသိဘူး မမတို့ဘာ ဘာ ဘာသာလဲဆိုတာကို။ ဖမာ – ဗမာ – စာအုပ်ကိုထားလိုက်တယ်။ ဆိုတော့ ၀မ်းနည်းတာက ဘာလဲဆိုလို့ရှိရင် ကိုယ့်နိုင်ငံရောက်လာရင် ကိုယ့်နိုင်ငံကလူက ကိုယ့်ကိုယ်ပယ်လိုက်တယ်။ ဒါ အစ္စလာမ်မို့လို့။ ဒါ ခရစ်ယာန်မို့လို့။ ဒါ Chinese မို့လို့။ နိုင်ငံခြားသွားပြန်တော့လည်း ဗမာမို့လို့တဲ့။ ၀မ်းနည်းစရာကြီး။ ဆိုတော့။
    .
    စိတ်မကောင်းဖြစ်တာ ဘာလဲဆိုရင် – ဒါဆို အမတို့က Identity က ဘယ်လိုထားရမလဲ။ အမ မလေးရှားမှာ Sunway ကောလိပ်မှာ ကျောင်းတက်တယ်။ အားလုံးစာအုပ်တွေ တစ်နှစ်တစ်နှစ် အမတို့ တိုးရတယ်။ Student Visa ကို Extension (သက်တမ်းတိုး) လုပ်ရတယ်။ အားလုံးစာအုပ်ရောက်လာတယ်။ မမစာအုပ်က အမြဲနောက်ကျတယ်။ ဘာဖြစ်လို့လဲ။ မြန်မာ မို့လို့။ မြန်မာမို့လို့ သူတို့ သေချာ ပြန်စီစစ်နေတယ်။ လုပ်နေတယ်။ နစ်နာမှုက နေရာတိုင်းမှာ။ မမတို့အတွက် အရမ်း Unfair ဖြစ်တယ်။ အဲဒါကို စိတ်မကောင်းဘူး။ ဒါမျိုးတွေပျောက်သွားတဲ့အချိန်ကျရင် ကိုယ့်မြန်မာနိုင်ငံကြီးဟာ ဒီထက် အဆတစ်ရာ တိုးတက်လိမ့်မယ်လို့ ကိုယ်ထင်တယ်။ နောက်ပြီးတော့ တစ်ကယ်တမ်းဆိုလို့ရှိရင်လည်း တရားမျှတတဲ့သဘောမျိုးနဲ့ ကြည့်မယ်ဆိုရင်လည်း အဲဒီလိုမျိုးပဲ ဖြစ်သင့်တယ်။ မမဆိုလို့ရှိရင် မောင်လေးစဉ်းစားကြည့်။ မမကို ဘောလီးဝုဒ်မှာ။ မောင်လေးတို့က ဘောလီးဝုဒ်မင်းသမီး။ အိန္ဒိယက မင်းသမီးဆိုပြီး သိထားပေမယ့်။ အိန္ဒိယရောက်သွားလို့ရှိရင် – She is Burmese citizen. She is Burmese. She is from Myanmar. ဒါပဲပြောရတာလေ။ ဆိုတော့ တစ်ကယ်တမ်းဂုဏ်တက်ရင် ဘယ်သူတက်တာလဲ။ မမနိုင်ငံ ဂုဏ်တက်တယ်။ မြန်မာနိုင်ငံ ဂုဏ်တက်တယ်။ မမ မြန်မာနိုင်ငံကဆိုတာ – အဲဒီစကားလုံးပဲ စပြောတာပဲ။ She is Myanmar citizen. ဆိုတော့ အဲလိုမျိုး ဥစ္စာ။ ကိုယ့် မြန်မာနိုင်ငံကို ဘယ်လိုမျိုးမဆို အသိအမှတ်ပြုခြင်းခံရတာကို ကိုယ်က ၀မ်းသာပေမယ့် – ဒီကိုလာလိုက်တဲ့အခါကြလို့ရှိရင်။ အော် – သူက အစ္စလာမ်ဘာသာ၊ သူက ငါတို့မြန်မာမဟုတ်ဘူး။ No
    .
    ကျွန်မ ဒီမှတ်ပုံတင်ကိုင်ထားတာ၊ ကျွန်မအမေအဖေဒီမှတ်ပုံတင်ကိုင်ထားတာ ကျွန်မအဖိုးအဖွားက အစ မြန်မာနိုင်ငံမှာမွေးပြီး မြန်မာ မှတ်ပုံတင် ကိုင်ထားတာ ကျွန်မအမေ မော်လမြိုင်သူစစ်စစ်။ ဒီမြန်မာ အစား အစာ စားပြီးတော့ ဒီမြန်မာ ဆရာ၊ ဆရာမတွေရဲ့ သွန်သင်ဆုံးမမှုအောက်မှာ ကြီးလာတာ မြန်မာသီချင်းလေးတွေဆိုဆိုပြီး သိပ်လာတာ ဆိုတော့ အဲ့လိုမြန်မာမဟုတ်ဘူး သူကမွတ်စလင်ဆိုလို့ရှိရင် အမ အရမ်းစိတ်ဆိုးတယ်။ That is nationality . Nationality က ငါ့ရဲ့ nationality ပဲ။ ဘယ်သူမှလာပြီး မဟုတ်ဘူးလို့ ပြောလို့မရဘူး။ ဒါအမှန်တရားပဲ။ That is the truth ဘယ်သူမှပြောင်းလို့မရဘူး။ မမဆို ဘယ်လောက်ထိ ကိုယ့်နိုင်ငံကို ချစ်လဲဆိုရင် အိန္ဒိယမှာ အခါပေါင်းမြောက်များစွာ passport change လုပ်ဖို့ အခွင့်အရေးရခဲ့တယ်။ ဒါပေမယ့် visa တွေ ဘာတွေ လျှောက်တဲ့ အချိန် ကိုယ့် passport က အမြဲဒုက္ခရောက်တယ်ဆိုတော့ စိတ်တော့ဆိုးတာပေါ့။ ဟာ… လဲမယ် ဘာညာ။ တကယ်တမ်းအခွင့်အရေး ရလာလို့ရှိရင် I don’t want. တကယ်တမ်း လဲရတော့မယ်အချိန်ကျလို့ရှိရင်။ ဟာ…မပေးဘူး။ ငါ့ citizen လေ။ ချစ်တယ် ဟာ…ကမ္ဘာမှာ အကောင်းဆုံး citizen မို့လို့ American citizen မို့လို့ မပေးချင်ဘူးဆိုတစ်မျိုး။ မြန်မာ citizen ဆို အားလုံး လဲချင်ကြတယ်။ ဗုဒ္ဓဘာသာ မြန်မာလူမျိုးတွေဆိုတာကအစ လဲကြတာပဲ။ အမကိုကြည့်စမ်း။ နိုင်ငံကိုချစ်တယ် ဘာဖြစ်လို့လဲဆိုတော့ ဘယ်အချိန်သိရလဲ အဲလိုမျိုးဖြစ်လာတဲ့အခါကြတော့ မလဲချင်ဘူး။ တကယ်တမ်းကျတော့ ဟာ မပေးချင်ဘူး။ I don’t want to give up. ဒီစာအုပ်လေးကိုမပေးချင်ဘူး။ ဘာရယ်လို့မဟုတ်ဘူး။ ကိုယ်ရဲ့ feeling ကိုယ့်ရဲ့ attachment ကိုယ့်ရဲ့ အချစ်ပေါ့နော်။
    .
    နောက်ဆုံးပြောမယ် နိုင်ငံခြားမှာ function တစ်ခုမှာပေါ့နော်။ international function တစ်ခုလုပ်တယ်။ International function လုပ်တဲ့အခါမှာ ဟာ…သဘောတွေကျ ဘာညာ နိုင်ငံတိုင်းက national anthem တွေ နိုင်ငံတော်သီချင်းတွေဆိုကြ
    ဘာလုပ်ကြ နားထောင်နေတယ်။ ကိုယ့်မြန်မာနိုင်ငံ National anthem လည်း ကြားရတော့ မောင်လေးရယ် ဘုရားစူးပါစေသိလား။ ကြက်သီးတွေထပြီး မျက်ရည်တွေကျလာတယ်။ နိုင်ငံခြားမှာ အမထိုင်နေတဲ့အချိန်မှာ မင်းသမီးအဖြစ် as a chief guess အနေနဲ့၊ အမ အိန္ဒိယ ဘောလိဝုဒ်မင်းသမီး အနေနဲ့ Chief Guest အနေနဲ့ အဲ့ဒီ international show သွားတယ်။ သဘောတွေကျ ပျော်နေတယ်
    .
