News @ M-Media

Tag: featured

  • အမုန်းပွားစေတဲ့ ပုံရိပ်တွေကို လျှော့ချဖို့ ဘယ်လို အစီအစဉ်တွေ လုပ်ကြမလဲ (ဆွေးနွေးပွဲမှ အမေးအဖြေများ)

    ဇွန်လ ၂၈၊ ၂၀၁၃
    M-Media
    ဆူးထက်

    တရားရုံးချုပ် ရှေ့နေ ဦးကျော်ငြိမ်းမှ မေးခွန်းမေးရာတွင် ” အမုန်းတရားပွားစေတဲ့ ဟောပြောချက် အချို့ဟာ ကျွန်တော်တို့ ပြည်တွင်းမှာ မလွှဲမရှောင်သာ ရှိခဲ့ပါတယ်။ အဲဒီအမုန်းတရားပွားစေတဲ့ ဟောပြောချက်တွေကြောင့် ရှိရင်းစွဲ ပြည်သူ ပြည်သားကြားမှာ ရှိရင်းစွဲ ပုံရိပ်တွေ ဟာ ထိခိုက် ပွန်းရှမှု ရှိခဲ့ပါတယ်။ အဲဒီ့ အမုန်းပွားစေတဲ့ ပုံရိပ်တွေကို လျှော့ချဖို့ အစီအစဉ်တွေ၊ ဥပဒေတွေ စဉ်းစားသလို၊ ယိုယွင်း၊ ထိခိုက်ပွန်းရှခဲ့တဲ့ ပုံရိပ်တွေကို ဘယ်လိုပြန်လည် တည်ဆောက်ကြမလဲဆိုတဲ့ အချက်ကိုလည်း မစဉ်းစား သင့်ပါဘူးလား။ စဉ်းစားမယ် ဆိုရင်လည်း ဘယ်လို လမ်းကြောင်းတွေနဲ့ ချပေးသင့်ပါလဲဆိုတာကို ဆရာတော်ပဲ ဦးဆောင်ပြီး ဖြေကြားပေးပါဟု မေးမြန်းလျှောက်ထားခဲ့သည်။

    P6280066
    မေးခွန်းများကို အရှင် ဓမ္မပီယ ဖြေကြားပေးစဉ်

    ” ဥပမာ အိမ်တစ်အိမ်မှာ မိခင်မှာ သားသမီးတွေရှိတယ်။ တစ်ယောက်နဲ့ တစ်ယောက် အမုန်းတွေ ပွားပြီးတော့ မခေါ်နိုင် မပြောနိုင် ဖြစ်တဲ့ အခါမှာ အနောက်တိုင်းအနေနဲ့ကတော့ နွေးထွေးစွာ ကြိုဆိုတယ်၊ တစ်ယောက်နဲ့တစ်ယောက် နားလည်ပေးခြင်း စသည့်ဖြင့် ပြန်လုပ်ပေးနိုင်လို့ ရှိရင် တစ်ယောက်နဲ့တစ်ယောက် ပြီးခဲ့တဲ့ ဟာတွေကိုလည်း အမုန်းဒဏ်ရာတွေပျောက်မယ်၊နားလည်ပေးမှု၊ အပြန်အလှန် ရိုသေလေးစားမှု ဖြစ်လာမယ်။

    ” ခုနက မိတ်ဆွေကြီမေးတဲ့ မေးခွန်းက ‘ကျွန်တော်တို့ရဲ့ အမုန်းတရားတွေကြောင့် ပျက်ယွင်းသွားတဲ့ ပုံရိပ်တွေဆိုတာကို ဘယ်လို ပြန်ပြင်ဆင်မလဲ ဆိုတဲ့ ‘ အတွက် ကျွန်တော်တို့ရဲ့ဒုတိယ ၀န်ကြီးရဲ့ လမ်းညွှန်ချက်ထဲမှာလည်း ပါသွားပါတယ်။ သူဘယ်လို ပြောသွားလဲ ဆိုရင် လူနည်းစုများရဲ့ဂျောင်ထိုးထားခြင်းခံရတဲ့၊ အသံတွေ ကြားခြင်း မခံရအောင် ပြုလုပ်ထားခြင်း ခံရတဲ့ သူတွေရဲ့ အသံတွေကိုလည်း ကြားလာအောင် ကျွန်တော်တို့ မြန်မာနိုင်ငံမှာ လူမျိုး ပေါင်းစုံ၊ ဘာသာပေါင်းစုံ နေထိုင်တဲ့ အတွက် တစ်ဦး တစ်ယောက်ကို ဘေးဖယ်ထားလျှင် ဘယ်တော့မှ တိုင်းပြည် မကြီးပွား မတိုးတက်ဘူး ဆိုတာကို မှန်ကန်စွာ သုံသပ်သွားတဲ့ အတွက် ကျွန်တော်တို့ အနေနဲ့ အင်မတန်မှ အားရတယ်။ အဲဒီ့ အဖြေ ပါသွားပြီ။ ဘယ်လို ပါသွားသလဲဆိုရင် ဒီလူတွေရဲ့ အသံကြားရအောင်လို့ ဥပမာ စွပ်စွဲတယ်၊ လွဲမှားသော စွပ်စွဲချက်သည် အမုန်းတရားတွေနဲ့ အတိ ပြည့်နေတယ်။ အဲဒီ့ စွပ်စွဲချက်တွေကို ပြန်လည် ချေပဖို့အတွက်က ပြန်လည် ချေပဖို့ဆိုတဲ့ နေရာမှာ ရိုင်းရိုင်းစိုင်းစိုင်း ချေပဖို့ မဟုတ်ပါဘူး။ ကျွန်တော်တို့ အစ္စလာမ် ဘက်ကဆိုလို့ရှိရင်တော့ ” မင်းတို့ကို မကောင်းပြုထားတဲ့ သူကို တန်ပြန်ပါတဲ့။ ဘယ်လို တန်ပြန်ရမလဲ ဆိုရင် အကောင်းနဲ့ တန်ပြန်တဲ့။မင်းတို့ အပေါ်မှာ အမုန်းပွားတဲ့ သူတွေက မင်းတို့ရဲ့ အကောင်းဆုံး မိတ်ဆွေတွေ ဖြစ်လာလိမ့်မယ်တဲ့ ကုရ်အာန် ကျမ်းမြတ်ထဲမှာ လမ်းညွှန်ထားတာပါ။ ၀န်ကြီးက ကျွန်တော်တို့ကို လမ်းဖွင့်ပေးထားတယ်။ တစ်ချိန်မှာ ကျွန်တော်တို့ကို စွပ်စွဲထားတဲ့ စွပ်စွဲချက်များဟာ မှားယွင်းပါတယ် ဆိုတာ ကျမ်းကိုးကျမ်းကား၊ အထောက်အထားနဲ့ သမိုင်းအစဉ်အလာများ၊ လတ်တလော ဖြစ်နေတဲ့ အရာတွေနဲ့ ကျွန်တော်တို့ ပြန်ပြီးတော့ ပျက်ယွင်းနေတဲ့ ပုံရိပ်တွေကို အသက်သွင်းပေးနိုင်မယ် ဆိုရင်တော့ အဲဒါဟာ အဆိပ်ဖြေဆေး ဖြစ်ပါလိမ့်မယ်လို့ ယုံကြည်ပါတယ် ” ဟု ဆရာဦးအေးလွင် မှအထက်ပါ မေးခွန်းအား ဖြည့်စွက်ဖြေကြားခဲ့သည်။

    DSCN5196

    ပြီးနောက် ပြန်ကြားရေး ၀န်ကြီး၊ ဒုဝန်ကြီး ဦးရဲထွဋ်က ပြည်တွင်း ပြည်ပ မီဒီယာများ၏မးမြန်းချက်များကို

