Tag: Egypt

IS ၏ စက်ဆုပ်ဖွယ် ဗီဒီယိုများကို မွတ်စလင်များ ကြည့်ရှုဖြန့်ဖြူးခြင်းမပြုကြရန် အလ်-အဇ်ဟာရ်မှ ဓမ္မသတ်ထုတ်ပြန်

ဖေဖော်ဝါရီ ၁၇၊ ၂၀၁၅
M-Media

– IS အဖွဲ့၏ မကောင်းဆိုးဝါးရည်ရွယ်ချက်များ အကောင်အထည်ပေါ်လာခြင်းကို ရှောင်ရှားရန်၊ အစ္စလာမ့်တန်ဖိုးကို မထိခိုက်စေရန်နှင့် မွတ်စလင်တို့၏ ကိုယ်ကျင့်တရားများ မပျက်ပြားစေရန်အတွက် မွတ်စလင်များအနေဖြင့် IS အဖွဲ့မှ သတ်ဖြတ်သည့်ဗီဒီယိုများကို ကြည့်ရှုဖြန့်ဖြူးခြင်းမပြုကြရန် အစ္စလာမ့် ထိပ်တန်းဓမ္မသတ်ဌာန အလ်-အဇ်ဟာရ်မှ တားမြစ်လိုက်သည်ဟု သိရသည်။

အီဂျစ်နိုင်ငံ ကိုင်ရိုမြို့ရှိ အလ်-အဇ်ဟာရ်တက္ကသိုလ်မှ ထုတ်ပြန်သော ကြေညာချက်တွင် ဖော်ပြထားခြင်းဖြစ်ပြီး လစ်ဗျား၌ အလုပ်သွားရောက်လုပ်ကိုင်နေသည့် အီဂျစ်ခရစ်ယာန် ၂၁ ဦးကို IS အဖွဲ့က သတ်ဖြတ်သည့် ဗီဒီယိုကို ထုတ်ပြန်ပြီးနောက်ပိုင်း ထွက်ပေါ်လာခြင်းလည်း ဖြစ်သည်။

အဆိုပါ ကြေညာချက်တွင် မွတ်စလင်များအကြား ကြောက်ရွံ့မှု၊ ကိုယ်ကျင့်တရားထိခိုက်မှုတို့ မဖြစ်စေရန်နှင့် အဆိုပါအဖွဲ့၏ အန္တရာယ်ရှိသော ၀ါဒဖြန့်မှုများအား ပြန့်ပွားခြင်းကို ရှောင်ရှားရန်အတွက် IS ကြမ်းဖက်သမားများ၏ ရာဇ၀တ်မှုကျူးလွန်သည့် ဗီဒီယိုများအား ဖော်ပြခြင်းမပြုရန်လည်း မီဒီယာများကို တိုက်တွန်းခဲ့သည်။

ထို့ပြင် ထိုကြေညာချက်၌ အစ္စလာမ်ကြောက်ရောဂါကို ပိုမိုဖြစ်စေရန် ရည်ရွယ်သည့် ထိုဗီဒီယိုများကို ကြည့်ရှုခြင်းနှင့် တစ်ဆင့်ဖြန့်ဖြူးခြင်းကို မွတ်စလင်များအနေဖြင့် ပြုလုပ်ခြင်းမပြုရန်လည်း တားမြစ်ထားသည်။

နိုင်ငံသားခရစ်ယာန်များအား သတ်ဖြတ်ပြီးနောက်ပိုင်း အီဂျစ်လေတပ်က လစ်ဗျားရှိ IS ၏ ခြေကုပ်စခန်းများကို တရစပ် ဗုံးကြဲတိုက်ခိုက်ခဲ့ကာ လက်တုံ့ပြန်ခဲ့သည်။

အလ်-အဇ်ဟာရ်မှာ အစ္စလာမ့်အမည်နာမကိုသုံး၍ အကြမ်းဖက်မှုကျူးလွန်သော အဖွဲ့များအား တစ်စိုက်မတ်မတ် ဆန့်ကျင်လာခဲ့သည့် ထိပ်တန်း အစ္စလာမ့်ဘာသာရေးဌာနများထဲမှ တစ်ခုလည်းဖြစ်သည်။

