News @ M-Media

Tag: featured

  • ထီလာအကြမ်းဖက်ခံရသူများရဲ့ ခိုနားရာစခန်း အမှတ်တရ (၁)

    ဧပြီ-၁၂-၂၀၁၃
    ရည်လေးဆွေ

    အကြမ်းဖက်ဖျက်ဆီးခံလိုက်ရတဲ့မိတ္ထီလာက ဒုက္ခသည်တွေအတွက် လှူဒါန်းမှုတွေ လုပ်ကြတော့ ကျွန်မ လိုက်သွားချင်စိတ်ဖြစ်မိတယ်။ မတ်လ ၂၅-ရက်နေ့မှာ သွားလှူကြတာတွေရှိတော့ အဲဒီနေ့က လိုက်သွားချင်ပေမယ့် အခြားသောအကြောင်းကိစ္စတွေကြောင့် လိုက်မသွားဖြစ်ခဲ့ဘူး။ ဒါပေမယ့် မိတ္ထီလာကို သွားနိုင်ဖို့တော့ ကျွန်မအမြဲစဉ်းစားနေမိတယ်။

    ဒီလိုနဲ့ သင်္ကြန်ကာလအတွင်း ဆက်သွယ်ကြည့်မိတယ်။ မိတ္ထီလာအကြမ်းဖက်ခံရမှုကြောင့် ထွက်ပြေးကြရတဲ့ ဒုက္ခသည်တွေကို သွားရောက် လှူဒါန်းကြမယ်ဆိုတော့ ကျွန်မ လိုက်မယ်လို့ ပြောလိုက်တယ်။  ။ မနက်စောစော ၆-နာရီလောက်မှာ မန္တလေးကို ရောက်ပါတယ်။ ကားကြီးကွင်းထဲ ရောက်တော့ မနက် ၆-နာရီခွဲလောက်ရှိပြီ။ မိတ္ထီလာသွားကြမယ့် သူတွေကို ဖုန်းဆက်လိုက်တော့ သူတို့ ပစ္စည်းတွေ တင်နေပြီ ခဏနေရင် လာခေါ်မယ်ဆိုတာနဲ့ အိမ်ကပဲ စောင့်နေလိုက်တယ်။ ၈-နာရီခွဲလောက်မှာ ပစ္စည်းတွေနဲ့ ရောက်လာကြတယ်။ ဒါနဲ့ ကျွန်မတို့ စုစုပေါင်း ၈-ယောက် ပစ္စည်းတွေနဲ့အတူ မိတ္ထီလာကို ဦးတည်လိုက်ကြပါတယ်။

    လာခေါ်တဲ့ကားရောက်လာတော့ ကျွန်မမေးတယ်။ ပစ္စည်းတွေကို ဘယ်လိုပေးမှာပဲ။ ကျွန်မကတော့ ဒုက္ခသည်တွေဆီကိုပဲ တိုက်ရိုက်ပေးချင်တယ်။ တစ်ခြားမှာ ထားခဲ့ရပြီး တဆင့်ပြန်ပေးမယ်ဆိုတာမျိုးတော့ ကျွန်မ မဖြစ်ချင်ဘူးလို့ပြောမိတယ်။ ဒီဘက်က စီစဉ်ကြတဲ့ မောင်နှမတွေကလည်း ဖြစ်နိုင်ရင် ဒုက္ခသည်တွေဆီကို တိုက်ရိုက်ပေးနိုင်ဖို့ပဲ စီစဉ်ထားတယ်လို့ပြောတယ်။ ကျွန်မ ရန်ကုန်က မပြန်လာခင် သူငယ်ချင်းတစ်ယောက်ကို လှမ်းမေးတယ်။ သူက မိတ္ထီလာက ပြန်လာခဲ့ဖူးတဲ့သူဆိုတော့။ သူပြောတယ် ဒုက္ခသည်စခန်းကို ၀င်လို့ မရဘူး။ သူတောင် တခြားအဖွဲ့တွေနဲ့သွားတာ။ ၀န်ဇင်းဟိုတယ်ဘေးက စခန်းမှာ သတင်းသွားပို့မှရမယ်ဆိုတာကြောင့် စီစဉ်သူတွေကို ကြိုတင်မေးဖြစ်လိုက်တယ်။  ခရီးပင်ပန်းလာတဲ့ ကျွန်မကို ကားရှေ့ခန်းမှာပဲ ထိုင်စေတာကြောင့် ရှေ့ခန်းမှာထိုင်လိုက်ရင်း ကျွန်မ နိုးတစ်ချက်ငိုက်တစ်ချက်နဲ့ မိတ္ထီလာကို ရောက်လာတယ်။

    ၀န်ဇင်းဟိုတယ်အနီးက ဆက်သွယ်ရေးဧည့်ရိပ်သာထဲမှာ ယာယီဖွင့်ထားတဲ့ ဗဟိုကွပ်ကဲမှုအဖွဲ့ဆီကို သွားပြီး ခွင့်ပြုချက်ယူရတယ်။ အဲ့ဒီ(ကယ်ဆယ်ရေးနှင့် ပြန်လည်နေရာချထားရေးဌာန)က ကျွန်မတို့ လှူဒါန်းမယ့် ပစ္စည်းအမျိုးအမည်နဲ့ စာရင်းတွေကို သူတို့သတ်မှတ်ထားတဲ့ ပုံစံစာရွက်မှာ ဖြည့်ပေးရတယ်။ ကျွန်မတို့ကပြောတယ် စခန်းထဲကို တိုက်ရိုက်လှူချင်တယ်ဆိုတော့  ပုံစံ ၂-ခု ဖြည့်ရတယ်။ စခန်းကိုပဲ လှူခဲ့ရင် ပုံစံတစ်ခါတည်းနဲ့ ပြီးဆုံးပေမယ့် စခန်းထဲကို တိုက်ရိုက်လှူချင်တယ်ဆိုရင်တော့ ပုံစံကို ၂-ခါ ဖြည့်ရတယ်။ ဒါနဲ့ ကျွန်မတို့လည်း ပုံစံ ၂-ရွက်ကိုင်ပြီး ဘောလုံးကွင်းက ဒုက္ခသည်စခန်းကို ရောက်လာကြတယ်။ ဒီပုံစံလုပ်နေတဲ့အချိန်မှာပဲ အဲ့ဒီနားမှာ တွေ့ရတဲ့ နိုင်ငံရေးပါတီကြီးတစ်ခုက လူတစ်ယောက်က ပြောတယ်။ တကယ်လို့ ပေးတာ စကားပြောတာဆိုရင်လည်း မွတ်စလင်မ်အချင်းချင်းသာ မေးပါ ပေးပါ၊ ကျန်တဲ့နေရာတွေက ကျွန်တော်တို့တွေပဲ ၀င်လို့ရပါတယ်လို့ ပြောလာတယ်။ ဒါနဲ့ ကျွန်မတို့လည်း ဘောလုံးကွင်းက ဒုက္ခသည်တွေဆီပေးဖို့ ရွေးဖြစ်လိုက်ပါတယ်။

    1     10

    ဘောလုံးကွင်းကို ရောက်တယ်ဆိုရင်ပဲ မြင်တွေ့လိုက်ရတာက ခြံစည်းရိုးကာရံထားတဲ့ တဘက်(အတွင်းဘက်)မှာ တချို့က ရပ်နေပြီး အပြင်ဘက်ကနေ တချို့က ရပ်ပြီး အတွင်းအပြင် စကားလှမ်းပြောနေကြတယ်။ တချို့လည်း ပိုက်ဆံနည်းနည်းပေးနေတာ မြင်လိုက်တယ်။ ခြံစည်းရိုးဆိုပေမယ့် သစ်သားတန်း ကျိုးတိုးကျဲတဲပါပဲ။ တံခါးပေါက်မှာတော့ စစ်သား ၄-၅ ယောက် သေနတ်တွေကိုင်ပြီး စောင့်နေတယ်။ ကျွန်မတို့ကားလည်းရောက်ရော တစ်ယောက်က ဆင်းပြီးစကားပြောတယ်။ ပစ္စည်းတွေ လှူမယ့်အကြောင်း၊ ပြီးတော့ လျှောက်လွှာ ၂-စုံထဲက ၁-စုံကို ပေးတယ်။ အဲ့ဒီမှာ သူတို့က အထဲမှာ တာဝန်မှူးရှိတယ် အထဲကို တစ်ယောက်ပဲ ၀င်ခွင့်ရှိတယ်လို့ပြောတယ်။ ကျွန်မတို့သွားကြတဲ့အထဲက ဦးဆောင်ပေးတဲ့ အန်ကယ်လ်က ကျွန်မက ဒုက္ခသည်စခန်းထဲကို အလွန်သွားချင်နေမှန်းသိတော့ ကျွန်မကိုသွားဖို့ပြောတယ်။ ပစ္စည်းတွေကိုတော့ အပေါက်ဝမှာပဲ ချပြီး ပုံထားလိုက်ရတယ်။ ကျွန်မအထဲဝင်မယ် လုပ်တော့ အပေါက်က စစ်သားတွေက ဟိုးခပ်လှမ်းလှမ်းမှာမြင်နေရတဲ့ ယာယီအမိုးလေးနဲ့တဲလေးကို ညွှန်ပြရင်း ဟိုးမှာ အမိုးလေးနဲ့စခန်း၊ အဲ့ဒီမှာ နာမည်နဲ့ စာရင်းနဲ့ သွားပေးရမယ်ဆိုတော့။ ကျွန်မလည်း စခန်းထဲကို တစ်ယောက်တည်းဝင်သွားရမယ်ဆိုတော့ စိတ်ထဲ တစ်မျိုးပဲပေါ့။ ဒါပေမယ့် ခပ်တည်တည်ပဲ ၀င်လိုက်တော့ အပေါက်ဝနားက တစ်ယောက်ကပဲ ကျွန်တော် လိုက်ပို့ပေးမယ်ဆိုပြီး အဲဒီယာယီတဲလေးရှိရာကို လိုက်ပို့ပါတယ်။ ၀င်ပေါက်နဲ့ ယာယီတဲနေရာနဲ့က တော်တော်လေးလှမ်းတာမို့ ကျွန်မကို လိုက်ပို့ပေးတဲ့ တစ်ယောက်ကို လမ်းလျှောက်ရင်း ကျွန်မ သိချင်တာ နည်းနည်းမေးကြည့်ဖြစ်တယ်။

    “ဒီဘောလုံးကွင်းထဲမှာက ရတနာမာန်အောင်နဲ့ သီရိမင်္ဂလာရပ်ကွက် (၂)ခုပဲ ဒီထဲမှာ ရှိတယ်။ တစ်ခြားက မရှိဘူး။ ရတနာမာန်အောင်က ဒီဘက်ရပ်ကွက်၊ သီရိမင်္ဂလာက ဟိုဘက်ရပ်ကွက်လေ။ ဒါကြောင့် ဒီရပ်ကွက် ၂-ခုပဲ ရှိတယ်။ သီရိမင်္ဂလာက မီးရှို့ခံရတာ၊ ရတနာမာန်အောင်က မီးမရှို့ခံရဘူး ဖျက်ခံရတာ။”

    ပြောနေရင်း တာဝန်မှူးနေရာဆီ ရောကလာတော့ တာဝန်မှူးက ကျွန်မကိုမေးတယ်။
    “အရင်က လာနေကြလား။”

    “ကျွန်မ လာနေကြမဟုတ်ဘူး။ လှူတာကိုတော့ တဆင့်ပေးလှူနေတာတွေရှိတယ်။ လူကိုယ်တိုင်ကတော့ အခုမှ လာဖူးတာပါ”

    “ကျွန်တော် တပ်ရင်းမှူးပါ။ ကျွန်တော်တို့ကလည်း မနေ့ကမှ အသစ်ရောက်လာတာပါ။ ဒါကြောင့် လာနေကျဆိုလည်း သိထားရအောင်၊ လာနေကျမဟုတ်ရင်လည်း နောက်ပိုင်းလာတဲ့အခါကျ သိပြီးသားဖြစ်အောင် မေးတာပါ”

    “ဟုတ်ကဲ့ … ကျွန်မ ဒီတစ်ခါဟာ ပထမဆုံးအကြိမ်ပါပဲ။ ဒါနဲ့ ဗိုလ်ကြီးနာမည်က ဘယ်လိုခေါ်လဲ မသိဘူး” ကျွန်မမေးလိုက်တော့ ပထမတော့သူမဖြေချင်ဘူး ခဏတိတ်သွားတယ်။ ခဏနေတော့ သူ့နာမည်ကို ပြောပါတယ်။ ရဲဘော်တစ်ယောက်က စာအုပ်ထဲမှာ စာရင်းတွေရေးနေတုန်း ခုနက ကျွန်မကို လိုက်ပို့တဲ့တစ်ယောက်ကလည်း ဘေးကနေ ဆက်ပြောပါတယ်။ အိမ်ထောင်စု ဘယ်လောက်ရှိတယ်။ သူတို့ ဘယ်လိုပြေးလာရတယ်ဆိုတာကို ပြောပြနေတယ်။ တပ်ရင်းမှူးကလည်း ကျွန်မကို စကားတွေပြောနေတယ်။ လှူတာက ဘာဖြစ်လို့ ဒီပစ္စည်းတွေ ရွေးလှူတာလဲ။ ဘာကြောင့် ဒါတွေကို လှူတာလဲ။
    “ဒုက္ခသည်တွေအတွက် လိုအပ်မယ်ထင်တာကြောင့်ရယ်၊ တချို့ လှူပြီးပြန်လာသူတွေက ဒီလိုလေးတွေ လိုအပ်တယ်ဆိုတာကြောင့် ဒီပစ္စည်းတွေ လှူဖြစ်တာပါ”လို့ ကျွန်မပြောလိုက်တယ်။
    သူတို့ စာရင်းရေးပြီးတော့ ကျွန်မကို သွားလို့ရပါပြီဆိုတာကြောင့် ကျွန်မ ပြန်လှည့်ထွက်လာတယ်။ ကျွန်မတို့ ထွက်လာချိန်မှာပဲ တပ်ရင်းမှူးက ခုနက ကျွန်မကို စကားတွေ ပြောနေတဲ့တစ်ယောက်ကို လှမ်းခေါ်ထားလိုက်တယ်။ ကျွန်မလည်း လှည့်တောင် မကြည့်ဖြစ်တော့ဘူး ဆက်ထွက်လာလိုက်တယ်။ ကျွန်မ ဘေးနားမှာ တစ်ခြားတစ်ယောက်က ပါလာတော့ သူ့ကို ကျွန်မ မေးလိုက်တယ်။ “ဒီထဲမှာ ၀င်ကြည့်လို့ရလား၊ ဓါတ်ပုံရိုက်ချင်ရင်လည်း ရလား”ဆိုတော့ သူက ရတယ်လို့ပြောတယ်။ ဒါနဲ့ အားကစားခန်းမကို ကျွန်မသွားလိုက်တယ်။

    အဲဒီခန်းမ အပေါက်နားမှာပဲ အမျိုးသမီးတချို့ အမျိုးသားတချို့ကို ကျွန်မတွေ့တော့ မေးလိုက်တယ်။
    “အစ်မတို့ အမေကြီးတို့က ဒီခန်းမထဲမှာ နေကြတာလား။ ဘယ်ရပ်ကွက်ကနေ ဒီကို ရောက်နေကြတာလဲ။ ဒီမှာ လူဘယ်လောက် ရှိနေတာလဲ”
    “ကျွန်မတို့က သီရိမင်္ဂလာကပါ။ မီးရှို့ခံရတဲ့ရပ်ကွက်က။ ဟိုဘက် ဘောလုံးကွင်းထဲမှာ camp တွေ ရှိတယ်။ အဲဒါကတော့ အိမ်ဖျက်ခံရတဲ့ ရတနာမာန်အောင် ရပ်ကွက်က လူတွေထားထားတယ်။ အခု ဒီမှာ လူဦးရေ (၁၇၀၀)ကျော်ရှိတယ်။ အိမ်ထောင်စုက (၄၄၄)အိမ်ထောင်စုရှိတယ်။”

    ကျွန်မပြောနေစဉ်မှာပဲ ဒုက္ခသည်ထဲကပဲ တာဝန်ခံ အမျိုးသမီးတစ်ယောက် အနားရောက်လာတော့ တခြားသူတွေက အဲဒီ အမျိုးသမီးကို ဆရာမ၊ ဆရာမက ပိုသိတယ်။ ပြောပြလိုက်ပါဦးလို့ ပြောလိုက်တော့ အဲဒီ အမျိုးသမီးက “ဒီထဲမှာတင် လူ(၁၁၀၀)ရှိတယ်။ ဟိုနေ့က (၁၅၇၈)ယောက်ရှိတယ်။ လူဦးရေက မငြိမ်ဘူး အ၀င်အထွက်ရှိနေတယ်။ တချို့ကလည်း ဆွေမျိုးသားချင်းက လာခေါ်သွားတာတွေရှိတယ်။ ပြန်သွားတာတော့ မဟုတ်ဘူး။ မိသားစုတကွဲတပြားဖြစ်နေတာတွေ ပြန်စုမိသွားကြလို့ ပြန်ပေါင်းသွားကြတာတွေပါ။  ဒီကနေတော့ ပြန်ဖို့မလွယ်ပါဘူး။ ပြန်ဖို့ကလည်း တော်တော်ခက်ခဲတယ်။ ကွပ်ကဲရေးမှူးရုံးက လူကြီးရဲ့ လက်မှတ်ပါမှ ဆိုတော့ ခက်ခဲတယ် လုပ်ရတာ။ ကျွန်မတို့ အစ်မတစ်ယောက်ပြန်ဖို့လုပ်တာ ၄-၅ ရက် လုပ်ယူရတယ်။  အိမ်တွေဘာတွေ ပြန်ဆောက်ခွင့်တော့ ဘယ်ရဦးမလဲ။ မီးမလောင်တဲ့အိမ်တွေကို ပြန်လွှတ်ရင်တောင် နည်းနည်းလျှော့သွားမှာလေ အဲလိုလည်းမဟုတ်တော့။ အလှူရှင်တွေ လာလှူတာတွေအားလုံးတော့ ကျွန်မတို့ဒုက္ခသည်တွေ အကုန်လက်ထဲရပါတယ်။ အားလုံးကို အညီအမျှ ခွဲပေးတယ်။”

    “ခုနက တပ်ရင်းကလည်း မနေ့ညကမှ အသစ်ရောက်တာ၊ အသစ်ရောက်တော့ သူတို့က လုပ်ငန်းသဘာဝ နားမလည်သေးလို့ ခေါ်မေးတာ။”လို့ ခုနက ကျွန်မကို လိုက်ပို့ပေးတဲ့ တစ်ယောက်က ၀င်ပြောတယ်။

