News @ M-Media

Tag: EPL2020-21

  • စနနေ့ ဘောလုံးသတင်းများ

    စနနေ့ ဘောလုံးသတင်းများ

    စက်တင်ဘာ ၁၂၊ ၂၀၂၀
    M-Media

    ကွင်းအတွင်း ပရိသတ်ဝင်ခွင်ပြုရေး ပရီးမီးယားလိဂ်က ဗြိတိန်အစိုးရကို တောင်းဆို

    ဘောလုံးပွဲတွေမှာ ပရိတ်သတ်ဝင်ခွင့်ပြုရေး ကန့်သတ်မယ့် အစိုးရရဲ့အစီအစဉ်ကို ပြန်လည်စဉ်းစားပေးဖို့ ပရီးမီးယားလိဂ်က ဗြိတိန်အစိုးရကို စာပို့တောင်းဆိုလိုက်ပါတယ်။ အောက်တိုဘာလ ၁ ရက်နေ့ကစပြီး ပရီးမီးယားလိဂ်ဘောလုံးပြိုင်ပွဲတွေမှာ ပရိတ်သတ်တွေ ဝင်ခွင့်ပြုဖို့ စီစဉ်ထားတာပါ။ ဒါပေမယ့် ကိုဗစ်ကူးစက်မှု မြင့်တက်လာတာကြောင့် ဒီအစီအစဉ်ကို ပြန်သုံးသပ်မယ်လို့ ဗြိတိန်ဝန်ကြီးချုပ်က ဗုဒ္ဓဟူးနေ့မှာ ထုတ်ပြန်ပါတယ်။ ပရီးမီးယားလိဂ် ကျင်းပရေး ကော်မတီက ပရိတ်သတ်မပါဘဲ ကစားရင် တစ်လကို ပေါင် သန်း ၁၀၀ လောက်ရှုံးနိုင်ပြီး လူ ၁ သိန်းလောက်ရဲ့ အလုပ်အကိုင်တွေလည်း ဆုံးရှုံးမယ်လို့ ထောက်ပြခဲ့ပါတယ်။ ကိုဗစ်ကြောင့် ခေတ္တရပ်နားပြီး ပြန်စတဲ့ ဇွန်လကစလို့ ဥရောပဘောလုံးပြိုင်ပွဲတွေမှာ ပရိတ်သတ်မပါဘဲ ကစားခဲ့ကြတာ
    ဖြစ်ပါတယ်။

    မလိုအပ်ဘဲ ငွေမဖြုန်းဟု ကလော့ပ်ပြော

    အပြောင်းအရွှေ့စျေးကွက်မှာ မလိုအပ်ဘဲ ငွေကြေးဖြုန်းတီးသွားမှာ မဟုတ်ဘူးလို့ လီဗာပူးလ်နည်းပြ ယာဂန်ကလော့ပ်က ပြောကြားလိုက်ပါတယ်။ ပရီးမီးယားလိဂ်ချိန်ပီယံဟာ လက်ရှိအချိန်အထိ ကစားသမားတစ်ဦးသာ ဝယ်ယူထားပြီး ပြင်ဆင်မှုအားနည်းတယ်လို့ ဝေဖန်ခံနေရပါတယ်။ က​လော့ပ်ကတော့ ဒီကစားသမားမရှိလို့ ရာသီစလိုမရတော့ဘူးဆိုတဲ့အတွေးမျိုး လီဗာပူးလ်ရောက်စဉ်ကတည်းက မရှိကြောင်း ထိုက်တန်သလောက် ပြန်ရတဲ့အခြေအနေမျိုးမှသာ မိမိတို့က ငွေကြေးသုံးစွဲကြောင်း ထည့်သွင်း ပြောဆိုခဲ့ပါတယ်။ လာမယ့်ဘောလုံးရာသီဟာ အရင်နှစ်ကထက် ပိုမိုခက်ခဲလိမ့်မယ်လို့လည်း သူက ဆိုပါတယ်။