Ref: alarabiya

February 17, 2015
အီဂျစ်ခရစ်ယာန်များအား သတ်ဖြတ်သည့် ဗီဒီယိုကို လစ်ဗျားမှ IS အဖွဲ့ ထုတ်ပြန်

ဖေဖော်ဝါရီ ၁၆၊ ၂၀၁၅
M-Media

– ပြီးခဲ့သည့် လများက ပြန်ပေးဆွဲထားသည်။ အီဂျစ် ကော့ပတစ်ခရစ်ယာန်ဘာသာဝင် ၂၁ ဦးအား သတ်ဖြတ်သည်ဟု ယူဆရသော ဗီဒီယိုကို လစ်ဗျားရှိ IS အဖွဲ့က ယမန်နေ့တွင် ထုတ်ပြန်လိုက်သည်ဟု သိရသည်။

အဆိုပါဗီဒီယို၏ မှန်ကန်မှုကို အီဂျစ်အစိုးနှင့် ကော့ပတစ်အသင်းတော်တို့က အတည်ပြုခဲ့သည်။ အဆိုပါဗီဒီယိုတွင် အီဂျစ်ခရစ်ယာန်များမှာ လိမ္မော်ရာင်အကျဉ်းသားဝတ်စုံကို ၀င်ဆင်ထားပြီး လစ်ဗျားရှိ ထရီပိုလီပြည်နယ်တွင် တည်ရှိသော ကမ်းနံဘေးတွင် သတ်ဖြတ်ပုံကို ဖော်ပြထားသည်။

၎င်းတို့မှာ ဒီဇင်ဘာနှင့် ဇန်န၀ါရီ လများအတွင်း လစ်ဗျားနိုင်ငံအရှေ့ပိုင်း ဆာရ်တီမြို့တွင်ပြုလုပ်ခဲ့သည့် တိုက်ခိုက်မှုတွင် IS အဖွဲ့က ဖမ်းဆီးခဲ့ခြင်းဖြစ်သည်။

အဆိုပါဗီဒီယိုထွက်လာပြီးနောက် အီဂျစ်သမ္မတ အဘ်ဒဲလ် ဖာတာ အလ်-စီစီမှာ အီဂျစ်အမျိုးသားလုံခြုံရေး ထိပ်တန်းအရာရှိများကို ဆင့်ခေါ်ကာ အရေးပေါ်အစည်းအဝေး ပြုလုပ်ခဲ့ပြီး သေဆုံးသွားသည့် အီဂျစ် ခရစ်ယာန်များအတွက် နိုင်ငံတော်ဝမ်းနည်းဖွယ်နေ့ကို ၇ ရက် သတ်မှတ်ခဲ့သည်။

“ဒီလူသတ်သမားတွေကို သင့်လျော်နည်းလမ်းနဲ့ သင့်လျော်တဲ့အချိန်မှာ တုံ့ပြန်အပြစ်ပေးသွားဖို့ အီဂျစ်မှာ အခွင့်အရေးရှိပါတယ်” ဟု နိုင်ငံသားများ သေဆုံးမှုအတွက် ရုပ်မြင်သံကြားမှထုတ်လွှင်သော မိန့်ခွန်းတွင် အလ်- စီစီက ထည့်သွင်းပြောကြားခဲ့သည်။

အီဂျစ်ရှိ ကော့ပတစ်အော်သိုဒေါ့ အသင်းတော်ကလည်း ကြေညာချက်တစ်စောင်ထုတ်ပြန်ခဲ့ပြီး အဆိုပါ ကြေညာချက်တွင် လူသတ်သမားများအား တရားမျှတမှုရှေ့မှောက်သို့ ခေါ်ဆောင်လာနိုင်မည်ဟု ယုံကြည်ကြောင်း ဖော်ပြခဲ့သည်။

ကိုင်ရိုရှိ နာမည်ကြီးအစ္စလာမ့်တက္ကသိုလ် အလ်အဇ်ဟာရ်ကလည်း IS အဖွဲ့၏ ထိုသတ်ဖြတ်မှုမှာ ရိုင်းစိုင်းသောလုပ်ရပ်ဖြစ်သည်ဟု ကြေညာချက်ထုတ်ပြန်ခဲ့သည်။

