သုံးသပ်ရေးသားသူ -Larry Jagan
ဘာသာပြန်- M-Media
မြန်မာနိုင်ငံ၌ မသမာမှုများ ကြီးထွားလာခြင်းသည် သမ္မတဦးသိန်းစိန်၏ ပြန်လည် တည်ဆောက်ရေး ရည်မှန်းချက်အစီအစဉ်ကို လမ်းချော်သွားစေမည်လော ဆိုသည့် စိန်ခေါ်မှုတစ်ရပ်ဖြစ်နေသည်။ ဦးသိန်းစိန်သည် ဆိုးဆိုးဝါးဝါးအပုပ်နံ့ထွက်နေသော ဆက်သွယ်ရေးဝန်ကြီးဌာနအပါအ၀င် ထိပ်ပိုင်းဆိုင်ရာအသိုင်းအ၀ိုင်းများကို ယင်းသို့ဖြစ်ရန် အရောင်ဆိုးနေခြင်းလော သို့တည်းမဟုတ် စစ်အုပ်ချုပ်ရေးမှ ဒီမိုကရေစီအုပ်ချုပ်ရေးအသွင်ပြောင်းလဲရေး နိုင်ငံ့အခြေအနေအား ချိုးဖျက်နေခြင်းလောဟု တွေးစရာဖြစ်လာပါသည်။
မြန်မာနိုင်ငံသည် ဆယ်စုနှစ်များစွာ စစ်အုပ်ချုပ်ရေးဒဏ်ကြောင့် ကမ္ဘာ့အကျင့်အပျက်ဆုံး၊ မသမာမှု အကြီးထွားဆုံးအဆင့်သို့ တရွေ့ရွေ့ တက်လှမ်းလာနေပြီဖြစ်သည်။ ယခုသော် ငွေကြေး ခိုင်မာအောင်ပြန်လည် တည်ဆောက်ရေး နှင့် စီးပွားရေးလွတ်လပ်ခွင့်အားဖြင့် နိုင်ငံတကာမှ အကြီးစား ရင်းနှီးမြှုပ်နှံမှုများပြုလုပ်လာစေရန် စီးပွားရေးဆိုင်ရာ ကတိက၀တ်များ အခိုင်အမာ ဟစ်ကြွေးကြေညာ၍ ဆွဲဆောင်ထားသည်။ သို့တစေ သမ္မတရုံးအခြေစိုက် အစိုးရ အတွင်းလူများ၏ အဆိုအရ အာဏာပိုင်များသည် မိမိတို့၏ ပုဂ္ဂလပိုင်ဆိုင်မှု တိုးပွားရေးဖက်သို့သာ အရှိန်မြှင့်တင်လျက်ရှိနေသည်။
ပြီးခဲ့သည့် ဇန္န၀ါရီလ၌ မြန်မာ့ဆက်သွယ်ရေး ၀န်ကြိးဌာန(MPT) ရှိ မသမာမှုများ၊ ၄င်းပြင် ၀န်ကြီးဌာနများ၏ ငွေကြေးဆိုင်ရာအ ကျင့်ပျက်ခြစားမှုများကို စုံစမ်းစစ်ဆေးခဲ့ခြင်း မှာ – စစ်အုပ်ချုပ်ရေးမှ အပြင်းအထန် အသွင်ကူးပြောင်းလာသည့် အချိန်တွင်မှ တလွဲအသုံးချ စီမံခန့်ခွဲမှုကျယ်ပြန့်လာကြောင်း အချက်ပြလိုက်ခြင်းဖြစ်သည်။ ဦးသိန်းစိန်၏ သမ္မတရုံးမှ ပြုပြင်ပြောင်းလဲရေးကို ဦးဆောင်နေသော်လည်း ၀န်ကြီးဌာနများစွာက စစ်အုပ်ချုပ်ရေး ယန္တရားအတိုင်း ဆက်လက်လည်ပတ်လျက်ရှိနေပေသည်။
