News @ M-Media

Tag: featured

  • ပုသိမ်မြို့တွင် ဘာသာပေါင်းစုံ အလှူပွဲကျင်းပ

    ဧပြီ ၉၊ ၂၀၁၃
    M-Media
    နေမင်း

    FILE1759

    ပုသိမ် ။      ။    ဘာသာပေါင်းစုံ ငြိမ်းချမ်းစွာအတူယှဉ်တွဲနေထိုင်နိုင်ရေးကို ရည်ရွယ်၍ ဘာသာပေါင်းစုံအလှူပွဲကို ဧရာဝတီတိုင်းဒေသကြီး၊ ပုသိမ်မြို့ မြောင်းမြပရိယတ္တိစာသင်တိုက်တွင်  ဧပြီလ ၈-ရက် (တနင်္လာနေ့)၌ နံနက် (၁၀)နာရီတွင် ကျင်းပခဲ့ကြောင်း သတင်းရရှိသည်။

    ပုသိမ်မြို့၊ မြောင်းမြပရိယတ္တိစာသင်တိုက်တွင် ၈.၄.၂၀၁၃ ရက်နေ့က ဘာသာပေါင်းစုံအလှူပွဲကျင်းပခဲ့ပါတယ်။ အလှူပွဲကို နံနက် (၁၀)နာရီအချိန်တွင်စတင်ခဲ့ပြီး ပုသိမ်မြို့မှ စာသင်တိုက် (၅)တိုက်မှ ကျောင်းထိုင်ဆရာတော်များ၊ ပုသိမ်မြို့ရှိပလီများမှ ရှေ့ဆောင်ဆရာများ၊ အစ္စလာမ်အဖွဲ့အစည်းအသီးသီးမှ တာဝန်ရှိပုဂ္ဂိုလ်များ၊ ခရစ်ယာန်ဘာသာမှ တာဝန်ရှိသူများ၊ ဟိန္ဒူဘာမှ တာဝန်ရှိသူများ၊ အဖွဲ့အစည်းအသီးသီးမှ တာဝန်ရှိသူများ တက်ရောက်ခဲ့ကြပါတယ်။ အရပ်ဘက်အဖွဲ့အစည်းအသီးသီးမှ ပုဂ္ဂိုလ်များလည်း တက်ရောက်ခဲ့ကြပါတယ်။စုစုပေါင်း အင်အား (၅၀၀)ကျော် တက်ရောက်ခဲ့ကြပါတယ်။ တက်ရောက်လာတဲ့ ဘာသာရေးခေါင်းဆောင်အသီးသီးမှ ဆုံးမသြ၀ါဒများ ဟောကြားခဲ့ကြပါတယ်။ ဒီအလှူပွဲကို အမျိုးသားဒီမိုကရေစီကွန်ယက် (NDN) နှင့် မွတ်စလင်မ်လူငယ်အချို့မှ ကြီးမှူးကျင်းပခဲ့ကြတာဖြစ်ပါတယ်။

    ယင်းအခမ်းအနားတွင် ခရိုင်အုပ်ချုပ်ရေးမှူးမှ ပြောကြားခဲ့သည်မှာ – “ဒီနေ့ မြောင်းမြကျောင်းတိုက်မှာပြုလုပ်တဲ့ ဘာသာပေါင်းစုံ လူမျိုးပေါင်းစုံ လက်တွဲနေထိုင်ရေးအတွက် ပွင့်ပွင့်လင်းလင်းနဲ့ ညှိနှိုင်းကြတဲ့ သဘောထားတဲ့ ပြောကြတဲ့ဒီပွဲမှာ ကျွန်တော်ပုသိမ်ခရိုင်အုပ်ချုပ် ရေးမှူးအနေနဲ့ တက်ရောက်ခွင့်ရတဲ့အတွက် ကျွန်တော်တို့အုပ်ချုပ်ရေးအဖွဲ့များရဲ့ကိုယ်စား ကျွန်တော် အနည်းငယ်ပြောကြားလိုပါတယ်။ ဒီနေ့ ကျွန်တော်တို့မြန်မာနိုင်ငံအနေနဲ့ အင်မတန်ကို ကောင်းမြတ်တဲ့ မြန်မာနိုင်ငံတော်ကြီးဖြစ်ပါတယ်။ လူမျိုးမရွေး၊ ဘာသာမရွေး မိမိတို့ကြိုက်နှစ်သက်တဲ့ ဘာသာကို လွတ်လပ်စွာကိုးကွယ်ခွင့်ရတဲ့ မြန်မာနိုင်ငံတော်ဖြစ်ပါတယ်။ နောက်တစ်ခု ကျွန်တော်တို့မြန်မာနိုင်ငံတော်မှာ လူမျိုးပေါင်းစုံဟာ ရှေးပဝေသဏီကတည်းက အတူယှဉ်တွဲလက်တွဲ ပြီးတော့ နေထိုင်လာခဲ့ကြတဲ့ တိုင်းပြည်ဖြစ်ပါတယ်။ ဒီတော့ ကျွန်တော်တို့ဒေသတွင်းမှာလည်း တမြေတည်းနေ၊ တရေတည်းသောက်ပြီးတော့ လက်တွဲနေထိုင်ကြတဲ့ ညီအစ်ကိုများဖြစ်ပါတယ်။ တစ်မြို့တည်းမှာ တစ်ရွာတည်းမှာ အတူတူ ယှဉ်တွဲပြီးတော့ နေထိုင်လာကြတာဖြစ်ပါတယ်။ သို့ပေမယ့် အခုလက်တလော ဖြစ်ပေါ်နေတဲ့ ကိစ္စတွေနဲ့ပတ်သက်ပြီးတော့ ဖြစ်ပေါ်တဲ့အကြောင်းချင်းရာ များဟာ သာမန်အားဖြင့်  လူတစ်ဦးချင်းစီရဲ့ ပုဂ္ဂိုလ်ရေးဆိုင်ရာ ကိစ္စများမှသည် လူအများ၊ လူအများမှ သည် လူမျိုးရေး၊ ဘာသာရေး၊ ဒါတွေကို ယှဉ်တွဲဖြစ်ပြီးဖြစ်ပေါ်လာတဲ့အတွက် အုပ်စုလိုက်ဖြစ်ပေါ်လာ ခဲ့ရတဲ့ကိစ္စတွေဟာ ဒီနေ့ မျက်မြင်တွေ့ခဲ့ရတာဖြစ်ပါတယ်။

    ဒါကြောင့် သာမန်အားဖြင့် နေ့စဉ်နဲ့အမျှ မိမိတို့မိသားစုကိစ္စအ၀၀အရပ်ရပ်ကို ဆောင်ကြဉ်းနေကြတဲ့ ပြည်သူလူထုအရပ်ရပ်တွေမှာ နေ့စဉ်နဲ့အမျှ ကိစ္စအရပ်ရပ်တွေ ရှိနေကြမှာဖြစ်ပါတယ်။ ကိစ္စအရပ်ရပ်တွေရှိနေကြတဲ့အခါမှာ သာမန်အားဖြင့် ဖြစ်ပေါ်နေတဲ့ကိစ္စအရပ်ရပ်ဟာလည်း နေ့တဓူဝ ရှိနေကြမှာဖြစ်ပါတယ်။ ကျွန်တော်တို့ ဘယ်လိုပဲပြောကြသည်၊ ဟောကြသည်ဖြစ်စေ မိသားစုအတွင်းမှာတောင် မိသားစုပြဿနာလေးတွေ ရှိနေကြမှာပဲ၊ အရပ်ထဲမှာလည်း ပြဿနာတွေ ရှိနေကြမှာပဲ။ ဒါကတော့ သဘာဝတရားအရ ရှုမြင်တဲ့ ကိစ္စပါ။ သို့သော်လည်း ဒီဖြစ်ပေါ်နေတဲ့ပြဿနာအကြောင်းချင်းရာတွေကို ဂဃနဏ ရေရေရာရာနဲ့ ထိန်းသိမ်းစောင့်ရှောက်ဖို့ လိုအပ်ပါတယ်။ အကြောင်းချင်းရာတစ်ခုကို ချဲ့ကား၍သော်လည်းကောင်း၊ မမှန်သတင်းပေး၍သော်လည်းကောင်း၊ ပြဿနာကို ပိုကြီးထွားစေတဲ့ကိစ္စကြောင့်သာ ဒီလိုဖြစ်ပေါ်နေ တာဖြစ်ပါတယ်။ ဒါကြောင့် ကျွန်တော်တို့တိုင်းအတွင်း၊ ပုသိမ်ခရိုင်အတွင်း၊ မြို့နယ်အတွင်းမှာ ယခုတက်ရောက်လာကြတဲ့ ညီအစ်ကိုပြည်သူလူထုတွေလည်း ပူးပေါင်းပါဝင်ကြမယ်၊ တာဝန်ရှိတဲ့လူ များကလည်း ဖြစ်ပေါ်လာတဲ့ကိစ္စတွေမှာ ပြည်သူလူထုကို မီးမကူးစက်အောင် ၀ိုင်းဝန်းပြီးတော့ထိန်း ကြောင်းနိုင်ကြဖို့လိုပါတယ်။ အထူးသဖြင့် အေးအေးချမ်းချမ်းနဲ့ ဒေသတွင်းမှာ အေးချမ်းဖို့ဟာ အရေး ကြီးပါတယ်။ ခုနက ဆရာတော်တို့ဟောပြောသွားတဲ့အတိုင်းပဲ ရပ်ရွာမှာ တရားဥပဒေစိုးမိုးပြီးတော့ လုံလုံခြုံခြုံရှိမှသာလျှင် မိမိတို့ရဲ့ အသက်အိုးအိမ်၊ စည်းစိမ် မိမိတို့ရဲ့လုပ်ကိုင်စားသောက်မှုကြီးငယ် မဟူပါ လုပ်ကိုင်စားသောက်လို့ရမှာဖြစ်ပါတယ်။

