Tag: Euro2016

ဇွန် ၁၇၊ ၂၀၁၅
M-Media

– ကွင်းလယ်လူ ရော်နယ်ဒိုကို အသင်းက မှီခိုခြင်းမှာ မှားယွင်းသောကိစ္စမဟုတ်ဘဲ မည်သည့်အသင်းမဆို ရော်နယ်ဒိုကဲ့သို့ ကစားသမားမျိုးကို မှီခိုရမည်ဟု ပေါ်တူဂီအသင်းနည်းပြ ဖာနန်ဒိုဆန်းတို့စ်က ပြောကြားခဲ့သည်။

ပြီးခဲ့သည့်သီတင်းပတ်က ယူရို ၂၀၁၆ ခြေစစ်ပွဲတွင် အာမေးနီးယားအသင်းအား ၃ ဂိုး ၂ ဂိုးဖြင့် ပေါ်တူဂီက အနိုင်ရခဲ့ကာ အသင်းအတွက် ၃ ဂိုးစလုံးကို ရော်နယ်ဒိုက သွင်းယူပေးခဲ့သည်။ ထို့ကြောင့် ပေါ်တူဂီအသင်းမှာ ရော်နယ်ဒိုအပေါ် အလွန်အမင်း မှီခိုနေရသည်ဟု ဝေဖန်မှုများ ထွက်ပေါ်လာခဲ့သည်။

ယမန်နေ့က ကစာခဲ့သည့် အီတလီအသင်းနှင့် ခြေစမ်းပွဲတွင် ရော်နယ်ဒိုမပါသည့် ပေါ်တူဂီအသင်းမှာ ၁ ဂိုး ဂိုးမရှိဖြင့် အနိုင်ရခဲ့ပြီး ဝေဖန်မှုများကို အကောင်းဆုံး တုံ့ပြန်နိုင်ခဲ့သည်။ ထိုနိုင်ပွဲမှာ အီတလီအား နှစ် ၄၀ နီးပါးအတွင်း ပထမဆုံး အနိုင်ရခဲ့သည့်ပွဲလည်း ဖြစ်သည်။

သို့သော်လည်း ဆန်းတို့စ်ကမူ ကမ္ဘာပေါ်ရှိ မည်သည့်အသင်းမဆို ရော်နယ်ဒိုကဲ့သို့ ကစားသမားမျိုကို လိုအပ်မည်ဟု ပြောကြားခဲ့ပြီး အီတလီနှင့်ပွဲအတွက် တစ်သင်းလုံးကို ချီးကျူးခဲ့သည်။

“ဘယ်အသင်းမဆို ရော်နယ်ဒိုသာရှိမယ်ဆိုရင် သူ့ကိုပဲ မှီခိုရမှာပါ။ ဒါပေမယ့် ပေါ်တူဂီအသင်းမှာ ကြီးမားတဲ့ အသင်းလိုက်စိတ်ဓာတ်ရှိပြီး အနိုင်နဲ့လည်း ထိုက်တန်ပါတယ်” ဟု အီတလီနှင့်ပွဲအပြီးတွင် သတင်းထောက်များအား ပြောကြားခဲ့သည်။

ထို့ပြင် အဆိုပါပွဲမှာ မျှတသည့်ပွဲဖြစ်ကြောင်း၊ ကစားသမားများမှာ နိုင်ရမည်ဆိုသည့် ယုံကြည်ချက်ရှိပြီး မိမိတို့အသင်းမှာ ကောင်းကောင်းကစားနိုင်ခဲ့ကာ ကြီးကျယ်သည့် နိုင်ပွဲဖြစ်ကြောင်း ၎င်းက ထပ်လောင်းပြောကြားခဲ့သည်။

ပေါ်တူဂီမှာ ကမ္ဘာ့ဖလားခြေစစ်ပွဲ ဥရောပဇုန် အုပ်စု I တွင် ရမှတ် ၁၂ မှတ်ဖြင့် အုပ်စုအား ဦးဆောင်နေသည်။

Ref: Goal

ဇွန် ၁၆၊ ၂၀၁၅
M-Media

– အီတလီနှင့် ကစားခဲ့သည့်ပွဲတွင် ကွင်းအတွင်း မြက်ခင်းပြင်ပေါ်၌ နာဇီစင်္ကြာတံဆိပ် ပေါ်ခဲ့သည့်တွက် ခရိုအေးရှားဘောလုံးအဖွဲ့ချုပ်အား တရားစွဲဆိုရန် ဆောင်ရွက်နေသည်ဟု ယူအီးအက်ဖ်အေ ပြောကြားလိုက်သည်။

