News @ M-Media

Tag: featured

  • ဘာသာရေး အဆောက်အအုံများ ကာကွယ် စောင့်ရှောက်ရန် ရှေ့နေကြီး ဦးသန်းတင်ရဲ့ အမြင်

    ဧပြီ ၅၊ ၂၀၁၃
    M-Media
    ဆူးထက်

    OLYMPUS DIGITAL CAMERA

    ရန်ကုန် ။       ။    မြန်မာနိုင်ငံရှိ အစ္စလာမ်ဘာသာဝင်များ၏ ဗလီဝတ်ကျောင်းတော် နှင့် ဘာသာရေးစာသင်ကျောင်းများ ထိန်းသိမ်းကာကွယ် စောင့်ရှောက်မှုနှင့် ပတ်သက်ပြီး ဥပဒေရှုထောင့်အမြင်ဖြင့် သိရှိနိုင်စေရန် ရည်ရွယ်၍ အသက် (၉၂)အရွယ် ရှိပြီ ဖြစ်သော တရားရုံးချုပ် လွှတ်တော်ရှေ့နေကြီး ဦးသန်းတင်အား M-Media မှ ဆက်သွယ်မေးမြန်းခဲ့ပါသည်။

    “ဒီ ဗလီဝတ်ကျောင်းတော်တွေဟာ ဟိုးအင်္ဂလိပ်ခေတ် လက်ထက်အရင် ဗမာဘုရင်တွေ လက်ထက်ကတည်းက ဆောက်လုပ်ခဲ့တာပါ။ ရှေးနှစ်ပေါင်းရာကျော်က ရှိခဲ့တဲ့ ကျွန်တော်တို့ရဲ့ အမွေအနှစ်တွေပါ။ “သာသနာရောင်ဝါ ထွန်းပြောင်စေဖို့”ဆိုတဲ့ ပြည်မြန်မာက ထုတ်တဲ့ စာအုပ်ထဲမှာ ဗမာဘုရင်တွေ လက်ထက်က အစ္စလာမ် မြန်မာပြည်သို့ ရောက်ရှိလာပုံ ဆိုတာကို အတိအကျ ရေးထားတယ်။ အဲဒီရာဇ၀င် စာအုပ်ထဲမှာ အစ္စလာမ် ဘာသာဝင်တွေက မြန်မာပြည်ကို စောပြီးရောက်တယ်လို့ ပေးထားတာကို တွေ့ရတယ်။ မင်းတုန်းမင်းကြီးက ရတနာပုံ နေပြည်တော်ကို မြို့တည်တဲ့ နေရာမှာ အစ္စလာမ် ဘာသာဝင်တွေ အတွက် ဗလီဆောက်ဖို့ ၀င်းကြီးတွေ ချပေးပြီးတော့ ဗလီ အသီးသီး ဆောက်လုပ်ခွင့် ပေးခဲ့တယ်။ ဘုရင်ကြီးက မန္တလေး နန်းတည်ခဲ့ရုံသာမက နန်းတော်အတွင်းမှာပါ ရွှေပန္နဗလီကို သူကိုယ်တိုင် ပန္နတ်ချပြီး သူရဲ့ အစ္စလာမ် ဘာသာဝင် စစ်သည်စစ်သားတွေ ငါးကြိမ် လွယ်ကူစွာ ၀တ်ပြုနိုင်ဖို့ အတွက် ဆောက်လုပ်ပေးခဲ့တယ်။ ဒါတင်မကဘူး သူရဲ့ တိုင်းသူပြည်သား အစ္စလာမ်ဘာသာဝင်တွေ တစ်နှစ်တစ်ခါ မက္ကာရွှေမြို့တော်ကို ဘုရားဖူး သွားတဲ့ အခါ အဲဒီမှာ မြန်မာ မွတိစလင်တွေ တည်းခိုနေထိုင်ဖို့ အတွက် သူ့ရဲ့ လူယုံတော်တွေကို လွှတ်ပြီး ဒေါင်းဇရပ်ကြီးကို ဆောက်လုပ်ပေးခဲ့ပါတယ်။”