    ပထမပြောပြနေတဲ့တစ်ယောက်က ပြန်ပြီးပြောပါတယ်။ “ဟုတ်ကဲ့ ဒီကို တိုက်ရိုက်မရောက်ဘူးဆိုတာက ဘယ်လိုမျိုးလဲတော့မသိဘူး။ ဒီကို တိုက်ရိုက်ပို့တဲ့ဟာဆိုရင် အပေါက်ဝမှာ ချရတယ်။ ပြီးရင် ဒီက တာဝန်ခံတွေ။ တာဝန်ခံတွေကလည်း ဒုက္ခသည်တွေထဲကနေပဲ ကော်မတီပြန်ဖွဲ့ပေးထားတာ။ အဲဒီကော်မတီက အမျိုးသား(၅)ယောက် အမျိုးသမီး(၅)ယောက်ပါတယ်။ ဒီကော်မတီကပဲ ပစ္စည်းအားလုံး အထဲကိုယူပြီး ပြန်ပြီးခွဲပေးတာပါ။ ဒီထဲကို ရောက်တာအားလုံးကတော့ ဒီကဒုက္ခသည်တွေဆီ အားလုံးရောက်ပါတယ်။ ပစ္စည်းတွေကို ပြန်ခွဲပေးရင်တော့ အိမ်ထောင်စုနဲ့ ခွဲပါတယ်။ လူဦးရေနဲ့မခွဲပါဘူး။ ပစ္စည်းလှူတာတွေရှိတယ်။ ငွေကတော့ လက်မခံသေးပါဘူး။ အဓိက ငွေရောက်လာလည်း အခုက ငွေက ဘာမှ လုပ်လို့ မရသေးဘူး။ ဟိုနေ့က church ကျောင်းတစ်ခုက ငွေလှူမယ်ပြောတော့ ဒီကတာဝန်ခံဟာဂျီက ကျွန်တော်တို့ ခရမ်းချဉ်သီးလိုပါတယ်၊ ရေသန့်လိုပါတယ်လို့ ပြောလိုက်တော့ သူတို့ အဲဒါ ချက်ချင်းသွားဝယ်လိုက်မယ်ဆိုပြီး ၀ယ်ပေးတယ်။ ရေသန့်ကလည်း ဒီတစ်ရက် နှစ်ရက်မှာ နည်းနည်း နည်းတယ်။ တစ်ရက်တစ်ရက်ကို ရေသန့်ဗူးကြီး ၁၀၀-လောက် ကုန်ပါတယ်။ တာဝန်ခံတွေက မှာရတာမဟုတ်ပါဘူး။ လှူတဲ့သူက လှူထားပြီးသားကို လာလာပို့ပေးတာပါ။ မနေ့ကထိတော့ သောက်ရေသန့်ရော၊ သုံးရေရော လောက်ပါတယ်။ ဒီမနက်မှာတော့ သုံးရေ မလာတော့ ရေနည်းနည်းခက်တယ်။ သင်္ကြန်ရက်မှာ အားလုံးနားကျမှာဆိုတော့ သောက်ရေခက်ခဲမှာကိုတော့ စိုးရိမ်တယ်။ ဟုတ် ရေသန့်လှူချင်ရင် ကော်မတီကို ဆက်သွယ်ပြီးလည်း လှူလို့ရပါတယ်။ ဖုန်းနံပါတ်တွေ White board မှာ ရေးထားတယ်။ ၀၉-၄၀၂၇၅၈၅၉၁ ဦးထွန်းဝေကို ဆက်သွယ်လို့လည်းရတယ်။”
    4

    အားကစားခန်းမထဲဝင်ပြီး ဓါတ်ပုံနည်းနည်းရိုက်လိုက်တယ်။ အမျိုးသမီးတချို့ဝတ်ပြုဖို့ လုပ်ဆောင်နေကြတာ ကျွန်မ တွေ့လိုက်မိတယ်။ ပြီးတော့ ဘောလုံးကွင်းထဲက camp တွေဘက်ကို ကျွန်မ သွားချင်လို့ တစ်ယောက် လိုက်ပို့ပါလို့ပြောပြီး ထွက်ခဲ့လိုက်တယ်။ လိုက်ပို့တဲ့တစ်ယောက်ကလည်း ကျွန်မကို ၀င်ပေါက်နားထိ လိုက်ပို့ပြီး ပြန်လှည့်သွားတယ်။ ကျွန်မလည်း တစ်ယောက်တည်းဝင်သွားလိုက်တော့တယ်။

    56

    8

    ကျွန်မကိုလည်း တချို့က ၀ိုင်းကြည့်နေကြတယ်။ ကျွန်မလည်း ရီပြ ပြုံးပြပြီး တွေ့တဲ့သူတချို့ကို နှုတ်ဆက်လိုက်တယ်။ နှုတ်ဆက်ရင်း ဓါတ်ပုံ နည်းနည်းရိုက်လိုက်တယ်။ ပထမ အားကစားခန်းမထဲမှာစတွေ့တဲ့ တစ်ယောက်က ကျွန်မကိုမြင်လိုက်တော့ လှမ်းနှုတ်ဆက်တယ်။ အဆင်ပြေလား အစ်မတဲ့။ ဟုတ်ကဲ့ ပြေတယ်လို့ပြောရင်း ဆက်ပြီးလျှောက်လာလိုက်တယ်။ ကျွန်မလည်း အသိမိတ်ဆွေတစ်ယောက်မှမတွေ့ပဲ ဟိုကြည့် ဒီကြည့် လျှောက်နေတော့ ကလေးတွေကအစ ကျွန်မကို ၀ိုင်းကြည့်နေတယ်။ တချို့လည်း ပူပြင်းလွန်းတဲ့ အပူရှိန်ကို အံတုရင်း တဲလေးတွေထဲမှာ အိပ်စက်အနားယူနေကြတယ်။ ကျွန်မကို ၀ိုင်းကြည့်နေတဲ့ မျက်နှာတွေမှာတော့ အများစုက အားကိုးရာမဲ့ မျက်ဝန်းလေးတွေပါပဲ။ ကျွန်မ ပိုပြီး သတိထားမိတာက ကလေးလေးတွေရဲ့ မျက်လုံးလေးတွေပါ။ ကျွန်မကို ကြည့်နေတဲ့ မျက်လုံးတွေထဲမှာ ကြောက်ရွံ့စိတ်တွေ၊ အားငယ်စိတ်တွေ အများကြီးတွေ့နေရတယ်။ ကျွန်မ သူတို့ကို ပြုံးပြလိုက်တယ်ဆိုရင် သူတို့လေးတွေလည်း မ၀ံ့မရဲနဲ့ ပြန်ပြုံးပြလာတယ်။ အဲဒီအချိန်မှာ ကျွန်မ ရင်ထဲ တော်တော်လေးကို မကောင်းဖြစ်မိတယ်။ အရိပ်အာဝါသ မရှိတဲ့ နေပူကွင်းပြင်မှာ အလျှံတညီးညီး ပူပြင်းနေတဲ့ မြေပြင်က အပူချိန်ရယ် ကောင်းကင်က နေပူရှိန် နှစ်ခု အပူရှိန်မှာ ၁၀-ပေတောင် မမြင့်တဲ့ ပလပ်စတစ်အမိုးနဲ့ တဲထဲက လူတွေရဲ့ ရင်တွင်း အပူမီးက  ပြင်ပရုပ်ခန္ဓာအပူကို ဂရုထားမိပါ့မလားလို့ ကျွန်မ တွေးမိတယ်။ တဲလေးတစ်ခုအနားအရောက်မှာ ကျွန်မကို လှမ်းကြည့်နေတဲ့ မျက်လုံးတစ်စုံက စကားပြောနေတယ်။ ဒါနဲ့ ကျွန်မလည်း သွားနှုတ်ဆက်လိုက်တယ်။ သူနဲ့ ကျွန်မ စကားနည်းနည်းပြောဖြစ်တယ်။ သူ့မိသားစုရဲ့ ဖြစ်စဉ်ကို ကျွန်မကို ပြောပြတယ်။ သူတို့က အိမ်ငှားနေတာ အိမ်ရှင်က ဗုဒ္ဓဘာသာတွေပါ။ သူတို့ကို အိမ်ရှင်က အိမ်ပေါ်မှာ ဖွက်ထားပေးတယ်။ ဒါပေမယ့် သူတို့ ရှိနေမှန်းသိနေတော့ အကြမ်းဖက်သမားတွေက မပြန်ပဲ အောက်မှာ စောင့်နေကြတယ်။ နောက် ၂-ရက်နေတော့ ဆင်းလာခဲ့ လုံခြုံရေးပေးမယ်ဆိုတာကြောင့် သူတို့ဆင်းလာကြတယ်။ အဲဒီအချိန်မှာပဲ ရပ်ကွက်လူကြီးရှေ့မှာပဲ သူ့ယောက်ျားကို ဓါးနဲ့ ထိုးသတ်လိုက်ကြတယ်ဆိုတာ ပြောပြီး သူငိုပါတယ်။ သူ့ရဲ့ သမီးလေး ၃-ယောက်လည်း သူ့ဘေးနားမှာ လာထိုင်နေတယ်။ ကလေးလေးတွေက ၂-နှစ်၊ ၂-တန်းနဲ့ ၄-တန်းကျောင်းသူလေးတွေပါ။ ကျွန်မ သူ့ကို အားပေးစကားပြောဖို့ စကားလုံးရှာမတွေ့ဘူး။ ဘုရားသခင်ထံမှာ ဆုတောင်းပါ။ အမှန်တရားအတွက် အဖြစ်မှန် ပေါ်လာမှာပါဆိုတာပဲ ပြောနိုင်တယ်။ သူနဲ့ပြောပြီးတော့ ကျွန်မ ဆက်လျှောက်လာရင်း ဘောလုံးပွဲကြည့်စင်မှာ အနားယူနေတဲ့ တချို့ကို တွေ့လိုက်ရသေးတယ်။ ကျွန်မ ပွဲကြည့်စင်ပေါ်တက်လိုက်တော့ camp လေးတွေကို အပေါ်စီးကနေ လှမ်းမြင်လိုက်ရတယ်။ အဲ့ဒီအချိန်မှာပဲ ကျွန်မဖုန်းက မြည်လာတယ်။ အပေါက်ဝမှာ စောင့်နေကြတဲ့ထဲက တစ်ယောက်က ဖုန်းခေါ်တာ။ အစ်မ ပြန်လာတော့ အပြင်မှာ ပြဿနာတက်နေတယ်တဲ့။ ဒါနဲ့ ကျွန်မလည်း လာပြီ အခုလာပြီဆိုပြီး ပြန်ထွက်လာလိုက်တယ်။ စခန်းထဲမှာပဲ အားလုံးနားနေဆောင်ဆိုတဲ့ နေရာမှာ နေ့လည် ၀တ်ပြုချိန်ရောက်နေတဲ့အတွက် အမျိုးသားတွေစုပြီး ၀တ်ပြုဆုတောင်းနေတာကိုလည်း ကျွန်မ တွေ့ခဲ့လိုက်တယ်။

    ထွက်လာနေတုန်းမှာပဲ နောက်တစ်ယောက် ဖုန်းထပ်ခေါ်လာတယ်။ မြန်မြန်ထွက်လာခဲ့တော့ ဆိုတာနဲ့ ကျွန်မလည်း ခပ်သွက်သွက်ပြန်ထွက်လာလိုက်တယ်။ ကျွန်မလည်း အပေါက်ဝရောက်ရော ရဲဘော်တစ်ယောက်က တံခါးဖွင့်ပေးတယ်။ ကျွန်မလည်း အပြင်ကိုရောက်ရော ခုနက ပြဿနာဖြစ်သွားတယ်ဆိုတာက စခန်းထဲမှာ ရှိနေတဲ့ အမျိုးသမီးနဲ့ ကလေးကို အပြင်က တစ်ယောက်က လာတွေ့တယ်။ (အမျိုးသမီးရဲ့ ခင်ပွန်းပါ။ သူတို့ ၂-ယောက်က ကွဲနေကြသလားတော့ မပြောတတ်ဘူး။) လာတွေ့ရင်း အမျိုးသားက ကလေးကို ခေါ်ပြီး ထွက်ပြေးတာ။ အဲဒီမှာ အမျိုးသမီးက အော်ပါလေရော ကျွန်မကလေး ခေါ်သွားပြီ၊ ကျွန်မ ကလေး ခေါ်သွားပြီဆိုတော့ အားလုံး ရုတ်ရုတ်သဲသဲဖြစ်သွားတယ်။ ကလေးကို ခေါ်ပြီး ထွက်သွားတာက ကလေးအဖေပါပဲ။

    ကျွန်မ ဒီစခန်းလေးမှာ တွေ့ရတာက ဒုက္ခသည်တွေအနေနဲ့ စားစရာ အစားအစာက လုံလောက်နေပါတယ်။ သူတို့အတွက် အခုအချိန်မှာ အဓိကလိုအပ်နေတာ စားသောက်စရာမဟုတ်တော့ဘူး။ သူတို့ တမ်းတနေတာ သူတို့အိမ်တွေမှာ သူတို့ပြန်လည်နေထိုင်နိုင်ဖို့ပါ။ ကျွန်မမြင်ရသလောက် သူတို့ဟာ အကျယ်ချုပ်ပုံစံမျိုး ဖြစ်နေတယ်။ အပြင်ကို လုံးဝ ထွက်ခွင့်မရှိဘူး။ နေ့လည်စာနဲ့ ညစာထမင်းကိုတော့ ကော်မတီကလူတွေက စုပြီးချက်ကျွေးလို့ ထမင်းစားရတယ်။ မနက်စာ (breakfast)ကတော့ ရှိတဲ့ မုန့်လေးနဲ့ ရေနဲ့ စားသောက်နေရတယ်။ ငွေရှိရင်တောင် ဘာမှ ၀ယ်စားလို့ မရတဲ့အခြေအနေပါ။ အားလုံးရဲ့ ဆန္ဒက အိမ်တွေကိုပဲ ပြန်ချင်ကြတယ်။ ဒါလည်း ကိုယ့်အိမ်ကိုယ့်ယာမှ မဟုတ်တာ ဘယ်လိုလုပ် အဆင်ပြေမလဲ။ ဘယ်သူက ပျော်နေမလဲ။ ဒီတော့ ဒုက္ခသည်တွေ အဆင်မပြေဘူး ဆိုတဲ့အသံတွေ ထွက်ပေါ်လာတာပါပဲ။ ကျွန်မအမြင်မှာ သူတို့ လိုအပ်နေတာက စိတ်ပိုင်းဆိုင်ရာအားပေးမှုတွေ အများကြီးလိုနေပါတယ်။ ပြင်ပက လူတွေနဲ့ စကားတွေ ပေးပြောသင့်တယ်။ သူတို့ ခံစားချက်တွေ ရင်ဖွင့်ချက်တွေကို နားထောင်ပေးမယ့်သူတွေလိုအပ်နေတယ်။ ရုပ်ပိုင်းဆိုင်ရာ ဒုက္ခရောက်ပြီးကြသူတွေအနေနဲ့ စိတ်ပိုင်းဆိုင်ရာ သောကတွေပါ ထပ်ခံစားနေရရင် ပိုပြီး စိတ်ဒဏ်ရာ ရသွားနိုင်ပါတယ်။ အားလုံးက ကိုယ့်အိမ်ကို ပြန်နေရဖို့ ဆန္ဒရှိနေပါတယ်။ ဒါကြောင့် ဒီ ဒုက္ခသည်တွေ အိမ်ပြန်နိုင်အောင် တာဝန်ရှိသူတွေအနေနဲ့ စီစဉ်ပေးတာ အသင့်တော်ဆုံးဖြစ်မယ်လို့ မြင်မိတယ်။

    လုံခြုံရေးတာဝန်ကျနေသူတွေအနေနဲ့လည်း ဒုက္ခသည်တွေနည်းတူ အတူတူ နေနေကြတာ တွေ့ရတယ်။ ဒါက စခန်းတစ်ခုမှာ မြင်တာကြားတာကို ကျွန်မ ခံစားမိလာတာလေးပါ။ ဒီစခန်းကနေ ပြန်ထွက်လာပြီးချိန်မှာတော့ ရေသန့်တွေကို ကျွန်မတို့ သွားယူဖြစ်ပါတယ်။ ရေသန့်သွားယူပြီးတော့ ဒုက္ခသည် စခန်းတစ်ခုဖြစ်တဲ့ အထက(၃)ကို ကျွန်မတို့ သွားကြပြန်ပါတယ်။

    နောက်တစ်ပိုင်းမှာ ဆက်ရေးပါ့မယ် ……………… ။

    3

  • ဝါဒဖြန့် သတင်းမှားအား ပဋိပက္ခများ ကြိုတင်တားဆီးရေး ကော်မတီ (မန္တလေး)မှ ကြေငြာချက် ထုတ်ဖြေရှင်း

    ဧပြီ ၁၁ ၊ ၂၀၁၃

    M-Media

    533294_134608600058510_883053694_n

    ဆိုရှယ်မီဒီယာများတွင် မန္တလေးမြို့မှ ကီးမားတင်ဝင်း အား လုပ်ကြံဝါဒဖြန့်နေသည့် သတင်းနှင့် ပတ်သက်ပြီး ပဋိပက္ခများ ကြိုတင်တားဆီးရေး ကော်မတီ (မန္တလေး) မှ သတင်းအမှားဖြစ်ကြောင်း တစုံတရာ ရည်ရွယ်ချက်ဖြင့် ဖြန့်ဝေနေခြင်းဖြစ်ကြောင်း ယနေ့ ဧပြီလ ၁၁ ရက်နေ့ နေစွဲဖြင့် သတင်းထုတ်ပြန်လိုက်ပါသည်။

    ဆိုရှယ်မီဒီယာနှင့် အွန်လိုင်းဝဘ်ဆိုဒ်များတွင် အစ္စလာမ်ဆန့်ကျင်ရေး လှုပ်ရှားမှုများနှင့်အတူ ပြည်တွင်းရှိ အစ္စလာမ်ဘာသာဝင် လုပ်ငန်းရှင်များကို နည်းလမ်းပေါင်းစုံဖြင့် ပစ်မှတ်ထား လုပ်ကြံဝါဒဖြန်မှုများ အရှိန်အဟုန်ဖြင့် လုပ်ဆောင်လာမှုကို တွေ့ရှိရပါသည်။

    ကြေငြာချက်ကို ပဋိပက္ခဖန်တီးမှုများ ကြိုတင်ကာကွယ်တားဆီးရေးကော်မတီ FB စာမျက်နှာမှ ကူးယူဖော်ပြသည်။

  • Pray For Myanmar ၏ ငြိမ်းချမ်းရေး အနုပညာပြပွဲနှင့် စာနယ်ဇင်း ရှင်းလင်းပွဲ ကျင်းပ

    ဧပြီလ ၁၁၊ ၂၀၁၃
    M-Media
    သတင်း- ဆူးထက်

    P7080097
    Pray For Myanmar  ၏ ငြိမ်းချမ်းရေး အနုပညာ ပြပွဲနှင့် စာနယ်ဇင်းရှင်းလင်းပွဲ အခမ်းအနားကို ရန်ကုန်မြို့၊ Crystal Jade စားသောက်ဆိုင်တွင် ဧပြီလ ၁၀ ရက်နေ့က နေ့လည် (၁)နာရီမှ ညနေ (၅)နာရီထိ  ကျင်းပပြုလုပ်ခဲ့ကြောင်း သတင်းရရှိသည်။

    အဆိုပါ ဘာသာပေါင်းစုံမှ လူငယ်များ ကျင်းပသော အခမ်းအနားကို နိုင်ငံတော် သီချင်းဖြင့် စတင်ဖွင့်လှစ်ခဲ့ပြီးနောက် မြန်မာနိုင်ငံ အတွင်းရှိ မိတ္ထီလာမြို့နှင့် ပြည်ပမှ အင်ဒိုနီးရှား စသော နိုင်ငံတို့တွင် ဖြစ်ပွားခဲ့သော လူမျိုးရေး၊ ဘာသာရေး ပဋိပက္ခများကြောင့် ဆုံးရူံးနစ်နာခဲ့သော မြန်မာနိုင်ငံသူ နိုင်ငံသားများ အားလုံးအတွက် ၀မ်းနည်းခြင်း အထိမ်းအမှတ်ဖြင့် တစ်မိနစ် ငြိမ်သက်ခဲ့သည်။

    ထိုပွဲတွင် ဆရာသစ္စာနီ၊ ၈၈မျိုးဆက် ကျောင်းသားခေါင်းဆောင် မင်းကိုနိုင် ပေးပို့သော ငြိမ်းချမ်းရေး ကဗျာတို့ ရွတ်ဆိုပြီးနောက် ဆရာဆောင်းခ၊ ဆရာမိုးမျှော်၊ ဆရာနွေရိပ်၊ ဆရာကိုနိုင်၊ ဆရာဇောက်ထိုး၊ ဆရာခေါင်ညှိမင်း တို့မှ ငြိမ်းချမ်းရေး ကဗျာများ ရွတ်ဆိုခဲ့သည်။

