News @ M-Media

Tag: Europa League

  • ပထမဆုံးနိုင်ပွဲနှင့် နီးစပ်ခဲ့ဟု လီဗာပူးနည်းပြသစ်ပြော

    ပထမဆုံးနိုင်ပွဲနှင့် နီးစပ်ခဲ့ဟု လီဗာပူးနည်းပြသစ်ပြော

    အောက်တိုဘာ ၂၃၊ ၂၀၁၅
    M-Media

    liver

    – မိမိတို့အသင်းမှာ ၉၈ ရာခိုင်နှုန်းအထိ ကောင်းမွန်ခဲ့သော်လည်း အဆုံးအဖြတ် ၂ ရာခိုင်နှုန်း မရခဲ့၍ ပထမဆုံးနိုင်ပွဲနှင့် ဝေးခဲ့ရခြင်းဟု လီဗာပူးလ်နည်းပြ ယာဂန်ကလော့ပ်က ပြောကြားလိုက်သည်။

    ယနေ့မနက် ရူဘန်ကာဇန်နှင့် ၁ ဂိုးစီသရေကျခဲ့သည့် ယူရိုပါပွဲတွင် လီဗာပူးလ်မှာ ပထမပိုင်း ၁၅ မိနစ်မှာပင် ဦးဆောင်ဂိုး ပေးခဲ့သည်။ သို့သော်လည်း မိနစ် ၃၀ ကျော်တွင် ရူဘန်ကာဇန်က အသင်းခေါင်းဆောင် အထုတ်ခံခဲ့ရပြီး၊ သိပ်မကြာခင်မှာပင် အမ်ရီကန်က ချေပဂိုး သွင်းယူပေးနိုင်ခဲ့သည်။ နောက်ပိုင်းတွင် လီဗာပူးလ်က ကစားပုံကောင်းခဲ့သော်လည်း ဂိုးမရခဲ့ပေ။

    “ကျွန်တော်တို့ အခြေအနေတစ်ချို့ ရခဲ့တယ်။ အခွင့်အရေးကောင်းတွေလည်း ရခဲ့ပါတယ်။ ဒါပေမယ့် နောက်ဆုံးမှာ ဂိုးမရခဲ့ပါဘူး။ ဒါ့ကြောင့် ကျွန်တော်တို့ဟာ ၉၈ ရာခိုင်နှုန်း အဆင်ပြေခဲ့ပေမယ့် အဆုံးအဖြတ်ဖြစ်စေမယ့် ၂ ရာခိုင်နှုန်းတော့ မရခဲ့ပါဘူး။ ဒီနေ့ပွဲမှာ ပြဿနာက ဒါပါပဲ” ဟု ကလော့ပ်က ပွဲအပြီးတွင် ပြောကြားခဲ့သည်။

    ထို့ပြင် ၎င်း၏ ပထမဆုံး အိမ်ကွင်းအတွက် ပရိတ်သတ်များ၏ ကြိုဆိုအားပေးမှုကို ကျေနပ်သည်ဟု ထည့်သွင်းပြောကြားခဲ့သည်။

    “နွေးထွေးတဲ့ကြိုဆိုမှုပါပဲ။ ဒီညကတော့ ကျွန်တော့်ဘ၀ရဲ့ အကောင်းဆုံးအချိန်တွေထဲက တစ်ခုပါပဲ” ဟု ကလော့ပ်က ဆိုပြီး လူများက ၎င်းအား ကွင်းပြင်ထွက်နေသင့်သူတစ်ဦးဟု မယူဆခဲ့ခြင်းမှာလည်း မိမိတို့အားလုံးအတွက် အရေးပါသည့်ကိစ္စဖြစ်သည်ဟု အရွှန်းဖောက်ခဲ့သည်။