ဆက်သွယ်ရေးဝန်ကြီး (ဗိုလ်ချုပ်ဟောင်း) ဦးသိန်းထွန်း နှင့် အခြားဝန်ကြီးဌာနမှ အထက်တန်းအရာရှိများ၏ လာဘ်စားမှုများအား နှိုက်နှိုက် ချွတ်ချွတ်စုံစမ်းခြင်းသည် ဦးသိန်းစိန်လက်ထက်မှ ပထမဦးဆုံး လူသိရှင်ကြား ဆောင်ရွက်လာခြင်းဖြစ်၏။ ယင်း ဆောင်ရွက်ချက်က ကြီးမားသော အထောက်အပံ့များ နိုင်ငံတွင်း ၀င်ရောက်မလာမီ ပွင့်လင်းမြင်သာရေးနှင့် တရားဥပဒေစိုးမိုးရေးကို တွန်းအားပေးနေသည့် အလုံးအရင်းနှင့် မြှုပ်နှံရင်းနှီးလိုသူ နိုင်ငံခြားသားများအကြား သြဘာပေးမှု ဖြစ်ထွန်းစေခဲ့သည်။
ဦးသိန်းစိန်မှ လူတစ်စု၏ အကျင့်ပျက် လာဘ်စားမှုပြဿနာအား သိမြင်၍ ဆက်သွယ်ရေး ကဏ္ဍအတွင်း ထိုသည်များအား အလေးပေး တိုက်ဖျက်သည့်တိုင်အောင်၊ အခြား စစ်ဖက်ဆိုင်ရာ နိုင်ငံရေး သမားများက ပြောင်ပြောင်တင်းတင်း လာဘ်စားနေ ယုံသာမက ပြုပြင်ပြောင်းလဲရေး ကိစ္စရပ်များ အပေါ်မှာပါ ကျယ်ကျယ်ပြန့်ပြန့်သြဇာ လွှမ်းမိုးလျက်ရှိသည်။
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ဒုဥက္ကဌ ဦးဌေးဦး က မိမိတို့အနေနှင့် စစ်အုပ်ချုပ်ရေး ကာလရော ယခုကာလမှာပါ အထိန်းအကွပ်မဲ့ လာဘ်စားမှုများ ရှိသည်ဟူသော စွပ်စွဲချက်ကို နေပြည်တော်တွင်ပြုလုပ်သည့် အင်တာဗျူးတစ်ခု၌ ငြင်းဆိုခဲ့သည်။
“ (ယခင်စစ်အုပ်ချုပ်ရေး ကာလတုန်းကလည်း) ကျွန်တော်တို့က ၀န်ကြီးတွေပါ။ ကျွန်တော်တို့ လာဘ်မစားခဲ့ပါဘူး။ နိုင်ငံတွင်း အကျင့်ပျက် ခြစားမှုတွေ လျော့ပါးရေးအတွက် ကျွန်တော်တို့ အပြင်းအထန်ကြိုးစားနေပါတယ်။ နိုင်ငံတော် အစိုးရကလည်း ဒီကိစ္စနဲ့ပတ်သက်လို့ အထူးအားပေးဆောင်ရွက်နေပါတယ်။ အစိုးရပိုင်းဖက်က ဆောင်ရွက်ချက်ကြောင့် လာဘ်စားမှု သတင်းကျယ်ပြန့်သွားတာပါ။ ဒီလိုမှ မလုပ်ခဲ့ယင်တော့ တိမ်မြုပ်နေဦးမှာပါဘဲ ” ။
အခြားပြဿနာများလည်း အမှန်ပင် ပေါ်ထွက်လာခဲ့သည်။ သတ္ထုတွင်းဝန်ကြီးဌာန အပါအ၀င် ၀န်ကြီးဌာန ၆ခု၌ ယင်းသို့အကျင့်ပျက်မှုများ ရှိနေသည်ကြောင်း The Voice weekly ဂျာနယ်မှ ဖော်ပြခဲ့သည်။ ဂျာနယ်အယ်ဒီတာမှာ အသရေဖျက်မှုဖြင့် တရားစွဲခံရပြီး တရားရုံး ၃၀ ထက်မနည်း တက်ရောက်ကြားနာစေခြင်း ခံရသည်။ ထိုဖော်ပြချက်အတွင်းပါရှိသော လာဘ်ပေး လာဘ်ယူခြင်းနှင့်စပ်လျဉ်း၍ မည်သူတစ်ဦးမှ အရေးယူခံရသည် မရှိသေးချေ။
