Tag: EPL2020-21

တနင်္လာနေ့ ဘောလုံးသတင်းများ

အောက်တိုဘာ ၅၊ ၂၀၂၀
M-Media

မှားယွင်းသည့်သမိုင်းကို ရေးခဲ့မိပြီဟု ကလော့ပ်ပြော

လီဗာပူးလ်ဟာ မှားယွင်းတဲ့ သမိုင်းမှတ်တိုင်တစ်ခုကို ရေးထိုးလိုက်မိပြီလို့ နည်းပြ ယာဂန်ကလော့ပ်က ပြောကြားလိုက်ပါတယ်။

ချန်ပီယံဖြစ်ခဲ့တဲ့ မနှစ်က ဖေဖော်ဝါရီလရောက်မှ ရှုံးပွဲတွေ့ခဲ့တဲ့ လီဗာပူးလ်ဟာ ရာသီသစ်ရဲ့ ၄ ပွဲမြောက်ဖြစ်တဲ့ မနေ့မှာ အက်စတွန်ဗီလာကို ၇ ဂိုး ၂ ဂိုးနဲ့ ရှုံးနိမ့်ခဲ့ပါတယ်။

ကလော့ပ်ကတော့ ဦးဆောင်ဂိုး ပေးလိုက်ရပြီးကတည်းက အသင်းဟာ အခြေပျက်သွားပြီး နောက်ပိုင်းမှာ အမှားတွေ ဆက်တိုက်လုပ်မိခဲ့တယ်လို့ ဝန်ခံခဲ့ပါတယ်။

ဆိုးလ်ရှားကို စာနာနေတဲ့ မော်ရင်ဟို

Soccer Football – Premier League – Manchester United v Tottenham Hotspur – Old Trafford, Manchester, Britain – October 4, 2020 Manchester United manager Ole Gunnar Solskjær with Tottenham Hotspur manager Jose Mourinho after the match Pool via REUTERS/Carl Recine EDITORIAL USE ONLY. No use with unauthorized audio, video, data, fixture lists, club/league logos or ‘live’ services. Online in-match use limited to 75 images, no video emulation. No use in betting, games or single club /league/player publications. Please contact your account representative for further details.

မနေ့ကပွဲမှာ အသင်းရဲ့ ကစားပုံဟာ အင်မတန်ချီးကျူးစရာကောင်းခဲ့ပြီး ညဘက် အိပ်ပျော်မှာမဟုတ်တဲ့ ပြိုင်ဘက်အသင်း နည်းပြ ဆိုးလ်ရှားရဲ့အခြေအနေကို စာနာသနားမိတယ်လို့ စပါးနည်းပြ မော်ရင်ဟိုက ပြောကြားလိုက်ပါတယ်။

စပါးဟာ မနေ့က မန်ယူကို ၆ ဂိုး ၁ ဂိုးနဲ့ အနိုင်ရရှိခဲ့တာပါ။ ၂၈ မိနစ်မှာ မန်ယူက တစ်ယောက်လျော့သွားပေမယ့် ဒီအရင်ကတည်းက မိမိတို့ဟာ ကစားပုံအသာနဲ့ အနိုင်ရခဲ့တာလို့ မော်ရင်ဟိုက ဆိုပါတယ်။

မနေ့ကပွဲဟာ အသင်း၊ အသင်းသားတွေနဲ့ သူ့အတွက် သမိုင်းဝင်နိုင်ပွဲဖြစ်ပြီး အိုးထရက်ဖို့မှာ ချယ်ဆီး၊ ရီးယဲလ်မက်ဒရစ် အသင်းတွေနဲ့လည်း မန်ယူကို အနိုင်ယူဖူးတယ်လို့ ထည့်သွင်းပြောဆိုခဲ့ပါတယ်။

မနေ့က စပါးနဲ့ပွဲဟာ မိမိသက်တမ်းမှာ အဆိုးဝါးဆုံး ရှုံးနိမ့်မှု ဖြစ်တယ်လို့ ဆိုးလ်ရှားက ဖွင့်ဟပါတယ်။