    “မြန်မာဘုရင်တွေ လက်ထက်ကတည်းက အစ္စလာမ် ဘာသာဝင်တွေ ဆွလာဟ်ဝတ်ပြုဖို့ ဆောက်လုပ်ခဲ့တဲ့ ဗလီ ၀တ်ကျောင်းတော်တွေ ဖြစ်တယ်။ နယ်ချဲ့ အင်္ဂလိပ် လက်ထက်မှာလည်း ဒီဗလီဝတ်ကျောင်းတော်တွေ တည်ရှိတယ်။ အချိန်မှန် ၀တ်ပြုနေတယ်။ ဒီဗလီတွေဟာ ရှေးဟောင်း အမွေအနှစ်တွေ ဖြစ်တဲ့အတွက် ဆက်လက် ထိန်းသိမ်းရမယ်။ ဦးနု အစိုးရ လက်ထက်တုန်းက ဗုဒ္ဓဘာသာကို နိုင်ငံတော် ဘာသာအဖြစ်ကြေညာတဲ့ အခါမှာ တိုင်းရင်းသား အစ္စလာမ် ဘာသာဝင် လူနည်းစုများ အဖွဲ့ဖွဲ့ပြီး ကျွန်တော်တို့ ကန်ကွက်ခဲ့ပါတယ်။ ဘာသာရေးကို လွတ်လပ်စွာ ကိုးကွယ်ပိုင်ခွင့် ဆိုတာ ရှိတဲ့အတွက် ဟိုးအရင်ကတည်းက ဘာသာဝင်တိုင်းရဲ့ အမွေအနှစ် အဆောက်အဦးတွေကို အစိုးရက ထိန်းသိမ်းခဲ့တယ် ဆိုတာ ရှိတယ်။ အခုလည်း နှစ်ပေါင်းရာကျော်သွားပြီ ဖြစ်တဲ့ ဒီအမွေအနှစ်တွေကို သူတို့ ဖျက်ချင်တိုင်း ဖျက်လို့မရပါဘူး။ ကျွန်တော်တို့က ဒီအမွေအနှစ်တွေကို ခံစားပိုင်ခွင့် ၊ ရပိုင်ခွင့် ရှိတယ်။ ဆောက်လုပ်ခွင့် ပေးစရာ မလိုအောင် ဒီဗလီတွေဟာ ဘုရင်တွေ အင်္ဂလိပ်ခေတ် လက်ထက်ကတည်းက ဆောက်ခဲ့တာပါ ”