“ဒီလိုရိုင်းစိုင်းတဲ့လုပ်ရပ်မျိုးဟာ ဘယ်လိုဘာသာတရား၊ ဘယ်လိုလူ့တန်ဖိုးနဲ့မှ ပတ်သက်ဆက်နွယ်မှု မရှိပါဘူး” ၏ ကြေညာချက်တွင် ဖော်ပြထားသည်။

လစ်ဗျားမှာ ပြီးခဲ့သည့် ၃ နှစ်အရင်က အာဏာရှင် ကာဒါဖီပြုတ်ကျခဲ့ပြီးနောက်ပိုင်း နိုင်ငံရေးအရ မတည်မငြိမ်ဖြစ်နေပြီး ထိုအဖြစ်အပျက်ကို အခွင့်ကောင်းယူကာ IS အဖွဲ့က တိုက်ခိုက်မှုများ ပြုလုပ်လျက်ရှိနေသည်။ လစ်ဗျားတွင် အီဂျစ်နိုင်ငံသားများမှာ သွားရောက်အလုပ်လုပ်ကိုင်လျက်ရှိကြပြီး အထူးသဖြင့် ဆောက်လုပ်ရေးလုပ်ငန်းများတွင် ဖြစ်သည်။

Ref: aljazeera

February 16, 2015
အစ္စလာမ်မှာ အလယ်အလတ်လမ်းစဉ်ဖြစ်ပြီး၊ ဘာသာရေးအယူသည်းမှုကို တမန်တော် မုဟမ္မဒ်သခင် ကိုယ်တော်တိုင် မနှစ်သက်ခဲ့ကြောင်း အီဂျစ် မွဖ်သီချုပ်ပြော

ဇန်န၀ါရီ ၂၇၊ ၂၀၁၅
M-Media

– ကိစ္စတိုင်း၌ အလယ်လတ်လမ်းစဉ်အတိုင်း ဆောင်ရွက်ရမည်ဆိုသည့် စည်းမျဉ်းစည်းကမ်းမှာ အစ္စလာမ်သာသနာ၏ အဓိကကျသည့် အစိတ်အပိုင်းဖြစ်သည်ဟု အီဂျစ် မွဖ်သီကြီး ဒေါက်တာ ရှိခ် ရှော်ကီ အာလမ်က ပြောကြားလိုက်ပြီး အစွန်းရောက်ဝါဒအား သတိထားစောင့်ကြည့်ရန် မွတ်စလင်များကို တိုက်တွန်းခဲ့သည်။

စင်ကာပူ အစ္စလာမ့်သာသနာရေးရာကောင်စီ Muis ၏ တနင်္ဂနွေနေ့က ပြုလုပ်ခဲ့သော အထူးဧည့်သည်တော် စကားဝိုင်းတွင် မွဖ်သီကြီးကထိုကဲ့သို့ ပြောကြားလိုက်ခြင်းဖြစ်ပြီး သာသနာတွင် အယူသည်းမှုကို မုဟမ္မဒ်သခင်(ငြိမ်းချမ်းသာယာမှု သက်ရောက်ပါစေ)
ကိုယ်တော်တိုင် မနှစ်ခြိုက်ခဲ့ဘဲ ထိုအတွက် သတိပေးပြောကြားမှုများ ရှိခဲ့ကြောင်း ထောက်ပြခဲ့သည်။

`ကျွန်တော်တို့ဟာ ကြောက်ဒူးတုန်စရာမလိုသလို အစွန်းရောက်သွားဖို့လည်း မလိုပါဘူး။ ဥပမာအားဖြင့် အပြစ်မဲ့တဲ့သူတွေကို သတ်ဖြတ်တာ ပြီးတော့ သာသနာရဲ့ အဆုံးအမနဲ့ ဆန့်ကျင်တဲ့ အရာတွေကို ကျူးလွန်တာမျိုးတွေပေါ့။ ဒီလိုလုပ်ရပ်တွေရဲ့ အကျိုးဆက်က
အစ္စလာမ်ရဲ့ပုံရိပ်ကို အရုပ်ဆိုးအကျည်တန်စေပြီး သာသနာ့အပြင်ကို ရောက်သွားတာမျိုး၊ သာသာနာအပေါ်မှာ အညှိုးအတေးတွေ ရှိလာတာမျိုးတွေအထိ ဦးတည်သွားနိုင်ပါတယ်´