    ရယ်နေတယ်နော် အားလုံးနိုင်ငံအကြောင်းတွေ ပြတယ်။ ကိုယ့်မြန်မာနိုင်ငံ အချိန်လည်းလာရော national anthem နိုင်ငံတော် သီချင်းလည်း ဖွင့်လိုက်ရော မျက်ရည်က အလိုလိုနေရင်းနဲ့ ကျလာပြီး ငယ်ငယ်တုန်းက ကျောင်းသားဘ၀လေးကို သတိရလာတယ်။ ကျလာပြီး။ ကြက်သီးတွေထ လာတယ်။
    .
    သြော် ငါ့မြန်မာနိုင်ငံကို ငါအခုအချိန်ထိ ဘယ်လောက်ထိချစ်လဲ။ ကြည့်စမ်း။ အဲ့အချိန်တုန်းက `တိုက်ဆိုင်မှုရှိလျှင်´ လည်း မရိုက်ရသေးဘူးပေါ့နော်။ အဲ့အချိန်တုန်းက အမ မင်းသမီးဖြစ်တာ အမ နာမည်ကြီးတာ အိန္ဒိယနိုင်ငံကြောင့် အိန္ဒိယပရိသတ်ကြောင့်။ ဒါတောင်မှပဲ ကိုယ့်နိုင်ငံသီချင်းလေး ကြားရတော့ ဒိန်း ..ဆို ကြက်သီးတွေထပြီးတော့ မျက်ရည်ဝဲပြီး မျက်ရည်တွေကျလာတယ်။ သူငယ်ချင်းတွေကတောင် မေးတယ်။ ဟယ် အဲ့ဒါဘာဖြစ်လို့တုန်း ဟယ်။ အဲ့ဒါ ငါတို့နိုင်ငံတော်သီချင်း ဆိုပြီး အဲ့လိုမျိုးပေါ့ ပီတိဖြာခဲ့တယ်။ ပြီးတော့ ကိုယ့်ဟာကိုယ် စိတ်မကောင်းပြန်ဖြစ်တယ်။ ငါတို့မှာတော့ ချစ်လိုက်ရတာပေါ့နော်။ ဒါပေမယ့် တန်းတူဆက်ဆံချင်းကို ဘာလို့မခံရတာလဲ။ ဘာကြောင့်လဲ? ဘယ်နေရာမှားနေလဲ? ဆိုတော့ စိတ်မကောင်းဖြစ်မိတယ်။
    .
    ဒါပေမယ့်လို့လည်း `တိုက်ဆိုင်မှုရှိလျှင်´ မရိုက်ခင်အထိ အမ အရမ်း doubt ရှိတယ်။ မရဲဘူး ။ မရဲဘူးဆိုတာ ကိုယ့် acting ကိုလည်း ဟိုဟာဖြစ်လို့ မဟုတ်ဘူး။ နည်းနည်းလေး doubt ရှိတာက သြော် – ရုံတင်တဲ့အခါကျရင် ဘယ်လိုနေမလဲ လူတွေက ခွဲခြားပြီး ဆက်ဆံမလား။ ကိုယ်ကတော့ ကိုယ့်မြန်မာနိုင်ငံကို အများကြီး ဂုဏ်တက်အောင်လို့ လုပ်ခဲ့တယ်။ နိုင်ငံခြားမှာ။ ကိုယ့်ကိုရော ဒီလိုတုန့်ပြန်မှုတွေ ပြန်ရပါ့မလားဆိုပြီးတော့ စိတ်မကောင်းဖြစ်တယ်။ Doubt တွေရှိခဲ့တယ်။ ဒါပေမယ့် တစ်ကယ်တမ်း `တိုက်ဆိုင်မှုရှိလျှင်´ ရုံတင်လိုက်တဲ့အခါမှာ အရမ်း အဲဒီ Doubt တွေ ပြေသွားတယ်။ ဦးမျိုးကိုလည်း ကျေးဇူးတင်ပါတယ်။ လုံးဝမေ့လို့မရဘူး။ အရမ်းပီတိအဖြစ်ဆုံးက လွန်ခဲ့တဲ့ တစ်လလောက်ကပဲ အစ်မရဲ့ We Love Lilla Khan ဆိုတဲ့ ပေ့ခ်ျမှာ အီးမေးလ်တစ်ခု ရောက်လာတယ်။ ရောက်လာတော့- အီမေးလ်တွေကို တစ်ခါတစ်လေဆိုလည်း တစ်ပတ်တစ်ခါတော့ ပုံမှန်စစ်ပေးတယ်လေ။ ကိုယ့်ရဲ့ပရိတ်သတ်တွေနဲ့ ကိုယ်က ကိုယ်တိုင်စကားပြောပေးတယ်။ စစ်လိုက်တဲ့အခါမှာ – အဲဒီအီးမေးလ်ကိုဖွင့်လိုက်တော့ မွေးကာစ ကလေးလေးရဲ့ ဓာတ်ပုံလေးတွေပေါ့နော်။ ဘယ်သူများ ငါ့ကို မွေးကာစ ကလေးလေးရဲ့ဓာတ်ပုံတွေ ပို့တာလဲဆိုတော့ – ဓာတ်ပုံတွေကလည်း ဖွင့်တာ နှေးတယ်မောင်လေးရဲ့။ အဲတော့ ဖွင့်ရင်းဖွင့်ရင်းမှ နောက်ဆုံးပုံလေးမှာ အမေရယ် – အဲဒီကလေးလေးရဲ့အမေက သူ့ရဲ့သမီးလေးကို ချီထားတာပေါ့နော်။ အဲပုံလေးဆိုတော့။ နောက်ဆုံးမှာ သူက စာရေးထားတယ်။ `မလိုက်လာခန်း´ တဲ့ `မလိုင်လာခန်းအကို အရမ်းချစ်တယ်။ အရမ်းလေးစားတယ်´ တဲ့ `အရမ်းလည်း သဘောကျတယ်´ ပေါ့။ `တိုက်ဆိုင်မှုရှိလျှင်´ ကိုလည်း ဘယ်နှစ်ခါကြည့်တာ။ သူ ကိုယ်ဝန်ကြီးနဲ့တုန်းက `တိုက်ဆိုင်မှုရှိလျှင်´ ကို သူ ကြည့်ခဲ့တဲ့ပေါ့နော်။ နေ့စေ့လစေ့ကြီးနဲ့ပေါ့နော်။ အခု သမီးလေးမွေးပြီးတဲ့။ အဲဒီသမီးလေးကို `လိုက်လာ´ လို့ နာမည်ပေးလိုက်တယ်တဲ့။ ဆိုတော့ အဲဒီအရာလေးက အရမ်း – ဘယ်လိုခေါ်မလဲ – ဘာနဲ့မှလဲလို့မရဘူး၊ သိလား။ အဲဒီဖီလင်ကို မောင်လေးက ပိုက်ဆံနဲ့လည်း ၀ယ်လို့မရဘူး။ ဘာနဲ့မှဝယ်လို့မရဘူး။ အဲဒီဖီလင်က အကောင်းဆုံးပဲ။ ကြည့်ပြီးတော့ ရင်ထဲမှာလေ ကိုယ်နဲ့ တစ်ခါမှလည်း မတွေ့ဖူး၊ မမြင်ဖူး၊ စကားမပြောဖူးဘူး၊ ကိုယ်လည်း သူတို့အကျိုးရှိအောင် ဘာမှ မလုပ်ပေးခဲ့ဖူးဘူး။ ဒါတောင်မှပဲ ကိုယ့်ကိုယ် အဲဒီလောက်အထိချစ်တယ်။ မွေးထားတဲ့ သမီးဦးလေးရဲ့ နာမည်ကိုလည်း လိုက်လာလို့ပေးလိုက်တယ်ဆိုတော့ အရမ်းဝမ်းတွေသာပြီးတော့လေ။ အမလေး – အမလည်း ချက်ခြင်းကို ပြန်လိုက်တယ်။ ပြန်ပြီးတော့ Blessing တွေ အများကြီး ပေးလိုက်တယ်။ ပေးပြီးတော့ သမီးလေးကို မြင်ဖူးချင်တယ်လို့။ အိမ်လာလည်လို့ ရပါတယ်ဆိုပြီးတော့။ ဘာညာဆိုပြီးတော့တောင်မှ ဖိတ်လိုက်သေးတယ်။
    .
    အဲလောက်အထိ ပရိတ်သတ်ရဲ့အချစ်ကို ရတယ်ဆိုတော့လေ – ကိုယ်က အရမ်းဝမ်းသာတယ်ပေါ့နော်။ အဲဒီပီတိက ဘာနဲ့မှ လဲလို့မရဘူး။ ဆိုတော့ ဖြစ်ချင်တော့ အဲဒီအမျိုးသမီးဆိုလည်း ဗုဒ္ဓဘာသာပဲ။ ဆိုတော့ ပိုပြီးတော့ဝမ်းသာတယ်။ `လိုက်လာလို့ နာမည်ပေးလိုက်ပါတယ် အမ´ တဲ့ – ပေါ့နော်။ သမီးလေးကို ဆုတောင်းပေးပါတဲ့။ ဆိုတော့ အမလည်း အီးမေးလ်ပြန်လိုက်ရော သူ့အမျိုးသားရော၊ သူရော ကလေးလေးနဲ့ပုံပါ အကုန်လုံးပို့တယ်။ ပိုပြီးတော့ – `အမခေါ်တာ အရမ်းဝမ်းသာတယ်။ ဆက်ဆက်လာခဲ့ပါ့မယ်´ ပေါ့နော်။ ဆိုတော့ I’m really glad လေ။ (အရမ်းပျော်တာပေါ့လေ) ရင်ထဲကနေ ကို ကျေနပ်တာ။ ပြောရင်းနဲ့တောင် ကြက်သီးထတယ်။
    .
    အပြည့်စုံ ကြည့်လိုလျှင်
    ———————–
    အပိုင်း- A https://www.youtube.com/watch?v=Z8OGlKC9DHQ