    ” အွန်လိုင်း Facebook  ကနေ သတင်းတွေ တင်နေတာ မှန်ကန်မှု ရှိစေချင်တယ်။ ကျွန်တော်ကိုယ်တိုင်လည်း Facebook သုံးနေပါတယ်။ နိုင်ငံသားထဲက နိုင်ငံသား ဖြစ်တ့ အတွက် Facebook ကို သုံးတာပါ။ ပြန်ကြားရေး တာဝန် ထမ်းဆောင်နေရတာ မို့လို့ ကျွန်တော်ရဲ့ Facebook  အကောင့်ကနေ တဆင့် ကျွန်တော်ပေးနိုင်တဲ့ သတင်းအချက်အလက်တွေကို ပေးတာပါ။ ဒီထက် မပိုပါဘူး။ ”

    ” တိုင်းမ်မဂ္ဂဇင်းကို အမေရိကန် သံအမတ်ကြီးက ဘာဖြစ်လို့ ဒါကို ပိတ်တာလဲ၊ သူတို့  နိုင်ငံမှာဆို မပိတ်ဘူး ဆိုတာ ဟုတ်ပါတယ်။ ဘာဖြစ်လို့လဲ ဆိုရင် ကျွန်တော်တို့ နိုင်ငံမှာ ဒီကိစ္စကြောင့် ပိုမို ကြီးထွားနိုင်တဲ့ နောက်ဆက်တွဲ ပြဿနာတွေ ရှိလာနိုင်လို့ပါ။ ပိတ်တယ် ဆိုတာဟာလည်း နောက်ဆုံး နည်းလမ်း အနေနဲ့ ရွေးချယ်ခဲ့တာပါ။ တိုင်းမ် မဂ္ဂဇင်းက ကျွန်တော်တို့ ဆီမှာ အစောင်ရေ (၉၀၀)ပဲ ရှိတာ။ ဒါပေမယ့် Social Media တွေနဲ့ ပြည်တွင်း မီဒီယာတွေက တိုင်းမ်မဂ္ဂဇင်းမှာ ပါလာတာကို ကျယ်ကျယ်ပြန့်ပြန့် ပြောလာတော့ လူတွေက ပိုပြီး စိတ်ဝင်စားလာတယ်။ မျက်နှာဖုံး မြင်ရုံနဲ့ ဒီလောက် အရှိန်က မြင့်နေတယ် ဆိုရင် ဒီစာစောင်သာ ရောက်လာရင် မလိုလားအပ်တဲ့ ဘာသာရေးဆိုင်ရာပြဿနာတွေ ဖြစ်လာမှာ ဆိုးလို့ပါ။ ”

    ” တယ်လီဖုန်း အော်ပရေတာ လိုင်စင် ယူတာ ဆက်သွယ်ရေး ၀န်ကြီး ကိုယ်တိုင်တောင် မပါပါဘူး။ အမှတ်ပေး စည်းမျဉ်းက ၁၀၀ ပေးရင် သုံးပုံ နှစ်ပုံက သူရဲ့ နည်းပညာ အဆင့်အတန်း၊ မြန်မာနိုင်ငံမှာ မိတ်ဆက်ပေးမယ် ဆိုတဲ့ နည်းပညာ အဆင့်အတန်း၊ ဆောင်ရွက်ပေးမယ် ဆိုတဲ့ ၀န်ဆောင်မှုတွေနဲ့ ဆုံးဖြတ်ပြီး ကျန် သုံးပုံ တစ်ပုံက အော်ပရေတာ လိုင်စင်ကြေးပေါ်မှာ ဘယ်လောက်ပေးနိုင်မလဲ ဆိုတာနဲ့ ဆုံးဖြတ်တာပါ။ ဘာသာရေး၊ လူမှုရေးနဲ့ ဆုံးဖြတ်တာ မဟုတ်ပါဘူး ” ဟု အထက်ပါအတိုင်း ဖြေကြားပေးသည်။

  • တောင်ဥက္ကလာပမြို့နယ်တွင် ဘာသာပေါင်းစုံ တရားပွဲကျင်းပမည်

    ဇွန် ၂၇၊ ၂၀၁၃
    M-Media
    KK

    ရန်ကုန် ။             ။လူမျိုးဘာသာပေါင်းစုံ အတူယှဉ်တွဲနေထိုင်ရေးမှသည် ငြိမ်းချမ်းရေးဆီသို့ ဦးတည်သောအားဖြင့် ဘာသာပေါင်းစုံ တရားပွဲကို ဇွန်လ ၂၉-ရက်နေ့ နေ့လည် (၁)နာရီမှ (၄း၃၀)နာရီအထိ တောင်ဥက္ကလာပမြို့နယ်တွင် ပြုလုပ်မည်ဖြစ်ကြောင်းသိရသည်။

    sokl

    အဆိုပါ လူမျိုး၊ ဘာသာပေါင်းစုံ အတူယှဉ်တွဲနေထိုင်ရေးမှသည် ငြိမ်းချမ်းရေးဆီသို့ တရားပွဲကို တောင်ဥက္ကလာပမြို့နယ်လုံးဆိုင်ရာ ငြိမ်းချမ်းရေးလူငယ်များမှ ဦးစီးကျင်းပတာဖြစ်ပြီး သီရိဇေယျာခန်းမ၊ သီရိဇေယျာလမ်း၊ (၇)ရပ်ကွက်၊ တောင်ဥက္ကလာပမြို့နယ်၊ ရန်ကုန်မြို့တွင် နေ့လည် (၁)နာရီမှ (၄း၃၀)နာရီအထိ ပြုလုပ်မှာ ဖြစ်ကြောင်း သိရပါသည်။

    ယင်းတရားပွဲ၌ ဗုဒ္ဓဘာသာမှ ဦးပဏ္ဍ၀ံသ[(Ph.D.Thesis) အပြည်ပြည်ဆိုင်ရာ ထေရ၀ါဒဗုဒ္ဓတက္ကသိုလ်၊ ရန်ကုန်မြို့]၊ သီတဂူအရှင်တိက္ခသာရ (သာသနဓဇဓမ္မာစရိယ) [(M.A.(Srilanka) သဲတဂူကမ္ဘာ့ဗုဒ္ဓတက္ကသိုလ်၊ ရန်ကုန်မြို့]၊ ခရစ်ယာန်ဘာသာမှ Rev.Fr.George Shwe Tun (ကစ်သလစ် ဂိုဏ်းချုပ်ကျောင်း၊ ရန်ကုန်မြို့)၊ အစ္စလာမ်ဘာသာမှ အလ်ဟဂ်ျခလီဖွာဦးအေးလွင် (ကာဒရီယာ၊ အလီယာ၊ အစ္စလာမ်ဓမ္မဗိမာန်၊ ရန်ကုန်မြို့)၊ မုဖ်သီနူးရ်မိုဟမ္မဒ်(နာယက – Peace & Religion)၊ ဟိန္ဒူဘာသာမှ စရီဦးမောင်မြင့် (မဟာသိဒ္ဓိတင် – မဟာပဏ္ဍိတဂုရု(အိန္ဒိယ)၊ ရန်ကုန်မြို့) တို့မှ တရားဒေသနာများ ဟောကြားမည်ဖြစ်ပါသည်။

    Photo-Zin Wai FB

  • ” ပျဉ်ဖိုး ”