အဆိုပါစကားဝိုင်းကို Orchard ဟိုတယ်၌ ပြုလုပ်ခဲ့ပြီ ဘာသာပေါင်းစုံမှ ပရိတ်သတ် ၅၀၀ ခန့် တက်ရောက်ခဲ့ကြသည်။ Building Harmonious Societies in a Pluralistic World (လူမျိုးစုံသည့် ကမ္ဘာကြီးတွင် သဟဇာတဖြစ်သည့် လူ့အဖွဲ့အစည်းများ တည်ဆောက်ခြင်း) ခေါင်းစဉ်ဖြင့် ပြုလုပ်ခဲ့သည့် ထိုစကားဝိုင်းကို စင်ကာပူ မွတ်စလင်ရေးရာဝန်ကြီး ယာကွဘ် အီဘရာဟင်က ဦးဆောင်ခဲ့ခြင်းဖြစ်သည်။ ယာကွဘ်အီဗရာဟင်မှာ စင်ကာပူ ဆက်သွယ်ရေးနှင့် သတင်းအချက်အလက် ၀န်ကြီးလည်း ဖြစ်သည်။

၂၀၁၃ ခုနှစ်တွင် မွဖ်သီချုပ်ဖြစ်လာခဲ့ပြီး အီဂျစ်ရှိ နာမည်ကျော် အလ်-အဇ်ဟာရ်တက္ကသိုလ် အစ္စလာမ့်တရားစီရင်ရေးဌာန၏ အကြီးအကဲဖြစ်သူ ဒေါက်တာအာလမ်မှာ စစ်သွေးကြွ IS အဖွဲ့နှင့် ၎င်းတို့၏ လူမဆန်သော လုပ်ရပ်များကိုလည်း ဝေဖန်ရှုတ်ချခဲ့သည်။

`IS အကြောင်းပြောတဲ့အခါမှာ ကျွန်တော်တို့ ဘယ်တော့မှ အစ္စလာမ့်နိုင်ငံတော်ဆိုတဲ့ အသုံးအနှုန်းကို မသုံးပါဘူး။ သူတို့တွေဟာ အစောကြီးကတည်းက နိုင်ငံမဟုတ်ပါဘူး။ အစ္စလာမ်နဲ့ တန်းလာညှိလို့မရသလို အစ္စလာမ့်ရဲ့ ပုံရိပ်ကိုတောင် ညစ်နွမ်းစေပါတယ်´ ဟု မွဖ်သီကြီးက ထပ်လောင်းပြောကြားခဲ့သည်။

တစ်နာရီကျော်ကြာသည့် ၎င်း၏ တရားဒေသနာတော်တွင် ဒေါက်တာအာလမ်မှာ မွတ်စလင်လူ့အဖွဲ့အစည်းနေဖြင့် မတူညီသော ဘာသာတရားများအကြား လေးစားသမှုထားကာ အစ္စလာမ်၏ စစ်မှန်သောသွန်သင်မှုများအား မည်ကဲ့သို့ လိုက်နာကျင့်သုံးခဲ့ကြသည်ဆိုခြင်းနှင့် ပတ်သက်၍ ကုရ်အာန်ကျမ်းတော်မြတ်မှ သင်ကြားမှုများ၊ မုဟမ္မဒ်သခင်၏ မိန့်မှာချက်များနှင့်
အစ္စလာမ့်သမိုင်းတို့ကို ကိုးကား၍ ထောက်ပြပြောဆိုခဲ့သည်။

ကမ္ဘာတစ်ဝှမ်းဖြစ်ပွားနေသည့် ပြဿနာများကိုလည်း မွတ်စလင်များက ချုပ်ငြိမ်းအောင် လုပ်ဆောင်ရမည်ဖြစ်ပြီး နှစ်ဦးနှစ်ဘက် ယုံကြည်မှုတည်ဆောက်ရမည်ဖြစ်ကြောင်း ထည့်သွင်း ပြောကြားခဲ့သည်။