    ‘ကမ္ဘာကပေးတဲ့ ဘာသာရေး လွတ်လပ်ခွင့် အခွင့်အရေးတွေ ရှိတယ်။ လူ့အခွင့်အရေး ရှိတယ်။ ဒါတွေကို ချိုးဖောက်ရင် ကမ္ဘာကို ဆန့်ကျင်တဲ့ သဘောရောက်တယ်။ ကမ္ဘာဥပဒေကို လိုက်နာရင် ဗလီတွေကို လိုက်ဖျက်စရာ မလိုဘူး။ ဗလီတွေကို ဖျက်ပေးရမယ်လို့ ပြောလာရင်လည်း ဘာသာရေး အမွေအနှစ် ဖြစ်တဲ့အတွက် ဒါကြောင့် မဖျက်ပါနဲ့လို့ ဆိုပြီး အဖွဲ့ကြီးငါးဖွဲ့ကနေပြီး သူတို့ကို နို့တစ်စာပေးပြီး တရားရုံးမှာ ရင်ဆိုင်ရင် ကောင်းမယ်။ ပြန်ပြီး တရားစွဲရမယ်။ တရားမစွဲရင် တာဝန်ကျေမှာ မဟုတ်ဘူး။ ရမည်းသင်းမြို့က ဗလီကြီးဆိုရင် ဗမက ရပ်ကွက်ဆိုပြီး ရှိတဲ့ သမိုင်းဝင် မြို့မှာ ရှိတဲ့ ဗလီ ဖြစ်တယ်။ ဗမက ဆိုတာ ဆရာကြီးဦးရာဇတ်တို့ ဖွဲ့ခဲ့တဲ့ ဗမာမွတ်စလင်ကွန်ဂရက် ဖြစ်တယ်။ ဗမာ မွတ်စလင် လှုပ်ရှားမူရဲ့ သမိုင်းဝင် အဖွဲ့အစည်း ဖြစ်တယ်။ ဗိုလ်ချုပ်အောင်ဆန်းကို နိုင်ငံတော် ဘာသာလုပ်မယ်လို့ အကြံပြုချက်ကို ဗိုလ်ချုပ်က “ဟာ ကျွန်တော်တို့ တိုင်းပြည်ကို လွတ်လပ်ရေးရအောင် တိုက်တဲ့ အချိန်မှာ မွတ်စလင်တွေလည်း ပါတယ်။ ဗုဒ္ဓဘာသာတွေ ပါတယ်။ ခရစ်ယာန်တွေ ပါတယ်။ ဟိန္ဒူတွေလည်း ပါတယ်။ အခုကျမှ ကျွန်တော်တို့က ကျွန်တော်တို့ ဗုဒ္ဓဘာသာဝင် တစ်ခုတည်းကို နိုင်ငံတော်ဘာသာ လုပ်ရမယ်ဆိုရင် မတရားတဲ့အတွက် လုံးဝ လက်မခံနိုင်ပါဘူး။ ကျွန်တော်တို့က ဆိုရှယ်လစ် နဲ့ သွားမယ်ဆိုပြီး ဗိုလ်ချုပ်အောင်ဆန်းက ပယ်ချပြီးတော့ တိုင်းပြည်မှာ ဘာသာရေးကို နိုင်ငံရေး အတွက် အလွဲသုံးစား မပြုရ ဆိုပြီးတော့ စည်းမျဉ်းလုပ်ခဲ့တယ်။ ပြီးတော့ ၁၉၄၇-ခုနှစ် လူ့အခွင့်အရေးမှာ အတိအကျ ပေးခဲ့တယ်။ နိုင်ငံသားတွေကို အခွင့်အရေး ပေးခဲ့တယ်။”

    “အခု ကျွန်တော်တို့ အစ္စလာမ်သာသာဝင်တွေဟာ နိုင်ငံသား အခွင့်အရေးတွေ ဆုံးရှုံးနေတယ်။ ဗိုလ်သင်တန်း ဆိုရင်လည်း မြန်မာမွတ်စလင်တွေ တက်ခွင့်မရဘူး။ တဖတ်သတ် အနိုင်ကျင့်ပြီး လုပ်နေတယ်။ ဖွဲ့စည်းပုံ အခြေခံ ဥပဒေ ၂၀၀၈-မှာ နိုင်ငံတော်မှာ ဘာသာကြီးလေးရပ် ရှိတယ်လို့ အသိအမှတ်ပြုထားတယ်။ အဲဒါကို ပယ်ဖျက်ပစ်လို့ မရဘူး။ ကမ္ဘာအပြည်ပြည် ဆိုင်ရာ ဥပဒေကို ဆန့်ကျင်ရာရောက်ရင် ကမ္ဘာမှာ မျက်နှာမလှ ဖြစ်မယ်”ဟု M-Media ရဲ့ ဆက်သွယ်မေးမြန်းမှုကို ဖြေကြားခဲ့ပါတယ်။

  • မွတ်စလင်များ ဆန္ဒပြမည့် သတင်းမမှန်၊ အစ္စလာမ် ဘာသာရေးအဖွဲ့ နှင့် ဆက်သွယ်မေးမြန်းချက်

    ဧပြီလ ၅၊ ၂၀၁၃
    M-Media
    အမ်တူးအေ

    မွတ်စလင်များ ဆန္ဒပြမည့် သတင်းမမှန်၊ အစ္စလာမ် ဘာသာရေးအဖွဲ့မှ ပြောကြားခဲ့ခြင်း၊ တာဝန်ရှိသူ ဦးဝဏ္ဏရွှေအား ဆက်သွယ်မေးမြန်းချက်

    ko wana shwe

    ရန်ကုန် ။ ။ ယနေ့ထုတ် စောင့်ကြည့်ဂျာနယ်တွင်ပါရှိသော “တိုင်းသာသနာရေးညွှန်ကြားရေးမှူးစကားအား အစ္စလာမ်ဘာသာဝင်များ ကန့်ကွက်ဆန္ဒပြမည်”ခေါင်းစဉ်သတင်းနှင့်ပတ်သက်၍ အစ္စလာမ်ဘာသာရေးအဖွဲ့ကြီးမှ ဦးဝဏ္ဏရွှေအား ဆက်သွယ်မေးမြန်းခဲ့ခြင်းဖြစ်ပါသည်။