၎င်းအကျင့်ပျက်ခြစားမှု တိုက်ဖျက်ရေးအစီအစဉ်မှာ ထိပ်တန်း အာဏာပိုင်အရာရှိများကို လည်းကောင်း၊ ဦးသိန်းစိန် နှင့် ပြညိသူ့လွှတ်တော် ဥက္ကဌ သူရဦးရွှေမန်းတို့ အကြားရှိ နိုင်ငံရေးအမြင် မတူမှုကိုလည်းကောင်း ဂယက်ရိုက်ခတ်သွားသည်။ သူတို့နှစ်ဦးလုံးသည် လွန်ခဲ့သော အုပ်ချုပ်ရေးကာလ၌ ထင်ရှားသော ဦးဆောင်သူများ ဖြစ်ခဲ့ကြသည့်အပြင် လာမည့် ၂၀၁၅ ခုနှစ် ရွေးကောက်ပွဲတွင် လက်ရှိအာဏာရပါတီ USDP ၏ သမ္မတလောင်းအဖြစ် ကိုယ်စားပြုရန် အကြိတ်အနယ် တာစူနေသူများဖြစ်သည်။
စစ်အုပ်ချုပ်ရေးကာလ၌ အကျင့်ပျက်ခြစားမှုကို နိုင်ငံရေးအရ အရေးယူခြင်းသာ ရှိနေခဲ့၏။ ၂၀၀၄ ခုနှစ်က ထောက်လှမ်းရေးအကြီးအမှူး၊ ၀န်ကြီးချုပ် ဦးခင်ညွန့်နှင့် အပေါင်းအပါတို့ကို အရေးယူခြင်းမျိုးဖြစ်သည်။ ဦးရွှေမန်းနှင့်အပေါင်းအပါများအား လှုပ်ခတ်သွားစေသော ဆက်သွယ်ရေးဝန်ကြီးဌာန အတွင်း ထိုးဖောက်စုံစမ်းချက်များသည် အလားတူ သြဇာအားပြိုင်မှုမျိုးလေလောဟု လေ့လာသူအချို့မှ သုံးသပ်လာကြသည်။
အရာရှိ ၆၀ ဦးထက်မနည်းကို စုံစမ်းစစ်ဆေးခြင်းပြုလုပ်ရာ ၄င်းတို့အနက် ၂၀ဦးခန့် မှာ ယာယီထိန်းသိမ်းခံထားရသည်ဟု အစိုးရအာဏာပိုင်နှင့်နီးစပ်သောအသိုင်းအ၀ိုင်းထံမှ သိရသည်။ ဦးသိန်းထွန်းမှာ နေအိမ်အကျယ်ချုပ်ဖြင့် ကျန်ရှိနေပြီး ကျန်သူအားလုံးနီးပါးကို ပြန်လွှတ်ပေးခဲ့၍ မူလရာထူး၌ ပြန်လည်ခန့်ထားလိုက်ပြီဖြစ်သည်။ သို့သော်လည်း တရားဝင် ကွင်းလုံးကျွတ် လွှတ်ပေးထားခြင်း မဟုတ်သေးဟု သိရသည်။
မိမိအနေနှင့် ဦးစွာအရေးယူခံရပြီး တရားရင်ဆိုင်ရပါက လူဟောင်းကြီများနှင့် ကြံရာပါဖြစ်သည်ဟု ထွက်ဆိုရန် ဦးသိန်းထွန်းမှ ကြိမ်းဝါးထားပါသည်။ ယခင် ဆက်သွယ်ရေးဝန်ကြီးဟောင်း နှင့် လက်ရှိကချင်ပြည်နယ် ၀န်ကြီးချုပ် ဗိုလ်မှူးချူပ်ဟောင်း သိန်းဇော်သည်လည်း စုံစမ်းစစ်ဆေးမှုခံခဲ့ရသည်။ ယင်းအမှု၌ MPT ၀န်ကြီးအဖွဲ့ဝင် တစ်ဦးထက်မနည်း အစိုးရသက်သေအဖြစ် ဘက်ပြောင်းသွားခဲ့သည်ဟု ၄င်းမှ ရိပ်ဖမ်းသံဖမ်းပြောပြခဲ့ကြောင်းလည်း အထက်ဖော်ပြပါ သတင်းရပ်ဝန်းထံမှ သိရသည်။ စုံစမ်းစစ်ဆေးခံနေရဆဲ အာဏာပိုင်တစ်ဦးက “ အရာရာအားလုံးကို ကျွန်တော်တို့ သိလိုက်ရပါပြီ ” ဟု ဆိုခဲ့သည်။