    ပြီးနောက် Pray For Myanmar အဖွဲ့မှ မိန်းကလေးတစ်ဦးမှ ဘာသာပေါင်းစုံ အမှတ်သင်္ကတများဖြင့် သရုပ်ဖော် တင်ဆက်မှုတခု တင်ဆက်ခြင်း၊ အဖွဲ့ဝင်များက  ငြိမ်းချမ်းရေး သီချင်းများ သီဆိုခြင်း တို့ပြုလုပ်ခဲ့ကြောင်း သိရသည်။

    အခမ်းအနားတွင် ဆရာနေဘုန်းလတ်မှ “မကြာမှီ မြန်မာနိုင်ငံသား အားလုံးရဲ့ အမှတ်လက္ခဏ ဖြစ်တဲ့ လူမျိုး ဘာသာ မရွေးတဲ့ နေရာဒေသ မရွေးတဲ့ သင်္ကြန်ပွဲတော်ကြီး ကျရောက်တော့မှာပါ။ တကယ် ငြိမ်းချမ်းတဲ့ သင်္ကြန်ဖြစ်ဖို့ အတွက် ပထမခြေလှမ်းကို စလှမ်းတဲ့ အချိန်မှာ ကျွန်တော်တို့ရဲ့ နှလုံးသားတွေကို ငြိမ်းချမ်းအောင် သန့်စင်နေအောင် သင်္ကြန်ရေ မလောင်းခံရခင်လေးမှာ နှလုံးသားတွေကို ဆေးကြောကြပါလို့ ဒီနေရာကနေ တိုက်တွန်းချင်တယ်။ အားလုံး သန့်စင်တဲ့ ငြိမ်းချမ်းတဲ့ နှလုံးသားတွေနဲ့ သင်္ကြန်ထဲကို ၀င်ကြပြီ ဆိုရင် ဒီသင်္ကြန်ကြီးက တကယ့် ငြိမ်းချမ်းရေး သင်္ကြန်ကြီး ဖြစ်လာမှာပါ။ ကျွန်တော် တကယ်ပဲ စိုးရိမ်ပါတယ်၊ တကယ်လှပခဲ့တဲ့ ကျွန်တော်တို့ တိုင်းပြည်ရဲ့အမှတ်လက္ခဏာ တစ်ခု ဖြစ်တဲ့ သင်္ကြန်ပွဲတော်ကြီးဟာ မလိုတမာ သူတွေရဲ့ သွေးထိုး လှုံဆော်မူတွေကြောင့်၊ အကြမ်းဖက်သမားတွေရဲ့ ရန်ကြောင့် တစ်ခါတုန်းကလည်း သွေးစွန်းခဲ့ပြီးပါပြီ။ အခု တစ်ခါ ထပ်ပြီး  သွေးစွန်းမခံချင်ပါဘူး။ သင်္ကြန်ကို ဆင်နွဲကြမယ့် သူတွေ အားလုံး သင်္ကြန်ကို ပုံဖော်ကြမယ့် သူတွေ အားလုံး သန့်စင်မွန်မြတ်တဲ့ နှလုံးသားတွေနဲ့ ၀င်မယ်ဆိုရင် အခု လာမယ့် သင်္ကြန်ဟာ ကျွန်တော်တို့ မျှော်လင့်တောင့်တတဲ့ ငြိမ်းချမ်းခြင်း သင်္ကြန်ဖြစ်မှာပါ ” ဟု ထည့်သွင်းပြောကြားခဲ့သည်။

    ပန်းချီဆရာ ကောင်းဆက်မင်း မှ  “ကျွန်တော် ဒီပန်းချီကားကို ရေးဆွဲတဲ့ နေရာမှာ ဘာသာမတူတဲ့ လူငယ် လေးငါးယောက်ကို တစ်နိုင်ငံလုံးမှာရှိတဲ့ ဘာသာမတူတဲ့သူတွေရဲ့ အားလုံးကိုယ်စားပြု ရေးဆွဲမှာ ဖြစ်ပါတယ်။ ဒီဘာသာကြီး လေးခုကို ကိုးကွယ်နေတဲ့ သူတွေဟာလည်း လူတွေထဲက လူတွေပါပဲ၊ ဒါကြောင့် အကုန်လုံးက ငြိမ်းငြိမ်းချမ်းချမ်းနဲ့ ငြိမ်းချမ်းရေး ခရီးကို ဆက်လျှောက်သွားကြမယ်လို့ ခံယူချက်နဲ့ ကျွန်တော်ဆွဲထားခြင်းပါ” ဟု ပန်းချီကား ရေးဆွဲ ပုံဖော်ထားခြင်းနှင့် ပတ်သက်၍ ထည့်သွင်းပြောကြားခဲ့သည်။

    P7080067

    နောက်ဆက်လက်၍ Pray For Myanmar သတင်းစာ ရှင်းလင်းပွဲတွင် သတင်းမီဒီယာများ၏ မေးမြန်းချက် ဖြစ်သော အွန်လိုင်းပေါ်မှ ပြောနေ ရေးနေ ကြသည့် ဒီအဖွဲ့တွင် နောက်ကွယ်က ကြိုးကိုင်နေသည့် အဖွဲ့ (သို့) လူတစ်ဦး ရှိမရှိ နှင့် ထွက်ပေါ်နေသည့်ကောလဟာလများနှင့် ပတ်သက်၍ မေးမြန်းချက်ကို ကိုနိုင်ဦးမှ  “ကျွန်တော်တို့လည်း အင်တာနက် စာမျက်နှာ ပေါ်က ကောလဟာလ တွေနဲ့ ပတ်သပ်ပြီး အရမ်းစိတ်မကောင်းဖြစ်ရပါတယ်၊ ဘာလို့များ အဲလို ရေးရက် ပြောရက်ကြတာလည်း ဆိုပြီးတော့ပေါ့။ ကျွန်တော်တို့ဟာ လူမူရေး အဖွဲ့အစည်း အသီးသီးမှာ အလုပ်လုပ်နေကြတဲ့ လူငယ်တွေပါ၊ လူငယ်တွေပါလို့ လှအောင်ပြောနေပေမယ့် အရမ်းငယ်တဲ့ သူတွေ မပါပါဘူ၊ ကျွန်တော်တို့ အဖွဲ့အစည်း အသီးသီးမှာ ရှိတဲ့ ဖန်ငွေတွေ ပေါင်းလိုက်ရင် ဒီလိုပွဲမျိုးလေးတွေ လုပ်ဖို့ လုံလောက်ပါတယ်၊ ဒါတင် မကပါဘူး၊ မိထ္တီလာ ကယ်ဆယ်ရေး စခန်းကို သွားရောက်ဖို့ သဘာပေါင်းစုံက လူငယ်တွေ စုပေါင်းပြီး သွားလှူဖို့ ရှိပါသေးတယ်” ဟုဖြေကြားခဲ့သည်။

    တဆက်တည်း ကိုဇော်မင်းလတ်မှလည်း “ကျွန်တော်တို့နောက်မှာ ကျွန်တော်တို့ကို ထောက်ပံ့တဲ့ မည်သည့် အဖွဲ့အစည်းမှ မရှိပါဘူး၊ နိုင်ငံရေး ပါတီလည်း မရှိပါဘူး၊ပြည်ပ နိုင်ငံရဲ့ ထောက်ပံ့မူလည်း မရှိပါဘူး၊ ပန်းပျိုးလက်က လူငယ်တွေ မဇ္ချိမက လူငယ်တွေက စတဲ့ လူငယ် အဖွဲ့ အစည်း အသီးသီးက သူတို့ရဲ့ မုန့်ဖိုးလေးတွေ စုပါတယ် ပြီးတော့ အားလုံး ဒီမှာ စုပေါင်းပါတယ်၊ လူငယ်တွေထဲမှာလည်း လုပ်ငန်းရှင်တွေ ပါပါတယ်၊အခုချိန်မှာ စားသောက်ဆိုင် တစ်ဆိုင် သွားထိုင်ရင် အနည်းဆုံး ကျပ်တစ်သိန်း ကုန်ပါတယ်၊ကျွန်တော်တို့တွေက အဲလို မစားသောက်ကြပါဘူး၊ KTV တို့၊ အနှိပ်ခန်းတို့ မသွားပါဘူး၊ အဲဒီမှာ သုံးဖြုန်းမယ် မုန့်ဖိုး ပိုက်ဆံတွေ အားလုံးကို ကျွန်တော်တို့ ဒီနေရာတွေမှာ သုံးခြင်းဖြစ်ပါတယ်” ဟု ထည့်သွင်း ရှင်းလင်း ခဲ့ကြသည်။

    IMG_20130410_152316

    ကိုသန့်စင်ထွေး (မဇ္ချိမ) က “ကျွန်တော်တို့  မဇ္ချိမ အဖွဲ့ဟာ ဆိုရင်လည်း အာဇာနည် ခေါင်းဆောင် ဆရာကြီးဦးရာဇာတ် လုပ်ခဲ့တဲ့ ပုံစံမျိုး လုပ်မှာပါ၊ ကျွန်တော်တို့ အစ္စလာမ် ဘာသာဝင်တွေကြီးပဲ ကောင်းစားဖို့ ဖွဲ့တဲ့ အဖွဲ့အစည်း မဟုတ်ပါဘူး၊ဆရာကြီးဦးရာဇတ် လုပ်ခဲ့တဲ့ ရည်ရွယ်ချက်က မြန်မာနိုင်ငံ ကောင်းစားဖို့  ဗိုလ်ချုပ်အောင်ဆန်းနဲ့ လက်တွဲခဲ့တယ်၊ နောက်ဆုံး အသက်ပါ ပေးခဲ့တယ်၊ ကျွန်တော်တို့ကလည်း မြန်မာနိုင်ငံကြီး ကောင်းစားဖို့ အတွက် ၊ မြန်မာနိုင်ငံကြီးး တိုးတက်ဖို့ အတွက်ပဲ ရည်ရွယ်ပြီး လုပ်ခဲ့တာပါ။ ကျွန်တော်တို့ အစ္စလာမ်ဘာသာကို ၁၀၀ရာခိုင်နှုန်း ချစ်ပါတယ်၊ အဲလိုပဲ ဗုဒ္ဓဘာသာ ကိုးကွယ်တဲ့ မြန်မာနိုင်ငံသား အားလုံးကိုလည်း ကျွန်တော့် သာသနာကို ချစ်တာထက် တစ်စက်မှ မလျော့တဲ့ အချစ်မျိုးနဲ့ ချစ်ပါတယ် ၊အဲလိုပဲ ခံယူထားတဲ့ အတွက် မြန်မာနိုင်ငံကြီး ငြိမ်းငြိမ်း ချမ်းချမ်း နဲ့ ရှေ့ဆက်နိုင်ဖို့ အတွက် ကျွန်တော်တို့ တက်နိုင်တဲ့ ဘက်က ၀ိုင်းဝန်းပြီး ဆောင်ရွက်ခြင်းဖြစ်ပါတယ်၊ ဘယ်သူရဲ့ နောက်ကွယ်က ပံ့ပိုးမူ၊ ထောက်ပံ့မူ၊ ခိုင်းစေမူ၊ ညွှန်ကြားမူ တစ်စုံတစ်ရာ မရှိပါဘူး၊ ကျွန်တော်တို့ရဲ့ လွတ်လပ်တဲ့ ဆန္ဒ သဘောထားနဲ့ ဆောင်ရွက်ခြင်း ဖြစ်ပါတယ်” ဟု ထည့်သွင်းပြောကြားခဲ့သည်။

    “ကျွန်မ ဗုဒ္ဓဘာသာဝင် တစ်ယောက် အနေနဲ့အကြမ်းဖက်မှာ ပါဝင်နေကြတဲ့  ဗုဒ္ဓဘာသာဝင်တွေကို မေတ္တာရပ်ခံ ချင်ပါတယ်။ ကျွန်မတို့ ဘုရားဟောခဲ့ပါတယ်၊ ဘုရားက မေတ္တာကို အခြေခံပြီး ဟောခဲ့ပါတယ်၊ ဘုရားဟောတဲ့ သာသနာကို ချစ်တယ် ဆိုလို့ ရှိရင်လည်းမေတ္တာတရားကို အခြေခံပြီး သွားရမှာပေါ့၊  ဘုရားဟောခဲ့တဲ့ အလယ်အလတ် လမ်းစဉ်ဟာ ဘယ်တော့မှ အစွန်းမရောက်ပါဘူး၊ လူတိုင်းကို ချစ်ခြင်း မေတ္တာကို အခြေခံတာပါ၊ နောက်တစ်ခုက ငါ ဆိုတဲ့ အတ္တကို အခြေမခံဘဲ ငါ သာဆိုရင်  ကျွန်မတို့ရဲ့မိဘ သာဆိုရင်  ကျွန်မတို့ရဲ့ အကိုသာ ဆိုရင် ဆိုတဲ့ အတွေး  လူတိုင်းကသာ အဲလို တွေးလို့ ရှိရင် ပဋိပက္ခတွေက လွတ်မြောက် ပြီးတော့ ငြိမ်းချမ်းခြင်းကို ရမှာပါလို့ ကျွန်မ ယုံကြည်ပါတယ်” မဆုမြတ်မွန် ဟု ထည့်သွင်းပြောကြားခဲ့သည်။

      IMG_20130410_163023

    ရန်ကုန်တိုင်း အမျိုးသား လွှတ်တော် ကိုယ်စားလှယ် NGO Fair ကော်မတီမှ ဥက္ကဌ ဖြစ်သူ ဒေါ်ခင်ဝိုင်းကြည်မှ ငြိမ်းချမ်းရေး စကားပြောကြားရာတွင်  “လူငယ်တွေက သမိုင်းခေတ် အဆက်ဆက် ကမ္ဘာအရပ်ရပ်မှာ လူငယ်တွေရဲ့ အခန်းဏ္ဍက ထွန်းတောက်တယ်၊ ရှေ့ဆောင်တယ်၊ လူငယ်တွေဟာ မဟုတ်ရင် မခံချင်ဘူး၊ နိုးကြားတယ်၊ တက်ကြွတယ်၊သွက်လက်တယ်၊ဖြတ်လက်တယ်၊ ပြတ်သားတယ် တွေရဲ့ နောက်မှာ စီမံခန့်ခွဲမူကောင်းတာတွေ၊ ကိုယ်ကျိုးစွန့်လွှတ်တာတွေ၊ သူများ အကျိုးကို ဆောင်ချင်တာတွေပါ တွဲပါလာပြီ ဆိုရင် ဒီလူသည်နိုင်ငံအတွက် အဖိုး မဖြတ်နိုင်တဲ့ ခေါင်းဆောင် ဖြစ်တယ်၊ ဒီလူငယ်တွေရဲ့ စွမ်းဆောင်ချက်တွေကို အင်မတန် ကျေနပ်တယ်၊ ၀မ်းသာတယ်၊ နိုင်ငံတော်ရဲ့ အနာဂတ်အတွက်လည်း အားရှိတယ်၊ ဒီလို ကလေးလေးတွေနဲ့ နောက်ထပ် ကလေးတွေရဲ့ မြောက်များစွာသော လှုပ်ရှားမူတွေကို ကြိုဆိုတယ်၊ အရေးကြီးဆုံး အနေနဲ့ နိုင်ငံတစ်နိုင်ငံ အတွက် ဖွံ့ဖြိုးတိုးတက်မူတွေ အတွက် ယုံကြည်ချက်တွေ လိုတယ်၊ စည်းလုံးညီညွှတ်မူတွေ လိုတယ်၊ တွေ့ဆုံ ညှိနှိုင်းမူတွေ လိုတယ်၊ ပွင့်လင်း မြင်သာမူတွေ လိုတယ် နောက်ပြီးတော့ ငြိမ်းချမ်းရေး ပြီးမှ ဖွံ့ဖြိုးတိုးတက်မူရှိမယ် အဲလိုရှိတဲ့ အထဲမှာ အခုလို ငြိမ်းချမ်းရေးကို အားသွန် ခွန်စိုက် နဲ့ စိတ်ပါဝင်စားစွာ လုပ်နေတာကို အန်တီဝိုင်း က ရာနှုန်းပြည့် ချီးကျူး ဂုဏ်ယူပါတယ်” ဟု ထည့်သွင်းပြောကြားခဲ့သည်။

    တက်ရောက်လာသူများထဲမှ ကျူရှင်ဆရာ တစ်ဦးဖြစ်သော ဆရာဦးစိုးအောင်မှ “ဒီပွဲလေးဟာ ခုချိန်မှာ အင်မတန်မှ လိုအပ်ပြီး ကောင်းပါတယ်၊ ဒီလိုပွဲမျိုးလေးတွေ မြို့နယ်တိုင်း မြို့နယ်တိုင်း လုပ်ပေးသင့်ပါတယ်၊ အဲလို လုပ်ပေးခြင်း အားဖြင့် ဘာသာဝင် အချင်းချင်း ပွင့်လင်းလာပြီး ရင်းနှီးလာပြီး တစ်ဦးနှင့် တစ်ဦး အချင်းချင်း ခစ်ခြင်း မေတ္တာ ပွားလာလိမ့်မယ်၊ ရင်းနှီးမူ ပေါ်မှာ ချစ်ခင်လာမယ်၊ ချစ်ခင်မူပေါ်မှာ ငြိမ်းချမ်းမူဆိုတာ ပေါ်ပေါက်လာမယ်၊ ဒါကြောင့် ဒီလို ပွဲတွေကို ခဏခဏ နိုင်ငံနဲ့ တ၀ှမ်း ကျင်းပ သင့်တယ်လို့ မြင်ပါတယ်၊

    IMG_20130410_155732

    ဘာသာအသီးသီးရဲ့ တရားအားလုံးက ငြိမ်းချမ်းရေးကိုပဲ ဟောပါတယ်၊ မေတ္တာ တရားကို အခြေခံပြီးတော့ ဟောကြတာပဲ ဖြစ်တယ်၊ အခု ဖြစ်တာတွေက ဗုဒ္ဓဘာသာနဲ့ အစ္စလာမ် ဘာသာ ဖြစ်တာ မဟုတ်ပါဘူး၊ ဘာသာဝင် အချင်းချင်း ဖြစ်ကြတာ မဟုတ်ပဲ အကြမ်းဖက် လူတစ်စုက ပြည်သူတွေကို တိုက်ခိုက်တာလို့ ယူဆပါတယ်၊ တရားဥပဒေကို လေးစား လိုက်နာတဲ့ သူတွေဟာ တရားဥပဒေ ဘောင်အတွင်းကနေ ဖြေရှင်းနိုင်ဖို့ အတွက် အဲလိုမျိုး လှုံဆော်တဲ့ သူတွေ၊ သွေးထိုးတဲ့ သူတွေကို လက်မခံပဲနဲ့ သက်ဆိုင်ရာ အာဏာပိုင် အသီးသီးကို ဆင့်ကဲ ဆင့်ကဲ သတင်းပေး တိုင်တန်းပြီးတော့  အမြန်ဆုံး တရား ဥပဒေ စိုးမိုးမူ ရှိအောင် နှိမ်နင်းသင့်တယ်လို့ ကျွန်တော်အနေနဲ့ အကြံပြု ပါတယ်” ဟု M-Media သို့ ပြောကြားခဲ့သည်။