    Q – ဒီနေ့ထုတ် စောင့်ကြည့်ဂျာနယ်မှာပါတဲ့ တိုင်းသာသနာရေးညွှန်ကြားရေးမှူးစကားအား အစ္စလာမ်ဘာသာဝင်များ ကန့်ကွက်ဆန္ဒပြမည်ဆိုတာနဲ့ပတ်သက်ပြီး အဖွဲ့ကြီးအနေနဲ့ ပြောဆိုခဲ့တာများရှိပါသလား။
    A – ကျွန်တော်တို့မပြောပါဘူး။ ကျွန်တော်တို့ မနေ့ကတည်းက တိုင်းသာသနာရေးမှူးပြောတာနဲ့ ပတ်သက်လို့ အစိုးရအဖွဲ့ရုံးကို သွားလိုက်တယ်။ အစိုးရအဖွဲ့ရုံးကို သွားပြီးတော့ လူမှုရေးအဖွဲ့အစည်း၊ လုံခြုံရေးအဖွဲ့အစည်းကို တင်ပြတယ်။

    Q – ဟုတ်ကဲ့
    A – တင်ပြပြီး ပြန်လာတဲ့အခါ ဦးအောင်ကြည်ကို ကျွန်တော်တို့ တိုက်ရိုက်ဖုန်းဆက်တယ်။ ဦးအောင်ကြည် ပြောခဲ့တဲ့ ဗလီတွေကိစ္စကို ကျွန်တော်တို့ လက်မခံနိုင်တာ ပြန်ပြင်ဖို့ ပြောတဲ့အခါ၊ သူက သူပြန်ပြင်ပေးပါ့မယ်၊ သူပြောတာ အဲဒီလို မဟုတ်ပါဘူးလို့ပြောတယ်။ ဒီလိုပြောပြီးတော့ မနေ့ညကလည်း ကျွန်တော်တို့ သာသနာရေးဝန်ကြီးရဲ့ PA ဆီကို ကျွန်တော်တို့ အကြောင်းကြားတယ်။
    ဦးအောင်ကြည်ကလည်း ဒါနဲ့ပတ်သက်လို့ မနေ့ညက ၂-ကြိမ်တိုင်တိုင် ကျွန်တော်တို့ကို သူဖုန်းဆက်လာတယ်။ အခု မနက်(၁၀)နာရီကို ကာကွယ်ရေးဝန်ကြီး ရုံးခန်းမှာ တစ်ခါပြန်ချိန်းတယ်။ ကျွန်တော်တုိ့က အခုမနက်မှာ NLD နဲ့ တွေ့ဆုံဖို့ရှိနေတော့ ဦးအောင်ကြည်နဲ့ နေ့လည် (၂)နာရီမှာ ပြန်ချိန်းထားတယ်။

    Q – ဟုတ်ကဲ့။ ဒါဆို ဒီနေ့ထုတ် စောင့်ကြည့်ဂျာနယ်မှာပါတဲ့ “တိုင်းသာသနာရေးညွှန်ကြားရေးမှူးစကားအား အစ္စလာမ်ဘာသာဝင်များ ကန့်ကွက်ဆန္ဒပြမည်”ဆိုပြီးပါလာတယ်။ အဲဒါကိုရော ဘယ်လိုများ ဖြေရှင်းဖို့ စဉ်းစားထားပါသလဲ။
    A – ကန့်ကွက်ဆန္ဒပြမယ်ဆိုတာမျိုးကို ကျွန်တော်တို့က တတ်နိုင်သမျှ ထိန်းသိမ်းပါတယ်။ လူစုလူဝေးနဲ့ ဆောင်ရွက်တဲ့ဟာက ကျွန်တော်တို့ လူနည်းစုအတွက်က အင်မတန်မှ အခက်အခဲရှိနိုင်တယ်။ ကျွန်တော်တို့က အဲဒါမျိုးတော့ မဆောင်ရွက်စေချင်ဘူး။ ဒါနဲ့ပတ်သက်လို့ သက်ဆိုင်ရာ ၀န်ကြီးဆီကိုရော၊ ဦးအောင်ကြည်ကိုရော ပြောပြပါမယ်။