    အပိုင်း-B. https://www.youtube.com/watch?v=EV8Jip_8cDQ

    အပိုင်း-C. https://www.youtube.com/watch?v=0dCSkxF0Rj4

  • လန်ဒန်ရဲတပ်ဖွဲ့၏ လူမျိုးရေး ခွဲခြားစော်ကားမှုသတင်းများ ထွက်ပေါ်လာပြန်

    လန်ဒန်ရဲတပ်ဖွဲ့၏ လူမျိုးရေး ခွဲခြားစော်ကားမှုသတင်းများ ထွက်ပေါ်လာပြန်

    ဇူလိုင် ၂၀၊ ၂၀၁၅
    M-Media

    uk

    – ဗြိတိန်ရဲများ၏ Facebook group အတွင်း လူမျိုးရေးအရ စော်ကားပြောဆိုမှုများကို နာမည်ကြီး သတင်းစာ The Independent သတင်းစာက ဖွင့်ချခဲ့ပြီးနောက် ပြည်သူများမှာ ထိုအဖြစ်အပျက်အတွက် ဒေါသထွက်နေကြသည်ဟု သိရသည်။

    I’ve Met the Met ဟု အမည်ရသည့် လျှို့ဝှက် Group တစ်ခုအတွင်း ရေးသားထားသော မှတ်ချက်များကို သတင်းစာက ဖော်ထုတ်လိုက်ခြင်းဖြစ်ပြီး အဆိုပါ Group မှာ လန်ဒန်မြို့ပြ ရဲတပ်ဖွဲ့မှ လက်ရှိ ရဲတပ်ဖွဲ့ဝင်များနှင့် ယခင်ရဲတပ်ဖွဲ့ဝင်ဟောင်းများ သုံးစွဲသော Group လည်းဖြစ်သည်။

    ထို Group မှ အဖွဲ့ဝင်များမှ ယူကေ၏ ဂျစ်ပစီနှင့် ထရာဗဲလာလူ့အဖွဲ့အစည်းကို ပစ်မှတ်ထား၍ နောက်ပြောင်မှုများ၊ စော်ကားမှုများ ပြုလုပ်ခဲ့ကြသည်။ ထိုလူ့အဖွဲ့အစည်းများ၏ အိမ်ယာ အတည်တကျမရှိသော နေထိုင်မှုဘ၀ကြောင့် ၎င်းတို့အား ထိုကဲ့သို့ အမည်နာမများ
    ပေးထားခြင်းဖြစ်သည်။