    ဒါကြောင့် လုံခြုံမှုနဲ့ တရားဥပဒေစိုးမိုးဖို့အတွက်ကို လုံခြုံရေးတပ်ဖွဲ့ဝင်တွေနဲ့တင်မပြီးပါဘူး။ ကျွန်တော်တို့ အခုတက်ရောက်လာကြတဲ့ ရပ်သူရွာသား အားလုံးမှာလဲ ကိုယ်စီတာဝန်ရှိပါတယ်။ ဒါကြောင့် အချုပ်အနေနဲ့ပြောရမယ်ဆိုရင် ကျွန်တော်တို့အခု ဒီကနေ့ ဒီမှာဆွေးနွေးကြတယ်၊ တိုင်ပင်ကြတယ်ဆိုတာဟာ ကျွန်တော်တို့ဧရာဝတီတိုင်းအတွင်းမှာ မတည်မငြိမ် မငြိမ်မသက်ဖြစ်နေကြလို့ ဆောင်ရွက်တာမဟုတ်ပါဘူး။ မတည်မငြိမ်လည်း လုံးဝမရှိပါ ဘူး။ တည်ငြိမ်အေးချမ်းလျက်ရှိပါတယ်။ သို့သော်လည်း ကြိုတင်ပြီးတော့ အားလံုးရဲ့ညီညွတ်မှုအားနဲ့ တို့ဒေသမှာတော့ တည်ငြိမ်ပြီးတော့ အေးအေးချမ်းချမ်းနဲ့ ကိုယ့်အလုပ်ကိုယ် လုပ်ကိုင်စားသောက်ကြ ပြီး ညီရင်းအစ်ကိုလို အတူယှဉ်တွဲ လက်တွဲပြီးတော့ နေထိုင်စားသောက်ကြဖို့လုပ်တဲ့ပွဲလို့ ကျွန်တော်ထင်ပါတယ်။ သာမာန်အားဖြင့် လူထုထဲမှာ ပေါ့ပေါ့လေးနဲ့ ဖြစ်ပေါ်လာနိုင်တဲ့
    အကြောင်းအရာ ကိစ္စတွေကို လေးလေးနက်နက် မဆောင်ရွက်ဘဲနဲ့ တချို့ကျတော့ မိမိရဲ့ စကားလုံး အသုံးအနှုံးနဲ့ အခုခေတ်ကတော့ အင်တာနက်ဝက်ဘ်ဆိုဒ် တခြားဖြန့်ချိမှုတွေမြန်ဆန်တဲ့အတွက် ကြောင့် ဒီဟာတွေကို ပြည်သူလူထုတွေအနေနဲ့ စဉ်းစားချင့်ချိန်၊ ဟုတ်၏မဟုတ်၏ မှန်၏မမှန်၏ကို သက်ဆိုင်ရာဘာသာရေးအကြီးအကဲများ၊ သက်ဆိုင်ရာ လူမှုရေးအဖွဲ့အစည်းအသီးသီး၊ ခေါင်းဆောင် တွေရှိတယ်၊ မြို့မိမြို့ဖတွေ၊ ရပ်ကွက်ထဲမှာဆိုရင် ရပ်မိရပ်ဖတွေရှိတယ်။ ဒီလူကြီးသူမတွေရဲ့ ဆိုဆုံးမ စကားတွေကို လူငယ်အရွယ်မျိုးစုံကနေ စည်းစည်းလုံးလုံးနေဖို့ လိုပါတယ်။

    ဆရာတော်ကြီးများ ဟောကြား သွားတဲ့ သြဝါဒများမှာ မိန်ကြားသွားတဲ့အတိုင်း တဖက်စွန်းရောက်တဲ့ ၀ါဒဖြန့်ချိတဲ့လူပုဂ္ဂိုလ်များကြောင့် ကျွန်တော်တို့ဒေသတွေမှာ အခြားကဲ့သို့မဖြစ်ရအောင် စည်းစည်းလုံးလုံး၊ ညီညီညွတ်ညွတ်ရှိကြဖို့လိုပါတယ်။ ဒါကြောင့် နိဂုံးချုပ်အနေနဲ့ကတော့ ကျွန်တော်တို့ပုသိမ်ဒေသအတွင်း၊ ဧရာဝတီတိုင်းဒေသကြီး အတွင်း၊ အေးချမ်းတည်ငြိမ်ပြီးတော့ တရားဥပဒေစိုးမိုးဖို့အတွက်ကို ကျွန်တော်တို့အခုတက်ရောက် လာကြတဲ့လူထုပရိသတ်၊ လူငယ်လူရွယ်တွေအားလုံးရော အလွှာပေါင်းစုံမှလူများမှလည်း ၀ိုင်းဝန်းကြိုး စားကြရမှာဖြစ်ပါတယ်။ ဒီလိုကြိုးစားကြတဲ့နေရာမှာ  ကျွန်တော်တို့တာဝန်ရှိကြတဲ့ အုပ်ချုပ်ရေးအပိုင်း တွေရှိမယ်၊ လူမှုရေးအဖွဲ့တွေရှိကြမယ်။ ဒီလိုအခြေနေတွေ  ဖြစ်ပေါ်မှုမဖြစ်ရအောင် ကျွန်တော်တို့က ကြိုတင်ကာကွယ်မှုတွေမျိုးစုံလုပ်ကြရမှာဖြစ်တဲ့လူတန်းစားတွေရှိတယ်။ မဖြစ်သင့်တာတွေ မဖြစ်ရအောင် အသေးလေးအသေးလေးမှာကတည်းက ငြိမ်းသက်လိုက်မယ်ဆိုရင် အကြီးကြီး ဆိုတာ ဖြစ်စရာအကြောင်းမရှိပါဘူး။ ဒါကြောင့်အားလုံး ဒေသအတွင်းမှာ တည်ငြိမ်အေးချမ်းအောင် ၀ိုင်းဝန်းပြီး ကြိုးစားပေးကြပါလို့ပြောကြားရင်း နိဂုံးချုပ်အပ်ပါတယ်။”

    ဓါတ်ပုံများ ဆက်လက်ကြည့်ရှု့ရန်

  • မိတ္ထီလာရှိ မွတ်စလင် ဒုက္ခသည် စခန်းများတွင်း အခြေအနေ အလွန်ဆိုးရွားလျက်ရှိ

    ဧပြီ ၈ ၊၂၀၁၃
    M-Media
    ထွန်းတောက်

    7
    Photo-Eleven

    မိတ္ထီလာမြို့ အကြမ်းဖက်မှုများကြောင့် ထွက်ပြေးကြရသော မွတ်စလင်များအား ထားရှိသည့် ဒုက္ခသည်စခန်းများ တွင် အခြေအနေအလွန်ဆိုးရွားလျက်ရှိသည်။

    မြန်မာသတင်းများတွင် လှူဒါန်းမှုများ၊ ကူညီမှုများကို ဝေေ၀ဆာဆာရေးသားဖော်ပြနေကြသော်လည်း မွတ်စလင် ဒုက္ခသည်များအတွက်မူ ထိန်းသိမ်းရေး စခန်းကဲ့သို့ ဖြစ်နေကြောင်း၊ အစားအသောက် အနေအထိုင် အခြေအနေ အလွန်ဆိုးလျက်ရှိကြောင်း မိသားစုဝင်များကဆိုသည်။

    လိုအပ်သည့် စားနပ်ရိက္ခာများလည်း မရရှိကြောင်း မိတ္ထီလာ ဘောလုံးကွင်း အတွင်းရောက်နေသည့် မိသားစုဝင် တဦးက ပြောပြသည်။

    “မွတ်စလင်တွေအတွက် အစားအသောက် အလုံအလောက် မပေးဘူး။ မာမား ခေါက်ဆွဲခြောက် တယောက်တစ် ထုပ်စီ ခုနနေတစ်ထုပ် ခုနနေတစ်ထုပ် လာလာဝေတယ်။ ခုဆိုရင် သောက်ရေသန့်  တစ်ဗူးကို နှစ်ယောက် သုံး ယောက် သောက်ခိုင်းတယ်”

    နေထိုင်ရေးနဲ့  ပတ်သက်ပြီး တခြားမိသားစုဝင် တစ်ဦးက “ဆေးလည်းမပေးဘူး၊ အပြင် ထွက်ဝယ်မယ်ဆို တော့လည်း ပေးမထွက်ဘူး၊ အဲ့ဒီ ဒုက္ခသည်စခန်းဆိုတာ ထိန်းသိမ်းရေး စခန်းလိုဖြစ်နေတယ်” ဟုဆိုသည်။

    လူ ကိုးထောင်ကျော်ရှိသည့် အဆိုပါ ဒုက္ခသည်စခန်းတွင် အိမ်သာ ၄ လုံးသာရှိကြောင်း၊ သက်ကြီးရွယ်အိုများနှင့် ကလေးများလည်းရှိရာ ကျန်းမာရေးဆိုင်ရာ သန့် ရှင်းရေးကိစ္စများအတွက် စိုးရိမ်ရကြောင်း သိရသည်။

    “ဗုဒ္ဓဘာသာတွေကိုတော့ စတိတ်ကျောင်းမှာထားတယ်ဗျာ၊ သူတို့ အတွက် အမိုးအကာ အပြည့်အ၀ရှိတယ်။ ကျ နော်တို့ မွတ်စလင်တွေအတွက်တော့ ဟင်းလင်းပြင်ကြီးမှာထားတယ်၊ အမိုးအကာမရှိ အိပ်သာမရှိ။ အစားအ သောက်ကျတော့လည်း လှူဒါန်းထားတာတွေ မရဘူး။ လှူထားတဲ့ ပစ္စည်း အကဒ်လိုက် အကဒ်လိုက်တွေကို ဗုဒ္ဓဘာသာဝင်တွေအတွက် သယ်သွားပြီး မွတ်စလင်တွေအတွက်တော့ အကန့် အသတ်နဲ့ ပဲရတယ်။ ဒါကြောင့် လှူဒါန်းတဲ့လူတွေအနေနဲ့  အာဏာပိုင်တွေလက်ထဲ ပုံအပ်လိုက်တာမဟုတ်ပဲ ကိုယ်တိုင်ကိုယ်ကျ ထောက်ပံ့ပေးသင့်တယ်။” ဒုက္ခသည်စခန်းအတွင်းမှ မွတ်စလင်တဦးမှ M-Media သို့ပြောကြားခဲ့တာပါ။