    Q – ဟုတ်ကဲ့။
    A – ဗလီကိစ္စနဲ့တ်သက်လို့ သက်ဆိုင်ရာဝန်ကြီးဆီကိုရော ဦးအောင်ကြည်ကိုရော ပြောပြီးပါပြီ။ ဦးအောင်ကြည်ရဲ့ သဘောထားက ဒါမဟုတ်ပါဘူး။ သူပြောလိုက်တဲ့ဟာကို ဖြတ်ထည့်လိုက်လို့ ဖြစ်ပါလိမ့်မယ်။ အခုတော့ ဆက်လက် ဆောင်ရွက်နေပါတယ်။

    Q – ဟုတ်ကဲ့၊ အဲဒါဆောင်ရွက်နေတာအတွက်လည်းကောင်းပါတယ်။ အခုက စောင့်ကြည့်ဂျာနယ်မှာ မွတ်စလင်မ်တွေက သာသနာရေးဝန်ကြီးပြောတာကို မကျေနပ်လို့ ဆန္ဒပြမယ်ဆိုတာ ပါလာတော့ ထင်ယောင်ထင်မှားဖြစ်သွားမှာမျိုး ရှိနိုင်ပါလား။
    A – ကျွန်တော်တို့ကတော့ အဲလိုမျိုးလုပ်မယ်လို့ ဘယ်သူ့ကိုမှလည်း မပြောဖူးဘူး။ လုပ်ဖို့လည်းမရှိဘူး။

    Q – ဒါဆိုရင် အကယ်၍ သာသနာရေးဝန်ကြီးနဲ့တွေ့တဲ့အခါမှာ အခုဂျာနယ်ပါကိစ္စကိုရော ထည့်ပြောသင့်တယ်လို့ ထင်ပါသလား။
    A – ပြောသင့်ပါတယ်။ နောက်ပြီး မီဒီယာကလည်း ဒါကို ဖော်ပြပေးသင့်ပါတယ်။ မွတ်စလင်မ်ထုက ဆန္ဒပြဖို့မဟုတ်ဘူး။ ဆန္ဒပြဖို့လည်းမရှိဘူး။ မွတ်စလင်မ်ထုအနေနဲ့ ဒါနဲ့ပတ်သက်လို့ သာသနာရေးဝန်ကြီးရော၊ ရန်ကုန်ုတိုင်းအစိုးရအဖွဲ့ရော၊ ကာယကံရှင် ဦးအောင်ကြည်ကိုရော တိုက်ရိုက်တွေ့ဆုံပြီး ဖြေရှင်းသွားဖို့ပဲလုပ်ပါမယ်။

    Q – ဟုတ်ကဲ့ပါ။
    A – ကျွန်တော်တို့ အစ္စလာမ်ဘာသာရေးအဖွဲ့၊ အိုလမာအပါအ၀င် (၄)ဖွဲ့ကနေ တိုက်ရိုက် ဆက်သွယ်ဆောင်ရွက်နေပါတယ်။ နေ့လည်(၂)နာရီမှာ တွေ့ဆုံပြီး ပြန်လာရင်လည်း ကျွန်တော်တို့တွေ့ဆုံမှုကို ပြောပြပါ့မယ်။

    Q – ဟုတ်ကဲ့ပါ။

  • အဖြစ်မှန်နဲ့ ကင်းကွာပြီး ဥပဒေနဲ့ မညီညွှတ်တဲ့ တိုင်း သာသနာရေးမှူး ရဲ့ ပြောစကား

    ဧပြီ ၅၊ ၂၀၁၃
    M-Media
    သုတေသီ

    U aung kyi
    ရန်ကုန်တိုင်း သာသနာရေးမှူး၊ ဒုတိယညွှန်ကြားရေးမှူး၊ သာသနာရေးဝန်ကြီးဌာနမှ ဦးအောင်ကြည် Photo Credit-Eleven

