News @ M-Media

Tag: EPL 2017-2018

  • သောကြာနေ့ ဘောလုံးသတင်းများ

    သောကြာနေ့ ဘောလုံးသတင်းများ

    ဧပြီ ၂၀၊ ၂၀၁၈
    M-Media

    – ဒီရာသီကုန်မှာ အာဆင်နယ်အသင်းက ထွက်တော့မယ့် နည်းပြ အာဆင်ဝင်းဂါးဟာ ဘောလုံးလောကကနေ အနားယူမှာမဟုတ်သေးဘဲ နိုင်ငံအသင်းနည်းပြ ဒါမှမဟုတ် အားကစားဒါရိုက်တာအဖြစ်နဲ့ ဘောလုံးလောကထဲမှာ ဆက်ရှိနေမယ်လို့ သိရပါတယ်။ ဒါပေမယ့် အခြား ကလပ်အသင်းတစ်ခုကို နည်းပြဖို့တော့ မရှိပါဘူး။ ၀င်းဂါးဟာ အာဆင်နယ်ကနေ ထွက်ခွာတော့မယ်ဆိုတဲ့အကြောင်း ဒီကနေ့မှာ ထုတ်ပြန်ခဲ့တာပါ။

    – အာဆင်နယ်အသင်းဟာ ၀င်းဂါးနေရာမှာ အစားထိုးဖို့အတွက် ဘာစီလိုနာနည်းပြဟောင်း လူးဝစ် အန်းရစ်ကို ဆက်သွယ်နေတယ်လို့ သတင်းတွေထွက်လာပါတယ်။ ဒါပေမယ့် လစာကိစ္စ အဆင်မပြေနိုင်ဘူးဆိုတဲ့ ပြောကြားမှုတွေ ရှိနေပြီး အာဆင်နယ်ကစားသမားဟောင်း ဗီရာယာနဲ့ မီခေးလ်အာတီတာတို့လည်း အာဆင်နယ်နည်းပြ ဖြစ်လာနိုင်ကြောင်း သုံးသပ်မှုတွေ ရှိနေပါတယ်။

    – အဆင့်လေးနေရာက စပါးနဲ့ ၅ မှတ်ကွာဟနေပေမယ့် အသင်းဟာ ချန်ပီယံလိဂ်ဝင်ခွင့်နေရာ ရနိုင်ဖို့ အခွင့်အရေးရှိသေးပြီး ဒီအတွက် ဆက်လက်တိုက်ပွဲဝင်သွားမယ်လို့ ချယ်ဆီးနည်းပြ အန်တိုနီယို ကွန်တီက ပြောကြားလိုက်ပါတယ်။

    – အာဆင်နယ်ကနေ ထွက်ခွာတော့မယ်ဆိုတဲ့သတင်းကြောင့် ၀င်းဂါးအတွက် ပျော်ရွှင်မိတယ်လို့ ပြိုင်ဘက် မန်ယူနည်းပြဟောင်း ဆာအဲလက် ဖာဂူဆန်က ဒီကနေ့မှာ ကြေငြာချက် ထုတ်ပြန်ခဲ့ပါတယ်။ အာဆင်နယ်မှာ ၀င်းဂါး စွမ်းဆောင်ခဲ့တာတွေအတွက် လေးစားကြောင်း၊ နည်းပြတစ်ယောက်ကို တစ်ရာသီ၊ နှစ်ရာသီလောက်သာခံတဲ့ ခေတ်သစ်ဘောလုံးလောကမှာ အာဆင်နယ်လို့အသင်းမျိုးမှာ ဒီလောက်ကြာကြာ ရှိနေနိုင်တာဟာ ၀င်းဂါးရဲ့အောင်မြင်မှုကို ပြသနေတာဖြစ်ကြောင်း ဖာဂူဆန်က ထည့်သွင်းပြောဆိုခဲ့ပါတယ်။

