Tag: economic

မြန်မာနိုင်ငံနှင့် နိုင်ငံခြား ရင်းနှီးမြှုပ်နှံမှု အလားအလာ

ဇန်နဝါရီ ၂၆ ၊ ၂၀၁၅
M-Media

– ဇန်န၀ါရီလ ပထမနှစ်ပတ်အတွင်းမှာပင် ရန်ကုန်ရှိ ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှု ဦးစီးဌာန DICA ရုံးခန်းသို့ နိုင်ငံရပ်ခြား ကုမ္ပဏီလေးခုမှ ကိုယ်စားလှယ်များ လာရောက်ကြသည်ဟု DICA ၏ ၀ဘ်ဆိုက်တွင် ဖော်ပြထားသည်။

အဆိုပါကိုယ်စားလှယ်များမှာ Toyota Tsusho ကော်ပိုရေးရှင်း၊ နည်းပညာ ကုမ္ပဏီ ZTE ကော်ပိုရေးရှင်း၊ ရေနံကုမ္ပဏီ Shell Eastern Petroleum (Pte) Ltd နှင့် Siam Commercial Bank (SCB) တို့ဖြစ်ကြသည်။ ၎င်းတို့က မြန်မာနိုင်ငံတွင် ရင်းနှီးမြှုပ်နှံမှုနှင့် ပတ်သက်သည့် ကိစ္စရပ်များကို DICA မှ အထွေထွေ ဒါရိုက်တာ ဦးအောင်နိုင်ဦးနှင့် ဆွေးနွေးခဲ့ကြသည်။

SCB ၏ ကိုယ်စားလှယ်အဖွဲ့ကို ဦးဆောင်သူကတော့ အမှုဆောင်ကော်မတီဥက္ကဌ၏ အကြံပေးဖြစ်ပြီး ရန်ကုန် ကိုယ်စားလှယ်များ ရုံးရှိ နိုင်ငံတကာ ဘဏ်လုပ်ငန်းရုံးချုပ်မှ ကမာလ်ခန့် အဂ္ဂါဝါလ်ဖြစ်သည်။

စင်ကာပူအခြေစိုက် ရေနံကုမ္ပဏီ Shell Eastern Petroleum (Pte) Ltd မှ စီးပွားရေးဖွံ့ဖြိုးတိုးတက်မှု မန်နေဂျာ စတိဗ်ဂျုန်းစ်ကိုလည်း ဇန်န၀ါရီ ၈ ရက်နေ့က DICAရုံးခန်းတွင် တွေ့ဆုံခဲ့သည်။

ထိုနေ့မတိုင်ခင် တစ်ရက်က ဦးအောင်နိုင်ဦးမှာ ZTE ကုမ္ပဏီ၏ ဘဏ္ဍာရေးအရာရှိ ၀မ်ဝေချောင်ကို တွေ့ဆုံခဲ့ပြီး ထိုနေ့မှာပင် Toyota Tsusho ကုမ္ပဏီကိုယ်စားလှယ် ဆင်နီချီ ဟွန်ဒိုကိုလည်း တွေ့ဆုံခဲ့သည်။

SCB နှင့် ZTE တို့၏ ရုံးခန်းများက ရန်ကုန်တွင်ရှိနေပြီး တိုယိုတာလုပ်ငန်းအုပ်စု၏ တစ်ခုတည်းသော ကုန်သွယ်ရေးကုမ္ပဏီဖြစ်သော Toyota Tsusho က ဆက်သွယ်ရေး ရုံးမှတစ်ဆင့် လုပ်ငန်းများကို လုပ်ဆောင်နေသည်။ Shell ကတော့ မြန်မာနိုင်ငံတွင် ရုံးခန်းမရှိသေး။ သို့သော်လည်း မြန်မာနိုင်ငံအတွင်း လုပ်ငန်း လုပ်ပိုင်ခွင့်ရရှိခဲ့သည့် နိုင်ငံခြား သဘာဝ သယံဇာတ ရှာဖွေရေးလုပ်ငန်းများထဲတွင် တစ်ခု အပါအ၀င် ဖြစ်လေသည်။ နိုင်ငံခြား ရင်းနှီးမြှုပ်နှံမှုများ အတွက် မြန်မာနိုင်ငံက တံခါးဖွင့်လိုက်ကတည်းက ကမ္ဘာတစ်ဝှမ်းမှ ကုမ္ပဏီများမှာ မြန်မာနိုင်ငံနှင့် ဆက်သွယ် လုပ်ကိုင်ရန် အတွက် စိတ်ဝင်စားမှုများ ပြလာသည်။ ရလဒ်အနေဖြင့် မြန်မာနိုင်ငံတွင် နိုင်ငံခြားမှ တိုက်ရိုက် ရင်းနှီးမြှုပ်နှံမှု တိုးလာခဲ့လေသည်။

ကန်ဒေါ်လာ ၆.၆ ဘီလီယံ စီမံကိန်း မီးစိမ်းပြပြီ

၂၀၁၄ ဧပြီလက စတင်ခဲ့သည့် ၂၀၁၄-၂၀၁၅ ဘဏ္ဍာရေးနှစ် ပထမ ကိုးလအတွင်းမှာပင် ကန်ဒေါ်လာ ၆.၆ ဘီလီယံ တန်ဖိုးရှိ နိုင်ငံခြား ရင်းနှီးမြှုပ်နှံမှု စီမံကိန်းသစ်များကို မြန်မာ့ ရင်းနှီးမြှုပ်နှံမှု ကော်မရှင် MIC က လက်ခံအတည်ပြုခဲ့သည်။ ၂၀၁၃-၂၀၁၄ ဘဏ္ဍာရေးနှစ် တစ်လျှောက်လုံး နိုင်ငံခြား ရင်းနှီးမြှုပ်နှံမှု ပမာဏ ကန်ဒေါ်လာ ၄.၁ ဘီလီယံသာရှိခဲ့ပြီး ယခုနှစ် ပထမကိုးလအတွင်းမှာပင် ထိုပမာဏထက် ၁.၄ ဘီလီယံ ကျော်တက်ခဲ့လေပြီ။