    အဆိုပါ Group မှ ပို့စ်တစ်ခုတွင် ဂျစ်ပစီများ၏ နှုတ်မှ ထွက်လာသော စကားများမှာ လိမ်ညာစကားများဟုသာ ဆုံးဖြတ်ရမည်ဖြစ်ပြီး အခြားပို့စ်များတွင်လည်း ထိုလူ့အဖွဲ့အစည်းများနှင့် ဆက်နွယ်နေသည့် အသေးအဖွဲ့ ပြစ်မှုများနှင့်ပတ်သက်၍ ရည်ညွှန်းပြောဆိုထားကြသည်။

    လူမျိုးရေးအရ ခွဲခြားစော်ကားသည့် လုပ်ရပ်ကြောင့် လန်ဒန်ရဲတပ်ဖွဲ့တရားစွဲဆိုခြင်း ခံရမှုမှာ ယခုအဖြစ်အပျက်သည် ပထမဆုံးအကြိမ် မဟုတ်ဘဲ၊ ၁၉၉၃ ခုနှစ်က လူမည်းဆယ်ကျော်သက် စတီဖင် လောရန့်စ်ကို လူမျိုးရေးမုန်းတီးမှုဖြင့် သတ်ဖြတ်ခြင်းအား ကိုင်တွယ်ရာတွင်လည်း လန်ဒန်ရဲတပ်ဖွဲ့မှာ မီဒီယာများနှင့် နိုင်ငံရေးသမားများ၏ ဝေဖန်မှုများကို ခံခဲ့ရသည်။

    ယခုကဲ့သို့ လူမျိုးရေးခွဲခြားစော်ကားမှုကိစ္စများ ထပ်မံ ပေါက်ကြားလာပြီးနောက် ဆိုရှယ်မီဒီယာ အသုံးပြုသူများမှာ လန်ဒန်ရဲတပ်ဖွဲ့ကို ရှုတ်ချမှုများ ပြုလုပ်ခဲ့ကြပြီး၊ လော့ရန့်စ် အသတ်ခံရမှုကိစ္စမှ ရဲတပ်ဖွဲ့က သင်ခန်းစာမယူခဲ့ဟုဆိုကာ ဒေါသထွက်ခဲ့ကြသည်။

    လန်ဒန်ရဲတပ်ဖွဲ့ကမူ ထိုကဲ့သို့ ပေါက်ကြားမှုအတွက် စုံစမ်းစစ်ဆေးသွားမည်ဖြစ်ပြီး ရဲတပ်ဖွဲ့ဝင်များမှာ မလျော်ကန်သည့်အပြုအမူများ ပြုကျင့်ခြင်း၊ ရာဇ၀တ်မှု ကျူးလွန်ခြင်း ရှိမရှိကို ဖော်ထုတ်သွားမည်ဟု Independent သို့ ပြောကြားခဲ့သည်။

    Ref: Aljazeera

  • စင်ကာပူတွင် တရုတ်-မွတ်စလင် တဦး အလုပ်လျောက်ရာ၌  ခွဲခြားဆက်ဆံ ခံရမှု စုံစမ်းစစ်ဆေးနေ

    စင်ကာပူတွင် တရုတ်-မွတ်စလင် တဦး အလုပ်လျောက်ရာ၌ ခွဲခြားဆက်ဆံ ခံရမှု စုံစမ်းစစ်ဆေးနေ

    ဇူလိုင် ၂ ၊ ၂၀၁၅
    M-Media
    e1083964775a96bf0158e3a5bbb1cc0be7fd7652
    စင်္ကာပူ တရုတ် မွတ်စ်လင်မ်တစ်ဦး၏ အလုပ်အကိုင် လျှောက်ထားချက် အပေါ် ခွဲခြား ချိုးနှိမ်မှုပြဿနာ ဖြစ်ပေါ်လာသဖြင့် TAFEP မှ လေ့လာစုံစမ်းလျက်ရှိသည်။

    ဟိုင်ဒီဟိန်း၏ အလုပ်လျှောက်ထားချက်၌ လူမျိုးရေးခွဲခြား ချိုးနှိမ်မှုကို မိမိတို့မှ သတိပြုမိကြောင်း၊ ယင်းနှင့်ပတ်သက်သည့် သတင်းအချက်အလက်များ ထပ်မံရရှိရန် လုပ်ဆောင်နေပြီဖြစ်ကြောင်း The Tripartite Alliance for Fair and Progressive Employment Practices (TAFEP) က ပြီးခဲ့သော ဗုဒ္ဒဟူးနေ့တွင် Yahoo Singapore သို့ အကြောင်းကြားခဲ့သည်။

    တရားမျှတစွာ အလုပ်အကိုင်ခန့်အပ်ရေးနှင့် ပတ်သက်၍ “လုပ်သားများသည် လုပ်ငန်းခွင်၌ ဘာသာရေးနှင့် ဆက်နွယ်သည့် အလုပ်အကိုင်များမှအပ အလုပ်အကိုင် ခန့်အပ်ရေး အတွက် ဘာသာရေးအား စံသတ်မှတ်ချက်အဖြစ် ကျင့်သုံးခြင်းမှာ လက်သင့် မခံနိုင်စရာဖြစ်သည်ဟု TAFEP က ဆိုသည်။

    စင်္ကာပူနိုင်ငံသား တရုတ်-မွတ်စ်လင်မ်တစ်ဦးဖြစ်သူ ဟိန်း သည် ရုံးဝန်ထမ်းနေရာအတွက် အလုပ်လျှောက်ခဲ့ရာမှ သူမ၏ ဟလာလ် စားသောက်မှု ပုံဟန်အား မေးခွန်းထုတ်ခံရသော အခါ အံ့သြတုန်လှုပ်သွားခဲ့သည်။

    fa9816b0-1fae-11e5-bec0-c10207089c82_Screen-Shot-2015-07-01-at-1-06-16-PM

    ဟိန်း၏ အလုပ်လျှောက်လွှာပို့ပေးရန် အီးမေးလ် လိပ်စာအား တောင်းဆိုရာတွင် Whatsapp ပေါ် ထိုကဲ့သို့ ပြောဆိုမှုများ ဖြစ်ပေါ်လာခဲ့ခြင်းဖြစ်သည်။

    “အလုပ်က အလုပ်၊ အစားအသောက်က အစားအသောက်ပါ (ဘာမှမသက်ဆိုင်ပါဘူး)။ ဟလာလ် အစားအစာကို ကျွန်မ စားနိုင်ရမှာဖြစ်သလို သူတို့က သူတို့ရဲ့ ဟလာလ် မဟုတ်တဲ့ အစားအစာကို စားနိုင်တာပါပဲ။ သာမန် ရုံးအလုပ်တစ်ခု လိုချင်သူအပေါ် လူမျိုးရေး ခွဲခြားမှု မှတ်ချက်နဲ့ အဆုံးသတ်တာ ခံရပါတယ်” ဟု သူမက ပြောပြသည်။

