Tag: EPL 2016-2017

မေ ၁၃၊ ၂၀၁၇
M-Media

– ယနေ့မနက်က ကစားခဲ့သည့် ၀က်စ်ဘရွန်းအသင်းနှင့်ပွဲတွင် ၁ ဂိုး ဂိုးမရှိဖြင့် အနိုင်ရရှိခဲ့ပြီးနောက် ချယ်ဆီးအသင်းမှာ ရီးမီးယားလိဂ်ချန်ပီယံ ဖြစ်လာခဲ့ပြီဖြစ်သည်။

အဝေးကွင်းတွင် ကစားခဲ့ရသည့် အဆိုပါပွဲတွင် ချယ်ဆီးမှာ အိမ်ရှင်ဝက်စ်ဘရွန်းကို ခက်ခက်ခဲခဲ ရင်ဆိုင်ခဲ့ရပြီး လူစားဝင်လာသည့် ဘတ်ရှူဝါယီ၏ ၈၂ မိနစ်သွင်းဂိုးဖြင့် အနိုင်ရရှိခဲ့သည်။

ထိုနိုင်ပွဲမှာ ချယ်ဆီး၏ ယခုရာသီ ၂၈ ပွဲမြောက် နိုင်ပွဲဖြစ်ပြီး ရာသီပြီးဆုံးရန် ၂ ပွဲသာလိုတော့သည့်အချိန်တွင် ဒုတိယနေရာမှ စပါးအသင်းအား ၁၀ မှတ်ဖြတ်ကာ ဗိုလ်စွဲခဲ့ခြင်းဖြစ်သည်။

ချယ်ဆီနည်းပြ ကွန်တီမှာလည်း မော်ရင်ဟို၊ အန်ဆယ်လော့တီ၊ ပယ်လီဂရီနီတို့ပြီးနောက် ပွဲဦးထွက်ရာသီမှာပင် ပရီးမီးယားလိဂ်ဖလား ဆွတ်ခူးနိုင်ခဲ့သည့် နည်းပြအဖြစ် စာရင်းဝင်သွားခဲ့သည်။ ယခုဖလားက ၃ နှစ်အတွင်း ချယ်ဆီး၏ ဒုတိယမြောက်ဖလားဖြစ်ပြီး၊ စုစုပေါင်း ၆ ခုမြောက်ဖလားလည်းဖြစ်သည်။

ချယ်ဆီးမှာ မေလ ၂၇ ရက်နေ့တွင် FA ဖလား ဗိုလ်လုပွဲအဖြစ် အာဆင်နယ်အသင်းနှင့် ကစားရန် ရှိနေသည်။

Ref: Aljazeera

မေ ၁၁၊ ၂၀၁၇
M-Media

– သောကြာနေ့ကစားမည့် ၀က်စ်ဘရွန်းအသင်းနှင့်ပွဲတွင် အနိုင်ရယူပြီး ပရီးမီးယားလိဂ်ချန်ပီယံ ဖြစ်လာရန် မျှော်လင့်နေသည်ဟု ချယ်ဆီးဂိုးသမား သီဘောက် ကော်တိုအစ်က ပြောကြားလိုက်သည်။

တနင်္လာနေ့က မစ်ဒယ်ဘရော့အသင်းအား ၃ ဂိုးပြတ်ဖြင့် အနိုင်ရရှိခဲ့သည့် ချယ်ဆီးအသင်းမှာ လက်ကျန် ၃ ပွဲ ကစားရန် ကျန်ရှိနေသည့်အချိန်တွင် ဒုတိယနေရာမှ စပါးအသင်းကို ၇ မှတ် ဖြတ်ထားနိုင်ပြီး တစ်ပွဲအနိုင်ရရုံမျှဖြင့် ပရီးမီးယားလိဂ်ဖလားကို ဆွတ်ခူးနိုင်မည်ဖြစ်သည်။

“ပထမဆုံး ကြိုးစားမှုမှာပဲ ဖြစ်လာဖို့ ကျွန်တော်တို့ မျှော်လင့်ပါတယ်။ ၀က်စ်ဘရွန်းဟာ ကစားရခက်တဲ့ အသင်းဆိုတာ ကျွန်တော်တို့သိတယ်။ အင်မတန်ခက်ခဲတဲ့ ပွဲတစ်ခုကို ကျွန်တော်တို့ ဒီမှာ ကြုံတွေ့ခဲ့ရပြီးပါပြီ” ဟု ဒီဇင်ဘာက စတမ်းဖို့ဒ်ဘရစ်ခ်ျတွင် ၀က်စ်ဘရွန်းအသင်းအား ၁ ဂိုး ဂိုးမရှိဖြင့် အနိုင်ရရှိခဲ့သည့် ပွဲကို ရည်ညွှန်းတွင် ကော်တိုအစ်က ပြောကြားခဲ့သည်။