၂၀၁၄ ခုနှစ် အဆုံးသတ်သည့်အချိန်တွင် နိုင်ငံပေါင်း ၃၇ နိုင်ငံမှ ကုမ္ပဏီပေါင်း ၈၅၉ ခုက လုပ်ငန်းလုပ်ပိုင်ခွင့်ရရှိခဲ့ပြီး စုစုပေါင်း တန်ဖိုးမှာ ကန်ဒေါ်လာ ၅၂.၈ ဘီလီယံ ရှိခဲ့သည်။ လုပ်ပိုင်ခွင့်ရခဲ့သော ကုမ္ပဏီ စုစုပေါင်း၏ ၂၇.၄၃ ရာခိုင်နှုန်းမှာ တရုတ်နိုင်ငံမှဖြစ်ပြီး နံပါတ် ၁ ချိတ်ခဲ့သည်။ ထိုင်းနိုင်ငံက ၁၉.၄၁ ရာခိုင်နှုန်းဖြင့် ဒုတိယနေရာတွင်ရှိနေပြီး၊ စင်ကာပူက ၁၅.၇၈ ရာခိုင်နှုန်းဖြင့် တတိယ၊ ဟောင်ကောင်က ၁၃.၁၆ ရာခိုင်နှုန်းဖြင့် စတုတ္ထ၊ ယူကေက ၇.၀၃ ရာခိုင်နှုန်းဖြင့် ပဉ္စမနေရာတွင် ရှိခဲ့လေသည်။

ထိုအထဲမှ နိုင်ငံပေါင်း ၃၁ နိုင်ငံ၏ ကုမ္ပဏီပေါင်း ၅၉၈ ခုက မြန်မာနိုင်ငံအတွင်း ကန်ဒေါ်လာ ၄၂.၇၈ ဘီလီယံတန်ဖိုး ရင်းနှီးမြှုပ်နှံမှုများ ပြုလုပ်ခဲ့သည်။ ထိုကုမ္ပဏီများထဲတွင် တရုတ်နိုင်ငံမှ ၆၇ ခုပါဝင်ပြီး အမြင့်ဆုံးဖြစ်ခဲ့ကာ ၎င်းတို့၏ ရင်းနှီးမြှုပ်နှံမှုတန်ဖိုးမှာ ကန်ဒေါ်လာ ၁၄၄ ဘီလီယံအထိ ရှိနေသည်။ ကုမ္ပဏီအားလုံး၏ စုစုပေါင်း ရင်းနှီးမြှုပ်နှံမှု၏ ၃၃.၇ ရာခိုင်နှုန်းဖြစ်သည်။ ထို့နောက်တွင် စင်ကာပူ (၁၈.၇၀ ရာခိုင်နှုန်း)၊ ဟောင်ကောင် (၁၆.၀၄ ရာခိုင်နှုန်း)၊ ကိုရီးယားနှင့် ထိုင်း (၇.၃၆ ရာခိုင်နှုန်းစီ) အသီးသီးရှိနေကြသည်။ လုပ်ငန်းလုပ်ကိုင်ခွင့်ရခဲ့သော ထိုင်းကုမ္ပဏီ ၈၁ ခုတွင် ၄၅ ခုက ရင်းနှီးမြှုပ်နှံခဲ့ကြပြီး စုစုပေါင်း တန်ဖိုး ကန်ဒေါ်လာ ၃.၂ ဘီလီယံ ရှိနေသည်။

အထူးသဖြင့် ဂျပန်မှ ကုမ္ပဏီ ၄၆ ခုက ရင်းနှီးမြှပ်နှံမှု လုပ်ခဲ့ကြပြီး ကန်ဒေါ်လာ ၂၈၅ သန်း တန်ဖိုးရှိ၏။ ထိုမျှမကသေး- သီလ၀ါအထူးစီးပွားရေးဇုန်နှင့် ထားဝယ်အထူးစီးပွားရေးဇုန်များ တည်ဆောက်ပြီးနောက် ဂျပန်မှ ရင်းနှီးမြှုပ်နှံမှုများ ထပ်မံ၍ ၀င်လာဖွယ်ရှိနေသည်။ သီလ၀ါ အထူးစီးပွားရေးဇုန်ကိုလည်း ဂျပန်ကုမ္ပဏီများက ဦးဆောင်ကာ အကောင် အထည်ဖော်နေခြင်း ဖြစ်သည်။ မြန်မာနိုင်ငံ၌ ရှိပြီးသား ရင်းနှီးမြှုပ်နှံမှုများတွင် ဥရောပနိုင်ငံအတော်များများနှင့် ရုရှား၊ ပနားမား၊ မော်ရေးရှက်စ်နှင့် ဆာမိုအာ နိုင်ငံများလည်း ပါဝင်လေသည်။

ပြီးခဲ့သည့်နှစ် အတွင်းက ပြုလုပ်ခဲ့သော ထိုင်းရင်းနှီးမြှုပ်နှံသူများအတွက် ရှင်းလင်းပြောကြားမှုတစ်ခုတွင် Standard Chartered Bank (Myanmar) မှ အကြီးအကဲ တီနာ ဆင်းဆာချာက ပြုပြင်ပြောင်းလဲမှုများ ပိုမိုပြုလုပ်ရန် မြန်မာအစိုးရ၏ ကတိက၀တ်၊ သဘာဝ သယံဇာတများနှင့် လုပ်သားအလျှံပယ်ရှိနေခြင်း စသည့်အချက်များက နိုင်ငံခြားသား ရင်းနှီးမြှုပ်နှံသူများကို အဓိကဆွဲဆောင်နိုင်သည့် အချက်များဖြစ်သည်ဟု ပြောကြားခဲ့သည်။