ကိုဗစ်ကြောင့် နာပိုလီအသင်း ၃ ဂိုးပြတ်အရှုံးပေးရဖွယ်ရှိနေ

ကစားသမား ၂ ဦး ကိုဗစ်ကူးစက်နေတဲ့ နာပိုလီအသင်း ရောက်မလာတာကြောင့် မနေ့ကစားမယ့် ဂျူဗင်တပ်စ်နဲ့ နာပိုလီတို့ရဲ့ စီးရီးအေပွဲစဉ်ကို ရပ်ဆိုင်းလိုက်ရပါတယ်။

ဒေသရဲ့ ကျန်းမာရေးအာဏာပိုင်က နာပိုလီတစ်သင်းလုံး ခရီးမသွားဖို့ အမိန့်ထုတ်လိုက်တာပါ။ အီတလီ ကျန်းမာရေးဝန်ကြီးဌာနဲ့ ဘောလုံးအဖွဲ့ချုပ်တွေ သဘောတူညီချက်အရ ပိုးမရှိတဲ့ ကစားသမား အနည်းဆုံး ၁၃ ဦးရှိရင် ကစားပေးရမှာဖြစ်ပြီး၊ ကစားသမား ၁၀ ဦး ပိုးရှိနေပြီဆိုရင်တော့ ပွဲကို ပြန်ကစားခွင့် တောင်းဆိုနိုင်မှာ ဖြစ်ပါတယ်။

စီးရီးအေစည်းကမ်းအရ မနေ့ကအဖြစ်အပျက်မှာ ဂျူဗင်တပ်စ်အသင်းကို ၃ ဂိုး ပြတ်နဲ့ အနိုင်ပေးရမှာ ဖြစ်ပါတယ်။ အားကစားရေးရာ တရားသူကြီးရဲ့ မနက်ဖြန်ထုတ်ပြန်ချက်ကို ကြည့်ပြီး လိုအပ်သလို တုန့်ပြန်သွားမယ်လို့ ဂျူဗင်တပ်စ်အသင်းက ထုတ်ပြန်ပါတယ်။

Ref: BBC, Goal

October 5, 2020
တနင်္ဂနွေနေ့ ဘောလုံးသတင်းများ

အောက်တိုဘာ ၄၊ ၂၀၂၀
M-Media

ဥရုဂွေးတိုက်စစ်မှူး ကာဗာနီကို မန်ယူက ခေါ်ယူမည်

မန်ယူအသင်းဟာ ပီအက်စ်ဂျီတိုက်စစ်မှူးဟောင်း ကာဗာနီကို ခေါ်ယူဖို့အတွက် အလွန်နီးစပ်နေပြီလို့ သတင်းတွေ ထွက်လာပါတယ်။

အသက် ၃၃ နှစ်အရွယ် ကဗာနီဟာ ပြီးခဲ့တဲ့ ဇွန်လက ပီအက်စ်ဂျီနဲ့ စာချုပ်သက်တမ်းပြည့်သွားခဲ့တာပါ။ လက်ရှိ မန်ယူနဲ့ ကာဗာနီတို့ ဆွေးနွေးနေပြီး ၂ နှစ်စာချုပ် ချုပ်ဆိုဖို့ ရှိနေပါတယ်။

ကာဗာနီဟာ ဒီကနေ့မှာ အင်္ဂလန်ကိုလာရောက်ပြီး အပြောင်းအရွှေ့ကို အဆုံးသတ်မှာ ဖြစ်ပါတယ်။ ၂၀၁၃ ခုနှစ်က နာပိုလီကနေ ပြောင်းရွှေ့လာခဲ့တဲ့ ကာဗာနီဟာ ပီအက်စ်ဂျီမှာ ၃၀၁ ပွဲကစား ဂိုး ၂၀၀ သွင်းခဲ့ပြီး၊ ကလပ်အသင်းပွဲအားလုံးမှာ ၅၅၆ ဂိုး သွင်းထားပါတယ်။

