Tag: Euro2016

စက်တင်ဘာ ၇၊ ၂၀၁၅
M-Media

– တူရကီအား ဂိုးပြတ်ဖြင့် ရှုံးနိမ့်ခဲ့ပြီးနောက် ယူရိုခြေစစ်ပွဲအောင်မြင်ရန် မျှော်လင့်ချက် ပျက်သုဉ်းလုနီးပါး ဖြစ်သွားခဲ့သည့် နယ်သာလန်၏ အခြေအနေအတွက် စိတ်ပျက်ရသည်ဟု တိုက်စစ်မှူး ဗန်ပါစီက ပြောကြားခဲ့သည်။

ယနေ့မနက်က ကစားခဲ့သည့် အုပ်စု A မှ အဆိုပါပွဲတွင် နယ်သာလန်မှာ တူရကီအသင်းအား ၃ ဂိုးပြတ်ဖြင့် ရှုံးနိမ့်ခဲ့ပြီး play-off ကစားခွင့်ရမည့် တတိယနေရာမှ တူရကီအသင်းနှင့် ၂ မှတ်အကွာ စတုတ္ထနေရာတွင် ရှိနေသည်။

တူရကီမှာ ထိုနေရာအား ထိန်းသိမ်းရန်အတွက် လက်ကျန် ၂ ပွဲတွင် ၄ မှတ်သာ လိုအပ်ပြီး နယ်သာလန်ကမူ နှစ်ပွဲစလုံး အနိုင်ရသော်လည်း တူရကီက ခြေချော်မှသာ play-off ဖြင့် ယူရို ၂၀၁၆ နောက်ဆုံးအဆင့်သို့ တက်ရောက်ရန် မျှော်လင့်နိုင်မည်ဖြစ်သည်။

ဗန်ပါစီကမူ အသင်း၏ အခြအနေအတွက် စိတ်ပျက်မိသည်ဟု ဆိုသည်။

“ဟုတ်ကဲ့ (နာကျင်စရာလို့) ခင်ဗျား ပြောနိုင်ပါတယ်။ ကျွန်တော်တို့လက်ထဲမှာ ခြေစစ်ပွဲအောင်ဖို့ အခွင့်အရေး မရှိတော့ပါဘူး။ စိတ်ပျက်စရာပါပဲဗျာ။ သိပ်ကို စိတ်ပျက်စရာကောင်းပါတယ်။ ခြေစစ်ပွဲအောင်ဖို့ဆိုတာက သိပ်ကို ခက်ခဲသွားပါပြီ။ ဒါပေမယ့် ကျွန်တော်တို့ အခွင့်အရေး ရှိနေပါသေးတယ်။ အဆုံးအထိ ကျွန်တော်တို့ တိုက်ပွဲဝင်သွားမှာဖြစ်ပြီး၊ ဘယ်လိုပဲဖြစ်ဖြစ် နောက်နှစ်ပွဲကို အနိုင်ကစားရပါတော့မယ်” ဟု ပွဲအပြီးတွင် NOS သို့ ဗန်ပါစီက ပြောကြားခဲ့သည်။

အုပ်စု A တွင် ချက်နှင့် အိုက်စလန်အသင်းတို့မှာ တိုက်ရိုက် ခြေစစ်ပွဲ အောင်မြင်သွားခဲ့ပြီ ဖြစ်သည်။

Ref: Goal

စက်တင်ဘာ ၇၊ ၂၀၁၅
M-Media

– ယနေ့မနက်က ကစားခဲ့သည့်ပွဲတွင် ကာဇက်စတန်အသင်းအား သရေကျခဲ့ပြီးနောက် အိုက်စလန်အသင်းမှာ သမိုင်းတစ်လျှောက် ယူရိုပြိုင်ပွဲ နောက်ဆုံးအဆင့်ကို ပထမဆုံးအကြိမ် တက်ရောက်နိုင်ခဲ့ပြီဟု သိရသည်။

ရာသီဥတု ဆိုးရွားခဲ့သည့်ထိုပွဲတွင် အိုက်စလန်မှာ ခြေစွမ်းကောင်းများ မပြနိုင်ခဲ့သော်လည်း သရေတစ်မှတ် ရရှိခဲ့ခြင်းကြောင့် ၈ ပွဲကစား ၁၉ မှတ်ဖြင့် အုပ်စုထိပ်ဆုံးနေရာကို ချက်အသင်းနှင့်အတူ ဦးဆောင်ကာ ကစားရန် ၂ ပွဲ ကျန်နေသေးသော်လည်း ခြေစစ်ပွဲ အောင်မြင်သွားခြင်းဖြစ်သည်။