ထို့နောက် ဒေါက်တာ အာလမ်မှာ ဘာသာပေါင်းစုံမှ ဘာသာရေးခေါင်းဆောင်၂၅ ဦးနှင့်အတူ ညစာအတူတကွစားသုံးခဲ့ပြီး တနင်္လာနေ့တွင် စင်ကာပူသမ္မတ၊ ၀န်ကြီးချုပ်တို့နှင့် တယ်လီဖုန်းမှတစ်ဆင့် စကားပြောဆိုခဲ့သည်။

Ref: thestar

January 27, 2015
ပဉ္စမမြောက် ဖာရိုဘုရင်၏ မိဖုရားအုတ်ဂူ တွေ့ရှိ

ဇန်န၀ါရီ ၅၊ ၂၀၁၅
M-Media

– လွန်ခဲ့သည့်နှစ်ပေါင်း ၄၅၀၀ ကျော်က အီဂျစ်နိုင်ငံကို အုပ်စိုးခဲ့သည့် ဖာရိုမင်းဆက်မှ နီဖာရီဖရီး၏ မိဖုရားဟု ယုံကြည်ရသော အုတ်ဂူကို ချက် ရှေ့ဟောင်းသုတေသီများက ရှာဖွေတွေ့ရှိခဲ့သည်ဟု သိရသည်။

ဘီစီ ၂၉၉၄ မှ ၂၃၄၅ ခုနှစ် အကြားတွင် မြှုပ်နှံထားခဲ့ဖွယ်ရှိသည့် အဆိုပါ အုတ်ဂူကို အီဂျစ်နိုင်ငံ ကိုင်ရိုမြို့ အနောက်တောင်ဘက် အဘူဆာရ် ဘုရင်နိုင်ငံဟောင်း သင်္ချိုင်းတွင် တွေ့ရှိခဲ့ခြင်းဖြစ်ပြီး ထိုနေရာ၌ နီဖာရီဖရီးအပါအ၀င် ပဉ္စမမြောက်မင်းဆက် ဖာရိုဘုရင်များ တည်ဆောက်ထားသည့် ပိရမစ်များ ရှိနေသောနေရာလည်း ဖြစ်သည်။

အဆိုပါ မိဖုရား၏ အမည်မှာ ခန်သာကောအက်စ်ဖြစ်ပြီး ယခုအုတ်ဂူ မတွေ့မီအချိန်အထိ ၎င်း၏ အမည်အား သိရှိခြင်းမရှိဟု အီဂျစ် ရှေးဟောင်း သုတေသန၀န်ကြီး မမ်ဒူ အလ်-ဒါမာတီက ပြောကြားခဲ့သည်။

ယခင်ကလည်း ထိုအမည်ဖြင့် မိဖုရားနှစ်ဦးအား ရှာဖွေတွေ့ရှိထားသည့်အတွက်ကြောင့် ယခုတွေ့ရှိခဲ့သည့် မိဖုရားမှာ ခန်သာကောအက်စ် ၃ ဖြစ်လာမည် ဖြစ်သည်။ သူမ၏အမည်နှင့် အဆင့်အတန်းတို့ကို အုတ်ဂူတွင် ကမ္ဗည်းရေးထိုးထားပြီး အုတ်ဂူ တည်ဆောက်သူက ရေးထိုးထားခြင်း ဖြစ်နိုင်သည်ဟု ဒါမာတီက ထည့်သွင်းပြောကြားခဲ့သည်။

`ဒီရှာဖွေတွေ့ရှိမှုဟာ ပထမဆုံး ပိရမစ်တွေကို တည်ဆောက်ခဲ့တဲ့ စတုတ္ထမြောက် ဖာရိုမင်းဆက်နဲ့အတူ ပဉ္စမမြောက် ဖာရိုမင်းဆက်ရဲ့ မသိရှိရသေးတဲ့အကြောင်းအရာတွေနဲ့ ပတ်သက်ပြီး ဖော်ထုတ်ဖို့ အကူအညီပေးပါလိမ့်မယ်´ ဟု ဒါမာတီက ဆိုသည်။