    – ရော်နယ်ဒိုဟာ ဝေဖန်သူတွေကို အသံတိတ်စေဖို့ အမြဲတမ်း နည်းလမ်းရှာနေသူဖြစ်ပြီး တိုက်စစ်မှူးချင်းယှဉ်ရင်တောင် သူဟာ သူများထက် ပိုပြီးထူးခြားတာတွေကို လုပ်ပြလေ့ရှိတယ်လို့ အသင်းဖော် ရီးယဲလ်နောက်ခံလူ ရာဖေးလ်ဗာရိန်းက ပြောကြားလိုက်ပါတယ်။ ရော်နယ်ဒိုဟာ ရီးယဲလ်အတွက် အခုရာသီ ပြိုင်ပွဲပေါင်းစုံမှာ ၃၉ ပွဲကစားပြီး ၄၂ ဂိုး သွင်းထားပါတယ်။

    Ref : Goal

  • ရာသီကုန်လျှင် အာဆင်ဝင်းဂါး ထွက်တော့မည်ဟု အာဆင်နယ်ကြေငြာ

    ရာသီကုန်လျှင် အာဆင်ဝင်းဂါး ထွက်တော့မည်ဟု အာဆင်နယ်ကြေငြာ

    ဧပြီ ၂၀၊ ၂၀၁၈
    M-Media

    – အသင်းရဲ့ သက်တော်ရှည်နည်းပြ အာဆင်ဝင်းဂါးဟာ ဒီနှစ်ရာသီအကုန်မှာ အသင်းကနေ ထွက်ခွာတော့ မယ်လို့ အာဆင်နယ်က ကြေငြာလိုက်ပါတယ်။

    အသက် ၆၈ နှစ်အရွယ် ၀င်းဂါးဟာ အာဆင်နယ်မှာ ၂၂ နှစ်နီးပါး နည်းပြခဲ့တာဖြစ်ပြီး ပရီးမီးယားလိဂ် ၃ ကြိမ်၊ FA ဖလား ၇ ကြိမ် ရရှိအောင် စွမ်းဆောင်ပေးခဲ့ပါတယ်။

    ဒါပေမယ့် ပြီးခဲ့တဲ့နှစ်တွေမှာ အာဆင်နယ်အသင်း ဖလားလက်မဲ့ဖြစ်မှုက ၀င်းဂါးအပေါ် ဝေဖန်မှုတွေ မြင့်တက်စေခဲ့ပြီး အသင်းကနေ ထွက်ခွာဖို့ တောင်းဆိုမှုတွေ ရှိလာခဲ့ပါတယ်။ လက်ရှိ အာဆင်နယ်ဟာ ပရီးမီးယားလိဂ်မှာ အဆင့် ၆ နေရာ ရှိနေပြီး ၂ နှစ်ဆက်တိုက် အဆင့် ၄ နေရာနဲ့ လွဲချော်တာ ဖြစ်ပါတယ်။

    ဒါ့ကြောင့် ချန်ပီယံလိဂ်ဝင်ခွင့် ရရှိဖို့အတွက် ယူရိုပါလိဂ်မှာ ဗိုလ်စွဲဖို့ လိုအပ်နေပါတယ်။

    “မေ့လို့မရတဲ့ နှစ်ပေါင်းများစွာ အသင်းမှာ တာဝန်ထမ်းဆောင်ခွင့်ရခဲ့တဲ့ ကျွန်တော် အလွန်ပဲ ကျေးဇူးတင်ရှိပါတယ်။ ကျွန်တော်အသင်းကို စိတ်ရောကိုယ်ပါ နှစ်မြှုပ်ပြီး နည်းပြခဲ့တာ ဖြစ်ပါတယ်။ အသင်းရဲ့တန်ဖိုးတွေကို ထိန်းသိမ်းသွားကြပါလို့ အာဆင်နယ်ချစ်သူအားလုံးကို ပြောချင်ပါတယ်” လို့ ၀င်းဂါးက ပြောကြားခဲ့ပါတယ်။

    အာဆင်နယ်ကတော့ နည်းပြအသစ်ကို အမြန်ဆုံး ခန့်အပ်သွားမယ်လို့ ဆိုပါတယ်။

    အာဆင်နယ်အသင်းမှာ ရှယ်ယာအများဆုံးဖြစ်တဲ့ စတန် ကရွန်ကေးက အာဆင်ဝင်းဂါး ထွက်တော့မယ်လို့ ကြေငြာရမှုဟာ အခက်ခဲဆုံး နေ့တွေထဲက တစ်ခုဖြစ်ကြောင်း ပြောကြားခဲ့ပါတယ်။