  • နာဇီလက်သစ် ဗုဒ္ဓဘာသာဝင် အုပ်စုကို မြန်မာ အစိုးရမှ ဦးတည်လာခြင်း (ဘာသာပြန်)

    ဧပြီ ၈ -၂၀၁၃

    မူရင်း-The Straits Times မှဖော်ပြသည့် Myanmar govt targets ‘neo-Nazi’ Buddhist group 969 movement blamed for role in anti-Muslim violence ဆောင်းပါးကို M-Media မှ ဆီလျော်အောင် ဘာသာပြန်ဆိုပါသည်။

     

    မွတ်စ်လင်မ်ဆန့်ကျင်ရေးအခန်းကဏ္ဍနှင့်ပါဝင်ပတ်သက်သည်ဟု ပြစ်တင်ရှုံ့ချခံနေရသော နာဇီလက်သစ် ဗုဒ္ဓဘာသာဝင်အုပ်စုကို  မြန်မာအစိုးရမှ ဦးတည်လာခြင်း

    neo-nazi969
    ၉၆၉ ကို ဗုဒ္ဓ၀ါဒ၏အမှတ်သညာကဲ့သို့ ပြုလုပ်၍ မြန်မာနိုင်ငံ၏လက်သစ်နာဇီများ ဟု သတ်မှတ်ခံနေရသောအုပ်စု၏ မွတ်စ်လင်မ်ဆန့်ကျင်ရေး လှုပ်ရှားဆောင်ရွက်ချက်သည် နိုင်ငံတစ်ဝှန်းမှ စောင့်ကြည့်ခံနေရသည့်အနေအထားသို့ ရောက်လာပြီဖြစ်သည်။

    အကြမ်းဖက်မှုကိုလက်ပြောင်းပေးခြင်း မဟုတ်ကြောင်း သက်သေပြရန်အလို့ငှာ အစိုးရပိုင်းမှ ယင်းအုပ်စုအား စတင်ဆန့်ကျင်ဆောင်ရွက်လာသည်။ ရခိုင်လူငယ်အဖွဲ့ဝင်တစ်ဦးဖြစ်သူ ရဲမင်းဦးသည် လွန်ခဲ့သည့်လအတွင်း လူ ၄၀ ဦးထက်မနည်း အသက်ဆုံးရှုံးစေခဲ့သော မိတ္ထီလာမြို့အကြမ်းဖက်မှုဖြစ်လာအောင် လှုံ့ဆော်သူများအနက် အပါအ၀င်ဖြစ်သည်။ အကြမ်းဖက်မှုစွဲချက်ဖြင့် မတ်လ ၂၅ ရက်တွင် ထိန်းသိမ်းခံရပြီး၊ ကြာသပတေးနေ့က ရန်ကုန်တရားရုံးတစ်ခု၌ စစ်ဆေးခဲ့သည်။

    မွတ်စ်လင်မ်ဆန့်ကျင်ရေးအကြမ်းဖက်မှုသည် ပဲခူးဒေသ၌ ထပ်မံဖြစ်ပွားခဲ့ရာ NLD ပါတီဝင် အောင်မြတ်သူ ကိုလည်း မတ်လ ၂၇ ရက်နေ့က ဖမ်းဆီးခဲ့ကြောင်း RFA မှ ပြောကြားသည်။ ရခိုင်လူငယ်အစည်းအရုံးအဖွဲ့ဝင် ဖိုးသား ကိုလည်း ရဲမင်းဦးနှင့် လည်းကောင်း၊ မွတ်စ်လင်မ်မုန်းတီးရေးတရားများဖြင့် ကျော်ကြားနေသူ မန္တလေးအခြေစိုက် ဗုဒ္ဓဘာသာဘုန်းကြီး ဦးဝီရသူနှင့်လည်းကောင်း ပတ်သက်ဆက်နွှယ်မှု ရှိမရှိဟူသည် အာဏာပိုင်များက မေးမြန်းခဲ့ကြောင်း RFA မှ ၄င်း၏စကားအား ကိုးကား ဖော်ပြခဲ့သည်။

    ၉၆၉ လှုပ်ရှားမှုသည် ရခိုင်ပြည်နယ်အတွင်းမှ ခါတော်မှီစတင်လာခဲ့ခြင်းဖြစ်သည်။ ရခိုင်မှ လူနည်းစုမွတ်စ်လင်မ်တို့အား ဦးတည်အကြမ်းဖက်လှိုင်းလုံးမှာ လွန်ခဲ့သည့်နှစ်က ပေါ်ထွက်ခဲ့သည်။ လူများစွာ သေကြေပျက်စီးခဲ့ပြီး ရိုဟင်ဂျာလူမျိုး တစ်သိန်းဝန်းကျင်မှာ ဒုက္ခသည်စခန်းများသို့ ရောက်နေကြရသည်။

    ၉၆၉ စတေကာများကို ဈေးဆိုင်များတွင် ရောင်းချနေပြီး၊ ဗုဒ္ဓဘာသာဝင်တို့၏ ခရီးသည်တင်ကားများ၊ လုပ်ငန်းများ နှင့် နေအိမ်များ၌ ကပ်ထားသည်ကို တွေ့နေရသည်။ ယင်းရောင်စုံစတေကာပုံက အိန္ဒိယမှ အာသောကမင်းကြီး၏ ခြင်္သေ့ခေါင်းလေးလုံးပါကျောက်တိုင်ကို ပုံဖော်ထားသည်။ ယင်းပြည့်ရှင်မင်းမှာ ယေရှုခရစ်တော်မပွင့်ပေါ်မှီ နှစ်ပေါင်း ၂၆၀ ခန့်က ဂေါတမဗုဒ္ဓ၏ဒေသနာတော်များကို အိန္ဒိယ နှင့် အရှေ့တောင်အာရှတခွင်သို့ ဖြန့်ချိခဲ့သူဖြစ်သည်။

    မိမိ၏ကားအတွင်း၌ စတေကာကပ်ထားသော ရန်ကုန်မြို့ရှိ တက္ကစီဒရိုင်ဗာတစ်ဦးက  “ ဒါက ဗုဒ္ဓရဲ့အဆုံးအမကိုလိုက်နာအောင် ကျွန်တော်တို့ကို ပြုလုပ်ပေးတဲ့ ဘာသာရေးအုပ်စုပါ ” ဟူ၍ The Straits Times အား ပြောပြခဲ့သည်။ သို့ရာတွင် ၄င်းမှာ အစွန်းရောက်ဗုဒ္ဓဘာသာဝင်တို့၏ အမှတ်အသားသင်္ကေတတစ်ခု ဖြစ်နေကြောင်း၊ မွတ်စ်လင်မ်မုန်းတီးမှုကိုသာဦးတည်နေပြီး သြဇာကြီးမားသည့်အသိုင်းအ၀ိုင်းများမှ ထောက်ကူပံ့ပိုးနေကြောင်း၊ မတည်ငြိမ်မှုကိုအကြောင်းပြု၍ စစ်တပ်မှ အသာတကြည် အာဏာပြန်သိမ်းလိုမှုဟု ထင်မြင်ရကြောင်း ကိုယ်တွေ့ကြုံသူမှ ဆိုသည်။

    The Straits Times မှ ဖော်ပြသော အင်တာဗျူးများ၌ှ အကြမ်းဖက်မှုခံရသူ မြောက်များစွာတို့သည် ၉၆၉ အား အဓိကဇာတ်ကောင်အဖြစ် ညွှန်းပြထား၏။

    ပဲခူးဒေသမှ အမည်မဖော်လိုသူ လက်ဖက်ရည်ဆိုင်ပိုင်ရှင် NLD ပါတီဝင်တစ်ဦးက ယင်းဖြစ်စဉ်အား မျက်မြင်တွေ့ခဲ့ရပုံကို အောက်ပါအတိုင်း ပြောပြခဲ့သည်။

    မိတ္တီလာအကြမ်းဖက်မှု ၃ ရက်မြောက် မတ်လ ၂၃ ရက်တွင် ပဲခူးဒေသအတွင်း၌ အကြမ်းဖက်မှုဆက်ဝင်ဦးမည့် ကောလဟလများ စတင်ခဲ့သည်ဟု ဆိုသည် ။

    “ ဗုဒ္ဓဘာသာဝင်များ မိမိတို့ဘာသာကို ကာကွယ်ကြလို့ ဆိုပြီး ၉၆၉ စတေကာတွေ၊ စာစောင်တွေနဲ့အတူ အရှင်ဝီရသူဟောကြားတဲ့ DVD တစ်ချပ်ကို အကြီးအကျယ် အလုံးအရင်း ဖြန့်ချိခဲ့ကြပါတယ် ”။