ဥရောပအသင်းငယ် အိုက်စလန်မှာ အုပ်စုအဖွင့်ပွဲစဉ်ကတည်းက တူရကီအသင်းအား ၃ ဂိုးပြတ်ဖြင့် အနိုင်ကစားကာ အံ့သြစရာ ခြေစွမ်းကို ပြသခဲ့ပြီး၊ ပြီးခဲ့သည့် ကြာသာပတေးနေ့ကလည်း ဥရောပထိပ်သီး နယ်သာလန်ကို ၁ ဂိုး ဂိုးမရှိဖြင့် အနိုင်ရရှိအောင် ကစားခဲ့သည်။

အိုက်စလန်နည်းပြ လာစ် လာဂျာဘက်ကမူ အိုက်စလန်အသင်းအား ယူရို ၂၀၁၆ သို့ ရောက်ရှိအောင် ဦးဆောင်နိုင်ခြင်းမှာ ထူးခြားမှုဖြစ်ပြီး အသင်းအတွက် ဂုဏ်ယူမိသည်ဟု ပြောကြားခဲ့သည်။

“ကျွန်တော်ဟာ နည်းပြတစ်ယောက်သာ ဖြစ်ပါတယ်။ အသင်းကစားသမားတွေက ကြီးကျယ်တဲ့ကစားသမားတွေဖြစ်ပြီး၊ သူတို့ဟာ ယူရိုကိုရောက်ဖို့ လုံးဝ ထိုက်တန်ကြပါတယ်”

အသင်းအား အကောင်းဆုံးဦးဆောင်နိုင်ခဲ့သည့် အသင်းခေါင်းဆောင် အေရွန် ဂန်နာဆန်ကလည်း ခြေစစ်ပွဲအောင်မှုမှာ မိမိတို့အတွက် မယုံနိုင်စရာဖြစ်သည်ဟု ပြောကြားခဲ့သည်။

“မယုံနိုင်စရာပါပဲဗျာ။ တော်တော်လေး တုန်လှုပ်မိပါတယ်။ ဒီအခြေအနေရောက်ဖို့ ကျွန်တော်တို့ ပြင်းပြင်းထန်ထန် ကြိုးစားခဲ့ရတာပါ။ ကျွန်တော်တို့အသင်းဟာ ကျွန်တော် ဘောလုံးကစားကတည်းက ယူရိုနောက်ဆုံးအဆင့်ကို ပထမဆုံးအကြိမ် တက်ရောက်နိုင်တဲ့ အိုက်စလန်အသင်းပါပဲ။ ဒါမျိုး ဖြစ်လာမယ်လို့ စိတ်တောင် မကူးမိပါဘူး”

အုပ်စု A တွင် ချက်အသင်းမှာ လတ်ဗီယားအသင်းအား ၂ ဂိုးပြတ်ဖြင့် အနိုင်ရရှိခဲ့ပြီး အိုက်စလန်အသင်းနှင့်အတူ ခြေစစ်ပွဲ အောင်မြင်သွားပြီဖြစ်သည်။

Ref: UEFA.com

စက်တင်ဘာ ၆၊ ၂၀၁၅
M-Media

– တိုက်စစ်မှူးရူနီမှာ အင်္ဂလန်အသင်း၏ သမိုင်းတစ်လျှောက် ဂိုးသွင်းအများဆုံးစံချိန်ကို မှီမည်ဟု မိမိ မမျှော်လင့်ခဲ့ကြောင်း မန်ယူနည်းပြဟောင်း ဆာအဲလက်စ်ဖာဂူဆန်က ပြောကြားလိုက်သည်။

ယနေ့မနက်က ဆန်မာရီနိုအသင်းအား ၆ ဂိုး ပြတ်ဖြင့် အနိုင်ရခဲ့သည့် အင်္ဂလန်အသင်း၏ ယူရိုခြေစစ်ပွဲတွင် ရူနီမှာ ၁၃ မိနစ်၌ ပင်နယ်တီဖြင့် တစ်ဂိုးသွင်းယူပေးခဲ့ပြီး ဂန္တ၀င်ကစားသမား ဘော်ဘီလ်ချာလ်တန် တင်ထားခဲ့သည့် ၄၉ ဂိုး စံချိန်နှင့် တူညီသွားပြီဖြစ်သည်။