နိုင်ငံပွဲတွေမှာတော့ ၁၁၆ ပွဲကစား ဂိုး ၅၀ သွင်းထားပါတယ်။

ချန်ပီယံဘွဲ့အတွက် ဝေဖန်မှုများကို ဂွါဒီယိုလာ တုန့်ပြန်

၃ ပွဲလောက်ကစားပြီးတာနဲ့ ချန်ပီယံလမ်းကြောင်းကနေ သွေဖီသွားပြီဆိုတဲ့ ပြောကြားချက်တွေဟာ သိပ်ကို စောလွန်းနေတယ်လို့ မန်စီးတီးနည်းပြ ပက် ဂွါဒီယိုလာက တုန့်ပြန်လိုက်ပါတယ်။

မနေ့က လိဒ်နဲ့ပွဲမှာ ၁ ဂိုးစီ သရေကျခဲ့ပြီး ရာသီအစ ၃ ပွဲမှာ ၁ ပွဲသာ အနိုင်ရထားပါတယ်။ ပြီးခဲ့တဲ့တစ်ပတ် လက်စတာနဲ့ပွဲမှာလည်း ၅ ဂိုး ၂ ဂိုးနဲ့ ရှုံးနိမ့်ခဲ့ပါတယ်။

မနေ့ကပွဲအပြီး မန်စီးတီးရဲ့ ချန်ပီယံဘွဲ့ စိန်ခေါ်နိုင်စွမ်းကို ဘောလုံးကျွမ်းကျင်သူတွေက မေးခွန်းထုတ်ခဲ့ကြပါတယ်။

ဂွါဒီယိုလာက မိမိတို့အခြေအနေကို သိပြီး အသင်းရဲ့ ကစားပုံကို ကျေနပ်ကြောင်း၊ ဒါပေမယ့် အကောင်းဆုံးအနေအထားကို မရောက်သေးကြောင်း ထည့်သွင်းပြောဆိုခဲ့ပါတယ်။

စပါးနည်းပြဟောင်းက မော်ရင်ဟိုကို ဝေဖန်

ချယ်ဆီးကို ကိုင်တွယ်စဉ်က ဆာလာဟ်နှင့် ဒီဘရိုင်းတို့ကို လက်လွှတ်လိုက်ရတဲ့အမှားမျိုး စပါးမှာလည်း မော်ရင်ဟိုက ထပ်မှားတော့မယ်လို့ စပါးနည်းပြဟောင်း တင်မ်ရှားဝုဒ်က သတိပေးလိုက်ပါတယ်။

အသက် ၂၄ နှစ်သာရှိသေးတဲ့ ကွင်းလယ်လူ ဒယ်လီအလီကို မော်ရင်ဟိုက ရောင်းထုတ်တော့မယ်လို့ သတင်းတွေထွက်နေတာပါ။

မော်ရင်ဟိုဟာ ချယ်ဆီးမှာတုန်းကလည်း ဆာလာဟ်နဲ့ ဒီဘရိုင်းတို့ကို ကောင်းကောင်းမသုံးကြည့်ဘဲ ရောင်းထုတ်လိုက်ပြီး ဒီကစားသမားနှစ်ယောက်စလုံးဟာ နောက်ပိုင်းမှာ နာမည်ကျော်တွေ ဖြစ်လာပါတယ်။

တင်ရှားဝုဒ်က လိဂ်ဝမ်းကနေ ပေါင်း ၅ သန်းနဲ့ရောက်လာတဲ့ အလီဟာ တစ်နှစ်အတွင်းမှာပဲ ၂၅ သန်းတန်တဲ့ ကစားသမားတစ်ဦးဖြစ်ခဲ့ကြောင်း၊ နေရာမှန်သာ ကစားရမယ်ဆိုရင် ဂိုးသွင်းကောင်းတဲ့ ကစားသမားတစ်ဦး ဖြစ်လာနိုင်ကြောင်း ထည့်သွင်းပြောဆိုခဲ့ပါတယ်။

Ref: BBC, Goal

mmFootballNews

October 4, 2020
တနင်္လာနေ့ ဘောလုံးသတင်းများ

စက်တင်ဘာ ၂၈၊ ၂၀၂၀
M-Media

ပင်နယ်တီစည်း ကျယ်ကျယ်လိုချင်သည့် ဆိုလ်ရှားဟု မောရင်ဟို စကားနာထိုး

မန်ယူနည်းပြဟာ ဂိုးစည်း ပိုကျယ်ကျယ်လိုချင်သူတစ်ဦး ဖြစ်တယ်လို့ စပါးနည်းပြ မော်ရင်ဟိုက ပြောကြားလိုက်ပါတယ်။