    “ကျွန်တော်တို့ အာဆင်နယ်အသင်းမှာ ပါဝင်လာမှုရဲ့ အဓိကအကြောင်းအရင်းတွေထဲက တစ်ခုဟာ အသင်းကို ကွင်းတွင်း၊ ကွင်းပြင်မှာ အာဆင်ဝင်းဂါးရဲ့ စွမ်းဆောင်ပေးနိုင်မှုတွေကြောင့် ဖြစ်ပါတယ်”

    ၁၉၉၆ ခုနှစ် အောက်တိုဘာ ၁ ရက်န့က ခန့်အပ်ခြင်းခံရတဲ့ ၀င်းဂါးဟာ လက်ရှိ ပရီးမီးယားလိဂ်ရဲ့ သက်တမ်းအရင့်ဆုံး နည်းပြဖြစ်ပြီး စံချိန်တင် ပွဲပေါင်း ၈၂၃ ပွဲအထိ ကိုင်တွယ်ထားပါတယ်။

    Ref: BBC

  • ကြာသာပတေးနေ့ ဘောလုံးသတင်းတို

    ကြာသာပတေးနေ့ ဘောလုံးသတင်းတို

    ဧပြီ ၁၉၊ ၂၀၁၈
    M-Media

    ဗီဒီယိုအကူဒိုင်

    – မန်ယူနည်းပြ မော်ရင်ဟိုမှာ ကမ္ဘာ့အကောင်းဆုံး နည်းပြတစ်ယောက်ဖြစ်ကြောင်း သက်သေထပ်ပြရန်မလိုဘဲ ယခုရာသီတွင် အသင်းအတွက် အကောင်းဆုံး ဆောင်ရွက်ပေးနိုင်ခဲ့သည်ဟု စပါးနည်းပြ ပိုချက်တီနိုက ပြောကြားလိုက်သည်။ စပါးနှင့် မန်ယူတို့မှာ စနေနေ့တွင် FA ဖလား ဆီမီးဖိုင်နယ်ပွဲကို ကစားရမည်ဖြစ်သည်။

    – စပိန်ဘုရင့်ဖလားဖိုင်နယ် ဘာစီလိုနာနှင့်ပွဲတွင် မက်ဆီကို ကြမ်းကြမ်းတမ်းတမ်း ဟန့်တားမိပါက မိမိအနေဖြင့် အာဂျင်နီးနားသို့ ပြန်၍ရတော့မည်မဟုတ်ဟု ဆီးဗီးလား နောက်ခံလူ ဂါဘရီယဲလ် မာကာဒိုက ပြောကြားလိုက်သည်။ မက်ဆီနှင့် မာကာဒိုတို့မှာ အဂျင်တီးနားလက်ရွေးစင်အသင်းမှ အသင်းဖော်များဖြစ်သည်။

    – အသင်းရှိ အင်္ဂလန်ကွင်းလယ်လူ ၀ီလ်ရှိုင်းယားနှင့် နှစ်ရှည်စာချုပ် ချုပ်ဆိုနိုင်မည်ဟု ယုံကြည်ကြောင်း အာဆင်နယ်နည်းပြ အာဆင်ဝင်းဂါးက ပြောကြားလိုက်သည်။ အခုနှစ်ကုန်တွင် အာဆင်နယ်နှင့် စာချုပ်သက်တမ်း ကုန်ဆုံးတော့မည့် ၀ီလ်ရှိုင်းယားမှာ သက်တမ်းတိုးရန် တုံ့ဆိုင်းနေပြီး လီဗာပူးလ်၊ အဲဗာတန်၊ မန်စီးတီးနှင့် ၀ု လ်ဗ်အသင်းတို့က ခေါ်ယူရန် စိတ်ဝင်စားနေသည်။