    အစ္စလာမ် ဘာသာဝင်များအတွက် ဗလီများ ဆောက်လုပ်ခွင့်နှင့် ဗလီများအတွင်း စာသင်ကြားခွင့်များကို သာသနာရေးမှ တရားဝင် ခွင့်ပြုထားခြင်း မရှိကြောင်း ရန်ကုန်တိုင်း သာသနာရေးမှူး၊ ဒုတိယ ညွှန်ကြားရေးမှူး သာသနာရေး ၀န်ကြီးဌာနမှ ဦးအောင်ကြည်က ဧပြီလ ၂ ရက်နေ့တွင် ပြုလုပ်သည့် ရန်ကုန်တိုင်းဒေသကြီး ၀န်းကြီးချုပ်နှင့် မီဒီယာများ တွေ့ဆုံပွဲတွင် ပြောကြားခဲ့သည်။ ဟု ဒီနေ့ အလဲဗင်း သတင်းမှာ ဖတ်လိုက်ရပါတယ်။

    ဒီစကားဟာ ဥပဒေနဲ့ မညီညွတ်တဲ့ အပြင် အဖြစ်မှန်တွေနဲ့လဲ ကင်းကွာလို့ နေပါတယ်။ မြန်မာနိုင်ငံမှာ ရှိနေတဲ့ ဗလီများဟာ ဦးနေ၀င်းခေတ်နဲ့ န.၀.တ ခေတ်မှာ နေရာအသစ် ချထားပေးပြီး ဆောက်လုပ်တဲ့ ဗလီရယ်လို့ မရှိပါဘူး။ အချို့ ဗလီများဟာ ရှေး မြန်မာမင်းများ လက်ထက်ထဲက ဘုရင်တွေ ကိုယ်တိုင်က ဗလီမြေအဖြစ် ချထားပေးခဲ့တဲ့ သာသနာ့မြေ ဖြစ်ပါတယ်။

    အလောင်းမင်းတရား တည်ခဲ့တဲ့ ရန်ကုန်မြို့ (ယခင် မွန်အမည် ဒဂုံမြို့) ရဲ့ သစ်တပ် အတွင်းမှာလဲ ဗလီတွေ ရှိခဲ့တဲ့ သမိုင်း မှတ်တမ်းများရှိပါတယ်။

    မြေဒူးမြို့က မှန်စီ ရွှေချဗလီ ၄လုံးဟာလဲ ၊ ဆင်ဖြူရှင်မြေဒူးမင်း ကိုယ်တိုင် မွတ်စလင်တွေအတွက် ဗလီမြေနေရာ သတ်မှတ် ဆောက်လုပ်ပေးခဲ့တာပါ။

    ရန်ကုန်မြို့မှာ ရှိတဲ့ တခြမ်းပဲ့ ဗလီဆိုရင် ဘကြီးတော်မင်းက အင်္ဂလိပ်မြန်မာ ပထမစစ်အပြီး သူရဲ့ သစ္စာခံ မင်းမှုထမ်းများကို ဆုလာဘ်များ ပေးခဲ့ရာ အေဒီ ၁၈၂၆ခုနှစ်က် တပ်ဗိုလ်မှုးရာထူးဖြင့် ရွပ်ရွပ်ချွံချွံ တာဝန်ထမ်းဆောင် ခဲ့ကြသော အစ္စလာမ်ဘာသာဝင် ဦးရွှေသိုင်းနှင့် ဦးရွှေမှိုင်းတို့ ညီအစ်ကို ၂ဦးက ၄င်းတို့အတွက် ၀တ်တက်ရန်နေရာပေးပါလို့ တောင်းဆိုခဲ့လို့ ဘကြီးတော်မင်းက ရန်ကုန်မြို့ အခု အောင်ဆန်းကွင်းအနီးမှာ ၀တ်ပြုရန်မြေလှုဒါန်းခဲ့ပြီး ဗလီဆောက်လုပ်ခွင့် ပေးခဲ့ပါတယ်။ ၁၈၅၂ ခုနှစ် ဒုတိယမြန်မာအင်္ဂလိပ်စစ်ပွဲအပြီး၊ အင်္ဂလိပ်တို့ရန်ကုန်ကိုသိမ်းယူခဲ့ချိန် ရန်ကုန်ကို အုပ်စိုးသော စစ်ဗိုလ် ဆာဖယ်ရာက လမ်းဖောက်ခဲ့ရာ လမ်းနှင့်မလွတ်သောကြောင့် ဖဲ့ချခံရလို့ ထိုအချိန်ကတည်းက တခြမ်းပဲ့ ဗလီဟု တွင်ခဲ့တယ်လို့ လေ့လာသိရှိရပါတယ်။