    ဇွန်- ၂၅၊ ၂၀၁၃
    M-Media
    ရေးသူ- သန့်စင်ဖြိုး

    kp19

    (၁) English နဲ့ ဗမာစာ ဖလှယ်ရာမှာ Terror ကိုဘယ်လိုဖလှယ်ကြလဲဗျ။ တစ်ယောက်တစ်မျိုးရေးနေတာတွေ တွေ့ရပေမယ့် အကြမ်းဖက်သမားလို့ ဘာသာပြန်လို့ မရတာတော့ သေချာတယ်။ လူကလည်း ကဂျီကဂျောင်ရယ်။ တတ်တဲ့လူတွေက ဘာသာပြန်ပြထားတာ ဖတ်ရပေမယ့် သူ့တို့ဘာသာပြန်တဲ့ အထဲမှာ Terror ကို ထိမိတယ်လို့မခံစားရဘူး။ သိုးဆောင် စကားများနဲ့ ဗမာစကားများကို ဖလှယ်ရာမှာ အတော်တော့ ခက်သားလားဗျ။ အကြိုက်ဆုံး ဘာသာပြန်ချက်ကတော့ အကြောက်ကြီးသူလို့ ဘာသာပြန်ထားတယ်။ ဒါပေမယ့် Time ရဲ့ဆောင်းပါးနဲ့တွဲဖတ်ကြည့်တော့ သူပြောချင်တဲ့ Terror ဆိုတာ အကြောက်အလန့်ကြီးတာ တစ်ခုတည်းထက် အစိုးရိမ်ကြီးပြီး ကြောက်လန့်ပြီးနေတဲ့ လူမျိုးကို ပြောချင်တဲ့ပုံစံ ပိုပေါက်နေတယ်။ gone with the wind ကိုလေရူးသုန်သုန်လို့ လှလှလေးဘာသာပြန်သလိုမျိုး ကျစ်ကျစ်လစ်လစ်ပြောကြမယ်ဟေ့ဆိုရင်တော့ Terror ဆိုတာ မိုးပြိုမှာစိုးကြောက်သူပေါ့ဗျာ…

    (၂) တစ်နေ့ကပဲ ဝါဒနဲ့ ဝါဒီကိုကျနော့အမြင်ရေးခဲ့ပါတယ်။ ဝန်ခံစရာရှိတာက ဝါဒနဲ့ဝါဒီအမြင်မှာ ကျနော့အပေါ်ကို ရွှေဥဒေါင်းကြီးလွှမ်းမိုးခဲ့ပါတယ်။ Buddhist ဆိုတာ ဗုဒ္ဓဝါဒီပါ Buddhism ဆိုရင်တော့ ဗုဒ္ဓဘာသာပါ။ Time အကြောင်းလူတွေရေးနေတာဖတ်ကတည်းက အသံကြောင့် ဖားသေကိန်းလို့ ခံစားမိခဲ့ပြီးသားပါ။ ကျနော်တို့ ဗမာ/မြန်မာတွေထဲမှာ English စာကို ဂျောင်းဂျောင်းပြေးတတ်သူတွေ တစ်ပုံကြီးပါ။ Buddhist terror ဆိုတာမြင်လိုက်တာနဲ့ သင်္ဃန်းခြုံသူတစ်ဦးရဲ့ မျက်နှာကို face of Buddhist terror လို့တင်ဆက်ပုံမြင်လိုက်တာနဲ့ အသံတွေ တစီစီညံကိန်းဆိုတာ သိပြီးသားပါ။ ကိုယ်တိုင်လည်း ဆောင်းပါးထဲကစာနဲ့ အပြင်ကခေါင်းစဉ်မျက်နှာဖုံးနဲ့အပေါ်မှာ မချင့်မရဲစိတ်တော့ ဝင်မိပါသေးတယ်။ ဒါပေမဲ့ လူတစ်ချို့ပြောသလို Yellow journalism တစ်ခုမဟုတ်တာတော့ အထဲကစာကို အနုလုံပဋိလုံ ဆန်းစစ်ရင်ပေါ်ပါတယ်။ ဝါဒီတစ်ယောက်ကို terror လို့ခေါင်းစဉ်တပ်တာဟာ ဝါဒတစ်ခုလုံးကို ဂျွမ်းပြန်သွားအောင်စွပ်စွဲတာမဟုတ်ဘူးဆိုတာ သတိချပ်ကြပါဗျာ။ အထဲကစာမှာဆိုရင် ဗုဒ္ဓဝါဒရဲ့အနှစ်သာရ/သင်ကြားမှုနဲ့ သူ့ခေါင်းစဉ်(title)/မျက်နှာဖုံး(cover)မှာဖော်ပြထားသူဗုဒ္ဓဝါဒီကြားမှာ အကြီးကြီးကွဲလွဲနေတာကို ထောက်ပြထားတာတွေအများကြီးတွေ့နေရပါတယ်။

    (၃) တစ်ချိန်က ဝါနာဘရားသားရဲ့ ဗုဒ္ဓဝါဒီရဟန်းနဲ့ ဗုဒ္ဓဆင်းတုအပေါ်မှာ မလျှော်ကန်တဲ့ပုံစံနဲ့ တင်ပြတဲ့အနုပညာပြကွက်အတွက် အသံထွက်ကြတုန်းက ကျနော်ကိုယ်တိုင် နိုင်ငံတကာ အထိပေါက်အောင် ဘယ်လိုပြောသင့်တယ်ဆိုတာ မြန်မာနိုင်ငံသားဗုဒ္ဓဘာသာဝင်များကို အကြံပေးဖူးပါတယ်။ ဒီတစ်ခါ တိုင်းမ်ရဲ့အနေအထားမှာ အကြီးအကျယ်ကန့်ကွက်နေတာ တစ်ဆိတ်သတိထားပါ။ တကယ်တော့ ဘားမားဘင်လာဒင်လို့ ကိုယ့်ကိုယ်ကို တံဆိပ်ကပ်ပြီး နိုင်ငံခြားကသတင်းထောက်တွေနဲ့ အင်တာဗျူးတွေဖြေနေကတည်းက ကျန်တဲ့ ဗုဒ္ဓဝါဒီများဖြစ်တဲ့ ရဟန်းများနှင့် လူထုက ဗုဒ္ဓဝါဒရဲ့အရေးပါတဲ့ သံဃာဆိုတဲ့ အနေအထားနဲ့ အဲ့ဒီလိုပြောရင် ဗုဒ္ဓဝါဒီတွေကို တစ်ဖက်က အမြင်တစ်မျိုးမြင်သွားနိုင်တယ်။ အထူးသဖြင့် မြန်မာနိုင်ငံကဗုဒ္ဓဝါဒီတွေအပေါ်အမြင်စောင်းနိုင်တာကြောင့် အဲ့ဒီလိုတွေပြောနေဆိုနေ အင်တာဗျူးနေမယ်ဆိုရင် သင်္ဃန်းတော့ချွတ်လိုက်ပါလို့ ဘယ်ဗုဒ္ဓဝါဒီများက ထိထိရောက်ရောက်ဖြစ်အောင် တောင်းဆိုခဲ့သလဲ?? ဆိုတာမိမိကိုယ်မိမိပြန်မေးကြပါ။ ကိုယ်ကောင်းရင် ကိုယ့်ခေါင်းမရွေ့ဘူးဆိုတာဟာ တစ်ယောက်တည်း သီးသန့်အနေအထားမှာပဲမှန်ပါတယ်။ အဖွဲ့အစည်း အများဆိုင်နာမ်များနဲ့ကိစ္စမှာတော့ သူများမကောင်းလို့ ကိုယ့်ခေါင်းပါအရွဲ့အစောင်းအမြင်ခံရနိုင်ပါတယ်။ ဒါကို အခုအထိအနည်းစုက သတိထားမိပေမဲ့ အများစုနဲ့ အများစုအပေါ်ဩဇာရှိတဲ့ သံဃာ့အသိုင်းအဝိုင်းက သတိမပြု/ဂရုမစိုက်/လွှတ်ထားတာဟာ အခုလိုမျိုး ပြောကြားခံရမှုတွေ ရပ်တန့်သွားဖို့လမ်းစပျောက်ဆုံးစေပါတယ်။

    (၄) We’re really request please reevaluate about your magazine cover story title for July issue, “The Face of Buddhist Terror” by Hannah Beech / Meikhtila, Burma, And Pattani, Thailand. I know this process was happened. I am not a supporter of u wirathu. Every media wrote this violent case. But the combination of these two words “Buddhist and Terror” are very sad feeling for every Buddhists. Our religious is more weaker year by year. Please don’t do like that.