ဦးသိန်းထွန်း၏နေရပ်တွင် အမေရိကန်ဒေါ်လာ ၂ သန်းထည့်ထားသည့်သေတ္တာတစ်လုံး တွေ့ခဲ့ရကြောင်း စုံစမ်းရေးရဲဌာနတစ်ခုမှ ဆိုသည်။ ယင်းငွေများသည် မြန်မာနိုင်ငံတွင်း ဆက်သွယ်ရေးကဏ္ဍ၌ Huawei နှင့် ZTE တရုတ်ကုမ္ပဏီများနှင့် အကျိုးတူပူးပေါင်းဆောင်ရွက်ရန် စာချုပ်ချုပ်ဆိုထားသည့်ဘဏ္ဍာငွေများ ဟုတ်မဟုတ်ကို စုံစမ်းစစ်ဆေးသူများက ဖော်ထုတ်ရန် ကြိုးပမ်းနေကြောင်း၊ အာဏာပိုင်အရာရှိများမှာလည်း ၀န်ကြီးဟောင်းများ၏ ဘဏ္ဍာတိုက်အဖြစ်ရှိခဲ့ဖူးပုံရသော ဘန်ကောက်၊ ဟောင်ကောင် နှင့် စင်္ကာပူတို့၌ ဘဏ်စာရင်းဖွင့်နိုင်ရန် ကြိုးစားနေကြကြောင်း အစိုးရနှင့်နီးစပ်သည့်အသိုင်းအ၀ိုင်းမှ သိရသည်။ တဖန် ယင်း တရုတ်ကုမ္ပဏီနှစ်ခုသည် ယခင် ဦးသိန်းဇော်ဝန်ကြီးလက်ထက်အပါအ၀င် MPT ဌာနနှင့် ဆက်ဆံ ပတ်သက်နေသည့် စာရွက်စာတမ်းအထောက်အထားများကိုလည်း စုံစမ်းရေးအာဏာပိုင်တို့ထံ မိမိသဘောဆန္ဒအလျောက် ပေးအပ်ခဲ့ကြောင်း ဖော်ပြပါ ရဲဌာနမှတဆင့် သိရှိရသည်။
၂၀၀၄ ခုနှစ် စာချုပ်ချုပ်ဆိုစဉ်က ZTE သည် MPT သို့ ဖုန်းလိုင်း ၃ သိန်းတပ်ဆင်ရန် ဒေါ်လာသန်း ၁၅၀ ကြိုတင်သွင်းငွေ ပေးခဲ့သည်။ ထိုပမာဏသည် ပရောဂျက်တစ်ခု၏ အမှန်ကုန်ကျနှုန်းထက် ၁၀ ဆကျော် များပြားနေခဲ့သည်။ ၄င်းနောက် နီပေါနိုင်ငံတွင် တယ်လီဖုန်းလိုင်း တစ်သန်းတပ်ဆင်ရေးအဆိုပြုရာ၌ ဒေါ်လာ ၇.၅ သန်းမျှသာ ရှိကြောင်း ၄င်းမှ နှိုင်းယှဉ်ပြောကြားလိုက်သည်။
ထိုစွဲချက်များအပေါ် ဦးသိန်းထွန်းထံမှ မည်သည့် မှတ်ချက်မျှ ထွက်မလာသေး။ ၄င်းသည် နေအိမ်တွင်း အကျယ်ချုပ်ဖြင့်စောင့်ကြည့်ခံနေရသဖြင့် ဤသည်နှင့်စပ်လျဉ်း၍ ထုတ်ဖော်ပြောကြားမှု မပြုနိုင်သောကြောင့်ဖြစ်သည်။
ယင်းဝန်ကြီးဟောင်းနှစ်ဦးစလုံးမှာ ယခင် အာဏာရှင် အငြိမ်းစား ဗိုလ်ချုပ်မှူးကြီး သန်းရွှေနှင့် အလွန်နီးစပ် ပတ်သက်သူများဖြစ်ကြကြောင်း အများက ယုံကြည်လျက် ရှိသည်။