    ဖေ့စ်ဘွတ်ပေါ်မှတ်ချက်ပေးသူအများစုမှာ ကုမ္ပဏီကို ဝေဖန်ပြစ်တင်လျက် သူမကို စာနာအားပေးခဲ့ကြသည်။

    “မိမိ နှစ်သက်ရွေးချယ်တဲ့အစားအစာက ရုံးဝန်ထမ်းအလုပ်ရဲ့လုပ်ကိုင်စွမ်းရည်ကို ဘယ်အကြောင်းကြောင့် အကန့်အသတ် ဖြစ်သွားစေမှာလဲ၊ ဒီလိုဖြစ်စရာလို့ ကျွန်တော် မမြင်ပါဘူး” ဟု ၎င်းအပေါ်တုန့်ပြန်သူ M Fauzi မှ ဆိုပါသည်။

    ၀င်ရောက် မှတ်ချက်ပေးသူတစ်ဦးက ဟိန်း ကို အလုပ်အကိုင်တစ်ခုအတွက် ကမ်းလှမ်းပြီး အဖြေကို စောင့်မျှော်လျက်ရှိကြောင်း သိရသည်။

    Ref : sg.news.yahoo.com

  • တချိန်က စိတ်ဓာတ် နဲ့ အခုစိတ်ဓါတ် (အမှတ်တရ ဘောလုံးနေ့များ)

    တချိန်က စိတ်ဓာတ် နဲ့ အခုစိတ်ဓါတ် (အမှတ်တရ ဘောလုံးနေ့များ)

    ဇွန် ၅ ၊ ၂၀၁၅
    ဇင်ဘိုအောင် ရေးသည်။
    .Football
    ၁၉၉၂ နှစ်ခုနှစ် က သုဝဏ္ဏ  အားကစားကွင်းမှာ မြန်မာလက်ရွေးစင် vs စင်ကာပူ လက်ရွေးစင် အသင်း ခြေစမ်းပွဲကစားခဲ့တယ်၊ ( ၁၉၉၃ မှာ စင်ကာပူမှာ ကျင်ပမယ့် SEA game ပြိုင်ပွဲအကြို ခြေစမ်းပွဲပေါ့ ၊ အဲဒီ အချိန်က ယခုလို ယူ၂၃ သာ ၀င်ပြိုင်ရမယ်လို့ မသတ်မှတ်သေးဘူး ၊ အရှေ့တောင်အာရှ ဘောလုံး ချန်ပီယံလုပွဲ တိုက်ဂါးဖလား / ဆူဇူကီး ဖလား ဆိုပြီး မပေါ်လာသေးတော့ SEA game က ဘောလုံး ရွှေတံဆိပ် ရရင် အရှေ့တောင်အာရှ ဒေသမှာ အကောင်းဆုံး အသင်း အဖြစ်ယူဆလို့လို့ရတဲ့ အချိန်ပေါ့။)
    မှတ်မှတ်ရရ အဲဒီနေ့က ကျနော်က ၉ တန်းကျောင်းသား ကျောင်းဖွင့်တဲ့ weekday ကြီးမှာ ဘောလုံးပွဲက ကန်မှာ။
    .
    အခုခေတ်လို အွန်လိုင်းက လက်မှတ်ဝယ်လို့လည်းမရ ကြိုလည်း မဝယ်နိုင်တဲ့အခြေအနေပါ။
    .
    သေချာပေါက် လက်မှတ်ရဖို့ ခက်မှာသိနေတဲ့ ကျနော် နဲ့ သူငယ်ချင်း တယောက် ဆရာမ ကို အသနားခံပြီ နေ့တဝက် Time Out ယူကာ သုဝဏ္ဏ ကွင်းဆီသို့ စိန်ပေါကျောင်းကနေ ၃၉ စီးပြီး ချီတက်ကြတယ်။ ဟိုရောက်တော့ ထုံးစံအတိုင်း ရိုးရိုးတန်း နေပူ ထဲ ထိုင်ရမယ့် လက်မှတ်တောင် မှောင်ခို လုပ်စားများ ဝယ်ယူထားလို့ ကုန်ပြီ၊ အပင်ပန်းခံ ပြီး ကြည့်ဖို့လာတာ မကြည့်ရရင် မဖြစ်လို့ ရှိစုမဲ့စု မုန့်ဖိုးလေးနဲ့ ၂ဆ ပေးပြီး မှောင်ခိုကပဲ ဝယ်လိုက်ရတယ်။

    ပွဲက ၅ နာရီမှ စကန်မှာ ဖြစ်ပေမယ့် လူတွေက နေရာကောင်းမရမှာ စိုးရိမ်စိတ် နဲ့ နေ့လည်၂ နာရီကတည်းက ကွင်းအတွင်း နေရာဝင်ဦးနေကြတယ်။ သုဝဏ္ဏ ကွင်း အရှေ့ဘက်တန်းက ဟင်းလင်းပြင် နေက ခေါင်းပေါ်မှာ အသေပူတာ မတတ်နိုင်ဘူး ၊ လွယ်အိတ် ကို ထီးလုပ်ပြီး သူများတကာလို သွားထိုင်နေရတယ်၊ အရှေ့ဘက်တန်းရဲ့ အလယ် မကျတကျ လောက်မှာ နေရာရမှ view က ကြည့်လို့ ကောင်းမှာ၊

    ပွဲစဖို့ နီးလာတော့ အခု SEA game ပြိုင်ပွဲ ဝင် ယူ၂၃ အသင်း မန်နေဂျာကြီး သန်းတိုးအောင် (ကျနော်တို့က ချစ်စနိုးနဲ့ နာမည်ပေးထားတာ ကိုတိုးကြီး) က Line Up ပါဖို့ မသေချာဘူးဖြစ်နေတယ် သူရဲ့ BE Civil ဘွဲ့ယူရမယ့် rehearsal အခမ်းအနား နဲ့ တိုက်နေလို့ ထရိန်နင် မလာနိုင်ဘူး၊ နောက်ကျနေတယ် အရံခုံမှာ ထိုင်မယ်လို့ သတင်းက တက်လာတယ်။