မြန်မာနိုင်ငံအနေဖြင့် စီးပွားရေးတွင် ခုန်ပျံကျော်လွှားနိုင်မည်ဟုလည်း သူမက ထည့်ပြောခဲ့သည်။ ပြီးခဲ့သည့်နှစ် အတွင်း ငွေကြေး ခ၀ါချမှုကို ကျော်လွှားနိုင်ခဲ့သည့် ဥပမာတစ်ခုကို သူမက ထောက်ပြခဲ့သည်။ သေးငယ်ပြီး ဖွံ့ဖြိုးတိုးတက်မှုအနိမ့်ဆုံး နိုင်ငံများမှ တစ်နိုင်ငံဖြစ်နေသော်လည်း နိုင်ငံအတွင်းရှိ ဘဏ်လုပ်ငန်း ၂၃ ခုက နိုင်ငံတစ်ဝှမ်း မိုဘိုင်း ဘဏ်လုပ်ငန်း ၀န်ဆောင်မှုပေးရန် စီစဉ်နေသည်။

သို့သော်လည်း ရန်ကုန်အတွင်း ရင်းနှီးမြှုပ်နှံရန်အတွက်မှာ အလွန်စောနေသေးပြီး ရန်ကုန်ရှိ လမ်းများပိတ်ဆို့မှု၊ အခြေခံ အဆောက်အဦးများ အားနည်းမှုနှင့် အင်တာနက်မြန်နှုန်း နှေးကွေးမှုတို့က အဓိက စိန်ခေါ်မှုများဖြစ်နေသည်ဟု သူမက ထောက်ပြခဲ့သည်။

`နိုင်ငံအကြောင်းနားလည်ဖို့ အောက်ခြေကို တတ်နိုင်သလောက်ဆင်းကြည့်ကြပါ။ မျက်စိတွေနားတွေ ဖွင့်ထားဖို့လိုပြီး မြန်မြန်ဆန်ဆန် လုပ်ဖို့အတွက် ပြင်ဆင်ထားဖို့လည်း လိုအပ်ပါတယ်။ လုပ်ငန်းတစ်လျှောက်လုံမှာ စိတ်ရှည် သည်းခံဖို့လိုပြီး ရှေ့နေကောင်း တစ်ယောက်လည်းလိုအပ်ပြီး ရေရှည် စွဲစွဲမြဲမြဲလုပ်ဖို့လည်း လိုအပ်ပါတယ်။ ကျွမ်းကျင်လုပ်သားတွေ နည်းပါးတာကြောင့် စွမ်းရည်မြှင့်တင်ရေး အစီအစဉ်တွေရှိတဲ့ ဘယ်လိုလုပ်ငန်းမဆို ရေရှည်မှာ အကျိုးကျေးဇူးရနိုင်ပါတယ်´ ဟု မြန်မာနိုင်ငံတွင် ရင်းနှီးမြှုပ်နှံသူများ အတွက် လိုအပ်သောအချက်အချို့ကို သူမက မီးမောင်းထိုးပြခဲ့သည်။

ref: The Nation
လေးမောင် ဘာသာပြန်ဆိုသည်။

January 26, 2015
သီလဝါ စီးပွားရေးဇုန်မှ မြန်မာ ကုမ္ပဏီများ နှုတ်ထွက်ခြင်းမရှိ

နိုဝင်ဘာ ၂၅ ၊ ၂၀၁၄
M-Media
သူရိန်

ရန်ကုန်တိုင်းဒေသကြီး သန်လျင်မြို့နယ် သီလဝါဆိပ်ကမ်းနှင့် ဆက်စပ် မြေဧရိယာပေါ်တွင် အကောင်အထည်ဖော် ဆောင်ရွက်လျက်ရှိသော သီလဝါ အထူး စီးပွားရေးဇုန်မှ မြန်မာကုမ္ပဏီများ နှုတ်ထွက်ခြင်း တစုံတရာ မရှိကြောင်းသိရသည်။

UMFCCI ဥက္ကဌ ဦးဝင်းအောင်က သီလဝါSEZ နဲ့ပတ်သက်ပြီး အထက်ပါ အတိုင်း ရှင်းလင်းပြောကြားခဲ့ခြင်းဖြစ်သည်။ ၄င်းက “ရှယ်ယာ ထွက်တယ်ဆိုတာလည်း လုံးဝမဟုတ်ပါဘူး တကယ်စတင်ပြီးတော့ တည်ထောင်ကတည်းက မူလပါဝင်ခဲ့တဲ့ Founding Shareholder အနေနဲ့ ယနေ့ထိ ဆက်လက် ဆောင်ရွက်နေတယ်ဆိုတဲ့ အကြောင်း ကျွန်တော် အနေနဲ့ တင်ပြအပ်ပါတယ်” ဟုပြောကြားခဲ့သည်။

သီလဝါ အထူး စီးပွားရေးဇုန်သည် ရန်ကုန်မြို့၏ ၂၅ ကီလိုမီတာတွင် တည်ရှိပြီး ဧရိယာ၂၄၀၀ ဟက်တာပေါ်တွင် ဖော်ထုတ် အကောင်အထည်ဖော်သည့် စီမံကိန်းဖြစ်သည်။ လက်ရှိတွင် အပိုင်း(က) ဖွံ့ဖြိုးရေးဇုန်ကို စတင်လုပ်ဆောင်လျက်ရှိသည်။ မြန်မာနိုင်ငံ၏ ပထမဆုံး နိုင်ငံတကာအဆင့်မှီ ဒီဇိုင်းရေးဆွဲထားသည့် သီလဝါ SEZ တွင် စက်ရုံအလုပ်ရုံများ စီးပွားရေးဆိုင်ရာ အဆောက်အဦများ လူနေအိမ်ရာရပ်ကွက်များလည်း ပါဝင်ထည့်သွင်း တည်ဆောက်သွားမည်လည်း ဖြစ်သည်။