    Ref: Goal

  • ရုရှားကလပ် အသင်းတစ်ခု ယူရိုပါလိဂ်ပြိုင်ပွဲမှ ထုတ်ပယ်ခံရ

    ရုရှားကလပ် အသင်းတစ်ခု ယူရိုပါလိဂ်ပြိုင်ပွဲမှ ထုတ်ပယ်ခံရ

    ဇွန် ၂၀၊ ၂၀၁၅
    M-Media

    – ဥရောပဘောလုံးအဖွဲ့ချုပ် ယူအီးအက်ဖ်အေ၏ ဘဏ္ဍာရေးညီမျှမှုစည်း FFP ကို ချိုးဖောက်သည့်အတွက်ကြောင့် ရုရှားကလပ် ဒိုင်နမိုမော်စကိုအသင်းအား လာမည့်နှစ် ယူရိုပါလိဂ်တွင် ၀င်ရောက်ယှဉ်ပြိုခြင်းမပြုရန် ယူအီးအက်ဖ်အေက ပိတ်ပင်လိုက်သည်ဟု သိရသည်။

    ပြီးခဲ့သည့်နှစ်က ကစားသမားများ ခေါ်ယူရန်အတွက် ပြောင်းရွှေ့ကြေး အများအပြား သုံးစွဲခဲ့သည့် ဒိုင်နမို မော်စကိုအသင်းမှာ ၎င်းတို့၏ ဘဏ္ဍာရေးဆိုင်ရာ ကိစ္စများအတွက် ယူအီးအက်ဖ်အေ ဘဏ္ဍာရေး ထိန်းချုပ်မှုအဖွဲ့၏ အကဲဖြတ်အဖွဲ့သို ပြီးခဲ့သည့်ဧပြီလက ပို့ဆောင်ခြင်းခံခဲ့ရသည်။

    ရုရှားပရီးမီးယားလိဂ်ပြိုင်ပွဲတွင် အဆင့် ၄ ဖြင့် ရာသီသိမ်းခဲ့သည့် ဒိုနမိုမော်စကိုမှာ လာမည့်နှစ်တွင် ယူရိုပါလိဂ်ပြိုင်ပွဲကို ၀င်ရောက်ယှဉ်ပြိုင်ခွင့် ရရှိထားသော်လည်း စုံစမ်းစစ်ဆေးမှုများ ပြုလုပ်ပြီးနောက် ယူအီးအက်ဖ်အေက အဆိုပါပြိုင်ပွဲမှ ယမန်နေ့တွင် ထုတ်ပယ်ခဲ့သည်။

    အသင်းဥက္ကဌ ဘောရစ် ရိုတန်ဘာ့ဂ်ကမူ အသင်းအနေဖြင့် ယူရိုပါတွင် ပြန်လည်ယှဉ်ပြိုင်ခွင့်ရရန် ကြိုးစားသွားမည်ဟု အသင်းဝဘ်ဆိုက်မှတစ်ဆင့် ပြောကြားခဲ့သည်။

    ယူရိုပါပြိုင်ပွဲမှ ထုတ်ပယ်ခဲ့သော်လည်း ဒဏ်ငွေ၊ သို့မဟုတ် အပြောင်းအရွှေ့ကန့်သတ်ချက်များကို ယူအီးအက်ဖ်အေက ထပ်ဆောင်းပြုလုပ်ခဲ့ခြင်း မရှိဟု ဒိုင်နမိုမော်စကိုက ပြောကြားခဲ့သည်။

    ယခုတစ်ပတ်အစောပိုင်းကလည်း ယူအီးအက်ဖ်အေမှာ တူရကီကလပ် Bursaspor အသင်းကို ဘဏ္ဍာရေးညီမျှမှုစည်းမျဉ်း ချိုးဖောက်သည့်အတွက် ယူရိုပါလိဂ်ပြိုင်ပွဲမှ ထုတ်ပယ်ခဲ့သည်။

    ပြီးခဲသည့်နှစ်က ယူရိုပါလိဂ် နောက်ဆုံး ၁၆ သင်းအဆင့် ရောက်ခဲ့ပြီး နာပိုလီအသင်း၏ ဖြုတ်ချခြင်းကို ခံခဲ့ရသည့် ဒိုင်နမိုမော်စကိုအစား ပဉ္စမရရှိခဲ့သည့် ရူဘင်ကာဇန်အသင်းက ယူရိုပါလိဂ်တွင် ၀င်ရောက်ယှဉ်ပြိုင်ခွင့်ရဖွယ် ရှိနေသည်။