    အားကိုးစရာ ရှေ့တန်း က ဝင်းအောင်ကြီး (ချစ်စနိုးအခေါ် နွားကြီး) နဲ့ မျိုးလှိုင်ဝင်း (ကိုမျိုး) တို့တော့ ပါလောက်မယ် လို့တော့ မျှော်လင့်နေကြတယ်။
    .
    အထူးသဖြင့် စင်ကာပူမှာ ပရို အဆင့် ကစာဖူးတဲ့ ဝင်းအောင်ကြီးဟာ ကျနော့် အသည်းစွဲ ကစားသမားပေါ့ အခုပွဲက စင်ကာပူ နဲ့ ပွဲ ဖြစ်လို့ ဝင်းအောင်ကြီး ပါဖို့ အရေးကြီးတယ်။
    .
    မြင်ဖူးသမျှ မြန်မာ အားကစားသမားတွေထဲမှာ ဝင်းအောင်ကြီး ရဲ့ heading power နဲ့ jumping power ကို မှီသူ မတွေ့ဖူး သေး။
    .
    အထူးသဖြင့် အဲ့ဒီ အချိန်က ဆောက်လုပ်ရေး ဝန်ကြီးဌာန အသင်းမှာ အတူတွဲကစားနေတဲ့ သန်းတိုးအောင် နဲ့ ဝင်းအောင် ရဲ့ one touch technique ဟာ အတော်လှတယ်။ ပွဲစကန်တော့ စင်ကာပူ ဘက်က အပေးအယူ ညီတဲ့ Fandi Ahmed (now head coach of LionXII) နဲ့ V. Sundramoorthy (now Tampines Rovers (head coach) ,sg) အတွဲက စင်ကာပူ ရှေ့တန်းကို ဦးဆောင်လာတယ် ၊ မြန်မာ ဘက်က ဝင်းအောင်ကြီး ပါပေမယ့် သန်းတိုးအောင်မပါဘူး၊ နောက်တန်းက စောဘမြင့် ၊ Slide စိုးနိုင် ၊ ဂိုး အောင်ကျော်ကျော် ပါတယ်။

    ဘယ်လိုဖြစ်တယ် မသိ ခေတ်မီ တဲ့ ၂၀၁၅ ရောက်မှ ၊ စင်ကာပူ နိုင်ငံမှာ မြန်မာ အလုပ်လုပ်နေသူ နေထိုင်သူ ၂၀၀,၀၀၀ ရှိတဲ့ ခေတ်ရောက်မှ စင်ကာပူ အသင်းမှာ မလေး နဲ့ အိန်ဒီယန်း ကစားသမား ပါတာ အဆန်းဖြစ်ရတယ် ၊ လူမျိုးရေး racist ဖြစ်တဲ့ အသုံးအနှုန်း နဲ့ social media ကနေ အဖွ ခံရတယ်။
    .

    ဒီပွဲဟာ ၁၉၉၃ Singapore SEA game အကြို ခြေစမ်းပွဲ ဖြစ်လို့ အရေးကြီးတယ် တသင်းနဲ့ တသင်း အမှားမခံ ခံစစ် အားပြု ကွင်းလယ် အားပြိုင် ကစားတယ်၊ သန်းတိုးအောင် မပါတော့ ကွင်းလယ် အားနည်းတာ မြန်မာ ဘက်က သိသာလာတယ်။ စင်ကာပူကလည်း chance တွေ မဖန်တီးနိုင်ဘူး ၊ ဒုတိယပိုင်း ၇၀ မိနစ် လောက်မှာ ဆွန်ဒယာမူတီ ခေါင်းတိုက် ချပေးတာကို ထုံးစံအတိုင်း ဖန်ဒီ အာမက် အဆုံးသတ်ကာ ၁ ဂိုးသွင်းသွား တယ်။ မြန်မာ အသင်းလည်း သန်းတိုးအောင် ကို အမြန်ထည့်ကာ ခြေပဂိုး ရရန် တင်ကစားပေမယ့် စင်ကာပူအသင်းနောက်တန်းလုံစွာ ဖျက်နိုင်တော့ ပွဲအပြီးမှာ စင်ကာပူ က ၁ ဂိုး ဂိုးမရှိနဲ့ မြန်မာကို နိုင်တယ် ၊ ပရိသတ်ကြီးက သုဝဏ္ဏ ကွင်း အပြည့်ပါ နေရာ တနေရာ မလွတ်ဘူး ။
    .
    လုံထိန်းလည်း မစောင့်ဘူး သာမန်ရဲတော့ ရှိတယ်၊ ပရိသတ် က နားလည်တယ် ဒါ ခြေသွေးပွဲ ရှုံးပေမယ့် မြန်မာအသင်း နည်းပြ ဂျာမန်လူမျိုး မစ္စတာ ဝါနာ အတွက် အများကြီး စမ်းသပ်ခွင့်ရတယ် ၊ ကစားသမားတွေ အတွက် နိုင်ငံတကာ အတွေ့အကြုံ ရတယ် ၊ ဘောလုံးပွဲ ထုံးစံ အဝါကဒ် ရှိတယ် ထိခိုက်မှု ရှိတယ် ဟန်ဆောင် မှု ရှိတယ် တွန်းတိုက်တာရှိတယ်၊ ပွဲပြီးတော့ သန်းတိုးအောင် ဝင်းအောင် တို့နဲ့ ဖန်ဒီအာမက် အတူတောင် ဓာတ်ပုံ ရိုက်ကြသေးတယ်။
    .
    ဘယ်ပရိသတ်ကမှ စင်ကာပူက ကုလားတွေ တရုတ်တွေ မလေးတွေ နိုင်ငံခြားသား လူမျိုးခြား မွေးစားသားတွေလို့ ဆဲနေတာကို ကျနော်ထိုင်ကြည့်နေတဲ့ နေရာပတ်ဝန်းကျင်မှာ မကြားခဲ့ရဘူး၊ နောက်နေ့ ဘယ်သတင်းစာ ဘယ်ဂျာနယ်ကမှလည်း အဲလိုပုံစံမရေးဘူး၊ အဲဒီ အချိန်က စင်ကာပူ လက်ရွေးစင် အသင်းမှာ လင်တောင်ဟိုင်း၊ စတီဘင်တန်၊ လီမန်းဟန် (ချိုင်းနီစ် စင်ကာပူရီယန်း) ဆွန်ဒယာမူတီ၊ ရာဖီအလီ ၊ အဝဘ်မာလစ် ၊မန်နီမိုဟန် (အားလုံး အိန်ဒီယန်း စင်ကာပူရီယန်း) ၊ ဖန်ဒီအာမက် ၊ နာဇရီနာဆာ ၊ ကိုင်ဒယ် ယာယာ၊ လက်ရှိ စင်ကာပူ ယူ ၂၃ နည်းပြ အိုင်ဒီ အစ်စကန်ဒါ (အားလုံး မလေး စင်ကာပူရီယန်း) တို့ ပါဝင် ကစားခဲ့ကြတယ် ထို အချိန်က အားကစား ဂျာနယ် အင်အား ၊ တံခွန် ကို မှန်မှန် ဖတ်သူတိုင်း စင်ကာပူ လက်ရွေးစင်အသင်းမှာ လူမျိုး စုံ ပါတာ သိကြတယ်
    .
    ဘယ်လိုဖြစ်တယ် မသိ ခေတ်မီ တဲ့ ၂၀၁၅ ရောက်မှ ၊ စင်ကာပူ နိုင်ငံမှာ မြန်မာ အလုပ်လုပ်နေသူ နေထိုင်သူ ၂၀၀,၀၀၀ ရှိတဲ့ ခေတ်ရောက်မှ စင်ကာပူ အသင်းမှာ မလေး နဲ့ အိန်ဒီယန်း ကစားသမား ပါတာ အဆန်းဖြစ်ရတယ် ၊ လူမျိုးရေး racist ဖြစ်တဲ့ အသုံးအနှုန်း နဲ့ social media ကနေ အဖွ ခံရတယ်။ အားကစားပြိုင်ပွဲ တိုင်းမှာ ၀င်ပြိုင်ရင် အရှုံး အနိုင် ၂ ခု သာ ၇ှိမယ် ၊ နိုင်ရင် ဂုဏ်ယူပါ ပျော်ရွှင်ပါ ရင်ခုန်ပါ ၊ ရှုံးရင် စိတ်ဓါတ်မကျဘဲ နောင် လာမယ့် ပြိုင်ပွဲအတွက် သင်ခန်းစာယူပါ အားနည်းသည့်အရာများကို ပိုပြီးလေ့ကျင့်ပါ ၊ ဟိုလူ ဒီလူ ဟိုအကြောင်း ဒီအကြောင်း လက်ညှိုးထိုးနေတာဟာ နိုင်ငံကြီးသားကောင်းတွေ အတွေးအခေါ်မြင့်မားသူတွေ အလုပ်မဟုတ်ဘူး။
    .
    အားကစားပြိုင်ပွဲတွေကို အရောင်ဆိုးနေကြတာ ခုတုံး လုပ်နေကြတာ အကြံသမား ဥာဏ်သမား ၀ိသမလောဘသား၊ လောင်းကစားသမား များသာဖြစ်တယ်၊ ခုတုံးလုပ်မှု အခွင့်အရေးယူမှုကို နောက်ကွယ်က လုပ်တတ်တာ အာဏာရှင်အစိုးရတွေ ၊ ပါတီအာဏာရရေး လုပ်ဆောင်နေသူတွေ ကမ္ဘာ့နိုင်ငံအချို့ မှာ ရှိတတ်တယ်ဆိုတာ မျက်စိဖွင့်နားစွင့် ကြည့်ရင်တွေ့နိုင်ပါတယ်။
    .
    ## ဘယ်လိုဘဲဖြစ်ပါစေ ဘောလုံးအားကစားကို ချစ်မြတ်နိုးတဲ့ ကျနော့်အတွက်တော့ ငယ်စဉ်ဘ၀ ဘောလုံးကွင်းအတွေ့အကြုံ များဟာ အမြဲ ထာဝရ အမှတ်တရ ရှိနေမှာပါ။