သီလဝါ အထူး စီးပွားရေးဇုန်ကို အကောင်အထည်ဖော်ရာတွင် FDI အဖြစ်ဂျပန်နိုင်ငံမှ ရင်းနှီးမြုပ်နှံမှု ၄၉ ရာခိုင်နှုန်း ပါဝင်မည်ဖြစ်ပြီး မြန်မာ သီလဝါ ဟိုလ်ဒင်းကုမ္ပဏီနှင့် မြန်မာ အများနှင့် သက်ဆိုင်သော ကုမ္ပဏီ ၉ ခုက ၅၁ ရာခိုင်နှုန်းတို့ အသီးသီး ထည့်ဝင်ပိုင်ဆိုင်ပြီး လုပ်ငန်းလုပ်ဆောင်ခြင်း ဖြစ်ကြောင်း သိရသည်။ သီလဝါ စီးပွားရေးဇုန်သည် မြန်မာနှင့် ဂျပန် အစိုးရတို့၏ ထောက်ခံ အားပေးမှု ကုမ္ပဏီများ၏ စွမ်းဆောင် ပါဝင်မှုများကြောင့် အနာဂတ်ကာလတွင် မြန်မာ့ စီးပွားရေးဖွံ့ဖြိုး တိုးတက်ရေးအတွက် များစွာ အထောက်အကူပြုမည်ဟု ရင်းနှီးမြှပ်နှံသူများနှင့် စီးပွားရေး လုပ်ငန်းရှင်များက မျှော်မှန်းထားကြသည်။

မြန်မာနိုင်ငံတွင် သီလဝါအထူးစီးပွားရေးဇုန် အပြင် ကျောက်ဖြူ အထူးစီးပွားရေးဇုန် ထားဝယ်ရေနက်ဆိပ်ကမ်း စသည့်တို့ကိုလည်း အကောင်အထည်ဖော်လျက်ရှိသည်။

photo- internet

November 25, 2014
စိန်ခေါ်မှုများနှင့် မြန်မာ့စီးပွားရေး

အောက်တိုဘာ ၂၁ ၊ ၂၀၁၄
M-Media

– သီလ၀ါအထူးစီးပွားရေးဇုန် SEZ တည်ဆောက်မှုအတွက် ပထမအဆင့် ပြင်ဆင်မှုများတွင် မြေဧရိယာ ဟက်တာ ၄၀၀ နီးပါးအား ရှင်းလင်းခြင်းနှင့် အနီးရှိ ဆိပ်ကမ်းသို့ရောက်ရှိမည့် လမ်းဖောက်ခြင်းတို့ ပါဝင်သည်။ စက်မှုဇုန်ကိုလာမည့် နှစ်ဝက်တွင် ဖွင့်လှစ်ရန် သတ်မှတ်ထားပြီး ထိုစက်မှုဇုံတွင် လုပ်ကိုင်မည့် ကုမ္ပဏီ ၂၂ ခုက ၎င်းတို့၏ စက်ရုံများကို အောက်တိုဘာလကုန်ပိုင်းတွင် စတင်ဆောက်လုပ်ကြတော့မည်ဖြစ်သည်။ သို့သော်လည်း ထိုဆောင်ရွက်မှုများ၏ ချက်ချင်းလက်ငင်း အကျိုးဖြစ်ထွန်းမှု အများစုက မြန်မာ့စီးပွားရေးအတွက် ဖြစ်လာမည်မဟုတ်။

သီလ၀ါ၊ ကျောက်ဖြူနှင့် ထားဝယ် အထူးစီးပွားရေးဇုန်သုံးခုတွင် တိုးတက်မှုအရှိဆုံး သီလ၀ါပရောဂျက် အပြည့်အ၀ လည်ပတ်နိုင်ပါက စားသောက်ကုန်များ၊ လူသုံးကုန်ပစ္စည်းများ၊ ပြည်တွင်းဈေးကွက်အတွက် ဆောက်လုပ်ရေးပစ္စည်းများ၊ ဖိနပ်၊ မော်တော်ကားအစိတ်အပိုင်းများနှင့် အ၀တ်အထည်များကဲ့သို့ နိုင်ငံခြားပို့ကုန်ပစ္စည်းများ ထုတ်လုပ်နိုင်မည်ဖြစ်ပြီး အလုပ်သမား ၇၀၀၀၀ အတွက် အလုပ်အကိုင်များ ဖန်တီးပေးနိုင်မည် ဖြစ်လေ၏။

သမ္မတဦးသိန်းစိန်မှာ မြန်မာနိုင်ငံအား ကမ္ဘာ့စီးပွားရေးနှင့် ဆက်သွယ်ဆောင်ရွက်နိုင်ရေး ပြုပြင်ပြောင်းလဲမှုများ လုပ်ဆောင်ပေးမည်ဟူသော ကတိဖြင့် ၂၀၁၁ ခုနှစ်တွင် အာဏာရလာခဲ့သည်။ ထိုအချိန်မှစ၍ အကောင်းမြင်သူများက လမ်းတိုင်းလမ်းတိုင်းတွင် စူပါမားကတ်များ၊ အသင့်စား အစားအသောက်ဆိုင်များ တွေ့လာရတော့မည်၊ ထိုင်း သို့မဟုတ် စင်ကာပူကဲ့သို့ နိုင်ငံမျိုးနှင့်ပင် တန်းတူညီလာစေရန် ခုန်ပျံကျော်လွှား ဖွံဖြိုးမှုများ ဖြစ်စေမည့် မိုဘိုင်းနည်း ပညာများမှာလည်း မြန်မာနိုင်ငံ အတွင်းသို့ ရောက်ရှိလာတော့မည်ဟု စိတ်ကူးယဉ်ခဲ့ကြလေသည်။ သို့သော်လည်း နိုင်ငံ၏ စီးပွားရေးအနာဂတ်က နိုင်ငံခြားသို့ တင်ပို့ရန် ခွန်အားစိုက်ထုတ်ရသည့် လုပ်ငန်းများတွင်သာ ပျော်မွေ့နေကြသော ကျွမ်းကျင်မှုနည်းသည့် အလုပ်သမားများအပေါ်တွင် မူတည်နေလေ၏။