သို့သော်လည်း ရူနီအား မန်ယူသို့ ၂၀၀၄ ခုနှစ်က ပေါင် သန်း ၃၀ ဖြင့်ခေါ်ယူကာ မြေတောင်မြှောက်ပေးခဲ့သည့် ဖာဂူဆန်ကမူ ၎င်းအနေဖြင့် အစပိုင်းတွင် ရူနီအား ဂိုးလှိုင်လှိုင်သွင်းနိုင်မည့် တိုက်စစ်မှူးအဖြစ် မသတ်မှတ်ခဲ့ကြောင်း ၀န်ခံခဲ့သည်။

“ဒီလိုမျိုး ကျွန်တော် ဘယ်တုန်းကမှ မထင်ခဲ့ပါဘူး။ ပြီးတော့ သူ့ကို ဂိုးသွင်းစွမ်းရည်ရှိမယ်လို့လည်း ကျွန်တော် သတိမပြုမိခဲ့ပါဘူး။ ပြစရာ ဘာမှ မရှိခဲ့လို့ပါ။ သူဟာ ထူးချွန်တဲ့ ဘောလုံးသမားတစ်ယောက်လို့ မြင်ပြီး ဒါက သူ့ကို ကျွန်တော်တို့ လိုချင်တဲ့ အဓိက အကြောင်းအရင်းပါ” ဟု ဖာဂူဆန်က ITV Sport သို့ ပြောကြားခဲ့သည်။

ဘော်ဘီချာလ်တန်မှာ အင်္ဂလန်လက်ရွေးစဉ်အသင်းအတွက် ၁၉၅၈ ခုနှစ်မှ ၁၉၇၀ ခုနှစ်အထိ ပွဲပေါင်း ၁၀၆ ပွဲ ကစားခဲ့ပြီး ၁၉၆၆ ကမ္ဘာ့ဖလားကို ကိုင်မြှောင်နိုင်ခဲ့သူ ဖြစ်သည်။ ဖာဂူဆန်ကမူ ချာလ်တန်မှာ မန်ယူတွင် ရူနီကို အကြံဥာဏ်များ ပေးခဲ့သည်ဟုဆိုသည်။

သို့သော်လည်း ရူနီ၏ ဂိုးသွင်းစံချိန်သစ် တင်နိုင်မည့် အောင်မြင်မှုကို ပိုမိုကြီးကျယ်သော အောင်မြင်မှုအဖြစ် သတ်မှတ်ရန် ငြင်းဆိုခဲ့ပြီး၊ နိုင်ငံတကာအဆင့်တွင် သက်သေပြနိုင်ခြင်းဟု သာမန်သာ ချီးကျူးခဲ့သည်။

ရူနီက မိမိမှာ အင်္ဂလန်အသင်းနှင့် ကမ္ဘာ့လားရရှိရန် မျှော်လင့်ထားဆဲဟု ပြောကြားခဲ့ဖူးပြီး၊ ဖာဂူဆန်ကမူ သံသယရှိနေသည်။

“အဲဒါက အရမ်း၊ အရမ်း ခက်ခဲတယ်လို့ ကျွန်တော်ထင်ပါတယ်။ ကစားသမားတွေကြောင့် ကျွန်တော် ဒီလိုပြောတာ မဟုတ်ပါဘူး။ ဒါပေမယ့် မီဒီယာနဲ့ ပရိတ်သတ်တွေဆီက သူတို့အပေါ်မှာရှိနေတဲ့ ဖိအားဟာ မယုံနိုင်စရာပါပဲ”

ဆန်မာရီနိုနှင့်ပွဲမှာ ရူနီ၏ အင်္ဂလန်အသင်းအတွက် ၁၀၆ ပွဲမြောက်ပွဲဖြစ်ပြီး ဘော်ဘီချာလ်တန်ကစားခဲ့သည့် ပွဲအရေအတွက်နှင့် တူညီသွားခဲ့ခြင်းလည်းဖြစ်သည်။

Ref: Goal

စက်တင်ဘာ ၅၊ ၂၀၁၅
M-Media

– ဖားရိုးကျွန်းစုများအသင်းအား အနိုင်ရရှိပြီးနောက် ယူရိုခြေစစ်ပွဲအောင်မြင်ရန် နီးစပ်လာသည့် မြောက်အိုင်ယာလန်အသင်းနည်းပြ မိုက်ကယ်အိုနေးလ်က အသင်းရှိ ကစားသမားတိုင်းမှာ ယူရိုနောက်ဆုံးအဆင့် ပြိုင်ပွဲနှင့် ထိုက်တန်သည်ဟု ပြောကြားလိုက်သည်။