    – ယခုနှစ်အတွင်း ကျင်းပမည့် ရုရှားကမ္ဘာ့ဖလား ပြိုင်ပွဲတွင် ဗီဒီယိုအကူဒိုင်က ပြန်လည်ကြည့်ရှုသုံးသပ်သည့် မြင်ကွင်းများကို ပထမဆုံးအဖြစ် ကွင်းအတွင်း စခရင်ကြီးများနှင့် ပြသသွားရန် စီစဉ်နေသည်။ လက်ရှိတွင် အဆိုပါ ဗီဒီယိုအကူဒိုင်နည်းလမ်းမှာ ဝေဖန်မှုများ ခံနေရပြီး အထူးသဖြင့် ပြန်လည်သုံးသပ်မှုများကို ပရိတ်သတ်က မမြင်ရသည့်အတွက်ကြောင့် ဖြစ်သည်။

    Ref: Goal,BBC

  • ဗုဒ္ဓဟူးနေ့ ဘောလုံးသတင်းတို

    ဗုဒ္ဓဟူးနေ့ ဘောလုံးသတင်းတို

    ဧပြီ ၁၈၊ ၂၀၁၈
    M-Media

    PFA ၏ တစ်နှစ်တာအကောင်းဆုံး ဘောလုံးသမား စာရင်း

    – PFA ရဲ့ ဒီနှစ် ပရီမီးယားလိဂ် အကောင်းဆုံးကစားသမား ၁၁ ယောက်စာရင်း ပေါ်ထွက်လာခဲ့ပြီး ချန်ပီယံ မန်စီးတီးက ၅ ယောက်၊ စပါးအသင်းက ၃ ယောက်၊ မန်ယူ၊ လီဗာပူးလ်နဲ့ ချယ်ဆီးတို့က တစ်ယောက်စီ ပါဝင်ခဲ့ပါတယ်။

    – လာမယ့် နွေရာသီအပြောင်းအရွှေ့ဈေးကွက်မှာ ရောင်းထုတ်ခံရမယ်ဆိုတဲ့ သတင်းတွေ ထွက်နေပေမယ့် မန်ယူအလယ်အတန်းလူ ပေါ့ဘာက အသင်းမှာပဲ ဆက်ရှိနေချင်တယ်လို့ ပြောကြားလိုက်ပါတယ်။ မော်ရင်ဟိုလက်အောက်မှာ ပေါ့ဘာဟာ ပုံမှန်ကစားခွင့်မရဘဲ ဖြစ်နေပြီး ပီအက်စ်ဂျီနဲ့ ရီးယဲလ်တို့က ခေါ်ယူဖို့ ကြိုးစား
    နေကြပါတယ်။

    – ယူအီးအက်ဖ်အေရဲ့ ချန်ပီယံလိဂ် တစ်ပတ်တာအကောင်းဆုံးဂိုး (Champions League Goal of the Week) ဆုကို လီဗာပူးတိုက်စစ်မှူး မိုဟာမက် ဆာလာဟ်က ရီးယဲလ်တိုက်စစ်မှူး ရော်နယ်ဒိုကို ကျော်ဖြတ်ကာ ရရှိသွားခဲ့ပါတယ်။ ဆာလာဟ်ဟာ မန်စီးတီးကို ၂ ဂိုး ၁ ဂိုးနဲ့ အနိုင်ရတဲ့ပွဲမှာ အနီးကပ် ကန်သွင်းယူခဲ့တဲ့ဂိုးနဲ့ ဒီဆုကို ရရှိတာ ဖြစ်ပါတယ်။

    – အခုနှစ်ချန်ပီယံ မန်စီးတီးအသင်းဟာ ပရီးမီးယားလိဂ်ကို လွှမ်းမိုးဖို့ ခြေလှမ်းစတင်လိုက်ပြီလို့ ချယ်ဆီးနည်းပြ အန်တိုနီယို ကွန်တီက ၀န်ခံလိုက်ပြီး သူ့အနေနဲ့ ဒီရာသီမှာ ပံ့ပိုးမှု အပြည့်အ၀ မရခဲ့ဘူးလို့လည်း ပြောကြားခဲ့ပါတယ်။