    နောက်တစ်နေ့တွင် ဒေသခံ NLD ၊ မွတ်စလင်မ် နှင့် ဗုဒ္ဓဘာသာခေါင်းဆောင်များသည် အကြမ်းဖက်မှုမဖြစ်ပေါ်စေရေး နှင့် မွတ်စ်လင်မ်အသိုင်းအ၀ိုင်းအား အကာအကွယ် ပေးရေး တို့ကို တွေ့ဆုံစီစဉ်ခဲ့ကြသည်။ သို့သော် နောက်တစ်နေ့ညဥ့်တွင် သံဃာ ၄၀ ခန့်နှင့်အရပ်သားအချို့ပါဝင်သောအကြမ်းဖက်အုပ်စုသည် မြို့တွင်းသို့ ပြင်ပမှဝင်ရောက်လာပြီး၊ မွတ်စ်လင်မ်တို့၏ နေအိမ်နှင့်ဆိုင်ခန်းများကို ရဲတင်းပုဆိန်များ၊ တုတ်များဖြင့် ပိရိကျနစွာ ဖျက်ဆီးသွားခဲ့သည်။ မြို့ပြင်ပရှိ ကျေးရွာသားများစွာကလည်း ထိုအုပ်စုနှင့် ပူးပေါင်းခဲ့ကြကြောင်း၊ ဗလီ၏မျက်နှာစာအား ဖျက်ဆီးရန်အတွက် ထရက်တာကားကြီးတစ်စီးကို အသုံးပြုခဲ့ကြောင်း၊ ၄င်းကိုမောင်းနှင်သူမှာ ပိတ်စမျက်နှာဖုံးစွပ်ထားကြောင်းကိုလည်း တွေ့ခဲ့ရပေသည်။ အဘယ်ကြောင့် ယင်းသို့ပြုရသည်ကိုမေးမြန်းရာ ၄င်းတို့က ဤမွတ်စ်လင်မ်များသည် မြန်မာနိုင်ငံမှ မဟုတ်ပါ ဟု ပြောဆိုကြောင်း ယင်း NLD ပါတီဝင်မှ ပြောပြခဲ့သည်။

    ဗြိတိန်အခြေစိုက် လူမှုလှုပ်ရှားဆောင်ရွက်သူ ဒေါက်တာ မောင်ဇာနည်မှ ၉၆၉ လှုပ်ရှားမှုအား ပထမဆုံးသတိပေးခဲ့သည်။

    “ ဗုဒ္ဓအယူဝါဒ၊ မြန်မာလူမျိုး၊ ဗုဒ္ဓဘာသာတိုင်းပြည်ကို မြန်မာမွတ်စ်လင်မ်လက်ထဲက ကယ်တင်ဖို့လို့ကြွေးကြော်ချက်နဲ့ အစွန်းရောက်ဗုဒ္ဓဘာသာဘုန်းတော်ကြီးတစ်ချို့ ဦးဆောင်ပြီး မြန်မာပြည်တွင်းက နာဇီလက်သစ်တွေနဲ့ ၉၆၉ ကို တည်ထောင်ခဲ့ကြတာပါ။ ၉ ဆိုတာ ဗုဒ္ဓဂုဏ်တော် ကိုးပါး၊ ၆ ဆိုတာ ဓမ္မဂုဏ်တော် ၆ ပါး၊ နောက် ၉ ကိုးဆိုတာ သံဃာ့ဂုဏ် ၉ ပါး (သို့) သံဃာ့အမိန့်ကို ရည်ညွှန်းထားတယ်။ အဲ့ဒီဂိုဏ်းကို အထင်ရှားဆုံးဦးဆောင်နေသူကတော့ သင်္ကန်းခြုံဘုန်းကြီးတု မစ္စတာ ၀ီရသူ ပါဘဲ။ သူဟာ  မွတ်စ်လင်မ်တွေကို အစုလိုက်အပြုံလိုက် သတ်ဖြတ်မှု၊ ဗလီ ၀တ်ကျောင်းတော်ဖျက်ဆီးမှုနဲ့ ၂၀၀၃ ခုနှစ်တုန်းက ထောင်နန်းစံခဲ့ရသူ ဖြစ်တယ် ” ဟု မိတ္ထီလာအရေးဖြစ်ပွားသောအခါ သူမှ ရေးသားဖော်ပြခဲ့သည်။

    လွန်ခဲ့သည့်ရက်သတ္တပတ်က Myanmar Peace Centre တွင် အဖွဲ့ပေါင်းစုံမှ  ကျင်းပပြုလုပ်ခဲ့သော ငြိမ်းချမ်းမှုပြန်လည်ဖော်ဆောင်တည်ဆောက်ရေး သဘောတူညီချက်တွင် ဦးဝီရသူမှ လက်မှတ်ရေးထိုးခဲ့သော်လည်း၊ ရက်အနည်းငယ်လွန်ပြီးသည့်နောက် BBC အင်တာဗျူး၌ မွတ်စ်လင်မ်မုန်းတီးရေးစကားများကို ဆိုခဲ့ပြန်သည်။

    အမည်မဖော်လိုသူ ရန်ကုန်အခြေစိုက်သုတေသီတစ်ဦးမှ The Straits Times သို့ “ ခွေးမြီးကောက် ကျည်တောက်စွပ် ဆိုတဲ့ စကားပုံရှိပါတယ်။ ဦးဝီရသူဟာ အကြီးစား ပြဿနာရှာသူဖြစ်လာတော့ အစိုးရဖက်ကလည်း လိုက်လျောလိုစိတ် ရှိတော့မှာ မဟုတ်ပါဘူး။ သူ နဲ့အတူ အကြမ်းဖက်မှု နောက်ကွယ်ကြိုးကိုင်vသူများကိုလည်း စောင့်ာကြည့်နေကြပါတယ် ” ဟု ပြောကြားခဲ့သည်။

    ပြီးခဲ့သော သောကြာနေ့က ဗုဒ္ဓဘာသာနှင့်မွတ်စ်လင်မ်အဖွဲ့များသည် ဘာသာလူမျိုးအဓိကရုဏ်း မဖြစ်ပွားစေရေး စာတန်းနှင့်စတေကာတို့ကို ရန်ကုန်မြို့တွင်း၌ ဖြန့်ချိဝေငှခဲ့ကြသည်။ “ ၉၆၉ ဂိုဏ်းသားတွေဟာ ကျွန်တော့်ဆိုင်ထဲရောက်လာပြီး ဆိုင်မျက်နှာစာမှာ သူတို့ စတေကာတွေကို ကပ်ခိုင်းကြတယ်။ ကျွန်တော်ကတော့ – မလုပ်နိုင်ပါဘူး၊ ကျွန်တော့် ဆိုင်နံရံပေါ်မှာရှိနေတဲ့ ဆွမ်းတင်ဘုရားစင်ကို ကြည့်ပါ ၊ ဒါဟာ ဗုဒ္ဓအယူဝါဒစစ်စစ်ပါဘဲ၊ ဒါနဲ့တင် လုံလောက်ပြည့်စုံနေပါပြီလို့  ဆိုင်လုပ်သားကနေတဆင့် အဲ့ဒီမျက်နှာစိမ်း လူတွေကို ပြောခိုင်းလိုက်ပါတယ် ” ဟု ပဲခူးရှိ လက်ဖက်ရည်ဆိုင်ရှင်တစ်ဦးက Straits Times သို့ ပြောပြခဲ့ပါသည်။

  • ဒေါ်အောင်ဆန်းစုကြည်နှင့် အစ္စလာမ်ဘာသာရေး အဖွဲ့ကြီး တွေ့ဆုံဆွေးနွေး

    ဒေါ်အောင်ဆန်းစုကြည်နှင့် အစ္စလာမ်ဘာသာရေး အဖွဲ့ကြီး တွေ့ဆုံဆွေးနွေး

    ဧပြီ ၈၊ ၂၀၁၃
    M-Media
    အမ်တူးအေ

    ရန်ကုန် ။          ။        နိုင်ငံတော်တွင် ဖြစ်ပေါ်နေသော လက်ရှိ အကြောင်းအရာများနှင့် နိုင်ငံတော်အတွင်း စည်းလုံးညီညွတ်မှုရစေရန် ရည်ရွယ်၍ အစ္စလာမ် ဘာသာရေး အဖွဲ့ကြီးသည် ဒေါ်အောင်ဆန်းစုကြည်နှင့် ရန်ကုန် ဗဟန်းမြို့နယ်ရှိ NLD ရုံးချုပ်၌ ယနေ့ နံနက် ၁၁း၃၀ နာရီတွင် တွေ့ဆုံဆွေးနွေးခဲ့ကြကြောင်းသိရသည်။

    အစ္စလာမ်ဘာသာရေးအဖွဲ့ကြီးမှ ဦးဝဏ္ဏရွှေ၊ အလ်ဟာဂ်ျမောင်လာနာ ဦးသိန်းမြင့်၊ ဟာဂျီ ဦးမြင့်ထွန်း၊ ဟာဂျီ ဦးကျော်ခင်၊ ဟာဂျီဦးကိုကိုလတ်၊ ဦးကျော်ငြိမ်း စသူတို့သည် ဒေါ်အောင်ဆန်းစုကြည်နှင့် ဆွေးနွေးကြရာတွင် နိုင်ငံအတွင်း အေးအေးချမ်းချမ်း နေထိုင်နိုင်ကြရန် ဆွေးနွေးခဲ့ကြကြောင်းလည်း သိရပါသည်။

    ယင်းဆွေးနွေးပွဲတွင် ဒေါ်အောင်ဆန်းစုကြည်မှ  “ညီညီညွတ် ညွတ်လုပ်ဆောင်စေဖို့ အကြံဥာဏ်ပေးစေချင်တယ်။ ဒါပေမယ့် အခက်အခဲတွေရှိရင်လည်း ပွင့်ပွင့်လင်းလင်းတင်ပြပါ။ ဘာဖြစ်လို့လဲဆိုတော့ လူနည်းစုများဟာ အခက်အခဲဆိုတာ ရှိတတ်ပါတယ်။ ဒါကတော့ ကျွန်မတို့ နိုင်ငံတင် မဟုတ်ဘူး။ နိုင်ငံတိုင်းမှာ ဖြစ်တတ်ပါတယ်။ ကျွန်မတို့ ဒီလိုပြဿနာတွေဖြစ်တာ ဘာကြောင့်ဖြစ်သလဲဆိုတာ ဇစ်မြစ်ကို ရှာဖွေပြီး နောင်ပြဿနာတွေ မဖြစ်အောင် ကျွန်မတို့ အားလုံးဝိုင်းဝန်းပြီး ကြိုးစားကြရမယ်။ အဲဒါအတွက်ကို ကျွန်မတို့ကို အကြံဥာဏ်ပေးပါ။ အခက်အခဲတွေရှိလည်း ပွင့်ပွင့်လင်းလင်း တင်ပြပါ။