    ဒီလိုဘဲ မန္တလေးမှာလည်း မင်းတုန်းဘုရင် ပေးသနားခဲ့တဲ့ ဗလီတွေ အမြောက်အမြား ရှိယုံမက မက္ကာမြို့  မှာတောင် မြန်မာ မွတ်စလင် ဟာဂ်ျ ဘုရားဖူးများအတွက် မင်းတုန်းမင်းကြီးရဲ့ ကုသိုလ်တော် ဒေါင်းဇရပ်ကြီး ရှိပါတယ်။

    ဗလီ အများစုနဲ့ စာသင်ကျောင်း အများစုကတော့ အင်္ဂလိပ် လက်ထက်မှာ မြန်မာပြည် အနယ်နယ်အရပ်ရပ်မှာ အင်္ဂလိပ်အစိုးရရဲ့ ဥပဒေနဲ့ အညီ ခွင့်ပြု လှူဒါန်း ဆောက်လုပ်ခဲ့တာပါ။ ဒီဥပဒေကလည်း လွတ်လပ်ရေးရပြီး နောက်ပိုင်း ဆက်လက် ကျင့်သုံးပြီး ဒီနေ့အထိ အတည်ဖြစ်နေတဲ့ ဥပဒေ ဖြစ်ပါတယ်။

    ဒီတော့ ဒါတွေဟာ ဥပဒေနဲ့အညီ တည်ရှိနေတာဖြစ်ပါတယ်။ အစိုးရတခု ပြောင်းသွားတိုင်း အသစ်ပြန် လျှောက်စရာ ပြန်အတည်ပြုစရာ မလိုပါဘူး။ အစိုးရတခုက ခွင့်ပြုပြီးရင် ဘယ်အစိုးရတက်တက် အတည်ပါဘဲ။ တရားဝင်ပါဘဲ။

    မြန်မာပြည်မှာ အဆောက်အဦး ဆောက်လုပ်တာဟာ စည်ပင်သာယာနဲ့၊ အိုးအိမ်ဦးစီးဌာနတို့နဲ့သာ သက်ဆိုင်ပြီး သာသနာရေးဦးစီးဌာနနဲ့ သက်ဆိုင်ခြင်းမရှိပါ။ ဥပဒေနဲ့ ညီညွတ်လို့သာ ဗလီ များကို ပြင်ဆင်ခွင့်၊ ပြုပြင်ခွင့် သက်ဆိုင်ရာက ခွင့်ပြုခဲ့ကြခြင်းသာ ဖြစ်ပါတယ်။

    ဒါ့အပြင် ၂၀၀၈ ခုနှစ် ဖွဲ့စည်းပုံ အခြေခံဥပဒေ

    ပုဒ်မ ၃၅၆ တွင်

    နိုင်ငံတော်သည် နိုင်ငံသားများ၏ တရားဝင် ရရှိပိုင်ဆိုင်ထားသော ရွှေ့ပြောင်းနိုင်သော ပစ္စည်း မရွှေ့ပြောင်းနိုင်သော ပစ္စည်းများနှင့် စပ်လျဉ်း၍ ဥပဒေအရ ကာကွယ်ပေးရမည်။..ဟု ၄င်း