    ဗုဒ္ဓဘာသာဝင် တစ်ဦးဖြစ်သော အဖွဲ့ခေါင်းဆောင် ကိုသက်ဆွေဝင်း မှ “ကျွန်တော် အနေနဲ့ ပြောရမယ် ဆိုရင် ဒီအစ္စလာမ် ဘာသာက ရောက်ရှိလာတာဟာလည်း နှစ်ပေါင်း မနည်းတော့ဘူး။ကျွန်တော်တို့တွေ ငြိမ်းငြိမ်း ချမ်းချမ်းနေထိုင် လာခဲ့တဲ့ သက်တမ်းကလည်း မနည်းဘူး၊ ကြားထဲမှာ ပဋိပက္ခတွေ ဖြစ်ခဲ့ပေမယ့်လည်း ဒီလောက် ကြီးကြီးမားမားဖြစ်တယ်ဆိုတာ ကျွန်တော်တို့ သက်တမ်းမှာ တစ်ခါမှ မကြုံဖူးဘူး၊ ဒါမျိုး လူမဆန်စွာ သတ်ဖြတ်ခြင်းကို ကျွန်တော် တကယ်ပဲ တုန်လှုပ်တယ်၊ ဒီလိုမျိုး ပဋိပက္ခတွေ ထပ်မဖြစ်စေဖို့ ဒီအဖွဲ့လေးလုပ်ဖြစ်တာ ဖြစ်တယ်၊ လူတစ်ယောက်ကို လူတစ်ယောက်က သတ်ဖြတ်နေခြင်းက အဖြေ မဟုတ်ဘူး၊ လူသတ်တာ မဟုတ်တဲ့ သွေးမစွန်းတဲ့ အဖြေတစ်ခုကို ရှာဖို့ လိုတယ်၊ကြားထဲမှာ လိုအပ်နေတာက တစ်ဦးနဲ့တစ်ဦးနားလည်မူ၊ ပွင့်လင်း မြင်သာမူ၊ စိတ်ရှည် သည်းခံမူ အဲဒါတွေကနေပြီးတော့ တဆင့်ပြီး တဆင့် လူတွေရဲ့ ရေချိန် စံနှုန်းလည်း တက်လာမယ်လို့ မြင်ပါတယ်” ဟု M-Media သို့ပြောကြားခဲ့သည်။

    ဓါတ်ပုံများ ကြည့်ရန်။

  • မွတ်စလင်များ သတ်ဖြတ်ခံရမှု နှင့် ဗုဒ္ဓဘာသာ ဘုန်းတော်ကြီးများ၏ အခန်းကဏ္ဍ (Special Report-ဘာသာပြန်)

    ဧပြီလ ၈ ရက်
    ရိုက်တာသတင်းဌာန
    ဘာသာပြန်- သာကီထက်ကောင်း

    မြန်မာပြည်အလယ်ပိုင်း မိတ္ထီလာမြို့တွင်း၌ မီးကွင်းများ၊ ဓားရှည်များကိုင်ဆောင်ထားသော ဗုဒ္ဓဘာသာဝင် လူရမ်းကားများသည် မွတ်စ်လင်မ် ၁၀၀ ခန့် လိုက်လံသုတ်သင်ပြီးနောက် ၊ ဗုဒ္ဓဘာသာ ဘုန်းတော်ကြီးတစ်ပါးမှ မွတ်စ်လင်မ် မိန်းကလေးငယ်လေးတစ်ဦးကို ဖမ်းချုပ်၍ သူမ၏ လည်မျိုအား ဓားဖြင့်ထောက်ကာ “ မင်း ငါတို့နောက်လိုက်ယင် ငါ သူ့ကို သတ်ပစ်ရလိမ့်မယ် ” ဟု ရဲတပ်သားကို ကြိမ်းမောင်းပြောဆိုခဲ့သည်ဟု မျက်မြင်သက်သေ တစ်ဦးက ပြောဆိုသည်။

    ၄င်းမှာ မတ်လ ၂၁ ရက်၊ ကြာသပတေးနေ့ ဖြစ်သည်။ နာရီပိုင်းအတွင်း မွတ်စ်လင်မ် ၂၅ ဦးထက်မနည်း သတ်ဖြတ်ခံလိုက်ရသည်။ ဗုဒ္ဓဘာသာဝင် လူရမ်းကား အုပ်စုသည် သွေးအလိမ်းလိမ်းဖြစ်နေသော ယင်း ရုပ်အလောင်းများကို မင်္ဂလာဇေယုံအနီးရှိ တောင်ကုန်းပေါ်သို့ ဒရွတ်တိုက်ဆွဲယူသွားကာ မီးရှို့ခဲ့ကြသည်။ သားသတ်သမားကဲ့သို့ ခုတ်ထစ်သတ်ဖြတ်ခံရသည့်အပေါ် ငယ်သံပါအောင် ဟစ်အော်နေသည့် မြင်ကွင်းကိုလည်း လူ့အချို့မှ တွေ့မြင်ခဲ့ကြသည်။ ရိုက်တာသတင်းထောက်တစ်ဦးမှ အသက် ၁၀ နှစ်ပင်မပြည့် တတ်သေးသော ကလေးငယ် ၂ ဦး၏ မီးကျွမ်းထားသည့် ရုပ်အလောင်းများကို တွေ့မြင်ကြောင်း ဆိုသည်။

    မြန်မာနိုင်ငံ စစ်အုပ်ချုပ်မှုအောက်၌ လွန်ခဲ့သော ၄၉ နှစ်တာကာလ ကတည်းကပင် လူမျိုးရေး အမုန်းတရားများကို ဇက်လွှတ်ပေးထားခဲ့သည်။ စစ်အုပ်ချုပ်မှုကာလမှ ၂၀၁၁ ခုနှစ် မတ်လတွင် အဆုံးသတ်ခဲ့သော်လည်း ၄င်းလူမျိုးရေး မုန်းတီးမှုသည် ပိုမိုကျယ်ပြန့်လာပြီး၊ နိုင်ငံ၏သမိုင်းဝင် ဒီမိုကရေစီပြုပြင်ပြောင်းလဲရေးအတွက် အန္တရာယ် ဖြစ်လာပေသည်။ မျိုးဖြုတ်သုတ်သင်ခြင်း လက္ခဏာမှာ ပေါ်လွင်ထင်ရှားလာကာ ထိုသို့ မျိုးတုန်းသတ်ဖြတ်မှုများကိုလည်း မည်သည့်အရေးယူခြင်း မရှိချေ။

    နေပြည်တော်၏မြောက်ဖက် မိုင် ၈၀ မျှသာကွာဝေးသော မြို့တွင် ၄ ရက်တာအတွင်း လူပေါင်း ၄၃ ဦးသေကြေပျက်စီးခဲ့ရသည်။ မွတ်စ်လင်မ် အများစုပါဝင်သည့် လူပေါင်း တစ်သောင်းသုံးထောင်ခန့်မှာ အိုးမဲ့အိမ်မဲ့ လုပ်ငန်းလက်မဲ့ဘ၀ ရောက်သွားရသည်။ ဤသွေးချောင်းစီးမှုသည် မြန်မာနိုင်ငံအလယ်ပိုင်းဒေသ တစ်လျှောက်ရှိ ရွာပေါင်း ၁၄ ရွာနှင့်အထက်သို့ ဆက်လက်ရွေ့လျားသွားခဲ့သည်။ ဤဖြစ်စဉ်သည် အာရှတိုက်တွင် မွတ်စ်လင်မ်လူနည်းစုတို့ကို ခွဲခြားနှိမ့်ချ ပ,ထုတ်မှု အကြီးမားဆုံး စာရင်းဝင် ဖြစ်ခဲ့သည်။

    မိတ္ထီလာရှိ မွတ်စ်လင်မ် ၂၅ ဦးအား အစုလိုက်အပြုံလိုက်သတ်ဖြတ်မှုကို ဦးဆောင်သူများမှာ ဗုဒ္ဓဘာသာဝင်သံဃာများဖြစ်ကြောင်း၊ ၄င်းတို့သည် မြန်မာ့ဒီမိုကရေစီအရေး၌ ပါဝင်လေ့ရှိသူများဖြစ်ကြောင်း မျက်မြင်သက်သေ ၃၀ ကျော်နှင့် တွေ့ဆုံမေးမြန်းချက်ရလဒ်မှ သိရသည်။ သတ်ဖြတ်မှုကြီးသည် ရဲဝန်ထမ်းများ၏ ရှေ့မှောက်၌ ပြောင်ပြောင်တင်းတင်း ကျူးလွန်ခြင်း ဖြစ်ပြီး၊ ဒေသခံအာဏာပိုင်မှလည်းကောင်း ဗဟိုအစိုးရမှလည်းကောင်း ကြားဝင်ဖျန်ဖြေတားဆီးခြင်း အလျဉ်း မရှိခဲ့ချေ။ နံရံတစ်ခုပေါ်တွင် “ မွတ်စ်လင်မ် မျိုးဖြုတ်ရေး ” ဟု လူရမ်းကားတို့မှ မသဲမကွဲ ရေးခြစ်ဖော်ပြထားကြောင်း တွေ့ခဲ့ကြရသည်။

    မတည်ငြိမ်မှုသည် အခြားမြို့များသို့လည်းကောင်း၊ ရန်ကုန်မြို့လယ်ခေါင်မှ နာရီပိုင်းမျှ မောင်းနှင်ရသည့် နေရာဒေသများသို့လည်းကောင်း ဆက်၍ဖြစ်ပေါ်ခဲ့ရာတွင် ရဲတပ်ဖွဲ့က မျက်နှာလွှဲခဲပစ် ပြုခဲ့ကြသည်။ မတ်လ ၂၁ ရက် သတ်ဖြတ်မှုကြီး၏နောက် သာသနာရေး ၀န်ကြီးသည် ၃ ရက်ကျော်ကြာညောင်းသော အကြမ်းဖက်မှုအား ရပ်တန့်အောင် ဆောင်ရွက်ရာတွင် မဆိုစလောက်မျှသာ ပြုလုပ်နိုင်ခဲ့သည်။ အစွန်းရောက်သံဃာများမှ မီးကွင်းပစ်ခြင်း၊ ကယ်ဆယ်ရေးလုပ်သားတို့အား ခြိမ်းခြောက်ခြင်း နှင့် တစ်စမကျန်အောင် သောင်းကျန်းဖျက်ဆီးခြင်းတို့ကိုသာ ထိရောက်စွာ ဟန့်တားနိုင်ခဲ့သည်။

    ဗုဒ္ဓဘာသာဝင်အပေါင်းမှာ အကြမ်းဖက်ကျူးလွန်သူများ မဟုတ်ကြ။ မွတ်စ်လင်မ်တို့ကြောင့် သံဃာတော်တစ်ပါး စတင်သေဆုံးရသည်ဟု စွပ်စွဲသော်လည်း စတင် သောင်းကျန်း ဖျက်ဆီးကြသည်မှာ မွတ်စ်လင်မ်များ မဟုတ်ကြပေ။

    ယမန်နှစ် မြန်မာ အနောက်ခြမ်း ပြဿနာများမှသည် ယခု မိတ္ထီလာဖြစ်ရပ်ဆိုးကြီးအထိ အစွန်းရောက် ဗုဒ္ဓဘာသာဝင်တို့၏ ခြေရာလက်ရာဖြစ်ကြောင်း၊ အာဏာပိုင်များမှ အရေးယူ ဆောင်ရွက်မှုမရှိကြောင်း ရိုက်တာသတင်းမှ တင်ပြခဲ့ပြီးဖြစ်သည်။ မြန်မာနိုင်ငံ၏ ဗျူဟာမြောက်ဒေသ၌ ယခုကဲ့သို့ သွေးချောင်းစီးမှုဖြစ်ပေါ်လာသောအခါ – ၁၉၆၂ စစ်တပ်အာဏာသိမ်းမှုနောက်ပိုင်း သမိုင်းဝင်အပြောင်းအလဲအား စတင်ဖော်ဆောင်သူ ဟုဆိုသည့် သမ္မတဦးသိန်းစိန်မှာ တပ်မတော်ကိုကိုင်တွယ် ထိန်းချုပ်ခွင့် အပြည့်အ၀ ရှိမှရှိပါ၏လော ဟူ၍ မေးခွန်းများ ထွက်ရှိလာပါသည်။

    ဗုဒ္ဓဘာသာဝင်အများစုရှိပြီး နာမည်ကြီး စေတီပုထိုးများကြောင့် “ ရွှေနိုင်ငံ ” အဖြစ် ကျော်ကြားသောတိုင်းပြည်၏ မတည်ငြိမ်မှု၌  ထိမ်ချန်ဖုံးကွယ်ထားသော အမှန်တရားတစ်ခု ရှိနေသည်။ လွန်ခဲ့သော ဆယ်စုနှစ်ကျော်ကာလကပင် မွတ်စ်လင်မ်ဆန့်ကျင်ရေးဂယက်၌ ဘုန်းတော်ကြီးများသည် အဓိကအခန်းကဏ္ဍမှ ပါဝင်ခဲ့ကြသည်။ အကြမ်းဖက်မှုနှင့် ဆက်နွှယ်ပတ်သက်နေသည့်လူ ၄၂ ယောက်ကိုဖမ်းဆီးထားသည်ဟုဆိုပါသော်လည်း၊  ဘုန်းတော်ကြီးများမှာမူ ၉၆၉ ဟု ကျော်ကြားသည့် ဗုဒ္ဓဘာသာဝင်လူမျိုးကြီးဝါဒတရား များကို ပိုမို အရှိန်မြှင့်တင်ဟောပြောနေခြင်းက မီးလောင်ရာလေပင့်နေခြင်းပင်။

    စီးပွားရေးသာမဟုတ် ဘာသာရေးပြဿနာလည်း ပါဝင်သည်ဟု ဆန်းစစ်မှုများက ဆိုသည်။ အာရှတိုက်၏ အဆင်းရဲဆုံးနိုင်ငံတစ်ခုတွင် (မိတ္ထီလာအပါအ၀င်အခြားဒေသမှ) မွတ်စ်လင်မ်တို့သည် ၄င်းတို့ဝန်းကျင်ရှိ ဗုဒ္ဓဘာသာဝင်များထက် ယေဘူယျအားဖြင့် စီးပွားဖြစ်ထွန်းကြသည်။ မွတ်စ်လင်မ်တို့သည် မြန်မာတစ်နိုင်ငံလုံး၌ ၅% မျှသာရှိသော်လည်း မိတ္ထီလာ၏လူဦးရေ၌  သုံးပုံတစ်ပုံထိ ရှိသည်ဟု ဆိုကြသည်။ ၄င်းတို့သည် အခြေခံစီးပွားများ၊ လျှပ်စစ်ပစ္စည်းဆိုင်များ၊ အထည်အလိပ်ထွက်ကုန်၊ စားသောက်ဆိုင်များ၊ ဆိုင်ကယ်အရောင်းပြခန်းများ စသဖြင့် ပိုင်ဆိုင်ကြပြီး – လုပ်သားများ၊ ပျံကျဈေးသည်များအဖြစ် အသက်မွေးကြသည့် မြို့ခံဗုဒ္ဓဘာသာဝင်အများစုထက် ၀င်ငွေကောင်းခဲ့ကြသည်။

    ဘားမားဟု အသိများကြသည့် ရာစုနှစ်ဝက်မျှ စစ်အုပ်ချုပ်ရေးလက်အောက်ရှိ မြန်မာနိုင်ငံသည် အာရှတိုက်နောက်ဆုံးဈေးကွက်၏ ထိပ်တန်းနေရာတွင် ရှိနေရာ စီးပွားရေးအကျိုးအမြတ်မျှော်လင့်ချက် ကြီးမားလှသည်။ နှစ်ပရိစ္ဆေဒများစွာ မှီတင်းနေထိုင်လာကြသော မွတ်စ်လင်မ်လူ့အသိုက်အ၀န်းအား အမြစ်လှန်လိုသည့် လတ်တစ်လောအကြမ်းဖက်ခြင်း နှင့် တည်ငြိမ်မှုပျက်ပြားစေခြင်းတို့မှာ မြန်မာနိုင်ငံ၏ ပြုပြင်ပြောင်းလဲရေးကာလအတွက် အကြီးစားထိုးနှက်ချက်တစ်မျိုးဖြစ်ကြောင်း သုံးသပ်ရပေသည်။

    ပါလီမန်တွင် အတိုက်အခံခေါင်းဆောင်ဖြစ်သူ နိုဗဲလ်ဆုရှင် ဒေါ်အောင်ဆန်းစုကြည်မှ ဤတင်းမာမှုအပေါ် ပြေလျော့အောင် မဆောင်ရွက်ခဲ့မှုကြောင့် သူမ၏စိတ်ဓာတ်ပုံရိပ်အား အရိပ်မည်းစွန်းထင်းသွားစေနိုင်သည်။ ဘာသာရေးကိုင်းရှိုင်းသော ဗုဒ္ဓဘာသာဝင် ဒေါ်စုကြည်သည် တရားဥပဒေစိုးမိုးရေးအတွက် ပြင်းပြင်းထန်ထန်သတိမပေးဘဲ မဆိုစလောက်မျှသာ တုန့်ပြန်နေပါက အကြမ်းဖက်မှု ဆက်လက်ကျယ်ပြန့်လာတော့မည် ဖြစ်၏။ ဤဖြစ်ရပ်အတွက် ဒေါ်စုကြည်နှင့် တွေ့ဆုံမေးမြန်းရန် လိုပေဦးမည်။

    ရွှေဆံညှပ်၏ သာမန်ပြဿနာမှ စတင်သော မီးပွား

    မိမိနေထိုင်ရာ ပြုံးကောက်ရွာရှိ ဘုန်းတော်ကြီးများကို ကျွေးမွေးလှူဒါန်းလိုသော ဗုဒ္ဓဘာသာဝင်အမျိုးသမီး ဒေါ်အေးအေးနိုင်(၄၅ နှစ်)သည် ဖြစ်စဉ်အကြိုနေ့ မတ်လ ၂၀ ရက်၊ နံနက် ၉ နာရီခန့်တွင် မိမိ၏ရွှေဆံညှပ်/ဆံထိုးအား မြို့တက်ရောင်းချခဲ့သည်။ ၄င်းမှ တစ်သိန်းလေးသောင်းကျပ်(၁၆၀ဒေါ်လာဝန်းကျင်) ဖြင့်ဝယ်ထားသော ယင်းရွှေထည်ကို မွတ်စ်လင်မ်တစ်ဦးပိုင်ဆိုင်သည့် နယူး ၀ိန့်စိန်ရွှေဆိုင်သို့ ၄င်း၏ခင်ပွန်း၊ ညီမနှင့်အတူ သွားရောက်ရောင်းချရာ ဆိုင်ရှင်မှ တစ်သိန်းရှစ်ထောင်ကျပ် ဈေးပေးခဲ့သော်လည်း သူမက အနည်းဆုံး တစ်သိန်း တစ်သောင်းကျပ် လိုချင်ခဲ့သည်ဟု ဆိုသည်။

    assk-kawhmu-closeup-b305
    ပြဿနာစတင်ဖြစ်ပွားရာ ရွှေဆိုင်ကို အကြမ်းဖက်ဖျက်ဆီးနေစဉ်

    သူမ၏အဆိုအရ ဆိုင်လုပ်သားများက ရွှေထည်အားစစ်ဆေးရာ၌ ပျက်စီးမှုဖြစ်ပြီး တန်ဖိုး ကျဆင်းမှုကြောင့်အချင်းများခဲ့ကြသည်။ ဒေါ်အေးအေးနိုင်၏ အမျိုးသားမှ ဟစ်အော်သောင်းကျန်းသည်၌ ဆိုင်လုပ်သားသုံးဦးဖြင့် ၄င်းတို့အား ဆိုင်ပြင်ဆွဲထုတ်ကာ ရိုက်နှက်ခဲ့ကြောင်း ယင်းလင်မယားနှင့် သက်သေနှစ်ဦးက ပြောဆိုသည်။

    လူအများ ၀ိုင်းအုံကြည့်ရှုလာကြပြီး ရဲတပ်ဖွဲ့ရောက်လာသည့်နောက် ဒေါ်အေးအေးနိုင် နှင့် ရွှေဆိုင်ပိုင်ရှင်အမျိုးသမီးအား ထိန်းသိမ်းလိုက်သည်။ မျက်မြင်သက်သေများစွာ၏ အဆိုအရ ဗုဒ္ဓဘာသာဝင် လူရမ်းကားတို့သည် မွတ်စ်လင်မ်ဆန့်ကျင်ရေး ကြွေးကြော်သံများ အော်ဟစ်၍ ဆိုင်တံခါးများကို ချိုးဖျက်ပြီး စတင်အကြမ်းဖက်ခဲ့သည်။ မည်သူမျှ သေဆုံးခြင်း၊ ဒဏ်ရာရခြင်း မရှိခဲ့ပါ။ သို့သော် မွတ်စ်လင်မ်ပိုင်ရွှေဆိုင် အဆောက်အဦနှင့် အခြားဆိုင်ခန်းများစွာ ဖျက်ဆီးခံခဲ့ရသည်။