    Ref: Goal

  • ယူရိုပါကို ဆီးဗီးလား ၄ ကြိမ်မြောက်ဗိုလ်စွဲ

    ယူရိုပါကို ဆီးဗီးလား ၄ ကြိမ်မြောက်ဗိုလ်စွဲ

    မေ ၂၈၊ ၂၀၁၅
    M-Media

    europa

    – ယမန်နေ့က ကစားခဲ့သည့် ယူရိုပါဖလား ဗိုလ်လုပွဲတွင် လာလီဂါကလပ် ဆီးဗီးလားအသင်းက ဒီနီပရိုအသင်းအား အနိုင်ရရှိကာ လေးကြိမ်မြောက် ဗိုလ်စွဲနိုင်ခဲ့သည်ဟု သိရသည်။

    ပိုလန်နိုင်ငံ ၀ါဆောမြို့တွင် ကစားခဲ့သည့် အဆိုပါပွဲတွင် ဆီးဗီလားမှာ အသင်းသမိုင်းတစ်လျှောက် ပထမဆုံး ယူရိုပါဗိုလ်လုပွဲတက်လာသော ဒီနီပရိုအသင်း၏ ဦးဆောင်မှုကို ခံခဲ့ရပြီး နောက်မှလိုက်၍ ချေပဂိုးနှင့် အနိုင်ဂိုးများကို သွင်းယူနိုင်ခဲ့ခြင်းဖြစ်သည်။

    ပွဲကို မြန်မြန်ဆန်ဆန် စတင်ခဲ့သည့် ဒီနီပရိုအတွက် ပွဲအစ ၇ မိနစ်မှာပင် အန် ကာလီနစ်က ဦးဆောင်ဂိုး သွင်းပေးခဲ့သည်။ နောက်ပိုင်းတွင် ဆီးဗီးလာက ချေပဂိုးရရန် ကြိုးစားလာပြီး ၂၈ မိနစ်နှင့် ၃၁ မိနစ်တို့တွင် ကရီချိုဝီအက်နှင့် ဘက်ကာတို့က ချေပဂိုးနှင့် အနိုင်ဂိုများကို သွင်းပေးခဲ့သည်။

    ဆီးဗီးလား၏ ဦးဆောင်မှုမှာ ၁၃ မိနစ်သာ ခံခဲ့ပြီး ၄၄ မိနစ်တွင် ဒီနီပရို အသင်းခေါင်းဆောင် ရက်စ်လန် ရိုတန်က ဖရီးကစ်မှတစ်ဆင့် ချေပဂိုး ပြန်သွင်းခဲ့သည်။ ဒုတိယပိုင်းတွင် ဆီးဗီးလားက ပိုကောင်းခဲ့ပြီး နှစ်သင်းစလုံး အပိုင်ဂိုးသွင်းခွင့်အချို့ ရခဲ့သော်လည်း ဆီးဗီလားမှ ဘက်ကာ၏ ၇၃ မိနစ် ကန်သွင်းချက်သာ ဂိုးအဖြစ်ပြောင်းလဲခဲ့၍ ဆီးဗီးလားလို့ ယူရိုပါဖလားအား ကိုင်မြှောက်နိုင်ခဲ့သည်။

    ယူအီးအက်ဖ်အေဖလားအမည်ဖြင့် ကျင်းပခဲ့သည့် အချိန်က ဆီးဗီးလားမှာ ၂၀၀၆ နှင့် ၂၀၀၇ ခုနှစ်များတွင် ၂ နှစ်ဆက်တိုက် ရရှိခဲ့ပြီး ယခုတွင်လည်း ပြီးခဲ့သည့်နှစ်နှင့် ယခုနှစ်တို့တွင် ရရှိခဲ့သောကြောင့် သမိုင်းတစ်လျှောက် ယူရိုပါလိဂ်ကို ပထမဆုံး ၄ ကြိမ်မြောက်ရရှိသည့်အသင်း ဖြစ်လာခဲ့သည်။

    “အသင်းကို ဂိုး ၂ ဂိုးနဲ့ ကူညီနိုင်ခဲ့လို့ ကျွန်တော် ကျေနပ်မိပါတယ်။ ပြီးတော့ ဒီဂိုးတွေရခဲ့ပြီး အသင်းကို ကူညီနိုင်ခဲ့တဲ့အတွက်လည်း ကျွန်တော် ပျော်ပါတယ်” ဟု ထိုပွဲတွင် ၂ ဂိုးသွင်းပေးခဲ့သည့် ဘက်ကာက ပွဲအပြီးတွင် ပြောကြားခဲ့သည်။