ယူရိုခြေစစ်ပွဲ အုပ်စု F ၏ သတ္တမမြောက်ပွဲစဉ်အဖြစ် ယနေ့မနက်က ကစားခဲ့သည့် ပွဲတွင် မြောက်အိုင်ယာလန်အသင်းမှာ ဖားရိုးကျွန်းစုအား ၃ ဂိုး ၁ ဂိုးဖြင့် အနိုင်ရခဲ့ပြီး အုပ်စုကို ဦးဆောင်နိုင်ခဲ့သည်။ နောက်တစ်ပွဲ အနိုင်ရရှိပါက လာမည့်နှစ် ပြင်သစ်တွင် ကျင်းပပြုလုပ်မည့် ယူရို ၂၀၁၆ သို့ ၀င်ရောက်ယှဉ်ပြိုင်ခွင့်ရမည်ဖြစ်ကာ မြောက်အိုင်ယာလန်မှာ သမိုင်းသစ် ရေးထိုးနိုင်မည်ဖြစ်သည်။

အိုနေးလ်ကမူ အသင်းကစားသမားများကို ချီးကျူးလိုက်ပြီး မိမိတို့အနေဖြင့် လာမည့်တနင်္လာနေ့ ဟန်ဂေရီအား ဧည့်ခံရမည့်ပွဲတွင် အခွင့်အရေးကို လက်လွှတ်ခံမည်မဟုတ်ဟု ယုံကြည်မှုရှိနေသည်။

“အခုအချိန်မှာ ကျွန်တော်တို့ ပန်းဝင်ဖို့ပဲ လိုပါတော့တယ်။ တနင်္လာနေ့ညမှာ ကျွန်တော်တို့ အဲဒါကို လုပ်ချင်ပါတယ်။ အတိမ်းအစောင်းမရှိဘဲနဲ့ ဖြတ်ကျော်မယ်လို့ ကျွန်တော်တို့ ထင်ပါတယ်။ တကယ်လို့များ ကျွန်တော်တို့ရဲ့ ပရိတ်သတ်ရှေ့မှာ လုပ်နိုင်ရင် သိပ်ကောင်းမှာပါ” ဟု အိုနေးလ်က ပြောကြားခဲ့သည်။

ထို့ပြင် မိမိတို့အသင်းသားများမှာ ပြီးခဲ့သည့် ၂ နှစ်တာကာလအတွင်း အလွန်တိုးတက်ခဲ့ပြီး ယူရိုနောက်ဆုံးအဆင့်နှင့်လည်း ထိုက်တန်ကြောင်း၊ လက်ဖျားခါလောက်သည့် အောင်မြင်မှုဖြစ်ကြောင်း ၎င်းက ထည့်သွင်းပြောကြားခဲ့သည်။

၂၀၁၆ ယူရိုပြိုင်ပွဲတွင် ပထမဆုံးအကြိမ်အဖြစ် အသင်းပေါင်း ၂၄ သင်း ၀င်ရောက်ယှဉ်ပြိုင်ခွင့် ရရှိမည်ဖြစ်ခြင်းကြောင့်၊ ဥရောပရှိ ခြေစွမ်းခြေစရှိသည့် အသင်းများမှာ ဒေသတွင်း ထိပ်တန်းပြိုင်ပွဲတစ်ခုကို ၀င်ရောက်ယှဉ်ပြိုင်ရန် မျှော်လင့်လာနိုင်ကြသည်။

Ref: Goal

စက်တင်ဘာ ၄၊ ၂၀၁၅
M-Media

– ဆိုက်ပရက်စ်အသင်းအား အနိုင်ရခဲ့ကာ ယူရိုခြေစစ်ပွဲအောင်မြင်ရန် အလားအလာ ပိုကောင်းလာသည့်အတွက် စိတ်သက်သာရာ ရမိသည်ဟု ဝေးလ်တိုက်စစ်မှူး ဂါရက်ဘေးလ်က ပြောကြားလိုက်ပြီး အသင်းဖော်များကိုလည်း ချီးကျူးလိုက်သည်။