စက်မှုကဏ္ဍတွင် ထိုင်းနိုင်ငံ၏အဆင့်သို့ ရောက်ရန် ဆန္ဒပြင်းပြမှုနေခြင်းထက် မြန်မာနိုင်ငံအနေဖြင့် အနောက်ဘက်အိမ်နီးချင်း ဘင်္ဂလားဒေ့ရ်ှကဲ့သို့ စားရိတ်နည်း ကုန်ထုတ်လုပ်မှုကဏ္ဍ ဖြစ်လာစေရန် ရည်ရွယ်ဆောင်ရွက်သင့်သည်။

ရင်းနှီးမြှုပ်နှံသူများကတော့ စိတ်ကူးယဉ်ကြမည်။ မြန်မာနိုင်ငံမှာ စီပွားရေးဈေးကွက်ကြီးမားသည့် အိန္ဒိယနှင့် တရုတ် နှစ်နိုင်ငံအကြားတွင် ရှိနေသည်။ ထို့ပြင် ထိုင်းနိုင်ငံကိုလည်း အနောက်ဘက် ပင်လယ်ထွက်ပေါက် ပေးထား ရသည်။ နိုင်ငံတကာစီးပွားရေးအဖွဲ့ McKinsey Global Institute (MGI) ၏ အဆိုအရ ၂၀၂၅ ခုနှစ်တွင် တစ်နေ့ ၀င်ငွေ ကန် ၁၀ ဒေါ်လာနှင့် အထက်ရသော စားသုံးသူများ၏ ထက်ဝက်ကျော်မှာ မြန်မာနိုင်ငံနှင့် ၅ နာရီသာ လေယာဉ် စီးရသည့် နေရာတွင် နေထိုင်ကြလိ့မ်မည် ဟူ၏။

မြန်မာနိုင်ငံတွင် ထွန်ယက်စိုက်ပျိုးနိုင်သောမြေယာ လှိုင်လှိုင်ပေါသည်။ အဏ္ဏ၀ါနှင့် သဘာဝ သယံဇာတများလည်း ပေါများသည်။ ရေနံ၊ သဘာဝဓာတ်ငွေ့နှင့် ကျောက်စိမ်း၊ ပတ္တမြား၊ နီလာ စသည့် အဖိုးတန်ကျောက်များမှာလည်း ပဒေသာပင်ပေါက်သကဲ့သို့ ရှိနေလေ၏။

ထိုင်းနိုင်ငံ၏ အလုပ်သမားထုမှာ အသက်အရွယ်ရနေပြီး၊ အလုပ်လုပ်နိုင်အားလည်း နည်းသွားကာ ဈေးလည်း ပိုပေးရသည်။ မြန်မာနိုင်ငံမှ အလုပ်သမားများမှာတော့ ငယ်ရွယ်ပြီး ဈေးလည်းသက်သာသည်။ နိုင်ငံရပ်ခြားတွင် အလုပ်လုပ်နေသူ ၃ သန်းမှ ၅ သန်းအကြား မြန်မာနိုင်ငံသို့ပြန်လာပါကလည်း ပို၍ အကျိုးရှိပေဦးမည်။

အမိမြေတွင် အခွင့်အလမ်းမရှိသည့်အတွက် ဘဏ္ဍာရေးနှင့်ပတ်သက်၍ ပညာသင်ယူရန် ဂျက်စမင် သဇင်အောင်မှာ ၂၀၀၃ ခုနှစ်က စင်ကာပူသို့ ထွက်လာခဲ့သည်။ လက်ရှိတွင်တော့ သူမမှာ PricewaterhouseCoopers အမည်ဖြင့် ဖွင့်လှစ်ထားသော စာရင်းအင်းဆိုင်ရာ လုပ်ငန်းတစ်ခုကို ဦးဆောင်လုပ်ကိုင်လျက် ရှိနေသည်။ စင်ကာပူတွင် ဘဏ္ဍာရေးနှင့်ပတ်သက်၍ ကျောင်းတက်နေသည့် အခန်းဖော် အခြား မြန်မာအမျိုးသမီး ၃ ဦးမှာလည်း မြန်မာနိုင်ငံသို့ ပြန်လာခဲ့ကြသည်ဟု သဇင်က ဆိုလေသည်။

အစမကောင်းမှုများစွာ ဖြစ်ခဲ့ပြီးနောက်ပိုင်း စီးပွားရေးလုပ်ငန်းသစ်များ ရှန်သန်ကောင်း ရှင်သန်နိုင်မည့် ဈေးကွက်စီးပွားရေးတစ်ခုကို ဖော်ဆောင်ရန် အစိုးရက ကတိပြုခဲ့သည်။ ဆယ်စုနှစ် ၂ ခုအတွင်း ပထမဆုံးအကြိမ် ရွေးကောက်ပွဲလုပ်ခဲ့သည့် ၂၀၁၀ နှင့် ၂၀၁၃ ခုနှစ်အကြား မြန်မာနိုင်ငံသို့ နိုင်ငံခြားမှ ရင်းနှီးမြှုပ်နှံသူများ တိုက်ရိုက်ဝင်ရောက် လုပ်ကိုင်မှု ပမာဏမှာ ၃ ဆ တိုးလာပြီး ကန်ဒေါ်လာ ၉၀၁ သန်းမှ သန်း ၂၅၀၀ အထိ တက်လာခဲ့လေသည်။

ကန့်သတ်မှုများဖြင့် လုပ်ကိုင်ရမည့် ဘဏ်လုပ်ငန်းများအတွက်လည်း နိုင်ငံခြားဘဏ်အချို့က လိုင်စင်ယူကြသည်။ လက်တွေ့လုပ်ဆောင်မှုတွင်တော့ ပိုမိုလွတ်လပ်မှုများ ရှိနိုင်လေသည်။ ယခုနှစ်နှင့် လာမည့်နှစ်များတွင် မြန်မာနိုင်ငံ၏ စီးပွားရေးမှာ ၇.၈ ရာခိုင်နှုန်းအထိ တိုးလာမည်ဟု ခန့်မှန်းထားသည်။ လူသုံးကုန်ပစ္စည်းများ တင်ပို့မှု တိုးလာမည်။ ထိုကဲ့သို့ပင် ရေနံနှင့် သဘာဝဓာတ်ငွေ့ တင်ပို့မှုများမှာလည်း တိုးလာရန်ရှိနေသည်။