ထူးကုမ္ပဏီ လက်အောက်ရှိ Elite နှင့် Red Link အပါအ၀င် ပြည်တွင်း ဖုန်းကုမ္ပဏီများသည်လည်း အသေးစိပ်စစ်ဆေးမှုခံနေရပေသည်။ Red Link သည် ဦးရွှေမန်း၏ သားတစ်ဦးဖြစ်သူ တိုးနိုင်မန်း မှ ပိုင်ဆိုင်ပြီး ၂၀၀၈ ခုနှစ်တွင် ကုမ္ပဏီထောင်၍ MPT နှင့် အင်တာနက်လုပ်ငန်းကို ဖက်စပ် ပူးပေါင်းဆောင်ရွက်ခဲ့သည်။ နိုင်ငံလူဦးရေ၏ ၂ %အောက်ပမာဏသာ အသုံးပြုကြသဖြင့် မြန်မာနိုင်ငံသည် ကမ္ဘာပေါ်ရှိ အင်တာနက် အသုံးပြုနှုန်းအနိမ့်ကျဆုံးနိုင်ငံများအနက် ပါဝင်နေသည်။
လာဘ်ပေးလာဘ်ယူ ဆန့်ကျင်ရေးသမားတစ်ဦးအဖြစ် လူအချို့မှ အသိအမှတ်ပြုထားသော ဘဏ္ဍာရေး ၀န်ကြီးဟောင်း ဦးလှထွန်းသည် စုံစမ်းစစ်ဆေးမှုကို ကြပ်မတ်လျက်ရှိသည်။ သူ၏ဆောင်ရွက်မှုသည် ဦးသိန်းစိန်၏ သမ္မတအခန်းကဏ္ဍနှင့် ပတ်သက်၍ အရေးပါသော မှတ်တိုင်တစ်ရပ် ဖြစ်လာနိုင်ကြောင်း အချို့မှ သုံးသပ်သည်။ ဦးလှထွန်းသည် သမ္မတ၏ ပဲ့ထိန်း တစ်ဦးဖြစ်သည်ဟု ဦးသိန်းစိန်နှင့်နီးစပ်သော အသိုင်းအ၀ိုင်းမှ ယူဆထားသည်။
အကယ်၍ ဦးသိန်းစိန်၏ အကျင့်ပျက်ခြစားမှုဆန့်ကျင်ရေးအစီအစဉ် ၊ ပွင်းလင်းမြင်သာ ခိုင်မာသော နိုင်ငံတကာစီးပွားရေး ဆက်ဆံမှုတည်ဆောက်ရေးက အထူးသက်ဝင် လှုပ်ရှားလာစေလိုသည်ဆိုလျှင် ဖော်ပြပါအရေးယူမှုများကို နိုင်ငံရေး အကျိုးဆက်အား ဂရုမစိုက်ဘဲ ဆောင်ရွက်သင့်သည်ဟု သုတေသီအချို့က ဆိုကြသည်။ ဦးသိန်းစိန်အဖို့ ယနေ့ထက်တိုင် ၀န်ကြီးဟောင်းတစ်ဦးဦး သို့မဟုတ် နှစ်ဦးစလုံးအား အရေးယူရန် မဆုံးဖြတ်နိုင်သေးချေ။
“ တကယ်တမ်းကျတော့ ဒီလို အပြစ်ရှောင်ခြင်း လက္ခဏာပေါ်လွင်နေတဲ့ စီးပွားရေးပြုပြင် ပြောင်းလဲမှုက အခြေခံလူတန်းစားနဲ့ နိုင်ငံတော် ကောင်းစားရေးကို ကွာကျသွားစေမယ့် နောက်ထပ် ဆက်နွယ်နည်းလမ်းတစ်ရပ်ပါဘဲ။ အကျင့်ပျက်ခြစားမှုဟာ အစစ်အမှန်ရင်းနှီးမြှုပ်နှံရေးအတွက် အတားအဆီးတစ်ခု ဖြစ်တယ်။ ပြီးတော့ စိမ့်ဝင်ပြန့်နှံ့နေတဲ့ ခြစားမှုအပေါင်းက ပြန်လည်ပြုပြင်ရေး လမ်းစဉ်မှာ ပြည်သူ့ပူးပေါင်းအားပေးမှုကို ဖြိုဖျက်လိုက်တာပါဘဲ ” ဟု Australia နိုင်ငံ၊ Macquarie တက္ကသိုလ်မှ မြန်မာ့စီးပွားရေးရာကျွမ်းကျင်ပညာရှင် Sean Turnell က ပြောဆိုလိုက်သည်။