    လမ်းတစ်ဖက်ခြမ်းမှ အကြမ်းဖက်မှုအား စောင့်ကြည့်နေခဲ့သူ မခင်စန်းက “ ဒီဆိုင်က အနီးတ၀ိုက်မှာ နာမည်ဆိုးနဲ့ကျော်ကြားနေပါတယ်။ သူတို့ဆိုင်ရှေ့မှာ ကားရပ်နားတာ ခွင့်မပြုဘူး။ မကြာခဏ အချင်းများလေ့ရှိတဲ့အတွက် လူတွေက အငြိုးထားမုန်းတီးနေကြပါတယ် ” ဟု ပြောပြခဲ့သည်။

    ထိုကိစ္စမတိုင်မီ ရက်သတ္တပတ် အနည်းငယ်ခန့်တွင် ” သောကရှင် ဗုဒ္ဓဘာသာဝင်များ ” ဟု မိမိဖာသာကင်ပွန်းတပ်ထားသော အုပ်စုတစ်စု၏ လက်မှတ်ထိုး ထုတ်ပြန်စာတမ်းတစ်စောင် ဖြန့်ဝေခြင်းက ယင်းအငြိုးအာဃာတအား ပို၍ ကြီးမားသွားစေခဲ့သည်။ ထိုဖြန့်ချိစာ၌ မိတ္ထီလာမှမွတ်စ်လင်မ်တို့သည် ဗုဒ္ဓဘာသာဝင်များအပေါ် မကောင်းကြံစည်လေ့ရှိကြောင်း၊ ဆော်ဒီအာရေဗျထံမှ ငွေကြေးအထောက်အပံ့ ရရှိခံစားနေကြောင်း၊ ဗလီဝတ်ကျောင်းတော်များအတွင်း၌ မရိုးသားသည့်ဆွေးနွေးစီစဉ်မှုများ ရှိနေကြောင်း ရေးသားဖော်ပြထားပြီး နယ်ခံသံဃာတော်များကို လှုံ့ဆော်ထားခြင်း ဖြစ်သည်။

    Soe Thein, a Buddhist mechanic, talks to Reuters reporters in Meikhtila
    ဗုဒ်ဓဘာသာဝင် တဦးဖြစ်သူ ကိုစိုးသိန်း

    ကိုယ်တိုင်တွေ့မြင်ရသူဟုဆိုသော ဗုဒ္ဓဘာသာဝင်တစ်ဦးဖြစ်သူ စိုးသိန်းမှ ဖော်ပြပါကဲ့သို့ ပြောပြခဲ့သည်။ တင်းမာမှုပြင်းထန်လာသည်နှင့်အမျှ ညနေ ၅း၃၀ နာရီတွင် မွတ်စ်လင်မ်အမျိုးသား ၄ ဦး သည် လမ်းဆုံလမ်းခွတစ်နေရာ၌ အသင့်စောင့်ဆိုင်းနေကြသည်။ ဘုန်းကြီးတစ်ပါးကို တင်ဆောင်လာသော ဆိုင်ကယ်အား ၄င်းတို့မှ တိုက်ခိုက်ကြရာ မောင်းနှင်သူမှာ ပွဲချင်းပြီးသေဆုံးခဲ့ကာ ဘုန်းတော်ကြီးသည် ဦးခေါင်းနောက်တွင် ဓားဒဏ်ရာ ရရှိခဲ့သည်။ ၄င်းတို့အနက်တစ်ဦးက ဓာတ်ဆီလောင်းကာ မီးတင်ရှို့ခဲ့သည်။ ဘုန်းတော်ကြီးမှာ ဆေးရုံ၌ ကွယ်လွန်ခဲ့သည်။ ထိုအခါ စိုးသိန်းမှ ဈေးသို့ ပြေး၍ ဘုန်းတော်ကြီးတစ်ပါးကို သတ်လိုက်ကြပြီ ဟု ဟစ်အော်ခဲ့သည်။ သူပြန်လှည့်ပြေးလာရာတွင် လူတစ်စုမှ လိုက်ပါလာကြပြီးသည့်နောက် အကြမ်းဖက်မှုများ စတင်ဖြစ်ပွားတော့သည်။ မွတ်စ်လင်မ်တို့၏ အိမ်ခြေနှင့် ဈေးဆိုင်များကို မီးတင်ရှို့ခဲ့ကြသည်။ စိုးသိန်းမှ ယင်းတိုက်ခိုက်သူများကို အမည်နှင့်တစ်ကွ ဖော်ပြခဲ့သည်။ ဘုန်းတော်ကြီးအား သတ်ဖြတ်ပြီးနောက် ရွာထဲ၌ ထိုသူများကို တွေ့ရကြောင်း ပြောဆိုခဲ့၏။ မိတ္ထီလာအကြမ်းဖက်မှုနှင့် ဆက်နွှယ်သောလူ ၁၃ ဦးကို ဖမ်းဆီးစစ်ဆေးရာတွင် ၄င်းတို့အနက် ၄င်းသူတို့ပါမပါကို ရဲတပ်ဖွဲ့မှ ဖြေကြားလိုခြင်း မရှိချေ။

    ထိုညနေတွင် မွတ်စ်လင်မ် အများစုနေထိုင်သော မိတ္ထီလာအရှေ့ပိုင်း မင်္ဂလာဇေယုံရပ်ကွက်ကို မီးတင်ရှို့ခဲ့ကြသည်။ ဗလီတစ်လုံး၊ မိဘမဲ့ကလေးငယ်တစ်ဦးနှင့် အိမ်ခြေများစွာ မီးထဲပါသွားသည်။ ရာပေါင်းများစွာ ထွက်ပြေးကြသည်။ မျက်မြင်သက်သေများက ဗုဒ္ဓဘာသာဝင်တို့၏အိမ်များကိုလည်း မီးရှို့ခဲ့ကြောင်း ဆိုကြ၏။ အိမ်ခြေ ၁၀၀ ခန့် ပြာကျခဲ့သည်။

    ငါတို့လိုချင်တာ မွတ်စ်လင်မ်

    အကြမ်းဖက်အုပ်စုကြီးထွားလာရာတွင် ဒေါ်စုကြည်၏ NLD ပါတီမှ လွှတ်အမတ် ဦးဝင်းထိန်က လူအုပ်ကြီးအား ထိန်းသိမ်းဖို့ကြိုးစားသော်လည်း ဆွဲထုတ်ခြင်း ခံရသည်။      “ တစ်စုံတစ်ယောက်က ကျွန်တော့် လက်ကိုဖမ်းဆွဲလိုက်ပါတယ်။ ပြီးတော့ ကိုယ့်ကိုယ်သာ ဂရုစိုက်ပါ။ နို့မဟုတ်ယင် ခင်ဗျားပါ ဒုက္ခရောက်သွားမယ် လို့ ကျွန်တော့်ကိုပြောပါတယ် ” ဟု ပြန်လည်ပြောပြခဲ့သည်။ ၄င်းပြင် လူစုကွဲသော ညဥ့်သန်းခေါင်မတိုင်မီအထိ ရဲအရာရှိများက အကြမ်းဖက်မှုကို မလှမ်းမကမ်းမှ ရပ်ကြည့်နေခဲ့ကြသည်ဟုလည်း ဆိုသည်။

    နံနက် ၄ နာရီခန့်တွင် မောင်မောင်၏အိမ်တွင်းရှိ မွတ်စ်လင်မ် အမျိုးသားတို့သည် ပြင်ပ၌ ၀ိုင်းရံထားသော ဗုဒ္ဓဘာသာဝင်လူဦးရေ တစ်ထောင်နီးပါးခန့်ကို ရင်ဆိုင်ရန် အရဗီဘာသာ စကားဖြင့် ကြွေးကြော်ခဲ့ကြသည်။

    နံနက် ၆ နာရီခန့် အရုဏ်တက်ချိန်တွင် အနီးအနား၌ ရဲအရာရှိ ၁၀ ဦးမျှသာ ကျန်ရှိတော့သည်။ ၄င်းတို့သည် တဖြည်းဖြည်းနောက်ဆုတ်သွားပြီး လူအုပ်ကြီးကို ရှေ့ပို့ တိုက်ခိုက်စေလိုက်သည်ဟု အိမ်နီးချင်းဗုဒ္ဓဘာသာဝင် အမျိုးသား ဦးလှသိန်း(၄၈ နှစ်)မှ ပြောပြသည်။

    မွတ်စ်လင်မ်တို့သည် အိမ်ဘေးမှ ထွက်ပြေးကြရာ လူတို့က ဓားများ၊ ဒုတ်များ၊ သံတုတ်များ၊ မီးကွင်းများဖြင့် လိုက်ကြသည်။ အချို့မှာ အနီးရှိ မြောင်းအတွင်း၌ ခုတ်ထစ်ခံရသည်ဟု ဦးလှသိန်းအပါအ၀င် ဗုဒ္ဓဘာသာဝင်နှင့်မွတ်စ်လင်မ် အခြားမျက်မြင်သက်သေ ၄ ဦးမှ ပြန်ပြောင်းပြောကြားသည်။

    NLD ဦးဝင်းထိန်က “ ယုန်လေးတွေကို အမဲလိုက်နေကြတဲ့အတိုင်း အကြမ်းဖက်ခဲ့ကြတာပါ ” ဟု တောင်ကုန်းပေါ်တက်ပြေးစဉ် ခုတ်ပိုင်းခံရသူများနှင့်ပတ်သက်၍ ဆိုခဲ့သည်။

    578268_132582523590948_661147998_n

    အမျိုးသမီးနှင့်ကလေးငယ် အများစုပါဝင်သော မွတ်စ်လင်မ် ၄၇ ဦးကို ရဲတပ်ဖွဲ့ဝင်များက မိမိတို့၏ဒိုင်းလွှားများဖြင့် ၀န်းရံကာကွယ်ပြီး ကယ်ထုတ်ပေးခဲ့ကြောင်း၊ မိုးပေါ်ထောင်၍ သေနတ်ပစ်ဖောက်ခဲ့ကြောင်း ဦးလှသိန်းက ဆိုသည်။ ရဲဝန်ထမ်းတစ်ဦး၏အဆိုအရ သံဃာတစ်ဦးမှ “ ငါတို့က မင်းတို့နဲ့ မတိုက်ခိုက်ချင်ဘူး။ ငါတို့ မွတ်စ်လင်မ်တွေကိုဘဲ (တိုက်ခိုက်ဖို့) အလိုရှိတယ် ” ဟု ရဲတပ်ဖွဲ့ဝင်တို့အား ဟစ်အော်ပြောဆိုကြောင်း သိရ၏။

    မန္တလေးတိုင်းဝန်ကြီးချုပ် ဦးရဲမြင့်က ၄င်းနေ့တွင်ဖြစ်ပွားသောအခြေအနေကို ထိန်းသိမ်းလိုက်နိုင်ပြီဖြစ်ကြောင်း သတင်းထောက်များအား ပြောကြားသည်။ စင်စစ်မှာမူ အခြေအနေက ပို၍ဆိုးဝါးသွားခဲ့ကြောင်း၊ လက်နက်ကိုင်စွဲထားကြသည့် သံဃာများနှင့် ဗုဒ္ဓဘာသာဝင် လူရမ်းကားတို့သည် လမ်းမများပေါ်တွင် နောက်ထပ် ၃ ရက်တိုင်တိုင် အကြမ်းဖက်နေခဲ့ကြကြောင်း မျက်မြင်သက်သေများက ဆိုသည်။

    581688_4783004134582_729859989_n

    မီးလောင်ကျွမ်းနေသော ဗလီတစ်လုံးအား မီးငြိမ်းသတ်ရန်ကြိုးစားနေသည့် မီးသတ်တပ်ဖွဲ့ဝင် ကိုသိန်းဇော်ကို သံဃာတစ်ဦးက “ မင်း မီးငြိမ်းရဲယင် ငြိမ်းကြည့်၊ မင်းကိုပါ သတ်ပစ်မယ် ” ဟု ကြိမ်းမောင်းခဲ့သည်။ သံဃာ ၃၀ ခန့်ပါဝင်သောလူအုပ်သည် မီးသတ်ပေါ်ချိတ်ဆွဲထားသော တံဆိပ်အား ရိုက်ချိုးဖျက်ဆီးကာ မီးသတ်ကားအား ၀ိုင်းရံခဲ့ကြသည်။ သူ့အား ကျောက်တုံးကျောက်ခဲများဖြင့် ပစ်ပေါက် မောင်းထုတ်ခဲ့ကြသဖြင့် မျက်လုံးအောက်ဖက်တွင် ထိခိုက်သွားရကြောင်း သူ၏ဒဏ်ရာကိုပြသလျက် ပြောပြခဲ့သည်။
    အလားတူစွာပင် ကိုသိန်းဇော်ကဲ့သို့ ဗုဒ္ဓဘာသာဝင်တစ်ဦးဖြစ်သူ အငယ်တန်း မီးသတ်သမား ကိုကျော်ရဲအောင်ကလည်း “ သံဃာတစ်ဦးက ကျွန်တော့်ကို ဓားတစ်ချောင်းနဲ့ ရမ်းခဲ့သေးတယ်ဗျ ” ဟု ပြောပြသည်။

    သုံးရက်လွန်သော် မွတ်စ်လင်မ်တို့၏ ရုပ်အလောင်းများကို မီးရှို့ခဲ့သော ကုန်းစောင်းပေါ်၌ လူကြီး၊ ကလေးငယ်တို့၏ ခန္ဓာအပိုင်းအစ အကြွင်းအကျန်များစွာ တွေ့ခဲ့ရသည်ဟု ၄င်းသူက ဆိုသည်။ ၄င်းနောက် စည်ပင်ထရပ်ကားများဖြင့် ရုပ်ကြွင်းများကို  မီးသင်္ဂြိုလ်စက်နံဘေးရှိ ကွင်းပြင်ထဲ ရွှေ့ပြောင်းလိုက်ကြပြီး တာယာဟောင်းများသုံး၍ မီးရှို့လိုက်ကြသည်။

    နိုင်ငံရေး၏ ပယောဂ မကင်းနိုင်

    ဓားတရမ်းရမ်း သောင်းကျန်းခဲ့ကြသော ဘုန်းတော်ကြီးတို့က ပစိဖိတ်ဒေသတွင်း ကောင်းသတင်းဖြင့် ကျော်ကြားလှသည့် ဗုဒ္ဓ၀ါဒ ပုံရိပ်ကို ယိမ်းယိုင်သွားစေသည်။

    အသိတရားပြည့်ဝရေး၊ အကြမ်းမဖက်ရေး၊ မိမိကိုယ်ကိုပြုပြင်ရေး နှင့် အတ္တပယ်ဖျောက်ရေး အပေါ်အခြေခံထားသော ဗုဒ္ဓ၀ါဒမှာ ဘာသာရေးဆိုင်ရာ စစ်ပွဲများကို ရှောင်ကြဉ်ရ၏။ လွန်ခဲ့သည့်နှစ်ပေါင်း ၂၅၀၀ ၀န်းကျင်က ဗုဒ္ဓဘုရားရှင်၏ ဂုဏ်တော်များကို ငြိမ်းချမ်းခြင်း၊ ကြည်လင်ခြင်း၊ မြော်မြင်ဥာဏ်ကြီးမားခြင်းအားဖြင့် အစဉ်အလာအရ လက်ခံထားကြသည်။

    မြန်မာနိုင်ငံသည် ဗုဒ္ဓဘာသာဝင် အများဆုံးရှိသော တိုင်းပြည်တစ်ခုဖြစ်သည်။ နိုင်ငံ့လူဦးရေ သန်း ၆၀ ၏ ၉၀ % မှာ ဗုဒ္ဓဘာသာဝင်များ ဖြစ်ကြသည်။ ဗုဒ္ဓဘာသာဝင် သံဃာတော် များသည် လွတ်လပ်ရေးအတွက်၊ ဒီမိုကရေစီကြိုးပမ်းမှုအတွက် တိုက်ရိုက်တစ်မျိုး သွယ်ဝိုက်တစ်ဖုံ ရှေ့တန်းမှ ပါဝင်ခဲ့ကြကုန်၏။

    File picture showing a sticker of the "969 movement" at a shop in Minhla

    သံဃာတုသံဃာယောင်များဖြင့် လူထုအတွင်း အသိအမြင်မှားယွင်းအောင် လွယ်လင့်တကူ သပ်လျှိုသွေးထိုးနိုင်ခဲ့ခြင်းက လက်ရှိနှစ်များအတွင်းဖြစ်ပျက်နေသော မွတ်စ်လင်မ်ဆန့်ကျင်ရေး အကြမ်းဖက်မှုတို့၏ အဓိကအခန်းကဏ္ဍပင်ဖြစ်ကြောင်း မြန်မာလူမျိုး အများအပြားမှ ယုံကြည်နေကြသည်။

    ဒေသတွင်း နာမည်ကြီးဘုန်းကြီးကျောင်းမှ သံဃာများကို မိတ္ထီလာလမ်းများပေါ်၌ တွေ့ခဲ့ကြရသည်။ နိုင်ငံ၏ဒုတိယမြို့တော် မြန်မာ့ယဉ်ကျေးမှု၏ဗဟိုဌာနီ မန္တလေးမြို့မှ သံဃာများရောက်လာကြခြင်းကိုလည်း ကြုံဆုံခဲ့ကြသည်။ ၄င်းတို့အနက် အမျိုးသားရေးဝါဒီ ဘုန်းကြီးဖြစ်သူ ဦးဝီရသူလည်း အပါအ၀င်ဖြစ်၏။

    စစ်အုပ်ချုပ်ရေးခေတ်လွန် မြန်မာနိုင်ငံ၏ အကောင်းဆုံးပြောင်းလဲမှုအဖြစ် ချီးကျူးခံရသည့် နိုင်ငံရေးအကျဉ်းသားများစွာ လွတ်ငြိမ်းချမ်းသာခွင့်ကြောင့် ဦးဝီရသူသည် ကိုးနှစ်တာ အကျဉ်းစံနေရာမှ လွတ်မြောက်လာခဲ့သည်။ သူသည် ၂၀၀၃ ခုနှစ် မွတ်စ်လင်မ်ဆန့်ကျင်မှု လုပ်ရပ်ဆိုးစွဲချက်ဖြင့် ထိန်းသိမ်းခံရခြင်း ဖြစ်သည်။

    with Khin Nyunt
    အကျဉ်းထောင်မှ လွတ်မြောက်လာပြီး ဝန်ကြီးချူပ်ဟောင်း ဦးခင်ညွှန့်မှ ဦးဝီရသူနှင့် တွေ့ဆုံခဲ့သည့် မြင်ကွင်း

    ပြုံးစေ့စေ့ဖြင့် ဇ ရှိသော ဦးဝီရသူ (၄၅ နှစ်)မှာ ယခုသော် မန္တလေး မစိုးရိမ်တိုက်သစ်၏ ကျောင်းထိုင်ဘုန်းကြီး ဖြစ်နေလေပြီ။ သူ၏ကျောင်းတိုက်၌ သံဃာအပါး ၆၀ ရှိပြီး ၊ထိုဝန်းကျင်မှ နေထိုင်သူ ၂၅၀၀ ခန့်အပေါ် သြဇာညောင်းလျက်ရှိသည်။ ယင်းအင်အားကို အခြေပြုလျက် –  မွတ်စ်လင်မ်တို့နှင့်စီးပွား လူမှုဆက်ဆံရေး မပြုရန် ဗုဒ္ဓဘာသာဝင်များအား တိုက်တွန်းနေသော ၉၆၉ အမည်ရှိ လှုပ်ရှားမှုကို အချိန်တိုတိုအတွင်း ကြီးမားလာအောင် ဦးဆောင်နေသူ ဖြစ်သည်။