    Our Buddhist way is a peace way and not for terrorist. You’re the first user of those word so that I really appreciate. But those word will make more tension between buddhists and Islamists in Myanmar. I believe you’re never create violent case. Let’s create mindfulness society. I think this is not a article. It’s hate speech around the world. I honestly request time magazine for these two words combination. Thanks you very much!

    အပေါ်ကစာကတော့ >>http://www.avaaz.org/en/petition/Buddhist_is_not_Terror_Please_Reevaluate_July_Issue_Time_Cover_Story_Title/?fSXGxeb&pv=52<< ဒီလင့်မှာရေးထားတဲ့ Time အနေနဲ့ သူတို့ရဲ့ တင်ဆက်ဖော်ပြချက်ကို reevaluate လုပ်ဖို့ရေးထားတဲ့စာပါပဲ။ ဒီစာရေးသူဟာ သာမျင်ညောင်ည တစ်ယောက်တော့မဟုတ်ပါဘူး။ ဒါပေမယ့် ကျနော်အပေါ်မှာထောက်ပြထားတဲ့ Buddhist နဲ့ Terror အပါအဝင် ဝါဒနဲ့ ဝါဒီတို့ကြားက ကွာခြားချက်၊ တစ်ဖက်ကပေးချင်တဲ့ Message နဲ့ ကိုယ့်ဘက်ကပျက်ကွက်ခဲ့တာတွေကို မျက်ကွယ်ပြုထားပါတယ်။ ဒီအထိ ကျနော့အတွက်တော့ OK ပါတယ်။ ဘယ်သူမဆို ဒီအသုံးအနှုံးအပေါ်မှာ Sensitive ဖြစ်ပြီး ဒီလောက်ရေးတာကတော့ No Problem ပါ။ ဒါဟာ လူသာမန်တွေဖြစ်လေ့ဖြစ်ထရှိတာမို့လို့ အတိုင်းအတာတစ်ရပ်အထိလက်ခံနိုင်ပါတယ်။

    ဒါပေမဲ့ ဒုတိယစာပိုဒ်မှာပါတဲ့ ” those word will make more tension between buddhists and Islamists in Myanmar.” ဆိုတာကတော့ ထိုင်ရင်းနေရင်း အစ္စလာမ္မစ်တွေကလည်း တန်းရှင်းတွေ ဖြစ်ချင်နေသယောင်ဖြစ်သွားပါတယ်။ တကယ်တော့ အဲ့ဒီစာတစ်ပိုဒ်ထဲကို ကျနော်ဖတ်ပြီး စဉ်းစားနေတာ ၁-နာရီခွဲကြာပါတယ်။ ဆောင်းပါးအရရော ခေါင်းစဉ်အရရော မျက်နှာဖုံးပုံအရရော ဒါဟာ ပြည်တွင်းကမုစ်လင်မ်တွေနဲ့ အဝေးကြီးမှာပါ။ ဒီအနေအထားကြောင့် တစ်ဖက်က ကျားနာခဲ ခဲပြီး ပြည်တွင်းက မုစ်လင်မ်တွေကို ထပ်မံအကြမ်းဖက်မှာတောင် စိုးရိမ်နေရတဲ့အနေအထားပါ။

    ဒီအနေအထားမှာ ” those word will make more tension between buddhists and Islamists in Myanmar.” အဲ့ဒီလိုရေးရဲတဲ့ စိတ်ဓာတ်နဲ့ သတ္တိကိုတော့ အံ့လည်းအံ့ဩမိပါတယ်။ အဲ့ဒီအရေးအသားအစား ဟုတ်သော်ရှိ မဟုတ်သော်ရှိ စစ်မှန်တဲ့ငါတို့ဗုဒ္ဓဘာသာဝင်များကလည်း အကြမ်းဖက်တိုက်ခိုက်ခံရတဲ့ ငါတို့ရဲ့ပြည်ထောင်စုသားချင်း အစ္စလာမ်ဘာသာဝင်တွေနဲ့ ထပ်တူထပ်မျှခံစားနေပါတယ်လို့ ရေးရင်တောင် ကိုယ်ပါရောပြီး Sign ထိုးပေးချင်စိတ် ပေါက်သွားဦးမယ်။ အခုတော့ မင်းတို့ဒီလိုရေးလို့ မင်းတို့တိုင်းမ်မဂ္ဂဇင်းက ဒီလိုမျက်နှာဖုံးပုံနဲ့ ဒီလိုခေါင်းစဉ်ပေးလို့ ပြည်တွင်းမှာ မုစ်လင်မ်တွေထပ်ပြီး အကြမ်းဖက်ခံရရင် မင်းတို့ပဲတရားခံဖြစ်မှာနော်လို့ ရေးလိုက်သလိုပဲ။

    မေးချင်တယ်ဗျာ ခင်ဗျားတို့မှာ
    အဲ့ဒီ သင်္ဃန်းခြုံပြီး သူတပါး ဘာသာကို အမနာပစွတ်စွဲဟောကြားပြောဆိုနေတဲ့ အမည်ခံ ဗုဒ္ဓဝါဒီတွေကို လူသားဆန်တဲ့စိတ်ဓာတ်နဲ့များ ထိရောက်စွာ ရှုံ့ချဖူးရဲ့လား။
    ဒီလိုပဲ လူစိတ်ကင်းမဲ့စွာနဲ့ သူတပါးရဲ့အသက်အိုးအိမ်စည်းစိမ်ကို ဖျက်ဆီးတိုက်ခိုက်ခဲ့တဲ့ ဗုဒ္ဓဝါဒီပါဆိုတဲ့ အကြမ်းဖက်သများများကိုရော ထိရောက်စွာဖော်ထုတ်အရေးယူဖို့ သက်ဆိုင်ရာအာဏာပိုင်ကို ဒီလိုမျိုးဖိအားပေဖူးသလား။
    ဒီလိုပဲ အကြမ်းဖက်တိုက်ခိုက်ခံလိုက်ရသူတွေအပေါ်မှာ မတော်မတရားလုပ်ဆောင်နေတဲ့အပေါ်မှာ တာဝန်ယူဖြေရှင်းပေးမှုမရှိတဲ့အပေါ်မှာ သက်ဆိုင်ရာအဖွဲ့အစည်းတွေကို ထိထိရောက်ရောက်ဖိအားပေးတောင်းဆိုဖူးသလား။

    ကျနော်တော့ ” those word will make more tension between buddhists and Islamists in Myanmar.” ဆိုတဲ့အရေးအသားကို ပေါ့ပေါ့လေးဖတ်သွားရဲတဲ့ sign ထိုးခဲ့ကြတဲ့ ခင်ဗျားတို့ရဲ့ စိတ်ဓာတ်ကို လေးစားလို့မဆုံးဘူးဗျာ။

  • မောင်သော်က(ခေါ်)ဗိုလ်မှူးဘသော် ကျဆုံးခြင်း ၂၂ နှစ်မြောက် အထိမ်းအမှတ်

    စာရေးဆရာ၊ ကဗျာဆရာ မောင်သော်က (ခေါ်) ဗိုလ်မှူး ဘသော် (၁၉၂၈ – ၁၉၉၁) ကျဆုံးခြင်း ၂၂ နှစ်မြောက်အထိမ်းအမှတ် ဂုဏ်ပြု

    mgthawka and daw assk

    ၁၉၉၁ ခုနှစ် ဇွန်လအတွင်းက ထောင်တွင်းမှာ ကျဆုံးခဲ့သူ စာရေးဆရာ မောင်သော်က ကွယ်လွန်ခြင်း ၂၂ နှစ်မြောက် အထိမ်းအမှတ် မှတ်တမ်းရုပ်ရှင် ပြန်လည် ထုတ်လွှင့်ချက် ဖြစ်ပါသည်။
    ဗီဒီယိုကို DVB မှ ကူးယူဖော်ပြပါသည်။