ယူရို ၂၀၁၆ ခြေစစ်ပွဲအဖြစ် ခရိုးရှားတွင် ပြီးခဲ့သည့် သောကြာနေ့က ကစားခဲ့သည့် အဆိုပါပွဲ၌ အိမ်ရှင် ခရိုအေးရှားအသင်းကွင်းဘက်တွင် နာဇီစင်္ကြာတံဆိပ်ကို တွေ့ရှိခဲ့ရခြင်းဖြစ်ပြီး ပထမပိုင်းအပြီး၌ ဖျက်ခဲ့သော်လည်း အကုန်ဖျက်၍ မရခဲ့ပေ။

ထိုအဖြစ်အပျက်နှင့်ပတ်သက်၍ ခရိုအေးရှားဘောလုံးအဖွဲ့ချုပ်က တောင်းပန်ခဲ့သည်။ သို့သော်လည်း ဥရောပဘောလုံးအဖွဲ့ချုပ် ယူအီးအက်ဖ်အေက စုံစမ်းစစ်ဆေးများ ပြုလုပ်နေပြီး လူမျိုးရေးခွဲခြားသည့် အပြုအမူနှင့် ဆက်စပ်သည့် ၎င်းတို့၏ စည်းမျဉ်းစည်းကမ်းကို ချိုးဖောက်မှုဖြင့် ခရိုအေးရှား ဘောလုံးအဖွဲ့ချုပ်အား တရားစွဲဆိုရန် ဆောင်ရွက်နေသည်ဟု အတည်ပြုခဲ့သည်။

မတ်လကလည်း နော်ဝေအသင်းနှင့် ကစားခဲ့သည့်ပွဲတွင် ခရိုအေးရှားပရိတ်သတ်များက လူမျိုးရေးခွဲခြားသည့် ကြွေးကျော်သံများကို ကြွေးကြော်ခဲ့သောကြောင့် အီတလီနှင့်ပွဲတွင် ပရိတ်သတ်မပါဘဲ ကွင်းပိတ်ကစားရန် ယူအီးအက်ဖ်အေက ခရိုအေးရှားအသင်းအား ပြစ်ဒဏ်ချမှတ်ခဲ့သည်။

ခရိုအေးရှားအပြင် ရိုးမေးနီးယားနှင့် သရေကျခဲ့သောပွဲတွင် “ကွင်းအတွင်း မီးရှူးမီးပန်းများနှင့် အရာဝတ္ထုများ ပစ်ပေါက်မှု” ဖြင့် အိုင်ယာလန်ဘောလုံးအဖွဲ့ချုပ်ကိုလည်းကောင်း၊ အစ္စရေးနှင့်ပွဲတွင် “နိုင်ငံတော်သီချင်း သီဆိုမှုအား နှောက်ယှက်မှု၊ မီးရှူးမီးပန်းများနှင့် အရာဝတ္ထုများ ပစ်ပေါက်မှုနှင့် လူမျိုးရေးခွဲခြားသော အပြုအမူ” များအတွက် ဘော့စနီးယား ဟာဇိဂိုဗီနာ
ဘောလုံးအဖွဲ့ချုပ်ကိုလည်းကောင်း တရားစွဲဆိုရန် ယူအီးအက်ဖ်အေက စုံစမ်းမှုများ ပြုလုပ်နေသည်။

Ref: Goal

ဇွန် ၁၅၊ ၂၀၁၅
M-Media

– စလိုဗေးနီးယားနှင့်ပွဲတွင် ပြသခဲ့သည့် တိုက်စစ်မှူး ၀ိန်းရူနီ၏ ခြေစွမ်းက အင်္ဂလန်အသင်း မှီခိုအားထားရမည့် ခြေစွမ်းမျိုးကို သက်သေပြခြင်းဖြစ်သည်ဟု နည်းပြ ရွိုင်ဟဒ်ဆန်က ပြောကြားလိုက်သည်။

ယမန်နေ့ညက ယူရို ၂၀၁၆ ခြေစစ်ပွဲအဖြစ် အဝေးကွင်းတွင် သွားရောက်စားခဲ့သည့် အဆိုပါပွဲတွင် အင်္ဂလန်မှာ ဦးဆောင်ဂိုး အရင်ပေးခဲ့ရပြီး နောက်မှ လိုက်ကစားခဲ့ရကာ အာဆင်နယ်ကွင်းလယ်လူ ၀ီလ်ရှိုင်းယား၏ ဂိုး ၂ ဂိုး၊ ရူနီ၏ ၁ ဂိုးတို့ကြောင့် ၃ ဂိုး ၂ ဂိုးဖြင့် အနိုင်ရရှိခဲ့သည်။