နောက်ဆုံးမိနစ် ပင်နယ်တီနဲ့ ၃ မှတ်ရခဲ့တဲ့ ဘရိုက်တန်နဲ့ပွဲအပြီးမှာ ဆိုးလ်ရှားက မော်ရင်ဟိုရဲ့ ဂိုးတိုင်တွေ အတိအကျတိုင်းရမယ်ဆိုတဲ့စကားကို ဟာသပြောခဲ့ပါတယ်။

မော်ရင်ဟိုက ဆိုးလ်ရှားဟာ ၁၈ ဂိုက်ဂိုးစည်းကို ၂၂ ဂိုက်အထိချဲ့ကာ ပင်နယ်တီပိုရချင်သူလို့ နယူးကာဆယ်ကို ၁ ဂိုစီး သရေကျပြီးတဲ့နောက်မှာ ပြန်တုန့်ပြန်ခဲ့ပါတယ်။

ပရီးမီးယားလိဂ်အသင်းများက အသင်းငယ်များကို ကူညီပံ့ပိုးမည်

ပရီးမီးယားလိဂ် ကလပ်တွေက အောက်တန်းမှာရှိတဲ့ အသင်းငယ်လေးတွေကို ငွေရေးကြေးရေး ကူညီပံ့ပိုးပေးမယ့် သဘောတူညီချက်တစ်ခု မကြာခင် ရရှိတော့မှာ ဖြစ်ပါတယ်။

ကိုဗစ်ကပ်ရောဂါကြောင့် ကွင်းအတွင်း ပရိတ်သတ်တွေ ၀င်ရောက်ကြည့်ရှုခွင့်ပေးမယ့် အစီအစဥ်ကို ရပ်ဆိုင်းထားရတဲ့အချိန် ပထမတန်း၊ ဒုတိယတန်းလို အမှတ်ပေးပြိုင်ပွဲတွေက အသင်းငယ်လေးတွေဟာ ဘဏ္ဏာရေး ပြဿနာတွေနဲ့ ရင်ဆိုင်နေရပါတယ်။

ဗြိတိန် ယဥ်ကျေးမှု၀န်ကြီး အိုလီဗာ ဒိုဒန်က ပရီးမီယားလိဂ် အသင်းတွေဟာ ဘောလုံးလောကတစ်ခုလုံးကို ဖေးမဖို့ လိုအပ်လာပြီလို့ ပြောကြားခဲ့ပါတယ်။ ပရီးမီးယားလိဂ် တာ၀န်ရှိသူတွေနဲ့ အဂ်လိပ် အမှတ်ပေးဘောလုံးပြိုင်ပွဲ တာ၀န်ရှိသူတွေဟာ လက်ရှိမှာ ဆွေးနွေးမှုတွေ ပြုလုပ်နေပြီး လာမယ့်ရက်ပိုင်းအတွင်း ကြေငြာမှာ ဖြစ်ပါတယ်။

အသင်းသစ်နဲ့ ပထမဆုံးပွဲမှာ စံချိိန်တစ်ခု ယူနိုင်ခဲ့တဲ့ ဆွာရက်ဇ်

အက်သလက်တီကိုတိုက်စစ်မှူးသစ် ဆွာရက်ဇ်ဟာ မနေ့က ဂရာနာဒါကို အနိုင်ရတဲ့ပွဲမှာ ၂ ဂိုး သွင်းယူခဲ့ပြီး အသလက်တီကို သမိုင်းတစ်လျှောက် ပွဲဦးထွက်မှာ ၂ ဂိုးသွင်းကာ အသင်းဖော်တွေဂိုးရအောင် ဖန်တီးပေးနိုင်ခဲ့တဲ့ ပထမဆုံး ကစားသမားအဖြစ် မှတ်တမ်း၀င်ခဲ့ပါတယ်။