    Connection မကောင်းသော M-Media စာဖတ်ပရိတ်သတ်များ အောက်ပါ လင့်ခ်တွင် Download ယူနိုင်ပါသည်။  Size 25 MB

    စာရေးဆရာ ကဗျာ ဆရာ မောင်သော်က (ခေါ်) ဗိုလ်မှူး ဘသော် အကြောင်းပိုစ်များ ဖတ်ရန်=>http://www.m-mediagroup.com/news/tag/mgthawka

  • ဗုဒ္ဓမြန်မာတို့အတွင်းမှ အစွန်းရောက် လှိုင်းတံပိုး (ဘာသာပြန်)

    ဇွန်-၂၀၊၂၀၁၃
    The New York Time
    မူရင်း ဆောင်းပါးရှင်-
    ဘာသာပြန်ဆိုသူ- သာကီထက်ကောင်း

    Bisku Wirathu - Time

    မြန်မာနိုင်ငံတွင် ရော့ခ်စတား တစ်ဦးလို နောက်လိုက်များစွာရှိသော ဗုဒ္ဓဘာသာဘုန်းတော်ကြီး အရှင်ဝီရသူသည် အစဉ်အလာ အတိုင်း ဘုရားရှိခိုးခြင်း အမှုကို ဆောင်ရွက်ပြီးစီးလေသော အခါ ထောင်ချီပရိတ်သတ်ရှေ့၌ မိန့်မိန့်ကြီး ထိုင်ချလိုက်ပါ၏။ ၄င်းနောက် သူကိုယ်တိုင်“ရန်သူ” ဟု သမုတ်ထားသည့် နိုင်ငံတွင်းရှိ မွတ်စ်လင်မ်လူနည်းစုအပေါ်  အမူအယာကဲကဲ ဟန်ပါပါဖြင့် အမုန်းတရား စတင်ဟောပြောပါတော့သည်။

    “ ဒကာ ဒကာမတို့အနေနဲ့ မေတ္တာတရား စာနာမှုတရား အပြည့်အ၀ ရှိနိုင်ပါတယ်။ ဒါပေမယ့် ခွေးရူးတစ်ကောင်ရဲ့ နံဘေးမှာ ကောင်းကောင်းအိပ်စက်နိုင်မှာ မဟုတ်ဘူး ” ဟု မွတ်စ်လင်မ်တို့ကို ရည်ညွှန်းပြောဆိုခဲ့သည်။

    နှစ်နာရီအကြာ ဟောပြောပွဲပြီးသည့်နောက် “ သူတို့ဟာ ပြဿနာကောင်တွေဖြစ်နေလို့ ဦးဇင်းက သူတို့ကို ပြဿနာကောင်တွေလို့ ခေါ်ဆိုတာ။ ဦးဇင်းကို အစွန်းရောက်ဗုဒ္ဓဘာသာဝင်တစ်ဦးအဖြစ် သတ်မှတ်ခေါ်ဝေါ်တာကို ဦးဇင်း ဂုဏ်ယူတယ် ” ဟု အရှင်ဝီရသူမှ သတင်းထောက်တစ်ဦးအား ပြောကြားလိုက်သည်။

    ဒလိုင်းလားမား၏ အတ္တပယ်ရေးစကားရပ်များကြောင့်လည်းကောင်း၊ ဗုဒ္ဓနည်းကျဘာဝနာစီးဖြန်းမှု လူကြိုက်များလာခြင်း ကြောင့် လည်းကောင်း၊ အရှေ့တောင်အာရှရှိ ပို့စ်ကဒ်ဓာတ်ပုံ လှလှပပများ ဖြစ်လာစေမည့် တင့်တယ်သည့်ရှုခင်းများကြောင့် လည်းကောင်း၊ ရောင်နီတက်ချိန် ဖိနပ်မပါခြေဗလာဖြင့် နီညိုရောင်သင်္ကန်းရုံ သံဃာများအား ရွာသားတို့မှ ဆွမ်းလောင်းလှူပုံမြင် ကွင်း တို့ကြောင့် လည်းကောင်း  ဗုဒ္ဓဘာသာအား အလွန်နှူးညံ့သိမ်မွေ့သည့်ပုံရိပ်အဖြစ် ကမ္ဘာက ရှုမြင်ထားကြသည်။

    သို့ငြားလည်း လွန်ခဲ့သည့်တစ်နှစ်ကျော်မှစ၍ ဗုဒ္ဓဘာသာဝင်မြန်မာများ၏ ဓားတရမ်းရမ်း သောင်းကျန်းဖျက်ဆီးမှု ပုံရိပ်များ၊ အရှင်ဝီရသူကဲ့သို့ဘုန်းတော်ကြီးများ၏ အမုန်းပွားအမျက်သို ဟောပြောချက်များက မြန်မာနိုင်ငံတွင် အစွန်းရောက်ဗုဒ္ဓ၀ါဒ အရှိန်မြင့်တက်လာကြောင်း မီးမောင်းထိုးပြသလျက်ရှိပေသည်။ ထို့အပြင် ဆယ်စုနှစ်များစွာစစ်အုပ်ချုပ်ရေးပြီးနောက် ရရှိလာသည့် လွတ်လပ်မှုမှာ ပို၍ ပရမ်းပတာဖြစ် အကျည်းတန်လာကြောင်းလည်း လှစ်ဟပြသနေပေသည်။ တယူသန် ဗုဒ္ဓဘာသာဝင်လူအုပ်များမှ မွတ်စ်လင်မ်ဦးရေ ၂၀၀ ထက်မနည်းကို သတ်ဖြတ်လိုက်ကြပြီ၊ မွတ်စ်လင်မ်အများစုပါဝင်သော လူပေါင်း တစ်သိန်းခွဲကျော်ကို အိုးမဲ့အိမ်မဲ့ ဖြစ်စေခဲ့ပြီ။

    ဖျက်ဆီးသောင်းကျန်းမှု၏ မည်သည့်ကဏ္ဍမှာမှ မိမိ မပါဝင်ကြောင်း အရှင်ဝီရသူက ငြင်းဆိုလျက်ရှိသည်။ သို့သော် သူ၏ မွတ်စ်လင်  ဆန့်ကျင်ရေးဟောပြောမှုများက အကြမ်းဖက်မှုကိုပေါက်ဖွားလာစေကြောင်း သူ၏ဝေဖန်အပုပ်ချမှုများ၌ ပေါ်လွင်နေပေသည်။

    မွတ်စ်လင်မ်တို့၏ရောင်းကုန်များကို သပိတ်မှောက်ခြင်းအပါအ၀င် လွန်ခဲ့သောနှစ်က စတင်ခဲ့သည့် ၀ါဒဖြန့်မှု မှာ မြန်မာလူ့အဖွဲ့အ စည်း၏အောက်ခြေအဆင့်တိုင် နိုင်ငံနှင့်အ၀ှန်း ကျယ်ပြန့်ကြီးထွားလာသည်။ ယင်းဝါဒဖြန့်ချက်သည်  တိုင်းပြည်အနှံ့ မပြတ် တမ်း ဟောပြောခြင်းအားဖြင့် ပျံ့နှံ့လွှမ်းမိုးလျက်ရှိသည်။ ထိုသို့လွှမ်းမိုးစေဖို့  ဒီဗီဒီအခွေများဖြင့် မုန်းတီးရေးတရားများကို အလှမ်းကျယ်စွာဖြန့်ချိသည်။ ဤလှုပ်ရှားမှုနှင့်ဆက်နွှယ်ပတ်သက်နေသော ဗုဒ္ဓဘာသာဘုန်းတော်ကြီးကျောင်းများ လည်း နိုင်ငံတစ် ၀ှမ်းရှိ ဗုဒ္ဓဘာသာဝင်ကလေးငယ် ၆ သောင်းအတွက် တနင်္ဂနွေဘာသာရေးသင်တန်း ဖွင့်လှစ်နေကြ၏။