    အမှန်ပြောရရင် ကျွန်မတို့က နိုင်ငံရေးအဖွဲ့အစည်းတစ်ခုပဲ။ အစိုးရအဖွဲ့မဟုတ်ပါဘူး။ သို့သော်ငြားလည်း ကျွန်မတို့က ပြည်သူလူထုနဲ့ နီးနီးကပ်ကပ်နေတဲ့ နိုင်ငံရေးအဖွဲ့ အစည်းဆိုတော့ အစိုးရမဟုတ်လည်း တာဝန်မရှိဘူးလို့ မသတ်မှတ်ပါဘူး။ လူတိုင်းမှာ တာဝန်ရှိပါတယ်။ နိုင်ငံသားတိုင်း တာဝန်ရှိတယ်။ ကျွန်မတို့လို နိုင်ငံရေးပါတီဆိုရင်တော့ တာဝန်မကင်းဘူး။ အခု မိတ္ထီလာမှာဖြစ်တဲ့ကိစ္စတွေကို ကျွန်မတို့ဘက်က လုပ်တာတွေကို တင်ပြရမယ်ဆိုရင် ကျွန်မတို့ဘက်က ဘာမှပြောတာဆိုတာ ကြေညာချက်တွေထုတ်တာ မရှိပေမယ့် ပထမဆုံးဖြစ်တဲ့နေ့ကတည်းက ဦးဝင်းထိန်ကို နေပြည်ကနေ မိတ္ထီလာလွှတ်လိုက်တယ်။ ချက်ချင်းကြားကြားချင်း ပဋိပက္ခဖြစ်ပြီဆိုတာနဲ့ ဦးဝင်းထိန်ကလည်းသွားရမလား၊ ကျွန်မကလည်း သွားပါ၊ ချက်ချင်းသွားပါဆိုတော့ ချက်ချင်း အဲ့ဒီနေ့ကတည်းက မိတ္ထီလာရောက်သွားတယ်။ ကျွန်မတို့ တစ်ချိန်လုံး အဆက်အသွယ်ရှိနေတယ်။ တရားဥပဒေ စိုးမိုးရေးအတွက် ဘာလုပ်သင့်တယ်ဆိုတာကို ကျွန်မတို့ တစ်ယောက်နဲ့တစ်ယောက် ညှိပြီးလုပ်တယ်။ အခြေအနေဘယ်လိုရှိတယ်ဆိုလည်း ဦးဝင်းထိန်က တစိုက်မတ်မတ်သတင်းပို့လို့ သိခဲ့ရတယ်။ အဲဒီတော့ အဲဒီမှာ ကျွန်မ အမြဲပြောတာက အဲလို ပဋိပက္ခတွေမဖြစ်ဖို့အတွက် ပထမဦးဆုံးလိုအပ်ချက်က ဥပဒေစိုးမိုးရေး၊ တချို့က ကျွန်မက ဥပဒေစိုးမိုးရေးကို အလွန်အကျွံ ဇောင်းပေးတယ်လို့ထင်တယ်။ ဒါက လိုအပ်ချက်ပါ။ ဘာဖြစ်လို့လဲဆိုတော့ ဥပဒေစိုးမိုးရေးဆိုတာ မရှိရင် အကြမ်းဖက်မှုဆိုတာ ဖြစ်နိုင်တယ်။ အကြမ်းဖက်မှုဖြစ်ပြီဆိုရင် အပျက်အစီး အသေအကြေတွေ ရှိမယ်ဆိုရင် အရှိန်အဟုန်တက်လာတယ်။ မကျေနပ်မှုတွေ၊ ဒေါသတွေဖြစ်လာတော့ ပိုပိုပြီးတော့ ကိုင်တွယ်ရ ခက်လာတယ်။ ဒါကြောင့် ဥပဒေစိုးမိုးရေးကို အဓိကထားပြောတယ်ဆိုတာ မဖြစ်သင့်တဲ့ကိစ္စတွေ မဖြစ်အောင်လို့၊ စောစောစီးစီးကတည်းကနေ တားထားလို့ရအောင်။ တစ်ယောက်နဲ့တစ်ယောက် ဆဲရုံဆိုရုံနဲ့က မြန်မြန်ပြေလည်အောင် လုပ်လို့ရတယ်။ နောက်တစ်ဆင့် ရိုက်ရုံပုတ်ရုံနဲ့လည်း နည်းနည်းမဆိုးဘူး။

    ဒါပေမယ့် သတ်တဲ့ဖြတ်တဲ့အဆင့် ရောက်လာပြီဆိုရင် ပြေလည်ဖို့ရာ တော်တော်ခက်သွားပြီ။ ဒါကြောင့် ကျွန်မ ဥပဒေစိုးမိုးရေးကို ဦးစားပေးတာပါ။ ကိုဝင်းထိန်နဲ့လည်း ကျွန်မ တစ်ချိန်လုံး အဆက်သွယ် လုပ်နေတဲ့အခါမှာ ဥပဒေ စိုးမိုးရေးကိုပဲ အဓိကထားပြောတာပါ။ နောက်တစ်ခုကလည်း ကာကွယ်ရမည်။ ဒုက္ခသည်တွေကို ကာကွယ်ရမယ်။ အကြမ်းဖက်မှုကို လုံးဝ အားမပေးရဘူး။ အကြမ်းမဖက်တဲ့ဘက်က ရပ်တည်ရမယ်။ အကြမ်းဖက်တဲ့ကိစ္စတွေကို ဆန့်ကျင်ရမယ်ဆိုတာ ဦးဝင်းထိန်က တစိုက်မတ်မတ်လုပ်သွားပါတယ်။ ကျွန်မ ကြွားပြောတယ်ဆိုရင်လည်း အပြောခံရမှာပါ။ မိတ္ထီလာမှာ အစကတည်းက တတ်နိုင်သလောက် လူမှုရေးအရ လုပ်ဆောင်ပေးတာက ဦးဝင်းထိန်ဦးဆောင်ပြီးတော့ NLD အဖွဲ့က လုပ်ပေးပါတယ်။ ကျန်တဲ့ ပတ်ဝန်းကျင်က မန္တလေးစသဖြင့် မြို့တွေကလည်း ကူညီပေးပါတယ်။ ကျွန်မတို့ ကော့မှူးရွာကတောင်မှ မနေ့ကထိ တတ်နိုင်သမျှ ကူညီပေးပါတယ်။ ဒါပေမယ့် ကျွန်မတို့ကတော့ အလုပ်နဲ့ပဲ ပြချင်တယ်။ ကြေညာချက်ထုတ်တာတို့ ပြောတာဆိုတာတို့ထက် အလုပ်နဲ့ပဲ ထိထိရောက်ရောက်ပြစေချင်တယ်။ ကျန်တဲ့သူတွေကိုလည်း အလုပ်နဲ့ပြတာကိုပဲ ဦးစားပေးစေချင်တယ်။ အလုပ်နဲ့ပြတယ်ဆိုတာ ပဋိပက္ခတွေ မပွားရေးအတွက်၊ နောက်ပြီးတော့ ဒုက္ခရောက်တဲ့သူတွေကို ဘယ်ဘာသာဝင်ပဲဖြစ်ဖြစ် တတ်နိုင်သမျှကူညီရေးအတွက် နောက် ပြေလည်ရေးအတွက်။ ဒီတော့ ကျွန်မတို့ဘက်ကတော့ ကျွန်မတို့ အတတ်နိုင်ဆုံး လုပ်သင့်လုပ်ထိုက်တယ်လို့ ထင်တာကို လုပ်ခဲ့ပါတယ်။ ပိုပြီးတော့ လုပ်သင့်လုပ်ထိုက်တယ်လို့ထင်တာတွေကို ကျွန်မတို့ကို အကြံဥာဏ် ပေးပါ။ နောင် ဒီလို ကိစ္စတွေ ထပ်မဖြစ်အောင်လို့။ ကျွန်မတို့ ဒီနိုင်ငံမှာ အေးအေးချမ်းချမ်း နေနိုင်အောင်လို့ တတ်နိုင်သမျှ ဘယ်လိုလုပ် သင့်တယ်ဆိုတာလည်း ကျွန်မတို့ကို အကြံဥာဏ်တွေ ပေးစေချင်ပါတယ်။” ဟု ပထမပိုင်းတွင် နှုတ်ခွန်းဆက် စကားပြောကြားခဲ့ကြောင်း သိရသည်။