ဆွာရက်ဇ်ကတော့ ကစားသမားတစ်ဦးအနေနဲ့ အပြောင်းအလဲလုပ်ဆောင်ဖို့ အရေးကြီးကြောင်း၊ အက်သလက်တီကိုဟာ အလွန်ထူးခြားတဲ့ ကြိုဆိုမှုမျိုးနဲ့ ကြိုဆိုခဲ့ပြီး ဒါက မိမိကို အားဖြစ်စေကြောင်း ပွဲအပြီးမှာ ပြောကြားခဲ့ပါတယ်။

ဘာစီလိုနာမှာ တတိယမြောက် ဂိုးအများဆုံးသွင်းတဲ့ ကစားသမားအဖြစ် မှတ်တမ်းရေးထိုးခဲ့တဲ့ ဆွာရက်ဇ်ဟာ သောကြာနေ့ကမှ အက်သလက်တီကိုမက်ဒရစ်ကို ပြောင်းလာတာ ဖြစ်ပါတယ်။

Ref : BBC, Goal

September 29, 2020
အင်္ဂါနေ့ဘောလုံးသတင်းများ

စက်တင်ဘာ ၂၉၊ ၂၀၂၀
M-Media

လီဗာပူးလ်ကို ယှဉ်နိုင်သည့်အဆင့်အထိ အာဆင်နယ် မရောက်သေး

လီဗာပူးလ်ကို ၃ ဂိုး ၁ ဂိုးနဲ့ ရှုံးနိမ့်ခဲ့တဲ့ မနေ့ကပွဲအတွက် စိတ်မပျက်မိဘဲ ပြိုင်ဘက်ဟာ မိမိတို့ထက် ပိုမိုသာလွန်ကောင်းမွန်တယ်လို့ အာဆင်နယ်နည်းပြ မီခေးလ် အာတီတာက ဝန်ခံခဲ့ပါတယ်။

အာဆင်နယ်ဟာ ဦးဆောင်ဂိုးရခဲ့ပေမယ့် ကစားကွက်ပိုင်းမှာ လီဗာပူးလ်ကို မယှဉ်နိုင်ခဲ့ပါဘူး။

အာတီတာက ကစားသမားတွေရဲ့ အားထုတ်မှုကို ချီးကျူးခဲ့ပြီး မိမိတို့ဟာ ၅ နှစ်လောက် တည်ဆောက်လာခဲ့တဲ့ လီဗာပူးလ်ကို ယှဉ်နိုင်တဲ့အဆင့် မရှိသေးကြောင်း၊ အသင်းတိုးတက်အောင် အများအပြားလုပ်ဆောင်ဖို့ လိုအပ်ကြောင်း ထည့်သွင်းပြောဆိုခဲ့ပါတယ်။

ရလဒ်ဆိုးများအတွက် ပရိတ်သတ်ကို ဖူလ်ဟမ်အသင်း တောင်းပန်

အဖွင့်ပွဲ ၃ ပွဲစလုံးမှာ နိုင်ပွဲမရသေးတဲ့အတွက် ဖူလ်ဟမ်အသင်း ဒုတိယဥက္ကဌ တိုနီခန်းက ပရိတ်သတ်တွေကို တောင်းပန်လိုက်ပြီး အသင်းကောင်းမွန်အောင် ပိုမိုလုပ်ဆောင်သွားမယ်လို့ ပြောကြားလိုက်ပါတယ်။

ချန်ပီယံရှစ်ကနေ play-off နဲ့ ပရီးမီးယားလိဂ်ကိုတက်လာတဲ့ ဖူလ်ဟမ်အသင်းဟာ ကစားသမား ၂ ဦးသာ ခေါ်ယူထားပြီး နောက်တန်း မတည်ငြိမ်မှုနဲ့ ပရီးမီးယားလိဂ်မှာ ဒုတိယပေးဂိုးအများဆုံး ဖြစ်နေပါတယ်။