ကြံရာပါတစ်ဦးဖြစ်သူ မွေးမြူရေးနှင့် ရေလုပ်ငန်း ၀န်ကြီးဟောင်း (ဗိုလ်မှူးချူပ်ဟောင်း) ဦးမောင်မောင်သိမ်းပ်ါရှိသော စွဲချက် အပါအ၀င် အခြားစုံစမ်းစစ်ဆေးချက်များက နောက်ထပ် ကဏ္ဍတစ်ခုသို့ ဆက်နွှယ်သွားပြန်သည်။ မွေးမြူရေးနှင့် ရေလုပ်ငန်း ၀န်ကြီးဌာန၏ အကြီးတန်းဗျူရိုကရက်တစ်ဦး ဖြစ်သော ခင်ကိုလေး ကိုလည်း လာဘ်စားမှုကြောင့် မတ်လအတွင်း သမ္မတရုံး အမိန့်ဖြင့် ရာထူးမှ ချက်ခြင်းဖယ်ရှားခဲ့သည်။ အစည်းအဝေးအတွင်းမှ ရုံးသို့မပြန်တော့ဘဲ တစ်ခါတည်း ပစ္စည်းသိမ်း ထွက်ခွာသွားစေရန် အမိန့်ပေးခံရကြောင်း အစည်းအဝေး တက်ရောက်ခဲ့သူအရာရှိတစ်ဦးက ဆိုသည်။
လက်ရှိ မွေးမြူရေးနှင့် ရေလုပ်ငန်း ၀န်ကြီး ဦးအုန်းမြင့်သည်လည်း ရာထူးမှ ဖယ်ရှားခံရနိုင်ဦးမည်ဟု အာဏာပိုင်အတွင်းပိုင်း စကားများအရ သိရသည်။ ပြင်သစ်ကုမ္ပဏီတစ်ခုမှ ကမကထပြုခေါ်ယူသော ဦးအုန်းမြင့်၏ ပြင်သစ်ခရီးစဉ်ကို ဦးသိန်းစိန်မှ ဖျက်သိမ်းစေလိုက်သည်။ သို့သော် အတွင်းပိုင်းသတင်းအရ ၄င်းအား ခြွင်းချက်ဖြင့်လွှတ်ထားပြီး၊ ကချင် လက်နက်ကိုင်များနှင့် ငြိမ်းချမ်းရေးဆွေးနွေးရန် ဟူသောအကြောင်းပြချက်ဖြင့် ခရီးစဉ်ကိုဖျက်သိမ်းစေသည်ဟု ဆိုသည်။
ပြည်ထဲရေးဝန်ကြီး ဗိုလ်ချုပ်ကြီးကိုကို သည်လည်း သံသယဖြစ်ဖွယ် လာဘ်စားမှုဖြင့် စုံစမ်းစစ်ဆေးခံနေရကြောင်း သတင်းထွက်လာသည်။ သို့သော် ၄င်းမှာ အင်တာနက် စာမျက်နှာများပေါ်မှ အခြေအမြစ်မဲ့ ကောလဟလများသာဖြစ်ကြောင်း ၄င်း၏ ကိုယ်ရေးအရာရှိမှ ငြင်းဆိုထားသည်။ လယ်ယာစိုက်ပျိုးရေးဝန်ကြီး ဦးမြင့်လှိုင်သည်လည်း ဈေးနှုန်းမြင့် စပါးမျိုးများ တင်သွင်းရန် ကိစ္စနှင့် ပတ်သက်၍ မေးခွန်းများထွက်လာခဲ့သည်။ ယင်းမျိုးစပါးများမှာ မြန်မာ့ရေမြေရာသီဥတုသဘာဝနှင့်မကိုက်ညီဟု ကျွမ်းကျင်သူများစွာမှ ဆိုကြသည်။