    Ref : Goal

  • အင်္ဂါနေ့ ဘောလုံးသတင်းတို

    အင်္ဂါနေ့ ဘောလုံးသတင်းတို

    ဧပြီ ၁၇၊ ၂၀၁၈
    M-Media

    – လာမယ့်နွေရာသီမှာ ဘန်ဇီမာနဲ့ ဘေးလ်တို့ အသင်းကနေ ထွက်ခွာတော့မယ်ဆိုတဲ့ သတင်းတွေကို ရီးယဲလ်မက်ဒရစ်နည်းပြ ဇီဒိန်းက ငြင်းဆိုလိုက်ပြီး သူတို့နှစ်ဦးရဲ့ ရီးယဲလ်အနာဂတ်ဟာ အန္တရာယ်မရှိဘူးလို့ ပြောကြားလိုက်ပါတယ်။ ဘေးလ်ဟာ လက်ရှိမှာ ဒဏ်ရာတွေနဲ့ ရုန်းကန်နေရပြီး ဘန်ဇီမာကလည်း ရော်နယ်ဒိုရဲ့ လောင်းရိပ်အောက်မှာ ကစားနေရတာကြောင့် နှစ်ယောက်စလုံးဟာ ရီးယဲလ်မှာ မပျော်တော့ဘူးဆိုတဲ့ သတင်းတွေလည်း ထွက်နေပါတယ်။

    – ပြီးခဲ့တဲ့တစ်ပတ် မန်ယူကိုရှုံးခဲ့တဲ့ ဒါဘီပွဲမှာ ဒူးခေါင်းဒဏ်ရာရခဲ့တဲ့ မန်စီးတီးတိုက်စစ်မှူး အဂူရိုဟာ အသင်းနဲ့ လက်ကျန်ပွဲတွေအားလုံးမှာ ပါဝင်နိုင်မှာမဟုတ်တော့ဘဲ ရုရှားကမ္ဘာ့ဖလားပွဲအမှီ ပြန်ကောင်းလာဖို့ ရုန်းကန်ရတော့မှာ ဖြစ်ပါတယ်။ အဂူရိုဟာ ဒူးခေါင်းဒဏ်ရာကြောင့် တစ်လတာနားနေရာကနေ ပြန်လည်ကစားတဲ့ပွဲမှာ ဒီလို ဒဏ်ရာထပ်ရခဲ့တာပါ။

    – ပြီခဲ့တဲ့တစ်ပတ် ရီးယဲလ်နဲ့ ဂျူဗင်တပ်စ်တို့ရဲ့ ချန်ပီယံလိဂ် ကွာတားဖိုင်နယ် ဒုတိယအကျော့ နောက်ဆုံးမိနစ်မှာ ရီးယဲလ်ဖက်ကို အငြင်းပွားဖွယ် ပင်နယ်တီပေးခဲ့တယ်တဲ့ အင်္ဂလိပ်ဒိုင်လူကြီး မီခေးလ် အိုလီဗာနဲ့ သူ့ရဲ့ဇနီးတို့ဟာ ခြိမ်းခြောက်မှုတွေ ခံနေရပြီး ဒီကိစ္စအတွက် ပြင်းပြင်းထန် ရှုတ်ချတယ်လို့ ဥရောပဘောလုံးအဖွဲ့ချုပ် UEFA က ပြောကြားလိုက်ပါတယ်။

    – အာဆင်နယ်အသင်း ယူရိုပါဖလား ရရှိမှုဟာ ၀င်းဂါး အသင်းမှာဆက်ရှိနေဖို့ အထောက်အကူဖြစ်လိမ့်မယ်လို့ တိုက်စစ်မှူး အလက်ဇန်ဒရေ လကာဇက်တီက ပြောကြားလိုက်ပါတယ်။ ၀င်းဂါးဟာ အသင်းနဲ့ စာချုပ်သက်တမ်း ၁ နှစ် ကျန်နေသေးပေမယ့် ဒီနှစ်အကုန်မှာ အသင်းကနေ ထွက်တော့မယ်လို့ သတင်းတွေထွက်နေတာပါ။ ၀င်းဂါးဟာ သူ့ရဲ့ နှစ် ၃၀ နည်းပြသက်တမ်းတစ်လျှောက်မှာ ယူရိုပါဖလားကို တစ်ကြိမ်မှ မရဖူးသေးပါဘူး။

    Ref: Goal