နည်းပြ စကော့ပါကားကလည်း အခုနှစ်ဟာ ခက်ခဲတဲ့နှစ်ဖြစ်ပြီး ကြမ်းတမ်းတဲ့ စိန်ခေါ်မှုတွေကိုလည်း ရင်ဆိုင်ရမှာဖြစ်ကြောင်း ပရီးမီးယားလိဂ်မှာ ဆက်ရှိနေချင်ရင် ကြိုးပမ်းအားထုတ်ဖို့ လိုအပ်ပြီး ဒါမှမဟုတ်ရင်တော့ နောက်ရာသီမှာ တန်းဆင်းရနိုင်ကြောင်း ဝန်ခံပြောကြားခဲ့ပါတယ်။

ဖူလ်ဟမ်အသင်းက ကစားသမား အနည်းဆုံး ၂ ဦးဟာ ကိုဗစ်ပိုးတွေ့ရှိတဲ့အတွက် သီးခြား စောင့်ကြည့်ကုသခံနေရပါတယ်။

ပရီးမီးယားလိဂ်တွင် တစ်ပတ်အတွင်း ကိုဗစ်ရှိသူ ၁၀ ဦးတွေ့

စက်တင်ဘာ ၂၁ ရက်နေ့ကနေ ၂၇ ရက်နေ့အထိ ပရီးမီးယားလိဂ် ကလပ်အသင်းတွေက ကစားသမားနဲ့ ဝန်ထမ်း ၁၅၉၅ ယောက်ကို ကိုဗစ်စစ်ဆေးရာမှာ ၁၀ ဦး ပိုးတွေ့ခဲ့ပါတယ်။

ပရီးမီးယားလိဂ်က အသင်း ၂၀ လုံးကို အပတ်စဉ် ပိုးစစ်နေတာပါ။ အခုတစ်ပတ်တွေ့ရှိသူတွေရဲ့စာရင်းကို ထုတ်ပြန်ခြင်းမရှိဘဲ ၁၀ ရက် သီးသန့်ခွဲထားတယ်လို့ ဆိုပါတယ်။

ရာသီအစကတည်းက ပရီးမီးလိဂ်မှာ ကိုဗစ်စစ်ခဲ့ရာမှာ စုစုပေါင်း ၂၀ ပိုးတွေခဲ့ပြီး အဲဒီအထဲမှာ ဝက်စ်ဟမ်း၊ မန်စီးတီး၊ ဖူလ်ဟမ် စတဲ့အသင်းက နည်းပြနဲ့ ကစားသမားတစ်ချို့ ပါဝင်ပါတယ်။

Ref: BBC

September 29, 2020
စနေနေ့ဘောလုံးသတင်းများ

စက်တင်ဘာ ၂၆၊ ၂၀၂၀
M-Media

ဆွာရက်ဇ်ထွက်သွားသည့်ကိစ္စအတွက် ဘာစီလိုနာကို မက်ဆီဝေဖန်

တိုက်စစ်မှူးဆွာရက်ဇ်ဟာ အသင်းကနေ မထိုက်တန်စွာ ထွက်ခွာခဲ့ရတယ်လို့ ဘာစီလိုနာတိုက်စစ်မှူး လီယွန်နယ် မက်ဆီက ဝေဖန်ပြောကြားလိုက်ပါတယ်။ နည်းပြသစ် ရော်နယ်ကိုးမန်းက သူ့ရဲ့ အနာဂတ်အစီအစဉ်မှာ မထည့်သွင်းဘူးလို့ ပြောတဲ့အတွက် ထွက်ခွာခဲ့ရတာဖြစ်တယ်လို့ ဆွာရက်ဇ်က သတင်းစာရှင်းလင်းပွဲမှာ မျက်ရည်လည်ရွဲနဲ့ ပြောကြားခဲ့ပါတယ်။ မက်ဆီက ဆွာရက်စ်ဟာ အသင်းရဲ့သမိုင်းမှာ အရေးပါတဲ့ ကစားသမားတစ်ယောက်ဖြစ်ပြီး အသင်းက ဒီလိုမဆက်ဆံသင့်ကြောင်း၊ ဒီလိုအခြေအနေ ဖြစ်လာတဲ့အတွက်လည်း မအံ့ဩမိကြောင်း မနေ့က Instagram စာမျက်နှာမှာ ရေးသားခဲ့ပါတယ်။ မက်ဆီဟာ အသင်းကနေ ထွက်ခွာခွင့်နဲ့ပတ်သက်လို့ ပြီးခဲ့လမှာ အသင်းဥက္ကဌ ဘာတိုမြူနဲ့ အခြေအတင်ဖြစ်ခဲ့ပြီး နောက်ဆုံး ဘာစီလိုနာမှာ ဆက်ရှိခဲ့ရပါတယ်။

