စက်တင်ဘာ၊ ၂၈
M-Media
၈၅ နှစ်သက်တမ်းရှိနေပြီး ချောင်ထိုးခံထားရတဲ့ မွတ်စ်လင်မ် ညီနောင်များ အဖွဲ့ဟာ ၂၀၁၁ ခုနှစ်မှာ တရားဝင်ဖြစ်လာခဲ့တယ်။ ၂၀၁၃ ခုနှစ်မှာတော့ ပြန်လည် ပိတ်ပင်ခံရတယ်။
အာဏာရှင် မူဘာရက်ပြုတ်ကျပြီး ဒီမိုကရေစီနည်းလမ်းကျ ရွေးကောက်တင်မြှောက်ခံခဲ့ရတဲ့ သမ္မတဟောင်း မုဟမ္မဒ် မိုရ်စီကို ထောက်ခံကြသူတွေအပေါ် စစ်တပ် ကျားကန်ထားတဲ့ အစိုးရက ကြမ်းတမ်းစွာ နှိမ်နင်းပြီးတဲ့နောက် မွတ်စ်လင်မ်ညီနောင်များအဖွဲ့ကို ဖျက်သိမ်းဖို့၊ ၄င်းရဲ့ပိုင်ဆိုင်မှုအ၀၀ကို ဖယ်ရှားဖို့ အီဂျစ်တရားရုံးတစ်ခုက အမိန့်ထုတ်ပြန်ခဲ့တယ်။
မွတ်စ်လင်မ်ညီနောင်များအဖွဲ့၊ ဒီအဖွဲ့ရဲ့အတွေးအမြင်၊ ပိုင်ဆိုင်မှု နဲ့ ငွေကြေးထောက်ပံ့မှု ရှိနေတဲ့ NGO မှန်သမျှ ပိတ်ပင်ကြောင်း ကိုင်ရိုတရားစီရင်ရေးရုံးချုပ်က စက်တင်ဘာ ၂၃ ရက်၊ တနင်္လာနေ့မှာ အရေးပေါ်အနေအထားအရ ထုတ်ပြန်ကြေငြာခြင်းဖြစ်တယ်။
မွတ်စ်လင်မ်ညီနောင်များအဖွဲ့နဲ့ ချိတ်ဆက်နေတဲ့ ကျောင်း၊ ဆေးရုံ စတဲ့ လူမှုဝန်ဆောင်လုပ်ငန်းတွေ၊ ဒါနအဖွဲ့တွေနဲ့ ပတ်သက်လို့တော့ ရှင်းရှင်းလင်းလင်း မသိရသေးပါဘူး။
ဒီအမိန့်နဲ့ထုတ်ပြန်ရခြင်းရဲ့အကြောင်းရင်းကို တရားရုံးက မပြောကြားပါဘူး။ Tagammu လို့ကျော်ကြားတဲ့ လက်ဝဲပါတီ National Progressive Unionist Party က မွတ်စ်လင်မ်ညီနောင်များအဖွဲ့အပေါ် အကြမ်းဖက်သမား၊ နိုင်ငံရေးအားဖြင့် ဘာသာရေးကိုဖျက်ဆီးနေသူဆိုပြီး စွပ်စွဲတိုင်တန်းချက်ကြောင့်လို့ ယူဆဖွယ်ရှိပါတယ်။
၈၅ နှစ်သက်တမ်းရှိနေပြီး ချောင်ထိုးခံထားရတဲ့ မွတ်စ်လင်မ်ညီနောင်များအဖွဲ့ဟာ ၂၀၁၁ ခုနှစ်မှာ တရားဝင်ဖြစ်လာခဲ့တယ်။ အဲ့ဒီနောက် ၂၀၁၃ ခုနှစ်၊ မတ်လမှာ အရပ်သားလူ့အဖွဲ့အစည်းအဖြစ် မှတ်ပုံတင်ခဲ့တယ်။
မွတ်စ်လင်မ်ညီနောင်များအဖွဲ့ကိုပိတ်ပင်ကြောင်း အဆောတလျင်ဆုံးဖြတ်ရတဲ့အကြောင်းရပ်များကတော ……..