    ၄င်းနံပါတ်သုံးလုံးမှာ ဗုဒ္ဓဘုရားရှင်၏ဂုဏ်တော်များ၊ တရားဓမ္မများ၊ ရဟန်းသံဃာကဏ္ဍ တို့ကို ကိုယ်စားပြုထားသည်။ လက်တွေ့တွင်မူ ယင်းဂဏာန်း နံပါတ်များသည် အစ္စလာမ် ဆန့်ကျင်ရေး မျက်ကန်းမျိုးချစ်အစွန်းရောက်ဝါဒ၏ အမှတ်တံဆိပ် ဖြစ်သွားခဲ့ပြီး ၊ မြန်မာနိုင်ငံအား လူမျိုး တစ်မျိုးတည်းသာကြီးစိုးသည့် တိုင်းပြည်အဖြစ် အသွင်ပြောင်းလဲရေးသို့ ကြိုးပမ်းလာခဲ့သည်။

    “ ဘယ်သွားသွား ဘာစားစား ဘာဝယ်ဝယ် ၉၆၉ ဆိုတဲ့ ဆောင်ပုဒ်ကို ဦးဇင်းတို့ အသုံးပြုတယ် ” ဟု ဦးဝီရသူက သူ၏ကျောင်းတိုက်၌ ပြောဆိုခဲ့သည်။ ခရီးသွားခြင်း၊ စားသောက်ခြင်း၊ ရောင်းဝယ်ဖောက်ကားခြင်းတို့ကို ဗုဒ္ဓဘာသာဝင်နှင့်သာ ပြုလုပ်ဆောင်ရွက်ရန် ဟူသည့် ဆိုလိုချက်ဖြစ်သည်။ သူ၏အစွန်းရောက်မှု ဂုဏ်သတင်းကြောင့် သူ့အား “ မြန်မာ ဘင်လာဒင် ”ဟု ကင်ပွန်းတပ်လာခဲ့ကြသည်။

    ပြီးခဲ့သည့်လေးလတာကာလအတွင်း သူသည် ၉၆၉ တရားပွဲများကို တစ်သီတစ်တန်း ဆက်တိုက်ပြုလုပ်ခဲ့သည်။ “ ဒီလုပ်ငန်းစဉ်ပြန့်ပွားဖို့က ဦးဇင်းရဲ့အလုပ်ဘဲ ” ဟု သူကဆိုခဲ့၏။ သူဆိုလေသည့်အတိုင်း ၉၆၉ စတစ်ကာနှင့်အမှတ်သင်္ကေတများမှာ ပလူပျံလျက်ပြန့်နှံ့သွားသည်။ ရံဖန်ရံခါ အတင်းအဓမ္မ သွတ်သွင်းမှုများ ဖြစ်ခဲ့သည်။

    မိတ္ထီလာဖျက်ဆီးမှုများအပေါ် အကြမ်းဖက်သမားများက ၉၆၉ ဟု မှုတ်ဆေးဖြင့် ရေးသားခဲ့ကြသည်။ ရန်ကုန်နှင့်အလှမ်းမဝေးလှသော ပဲခူးတိုင်းတွင်လည်း ၉၆၉ တရားပွဲများ ပြုလုပ်ပြီးသည့်နောက် မွတ်စ်လင်မ်ဆန့်ကျင်ရေး အကြမ်းဖက်အုပ်စုများ ပေါ်ပေါက်လာကြသည်။ ၉၆၉ နံပါတ်စ တစ်ကာများသည်လည်း လမ်းဘေးဆိုင်များ၊ ဆိုင်ကယ်များ၊ ပိုစတာများ၊ ကားများပေါ်တွင် ထင်ထင်ရှားရှား ကပ်ခြင်းများ အလွန်အကျွံ ဖြစ်လာခဲ့သည်။

    ရန်ကုန်မှ နာရီအနည်းငယ်ခရီးသာ ကွာဝေးသော လူဦးရေ တစ်သိန်းခန့်နေထိုင်သည့် မင်းလှမြို့တွင် မွန်ပြည်နယ်ကျောင်းထိုင် ဆရာတော် ဦးဝိမလဘိဝံသ မှ ဖေဖော်ဝါရီ ၂၆၊ ၂၇ ရက်က တရားပွဲပြုလုပ်ခဲ့သည်။ ဗုဒ္ဓဘာသာဝင်ဦးရေ ၂၀၀၀ ခန့်တက်ရောက်သော ယင်း တရားပွဲ၌ မိမိ၏ပြည်နယ်အတွင်းရှိ ရဟန်းသံဃာတို့သည်  ၉၆၉ ကို အသုံးပြုကာ မွတ်စ်လင်မ်ပိုင် နာမည်ကြီး ခရီးသည်တင် ဘတ်စ်ကားကုမ္ပဏီအား မည်သို့မည်ပုံ ဆန့်ကျင်နေကြောင်း ရှင်းလင်းဟောပြောသွားခဲ့သည်ဟု ထိုဓမ္မာရုံဂေါပကဥက္ကဌ ဦးဝင်းမြင့်ထံမှ သိရသည်။

    969-1
    ဓါတ်ပုံ- ဧရာဝတီ

    ယင်းတရားပွဲပြီးသည့်နောက် မင်းလှမြို့တွင် ဆိုးဆိုးဝါးဝါး အခြေအနေပြောင်းလဲသွားကြောင်း၊ မွတ်စ်လင်မ်များမှာ စော်ကားပြောဆိုမှုခံလာရကြောင်း လက်ဖက်ရည်ဆိုင်ပိုင်ရှင် မွတ်စ်လင်မ်လူငယ်တစ်ဦးက ပြောပြခဲ့သည်။ တစ်လကြာမြင့်ပြီးသောအခါ သတ္ထုပိုက်များ၊ သံတူများ စွဲကိုင်ထားကြသည့် ဗုဒ္ဓဘာသာဝင် ၈၀၀ ခန့်က ဗလီသုံးလုံး၊ မွတ်စ်လင်မ်တို့၏အိမ်ခြေ ၁၇ လုံးနှင့်လုပ်ငန်းများကို  ဖျက်ဆီးခဲ့ကြကြောင်း၊ လူအသေအပျောက် မရှိခဲ့သော်လည်း မင်းလှမြို့ရှိ မွတ်စ်လင်မ် သုံးပုံနှစ်ပုံခန့်မှာ လွတ်ရာကျွတ်ရာသို့ထွက်ခွာသွားပြီး ပြန်မလာတော့ကြောင်း ရဲတပ်ဖွဲ့ထံမှ ကြားသိရသည်။

    သံဃာတော်များအား တိုက်ခိုက်မှုများမလုပ်ကြရန် မိတ္ထီလာသို့သွားရောက်တိုက်တွန်းခြင်း ဖြစ်ကြောင်း ဦးဝီရသူက ပြောဆိုခဲ့သည်။ တစ်နေရာတွင် သူသည် ကားခေါင်မိုးပေါ်မှ မိန့်ခွန်းလည်းပြောခဲ့သေး၏။ သို့ရာတွင် သူ့ပြောကြားမှုမှာ လက်ခံနိုင်စရာ မရှိခဲ့ပေ။

    သူသည် ၉၆၉ ဖြန့်ချိမှုကို အသိအမှတ်ပြုအားပေးခဲ့သည်သာမက ၊ မွတ်စ်လင်မ်တို့သည် မြန်မာပြည်ဗုဒ္ဓဘာသာဝင်တို့၏ ဂုဏ်သိက္ခာအား ညှိုးနွမ်းမှေးမှိန်အောင်ပြုလုပ်နေသည် ဟု တပ်လှန့်ခဲ့သည်။ သူ၏ဟောပြောမှုများ၊ သူ၏ဆိုရှယ်မီဒီယာ နှင့် လတ်တစ်လော ရက်သတ္တပတ်များအတွင်း သူ၏ဆက်သွယ်မှုတို့၌ ထပ်ပြန်တလဲလဲ အပ်ကြောင်းထပ်နေသည့် ကောက်ချက်ချမှုတစ်ရပ်မှာ အောက်ပါကဲ့သို့ဖြစ်၏။
    “ သူတို့(မွတ်စ်လင်မ်)တွေဟာ ငွေကိုခင်းပြီး ကြွယ်ဝချမ်းသာနေကြတယ်၊ မြန်မာအမျိုးသမီးတွေကို ငွေခင်းရယူပြီး အစ္စလာမ်ဘာသာထဲ သွတ်သွင်းကြတယ်။ သူတို့ စီးပွားရေးက အားကောင်းသထက်ကောင်းလာပြီး အိမ်တွေ၊ မြေတွေကို ၀ယ်ပြီးရင်းဝယ်ကြတယ်။ ဒါဟာ ဗုဒ္ဓဘာသာဝင်တွေ နည်းပါးလာစေတဲ့သဘောပဲ။ ပြီးတော့ သူတို့ချမ်းသာလာကြတဲ့အခါ ဦးဇင်းတို့ ဘုရားကျောင်းဂန်တွေလို ပွင့်လင်းမြင်သာစွာမျိုး မဟုတ်ဘဲ ဗလီတွေကို (ပုန်းလျှိုးကွယ်လျှိုး/တရားးမ၀င်) ဆောက်လုပ်ကြတယ်။ အဲ့ဒါတွေဟာ ဦးဇင်းတို့အတွက် ရန်သူ့အခြေစိုက်စစ်စခန်းတွေ ဖြစ်တယ်။ ဗလီတွေများပြားလာလေလေ ရန်သူအခြေစိုက်စခန်းတွေများပြားလာလေလေလို့ ဆိုရမှာဘဲ။ ဒါကြောင့်မို့ ဒီကိစ္စကို ဦးဇင်းတို့ မဖြစ်မနေ ကာကွယ်တားဆီးကြရမယ် ”။

    ၁၃ ရာစုအတွင်း အစ္စလာမ်ရောက်လာပြီးနောက် ဖြစ်ပွားခဲ့သော အင်ဒိုနီးရှားနိုင်ငံ၏ လမ်းကြောင်းအတိုင်း မြန်မာနိုင်ငံမှ လိုက်ပါသွားမည်ကို ဦးဝီရသူမှ စိုးကြောက်နေခဲ့သည်။ ၁၆ ရာစုအကုန်တွင် အင်ဒိုနီးရှား၏အဓိကရကျွန်းဒေသများ၌ ဟိန္ဒူနှင့်ဗုဒ္ဓ၀ါဒနေရာဝယ် အစ္စလာမ်က အစားထိုးလွှမ်းမိုးလာခဲ့သောကြောင့် ဖြစ်သည်။

    ဦးဝီရသူသည် ၂၀၀၁ ခုနှစ်တွင် ယခု ၉၆၉ တရားနှင့်ဆင်တူသောစကားမျိုးကို စတင် ဟောပြောခဲ့ရာ မွတ်စ်လင်မ်ဆန့်ကျင်ရေးလှုပ်ရှားမှုများ ထင်ထင်ရှားရှား များပြားလာသည်။ ၄င်းနှစ် မတ်လတွင် အာဖဂန်နစ္စတာန်နိုင်ငံ၊ ဘာမီယန်ရှိ ဗုဒ္ဓရုပ်ပွားတော်များကို တာလီဘန် တို့မှ ဖျက်ဆီးခဲ့ခြင်း၊ စက်တင်ဘာလတွင် အမေရိကန်၌ အလ်ကိုင်ဒါ၏တိုက်ခိုက်မှု – ဖြစ်ရပ်များက မွတ်စ်လင်မ်ဆန့်ကျင်ရေးအတွက် လောင်စာများ ဖြစ်သွားခဲ့သည်။ ယင်းသူသည် ၂၀၀၃ ခုနှစ် ထိန်းသိမ်းဖမ်းဆီးခံရသည်အထိ လှုပ်ရှားနေခဲ့ပြီး၊ မိတ္ထီလာအနီး သူ့ဇာတိ ကျောက်ဆည်မြို့ အဓိကရုဏ်းဖြစ်ပေါ်အောင်လှုံ့ဆော်မှုဖြင့် ထောင်ဒဏ် ၂၅ နှစ် ပြစ်ဒဏ်ချမှတ်ခံရသည်။ ကျောက်ဆည်မြို့၌ ဗုဒ္ဓဘာသာဝင်လူရမ်းကားတစ်စုမှ မွတ်စ်လင်မ် ၁၀ ဦးထက်မနည်း သတ်ဖြတ်ခံခဲ့ရသည်ဟု U.S. State Department မှ ဖော်ပြခဲ့သည်။

    မိမိ၏ရွှေဆံထိုးကို ရောင်းချရန်ကြိုးစားသည့် ဗုဒ္ဓဘာသာဝင်အမျိုးသမီးကြောင့် ဖြစ်ပေါ်လာခဲ့သော မိတ္ထီလာ အကြမ်းဖက်မှုနှင့်ပတ်သက်၍ ဦးဝီရသူက “ ဒီအမျိုးသမီးဟာ မွတ်စ်လင်မ်နဲ့အရောင်းအ၀ယ်သွားလုပ်ခဲ့လို့ ဒီလိုဖြစ်ရတာပါ ” ဟု လျှပ်တစ်ပြက် အဖြေပေးခဲ့လေသည်။

    အာဏာပိုင်များ၏ ပါဝင်ပတ်သက်မှု ရှိနေသလော ?

    ဒီမိုကရေစီအရေးအတွက် ၂၀၀၇ ခုနှစ်၊ရွှေဝါရောင်တော်လှန်ရေးကို ဦးဆောင်ခဲ့သူ ဦးဂမ္ဘီရ က “ ဦးဝီရသူကို ဖမ်းဆီးအရေးယူသင့်ပါတယ်။ သူ့ဟောပြောမှုတွေဟာ ဗုဒ္ဓအဆုံးအမများနဲ့ လွဲချော်နေပါတယ်။ သူဟာ ကျောင်းထိုင်ဘုန်းကြီးတစ်ပါးဖြစ်နေတဲ့အတွက် သူ့အန္တရာယ် ကြီးမားပါတယ်။ သူဟာ တစ်နေ့တစ်ခြား အကြင်နာကင်းပြီး ပိုမို ကောက်ကျစ်လာပါတယ် ” ဟု ပြောလိုက်သည်။ မွတ်စ်လင်မ် ဆန့်ကျင်ရေးအမြင်ကို တားဆီးနိုင်သည်မှာ နိုင်ငံတော် အစိုးရသာဖြစ်ကြောင်း ဦးဂမ္ဘီရမှ ထပ်လောင်းပြောဆိုခဲ့သည်။
    “ အယင်တုန်းက အစိုးရဟာ ဘုန်းတော်ကြီးတွေကို ဒီမိုကရေစီနဲ့နိုင်ငံရေးအကြောင်း မဟောပြောဖို့ ပိတ်ပင်တားဆီးခဲ့တယ်။ အခုကျတော့ ဒီလို အတို့အထောင် ဟောပြောမှုတွေကို မတားမြစ်တဲ့အခါ အားပေးအားမြှောက်ပြုရာ ရောက်နေပါတယ်။ ဘာကြောင့်လဲဆိုတော့ သံဃာ ၂၅၀၀ ၀န်းကျင် အင်အားရှိနေတဲ့ ကျောင်းထိုင်ဆရာတော် ဖြစ်နေလို့ ဘယ်သူမှ သူ့ကို မကောင်းမပြောရဲဘူးဖြစ်နေတယ်လေ။ နိုင်ငံတော်အစိုးရ အနေနဲ့ သူ့ကို အရေးယူဖို့ လိုအပ်နေပါပြီ ”။

    by Sithu Lwin 2

    မိတ္ထီလာဖြစ်ရပ်ဆိုး၏ မျက်မြင်သက်သေတစ်ဦးဖြစ်သူ ဦးလှသိန်းက အကြမ်းဖက်မှုကို အာဏာပိုင်များမှ တော်ရိရော်ရိတားမြစ်ပုံမှာ မယုံနိုင်စရာကောင်းလှကြောင်း ပြောခဲ့သည်။
    “ သူတို့ဟာ ဘယ်တော့မှ မပေးတော့တဲ့ အမိန့်တစ်ခုကို စောင့်စားနေသလိုမျိုး ဖြစ်နေတယ်ဗျ ”။

    မိမိသည် အကြမ်းဖက်အုပ်စုအား အင်အားသုံး ထိန်းသိမ်းရန် အမိန့်ထုတ်ပြန်မည်ဟု မျှော်လင့်ခဲ့သော်လည်း နံပါတ်တုတ်ကိုပင် အသုံးမပြုရဟု မှာကြားခံရကြောင်း ၀ါရင့် ရဲဝန်ထမ်းတစ်ဦးမှ ထုတ်ဖော်ခဲ့သည်။

    ၄င်းမှာ မြန်မာနိုင်ငံအနောက်ပိုင်းဒေသ ရခိုင်ပြည်နယ်တွင် ယမန်နှစ် အောက်တိုဘာလ အတွင်း ဖြစ်ပွားခဲ့သော မွတ်စ်လင်မ်ဆန့်ကျင်ရေးအကြမ်းဖက်မှု၏ ပုံသဏ္ဍာန်အတိုင်း ထပ်တူထပ်မျှ ဖြစ်နေကြောင်း ရိုက်တာသတင်းထောက်များမှ ဆန်းစစ်တွေ့ရှိခဲ့ကြသည်။ ယင်းတိုက်ခိုက်မှု လှိုင်းလုံးတွင် စစ်တပ်၏ ပယောဂလည်း မကင်းကြောင်း၊ ပြည်နယ်၏ အင်အားကြီးနိုင်ငံရေးပါတီနှင့်ချိတ်ဆက်ထားသည့် ဗုဒ္ဓဘာသာဝင် ရခိုင်မျက်ကန်းမျိုးချစ်များမှ ဦးဆောင်ခဲ့ခြင်းဖြစ်သည်ဟု ဗုဒ္ဓဘာသာ ဘုန်းတော်ကြီးများက ပြောဆိုကြောင်း၊ ဒေသခံ လုံခြုံရေးတပ်ဖွဲ့ဝင်များကလည်း ပါဝင်လေ့ရှိကြောင်း မျက်မြင်သက်သေများက ဆိုသည်။

    စစ်ဗိုလ်ဟောင်းတစ်ဦးဖြစ်ခဲ့ပြီး နှစ်ပေါင်း ၂၀ နိုင်ငံရေးအကျဉ်းစံဖြစ်ခဲ့သူ NLD မှ ဦးဝင်းထိန် က တိုင်းမှူးဖြစ်သူ အောင်ကျော်မိုးသည် ပြတ်သားသောအမိန့်အနည်းငယ်ပေး လိုက်ယုံဖြင့် ယခု သွေးချောင်းစီးအကြမ်းဖက်မှုများ ချက်ခြင်းရပ်တန့်သွားနိုင်ကြောင်း၊ မိတ္ထီလာနှင့် အနီးဝန်းကျင်၌ ရှိနေကြသည့် ထောင်ပေါင်းများစွာသော တပ်မတော်သားများကို ယာယီအသုံးပြုယုံမျှဖြင့် တားဆီးနိုင်ကြောင်း ပြောကြားသွားသည်။

    သို့ရာတွင် “ အဲ့ဒါက စစ်ပွဲတစ်ခုနဲ့သွားတူနေပါတယ်။ စတင်ဖြစ်ပွားချိန်မှာ လူအင်အား ဘယ်လောက်အသုံးပြုမယ်၊ ဘယ်လောက်ကြီးထွားလာမယ်လို့ ဘယ်လိုမှ မှန်းဆလို့ ရမှာ မဟုတ်ပါဘူး။ ဒါပေမယ့် လုံခြုံရေးတော့ ပေးခဲ့ပါတယ် ” ဟူ၍ အာဏာပိုင်များဖက်က တာဝန်ကျေကြောင်း ချေပပြောဆိုခဲ့သည်။