ဝုလ်ဗ်နှင့် ဝက်စ်ဟမ်းတို့၏ Covid-19 ရလဒ်များ အချိန်မီမသိရ

ကစားသမားတွေနဲ့ ဝန်ထမ်းတွေ ကိုဗစ်စစ်ဆေးချက်အဖြေ အချိန်မီမရတဲ့အတွက် စိတ်ပျက်ရတယ်လို့ ပရီးမီးယားလိဂ်ကလပ် ဝုလ်ဗ်နဲ့ အ၀က်စ်ဟမ်းအသင်းတို့က ပြောကြားလိုက်ပါတယ်။ ဓာတ်ခွဲခန်းတွေမှာ အလုပ်များနေတာကြောင့် ရလဒ်တွေ မရသေးတာပါ။ ဝုလ်ဗ်နည်းပြ နူနို အက်စ်ပီရီတိုက ဒါကိစ္စကြောင့် တနင်္ဂနွေနေ့ပွဲအတွက် ပြင်ဆင်ရာမှာ အလွန်အမင်းဒုက္ခရောက်ကြောင်း ပြောကြားခဲ့သလို တနင်္လာနဲ့ ဗုဒ္ဓဟူးနေ့မှာ ပွဲတွေကစားရဖို့ရှိတဲ့ ဝက်စ်ဟမ်းအသင်းရဲ့ လက်ထောက်နည်းပြ အလန် အာရ်ဗင်းကလည်း ရလဒ်မသိဘဲ ကစားရမယ့်အခြေအနေမျိုး ရောက်နေတယ်လို့ ဆိုပါတယ်။ ဝက်စ်ဟမ်းအသင်းက နည်းပြ မိုယက်စ်၊ နောက်ခံလူ ဒီအုပ်၊ ကွင်းလယ်လူ ကူလန်တို့ဟာ ကိုဗစ်ပိုးတွေ့တဲ့အတွက် သီးသန့်နေထိုင် ကုသနေရပါတယ်။

အာဆင်နယ်တွင်ဆက်ရှိနေသည့် အကြောင်းအရင်းနှစ်ခုကို အူဘာမေယန် ဖွင့်ဟ

အသင်းပြောင်းရမယ့် အခွင့်ရေးတွေကို ပယ်ချက အာဆင်နယ်မှာဆက်ရှိနေတဲ့ အဓိကအကြောင်းအရင်း ၂ ခု ရှိတယ်လို့ အာဆင်နယ်တိုက်စစ်မှူး အူဘာမေယန်က ပြောကြားလိုက်ပါတယ်။ အသင်းနဲ့ စာချုပ်တစ်နှစ်သာကျန်တော့တဲ့ အသက် ၃၁ နှစ်အရွယ် အူဘာမေယန်ဟာ နွေရာသီအပြောင်းအရွှေ့ကာလတွင်း အသင်းကနေ ထွက်ခွာမယ်လို့ သတင်းထွက်ခဲ့ပြီး လာလီဂါက ဘာစီလိုနာ၊ စီးရီးအေက အင်တာမီလန်တို့လို အသင်းကြီးတွေက ခေါ်ယူဖို့ စိတ်ဝင်စားခဲ့ပါတယ်။ အူဘာမေယန်က အသင်းအတွက် ဗျူဟာသစ်ဖန်တီးကာ အသင်းတိုးတက်အောင် ဆောင်ရွက်ပေးခဲ့တဲ့ နည်းပြ မီခေလ်းအာတီတာ၊ အသင်းနဲ့ မိမိအပေါ်ထားရှိတဲ့ ပရိတ်သတ်တွေရဲ့ ချစ်ခြင်းမေတ္တာတွေကြောင့် အသင်းမှာ ဒီလို ဆက်ရှိနေတာ ဖြစ်တယ်လို့ ဆိုပါတယ်။

Ref: BBC, Goal

September 27, 2020