ဗဟိုဘဏ်မှာ ယခုအချိန်တွင် ဘဏ္ဍာရေးဝန်ကြီးဌာနလက်အောက်မှ တရားဝင်ခွဲထွက်ခဲ့ပေပြီ။ ၀န်ထမ်းများကို တိုးချဲ့ကာ ငွေကြေးဆိုင်ရာပေါ်လစီ စီမံခန့်ခွဲရေကိုလည်း တိုးတက်အောင် ဆောင်ရွက်နေလေ၏။

မြန်မာ့စီးပွားရေးကဏ္ဍအတွက် လုပ်စရာ အများအပြားရှိနေသည်။ စီးပွားရေးလုပ်ငန်း လွယ်ကူစွာ လုပ်ဆောင်နိုင်မှုနှင့် ပတ်သက်၍ ကမ္ဘာ့ဘဏ်မှ မကြာသေးမီက ထုတ်ပြန်ခဲ့သော အစီရင်ခံစာတွင် နိုင်ငံ ၁၈၉ နိုင်ငံ၌ မြန်မာနိုင်ငံက ၁၈၂ ချိတ်ခဲ့သည်။ စဉ်းမျဉ်းစည်းကမ်းပိုင်း မသေချာမှုက ကြီးမားသည့် ပြသနာတစ်ရပ်ဖြစ်နေပြီး၊ ခေတ်နောက်ကျနေသည့် ဥပဒေများကလည်း ဂရုပြုစရာဖြစ်နေသည်။

စီးပွားရေးပူးပေါင်းဆောင်ရွက်မှုအတွက် ဗြိတိသျှက ၁၉၁၄ ခုနှစ်တွင် ပြဌာန်းခဲ့သော “မြန်မာ့ကုမ္ပဏီများဆိုင်ရာ အက်ဥပဒေ” ကို ယခုအချိန်အထိ ဆက်လက်ကျင့်သုံးနေဆဲဖြစ်၏။ ထိုဥပဒေအား ပြင်ဆင်ရန်အတွက် အာရှဖွံ့ဖြိုးရေးဘဏ်က မြန်မာအစိုးရကို ကူညီနေသော်လည်း ယခုအချိန်အထိ မပြင်ဆင်နိုင်သေး။ ထိုပြင်ဆင်မှုကို အချိန်မီ ဆောင်ရွက်ခြင်းက လိုအပ်ချက်တစ်ခုကို လျှော့ချနိုင်လိမ့်မည်ဟု CEA ပရောဂျက်များအတွက် မြန်မာနိုင်ငံတွင်ဖွင့်လှစ်ထားသော ရုံးများအား ဦးဆောင်နေသည့် ထောက်ပံ့ပို့ဆောင်ရေး ကုမ္ပဏီမှ ဂျွန်ဟာမီလ်တန်က ပြောကြားခဲ့သည်။

လုပ်ပိုင်ခွင့်အာဏာအရှိဆုံးနှင့် ချို့ယွင်းချက်များကိုပြင်ဆင်ထားသည့် ဗဟိုဘဏ်လျှင်ပင် အသေအချာလေ့ကျင့်ပေးထားသော ၀န်ထမ်းအင်အားကို ဖန်တီးနိုင်မည် မဟုတ်ချေ။ အဆိုပါ ၀န်ထမ်းအင်အားကို ရရှိရန်အတွက် ပညာရေးကဏ္ဍတွင် အကြီးစား ရင်းနှီးမြှုပ်နှံမှုများကို နှစ်ပေါင်းများစွာ ဆောင်ရွက် ရပေဦးမည်။ မြန်မာနိုင်ငံရှိ ပြည်သူများမှာ ပျမ်းမျှအားဖြင့် စာသင်ကျောင်း အတွက် အချိန်လေးနှစ်သာ ပေးကြသည်။ နိုင်ငံအတွင်း ကျောင်းသား-ဆရာ အချိုးမှာ ၃၀း၁ သာရှိပြီး၊ အိမ်နီးချင်း မလေးရှားနှင့် ထက်ခန့်ကွာနေလေ၏။

အခြားသော အာရှနိုင်ငံများမှ လုပ်သားအင်အားမှာ ကုန်ထုတ်နိုင်စွမ်း တိုးတက်လာချိန်တွင် မြန်မာနိုင်ငံမှာ အခြားသောလားရာတစ်ဖက်တွင် ရှိနေခဲ့လေသည်။ ၁၉၅၆ ခုနှစ်မှ ၂၀၁၀ ခုနှစ်အကြား မြန်မာနိုင်ငံရှိ လယ်ယာလုပ်ကိုင်သူ အရေအတွက်မှာ ၃၅ ရာခိုင်နှုန်းမှ ၄၄ ရာခိုင်နှုန်းအထိတိုးလာပြီး၊ ဒေသအတွင်း နိုင်ငံအများစုတွင်တော့ လယ်ယာလုပ်ငန်း၌ လုပ်ကိုင်သူ အရေအတွက်မှာ လျော့ကျခဲ့သည်။

သို့သော်လည်း မြန်မာနိုင်ငံရှိ လယ်ယာလုပ်ငန်း လုပ်သားအင်အားကို ကောင်းမွန်စွာ အသုံးချနိုင်သည်။ မြန်မာနိုင်ငံတွင် လယ်ယာမြေ ဟက်တာ ၁၂.၃ သန်းရှိပြီး ထိုင်းနိုင်ငံ၏ ပမာဏထက် အနည်းငယ်သာ လျော့နည်း၏။ မြန်မာနိုင်ငံမှာ တစ်ချိန်က အာရှ၏ အကြီးဆုံး ဆန်တင်ပို့သည့်နိုင်ငံဖြစ်ခဲ့သည်။ သို့သော်လည်း နောက်ပိုင်းတွင် နိုင်ငံ၏ လယ်ယာကဏ္ဍ ထုလ်လုပ်နိုင်စွမ်းမှာ သိသိသာသာပင် ကျဆင်းခဲ့လေသည်။