ရူနီ၏အဆိုပါဂိုးမှာ နိုင်ငံအသင်းအတွက် ၄၈ ဂိုးမြောက်ဖြစ်ပြီး ဆာဘော်ဘီချာလ်တန်၏ အင်္ဂလန်အသင်းအတွက် ဂိုးသွင်းအများဆုံးစံချိန်ကို လိုက်မီရန် ၁ ဂိုးသာ လိုတော့သည်။ ဟဒ်ဆန်ကမူ ရူနီ၏ စွမ်းဆောင်ရည်နှင့် စိတ်ဓာတ်တို့ကို ချီးကျူးခဲ့သည်။

“၀ိန်းရူနီရဲ့ စွမ်းဆောင်ရည်က သူဟာ ရင့်ကျင်သူတစ်ယောက် ဖြစ်လာတယ်ဆိုတာနဲ့ ပတ်သက်ပြီး တော်တော်လေး စကားပြောနေပါတယ်။ … သူ့အပေါ်မှာ ကျွန်တော်တို့ မှီခိုနိုင်ပါတယ်။ ကျွန်တော်က သူ့ကို ဒီနေ့မှာ ဟက်ထရစ် ရစေချင်တာပါ။ ဒါမှ စံချိန်ချိုးမယ်ဆိုတဲ့ စကားတွေ အဆုံးသတ်သွားမှာပါ။ ဒါပေမယ့် သူ့မှာ အချိန်တွေအများကြီး ရှိပါသေးတယ်” ဟု ဟဒ်ဆန်က ပွဲအပြီးတွင်
သတင်းထောက်များအား ပြောကြားခဲ့သည်။

အင်္ဂလန်အသင်းမှာ ထိုပွဲအနိုင်ကြောင့် အုပ်စု E အား ၉ မှတ်အသာဖြင့် ဆက်လက်ဦးဆောင်နေသည်။ ထို့ပြင် ဟဒ်ဆန်မှာ တစ်သင်းလုံးကိုလည်း ချီးကျူးခဲ့သည်။

Ref: Goal

ဇွန် ၁၄၊ ၂၀၁၅
M-Media

– ဂျော်ဂျီယာနှင့်ပွဲတွင် မိမိ၏ ဟက်ထရစ်သွင်းဂိုးက နိုင်ငံအသင်း အုပ်စုပထမဖြင့် ယူရိုခြေစစ်ပွဲအောင်မြင်ရန် မျှော်လင့်ချက်ကို မြင့်တက်လာစေသည်ဟု ပိုက်လန်တိုက်စစ်မှူး လီဝန်ဒေါ့စကီးက ပြောကြားလိုက်သည်။

ယနေ့မနက်က ကစားခဲ့သည့် အဆိုပါပွဲတွင် ပိုလန်အသင်းမှာ ၄ ဂိုးပြတ်ဖြင့် အနိုင်ရခဲ့ပြီး အဖွင့်ဂိုးကို မိနစ် ၆၀ ကျော်တွင် အာကာဒီအွဇ်က သွင်းယူခဲ့သည်။ ထို့နောက် ဘိုင်ယန်တိုက်စစ်မှူး လီဝန်ဒေ့ါစကီးက လေးမိနစ်အတွင်း ဟက်ထရစ်သွင်းယူခဲ့ပြီး အနိုင်သေချာစေခဲ့သည်။

အဆိုပါနိုင်ပွဲကြောင့် ပိုလန်အသင်းမှာ အုပ်စု D တွင် နာမည်ကြီး ဂျာမနီထက် တစ်မှတ်အသာဖြင့် အုပ်စုအား ဦးဆောင်ထားနိုင်ပြီး လီဝန်ဒေါ့စကီးကမူ ၎င်း၏ သွင်းဂိုးများက ခြေစစ်ပွဲအောင်ရန်အခွင့်အရေး မြင့်တက်လာစေခဲ့သည်ဟု ဆိုသည်။

“အရင်တုန်းကဆိုရင် ကျွန်တော်တို့ဟာ ပွဲကို ဒီလိုနိုင်မှာမဟုတ်ဘူးဆိုတာ ဖြစ်ကောင်းဖြစ်နိုင်ပါတယ်။ ပထမပိုင်းမှာ အခွင့်အရေးတွေအများကြီး လွဲချော်ခဲ့ရပြီးနောက်မှာ ကျွန်တော်တို့ ဒုတိယပိုင်းမှာ ၄ ဂိုးသွင်းနိုင်တယ်ဆိုတာ ပြသနိုင်ခဲ့ပါတယ်။ အသင်းဟာ အခုဆိုရင် လွန်ခဲ့တဲ့ လအနည်းငယ်နဲ့ ခြားနားသွားခဲ့ပါပြီ” ဟု လီဝန်ဒေ့ါစကီးက ပြောကြားခဲ့သည်။