    Ref: Goal

  • ယူရိုပါဖလား မိမိတို့ ရရှိမည်ဟု ဖီအိုရင်တီးနားတိုက်စစ်မှူး ပြော

    ယူရိုပါဖလား မိမိတို့ ရရှိမည်ဟု ဖီအိုရင်တီးနားတိုက်စစ်မှူး ပြော

    ဧပြီ ၁၇၊ ၂၀၁၅
    M-Medai

    fiorentina

    – လက်ရှိတွင် ကွာတားဖိုင်နယ် ရောက်ရှိနေသည့် မိမိတို့အသင်းမှာ ယူရိုပါလိဂ်အား ရရှိမည်ဟု ယုံကြည်ကြောင်း ဖီအိုရင်တီးနားအသင်း၏ တိုက်စစ်မှူး ခူမာ ဘာဘာကာရ်က ပြောကြားလိုက်သည်။

    ယူကရိန်းတွင် ကစားခဲ့သည့် ကွာတားဖိုင်နယ် ပထမကျော့တွင် ဖီအိုရင်တီးနားမှာ ဒိုနမိုကိဗ်အသင်းအား ပွဲချိန်ပြည်သည်အထိ ၁ ဂိုး ဂိုးမရှိဖြင့် ရှုံးနိမ့်နေခဲ့ပြီး လူစားဝင်လာသည့် ဘာဘာကရ်က နာကျင်အချိန်ပိုတွင် အဖိုတန်ချေပဂိုးကို သွင်းယူပေးခဲ့သည်။

    ဘာဘာကာရ်ကမူ ထိုကဲ့သို့ အသင်းအား ကူညီနိုင်ခဲ့မှုအတွက် ပျော်ရွှင်နေသည်။

    “ကျွန်တော်တို့အတွက် သိပ်ကိုအရေးကြီးတဲ့ပွဲပါ။ ကျွန်တော်တို့ အားလုံးကို ပေးဆပ်ခဲ့တာပါ။ ကောင်းကောင်းကစားနိုင်ခဲ့ပါတယ်။ သူ (အသင်းနည်းပြ) က မှန်မှန်ကန်ကန်ကစားဖို့နဲ့ အကောင်းဆုံး ပေးဆပ်ဖို့လိုတယ်လို့ ကျွန်တော့်ကို ပြောခဲ့ပါတယ်။ ကျွန်တော် အသင်းအတွက် ကစားခဲ့ပါတယ်။ ကျွန်တော်တို့ အားလုံးကို ဖြတ်သန်းချင်ပြီး ယူရိုပါဖလားကို ရယူချင်ပါတယ်။ အောင်မြင်မှု မကြာခင်လာမယ်ဆိုတာ ကျွန်တော်တို့ သေချာသိနေပါတယ်” ဟု ဘာဘာကာရ်က Mediaset သို့ ပြောကြားခဲ့သည်။

    ဖီအိုရင်တီးနားမှာ လာမည့်သီတင်းပတ်တွင် အိမ်ကွင်း၌ ဒုတိယအကျော့အဖြစ် ဒိုနမိုကိဗ်အား ဧည့်ခံကစားရမည် ဖြစ်ပြီး ဘာဘာကာရ်ကမူ မိမိတို့အနေဖြင့် ကောင်းမွန်အောင် ဆက်လက်ကြိုးစားရမည်ဖြစ်ကြောင်း၊ ကစားပုံကောင်းပြီး ကိဗ်အား ရှုံးနိမ့်ရန်မှာ မဖြစ်နိုင်ကြောင်း ၎င်းက ထပ်လောင်းပြောကြားခဲ့သည်။

    Ref: Goal.com

  • ယူရိုပါတွင် နောက်တစ်ဆင့်တက်သွားခြင်းမှာ ခြေလှမ်းသစ်ဟု ဖီအိုရင်တီးနားတိုက်စစ်မှူး ဆို