“သူတို့ဆီကို သွားကစားတဲ့ ပြိုင်ဘက်တိုင်းက ခက်ခဲမှုတွေကို ရင်ဆိုင်ရပါတယ်။ သူတို့ဟာ ပရီးမီးယားလိဂ်ဇယားမှာ အဆင့် ၈ ရှိနေတယ်။ အင်မတန်ကောင်းတဲ့ ဘောလုံးရာသီတစ်ခုကို ရရှိခဲ့ပါတယ်”

ကော်တိုအစ်မှာ ၂၀၁၅ ခုနှစ် မော်ရင်ဟိုလက်အောက်တွင် ပရီးမီးယားလိဂ်ဖလားကို ကိုင်မြှောက်နိုင်ခဲ့ပြီး ၃ နှစ်အတွင်း ဒုတိယအကြိမ် ကိုင်မြှောက်နိုင်မည့် အခွင့်အရေးလည်း ရှိနေသည်။

Ref: Alarabiya

မေ ၈၊ ၂၀၁၇
M-Media

– ချယ်ဆီးအသင်း၏ ကွင်းလယ်လူ အန်ဂိုလို ကန်တီမှာ ဘောလုံးကလောင်ရှင်များအသင်း(FWA) က ရွေးချယ်သော ၂၀၁၇ ခုနှစ် ပရီးမီးယားလိဂ် တစ်နှစ်တာအကောင်းဆုံး ဘောလုံးသမားဆုကို ရရှိခဲ့သည်ဟု သိရသည်။

ပြင်သစ်လက်ရွေးစင် ကန်တီမှာ မဲအရေအတွက် ၃၄၀ ရရှိခဲ့ပြီး အသင်းဖော် အေဒင် ဟဇာ့ဒ်က ဒုတိယ၊ စပါးကွင်းလယ်လူ ဒဲလီအလီက တတိယ အသီးသီး ရရှိခဲ့သည်။

ကန်တီနှင့် ဟဇာ့ဒ်တို့မှာ ကလောင်ရှင်များ၏ မဲအရေအတွက် ၅၆ ရာခိုင်နှုန်းကျော်ကို ရရှိခဲ့ပြီး၊ မဲပေးခံခဲ့ရသည့် ကစားသမားအရေအတွက်မှာ စံချိန်တင် ၁၇ ဦး ရှိခဲ့သည်။

လက်စတာအသင်းမှ ယခုနှစ်ဘောလုံးရာသီအစတွင် ချယ်ဆီးသို့ ကန်ဒေါ်လာ ၃၂ သန်းဖြင့် ပြောင်းရွှေ့လာခဲ့သည့် ကန်တီမှာ အသင်း၏ အမာခံ ကွင်းလယ်ကစားသမား ဖြစ်လာခဲ့သည်။

ချယ်ဆီးမှာ လန်ကျန် ၄ ပွဲတွင် ၂ ပွဲ အနိုင်ရပါက ပရီးမီးယားလိဂ် ချန်ပီယံ ဖြစ်လာမည်ဖြစ်ပြီး မနှစ်က လက်စတာနှင့် ပရီးမီးယားလိဂ်ဖလားကို ဆွတ်ခူးနိုင်ခဲ့သည့် ကန်တီမှာ အသင်း ၂ နှစ်သင်းဖြင့် ပရီးမီးယားလိဂ်ဖလားကို ကိုင်မြှောက်နိုင်သည့် ပထမဆုံးကစားသမား ဖြစ်လာမည်ဖြစ်သည်။

“ဒီဆုကို ရတယ်ဆိုတာ တော်တော်လေး ဂုဏ်ယူစရာ အရာတစ်ခုပါ။ ချယ်ဆီးအသင်းနဲ့ ပရီးမီးယားလိဂ်မှာ ကြီးကျယ်တဲ့ ကစားသမားတွေ အများကြီးရှိတဲ့အထဲ ဘောလုံးကလောင်ရှင်များအသင်းက ကျွန်တော့်ကို တစ်နှစ်တာ အကောင်းဆုံး ဘောလုံးသမားအဖြစ် ရွေးချယ်လိုက်တာဟာ ကျွန်တော့်ရဲ့ ကစားသမားဘ၀မှာ ဂုဏ်ယူစရာ အချိန်တစ်ခု ဖြစ်ပါတယ်” ဟု ကန်တီက ပြောကြားခဲ့သည်။

ကန်တီမှာ ပြီးခဲ့သည့်လကလည်း ပရော်ဖက်ရှင်နယ် ဘောလုံးသမားများအသင်းက ပေးအပ်ခဲ့သည့် တစ်နှစ်တာ အကောင်းဆုံး ကစားသမားဆုကို ရရှိခဲ့သည်။

FWA ၏ တစ်နှစ်တာ အကောင်းဆုံး ဘောလုံးသမားဆုကို လာမည့် မေလ ၁၈ ရက်နေ့တွင် လန်ဒန်မြို့၌ ပေးအပ်ချီးမြှင့်သွားမည်ဖြစ်ပြီး အကြိမ် ၇၀ မြောက် ဆုပေးပွဲအခမ်းအနား ဖြစ်လာမည်ဖြစ်သည်။

Ref: Telegraph