    အမုန်းတရားဖြင့်ပြည့်နှက်နေသည့် အပြောအဟောများမှာ မြန်မာနိုင်ငံ၏ဒီမိုကရေစီလမ်းကြောင်းအား ခြိမ်းခြောက်လျက် ရှိသည်။ တိုင်းပြည်မြို့ရွာများ၏လုံခြုံဘေးကင်းရေးအပေါ်  အစိုးရ၏စွမ်းဆောင်မှုနှင့်ပတ်သက်၍မူ အဓိကမေးခွန်းမှာ ဗုဒ္ဓဘာသာဝင်အများစုရှိသည့်တိုင်းပြည်တွင် ဗုဒ္ဓဘာသာဝင်များအား ထိန်းသိမ်းလိုခြင်းဆန္ဒရှိမရှိဆိုသည်ပင်။

    သတ်ဖြတ်ခြင်းများမှာ ဒေသတွင်းမှကျော်လွန်လျက် မွတ်စ်လင်မ်နိုင်ငံများတွင် ဂယက်ရိုက်နေပြီ ဖြစ်၏။ စစ်အုပ်ချုပ်ရေးမှ ဒီမိုကရေစီ သို့ ငြိမ်းချမ်းစွာအသွင်ကူးပြောင်းလိမ့်မည်၊ သမိုင်းတွင်လိမ့်မည် ဟူသော နိုင်ငံတကာ၏ မျှော်လင့်ချက် အမြင် မှာေ၀၀ါးမှေးမှိန် ခဲ့လေပြီ။ မွတ်စ်လင်မ်တို့အား စော်ကားနှိပ်စက်မှုကို လက်စားချေသောအားဖြင့် ပြီးခဲ့သည့် မေလက ဂျကာတာရှိမြန်မာသံရုံးကို ဗုံးခွဲ ရန်ကြံစည်ခဲ့ရာ မိမိတို့မှ ကာကွယ်တားဆီးနိုင်ခဲ့သည် ဟု အင်ဒိုနီးရှားအာဏာပိုင်များက ပြောကြားခဲ့ကြသည်။

    ထိလွယ်ရှလွယ်လှသော အကူးအပြောင်းကာလအတွင်း လူထုထုတ်ဖော်မှုများ၌ ကန့်သတ်မှုလျှော့ပေးထားခြင်းကို အမြတ်ထုတ် လျက်၊ အစွန်းရောက်လှုပ်ရှားမှု၏ နောက်ကွယ်ခေါင်းဆောင်ဖြစ်သူ အရှင်ဝီရသူသည် လွတ်လပ်စွာပြောဆိုခွင့် နှင့် ထိပါးစော် ကားပြောဆိုမှုအကြားမှ လမ်းကြောင်းတစ်ခုကို အသုံးချနေခြင်းဖြစ်သည်။ လက်ရှိ စစ်တပ်တစ်ပိုင်းအရပ်သားတစ်ပိုင်းအစိုးရမှ သူ့အား အာဃာတမီးမွှေးမှုကြောင့် ထောင်ဒဏ် ၈ နှစ်ချမှတ်ခဲ့ဖူးသည်။ ယမန်နှစ်က ရာဂဏန်းရှိနိုင်ငံရေးအကျဉ်းသားများ ကို လွတ်ငြိမ်းခွင့်ပေးရာတွင် သူလည်း ညှပ်ပါလွတ်မြောက်လာခဲ့၏။

    လူ့အခွင့်အရေးအဖွဲ့တစ်ခု၏မှတ်တမ်းများအရ သူ၏လတ်တလောဟောပြောမှုများတွင်လည်း မတ်လ၊ မိတ္ထီလာမြို့မှ ကျောင်းနေ ကလေးငယ်များနှင့်အခြားမြို့ခံမွတ်စ်လင်မ်တို့၏ ဖြစ်ရပ်ဆိုးကြီးကို (၉၆၉) ခွန်အားထုတ်ဖော်မှုဟု မှတ်တမ်းတင်ခဲ့သည်။ သူက “ တ ကယ်လို့ ဦးဇင်းတို့ ပျော့ညံ့နေရင် ဒီတိုင်းပြည်က မွတ်စ်လင်မ်တိုင်းပြည် ဖြစ်သွားမယ် ” ဟု ပြောခဲ့သည်။

    ဗုဒ္ဓဘာသာဝင်တို့သည် မြန်မာနိုင်ငံ၌ ဘေးမသီရန်မခ ရှိနေကြ၏။ လူဆယ်ဦးတွင် ကိုးဦးမှာ ဗုဒ္ဓဘာသာဝင်များ ဖြစ်ကြသည်။ စီး ပွားရေးလောက၏ထိပ်တန်းနေရာများ၊ အုပ်ချုပ်ရေး၊ စစ်တပ် နှင့် ရဲဌာနများ၌ရှိသူ အားလုံးနီးပါးမှာ ဗုဒ္ဓဘာသာဝင်များသာဖြစ်ကြ၏။ လူဦးရေ ၅၅ သန်းရှိမြန်မာနိုင်ငံတွင် မွတ်စ်လင်မ်လူနည်းစုမှာ ၄ ရာခိုင်နှုန်းမှ ၈ ရာခိုင်နှုန်းအထိသာ ရှိပြီး၊ ကျန်လူနည်းစုဝင်များမှာ အများအားဖြင့် ခရစ်ယာန်နှင့်ဟိန္ဒူဘာသာဝင်များ ဖြစ်ကြောင်း ခန့်မှန်းထားကြ၏။

    အလွန်နည်းပါးသည့်လူဦးရေပမာဏဖြစ်သော်ငြား မိမိဖာသာ အမျိုးသားသူရဲကောင်းဟု အမည်ပေးထားသော အရှင်ဝီရသူက မွတ်စ်လင်မ်တို့သည် ဗုဒ္ဓဘာသာဝင်များထက် ကလေးများစွာ ပိုယူ၍ ဗုဒ္ဓဘာသာပိုင်မြေများကို ၀ယ်ယူခြင်းဖြင့် ဗုဒ္ဓဘာသာအား ခြိမ်းခြောက်နေသည်ဟု ဆိုလျက်ရှိသည်။ ဗြိတိသျှကိုလိုနီခေတ်က မွတ်စ်လင်မ်အများစု ပါဝင်သည့် အိန္ဒိယသားများကို အရာရှိများ၊ စစ်သည်များအဖြစ် ခေါ်သွင်းလာခြင်း ဟူသော တစ်ဖက်စောင်းနင်း သမိုင်းအပိုင်းအစများအား အခါအားလျော်စွာ ဆွဲယူအ သုံးပြုနေလေသည်။ သူဖြန့်ချိနေသည့် ပြင်းထန်သော အမျိုးသားရေးအကြောင်းတရားများမှာ အခြားတိုင်းနိုင်ငံများရှိ ဗုဒ္ဓဘာသာဝင်တို့ကို အလန့်တကြား ဖြစ်သွားစေသည်။

    မတ်လအကြမ်းဖက်မှုများနောက်တွင် ဒလိုင်းလားမား က ဘာသာရေးအမည်ကိုသုံး၍ သတ်ဖြတ်ခြင်းမှာ မကြံစည်ကောင်းသည့် အမှုဖြစ်ကြောင်းပြောကြားခဲ့ပြီး၊ တရားတော်အတွက် ဗုဒ္ဓမြတ်စွာမျက်နှာတော်ကို ထောက်၍ ဗုဒ္ဓဘာသာဝင်မြန်မာများအနေနှင့် ဆင်ခြင်တုံတရားထား ရှိကြရန် တိုက်တွန်းခဲ့သည်။