– ၁၉၂၈ ခုနှစ်မှာ အီမာမ် ဟတ်စာန်း အလ်ဘန်နားမှ စတင်ထူထောင်ခဲ့တဲ့ မွတ်စ်လင်မ်ညီနောင်များအဖွဲ့ဟာ ဘုရင် ဖာရူးက်လက်ထက် ပါလက်စတိုင်းကနေခွဲထွက်ပြီးတဲ့နောက် ၁၉၄၈ ခုနှစ်မှာ ပထမဆုံး ပိတ်ပင်ခံခဲ့ရတယ်။ အဲ့ဒီအချိန်တုန်းက မွတ်စ်လင်မ်ညီနောင်များအဖွဲ့မှာ ဌာနခွဲ ၂၀၀၀ နဲ့ အဖွဲ့သား သို့မဟုတ် ထောက်ခံအားပေးသူပေါင်း ခန့်မှန်းချေ ၅ သိန်းအထိ ရှိနေခဲ့တယ်။
– အဲ့ဒီနောက် အမျိုးသားရေးဝါဒီစစ်အရာရှိများနဲ့ပူးပေါင်းပြီး အီဂျစ်နိုင်ငံရဲ့ သက်ဦးဆံပိုင်ပဒေသရာဇ်စံနစ်ကို ၁၉၅၂ ခုနှစ်မှာဖြုတ်ချနိုင်ခဲ့တယ်။ ဒါပေမယ့် အာဏာသိမ်းခေါင်းဆောင်တွေက လောကီရေးသက်သက်ဝါဒကို သွတ်သွင်းလာတဲ့အခါ မွတ်စ်လင်မ်ညီနောင်များအဖွဲ့က ဆန့်ကျင်ကန့်ကွက်ခဲ့တဲ့အတွက် ပျားရည်ဆမ်းခရီးလမ်းက ၁၉၅၄ ခုနှစ်မှာ အချိန်တိုတိုအတွင်း အဆုံးသတ်သွားရတယ်။ အဖွဲ့ကို နောက်ထပ်တစ်ကြိမ် ပိတ်ပင်ခံရတယ်။ ဒီတစ်ခေါက်မှာတော့ အဖွဲ့သားတွေထောင်နဲ့ချီပြီး ထောင်သွင်းအကျဉ်းချခံလိုက်ရတယ်။ ထိန်းသိမ်းရေးစခန်း နဲ့ အကျဉ်းထောင်ထဲ နှစ်ပေါင်းများစွာ လူအမြောက်အများ ညှင်းပန်းနှိပ်စက်ခံခဲ့ကြရတယ်။
– နာဆာအစိုးရရဲ့နောက် ၁၉၇၀ ခုနှစ် အန်ဝါ ဆဒဒ် အီဂျစ်သမ္မတဖြစ်လာတော့ အကျဉ်းစံအဖွဲ့ဝင်တွေကို ဖြည်းဖြည်းချင်း လွှတ်ပေးခဲ့တယ်။ အဖွဲ့အစည်းက မသိမသာ ကျယ်ပြန့်ကြီးထွားလာပြန်တယ်။ ဒါပေမယ့် တရားမ၀င် အဖြစ်သတ်မှတ်ပြီး ကာလအတိုင်းအတာတစ်ရပ်ထိ နှိပ်ကွက်ခံရတယ်။ အထူးသဖြင့် ၁၉၇၄ ခုနှစ် အစ္စရေးနဲ့ ငြိမ်းချမ်းရေးသဘောတူ စာချုပ်ချုပ်ဆိုပြီး တဲ့နောက်ပိုင်း ဖြစ်တယ်။
– သမ္မတ ဟော့စ်နီ မုဘာရပ် လက်ထက် ၁၉၈၀ ခုနှစ်များအတွင်း အစ္စလာမ့်ရေးရာလှုပ်ရှားသူကျောင်းသားပေါင်းများစွာ မွတ်စ်လင်မ်ညီနောင်များအဖွဲ့နဲ့ ပူးပေါင်းပါဝင်ခဲ့ကြတယ်။ ဒီလိုနဲ့ အီဂျစ်ကျောင်းသားအသင်းအဖွဲ့များ နဲ့ တတ်သိပညာရှင်များအပေါ် မွတ်စ်လင်မ်ညီနောင်များအဖွဲ့က လွှမ်းမိုးလာခဲ့တယ်။ မုဘာရပ်လက်ထက်တစ်လျှောက်လုံး ပိတ်ပင်ခံအုပ်စုအဖြစ်သဘောထားလို့ လုံခြုံရေးတပ်ဖွဲ့ဝင်တွေရဲ့ဖြိုလဲမှုကို ခံခဲ့ရလင့်ကစား နောက်ဆယ်နှစ်အကြာမှာတော့ မွတ်စ်လင်မ်ညီနောင်များအဖွဲ့က ပိုမိုလက်တွေ့ဆန်တဲ့ ဒီမိုကရေစီနည်းကျ နိုင်ငံရေးစံနစ်ကို အပြန်တလဲလဲတောင်းဆိုခဲ့ကြတယ်။
လက်ရှိ ၂၀၀၃ ခုနှစ်မှာ မွတ်စ်လင်မ်ညီနောင်များအဖွဲ့က ထပ်မံပိတ်ပင်တားဆီးခံရသော်လည်း သူ့ရဲ့အဖွဲ့ဝင်အင်အားပမာဏ အနည်းဆုံး ၃ သိန်းက တစ်သန်းအထိရှိနေတယ်လို့ ခန့်မှန်းရတယ်။ အီဂျစ်လူဦးရေ ၈၅ သန်းထဲက အများစုထဲမှာလည်း မထင်မရှားနဲ့ များပြားစွာ ကျန်ရှိနေဆဲပါ။
Muslim Brotherhood … A History of Bans အား မြင့်မိုရ်မောင်မောင် မှ ဆီလျော်အောင်ပြန်ဆိုရေးသားသည်။