သုတေသနပညာရှင်များမှာ အဆိုပါ အုတ်ဂူအပြင် ထုံးကျောက်ဖြင့် ပြုလုပ်ထားသော အသုံးအဆောင် ၂၄ ခု၊ ကြေးနီဖြင့် ပြုလုပ်ထားသော အသုံးအဆောင် ၄ ခု အပါအ၀င် ပန်းကန်ခွက်ယောက် အသုံးအဆောင်ပေါင်း ၃၀ ခန့်ကိုလည်း တွေ့ရှိခဲ့သည်။

Ref : aljazeera

January 5, 2015
ဗုံးခွဲ တိုက်ခိုက်မှုကြောင့် ဆိုင်းနိုင်း ကျွန်းဆွယ်အား အီဂျစ် အစိုးရ အရေးပေါ် အခြေအနေ ကြေညာ

အောက်တိုဘာ ၂၅ ၊ ၂၀၁၄
M-Media

– စစ်သား ၃၀ သေဆုံးခဲ့သည့် အသေခံ ကားဗုံးခွဲ တိုက်ခိုက်မှု ဖြစ်ပွားခဲ့ပြီးနောက် ဆိုင်းနိုင်း ကျွန်းဆွယ်အား အီဂျစ်အစိုးရက အရေးပေါ် အခြေအနေ ကြေညာ လိုက်သည်ဟု သိရသည်။

အဆိုပါ တိုက်ခိုက်မှုမှာ ဆိုင်းနိုင်းရှိ ရှိခ် ဇူဝစ် အနောက်တောင်ပိုင်း ကာရ်မ် အလ်-ကွာဝါဒီအစ် စစ်ဆေးရေး ဂိတ်တွင် သောကြာနေ့ နေ့လည်ပိုင်းက ဖြစ်ပွားခဲ့ခြင်းဖြစ်ပြီး ပေါက်ကွဲမှုကြောင့် ရပ်ထားသောကားများလည်း မီးလောင်ပျက်စီးခဲ့ကာ တိုက်ခိုက်ရေးသမားများကလည်း သေနတ်များ ဒုံးကျည်များဖြင့် ပစ်ခတ်ခဲ့ကြသည်ဟု အီဂျစ် မီဒီယာများက ဖော်ပြခဲ့သည်။

ထိုတိုက်ခိုက်မှုမှာ ဒီမိုကရေစီနည်းကျ ရွေးကောက် တင်မြှောက်ထားသော သမ္မတ မော်စီအား ပြီးခဲ့သည့်နှစ်က စစ်တပ်က ဖြုတ်ချပြီးနောက်ပိုင်း စစ်တပ်အား ပစ်မှတ်ထားသည့် အကြီးဆုံး တိုက်ခိုက်မှုလည်း ဖြစ်သည်။

သမ္မတ အဘ်ဒဲလ် ဖာတာ အလ်-စီစီ မှ လက်မှတ်ရေးထိုးထုတ်ပြန်ခဲ့သော ကြေညာချက်တွင် အရေပေါ်အခြေအနေ ကြေညာခဲ့ခြင်းဖြစ်ပြီး အောက်တိုဘာ ၂၅ နံနက် ၃ နာရီမှစတင်ကာ သက်ရောက်မည်ဖြစ်ကာ ၃ လ ကြာမြင့်မည်ဖြစ်သည်။

ထို့ပြင် အရေးပေါ်အခြေအနေ ကြေညာထားသည့် ဒေသများအတွင်း ည ၇ နာရီမှ နံနက် ၇ နာအထိ ကာဖျူးအမိန့်လည်း ထုတ်ပြန်ထားပြီး သေဆုံးသွားသည့် စစ်သားများအတွက် ၀မ်းနည်ဖွယ်နေ့ကို ၃ ရက် သတ်မှတ်ခဲ့သည်။

ဗုံးခွဲတိုက်ခိုက်မှုတွင် ၂၈ ဦး ဒဏ်ရာရရှိခဲ့ပြီး အများစုမှာ အခြေအနေဆိုးရွားနေကြသည်ဟု သိရသည်။

ref_ Al Jazeera and agencies

October 25, 2014