    အိမ်နီးချင်း ထိုင်းနိုင်ငံမှ ဗုဒ္ဓဓမ္မပညာရှင်တစ်ဖြစ်လဲ ထင်ရှားသောဘုန်းတော်ကြီးဖြစ်သူ ဖရာ့ ပိုင်ဆာ့လ် ဗီဆာလို (Phra Paisal Visalo) က မြန်မာ အစွန်းရောက်ဘုန်းကြီးများမှ ထုတ်ဖော်ချပြနေသော “ ငါတို့ နှင့် သူတို့ ” အယူအဆမှာ ဗုဒ္ဓ၀ါဒနှင့် သဟဇာတမဖြစ်ကြောင်း မှတ်ချက်ပြု ခဲ့သည်။ သို့သော် သူအပါအ၀င် မြန်မာပြည်ပြင်ပမှ ဗုဒ္ဓဘာသာဝင်ခေါင်းဆောင်တို့၏ ဝေဖန်တိုက်တွန်းချက်များသည် ဟုတ်တိပတ်တိ အရာမရောက်ခဲ့ကြောင်း ၀မ်းနည်းစကားဆိုခဲ့သည်။ သူက ဆက်လက်၍ “ မြန်မာဘုန်းတော်ကြီးများဟာ တော်တော့်ကို သီးခြားဆန်လာတယ်။ ကမ္ဘာတစ်ဝှန်းမှာရှိနေကြတဲ့ ဗုဒ္ဓဘာသာဝင်များနဲ့လည်း ပတ်သက်ဆက်နွှယ်မှု မရှိသလောက် ဖြစ်နေတယ် ” ဟု ပြောခဲ့သည်။

    မြန်မာဘုန်းတော်ကြီးများသည် သီရိလင်္ကာနိုင်ငံနှင့်သာ ပတ်သက်မှုများပြားနေသည်။ ထိုနိုင်ငံသည် သမိုင်းကြောင်းအရ လူမျိုးရေးပြဿနာများဖြင့် အလွန်အကျည်းတန်ခဲ့သည်။ မြန်မာဘုန်းတော်ကြီးနှင့်ရဟန်းသံဃာတို့သည် သီရိလင်္ကာရှိ လူများစုဆင်ဟာလီအတွင်းမှ ဗုဒ္ဓဘာသာဘုန်းတော်ကြီး များ၏ တစ်ယူသန်နိုင်ငံရေးမှိုင်းမိလျက်ရှိနေသည်။

    မြန်မာနိုင်ငံတွင်တော့ သွေးခွဲမှုပိုမိုကြီးထွားလာပြီး မွတ်စ်လင်မ်ဆန့်ကျင်ရေးဟောပြောမှုနှင့်လှုပ်ရှားမှု၌ ဆရာထက် တပည့်က လက်စောင်းပိုထက် လာတော့သည်။

    အကြမ်းဖက်မှုပွင့်ထွက်လာခြင်း ၊ သြဇာညောင်းနေသည့်အမုန်းတရားဝါဒဖြန့်ခြင်းတို့နှင့်အတူ စိတ်ပျက်ဖွယ်အကောင်းဆုံးအချက် မှာ ရွှေ ၀ါရောင်တော်လှန်ရေးဆရာတော်အချို့မှ ထိုသည်တို့တွင်ပါဝင်ခေါင်းဆောင်နေခြင်းဖြစ်သည်။ ၂၀၀၇ ခုနှစ် ရွှေဝါရောင်တော်လှန်ရေးကို စစ်အုပ် ချုပ်ရေးကိုဆန့်ကျင်ရန် ဗုဒ္ဓဘာသာဘုန်းတော်ကြီးများမှ ငြိမ်းချမ်းစွာ ဦးဆောင်ဆင်နွှဲခဲ့ကြ၏။

    ယခုလအစောပိုင်းတွင် ဤအရေးနှင့်စပ်လျဉ်း၍ မွတ်စ်လင်မ်အုပ်စုများမှစီစဉ်သော တွေ့ဆုံမှုတစ်ခု၌ ကျောင်းထိုင်ဆရာတော်တစ်ဦးဖြစ်သူ အရှင်ဥာဏနိက (၅၅ နှစ်)မှ “ ဒီအကြမ်းဖက်မှုမျိုးဖြစ်လာဖို့ ဘယ်တုန်းကမှ မျှော်လင့်မထားခဲ့ဘူး။ ၂၀၀၇ ခုနှစ်တုန်းက တို့တစ်တွေဟာ ငြိမ်းချမ်းရေး နှင့် ရင်ကြားစေ့သင့်မြတ်ရေးအတွက်သာ ကြွေးကြော်ခဲ့ကြတာပါ ” ဟု ပြောကြားခဲ့သည်။ (အရှင် ဟူသည် မြန်မာ ဘုန်းတော်ကြီးများ၏ အမည်ရှေ့တွင် လေးစားသမှုဖြင့် တပ်ခေါ်သည့်အသုံးအနှုန်းဖြစ်သည်)။ ရန်ကုန်မြို့၊ ဘုန်းတော်ကြီးစာသင်ကျောင်းဆ ရာတော်တစ်ဦး ဖြစ်သော အရှင်ဆန္ဒ၀ရ ကလည်း နိုင်ငံတွင်းရှိသံဃာများတွင် အစွန်းရောက်သူ နှင့် မျှတသူ ဟူ၍ နှစ်ခြမ်းကွဲနေသည်မှာ အင်အားထက်ဝက်စီခန့်ရှိသည်ဟု သုံးသပ်သွားခဲ့သည်။ သူက မိမိသည် အလယ်အလတ်လမ်းစဉ်သမားဟု သတ်မှတ် ထား၏။ သို့သော်လည်း လူအဖွဲ့အစည်းအတွင်း၌ မွတ်စ်လင်မ်များ အပေါ်ရှိသည့်သံသယများ နက်ရှိုင်းနေသဖြင့် “မွတ်စ်လင်မ်တို့၏လူဦးရေသည် အလွန်လျင်မြန်စွာ တိုးပွားနေသဖြင့် မိမိသည် မွတ်စ်လင်မ် တို့ကို ကြောက်ရွံကြောင်း” ဟု ပြောဆိုခဲ့သည်။

    အိမ်နီးချင်း ဘင်္ဂလားဒေ့ရ်ှနိုင်ငံမှတဆင့် လူဦးရေပေါက်ကွဲလာသည်ဟူသော လူအချို့၏ဖော်ပြချက်ကို မှီပြီး အရှင်ဝီရသူကလည်း ယင်းစိုးရိမ်စိတ်ကို ပုံကြီးချဲ့လျက်ရှိသည်။ လူဦးရေ တစ်သန်းခန့်ရှိပြီး ဌာနီမဲ့ရိုဟင်ဂျာမွတ်စ်လင်မ် လူမျိုးစုအနက်အချို့သည် ဘင်္ဂလားဒေ့ရ်ှဖက် မှပြောင်းရွှေ့အခြေချ လာသည်ဟုဆိုကာ မြန်မာနိုင်ငံတွင် မုန်းတီးချိုးနှိမ်လိုမှု ကြီးမားကျယ်ပြန့်နေသည်။ ယမန်နှစ်က မြန်မာနိုင်ငံအနောက်ပိုင်း ရခိုင်ပြည်နယ်တွင် ဗုဒ္ဓဘာသာဝင်နှင့်ရိုဟင်ဂျာတို့အကြား ဖြစ်ပွားခဲ့သောပြဿနာသည် မြန်မာ့လူ့အဖွဲ့အစည်းအတွင်းသို့ စိမ့်ဝင်လာခဲ့ပြီးနောက်ဝယ် နိုင်ငံတစ်ခွင် အကြမ်းဖက်မှုများ ပွင့်အံလာခဲ့သည်။ ၄င်းတို့သည် မိမိ၏အတွေးအမြင် မှန်ကန်ကြောင်း ထောက်ပြနေသကဲ့သို့ဖြစ်သည်ဟု အရှင်ဝီရသူမှ ပြောသည်။ လူတို့ကိုပြောကြားလေ့ရှိသည့် သူ၏ လက်စွဲစကားမှာ “ ငါတို့မြေမှာနေ၊ ငါတို့ရေကိုသောက်၊ ငါတို့ကိုကျေးဇူးကန်းသူများ ” ဟူ၍ ဖြစ်သည်။