    ဇင်ဘိုအောင်
    ၀၅-၀၆-၂၀၁၅

    စာရေးသူ၏ ခွင့်ပြုချက်ဖြင့် ၄င်း၏ FB စာမျက်နှာမှ ကူးယူဖော်ပြပါသည်။

    .—————————————
    ** M-Media သို့ သတင်းဆောင်းပါးများပေးပို့နိုင်ပါသည်။ [email protected] သို့ ဆက်သွယ်နိုင်ပါသည်။ ပေးပို့လာသည့် ဆောင်းပါးများကို စိစစ်ပြီး ဖော်ပြပေးသွားပါမည်။

  • လူမျိုးရေးခွဲခြားမှုကို ဆန့်ကျင်မှုနဲ့ တာဝန်ယူတတ်မှု

    လူမျိုးရေးခွဲခြားမှုကို ဆန့်ကျင်မှုနဲ့ တာဝန်ယူတတ်မှု

    ဖေဖော်ဝါရီ ၂၃ ၊ ၂၀၁၅
    M-Media
    ဆွေမွန်ရေးသည်။
    10959841_1401896736785891_1174115988918441662_n
    အင်္ဂလန်နိုင်ငံက ပရီးမီးယားဘောလုံးအသင်းဖြစ်တဲ့ ချယ်လ်ဆီးကလပ်အသင်းဟာ ပြင်သစ်ကလပ် ပီအက်စ်ဂျီအသင်းနဲ့ ချန်ပီယံလိဂ် ၁၆ သင်းအဆင့် ရှုံးထွက်ပွဲစဉ် ပထမအကျော့ကို ပြီးခဲ့တဲ့ အင်္ဂါနေ့က ပြင်သစ်နိုင်ငံမှာ ယှဉ်ပြိုင်ခဲ့ပါတယ်။

    ပြင်သစ်ကလပ်နဲ့ သရေကျခဲ့တဲ့ ပွဲစဉ်အပြီးမှာ အင်္ဂလန်ကို ပြန်ဖို့အတွက် ပဲရစ်မက်ထရိုဘူတာရုံမှာ ချယ်လ်ဆီးပရိတ်သတ်တွေ စုပြုံပြီး ရှိနေခဲ့ပါတယ်။ ဒီအချိန်မှာပဲ ပြင်သစ်နိုင်ငံမှာ အလုပ်လုပ်တဲ့ ပြင်သစ်မော်ရစ်သျှအနွယ် လူမည်းအမျိုးသား ဆူလေမန်ဟာ အဲဒီ ဘူတာရုံကနေ နေအိမ်သို့ ပြန်ဖို့ ရထားပေါ်အတက်မှာ ချယ်လ်ဆီးပရိသတ်တွေရှိနှင့်ပြီးတဲ့ ရထားတွဲကနေ အ၀င်မခံဘဲ လူမျိုးရေးခွဲခြားခံရပြီး ရထားတွဲရဲ့အပြင်ဖက်ကို တွန်းထုတ်ခံခဲ့ရပါတယ်။ သူ့ကို လူမျိုးရေးခွဲခြားသူ ချယ်လ်ဆီးပရိတ်သတ်အချို့က နှစ်ကြိမ်တိတိ တွန်းထုတ်တာကို ဘူတာရုံက လုံခြုံရေးကင်မရာတွေမှာ မှတ်တမ်းတင်ထားပြီးသား ဖြစ်နေခဲ့ပါတယ်။

    11021171_1401896806785884_6685398281534694316_n

    လူမျိုးရေးခွဲခြားသူချယ်လ်ဆီးပရိတ်သတ်အချို့ဟာ ရထားထွက်ခွာချိန်မှာလည်း “ငါတို့ဟာ လူမျိုးရေး ခွဲခြားသူတွေ ဖြစ်ကြတယ်။ ဒါကို ငါတို့ နှစ်သက်တယ်” လို့ အော်ဟစ်သွားခဲ့ကြပါသေးတယ်။

