Tag: Europa League

ဖေဖော်ဝါရီ ၂၇၊ ၂၀၁၅
M-Media

– ယူရိုပါလိဂ်ပြိုင်ပွဲမှ ထွက်ခဲ့ရသည့်အတွက် စိတ်ပျက်မိသော်လည်း အဆုံးအဖြတ်ပင်နယ်တီအား လွဲချော်ခဲ့သည့် ကစားသမား ဒီဂျန်လော့ဗ်ရန်ကို သနားမိသည်ဟု လီဗာပူးလ်နည်းပြ ဘရန်ဒန်ရော်ဂျာက ပြောကြားလိုက်သည်။

ပထမအကျော့က ၁ ဂိုး ဂိုးမရှိဖြင့် အနိုင်ရခဲ့သည့် လီဗာပူးလ်မှာ ယနေ့နံနက်က ကစားခဲ့သည့်ပွဲတွင် ၁ ဂိုး ဂိုးမရှိဖြင့် ရှုံးနိမ့်ခဲ့ပြီး ပင်နယ်တီအထိ ရောက်ရှိခဲ့သည်။ ပင်နယ်တီနောက်ဆုံးအလုံးတွင် လာ့ဗ်ရန်ကန်သွင်းသည့် ဘောလုံးမှာ လွဲချော်ခဲ့ပြီးနောက် ပြိုင်ပွဲမှ ထွက်ခဲ့ရသည်။

ရော်ဂျာကမူ မိမိတို့အသင်းမှာ ပထမပိုင်းတွင် အခွင့်အရေးကောင်းများ ဖန်တီးနိုင်ခဲ့သည်ဟု ဆိုသည်။

“ကျွန်တော်တို့ ကစားတာကောင်းရဲ့သားနဲ့ ထွက်ခဲ့ရတဲ့အတွက် စိတ်ပျက်မိပါတယ်။ ပထမပိုင်းမှာ ကျွန်တော်တို့ အခွင့်အရေးတွေကို ဖန်တီးနိုင်ခဲ့ပြီး သူတို့ကို ခက်ခဲအောင် လုပ်နိုင်ခဲ့ပါတယ်။ ဒီဂျန်အတွက်တော့ ကျွန်တော် သနားမိပါတယ်။ သူက ပွဲအတွင်းမှာ တော်တော်ကောင်းခဲ့တာပါ။ ဒါပေမယ့် ပင်နယ်တီလွဲချော်သူလည်း ဖြစ်ခဲ့ပါတယ်။ ကျွန်တော်တို့ ကံဆိုးခဲ့တာပေါ့ဗျာ” ဟု ရော်ဂျာက ပွဲအပြီးတွင် ပြောကြားခဲ့သည်။

ထို့ပြင် ပင်နယ်တီကန်သူအားလုံးမှာ ယုံကြည်မှုရှိကြပြီး ထိုကဲ့သို့ အဆုံးသတ်သွားသည့်အတွက် ရှက်မိကြောင်း၊ အမှားတစ်ခုက မိမိတို့အား အပြစ်ပေးခဲ့ခြင်းဖြစ်ပြီး ဆင်ခြေပေးရန်မရှိကြောင်း ရော်ဂျာက ထပ်လောင်းပြောကြားခဲ့သည်။

Ref: Goal.com

ဖေဖော်ဝါရီ ၂၁၊ ၂၀၁၅
M-Media

– ကြာသာပတေးနေ့ညက ကစားခဲ့သည့် ရိုးမားနှင့် ဖီယင်နော့တို့၏ ယူရိုပါလိဂ် ပထမအကျော့မတိုင်ခင် ဖီယင်နော့ ပရိတ်သတ်များ၏ ရမ်းကားမှုကြောင့် ရောမမြို့ရှိ နှစ်ပေါင်း ၅၀၀ သက်တမ်းရှိသော ရှေးဟောင်း ရေပန်းမှာ ပျက်ဆီးခဲ့သည်ဟု သိရသည်။

ရာချီသော ဖီယင်နော့ ပရိတ်သတ်များမှာ Barcaccia ဟု အမည်ရပြီး လှေပုံစံ အဆိုပါ ရေပန်းအနားတွင် မူးယစ် ရမ်းကားခဲ့ကြပြီးနောက် ရေပန်းအား ဘီယာဘူးများဖြင့် ပစ်ပေါက်ခြင်း၊ ခြေထောက်များဖြင့် ကန်ကျောက်ခြင်းတို့ကြောင့် ပျက်ဆီးခဲ့ရခြင်း ဖြစ်သည်။

ရောမမြို့ ရဲတပ်ဖွဲ့ဝင်များကမူ အဆိုပါပရိတ်သတ်များအား မျက်ရည်ယိုဗုံးများသုံးကာ လူစုခွဲခဲ့ပြီး ၂၃ ဦးကို ထိန်းသိမ်းခဲ့သည်။ နောက်ပိုင်းတွင် ၆ ဦးကို ထိခိုက်ဒဏ်ရာရစေခြင်း၊ ထိန်းသိမ်းမှုအား ခုခံခြင်း၊ ပြည်သူ့ဝန်ထမ်းများကို စော်ကားခြင်း စသည့် စွဲချက်များဖြင့် ဖမ်းဆီးခဲ့သည်ဟု တရာရေးသတင်းရင်းမြစ်များက ယမန်နေ့တွင် ဖော်ပြခဲ့သည်။