    “ လိုအပ်ပါလျှင် ငါတို့အရိုးစည်းရိုးထိုး၍ ကာကွယ်သင့်ကကာကွယ်ရမည် ” ဟူသောဆောင်ပုဒ်ကိုထုတ်သော်လည်း ၄င်း၌ မွတ်စ်လင်မ်များ ဟု ပြောင်ပြောင်တင်းတင်း ဖော်ပြခြင်း မရှိချေ။ သို့သော် မွတ်စလင်မ်တို့ကိုပင် ရည်ညွှန်းသည်ဟု အရှင်ဝီရသူက ဆိုသည်။ သူ့ဟောပြောချက် လက်ကမ်း စာစောင်၌ “ မြန်မာတို့သည် ယဉ်ကျေးမှုအားလုံးကို အမြစ်လှန်မည့် အန္တရာယ်အကြီးဆုံး နှင့် ကြောက်စရာအကောင်းဆုံး အဆိပ်နှင့် ကြုံတွေ့နေရသည် ” ဟူ၍ မွတ်စ်လင်မ်တို့အား ပုံဖော်ထား၏။

    မြန်မာနိုင်ငံမှလူအများစုသည် ခိုင်လုံသောသက်သေသာဓက မရှိသော်လည်း ထင်မြင်ယုံကြည်နေကြသည်မှာ –  ၂၀၁၅ ရွေးကောက်ပွဲအောင်နိုင် မှုကို မျှော်မှန်းထားသော နိုင်ငံတွင်းရှိ အမာခံဗုဒ္ဓဘာသာအုပ်စုများက အရှင်ဝီရသူ၏ အမျိုးသားရေးလှုပ်ရှားမှုအား ကကြိုးတန်ဆာအဖြစ်အသုံးချလို၍ သူနှင့် မဟာမိတ်ဖွဲ့ထားခြင်းဖြစ်သည် ဟူ၏။ ယင်းသို့ ချိတ်ဆက်မှုမျိုး အလျဉ်းမရှိကြောင်း အရှင်ဝီရသူက ငြင်းဆိုထားသည်။

    သို့သော် အစိုးရပိုင်းက သူ့အား စိုးစဉ်းမျှပင် မထိန်းကွပ်ဘဲ ဇက်လွှတ်ပေးထားလေသည်။ အရှင်ဝီရသူ တောင်ကြီးသို့ ရောက်စဉ်က ယာဉ်ထိန်းရဲများ သည် သူ၏ယာဉ်တန်းအတွက် လမ်းရှင်းပေးရသည်အထိ ပြုလုပ်ပေးခဲ့ကြသည်။

    စည်းရုံးရေးခရီးစဉ်တစ်ခုအနေနှင့် ဘုန်းကြီးကျောင်းတစ်ကျောင်းသို့ရောက်လာရာတွင် သူသွားရာလမ်းတလျှောက် သူ့အားဦးချသူလူအုပ်များ အကြားမှ သူ့နောက်လိုက်များသည် တန်းစီဖြတ်သန်းသွားခဲ့ကြသည်။

    အရှင်ဝီရသူ၏လှုပ်ရှားမှုကို ၉၆၉ ဟုအမည်ပေးထားပြီး ၄င်းမှာ ဗုဒ္ဓ၊ ဓမ္မ၊ သံဃ၏ဂုဏ်တော်များကို ဂဏန်းသင်္ကေတဖြင့် ကိုယ်စားပြုထားသည်ဟု သံဃာများက ဆိုကြသည်။

    ၉၆၉ နံပါတ်ဖြင့်ပုံဖော်ထားသည့်အမှတ်တံဆိပ် စတစ်ကာများမှာ နိုင်ငံတစ်ဝှန်း နေရာအနှံ့ရှိ ကား၊ ဆိုင်ကယ် နှင့် ဆိုင်များတွင် မမြင်ချင်မှ အဆုံး ဖြစ်နေသည်။ တဖန် ထပ်တိုးလှုပ်ရှားမှုအဖြစ် ဘာသာခြားတို့နှင့်လက်ထပ်ခြင်းကို ပိတ်ပင်ရေးအတွက် လူထု၏ထောက်ခံ လက်မှတ်ကောက်ယူမှု ပြုလုပ်နေသည့်အပြင်၊ ရှောင်ကြဉ်ရမည့် မွတ်စ်လင်မ်တံဆိပ်နှင့်ဆိုင်များစာရင်းပါ လက်ကမ်းစာစောင်များကိုလည်း တရားပွဲတွင် ဖြန့်ဝေလျက်ရှိသည်။

    ရန်ကုန်မြို့၏အရှေ့တောင်ဖက်တွင်တည်ရှိပြီး လူမျိုးဘာသာယဉ်ကျေးမှုစုံရှိသည့် မော်လမြိုင်မြို့တွင် ၉၆၉ လှုပ်ရှားမှု နှင့် ချိတ်ဆက်ထားသော ဘုန်းတော်ကြီးကျောင်းတစ်ခုသည် ကလေးငယ်များအတွက် ဗုဒ္ဓဘာသာသင်ရိုးတစ်ခုကို ပြဋ္ဌာန်းလိုက်သည်။ ယင်းသင်တန်းကို တနင်္ဂနွေ ဓမ္မသင်တန်းဟု ခေါ်ကြသည်။ ၄င်းဒေသရှိကျောင်းထိုင်ဘုန်းကြီးများက  ၄င်းတို့၏လှုပ်ရှားမှုကို ဗုဒ္ဓဘာသာပြန်လည်ရှင်သန်ရေး ဟုဆိုကာ ရုပ်လုံးဖော်ရန်ကြိုးစားနေကြသည်။
    “ အမျိုးဘာသာသာသနာ မကွယ်ပျောက်ဖို့က အရေးကြီးဆုံးအချက်ဖြစ်တယ် ” ဟု မြို့ပြင်ရှိ မြစေတီနန်းဦးကျောင်းတိုက်မှဆရာတော် အရှင်ဇာသိလက ပြောဆိုခဲ့သည်။

    ယင်းလှုပ်ရှားဆောင်ရွက်မှုမှာ မည်သည့်အန္တရာယ်အငွေ့အသက် မပါဝင်ဟု ဆိုသော်လည်း မွတ်စ်လင်မ်အများအပြားကမူ စိုးရိမ်မကင်း ဖြစ်လျက်ရှိ သည်။

    အရှင်ဝီရသူမှ တောင်ကြီးမြို့တွင်း ဟွန်းသံတညံညံဆိုင်ကယ်အစီး ၆၀ ပါဝင်သည့် ယာဉ်တန်းကြီးဖြင့် မလှည့်လည်မီ နှစ်နာရီအလိုတွင် မြို့မဈေးကြီးရှိမွတ်စ်လင်မ်ဆိုင်ရှင်တစ်ဦးဖြစ်သူ ထွန်းထွန်းနိုင်သည် အရောင်းအ၀ယ် ခေတ္တရပ်ဆိုင်ပြီးဖြစ်ကြောင်း ပြောဆိုခဲ့ပေသည်။
    “ ကျွန်တော် တော်တော့်ကို ထိတ်လန့်နေပါပြီ။ မလိုအပ်ဘဲ အပြင်ကိုလုံးဝမထွက်ဖို့ ကလေးတွေကို ကျွန်တော်တို့ မှာကြားပြောဆိုနေရပါတယ် ”။

    ( သာကီထက်ကောင်း )

    The New York Time တွင် ဖော်ပြခဲ့သည့် ၏  Extremism Rises Among Myanmar Buddhists ဆောင်းပါးကို သာကီထက်ကောင်း ဆီလျော်အောင် ဘသာပြန်ဆိုပါသည်။