    လူလူချင်း အသားအရောင်ကွဲပြားမှုအပေါ်မှာ ခွဲခြားဆက်ဆံတာ၊ ဘာသာတရားအပေါ်မူတည်ပြီး ခွဲခြားဆက်ဆံတာတွေကို ကမ္ဘာကြီးရဲ့ ဘယ်နေရာမှာမှ လက်ခံခြင်းမရှိတဲ့အတွက် လူမျိုးရေးခွဲခြားသူချယ်လ်ဆီးပရိတ်သတ်အချို့အတွက် ချယ်လ်ဆီးဘောလုံးကလပ်ပိုင်ရှင် အဗရာမိုဗစ်နဲ့ ကလပ်မန်နေဂျာ ဟိုဆေးမော်ရင်ဟိုတို့ဟာ အဲဒီဆိုးသွမ်းပရိတ်သတ်တွေရဲ့ လုပ်ရပ်အတွက် ရှက်ရွံ့ စက်ဆုတ်မိကြောင်း ချက်ချင်းဆိုသလို ထုတ်ဖော်ပြောကြားခဲ့ပြီး အင်္ဂလန်ဘောလုံးအဖွဲ့ချုပ်တာဝန်ရှိသူတွေ အပါအ၀င် အင်္ဂလန်ဝန်ကြီးချုပ်ဒေးဗစ်ကင်မရွန်း၊ ကမ္ဘာ့ဘောလုံးအဖွဲ့ချုပ် ဥက္ကဋ္ဌ ဆပ်ဘလတ္တာ၊ Football against Racism နဲ့ Kick it out အဖွဲ့အစည်းတွေက အပြင်းအထန်ရှုတ်ချ အပြစ်တင်ခဲ့ကြပါတယ်။ အင်္ဂလန်နဲ့ ပြင်သစ်အာဏာပိုင်တွေကလည်း လူမျိုးရေးခွဲခြားမှု ကျူးလွန်သူကို ပူးတွဲဖော်ထုတ်သွားမယ်လို့ ပြောကြားခဲ့ကြပါတယ်။

    11015107_1401897140119184_5724592622316901241_n

    ပြင်သစ်ဘူတာရုံက လုံခြုံရေးကင်မရာ မှတ်တမ်းကို စစ်ဆေးကာ ကျူးလွန်သူကို စစ်ဆေးဖော်ထုတ်နေစဉ်အတွင်းမှာ ချယ်လ်ဆီးအသင်းရဲ့ ပထမဆုံးပြန်ကစားခဲ့တဲ့ ဘန်လေအသင်းနဲ့ ပရီးမီးယားဘောလုံးပွဲစဉ်မှာတော့ ချယ်လ်ဆီးအသင်းသားတွေဟာ ‘‘တန်းတူညီမျှမှုကို အားပေးတဲ့ ကစားပွဲ’’ လို့ရေးသားဖော်ပြထားတဲ့ တီရှပ်တွေကို ၀တ်ဆင်ပြီးတော့ လူမျိုးရေးခွဲခြားမှုကို ကလပ်ကစားသမားတွေပါ လက်ခံခြင်း မရှိကြောင်း ထုတ်ဖော်ပြသခဲ့ကြပါတယ်။

    အသက် ၃၃ နှစ်အရွယ်ရှိ လူမည်းအမျိုးသား ဆူလေမန်ဟာ ချန်ပီယံလိဂ်ည ပထမအကျော့ညက လူမျိုးရေးခွဲခြားစော်ကားခံခဲ့ရအပြီးမှာ ချယ်လ်ဆီးအသင်းရဲ့ ဆက်သွယ်တောင်းပန်မှုအပြင် ပြင်သစ်သမ္မတ ဟော်လန်ရဲ့ ဖုန်းဆက်အားပေးစကားပြောဆိုမှု၊ ပီအက်စ်ဂျီအသင်း တာဝန်ရှိသူတွေဆီက အားပေး နှစ်သိမ့်မှုများကိုပါ လက်ခံရရှိခဲ့ပါတယ်။

    11022631_1401896933452538_7897389257552226191_n

    ခုချိန်မှာတော့ ချယ်လ်ဆီးဘောလုံးကလပ်အသင်းနဲ့ မက်ထရိုပိုလီတန်ရဲတပ်ဖွဲ့ဟာ အဲဒီညက လူမျိုးရေးခွဲခြားခဲ့သူ သုံးဦးကို ပူးပေါင်းဖော်ထုတ်နိုင်ခဲ့ပြီ ဖြစ်ပြီး ချယ်လ်ဆီးကလပ်အသင်းက ရာသက်ပန် ပွဲကြည့်ခွင့် ပိတ်ပင်ပြစ်ဒဏ်ချမှတ်ပြီးတော့ အရေးယူသွားခဲ့ပြီလို့ သိရပါတယ်။

    ပြင်သစ်နိုင်ငံဥပဒေအရ အများနဲ့ဆိုင်တဲ့သယ်ယူပို့ဆောင်ရေးနေရာတွေမှာ လူမျိုးရေးခွဲခြားဆက်ဆံမှုပြုလုပ်ခဲ့ရင် ဒဏ်ငွေ စတာလင်ပေါင် ၄၅၀၀၀ ( ခန့်မှန်း မြန်မာငွေ ၆၇၅ သိန်းခန့်) အပြင် အမြင့်ဆုံး ထောင်ဒဏ် ၃ နှစ်ထိကျခံရနိုင်တာကြောင့် ဒီလူတွေဟာ ပြင်သစ်ဥပဒေနဲ့ အရေးယူခံယူဖွယ်ရှိနေသေးကြောင်း သိရပါတယ်။

    Nay Myo Wai

    မြန်မာနိုင်ငံမှာ လူမျိုးရေးခွဲခြားမှုတွေကို ပုံစံအမျိုးမျိုးနဲ့ နေ့စဉ် ပုံနှိပ်ဖော်ပြပြီးသော်လည်းကောင်း၊ လက်ကမ်းကြော်ငြာစာအုပ်များ၊ တရားဝင်ပုံနှိပ်မီဒီယာများမှ ဘာသာရေးခွဲခြားစော်ကားမှုများကို ရေးသားဖော်ပြ၍သော်လည်းကောင်း၊ တရားဝင်ပါတီထောင်ကာ လူမျိုးရေးခွဲခြားခွင့်လိုင်စင်ကို တရားဝင်ရနေသလို အာဏာပိုင်များမှ ခွင့်ပြုနေ၍သော်လည်းကောင်း၊ သင်္ဃန်းစီးကာ လူမျိုးရေးခွဲခြားမှု ဘာသာရေးခွဲခြားစော်ကားနေမှုများအား မည်သူမျှ အပြစ်တင် ရှုတ်ချခြင်း မရှိသလို မလုပ်သင့်ဘူးဟုပင် တားမြစ်ခြင်းများပင် ရှိမနေသေးသည်က…

    တန်းတူညီမျှမှု အပြည့်ရှိသော ဒီမိုကရေစီစနစ်ကိုသွားနေပါပြီဟု ကြွေးကြော်နေမှုများမှာ မည်မျှ အဓိပ္ပါယ်မဲ့နေသည်ကို မြင်မိစေရန် ယခုသတင်းအား ဘာသာပြန်ကာ ရေးသားရခြင်းဖြစ်ပါကြောင်း။

    10903928_1401898500119048_2669832706304706626_o

    Ref :
    http://www.france24.com/en/20150219-chelsea-bans-three-fans-over-paris-metro-racism/
    http://www.bbc.co.uk/news/uk-31575123
    https://uk.eurosport.yahoo.com/news/football-ashamed-chelsea-announce-new-bans-185523617–sow.html

    ဆွေမွန်
    ၂၃ ဖေဖေါ်ဝါရီ ၂၀၁၅