ပိုလန်မှာ မတ်လက အိုင်ယာလန်အသင်းနှင့် ကစားခဲ့သည့်ပွဲတွင်လည်း ၁ ဂိုး ဂိုးမရှိဖြင့် အနိုင်ရရှိခဲ့ပြီး လီဝန်ဒေါ့စကီးကမူ ၎င်းတို့၏ ထိုနိုင်ပွဲက အသင်းအခြေအနေကို တစ်ဆစ်ချိုး ဖြစ်စေခဲ့သည်ဟု ထည့်သွင်းပြောကြားခဲ့သည်။ ပိုလန်မှာ လာမည့် စက်တင်ဘာလတွင် ဂျာမနီအသင်းနှင့် ကစားရမည်ဖြစ်သည်။

Ref: Goal

ဇွန် ၁၄၊ ၂၀၁၅
M-Media

– အသင်းငယ် အလ်ဘေးနီးယားအား ရှုံးနိမ့်ခဲ့သည့်အတွက် မိမိအနေဖြင့် စိတ်ပျက်မိပြီး ထိုအရှုံးအတွက် မိမိသာလျှင် အပြစ်တင်ခံထိုက်သူဖြစ်သည်ဟု ပြင်သစ်နည်းပြ ဒီဒီယာ ဒက်စ်ချမ့်စ်က ပြောကြားလိုက်သည်။

ခြေစမ်းပွဲအဖြစ် ယနေ့မနက်က ကစားခဲ့သည့် အဆိုပါပွဲတွင် အလ်ဘေးနီးယားမှ အာရ်ဂက်စ် ကာစီက ပထမပိုင်းပြီးကာနီးတွင် ပြစ်ဒဏ်ဘောမှ တိုက်ရိုက်ကန်သွင်းယူခဲ့ပြီး ထိုဂိုးဖြင့်ပင် ယူရို ၂၀၁၆ အိမ်ရှင်ဖြစ်သည့် ပြင်သစ်အသင်းအား အနိုင်ရရှိခဲ့သည်။

ပြင်သစ်မှာ ပြီးခဲ့သည့် စနေနေ့ကလည်း ဘယ်လ်ဂျီယံအသင်းအား ၄ ဂိုး ၃ ဂိုးဖြင့် ရှုံးနိမ့်ခဲ့ပြီး ယခုပွဲအရှုံးအတွက် ဒက်စ်ချမ့်စ်က ဒေါသထွက်ခဲ့သည်။

“ဘယ်လ်ဂျီယံနဲ့ပွဲမှာ ကျွန်တော်တို့ဟာ ပိုသာပြီး ကစားပုံပိုကောင်းတဲ့ အသင်းနဲ့ တွေ့ခဲ့တာပါ။ သူတို့ရဲ့ကစားကွက်အောက် ရောက်ခဲ့ပါတယ်။ အလ်ဘေးနီးယားကတော့ ပိုပြီး စိတ်ဓာတ်ပြင်းထန်တဲ့ ပြိုင်ဘက်ပါ။ ကျွန်တော် တကယ့်ကို စိတ်ညစ်ရပြီး စိတ်လည်းပျက်ရပါတယ်။ ဘာ့ကြောင့်လည်းဆိုတော့ ကျွန်တော်ဟာ တာဝန်ရှိသူဖြစ်လို့ပါပဲ” ဟု ဒက်စ်ချမ့်စ်က ပြောကြားခဲ့သည်။

ထို့ပြင် မိမိတို့အသင်းမှာ အနိုင်ရလိုစိတ် လုံလုံလောက်လောက်မရှိခဲ့ဘဲ ထိုကိစ္စမှာ လက်ခံနိုင်စရာမရှိကြောင်း၊ ကစားသမားများအား မဝေဖန်ချင်သော်လည်း ၎င်းတို့မှာ အဆင့်မြင့်ပွဲများတွင် ကစားရန် စိတ်ပိုင်းဆိုင်ရာအရ အဆင်သင့်မဖြစ်သေးကြောင်း ၎င်းက
ထပ်လောင်းပြောကြားခဲ့သည်။

Ref: Goal