    ဒေါ်စုကြည်နှင့်မတိမ်းမယိမ်း နှစ်များစွာ နိုင်ငံရေးအကျဉ်းသားဟောင်းဖြစ်ခဲ့သူ မင်းကိုနိုင်သည် အကြမ်းဖက်မှုစတင်ကာစ၌ မိတ္ထီလာသို့ ရောက်ရှိသွားသည်။ အကြမ်းဖက် လူစုသည် စံနစ်တကျလေ့ကျင့်ပြင်ဆင်ထားပုံရကြောင်း၊ ဆဲလ်ဖုန်းကိုင်ထားကြသော ဘုန်းကြီးများသည် မြို့ပြင်ထွက်သည့် ကားများကို စစ်ဆေးမှုများ ပြုခဲ့ကြကြောင်း၊ အဆောက်အဦအချို့ကို ဖြိုဖျက်ရာတွင် ဘူလ်ဒိုဇာတစ်စင်းကိုလည်း အသုံးပြုခဲ့သည်ကို တွေ့ရကြောင်း၊ သာမန်လူတို့သည် ဘူလ်ဒိုဇာအား မည်သို့မောင်းနှင်အသုံးချရမည်ကို မသိရှိနိုင်ကြောင်း ပြောကြားခဲ့သည်။

    မြန်မာနိုင်ငံရှိလူ့အခွင့်အရေးဆိုင်ရာ ကုလသမဂ္ဂအထူးကိုယ်စားလှယ် က ဤအကြမ်းဖက်မှု၌ အာဏာပိုင်များ၏ပါဝင်ပတ်သက်နေမှုအချက်အလက်များ ရထားသည်ဟုဆို၏။ စစ်သားနှင့် ရဲတို့သည် မိမိတို့မျက်စေ့ရှေ့မှောက်၌ ကြမ်းကြုတ်ရက်စက်မှုများ တွေ့မြင်နေရပါလျက် ရပ်ကြည်နေလေ့သာရှိခဲ့ကြောင်း၊ ဤသည်မှာ အာဏာပိုင်တစ်ချို့၏ ပါဝင်ပတ်သက်မှု သို့တည်းမဟုတ် ယင်းမတရားသောလုပ်ရပ်များကို တိတ်တဆိတ်အားပေးကူညီမှု ဖြစ်နိုင်ကြောင်း မစ္စတာကင်တားနားမှ သုံးသပ်ပြောဆိုသည်။

    နိုင်ငံတော်သမ္မတရုံး၏ပြန်ကြားရေးအရာရှိနှင့် ပြန်ကြားရေးဌာနဒုဝန်ကြီးဖြစ်သူ ဦးရဲထွဋ် ကမူ ၄င်း၌ စစ်တပ်နှင့်အစိုးရမှ ပါဝင်ခဲ့ခြင်း မရှိဟုဆိုကာ ယင်းပြောဆိုချက်မှာ အခြေအမြစ်မဲ့စွပ်စွဲချက်ဖြစ်ကြောင်း ပြောကြားခဲ့သည်။

    အကြမ်းဖက်မှုတတိယမြောက်နေ့ မတ်လ ၂၂ ရက်၊ နေ့လည်ချိန်တွင် အာဏာပိုင်များမှ မာရှယ်လော ထုတ်ပြန်ခဲ့သည်။ ထိုအချိန်အထိ လက်နက်ကိုင်ဆောင်မှုဖြင့် လူ ၃ ဦးမျှသာ ဖမ်းဆီးခဲ့ကြောင်း ရဲအရာရှိတစ်ဦးက ဆိုသည်။ အကယ်၍ စလျှင်စချင်း ပိုမိုဖမ်းဆီးအရေးယူခဲ့ပါက နောက်တစ်နေ့၌မှာပင် မတည်ငြိမ်မှု အဆုံးသတ်သွားမည်ဖြစ်၏။ စုစုပေါင်းအဆောက်အဦ ၁၅၉၄ လုံး ဖျက်ဆီးခံရသည်ဟု အစိုးရမှ သတင်းထုတ်ပြန်ခဲ့သည်။

    နောက်တစ်နေ့အလွန်တွင် နေပြည်တော်အစွန်အဖျားရှိ တပ်ကုန်းမြို့တွင် ဖြစ်ပွားပြန်သည်။ ၄င်းနောက် အကြမ်းဖက်မှုများသည် ပဲခူးတောင်ဖက် – ရန်ကုန်မြောက်ဖက် အဝေးပြေးလမ်းကြောတစ်လျှောက် ကူးစက်သွားခဲ့သည်။ ၂၉ ရက်နေ့အထိ မြန်မာပြည် အလယ်ပိုင်းရှိ မြို့နှင့်ရွာ ၁၅ ခု၌ မွတ်စ်လင်မ်ဆန့်ကျင်ရေးအကြမ်းဖက်မှုများ ကြုံတွေ့လိုက်ရသည်။ ရန်ကုန်တွင်လည်း မွတ်စ်လင်မ်အချို့သည် ဗုဒ္ဓဘာသာဝင်တို့၏ အကြမ်းဖက်မှုများမှ ကင်းဝေးစေရန် ဈေးဆိုင်များကိုပိတ်သိမ်းလျက် ဆွေမျိုးသားချင်းများ ရှိရာ၌ ပြောင်းရွှေ့နေထိုင်ခဲ့ကြသည်။

    ဧပြီလ ၂ ရက်တွင် ရန်ကုန်မြို့ဘာသာရေးစာသင်ကျောင်းတစ်ခုအတွင်း မွတ်စ်လင်မ် ကလေးငယ် ၁၃ ဦး မီးလောင်သေဆုံးမှု ဖြစ်ပွားခဲ့သည်။ ထိခိုက်ကြေကွဲနေသော ၄င်းတို့၏ မိသားစုများက ၄င်းသည် ရှို့မီးသာဖြစ်ကြောင်း အခိုင်အမာဆိုကြသည်။ ကိုယ်တွေ့ကြုံဆုံရသူများက မီးတောက်လောက်စဉ် ဆီအိုင်နေသောကြမ်းပြင်ကြောင့် ချော်လဲခဲ့ရကြောင်း ဆိုကြသည်။ သို့သော် ရန်ကုန်အာဏာပိုင်များကမူ ၄င်းသည် လျှပ်စစ်ပိုင်းဆိုင်ရာ မတော်တဆမှုသာဖြစ်ကြောင်း ပြောကြားနေသည်။

    အကြမ်းဖက်မှုကြီးမှာ ပြုပြင်တည်ဆောက်ရေးသမားတို့ကို နောက်ကြောင်းပြန်လှည့်စေရန် စံနစ်ဟောင်းအင်အားစုများမှ ဖန်တီးချက်ဖြစ်ဖွယ်ရှိသည်ဟု အချို့က အမြင်ရှိကြသည်။ သို့တည်းမဟုတ် ခေတ်ဟောင်းအာဏာရှင်များနှင့်ချိတ်ဆက်နေသော ခရိုနီများက မွတ်စ်လင်မ်လုပ်ငန်းရှင်တို့ကို ကန်ထုတ်၍ မိမိတို့စိတ်ကြိုက်စီးပွားခွင်ကို ဖန်တီးလိုမှုလည်း ဖြစ်နိုင်သည်။ အောင်မြင်သည့် မွတ်စ်လင်မ်လုပ်ငန်းရှင်တစ်ဦးမှ “ ဒီကိစ္စမှာ ဘာသာရေး အငြိုးအတေး နဲ့ စီးပွားရေး နှစ်မျုိုးလုံး ပါဝင်နေတယ် ” ဟု ယူဆသုံးသပ်ခဲ့သည်။ ထိုသူကဲ့သို့ပင် မွတ်စ်လင်မ်များစွာတို့သည် မိမိတို့၏ဘိုးဘေးဘီဘင်မျိုးဆက်များကို ပြောပြနိုင်ကြသည်။ အခြားသူများအတိုင်း သူသည်လည်း အောင်မြင်ဖြစ်ထွန်းသော လုပ်ငန်းရှင်တစ်ဦးဖြစ်ပြီး ဗုဒ္ဓဘာသာဝင်မိတ်ဆွေများစွာရှိရာ ၄င်းတို့အနက် သူ့အား အကြမ်းဖက်မှုမှလွတ်မြောက်အောင် ကူညီခဲ့ကြပေသည်။

    ဒုက္ခသည်စခန်းများ မြင်ကွင်း

    လူ ၂၀၀၀ ခန့်မှာ နှစ်ထပ်ဆောင်အထက်တန်းကျောင်းတစ်ကျောင်း၌လည်းကောင်း၊ မွတ်စ်လင်မ် တစ်သောင်းတစ်ထောင်ခန့်မှာ ဒုက္ခသည်များ ယာယီတဲများ၌လည်းကောင်း နေထိုင်နေကြရသည်။ အနီးအနားရှိ အားကစားကွင်း၌ ၄င်းထက်ပိုသည့်ဦးရေဖြင့် ပြည့်နှက်နေသည်ဟု ကုလသမဂ္ဂလူသားချင်း စာနာထောက်ထားမှုအဖွဲ့၏အဆိုအရ သိရသည်။

    7
    Photo-Eleven

    လုပ်ငန်းများဖျက်ဆီးခံရသည့်မွတ်စ်လင်မ်တို့အတွက် အရင်းအနှီးများ ပြန်လည်ထူထောင် ဖေးမှုပြုမပြုကိုမူ ရှင်းလင်းစွာ မသိရှိရချေ။ ဦးရဲမြင့်က ၄င်းတို့ကို နယ်မြေသစ်များထံ ပို့ဆောင်မည်၊ တည်ငြိမ်အေးချမ်း၍ တရားဥပဒေစိုးမိုးပြီးဆိုလျှင် ၄င်းတို့အား ပြန်လည် နေရာချထားပေးမည်ဟု ဆိုသည်။ ၄င်းမှာ အပြန်အလှန်ခွဲခြားမှုကို ထပ်မံဖြစ်ပွားစေခဲ့သည့် ရခိုင်ပြည်နယ်တွင် ကျင့်သုံးခဲ့သော ခွဲခြားမှုပေါ်လစီတစ်ခုသာ ဖြစ်သည်။

    အထက်တန်းကျောင်းမှာ အကျဉ်းထောင်သဖွယ်ဖြစ်နေသည်။ ကျောင်းထဲမှ မွတ်စ်လင်မ်တို့မှာ ပြင်ပသို့ထွက်ချင်တိုင်း ထွက်ခွင့်မရပေ။ ၄င်းတို့၏ မိတ်ဆွေများ၊ သားချင်းများသည် ပြင်ပ၌သာ စောင့်နေရသည်။ ဂျာနယ်လစ်များအား မွတ်စ်လင်မ်တို့နှင့် ဂိတ်တံခါးမှတဆင့် စကားပြောဆိုခွင့်ကိုပင်လျှင် ရဲများက ပိတ်ပင်ထားကြသည်။

    မိမိ၏ဆွေမျိုးဆယ်ဦးကိုစောင့်မျှော်နေသော ကျော်စိုးမြင့်သည် အစောင့်မှ ခြောက်လှန့် မောင်းမသွင်းမှီ “ ညညဆိုယင် ကျွန်တော် အိပ်မပျော်ဘူး။ နောက်ထပ် တိုက်ခိုက်ခံရဦးမလားလို့ စဉ်းစားနေမိတယ်။ ကျွန်တော်တို့မှာ စိုးထိတ်မှုနဲ့ နေနေရတာ ” ဟု ပြောပြသွားခဲ့သည်။

    ဖမ်းဆီးထိန်းသိမ်းထားသူတို့၏အချက်အလက်များကိုလည်း ရှင်းလင်းစွာ မသိကြရ။ ထိန်းသိမ်းခံထားရသူတို့အနက် ရွှေဆိုင်ပိုင်ရှင်လည်း ပါဝင်သည်ဟု ရဲဌာနက ပြောကြားသည်။

    ရွှေဆံထိုးပိုင်ရှင် ဒေါ်အေးအေးနိုင်မှာ အကြမ်းဖက်မှုကြောင့် အကြောက်မပြေသေး။
    “ သတ်ဖြတ်ခံလိုက်ရတဲ့ မွတ်စ်လင်မ်တွေအတွက် ကျွန်မ ထိခိုက်ခံစားရပါတယ်။ လူသား အားလုံးဟာ အတူတူပါဘဲ။ အသားအရောင်ကွာခြားတာလေးဘဲ ရှိပါတယ်။ ကျွန်မတို့မှာလည်း မွတ်စ်လင်မ်မိတ်ဆွေတွေ ရှိပါတယ်။ ကျွန်မရဲ့ဆံထိုးတစ်ခုကြောင့် ဘာတွေဖြစ်ကုန်မှန်း မသိတော့ပါဘူးရှင် ” ဟု သူမက ပြောပါသည်။

    ( Special Report: Buddhist monks incite Muslim killings in Myanmar – ရိုက်တာသတင်းဌာန၏ အထူးသတင်းဆောင်းပါးကို M-Media မှ ဆီလျော်အောင် ပြန်ဆိုရေးသားသည် )

    http://www.reuters.com/article/2013/04/08/us-myanmar-violence-specialreport-idUSBRE9370AP20130408

  • ဦးဝီရသူပြောတဲ့ ၇+၈+၆=၂၁??

    ဧပြီ- ၈ -၂၀၁၃
    M-Media
    ရေးသူ- သော်ဇင်

    ကျွန်မက သာမန်အစ္စလာမ် ဘာသာဝင်တစ်ဦးပါပဲ။ဒါပေမယ့် ဦးဝီရသူရဲ့ ပြောစကား အချို့အတွက် တော်တော် အံ့သြမိလို့ ပြန်ပြောချင်တာ တချို့ပါ။

    ဦးဝီရသူဟာ အဖွဲ့အစည်းအသိုက်အ၀န်း တစ်ခုလုံးကိုပေါ်တင်သမုတ်ပြီး မီဒီယာတွေကြား မဟုတ်တရားတွေကို ဗြောင်ကျကျပြောနေတာဟာ လူ့အခွင့်အရေးချိုးဖောက်နေမှု တစ်ခုပါပဲ။ကျန်တဲ့ ဘယ်ဘာသာဝင်တရားဟောသူကမှ ဒီလိုပြောခွင့်မရကြပါဘူး။ ဒါပေမယ့် ကျွန်မတို့ ဘားအံမြို့ကအချို့ ဘုန်းကြီးအပါအ၀င် မော်လမြိုင်မြို့က ဘုန်းကြီးတွေကလည်း ဒါမျိုးတွေကို တရားလုပ်ဟောနေကြတာပါ။ ဒါပေမယ့် မီဒီယာတွေကြား ထင်ရှားကျော်ကြားနေတာကတော့ ဦးဝီရသူပါ။ သူဘာလို့ ဒီလို ဗြောင်ကျကျလူ့အခွင့်အရေး ချိုးဖောက်နိုင်ရသလဲ ဆိုတာလည်း အားလုံးသိပြီးသားမို့ မပြောတော့ပါဘူး။ဒါပေမယ့် သူက ၈တန်းလောက် သာသာ ပညာအရည်အချင်းရှိပြီး Freedom of Religion ဆိုတဲ့ ဘသာပေါင်းစုံကို တရားဝင်စော်ကားခွင့် ပါမစ်ရရှိထားသူဖြစ်နေတဲ့အတွက် ဗဟုသုတအရာမှာ အလွန်ခေါင်းပါးနေကြောင်းပြောပြချင်ရုံပါပဲ။

    “ A little knowledge is verydangerous.” တဲ့။ သူ့မှာရှိတဲ့ အင်မတန်ခေါင်းပါးတဲ့ ဗဟုသုတဟာ လူ့အသိုက်အ၀န်း တစ်ရပ်လုံးအတွက်၊သူ့ကို ယုံကြည်မိသူတွေအတွက် တကယ့်အန္တရာယ်တစ်ရပ်ပါပဲ။ ပြောချင်တာကတော့ ဒီလိုပါ….။

    ဦးဝီရသူအနေနဲ့ “၇၈၆” ကို ကိန်းဂဏန်းအားဖြင့်“၉၆၉” ထက်သာတယ်လို့ ဘယ်လို အတွေးအခေါ်မျိုးနဲ့ ပြောလည်း ဆိုတာတော့ ကျွန်မ မသိပါဘူး။ ဒါပေမယ့်ရပ်ကွက်ထဲက နတ်ကတော်ပြောပြောရမယ်ဆိုရင်တော့ ၇+၈+၆ ဟာ ၂၁ ရပါတယ်။ ၉+၆+၉ ဟာ ၂၄ ပါ။ ဒါကြောင့်ကိန်းဂဏန်းတွေကိုပေါင်းပြီး ရလာဒ်တွေကို စိတ်ဝင်စားတတ်တဲ့ နတ်ကတော်တွေလို ပြောရရင်တော့၉+၆+၉= ၂၄ က ပိုသာကြောင်းပါ။

    ဦးဝီရသူတို့မှာ ဘာအိုင်ဒီယာမှမရှိဘဲ မွတ်စ်လင်မ်တွေလုပ်တဲ့အတိုင်းခံစစ်နဲ့လုပ်နေတာလို့ ပြောထားပါတယ်။ တဘက်မှာလည်း သူကိုယ်တိုင်ကပဲ ၇+၈+၆= ၂၁ မို့လို့၂၁ရာစုမှာ မွတ်စ်လင်မ်တွေ မြန်မာနိုင်ငံကို သိမ်းပိုက်ဖို့လုပ်တယ်လို့ ဂဏန်း၃လုံးကိုအခြေခံတဲ့ အထောက်အထားမဲ့ ဗေဒင်ကို ဟောထားပါသေးတယ်။ “၇၈၆” ဟာ မရိုးဖြောင့်ဘူးလို့ ခံယူထားသလိုပေါ့။ ဒီလိုပဲ တဆက်တည်းမှာပဲ သူက “၉၆၉”ကို ခံစစ်အနေနဲ့ ပြန်လုပ်ရတာလို့ ပြောထားတဲ့အတွက် အင်မတန်မှဖြူစင်သန့်ရှင်းတဲ့ ရတနာသုံးပါးရဲ့ သင်္ကေတ “၉၆၉” ဟာ သူတို့ သဘောပိုက်ထားတဲ့ “၇၈၆” နဲ့အဆင့်အတန်းချင်း တူညီသွားတာကိုရော သတိမှထားမိပါလေစလို့ ကျွန်မ တွေးမိပါတယ်။

    နောက်ပြီး မွတ်စ်လင်မ်နဲ့ ညားရင် သူ့ဘာသာထဲဝင်ရတယ်ဆိုတာမျိုးကိုလည်းဦးဝီရသူပြောသွားပါသေးတယ်။ မွတ်စ်လင်မ်နဲ့ယူပြီး အဲ့ဒီမွတ်စ်လင်မ်က ဗုဒ္ဓဘာသာဘက်ကိုကူးပြောင်းသွားတာတွေ ဒုနဲ့ဒေးပါပဲ။ ဦးဝီရသူအနေနဲ့ မြင်ဖူးမယ်လည်း ထင်ပါတယ်။ကျွန်မတို့အစ္စလာမ်ဘာသာဟာ မိရိုးဖလာယုံကြည်မှုတွေကို လက်မခံပါဘူး။ ယုံကြည်မှုဆိုတာ အတင်းအဓမ္မတည်ဆောက်ခိုင်းလို့ရတဲ့အရာမဟုတ်ဘူးဆိုတာ အားလုံးသိပြီးသားပါ။ ဇွတ်အတင်း သွတ်သွင်းတာမျိုးကို ဘာသာဝင်အစစ်တွေ လုံးဝမလုပ်ဘူး ဆိုတာ ကျွန်မတို့က ယုံကြည်ထားပါတယ်။ ကုရ်အာန်ကလည်း သွန်သင်ထားပြီးသားပါ။ နောက်တခုက လူ့အသိုင်းဝန်းတွေမှာBlack Sheep တွေ ရှိတတ်ကြပါတယ်။ သူတို့ကို လက်ညှိုးထိုးပြီး ကျန်သူတွေကို စွပ်စွဲတာမျိုးဟာပညာရှိမဆန်တဲ့ ဖြေရှင်းမှုတွေပဲလို့ ကျွန်မ ထင်ပါတယ်။ ဦးဝီရသူရဲ့ source အမှားတွေက ပုဂ္ဂိုလ်ရေးရာကြောင့်လို့ထင်မိပါတယ်။ ပုဂ္ဂိုလ်ရေးရာမကျေနပ်မှုတွေကို မကျေနပ်သူတွေနဲ့တိုက်ရိုက်ရှင်းတာ ပညာရှိဆန်မယ်ထင်ပါတယ်။