    အသင်း၏အုတ်မြစ် ကန်တေကို ချယ်ဆီးက ရောင်းမည်မဟုတ်

    အန်ဂိုလိုကန်​တေဟာ အသင်းရဲ့ အခြေခံအုတ်မြစ်ဖြစ်ပြီး ရောင်းချဖို့ အစီအစဉ်မရှိဘူးလို့ ချယ်ဆီးနည်းပြ ဖရန့်လမ်းပတ်က ပြောကြားလိုက်ပါတယ်။ ကန်တေကို ခေါ်ယူဖို့ ဥရောပအသင်းကြီး တော်တော်များများက ကြိုးစားနေကြပြီး အသင်းက ထွက်မယ်လို့လည်း သတင်းတွေ ထွက်နေတာ ဖြစ်ပါတယ်။ လမ်းပတ်က ပြီးခဲ့တဲ့နှစ်မှာ ဒဏ်ရာကြောင့် ကန်တေ ခြေစွမ်းမပြနိုင်ပေမယ့် လက်ရှိ ကြံ့ခိုင်မှုပြည့်၀နေပြီး အဆုံးရှုံးမခံနိုင်ဘူးလို့ ထည့်သွင်းပြောဆိုခဲ့ပါတယ်။ ချယ်ဆီးဟာ ပရီးမီးယားလိဂ်အဖွင့်ပွဲစဉ်အဖြစ် တနင်္လာနေ့မှာ ဘရိုက်တန်နဲ့ ကစားရမှာ ဖြစ်ပါတယ်။

    Ref: Goal,BBC

  • ကြာသာပတေးနေ့ ဘောလုံးသတင်းများ

    ကြာသာပတေးနေ့ ဘောလုံးသတင်းများ

    ​စက်တင်ဘာ ၁၀၊ ၂၀၂၀
    M-Media

    ပေါ့ဘာမှာ အလုပ်ပေါ်တွင် စိတ်နှစ်မြှုပ်မှုမရှိဟု ဂယ်ရီနဗီးလ်ပြော

    • ကွင်းလယ်လူပေါ့ဘာဟာ ပါရမီရှိပေမယ့် စိတ်နှစ်မြှုပ်မှုအားနည်းတာကြောင့် ကမ္ဘာ့အကောင်းဆုံး ဘောလုံးသမားတစ်ယောက် မဖြစ်တာလို့ မန်ယူနောက်ခံလူဟောင်း ဂယ်ရီနဗီးလ်က ပြောကြားလိုက်ပါတယ်။

    ၂၀၁၆ ခုနှစ်မှာ ပေါင် ၈၉ သန်းနဲ့ မန်ယူကိုရောက်လာတဲ့ပေါ့ဘာဟာ ခြေစွမ်းကောင်းကို ပုံမှန်မပြနိုင်ဘဲ၊ အပြုအမူပိုင်းဆိုင်ရာနဲ့ပတ်သက်ပြီးလည်း မေးခွန်းထုတ်စရာတွေ ဖြစ်ခဲ့ပါတယ်။

    ဂယ်ရီနဗီးလ်က ပတ်ဝန်းကျင်ရဲ့စကားတွေကြောင့် စိတ်မနှစ်မြှုပ်နိုင်တာမျိုး ကစားသမားတွေမှာ ဖြစ်လေ့ဖြစ်ထရှိပြီး သူလည်း ဖြစ်ဖူးတယ်လို့ ဆိုပါတယ်။ မန်ယူဟာ လက်ရှိမှာ မှန်ကန်တဲ့လမ်းကြောင်းပေါ် ရောက်နေပြီလို့လည်း သူက ထည့်သွင်းပြောကြားခဲ့ပါတယ်။

    အသင်းတွင် ပါဝင်ကစားရန် အသင့်ရှိဟု အိုဇေးလ်ပြော

    အသင်းမှာ ပါဝင်ကစားဖို့အတွက် ကြံ့ခိုင်မှုပြည့်ကာ အဆင်သင့်ဖြစ်နေတယ်လို့ အာဆင်နယ်ကွင်းလယ်လူ မီဆုအိုဇေးလ်က ပြောကြားလိုက်ပါတယ်။

    အာဆင်နယ်ဟာ ၂၀၂၀-၂၁ ပရီးမီးယားလိဂ် အဖွင့်ပွဲအဖြစ် စနေနေ့မှာ ဖူလ်ဟမ်အသင်းနဲ့ ကစားရမှာပါ။ အသင်းနဲ့ စာချုပ်တစ်နှစ်သာ ကျန်တော့တဲ့ အိုဇေးလ်ဟာ ကိုရိုနာကြောင့် ခေတ္တရပ်နားပြီး ပြန်စတဲ့ ပရီးမီးယားလိဂ်ပွဲတွေမှာ ရာသီကုန်အထိ နည်​းပြအာတီတာရဲ့ ရွေးချယ်မှုကိုမခံရတော့ဘဲ၊ အသင်းကရောင်းချဖို့ ကြိုးပမ်းမှုကိုလည်း အိုဇေးလ်က လက်မခံခဲ့ပါဘူး။

    မိမိက အဆင်သင့်ဖြစ်ပေမယ့် ဖူလ်ဟမ်နဲ့ပွဲ ရွေးချယ်ခံရခြင်း ရှိ၊ မရှိဆိုတာက နည်းပြအပေါ်မှာ မူတည်နေတယ်လို့ အိုဇေးလ်က ထည့်သွင်းပြောဆိုခဲ့ပါတယ်။

    Ref: Goal

    mmFootballNews