မတ် ၂၇၊ ၂၀၁၅
M-Media
– ယူရို ၂၀၁၆ ခြေစစ်ပွဲတွင် ရှုံးပွဲထပ်မတွေ့စေရန်အတွက် သတိထားကစားရန် စပိန်နည်းပြ ဒဲလ်ဘော့စကေးက အသင်းသားများအား တိုက်တွန်းလိုက်ပြီး မိမိတို့အသင်းမှာ ယနေ့ပွဲတွင် တိုက်စစ်အသားပေး ကစားသွားမည်ဟု ပြောကြားလိုက်သည်။
လက်ရှိ ဥရောပချန်ပီယံ စပိန်အသင်းမှာ ပြီးခဲ့သည့် အုပ်စု C ပွဲစဉ်တွင် စလိုဗက်ကီးယားအား အံ့သြဖွယ် ရှုံးနိမ့်ခဲ့ရပြီး ယနေ့တွင် အုပ်စုအတွင်း အမှတ်တူ ဒုတိယနေရာ၌ ရှိနေသည့် ယူကရိန်းအသင်းအား အိမ်ကွင်း၌ ဧည့်ခံကစားရမည်ဖြစ်သည်။
ပြိုင်ပွဲအားလုံးတွင် အိမ်ကွင်းရှုံးပွဲမရှိသေးသည့် စပိန်၏ မှတ်တမ်းကောင်းက ထိုပွဲ အနိုင်ရရှိရန်အတွက် ရေးပန်းစားနေသော်လည်း ဒဲလ်ဘော့စကေးကမူ မိမိတို့အနေဖြင့် ယူကရိန်းအသင်းကို လျှော့တွက်၍ မရဟု ပြောကြားခဲ့သည်။
“တိုက်စစ်ဖွင့်ကစားရမည့်ပွဲပါ။ ဒါပေမယ့် ကျွန်တော်တို့ မျှဖို့တော့ လိုပါတယ်။ ယူကရိန်းရဲ့ ခြိမ်းခြောက်နိုင်စွမ်းအတွက် ကျွန်တော်တို့ တော်တော်လေး ဂရုစိုက်ဖို့ လိုပါတယ်။ သူတို့ဟာ တန်ပြန်တိုက်စစ် ကောင်းပါတယ်” ဟု ဒဲလ်ဘော့စကေးက ပြောကြားခဲ့သည်။
စပိန်အသင်းအတွင် အားထားရသည့် ချယ်ဆီးတိုက်စစ်မှူး ဒီယေဂိုကော်စတာမှာ ခြေသလုံးဒဏ်ရာကြောင့် ပါဝင်ကစားနိုင်ခြင်းမရှိဘဲ၊ ဂျူဗင်တပ်တိုက်စစ်မှူး အလ်ဗာရို မိုရာတာက ဦးဆောင်ဖွယ်ရှိနေသည်။
ဒဲလ်ဘော့စကေးကမူ မိမိတို့တွင် ရှိနေသည့် ကစားသမားများအားလုံးဖြင့် လေ့ကျင့်ထားကြောင်း မိုရာတာထံမှလည်း မျှော်လင့်ထားကြောင်း ထည့်သွင်းပြောကြားခဲ့သည်။
Ref: Goal.com
Leave a Reply
You must be logged in to post a comment.