ရန်ကုန်မြို့၊ အတိုက်အခံ NLD ပါတီ ဌာနချုပ်နှင့်ပြုလုပ်သော အင်တာဗျူးတစ်ခု၌ ဦးဥာဏ်ဝင်းက “ ဒီအကျင့်ပျက်ခြစားမှုကို ကျွန်တော်တို့အားလုံးသိကြပါတယ်။ နိုင်ငံသား အားလုံးကလည်း ဒီအကြောင်းကို သိရှိနေကြပါတယ်။ ၀န်ကြီးတွေကို အရေးယူဖို့ လိုအပ်ပါတယ်။ အထောက်အထားရှိနေတယ်ဆိုယင် ထိပ်ပိုင်းဆိုင်ရာ အဆင့် ပုဂ္ဂိုလ်တွေဖြစ်နေပါစေ အစိုးရအနေနဲ့ သူတို့ကို ရုံးတင်စီရင်သင့်ပါတယ် ” ဟု ပြောကြားသည်။
နိုင်ငံရေးသုံးသပ်သူအချို့ကမူ အထောက်အထားများ ရရှိ စုဆောင်းထားလင့်ကစား အရေးယူ ဆောင်ရွက်သွားခြင်းထက် ဦးရွှေမန်း၏ သမ္မတဖြစ်ရေးနိုင်ငံရေး ရည်မှန်းချက်၌ အသုံးချသွားရန် ဖြစ်သည်ဟု ယုံကြည်နေကြသည်။ “ သူတို့ဆီမှာ အထောက်အထား အားလုံး ရှိနေပါပြီ။ အထူးသဖြင့် ဦးရွှေမန်းကို အကြပ်ကိုင်ဖို့ဖြစ်တယ် ” ဟု အာဏာပိုင် တစ်ချို့ထံမှ ကြားသိရပေသည်။
ခြစားမှုဆန့်ကျင်ရေးလမ်းကြောင်းမှာ ၂၀၁၅ ခုနှစ် ရွေးကောက်ပွဲများ၌ လက်ရှိအာဏာရ USDP အား ဖယ်ရှားရေး ကဏ္ဍတစ်ရပ်အဖြစ် အခြားတစ်ဖက်မှ သုံးသပ်ကြသည်။ လက်ရှိနှင့်စစ်အုပ်ချုပ်ရေးကာလအတွင်း အကျင့်ပျက်ခြစားမှုဖြင့် နာမည်ပျက်ရှိခဲ့သော ၀န်ကြီးဟောင်း ၀ါရင့်ပုဂ္ဂိုလ် အများအပြားကို အဓိက ပစ်မှတ်ထားနေခြင်း ဖြစ်သည်။
USDP ၏ ဒုတိယဥက္ကဌ ဦးဌေးဦးမှ ယင်းမှန်းဆသုံးသပ်ချက်များကို နိုင်ငံရေးတွေးလုံးများသာဖြစ်သည်ဟုဆို၍ ပယ်ချခဲ့သော်လည်း “ပါတီတွင်းမှာ အမြင် မတူမှုဆိုတာ ရှိတတ်တာပါဘဲ။ ဒါပေမယ့် ဒါတွေကို လူကြီးလူကောင်းဆန်ဆန်နဲ့ ကိုင်တွယ်သွားရမှာဖြစ်တယ်။ ဒါတွေကြောင့် ပါတီဟာ ချေမှုန်းခံရမှာ မဟုတ်ပါဘူး ” ဟု ပါးနပ်စွာ ပြောဆိုသွားခဲ့သည်။
=================================
BBC ၌ မြန်မာ့နိုင်ငံရေးသုံးသပ်သူ အဖြစ်ဆောင်ရွက်ခဲ့ပြီး ယခုအခါ ဘန်ကောက်အခြေစိုက် အလွတ်တန်းဂျာနယ်လစ်ဖြစ်သူ Larry Jagan မှ Asian Times တွင်ရေးသားထားသော Politics of corruption in Myanmar ဆောင်းပါးကို ဆီလျော်အောင်ပြန်ဆိုရေးသားပါသည်။