    ဘာသာရေးအဖွဲ့ကြီးမှ ပြန်လည်တင်ပြဆွေးနွေးရာတွင် “လေးစားရတဲ့ တရားဥပဒေစိုးမိုးရေးနှင့် တည်ငြိမ်အေးချမ်းရေး ကော်မတီဥက္ကဌ၊ အမျိုးသားဒီမိုကရေစီ အဖွဲ့ချုပ်ဥက္ကဌ ဒေါ်အောင်ဆန်းစုကြည်နှင့် တကွ၊ NLD အဖွဲ့ချုပ် နာယကကြီးများနှင့် အစ္စလာမ့်အဖွဲ့အစည်းမှ တာဝန်ရှိပုဂ္ဂိုလ်များနဲ့ တွေ့ဆုံရသည့်အတွက် ၀မ်းသာကြောင်း၊ ယခုဖြစ်ပေါ်နေတဲ့ လုပ်ရပ်များနဲ့ လုံခြုံရေးတာဝန်ရှိသူတွေရဲ့ တာဝန်ပျက်ကွက်မှုများ၊ ပြဿနာတွေ ကျယ်ပြန့်ပြီးတော့ အစ္စလာမ်ဘာသာဝင်တို့ရဲ့ အသက်အိုးအိမ် စည်းစိမ်သာမက သာသနိက အဆောက်အအုံတွေ၊ ဗလီတွေဖျက်ဆီးခံရတဲ့အထိကို အကြောင်းအမျိုးမျိုးနဲ့ တင်ပြဆွေးနွေးလိုကြောင်း၊ ဥက္ကဌကြီးအနေနဲ့ ဂရုတစိုက် နားသောတဆင်ပြီးတော့ မိမိတို့ရဲ့ ကိုယ်စွမ်း၊ ဥာဏ်စွမ်း၊ အာဏာစွမ်းရှိသဖြင့် ကူညီဆောင်ရွက်ပေးပါရန် အလေးအနက် မေတ္တာရပ်ခံကြောင်း၊ မိမိတို့တွေ၏ နဖူးစာကောင်းမှုကြောင့် ကမ္ဘာ့ငြိမ်းချမ်းရေးနိုဗယ်လ်ဆုရှင်တစ်ဦး မိမိတို့နိုင်ငံတွင် ရှိနေသည့်အတွက် အလွန်ပဲ အားရ၀မ်းသာကြောင်း၊ အစ္စလာမ်ဘာသာဝင် လူထုအနေနှင့်လည်း ငြိမ်းချမ်းရေးကို လိုအပ်နေကြောင်း၊ ဒါကြောင့် ထာဝစဉ်ငြိမ်းချမ်းရေးကို လက်ဆွဲပြုထားတဲ့ အမေစုတစ်ယောက် ငြိမ်းချမ်းရေးကို နည်းမျိုးစုံနဲ့ ဖော်ဆောင်တတ်တဲ့ အမေစုအနေဖြင့် ကျွန်တော်တို့ စိတ်အားငယ်ပြီး စိုးရိမ်ထိတ်လန့်နေရတဲ့ မြန်မာနိုင်ငံရှိ မွတ်စလင်မ်များကို အားပေးမှု၊ ကူညီပေးပါရန် ယုံကြည်အားကိုးစွာဖြင့် မေတ္တာရပ်ခံပန်ကြားကြောင်း မိတ်ဆက်ပြောကြားခဲ့ကြောင်းလည်း သိရသည်။

    မိမိတို့ ဆွေးနွေးလိုကြသည်မှာလည်း ဒေါ်အောင်ဆန်းစုကြည်ပြောကြားခဲ့သော ပြဿနာများရေရှည်မှာ မဖြစ်အောင်ဆိုသည့်အချက်ပေါ် မူတည်ကြောင်း၊ မိမိတို့နိုင်ငံတွင် လွန်ခဲ့သောနှစ်ပေါင်း ၅၀-ခန့်ကတည်းက ပြောလိုသည်မပြောရ၊ လုပ်လိုသည်မလုပ်ရဖြင့် နေလာခဲ့ပြီးမှ ရုတ်တရက် လွန်မြောက်လာသောအခါ အသီးသီးမှာ ခံစားချက်တွေ ရှိလာခဲ့ကြပြီး၊ အမှောင်တွင်းမှ အလင်းထဲသို့ ရုတ်တရက်ရောက်ရှိလာချိန်တွင် မိမိညီနောင် အချင်းချင်း တစိမ်းပြင်ပြင် နေမိလာကြကြောင်း၊ နိုင်ငံတော်၏ သမိုင်းကို ပြန်ကြည့်ပါက ရှေးမြန်မာမင်းများ လက်ထက်ကတည်းက အစ္စလာမ်သာသနာရောက်ရှိခဲ့ကြောင်း၊ နိုင်ငံမှာ အများစုက ဗုဒ္ဓဘာသာဝင်များဖြစ်ကြပြီး မေတ္တာ တရားကြီးများစွာဖြင့် စောင့်ရှောက်ခဲ့ကြကြောင်း၊ ဘုရားကျောင်းကန်များရှိခဲ့သည့်နည်းတူ ဗလီများတည်ရှိခွင့်ကိုလည်း လွတ်လပ်စွာ ခွင့်ပေးခဲ့ကြကြောင်းပြောပါသည်။ ဆက်လက်ပြီး နိုင်ငံတော်တွင် လွတ်လပ်ရေး ဆုံးရှုံးပြီးနောက်ပိုင်း ၁၉၃၀-ခုနှစ်ခန့်ကက ဘာသာရေးအဓိကရုဏ်းစဖြစ်ခဲ့ကြောင်း၊ ရှေ့မြန်မာမင်းများလက်ထက်တွင် ဘာသာရေး အဓိကရုဏ်းဆိုသည် မကြားဖူးခဲ့ကြောင်း၊ ၁၉၃၈-ခန့်ကနောက်တစ်ကြိမ်ဖြစ်ပွားခဲ့သော ဘာသာရေးအဓိကရုဏ်းသည်လည်း ၁၉၃၁-ခုနှစ်ခန့်က ထုတ်ထားသည့် မော်လ၀ီ-ယောဂီစာအုပ်ကို ပြန်ထုတ်ပြီး လှုံ့ဆော်ခဲ့ကြကြောင်း၊ ယင်းအချိန်ကာလသည် မြန်မာ့သမိုင်းတွင် နိုင်ငံရေးဒီရေအတက်ဆုံး အချိန်ဖြစ်သည့်အတွက် အရေးကြီးဆုံး အချိန်တွင် နိုင်ငံရေးအာရုံလွှဲသည့် ဖန်တီးချက်ဟု မိမိတို့အနေနှင့် သုံးသပ်ရရှိထားကြောင်း၊ နိုင်ငံတော်အတွက် လွတ်လပ်ရေးကြိုးပမ်းစဉ်ကာလတွင် ရိုးသားဖြောင့်မတ်ပြီး လူမျိုးဘာသာအသီးသီးအပေါ်၌ စာနာခဲ့သည့် ဗိုလ်ချုပ်အောင်ဆန်း၏ ဦးဆောင်မှုဖြင့် မြန်မာမွတ်စလင်မ်များသည် ၀န်ကြီးအဆင့်ထိ ရှိခဲ့ကြောင်း၊ လွတ်လပ်ရေး တိုက်ပွဲတွင်လည်း မွတ်စလင်မ်တွေ ကျရာတာဝန်ထမ်းရွက်ခဲ့ကြကြောင်း၊ ၁၉၆၁-ခုနှစ်တွင်လည်း မြောက်ဥက္ကလာ အရေးအခင်းဖြစ်ခဲ့သော်လည်း နိုင်ငံရေးအခြေအနေ ရှုပ်ထွေးနေသော ကာလတွင် ဒီမိုကရေစီအစိုးရဖြစ်သည့် အစိုးရက ဘက်မလိုက်ပဲ ဖြေရှင်းပေးခဲ့ကြောင်း၊

    ၁၉၆၂-ခုနှစ်တွင် လူထုဆန္ဒအား မလေးမထားပဲ လူတစ်စုဆန္ဒသာ အလေးထားသည့်စနစ်ပေါ်ပေါက်လာပြီးနောက် လူတစ်စုမှ မိမိအာဏာ တည်မြဲရေးအတွက် နိုင်ငံသားချင်းသွေးကွဲစေရန် ကိစ္စများ စတင်ဆောင်ရွက် လာကြောင်း၊ နိုင်ငံအစိုးရက နိုင်ငံရေးအရ အမျိုးသားရေးကို ရှေ့တန်းတင်ပြီး သြဇာအာဏာ တည်မြဲရေးအတွက် ဆောင်ရွက်ချက်များကို ရိုးရိုးသားသားတင်ပြရပါက ငယ်စဉ် ကျောင်းနေစဉ်ကပင် ကျောင်း၌ မှတ်ပုံတင်ပြုလုပ်သောအခါ မှတ်ပုံတင် မရှိသည့်ကလေးတွေ မတ်တပ်ရပ်သည့်ဆိုသည့် အတွက် မတ်တပ်ရပ်သည့်အခါ မွတ်စလင်မ်ကလေးတွေ မပါဘူး ပြန်ထိုင်ဟု ပြောကြောင်း၊ ပြန်ထိုင်ရပြီးသည့်အခါ ဘေးတွင်အတူယှဉ်တွဲထိုင်ခဲ့သည့် ညီနောင် သူငယ်ချင်းတွေရဲ့စိတ်ဓါတ် မတူကွဲပြားခြားနားခြင်းဆိုသည့်အသိကို အဲ့ဒီမှာပဲ စပေးပါကြောင်း၊ မွတ်စလင်မ်တွေမှာလည်း အားငယ်စိတ်ကို စတင်ဝင်လာခဲ့ကြောင်း တင်ပြပါသည်။

    ဆက်လက်ပြီး ဘာသာရေးအဖွဲ့ကြီးမှ တင်ပြသည်မှာ – ကျောင်းတက်သည်မှ လွန်မြောက်ပြီး တက္ကသိုလ်တက်သည့်အခါတွင်းလည်း တချို့သော ဆရာ/ဆရာမများသည် ရင်ဝယ်သားပမာ ဆက်ဆံသော်လည်း အချို့မှာ ခွဲခြားဆက်ဆံမှုအပေါ် အမြစ်တွယ်လာပြီး ကုလားကလေးဟု ခွဲခြားခံရမှုများရှိကြောင်း တင်ပြဆွေးနွေးခဲ့ကြပါသည်။