ယမန်နေ့က ကစားခဲ့သည့် ယူရို ၂၀၁၆ ခြေစစ်ပွဲတွင် ဝေးလ်မှာ ဆိုက်ပရက်စ်အသင်းအား ၁ ဂိုး ဂိုးမရှိဖြင့် အနိုင်ရရှိခဲ့ပြီး ဂါရက်ဘေးလ်က အဆိုပါအနိုင်ဂိုးကို ခေါင်းဖြင့် လှပစွာ သွင်းယူပေးခဲ့သည်။ ထိုပွဲအနိုင်ကြောင့် တနင်္ဂနွေနေ့တွင် ကစားမည့် အစ္စရေးနှင့်ပွဲတွင် အနိုင်ရပါက ယူရိုခြေစစ်ပွဲ အောင်မြင်မည်ဖြစ်ကာ ၁၉၅၈ ခုနှစ်နောက်ပိုင်း နိုင်ငံတကာ အဓိကပြိုင်ပွဲတစ်ခုကို ပထမဆုံးအကြိမ်အဖြစ် ၀င်ခွင့်ရမည်ဖြစ်သည်။

ထို့ပြင် ထိုပွဲအနိုင်ကြောင့် ဝေးလ်မှာ ဖီဖာ၏ ကမ္ဘာ့အဆင့် ရပ်တည်ချက်တွင် သမိုင်းတစ်လျှောက် ပထမဆုံးအကြိမ်အဖြစ် အင်္ဂလန်အသင်းအား ကျော်ဖြတ်နိုင်ခဲ့သည်။ ဘေးလ်ကမူ ဆိုက်ပရက်စ်နှင့်ပွဲမှာ မိမိတို့အတွက် စမ်းသပ်မှုဖြစ်ခဲ့ပြီး စိုစွတ်သော ရာသီဥတု အခြေအနေကြောင့် ပိုမိုခက်ခဲခဲ့သည်ဟု ပြောကြားခဲ့သည်။

“(ဆိုက်ပရက်စ်နဲ့ပွဲဟာ) ခက်ခဲတယ်ဆိုတာထက်ကို ပိုပါတယ်။ ဒီမှာကစားရတာနဲ့ အရင်က ရလဒ်မကောင်းတာတွေဟာ အဓိကအားဖြင့် စိုစွတ်မှုကြောင့် ဖြစ်တယ်ဆိုတာကို ကျွန်တော်တို့ သိပါတယ်။ ဒါပေမယ့် ကျွန်တော်တို့မှာ ဗျူဟာရှိပြီး အဲဒီအတိုင်း တိတိကျကျ ကစားခဲ့ပါတယ်။ ပြီးတော့ ကံလည်းကောင်းခဲ့ပြီး ဂိုးတစ်ဂိုးရခဲ့ပါတယ်။ အဲဒီဂိုးက ကြီးကျယ်တဲ့နေရာကို ပို့ဆောင်ပေးခဲ့ပါတယ်” ဟု
ဘေးလ်က Sky Sports သို့ ပြောကြားခဲ့သည်။

ထို့ပြင် မိမိအနေဖြင့် ထိုပွဲတွင် အကောင်းဆုံးပုံစံရခဲ့သည်ဟု မထင်ပဲ ကံကောင်း၍သာ မိမိ၏ ထိချက်က အရေးပါသည့် ၃ မှတ်ကို ရစေခဲ့သည်ဟု ၎င်းက ထည့်သွင်းပြောကြားခဲ့ကာ တနင်္ဂနွေနေ့ အစ္စရေးနှင့်ပွဲအတွက် အသင်းမှာ အတူတကွရှိပြီး စိန်ခေါ်မှုအတွက်လည်း အဆင်သင့်ဖြစ်နေသည်ဟု ဆိုသည်။

“စမ်းသပ်မှုက လာနေပြီဆိုတာ ကျွန်တော်တို့ သိခဲ့ပါတယ်။ ဒါနဲ့ပတ်သက်ပြီး ပြောကြဆိုကြတာတွေအများကြီး ရှိနေပါတယ်။ ဘာလုပ်ရမလဲဆိုတာ ကျွန်တော်တို့ သိပါတယ်။ ကျွန်တော်တို့ဟာ တောင့်တင်းတဲ့အသင်းဖြစ်ပြီး ကျွန်တော်တို့ရဲ့ လုပ်နိုင်စွမ်းဟာ ဘာလဲဆိုတာကိုလည်း သိပါတယ်”

Ref: Goal