    “၇၈၆” ကို တိတိကျကျထုတ်ပြန်ပြီးတော့“၇၈၆” ဟာ ၂၁ရာစုမှာ မြန်မာနိုင်ငံကို သိမ်းပိုက်ဖို့လုပ်တာမဟုတ်ဘူးလို့ တရားဝင်ကြေငြာပေးရင်“၉၆၉” လှုပ်ရှားမှုကို ရပ်တန့်မယ်လို့ ဦးဝီရသူ ပြောထားပါတယ်။

    အဖြေကတော့ ရေရေလည်လည်ကို ရှင်းပါတယ်။ မြန်မာနိုင်ငံက အစ္စလာမ် ဘာသာဝင်တွေက ကြေငြာ မပေးနိုင်ဘူး ဆိုတာပါပဲ။ ဘာလို့လည်းဆိုတော့ “၇၈၆” ဟာ မြန်မာမွတ်စ်လင်မ်တွေတီထွင်သုံးစွဲခဲ့တာ မဟုတ်လို့ပါပဲ။ ဦးဝီရသူအနေနဲ့ စာပေတွေကို ဖတ်ရှု့လေ့လာဖို့ ဆန္ဒရှိခဲ့တယ်ဆိုရင် http://en.wikipedia.org/wiki/786_%28number%29   ဆိုတဲ့ လင်ခ့်မှာ အလွယ်တကူရှာဖွေဖတ်ရှု့နိုင်ပါတယ်။

    “၇၈၆” ရဲ့ သဘောကိုလည်း ရှင်းပြချင်ပါတယ်။“၇” ဆိုတာ ဘာဖြစ်စေ၊ “၈” ဆိုတာက ဘာဂုဏ်၊ “၆” ဆိုတာက ဘာပေါ့ရယ်လို့ ကောက်ကတ်ပေးထားတာတော့ မဟုတ်ပါဘူး။ ပြီးတော့ မြန်မာမွတ်စ်လင်မ်တွေက မနေ့တနေ့ကမှ (ဥပမာ ၂၀ရာစုကမှပေါ့) တီထွင်သုံးစွဲခဲ့တာလည်းမဟုတ်တဲ့အတွက် ဦးဝီရသူတောင်းဆိုထားတာကိုတော့ ကျွန်မတို့ မြန်မာ မွတ်စ်လင်မ်တွေက မလိုက်လျောပေးနိုင်တာ ၀မ်းနည်းပါတယ်။ အိန္ဒိယနဲ့ ပါကစ္စတန်ရဲ့ သုံးစွဲမှုတွေ ကနေတဆင့် မြန်မာနိုင်ငံကို ၀င်ရောက်လာတာ ဆိုရင်တော့ငြင်းစရာမရှိပါဘူး။ မြန်မာနိုင်ငံဆိုတာကလည်း အိန္ဒိယအငွေ့အသက်မကင်းနိုင်တာကို အားလုံးသဘောပေါက်မယ်ထင်လို့အထွေအထူးရှင်းနေစရာမလိုတော့ဘူးလို့ ထင်ပါတယ်။ ဒါပေမယ့် ၂၁ရာစုဆိုတာက ဒီဇင်ဘာ၃၁ရက်၊၂၁၀၀ မှ ကုန်ဆုံးမှာဖြစ်လို့ အဲ့ဒီအချိန်ထိ “၇၈၆” ကြီးစိုးမစိုးဆိုတာကို စောင့်ကြည့်နိုင်ဖို့ ဦးဝီရသူရဲ့ မျိုးဆက်သစ်အပေါင်း ကျန်းမာတည်တံ့ပါစေကြောင်းလည်း တဆက်တည်း ဆုတောင်းပေး လိုက်ပါရစေ။

    ရှင်းရမှာက “၇၈၆” ကိစ္စပါ။ “၇၈၆” ဆိုတာဟာ“Bismillah- Al- Rahman- Al- Rahim” ဆိုတဲ့ “ သနားကြင်နာတော်မူသော၊ ဂရုဏာတော်ရှင်ဖြစ်တော်မူသော အလ္လာဟ်အရှင်မြတ်၏ နာမတော်အားဖြင့်” လို့ အနက်ပေးပါတယ်။ ဒါကို googling လုပ်ကြည့်လည်းအလွယ်တကူသိရပါတယ်။

    အတွေးအခေါ်၊ အနုပညာနဲ့ ဘာသာဗေဒတွေကို ဂဏန်းကိုယ်စားပြုဖော်ပြတာဟာအီဂျစ်၊ ဘေဘီလုံနဲ့ အိန္ဒိယတို့ရဲ့ တိုးတက်ထွန်းကားခဲ့တဲ့ ယဉ်ကျေးမှုတွေပါ။ ရှေးခေတ် ဂဏန်းကိုယ်စားပြုမှုတွေကနေတဆင့်တိုးတက်ပြောင်းလဲလာတာဟာ သင်္ချာပညာရပ်၊ ဂျီသြမေတြီနဲ့ တြီဂိုနော်မေတြီတွေ အထိတိုင်အောင်လို့မှတ်သားဖူးပါတယ်။ အထင်ရှားဆုံးကျော်ကြားခဲ့တဲ့ ပညာရှင်ကတော့ ပိုင်သာဂိုရပ်စ်ပါ။ သူ့ရဲ့အမြင်အရဆိုရင် အရာအားလုံးကို ဂဏန်းသင်္ချာနဲ့ ကိုယ်စားပြုဖော်ပြနိုင်တယ်လို့ဆိုပါတယ်။

    ဒါကြောင့် အာရဗီအက္ခရာ၊ ဟီဘရူး၊ အာရမစ်ခ်နဲ့ ဂရိအက္ခရာတွေမှာ ကိန်းဂဏန်းကိုယ်စားပြုဖော်ပြမှုတွေ ရှိနေပါတယ်။ အက္ခရာတစ်ခုစီမှာ ကိန်းဂဏန်းကိုယ်စားပြုဖော်ပြမှုတွေ တစ်ခုစီရှိနေပါတယ်။ အာရဗီဘာသာစကားဆိုတာဟာ လွန်ခဲ့တဲ့၄၀၀AD လောက်က ဂျူးတွေအသုံးပြုခဲ့တဲ့ ဟီဘရူး၊ အာရမစ် စတဲ့ ဘာသာ စကားတွေကနေ ပြောင်းလဲဖြစ်ပေါ် လာတယ်လို့ မှတ်သားရပါတယ်။ ဥပမာ ဟီဘရူးဘာသာစကားမှာ အက္ခရာ ၂၂ လုံးပဲ ရှိပါတယ်။နောက်ထပ်၆လုံးကို အာရဗ်တွေက ထပ်မံဖြည့်စွက်ပြင်ဆင်ပြီး သုံးတော့ အာရဗီဘာသာစကားမှာ အက္ခရာ၂၈လုံးဖြစ်သွားပါတယ်။ အာရဗ်တွေရဲ့ မင်းဆက်တစ်ခုဖြစ်တဲ့ အဘာဆစ်မင်းဆက်ကို ရောက်တဲ့အခါမှာတော့Abjad method လို့ခေါ်တဲ့ ကိန်းဂဏန်းအရ ရေးသားဖော်ပြမှုကို တီထွင်သုံးစွဲလာပါတယ်။

    “Bismillah- Al- Rahman- Al- Rahim” ဟာAbjad method အားဖြင့် ၁၉လုံးမျှသော အက္ခရာတွေရဲ့ Numerical value(ဂဏန်းတန်ဖိုး) တွေကိုရေတွက်ပြီး Aggregate (စုစုပေါင်း) လုပ်ထားတဲ့ total value တစ်ခုပါ။ အောက်ပါအတိုင်းအလွယ်တကူတွေ့နိုင်ပါတယ်။

    12

     

    “Bismillah- Al-Rahman- Al- Rahim”…

    (1)Ba =2                     (8)Alif= 1                           (15)Lam = 30

    (2)Sin = 60                  (9)Lam= 30                        (16)Ra  = 200

    (3)Mim = 40                (10)Ra = 200               +     (17)Ha= 8             = 786

    (4)Alif = 1        +         (11)Ha = 8                          (18)Ya = 10

    (5)Lam = 30                (12)Mim = 40                       (19)Mim = 40

    (6)Lam = 30                (13)Nun = 50

    (7)Ha = 6                    (14)Alif = 1

    အာရဗီအက္ခရာတစ်လုံးစီရဲ့ကိန်းဂဏန်းတန်ဖိုး (Numerical value) တွေကို အောက်ပါလင့်ခ်မှာ အလွယ်တကူကြည့်ပြီး သိနိုင်ပါတယ်။

    http://en.m.wikipedia.org/wiki/Abjad_numeral#section_3 မှာ ထင်ထင်ရှားရှားတွေ့နိုင်ပါတယ်။

    ဒါကြောင့်“၇၈၆” ဆိုတာဟာ ဟိုဟာဖြစ်စေ ဒီဟာဖြစ်စေရယ်လို့ ပါးစပ်ရာဇ၀င်နဲ့ ရေးခဲ့တာ မဟုတ်လောက်ဘူးဆိုတာတော့အားလုံးသဘောပေါက်မှာပါ။ “၇၈၆” ဆိုတာ ပေါင်းထားပြီးသား Numerical value တစ်ခုမို့လို့ထပ်ပြီးပေါင်းနှုတ်မြှောက်စားလို့လည်းမရတော့ပါဘူး။ “၂၁”ရာစုမှာ အစ္စလာမ်တွေကြီးစိုးမယ် ဆိုတာမျိုးကိုတော့ကျွန်မ ရှာမတွေ့သေးတာ အမှန်ပါပဲ။

    ဒါပေမယ့် “၇၈၆” ကို အသုံးပြုမှုတွေကတော့အစ္စလာမ်ဘာသာဝင်တွေကြား အကွဲအလွဲတွေ အများကြီး တွေ့နေရပါတယ်။ ဘာလို့လည်း ဆိုတော့ ဟိန္ဒူတွေကလည်းHindu-Arabic Numeral system အရ သူတို့ရဲ့ ကိုယ်တော်ဘုရားခရစ်ရှနားကို “၇၈၆” ရယ်လို့  ရည်ညွှန်းသုံးတာမျိုးရှိနေလို့ပါပဲ။ HaraeKrishna (Lord Krishna) ဆိုတာ “ကြီးမြတ်သော ကိုယ်တော်ခရစ်ရှနား” လို့ အနက်ကိုပေးပါတယ်။ဒါကို Numeral System နဲ့ရေးရင်….

    Harae Krishna

    (1)Ha=5                       (5) Ra = 200

    (2)Ra=200             +   (6)Sin (Sh) = 300         = 786

    (3)Ya = 10                   (7)Nun = 50

    (4)Kaf = 20                  (8) Alif = 1

    ဒါကြောင့်အစ္စလာမ့်အသိုင်းအ၀ိုင်းထဲမှာတောင်မှပဲ “၇၈၆” အပေါ်ယူဆမှုတွေက ဒုနဲ့ဒေးကွဲလွဲနေတာပါ။ဘာလို့လည်းဆိုတော့ ကောင်းရာမွန်ရာတိုင်းကို အလ္လာဟ်အရှင်မြတ်ရဲ့ နာမတော်နဲ့ အစပြုပြီးလုပ်ဆောင်တာဟာအစ္စလာမ်ရဲ့ အနှစ်သာရပါ။ ပြီးတော့ ကုရ်အာန်ကျမ်းကို စဖွင့်လျှင်ဖွင့်ချင်း (1:1) မှာကတည်းကိုကလှလှပပအစချီထားပြီးသားပါ။ ခိုးဆိုးလုယက်နဲ့နေရာမှာ၊ မုဒိန်းကျင့်တဲ့နေရာမှာ၊ လူသတ်တဲ့နေရာမှာဘုရားရဲ့နာမတော်ကို သုံးစွဲခွင့်မရှိပါဘူး။

    “၇၈၆” နဲ့ “ဟာလာ” ဆိုတာလည်း မတူပါဘူး။ “ဟာလာ”ရဲ့အနက်က လုပ်ပိုင်ခွင့်ပြုထားတဲ့အရာတွေပါ။ အစ္စလာမ်ကခွင့်ပြုထားသော လုပ်ပိုင်ခွင့်၊စားပိုင်ခွင့်၊နေထိုင်ပိုင်ခွင့် စသည်ဖြင့်ကို ဟာလာနည်းကျတယ်လို့ ပြောကြပါတယ်။ ဥပမာ- အစားအသောက်စားတော့မယ်ဆိုရင်မွတ်စ်လင်မ်တွေက “ဟာလာ”ရေးထားတဲ့ဆိုင်ကို ရှားစားကြပါတယ်။ အခြားအသုံးအဆောင်အတွက်ကျတော့ဝယ်ဖို့ခြမ်းဖို့က မိမိဝယ်ယူမယ့်သူ (ဆိုင်ရှင်) ကို ရွေးနေစရာမလိုပါဘူး။ အစားအသောက်အတွက်ကတော့သွေးတွေကို သန့်စင်ထားပြီး ဟာလာနည်းကျ လည်လှီးထားတဲ့ သားကောင်ကိုသာ အစ္စလာမ်ဘာသာဝင်တွေကစားသုံးလို့ရတာပါ။ ကျန်တဲ့ ငါးဟင်းနဲ့ ဟင်းသီး ဟင်းရွက်သီးသန့်ရောင်းသူများမှာ ဆိုရင်တော့ “ဟာလာ”ကို ရွေးဝယ်စရာမလိုတဲ့အတွက် ဘယ်သူ့ဆီကမဆို ၀ယ်လို့ရသလို ၀ယ်လည်းဝယ်ကြပါတယ်။

    ဒါကိုလည်း လူတိုင်းသိပြီးသားပါ။ လူတစ်ယောက်ဟာသူ့အယူအဆနဲ့သူ ကြိုက်နှစ်သက်လို့ “၇၈၆” ဆိုတာကို လေထိုးကျွတ်ဖာဆိုင်မှာပါ ကပ်ထားလည်း သူ့လွတ်လပ်ခွင့်မို့ ပြောစရာကို မရှိတာပါ။ အစားအသောက်ကလွဲလို့ မွတ်စ်လင်မ်တွေက အဆင်ပြေရာဆိုင်တွေမှာကြုံသလိုဝယ်နေတာကိုလည်း အလွယ်တကူတွေ့မှာပါ။ ကျွန်မဆိုရင် ၀က်သား ဟင်းထည့်လာတဲ့ သူငယ်ချင်းတွေနဲ့တူတူတ၀ိုင်းတည်းထမင်းထိုင်စားလေ့ရှိပါတယ်။ ဘယ်လိုပြဿနာမျိုးမှ မရှိပါဘူး။ ဒါကြောင့် “၇၈၆”ဆိုတာ ဘုရားရဲ့ နာမတော်ရွတ်ဖတ်ခြင်း အပြည့်အစုံကို အာရဗီစာပေအားနည်းသူတွေအတွက် အလွယ်တကူအသုံးပြုနိုင်အောင် တီထွင်ထားတဲ့ Numeral system တခုပါပဲ။

    မြန်မာနိုင်ငံက မွတ်စ်လင်မ်တွေ တီထွင်သုံးစွဲတာမဟုတ်တဲ့“၇၈၆” ကို ရုတ်သိမ်းခိုင်းစေချင်တယ်ဆိုရင်တော့ ၇+၈+၆ = ၂၁ ရတဲ့အတွက် ၂၁ရာစုမှာ မွတ်စ်လင်မ်တွေ သိမ်းပိုက်စိုးမိုးမယ်လို့ ဦးဝီရသူအနေနဲ့ ကမ္ဘာကို အလျင်ဦးဆုံး ကြေငြာပြပေးဖို့ တောင်းဆိုပါတယ်။ဒါဆိုရင်တော့ ဦးဝီရသူကှို စာဖတ်ဖို့နဲ့ မိမိပတ်ဝန်းကျင်ကို လေ့လာမှုပြုဖို့ ကမ္ဘာကပြန်လည်တိုက်တွန်းနှစ်သိမ့်မယ်ဆိုတာ ကျွန်မ အာမခံရဲပါတယ်။

    ကျွန်မတို့ရဲ့ ကိုယ်တော် မုဟမ္မဒ် (ငြိမ်းချမ်းမှုသက်ရောက်ပါစေ)ကိုယ်တိုင်တောင်မှပဲ အခြားခေါင်းဆောင်တွေဆီ စာချွန်လွှာပေးပို့တဲ့အခါ ဘုရားရဲ့နာမတော်ကိုမူရင်း အာရဗီဘာသာနဲ့ပဲ ရေးထိုးပေးပို့လေ့ရှိတယ်လို့ မှတ်သားဖူးပါတယ်။ ဒါကြောင့် ကျွန်မအတွက်ကတော့“၇၈၆” ဆိုတာ ခုနှစ်ရာရှစ်ဆယ်ခြောက် ဆိုတဲ့ အနက်အဓိပ္ပါယ်ကလွဲလို့ ဘာမှသက်ရောက် ခံစားရမှုမရှိပါဘူး။ “၇၈၆” ဆိုတာလည်း ကိုယ်တော့်ရဲ့ နောက်ပိုင်းမှ တီထွင်အသုံးပြုခဲ့တာပါ။ ကုရ်အာန်မှာလည်း“၇၈၆” အကြောင်း စိုးစဉ်းမျှ မပါပါဘူး။

    ဒါကြောင့် ဦးဝီရသူအနေနဲ့ “၉၆၉” ဆိုတာကိုNumerical Value နဲ့မဟုတ်ဘဲ ဘုရားတရားသံဃာကို ဦးထိပ်ထားပြီး သုံးစွဲတာဖြစ်တယ်လို့ပြောတဲ့အတွက် ဘယ်သူ့ကိုမှ တွန်းထိုး တိုက်ခိုက်မှုမရှိတဲ့၊ တရားဓမ္မ အစစ်တွေကို ဟောကြားဖြန့်ဖြူးနိုင်တဲ့၊ငြိမ်းချမ်းမှုအစစ်အမှန်ကို ရှာဖွေနိုင်တဲ့၊ တရားမျှတမှုအတိပြီးတဲ့ လှုပ်ရှားမှုဖြစ်ခဲ့တယ်ဆိုရင် ဦးဝီရသူပြောသလို ဘယ်သူ မှန်မှန် မှားမှား ဘယ်တော့မှ ပြန် ရုတ်သိမ်းစရာမလိုဘူးလို့ မျှော်လင့်ပါတယ်။

    ဗုဒ္ဓရဲ့ တရားတော်အရ အကြောင်းအကျိုး အကောင်းအဆိုးဆိုတာရှိပါတယ်။ ကိုယ်လုပ်တဲ့ကံ ကိုယ့်ဆီပြန်လာတတ်တယ် ဆိုတာကိုတော့ ဦးဝီရသူက ကောင်းကောင်း သဘောပေါက်မှာပါ ။ လက်ကိုင်တုတ်ဆိုတာ ယိုင်နေသူအတွက် လိုအပ်တဲ့အချိန်မှာ သုံးတဲ့ပစ္စည်းပါ။ ယိုင်နေတဲ့သူကပြန်တည့်မတ်လာတဲ့တနေ့ လက်ကိုင်တုတ်ဆိုတာဟာ အလိုလို ထင်းဆိုက်ခံရတဲ့အဖြစ်မျိုးတွေ အများကြီးဆိုတာဘေးက ကြည့်နေသူတွေက သဘောပေါက်နေကြပါပြီ…..။

     Thaw Zin