လယ်သမားအများစုမှာ လယ်ဧကအနည်းငယ်သာ စိုက်ပျိုးကြသည်။ ရံဖန်ရံခါတွင် စက်ပစ္စည်းများနှင့် ဓာတ်မြေသြဇာများပင် မသုံးနိုင်ပေ။ မြန်မာ့လယ်သမား အစည်းအရုံး အကြီးအကဲဖြစ်သူ စိုးထွန်းကမူ သဘာဝမြေသြဇာသုံးစိုက်ပျိုးခြင်းမှာ ရွေးချယ်မှုကြောင့်မဟုတ်။ လယ်ယာစိုပျိုးမှုလုပ်ငန်းနှင့် နိုင်ငံ၏ အလုပ်သမား ထုတ်လုပ်နိုင်စွမ်းတို့ကို ကြီးမားစွာအကျိုးသက်ရောက်စေမည့် ဓာတ်မြေသြဇာသုံး စိုက်ပျိုးသည့်နည်းလမ်းများမှာ ကျေးလက်ဒေသသို့ မရောက်ခြင်းကြောင့်ဟု ဆိုသည်။

ဖွံဖြိုးတိုးတက်မှုအတွက် အခြားသော မောင်းနှင်းအားတစ်ခုဖြစ်သည့် စက်မှုလုပ်သမားများမှာ စက်ရုံများ၊ မြို့များတွင် လွတ်လွတ်လပ်လပ် အလုပ်ပိုရှာနိုင်မည်။ ကုန်ထုတ်လုပ်မှုနှင့် ၀န်ဆောင်မှုလုပ်ငန်းမှ GDP တိုးတက်မှုနှုန်း၏ ၁၅ ရာခိုင်နှုန်းတိုင်းတွင် လူတစ်ယောက်ချင်း၏ GDP တိုးတက်မှု ၂ ဆနှင့် ဆက်နွယ်နေသည်။

စက်ရုံအလုပ်ရုံများတွင် အလုပ်လုပ်ခြင်းမှာ မက်မောဖွယ်ကောင်းသော သို့မဟုတ် စိတ်ဝင်စားစရာကောင်းသော အလုပ်မဟုတ်။ သို့သော်လည်း ပြည်သူများအတွက် ဆန်စပါးများ၊ အသုံးအဆောင်ပစ္စည်းများ၊ ဆောက်လုပ်ရေးပစ္စည်းများမှာ အမြဲလိုအပ်နေ၏။

ရွှေရောင်စေတီပုထိုးများအား နေရောင်ထိုးသည့်အခါ တဖိတ်ဖိတ်တောက်သကဲ့သို့ တိုင်းပြည်၏ စီးပွားရေးဖွံ့ဖြိုးတိုးတက်လိုပါက မြန်မာနိုင်ငံတွင် များများစားစားရှိနေသော ကျွမ်းကျင်မှုနည်းသည့် လုပ်သားများအား ထုတ်လုပ်နိုင်စွမ်းမြင့်မားသော အလုပ်များတွင် ပါဝင်ဆောင်ရွက်စေရန် လိုအပ်နေပေတော့သည်။

The Economist တွင် ဖော်ပြခဲ့သည့် “Let a million factories rise” ဆောင်းပါးကို လေးမောင် (M-Media) မှ ဆီလျော်အောင် ပြန်ဆိုသည်။

October 21, 2014
လာမည့်နှစ်တွင် နိုင်ငံခြား ကုမ္ပဏီများသို့ ရေနံလုပ်ကွက် ၁၅ ခု မြန်မာ အစိုးရ ချပေးမည်

အောက်တိုဘာ ၁၇ ၊ ၂၀၁၄
M-Media

– နိုင်ငံအတွင်းရှိ ရေနံနှင့် သဘာဝ ဓာတ်ငွေ့လုပ်ကွက်များအား နိုင်ငံခြား ရင်းနှီးမြှုပ်နှံသူများ အတွက် လုပ်ပိုင်ခွင့်ပေးနေသော မြန်မာနိုင်ငံမှာ လာမည့်နှစ်ကုန်ပိုင်းတွင် ရေနံရှာဖွေရေး လုပ်ကွက် ၁၅ ခုအတွက်လည်း နိုင်ငံခြားကုမ္ပဏီများကို ဖိတ်ခေါ်သွားမည်ဟု သိရသည်။

မြန်မာနိုင်ငံတွင် ယခုအချိန်အထိ ရေနံနှင့် သဘ၀ဓာတ်ငွေ့ လုပ်ကွက်ပေါင်း ၄၀ ခန့်ကို နိုင်ငံခြား ကုမ္ပဏီများသို့ လုပ်ပိုင်ခွင့်ပေးထားသည်။ ထိုပမာဏမှာ သယံဇာတပေါကြွယ်ဝသည့် မြန်မာနိုင်ငံရှိ ရေနံနှင့် သဘာဓာတ်ငွေ့ လုပ်ကွက်အရေအတွက်၏ ထက်ဝက်ခန့်ဖြစ်ပြီး Total နှင့် Shell တို့ကဲ့သို့ နာမည်ကြီး ကုမ္ပဏီများက ၀င်ရောက် လုပ်ကိုင်နေကြသည်။

ရေနံလုပ်ကွက်များ ချပေးရန် လျာထားမှုနှင့် ပတ်သက်၍ မြန်မာ့ရေနံနှင့် သဘာဝဓာတ်ငွေ့လုပ်ငန်း အစီအစဉ်ရေးဆွဲရေး ဒါရိုက်တာဖြစ်သူ သန်းမင်းက