“ပျက်ဆီးသွားတဲ့ ပမာဏကို ဆုံးဖြတ်ဖို့ လိုနေပါတယ်။ ဒါပေမယ့် ဒီပျက်ဆီးမှုက ကြီးမားပါတယ်” ဟု ရှေးဟောင်းအမွေအနှစ် ထိန်းသိမ်းရေးအဖွဲ့မှ တာဝန်ရှိသူ အန်နာ မာရီယာ စီရိုနီက ပြောကြားခဲ့သည်။

ရောမမြို့တော်ဝန် အစ်ဂနာဇီယိုကလည်း လူလိမ်လူညစ်များ၊ ပရိတ်သတ်အတုယောက်များနှင့် ဆိုးရွားသော ဘောလုံးလူရမ်းကားများမှာ ရေပန်းအား ဖျက်ဆီးခဲ့ကြသည်ဟု အပြစ်တင်ခဲ့သည်။

ဖီယင်နော့ အထွေထွေဒါရိုက်တာ အဲရစ် ဂွဒ်ဒီက မိမိတို့အနေဖြင့် ဦးနှောက်မရှိသောအုပ်စု၏ ထိုအပြုအမူများအတွက် အရှက်ရမိကြောင်း ၀န်ခံပြောကြားခဲ့သည်။ အီတလီ နိုင်ငံရေးသမား အချို့ကမူ ယူအီးအက်ဖ်အေ အနေဖြင့် ဖီယင်နော့အသင်းကို ပြိုင်ပွဲမှ ထုတ်ပယ်သင့်သည်ဟု ပြောကြားခဲ့ကြသည်။ ရိုမားအသင်း၏ အိုလံပီကို ကွင်းတွင် ကစားခဲ့သည့် အဆိုပါပွဲမှာ ၁ ဂိုးစီ သရေကျခဲ့သည်။

Ref: reuters

ဖေဖော်ဝါရီ ၂၀၊ ၂၀၁၅
M-Media

– ယနေ့နံနက်က ကစားခဲ့သည့် ဘက်ခီတက်စ်နှင့် ယူရိုပါလိဂ်တွင် ပင်နယ်တီလုကန်ခဲ့သည့် လီဗာပူးလ်တိုက်စစ်မှူး ဘာလော့တယ်လီအား အသင်းဖော်ဂျရတ်က ဝေဖန်လိုက်ပြီး ဘာလော့တယ်လီမှာ အသင်းစည်းမျဉ်းများကို ချိုးဖောက်သည်ဟု ပြောကြားလိုက်သည်။

၃၂ သင်းအဆင့် ရှုံးထွက်ပြိုင်ပွဲ ပထမအကျော့အဖြစ် အန်ဖီးလ်တွင် ကစားခဲ့သည့် ထိုပွဲတွင် ပွဲပြီးကာနီးရရှိသည့် ပင်နယ်တီကို ဟန်ဒါဆန်က ကန်သွင်းရန် ပြင်ဆင်နေစဉ် ဘာလော့တယ်လီက ဟာန်ဒါဆန်၏လက်မှ ဘောလုံးလုကာ ကန်သွင်းခဲ့ခြင်းဖြစ်ပြီး ထိုဂိုးဖြင့်ပင် လီဗာပူးလ်က အနိုင်ရခဲ့သည်။

သို့သော်လည်း ၀ါရင့်ကွင်းလယ်လူ ဂျရတ်ကမူ ပင်နယ်တီကန်သွင်းရန် သတ်မှတ်ထားသူမှာ ဟန်ဒါဆန်သာဖြစ်ပြီး ဘာလော့တယ်လီ မဟုတ်ကြောင်း ၎င်း၏ လုပ်ရပ်အတွက် စိတ်ပျက်ရကြောင်း ပြောကြားခဲ့သည်။

“ဂျော်ဒန် (ဟန်ဒါဆန်) က ပင်နယ်တီကန်ရမှာပါ။ စည်းမျဉ်းက စည်းမျဉ်းပါပဲ။ ဟန်ဒါဆန်ပဲ ကန်ရမှာဖြစ်ပြီး မာရီယို (ဘာလော့တယ်လီ) ကတော့ စည်းဖောက်ခဲ့ပါတယ်” ဟု ဂျရတ်က ဆိုသည်။

သို့သော်လည်း ပွဲချိန်အတွင်း ဘာလော့တယ်လီ၏ အားထုတ်မှုကိုမူ ဂျရတ်က ချီးကျူးခဲ့သည်။ ထို့ပြင် ဟန်ဒါဆန်မှာ ဘာလော့တယ်လီ ဂိုးသွင်းချင်သည်ကို သိရှိပြီး အကောင်းဆုံး ကိုင်တွယ်နိုင်ခဲ့ကြောင်း ၎င်းက ထပ်လောင်းပြောကြားခဲ့သည်။

ပင်နယ်တီမှတ်တမ်းကောင်းများရှိသည့် ဘာလော့တယ်လီကမူ ဟန်ဒါဆန်က ၎င်းအား ပင်နယ်တီပေးကန်သည့်အတွက် ကျေးဇူးတင်ကြောင်း ပွဲအပြီးတွင် ပြောကြားခဲ့သည်။

Ref: goal.com