    ဒေါ်အောင်ဆန်းစုကြည်မှ ပြန်လည်ဆွေးနွေးသည်မှာ – တရားဥပဒေစိုးမိုးရေးကော်မတီအနေနှင့်လည်း လုပ်သင့်လုပ်ထိုက်သည်များကို လုပ်ဆောင်မည်ဖြစ်ကြောင်း၊ အစိုးရပိုင်းအားလည်း တတ်နိုင်သမျှ ဆော်သြမည်ဖြစ်ကြောင်း၊ အကြမ်းဖက်လမ်းစဉ်ဖြင့် အပြောင်းအလဲလုပ်ဆောင်မည်ကို လုံးဝလက်မခံကြောင်း၊ အခြေအနေတစ်ခုကို ပြောင်းလဲစဉ် အကြမ်းဖက်နည်းကို သုံးစွဲသည်မှာ ယဉ်ကျေးသည့်လူများ၏ လုပ်ရိုးလုပ်စဉ်မဟုတ်ကြောင်း၊ လူရိုင်းများသည်သာ အကြမ်းဖက်သည့်နည်းဖြင့် ပြဿနာအား ဖြေရှင်းကြောင်း၊ ယဉ်ကျေးသည့်သူများသည် ဦးနှောက်နှင့် နှလုံးသားအားအသုံးပြုပြီး ပြဿနာရှိပါက အကြမ်းမဖက်ပဲ ဖြေရှင်းရမည်ဖြစ်ကြောင်း၊ ပြဿနာရှိပါက အကြမ်းမဖက်ပဲ ဖြေရှင်းနိုင်ရမည်ဖြစ်ကြောင်း၊ အကြမ်းမဖက်ပဲ ဖြေရှင်းနိုင်သည့် အရည်အချင်းရှိရန်လိုကြောင်း၊ ချို့တဲ့နေသူများ၏စိတ်ဓါတ်တွင် ခံစားမှုတွေ ပြင်းထန်စွာ ရှိတတ်ကြောင်း၊ တစ်ယောက်နဲ့တစ်ယောက် ကူညီသွားရန်လိုကြောင်း များကို ပြန်လည် ဆွေးနွေးပြောကြားဆွေးနွေးခဲ့ပြီး ၁၂း၄၀ နာရီတွင် ဆွေးနွေးမှု ပြီးဆုံးခဲ့ကြောင်းသိရပါသည်။

    ဆွေးနွေးမှုအသေးစိတ်အား ထပ်မံဖော်ပြပါမည်။

  •ဲမြန်မာနိုင်ငံသား အစ္စလာမ် ဘာသာဝင် အဖွဲ့ပေါင်းစုံ တွေ့ဆုံဆွေးနွေးပွဲမှ အသံများ

    ဧပြီ ၆၊ ၂၀၁၃
    M-Media
    သတင်း – ပသီဆောင်းနှင်းမှုံ

    OLYMPUS DIGITAL CAMERA

    သဘာပတိ ဦးခင်မောင်ချိုမှ အဖွင့်အမှာစကား ပြောကြားရာတွင် “ အခု ဒီပွဲက အမှန်တကယ်တော့ လူငယ်တွေက စခဲတဲ့ ပွဲပါ။ မွတ်စလင် လူငယ်ကွန်ယက် ၂၀ကျော်က ပါဝင်ပါတယ်။ ဘာသာရေး အသင်းအဖွဲ့တွေ အားလုံးစုပေါင်းပြီး ကျွန်တော်တို့ တွေ့ကြုံနေရတဲ့ ကိစ္စများကို အားလုံး တိုင်ပင်ကြတဲ့ သဘောပါ။ ဒီလူငယ်တွေဟာ ခေါင်းစဉ်တွေကို ရွေးကြတာ တော်တော်လေး လေးနက်ပါတယ်။ ခေါင်းစဉ်တွေက တရားဥပဒေ စိုးမိုးရေး၊ အခြေခံ ဥပဒေနဲ့ ပတ်သပ်တဲ့ ကိစ္စ၊ အမုန်းတရား ရပ်ဆိုင်းရေး ကိစ္စ အဲဒီကနေ ဆက်ပြီးတော့ မြန်မာမွတ်လင် တစ်ပြည်လုံး အတိုင်းအတာနဲ့ ညီလာခံ တစ်ရပ် ခေါ်ဖို့အထိ ရှိပါတယ်။ တရားဥပဒေ စိုးမိုးမှု့နဲ့ ပတ်သပ်ပြီး ကြည့်လိုက်မယ် ဆိုရင် အားလုံးတွေ့ကြုံ ခံစားခဲ့ရတဲ့ အခြေအနေတွေက တိုင်းတစ်ပါးကနေ ကျွန်တော်တို့ကို စစ်ကျူးကျော် တိုက်ခိုက်နေတဲ့ အခြေအနေလည်း မဟုတ်ပါဘူး၊ ပြည်တွင်းစစ် ဖြစ်နေတာလည်း မဟုတ်ပါဘူး၊ သူပုန်ထလို့ ဒီလို ဖြစ်တာလည်း မဟုတ်ပါဘူး၊ ကျွန်တော်တို့မှာ လွှတ်တော်တွေလည်း ရှိတယ်၊ အစိုးရလည်း ရှိတယ်၊ ၂၀၀၈ခုနှစ် ဖွဲ့စည်းပုံ အခြေခံဥပဒေလည်းရှိတယ်၊ ဒီလို အခြေနေမှာ အင်မတန် ကြမ်းတမ်းတဲ့ အကြမ်းဖက်မှုကို ကြုံတွေ့ရတယ်၊ ဒါနဲ့ပတ်သက်ပြီး လူငယ်တွေဟာ သူတို့သိထားတဲ့ လေ့လာထားတဲ့ဟာတွေ အားလုံးကို တင်ပြမှာဖြစ်ပါတယ်၊ စနစ်တကျ ဥပဒေဘောင် အတွင်းကနေ နိုင်ငံတော်ကို တင်ပြပြီးတော့ ကောင်းမွန်တဲ့ အခြေအနေကို ဖြစ်အောင် ဒီလိုကြိုးပမ်းကြတဲ့ သဘောပါ၊ တရားဥပဒေစိုးမိုးရေး ဆိုလို့ရှိရင် ကျွန်တော်တို့ နိုင်ငံသားတွေဆိုတာ ခွဲခြားမှု မရှိပါဘူး၊ ၂၀၀၈ခုနှစ် အခြေခံဖွဲ့စည်းပုံ ဥပဒေမှာ ပုဒ်မ၂၁(က)မှာ နိုင်ငံသားတွေအားလုံးဟာ အတူတူပဲ လွတ်လပ်မှုမှာလည်းအတူတူပဲ၊ တန်းတူညီမျှးမှု မှာလဲအတူတူပဲ၊ တရားမျှတမှုမှာလည်း အတူတူပဲ၊ အဲဒါ ပုဒ်မ ၂၁(က) မှာပြဌာန်းထားပါတယ်၊ ၂၁(က) ဆိုတာအလွန်လေးနက်ပါတယ်၊ ဒါဟာ အခြေခံမူထဲက ပုဒ်မတစ်ခုပါ၊ ၂၁(က) အရ နိုင်ငံသားတိုင်းမှာ ညီမျှတဲ့ တရားမျှတမှု ရှိဖို့လိုပါတယ်၊ အခု ဂျာနယ်တွေမှာ ရေးနေကြပြီ နောက်ကွယ်မှာ အဖွဲ့အစည်း တစ်ခုရှိတယ်၊ ဒါဟာနိုင်ငံရေးနဲ့ ပတ်သက်ပြီးတော့ ဖြစ်တာ ကျွန်တော်တို့ဟာ ခုတုံးလုပ်ခံရတဲ့ ဘ၀မျိုးရောက်နေပါတယ်၊ ဒါတွေလည်းပဲ ဆက်လက်ပြီး စုံစမ်းစစ်ဆေးပြီး ဖော်ထုတ်ဖို့လိုပါတယ်၊ ပုဒ်မ ၄၀၇ ၇(က) မှာ ဘာသာရေးကို နိုင်ငံရေးကိစ္စ အတွက် အလွဲသုံးစား မလုပ်ရဘူး အဲဒါအခြေခံ ဥပဒေမှာပါတယ်” ဟု ထည့်သွင်းပြောကြားခဲ့သည်။

