မတ် ၂၈၊ ၂၀၁၅
M-Media
– ယနေ့နံနက်က ကစားခဲ့သည့် ယူရို ၂၀၁၆ ခြေစစ်ပွဲ မွန်တီနီဂရိုးနှင့် ရုရှားတို့၏ပွဲစဉ်ကို ပရိတ်သတ်များ၏ နှောက်ယှက်မှုကြောင့် ပွဲဖျက်လိုက်ရသည်ဟု သိရသည်။
မွန်တီနီဂရိုးတွင် ကစားခဲ့သည့် အဆိုပါပွဲ၌ ပရိတ်သတ်မှ ပစ်လွှတ်လိုက်သော မီးကျည်တစ်ခုမှာ ရုရှားဂိုးသမား အီဂေါရ် အာကင်ဖိဗ်၏ လည်ပင်းကို ထိမိခဲ့ခြင်းကြောင်း ပွဲအစ စက္ကန့် ၃၀ မှာပင် ပွဲကို ရပ်ဆိုင်းလိုက်ရပြီး မိနစ် ၂၀ ကြာပြီးနောက် ပြန်လည်ကစားခဲ့သော်လည်း ပရိတ်သတ်များက မီးကျည်များကို ကွင်းထဲသို့ ပစ်ထည့်ခဲ့ကြသည်။
ထို့ပြင် ပရိတ်သတ်များ၏ အခြေအနေကြောင့် နှစ်ဖက်အသင်းကစားသမားများကလည်း ထိပ်တိုက်တွေ့ဆုံမှုများ ဖြစ်ပွားခဲ့ကြပြီး ဂျာမန်ဒိုင်လူကြီးက ပွဲကစားရန် မိနစ် ၂၀ ကျန်ရှိနေသည့်အချိန်တွင် ပွဲအား ဖျက်သိမ်းခဲ့သည်။
ရုရှားနည်းပြ ကာပယ်လိုကမူ ၎င်းတို့အသင်းမှာ ပထမအကြိမ် ပွဲရပ်ဆိုင်းခဲ့ပြီးနောက်ပိုင်း မိမိတို့အသင်းမှာ ပြန်လည်ကစားခြင်းမှလွဲ၍ အခြားရွေးစရာ မရှိခဲ့ဟု ဆိုသည်။
“တာဝန်ရှိသူတွေက ပထမအကြိမ် ရပ်ဆိုင်းမှုပြီးတဲ့နောက်ပိုင်း ဆက်ကစားဖို့ ပြောပါတယ်။ ဒါ့ကြောင့် ကျွန်တော်တို့ ဆက်ကစားခဲ့ရပါတယ်။ ဒါပေမယ့် ဒုတိယအကြိမ် ပွဲဖျက်လိုက်တာတော့ မှန်ပါတယ်” ဟု ကာပယ်လိုက ပြောကြားခဲ့သည်။
မွန်တီနီဂရိုးနည်းပြကမူ မိမိတို့ ပရိတ်သတ်၏ အပြုအမူအတွက် ရှက်မိသည်ဟု ပြောကြားခဲ့သည်။
“ဖြစ်ပျက်ခဲ့သမျှအားလုံးအတွက် ရုရှားကစားသမားတွေနဲ့ နည်းပြအဖွဲ့ဝင်တွေကို ကျွန်တော် တောင်းပန်ချင်ပါတယ်။ ပြဿနာက ဒုတိယအကြိမ် ထပ်ဖြစ်လာတာကြောင့် ပွဲဖျက်လိုက်တာက လုပ်ရိုးလုပ်စဉ်ပါပဲ”
ယူရို ၂၀၁၆ ခြေစစ်ပွဲတွင် ယခုကဲ့သို့ ပွဲဖျက်ခြင်းမှာ ဒုတိယအကြိမ်မြောက်ဖြစ်ပြီး ပြီးခဲ့သည့် အလ်ဘေးနီးယားနှင့် ဆားဘီးယားတို့ပွဲတွင် ကွင်းအတွင်းသို့ ဒရုန်းလေယာဉ်ငယ်တစ်ခု ရောက်ရှိလာရာမှ ကစားသမားနှင့် ပရိတ်သတ်များအကြား ရုန်းရင်းဆန်ခတ်မှုများ ဖြစ်ပွားခဲ့သောကြောင့် ပွဲကို ဖျက်သိမ်းခဲ့ရသည်။
ရုရှားနှင့် မွန်တီနီဂရိုးတို့မှာ အုပ်စု G တွင် ၅ မှတ်စီရရှိထားပြီး သြစတြီးယားနှင့် ဆွီဒင်တို့၏နောက် တတိယနေရာတွင် ရှိနေသည်။ ယခုဖြစ်ရပ်အတွက် ဥရောပဘောလုံးအဖွဲ့ချုပ် UEFA က စုံစမ်းစစ်ဆေးမှုများ ပြုလုပ်ကာ ဆုံးဖြတ်သွားမည်ဖြစ်သည်။
Ref: Goal.comေ