“ရေနံနဲ့ သဘာဝဓာတ်ငွေ့တွေပိုရှာဖို့ ကျွန်တော်တို့ရဲ့ မျှော်လင့်ချက်တွေဟာ မြင့်မားပါတယ်။ ဒါဟာ မြန်မာပြည်သူတွေကို အများကြီး ကူညီနိုင်မှာပါ။ ဒီပရောဂျက်တွေကရရှိမယ့် အမြတ်အစွန်းတွေကို စီမံသုံးစွဲဖို့ လိုအပ်ပါတယ်။ ပြီးတော့ ကျွန်တော်တို့ရဲ့ ဖွံ့ဖြိုးရေး အစီအစဉ်ဟာ ပြည်သူတွေအတွက်သာ ဖြစ်ပါလိမ့်မယ်” ဟု ပြောကြားခဲ့သည်။

သို့သော်လည်း ရေနံနှင့် သဘာဝဓာတ်ငွေ့ကဏ္ဍရှိ စည်းမျဉ်းစည်းကမ်းများနှင့် ပတ်သက်၍လည်းကောင်း၊ ပြည်ပမှ ကုမ္ပဏီကြီးများ ၀င်ရောက်လာပါက လက်ရှိလုပ်ကိုင်နေသည့် ကုမ္ပဏီငယ်အချို့၏ ရပ်တည်ရေးအတွက် လည်းကောင်း စိုးရိမ်မှုများလည်း ရှိနေသည်။

ref_ CNA
Photo- AFP

October 17, 2014
နိုင်ငံခြားဘဏ် ၉ ခုအား ဗဟိုဘဏ်မှ လိုင်စင်ချပေး၊ ဂျပန် ဘဏ် ၃ ခုပါဝင်

အောက်တိုဘာ ၂ ၊ ၂၀၁၄
M-Media

ဗဟိုဘဏ် ဒုတိယ ဥက္ကဌ ဦးဆက်အောင်

– မြန်မာနိုင်ငံတွင် လုပ်ကိုင်ခွင့်ရသည့် ဘဏ်များစာရင်းကို အောက်တိုဘာ ၁ ရက်နေ့တွင် ဗဟိုဘဏ်မှ ကြေညာခဲ့ရာ သြစတေးလျ၊ နယူးဇီလန်၊ ဂျပန်၊ ထိုင်း၊ မလေးရှားနှင့် စင်ကာပူ နိုင်ငံတို့မှ ဘဏ်များ ပါဝင်ခဲ့သည်ဟု သိရသည်။

မြန်မာနိုင်ငံတွင် ဘဏ် လုပ်ငန်းဆောင်ရွက်ရန် အတွက် လျှောက်ထားသည့် နိုင်ငံတကာ ဘဏ် ၂၅ ခုရှိခဲ့ရာ ထိုအထဲမှ ဘဏ် ၉ ခုအား ဗဟိုဘဏ်မှ လိုင်စင်ချပေးခဲ့သည်။ အဆိုပါ ဘဏ်များမှာ ဂျပန် နိုင်ငံ၏ အကြီးဆုံးဘဏ် Bank of Tokyo-Mitsubishi UFJ အပါအ၀င် ဂျပန်နိုင်ငံမှ ဘဏ် ၃ ခု၊ စင်ကာပူမှ OCBC နှင့် United Overseas Bank၊ သြစတေးလျမှ ANZ၊ တရုတ်မှ ICBC၊ မလေးရှားမှ Maybank နှင့် ထိုင်းမှ Bangkok Bank တို့ဖြစ်ကြသည်။

လိုင်စင်ရရှိခဲ့သည့် ဘဏ်များ အနေဖြင့် နိုင်ငံခြားကော်ပိုရေးရှင်းများနှင့် နိုင်ငံခြားငွေ လဲလှယ်မှုလုပ်ငန်းများ အတွက် ကန့်သတ်ခံရမည်ဟု ဗဟိုဘဏ် ဒုတိယဥက္ကဌ ဦးဆက်အောင်က ပြောကြားခဲ့သည်။ ထိုဘဏ်များမှာ ၎င်းတို့၏ လုပ်ငန်းများ စတင်ဆောင်ရွက်ရန် အတွက် အချိန် ၁၂ လ ရရှိမည်ဖြစ်သည်။

နိုင်ငံခြားဘဏ်များ၏ ဘဏ်ခွဲ တစ်ခုခြင်းစီမှာ retail-banking လုပ်ငန်းကို လုပ်ကိုင်ခွင့်ရမည် မဟုတ်ဘဲ၊ ငွေချေးရာတွင်လည် ပြည်တွင်း စီးပွားရေး လုပ်ငန်းများမှလွဲ၍ နိုင်ငံခြား စီးပွားရေး လုပ်ငန်းများကို နိုင်ငံခြားငွေဖြင့်သာ ငွေချေးခွင့်ရမည်ဖြစ်သည်။

ထိုကဲ့သို့ ကနဦး ကန့်သတ်မှုများ ရှိနေသော်လည်း နိုင်ငံခြားဘဏ်များအား လုပ်ကိုင်ခွင့် ပေးခြင်းမှာ မြန်မာနိုင်ငံ၏ ဘဏ္ဍာရေးကဏ္ဍ လွတ်မြောက်မှု အတွက် ခြေလှမ်း တစ်ရပ်ဖြစ်သည်ဟု လေ့လာသူများက ပြောကြားခဲ့သည်။

မြန်မာနိုင်ငံရှိ ပြည်တွင်းဘဏ်အများအပြားကမူ ၎င်းတို့၏ ဘဏ် လုပ်ငန်းဈေးကွက် ပျက်စီးမည်ကို စိုးရိမ်သောကြောင့် နိုင်ငံခြားဘဏ်များ ၀င်ရောက်လုပ်ကိုင်မှုကို ဆန့်ကျင်ပြောဆိုမှုများ ရှိနေပြီး၊ နိုင်ငံခြား ဘဏ်များအား ယှဉ်ပြိုင်နိုင်ရအတွက် မိမိတို့ ဘဏ်များ၏ ၀န်ဆောင်မှုများကို အဆင့်မြင့်ရန်လိုအပ်သည်ဟု ဘဏ်လုပ်ငန်းရှင်များမှ ၀န်ခံမှုများလည်းရှိနေသည်။

Ref: WSJ

October 2, 2014