    တက်ရောက်လာသူ ဧည်သည်တော်များမှ မန္တလေးမှ တက်ရောက်လာသူတစ်ဦးဖြစ်သော ဦးအောင်ဇော်ဝင်း မှ အမှတ်တရ အမှာစကားပြောကြားရာတွင် “အားလုံးကို ကျွန်တော်စကား ၃ခွန်းပြောချင်ပါတယ်၊ နံပါတ်တစ် အနေနဲ့ ကျွန်တော်တို့ အခုရောက်နေကြတဲ့ အကြောင်းအရင်း ကိစ္စ ရင်ထဲမှာ အားလုံးကိုယ်စီ ရှိပါတယ်၊ ဒီကိစ္စတွေဟာ ၁၉၉၇ခုနှစ်ကတည်းက စခဲ့တာပါ၊ မှတ်တမ်းမှတ်ရာတွေမှာ ကျွန်တော်တို့တွေဟာ အားနည်းချက်ရှိပါတယ်၊ ပြန်ပြောတဲ့ အခါမှာ ဟိုလူဒီလူဆိုတဲ့ မရေမရာပဲ ပြောနိုင်ပါတယ်၊ နမူနာယူစရာက ဒုတိယကမ္ဘာစစ်အတွင်းမှာ တစ်ဖက်သက် အနိုင်ကျင့်ခံရတဲ့ ဂျူးလူမျိုးတွေဟာ ဒုတိယကမ္ဘာစစ်အပြီးမှာ အရေးပါသော အခရာ ကျသော စစ်ရာဇ၀တ်ကောင် အသီးသီးကို တိကျစွာ အရေးယူနိုင်ခဲ့သလို သူတို့ကို လိုက်လံရှာဖွေ ဖော်ထုတ်နိုင်ခဲ့ပါတယ်၊ ရုပ်ရှင်တွေနဲ့ကို နာမည်ကြီးပါတယ်၊ အဲတော့ ကျွန်တော်တို့အနေနဲ့ ဘာပြန်ပြောရမယ် ဆိုရင် မှတ်တမ်းအားနည်းပါတယ်၊ ဒါကြောင့် ကျွန်တော်တို့ မှတ်တမ်းလုပ်ကြရအောင်ဗျာ မှတ်တမ်းလုပ်ချင်ပါတယ်၊ ထိခိုက်မှုတွေ၊ ကြေကွဲစရာတွေ၊ အစော်ကားခံရမှုတွေ အများကြီး ကြုံပါတယ်၊ ဒါပေမယ့် ဘယ်သူလို့ ကျွန်တော်တို့ပြောနိုင်မလဲ၊ ဘယ်သူကလုပ်တာပါလို့ ကျွန်တော်တို့ မပြောနိုင်ပါဘူး၊ ဘာဖြစ်လို့လဲဆိုတော့ ကျွန်တော်တို့ မသိကြလို့ပါ၊ ကျွန်တော်တို့ကို ဂျူတွေလောက်တောင် ဆိုးရွားတဲ့ ခွဲခြားမှုတွေ ကြုံရအောင် ကျွန်တော်တို့အပေါ်မှာ  ဖိအားပေးနေတဲ့သူတွေ ဘယ်သူပါလို့ ကျွန်တော်တို့ပြောနိုင်လဲ၊ အလွန်ဆုံး ကျွန်တော်တို့ပြောနိုင်လို့ရှိရင် သာသနာမှတ်တမ်းကိုင်ထားသူ တစ်ယောက်ကိုပဲ နာမည်တပ်ပြီး ပြောနိုင်တယ်၊ ဒါပေမယ့် သူအဓိက တရားခံ ဟုတ်မဟုတ် ကျွန်တော်တို့ မသိဘူး၊ သူ့နောက်မှာ ဘယ်သူရှိလဲမသိဘူး၊ သူဘယ်တုန်းက စလဲကျွန်တော်တို့ မသိဘူး၊ ကျွန်တော်တို့ သတင်းသိရှိမှု အလွန်အားနည်းတာသည် သတင်းထောက်လှမ်းမှုများ စနစ်တကျ လုပ်ကြရအောင်ဗျာ၊ ကျွန်တော်ပြောချင်တဲ့ အချက်သုံးချက်ကို ပြန်ပြောရင်  နံပါတ်တစ် မှတ်တမ်းလုပ်ကြရအောင်ဗျာ၊ နံပါတ်နှစ် သတင်းထောက်လှမ်းမှု လည်းစနစ်တကျ လုပ်ကြရအောင်ဗျာ၊ နံပါတ်သုံးအချက်က ကျွန်တော်တို့အပေါ်မှာ ကျူးလွန်စော်ကားသူ အကုန်လုံးနဲ့ အမှားအယွင်းက ဘာလဲဆိုတော့ အမုန်းအာဃာတကို ရင်ဝယ်ပိုက်ထားတဲ့ အမှားအယွင်းပါ၊ အရှင်မြတ်မနှစ်သက်သော အပြုအမှုပါ၊ ကျွန်တော်တို့ကလည်း အဲဒီအမှားမျိုး ပြန်မမှားအောင်လို့ ခုနက မှတ်တမ်းတွေမှတ်မယ်၊ သတင်းတွေစုံစမ်းမယ် ဆိုတာတွေဟာ အမုန်းအာဃာတတွေနဲ့ မဟုတ်ရပါဘူး၊ အမှန်တရားကို ချစ်မြတ်နိုးမှု သက်သက်ပဲ၊ အရှင်မြတ်အတွက်ပဲ သက်သက်ရည်ရွယ်ချက်၊ ရည်စူးချက် ဖြစ်သင့်ပါတယ်၊ အမုန်းကင်းရှင်းအောင် စောင့်ထိန်းကြရအောင်ဗျာ” ဟု ထည့်သွင်းပြောကြားခဲ့သည်။

    တက်ရောက်လာသူများထဲမှ ဆရာကိုသီလမှ “အဓိက ကတော့ ဒီပွဲလေး ကျင်းပလိုက်ခြင်းအားဖြင့် အစ္စလာမ့်ကွန်ယက်တွေရဲ့ စုစည်းမူတွေ ရရှိသွားတယ်၊ အားလုံးစုစည်းလို့ ရလာမယ့် အကျိုးရလာဒ်က အင်မတန်များပါတယ်။လောလောဆယ် အခြေအနေ အရ ပြောရမယ်ဆိုရင် ကျွန်တော်တို့ ကိုယ်တိုင်လည်း အိမ်မှာ ညအိပ်လို့ မရဘူး၊ အမြဲတမ်း ဘယ်နေရာမှာ ဘယ်အချိန်မှာ ဘာဖြစ်မလဲလို့ ပူနေရတယ်၊ ကိုယ့်ရပ်ကွက်ထဲမှာ ဘယ်အချိန် ဆူပူမူတွေ ရောက်လာမလဲလို့ စိတ်ပူနေရတဲ့ အနေအထား ဖြစ်တယ်။ဒီလို အနေအထားမျိုးကနေ ငြိမ်းချမ်းသွားဖို့ဆိုတာ တရားဥပဒေ စိုးမိုးရေးရဲ့ အာဏာ အရှိဆုံးက နိုင်ငံတော်ပဲ၊ နိုင်ငံတော်ကနေပြီးတော့ ဒါတွေကို ထိန်းသိမ်းလိုက်မယ်ဆိုရင် ချက်ချင်း ငြိမ်းချမ်းသွားမှာပါ၊ မွတ်စလင်တွေ အနေနဲ့လည်း ကိုယ့်ရဲ့ဘာသာတရားက ပြဌါန်းထားတဲ့ တနေ့တာမှာ လုပ်ကိုင်ဆောင်ရွက်ဖွယ်ရာတွေ၊ အခြားသော သူတွေနဲ့ ဆက်ဆံရာမှာ ထားရှိရမယ့် စိတ်ထားတွေ၊ထားရှိရမယ့် ၊မှန်ကန်မူတွေ၊ သစ္စာတရားတွေပေါ့၊ အစ္စလာမ်ဆိုတာ ဒါပဲဟေ့လို့ ပြသနိုင်ရမယ်၊ ကျွန်တော်တို့ နမာဇ်၅ကြိမ် ဖတ်တာတို့၊ ကုရ်အာန် ကျမ်းတော်မြတ်ဖတ်တာတို့ ဆိုတာကို ဘာသာခြားတွေမသိပါဘူး၊ တကယ်တမ်း ဘာသာခြားတွေနဲ့ ထိတွေ့ ဆက်ဆံတဲ့အချိန်မှာ မှန်ကန်မှုတွေ၊ သမာဓိရှိမှုတွေ၊ သစ္စာရှိမှုတွေကို သူတို့တွေက နားလည်လက်ခံနိုင်တယ်။ သူတို့နားလည် လက်ခံပေးနိုင်တဲ့ အရာတွေမှာ ကိုယ်တွေက မှန်မှန်ကန်ကန် သမာသမတ်ကျကျ ရှိနေတယ်ဆိုတာကို သူတို့သိနေဖို့ လိုအပ်ပါတယ်၊ ကျွန်တော်တို့ရဲ့ အစ္စလာမ့်လူ့အဖွဲ့အစည်းမှာ အဲအရာတွေ ပျောက်ဆုံးနေခဲ့တာကြာပါပြီ၊ ဘယ်လောက်ပဲ သူတို့တွေက မုန်းတီးရေးဝါဒတွေ ဖြန့်ဖြန့် မွတ်စလင်တွေနဲ့ လက်တွေ့ဆက်ဆံနေသူတွေက ငါတို့တွေ့တဲ့ မွတ်စလင်တွေက မင်းတို့ပြောသလို မဟုတ်ဘူးကွလို့ ပြောလိုက်တယ်ဆိုရင် ဒါပြီးပါတယ်၊ ကြော်ငြာဘယ်လောက် ကောင်းကောင်း လက်တွေ့သုံးဖူးတဲ့ လူတစ်ယောက်က ဒါကောင်းတယ်ဆိုရင် အဲစကားတစ်ခွန်းက ပိုပြီးတန်ဖိုးရှိပါတယ် အဲဒီ သဘောပါပဲ၊ မွတ်စလင်ဆိုတာ ဘာလဲလို့ ကြည့်ဆိုလို့ရှိရင် မွတ်စလင်ဆိုတာ ကျွန်တော်ပါပဲဗျာ ခင်ဗျားကျွန်တော့်ကို ကြည့်လို့ရပါတယ်ဆိုတဲ့ အနေအထားမျိုး ဖြစ်သွားပါတယ်။ မွတ်စလင်တိုင်းဟာ စံပြအနေနဲ့ ဖြစ်သွားမယ်ဆိုရင် ဘယ်သူကပဲ ဘယ်လောက် သွေးထိုးလှုံ့ဆော်ပါစေ လူထုကနေပဲ လူထုကို ပြန်ပြီး ထိန်းကြောင်းသွားပါတယ် အဲလိုပဲယူဆတယ်” ဟု M-Media သို့ပြောကြားခဲ့သည်။

    တက်ရောက်လာသူများထဲမှ ဦးအောင်ဇော်မြင့်က “ဒီလိုပွဲမျိုးတွေဟာ ငြိမ်းချမ်းရေးကို ဦးတည်စေတယ်လို့ ယူဆတယ်၊ အခုလက်ရှိ ကျွန်တော်တို့ နိုင်ငံမှာ ရှိတဲ့ ဘာသာပေါင်းစုံ ချစ်ကြည်ရေးကို အဓိက ဦးစားပေးပြီး လုပ်စေချင်တယ်၊ နောက် အပြုသဘောဆောင်တဲ့ ငြိမ်းချမ်းရေးကို ဖော်ဆောင်ဖို့လိုတယ်၊ ဘာလို့ငြိမ်းချမ်းရေးစကားတွေ ကြီးပဲ ပြောရတာလဲဆိုရင် ငြိမ်းချမ်းရေးမရှိဘူးဆိုရင် ကျွန်တော်တို့ သွားချင်တဲ့ ပန်းတိုင်ကို သွားနိုင်မှာမဟုတ်ပါဘူး” ဟု M-Media သို့ပြောကြားခဲ့သည်။

    တက်ရောက်လာတဲ့ ကွန်ယက်များမှ အသီးသီး မိတ်ဆက်စကားပြောကြားခဲ့သည်။