    ယူရိုပါတွင် နောက်တစ်ဆင့်တက်သွားခြင်းမှာ ခြေလှမ်းသစ်ဟု ဖီအိုရင်တီးနားတိုက်စစ်မှူး ဆို

    ဖေဖော်ဝါရီ ၂၇၊ ၂၀၁၅
    M-Media

    fio

    – စပါးအသင်းအား အနိုင်ရရှိပြီး ယူရိုပါလိဂ် နောက်တစ်ဆင့်သို့ တက်ရောက်သွားခြင်းမှာ မိမိတို့အသင်း ခြေလှမ်းသစ်တစ်ခု လှမ်းလိုက်ခြင်းဖြစ်သည်ဟု ဖီအိုရင်တီးနား တိုက်စစ်မှူး မာရီယိုဂိုးမက်ဇ်က ပြောကြားလိုက်သည်။

    ပြီးခဲ့သည့် တစ်ပတ်က လန်ဒန်တွင် ၁ ဂိုးစီသရေကျခဲ့သော်လည်း အီတလီတွင် ယနေ့နံနက်က ကစားခဲ့သည့် ဒုတိယအကျော့တွင် ဖီအိုရင်တီးနားက ၂ ဂိုးပြတ်ဖြင့် အနိုင်ရရှိခဲ့ပြီး ၂ ကျော့ပေါင်း ၃ ဂိုး ၁ ဂိုးဖြင့် နောက်တစ်ဆင့်သို့ တက်ရောက်ခဲ့သည်။

    အနိုင်ဂိုးများကို ဂိုးမက်ဇ်နှင့် ချယ်ဆီးမှ အငှားဖြင့်လာရောက်ကစားနေသည့် တိုက်စစ်မှူး မိုဟာမက် ဆာလာဟ်တို့က သွင်းပေးခဲ့ခြင်း ဖြစ်ပြီး ဂိုးမက်ဇ်ကမူ မိမိတို့အသင်းမှာ နောက်ဆုံးဗိုလ်ပွဲသို့ ပစ်မှတ်ထားနေသည်ဟု ပြောကြားခဲ့သည်။

    “ကျွန်တော်တို့ ဖိုင်နယ်ရောက်နိုင်ပါ့မလားပေါ့။ ကျွန်တော်တို့ ခြေလှမ်းကြီးတစ်ခု လှမ်းနိုင်ခဲ့ပြီး အခုတော့ နောက်ထပ်ပြိုင်ဘက်ကို စောင့်ရပါတော့မယ်။ ဒါပေမယ့် အဲဒီပြိုင်ဘက်ကိုလည်း နိုင်ချင်ပါတယ်။ ပရိသတ်တွေနဲ့ တစ်မြို့လုံးအတွက် ကျွန်တော် တော်တော်ပျော်ပါတယ်။ ဆိုးရွားတဲ့အချိန်တွေကို ကျွန်တော်တို့ နောက်မှာ ချန်ထားခဲ့ပါပြီ။ ကျွန်တော် ကြည်နူးမိပြိး ကောင်းကောင်းလည်း ကစားခဲ့ပါတယ်” ဟု ဂိုမက်ဇ်က ပွဲအပြီးတွင် Mediaset သို့ ပြောကြားခဲ့သည်။

    ဖီအိုရင်တီးနားမှာ စီးရီးအေတွင် ရာသီအစက ရုန်းကန်ခဲ့ရပြီး ပထမဆုံး ၈ ပွဲတွင် ၂ ပွဲသာ အနိုင်ရခဲ့သော်လည်း နောက်ပိုင်းတွင် ပြန်လည်ခြေမှန်လာခဲ့ပြီး ယခုလက်ရှိ အဆင့် ၄ နေရာ၌ ရှိနေကာ အဆင့် ၃ မှ နာပိုလီနှင့် ၆ မှတ်သာ ကွာဟနေသည်။

    ဂိုမက်ဇ်ကမူ မိမိတို့အသင်း၏ ခရီးမှာ ရှည်သေးပြီး အမှတ်များ မဆုံးရှုံးအောင်ပြုလုပ်ရမည်ဖြစ်ကြောင်း ထပ်လောင်းပြောကြားခဲ့သည်။

    Ref: Goal.com