    ပုဒ်မ ၃၆၂ တွင်

    နိုင်ငံတော်သည် ခရစ်ယာန်ဘာသာသာသနာ၊ အစ္စလာမ်ဘာသာသာသနာ၊ ဟိန္ဒူဘာသာ သာသနာနှင့် နတ်ကိုးကွယ်သော ဘာသာတို့ကို ဤဖွဲ့စည်းပုံ အခြေခံ အာဏာတည်သောနေ့၌ နိုင်ငံတော်တွင် ရှိနေကြသော ကိုးကွယ်ရာ ဘာသာများဟူ၍ အသိအမှတ်ပြုသည်။

    ပုဒ်မ ၃၆၃ တွင်

    နိုင်ငံတော်သည် အသိအမှတ်ပြုထားသော ဘာသာ သာသနာကို တတ်နိုင်သမျှကူညီစောင့်ရှောက်မည်။ လို့ ပြဌာန်းထားပါတယ်။

    အခုလို ဒုတိယညွှန်ကြားရေးမှုး ဦးအောင်ကြည်ရဲ့ ပြောကြားချက်များဟာ ဖွဲ့စည်းပုံ အခြေခံဥပဒေပါ ပြဌာန်းချက်များနဲ့ ဆန့်ကျင်နေတဲ့ အပြင် အခြားဥပဒေပါ အချက် အလက်များနဲ့လဲ ကွဲလွဲနေပါတယ်။ အစိုးရ အာဏာပိုင်အနေနဲ့ အခြေခံ ဥပဒေနဲ့အညီ ကာကွယ်ပေးရမဲ့အစား အခုလို ပြောကြားလိုက်ခြင်းဟာ  ပြသနာ အမျိုးမျိုး ရှုတ်ထွေးနေချိန်မှာ ပြသနာတစ်ရပ်ကို ထပ်မံ အသစ်ဖွင့်လိုက်သလို ဖြစ်နေပါတယ်။

     

  • ပရိဒေ၀ မီးလျှံများကြားမှ ကယ်ကူရာမဲ့ ဘ၀များ

    ပရိဒေ၀ မီးလျှံများကြားမှ ကယ်ကူရာမဲ့ ဘ၀များ

    ဧပြီလ ၄ ရက်၊ ၂၀၁၃
    M-Media
    သန့်စင်အေး

    1897008_635993229806710_1013184166_n

    Genocide တဲ့။ Ethnic Cleansing တဲ့။ အခုတလော မီဒီယာ စာမျက်နှာတွေမှာ မြန်မာပြည်က မွတ်စလင်မ်တွေ အကြမ်းဖက် တိုက်ခိုက်ခံရတဲ့ အကြောင်းရေးရင်ပါနေကြ စကားလုံး။ ခဏခဏ မြင်တွေ့နေရ ပြန်တော့လည်း အလွတ်တောင်ရနေပြီ။ ဟုတ်ပါတယ်။ အခုတလော စာရေးသူတို့မြန်မာပြည်မှာ အစ္စလာမ် ဘာသာဝင်တွေ ရက်ရက်စက်စက် အသတ်ခံရ၊ အစ္စလာမ်သာသနိက အဆောက်အအုံတွေ ဖျက်ဆီးခံရ၊ ပိုင်ဆိုင်မှုတွေဆုံးရှုံးခဲ့ရတာတွေ မကြာခဏဆိုသလို မီဒီယာတွေမှာ မြင်တွေ့ကြားသိနေပါတယ်။ သေဆုံးသွား သူတွေရှိသလို၊ ဒုက္ခသည် စခန်းမှာလည်း ဒုနဲ့ဒေးပါ။ မသေသေးဘဲ ကျန်နေတဲ့သူတွေ၊ ဒုက္ခသည် စခန်းမရောက်သေးဘဲ ကိုယ့်အိမ်မှာကိုယ်နေတဲ့ လူတွေမှာလည်း သေဆုံးသွားသူတွေ အတွက် ပူဆွေးသောက ရောက်ရတာကတစ်မျိုး၊ စီးပွားရေးတွေ ကျဆင်းလို့ စိတ်ညစ်ရတာက တစ်ဖုံ၊ ပြီးတော့ ကြိုးတိုက်ထဲက ကြိုးမိန့်ကျခံနေရတဲ့ အကျဉ်းသားတွေလို “ကိုယ့်အလှည့်ဘယ်နေ့လဲ”ဆိုပြီး တွေးပူ နေရတာတွေနဲ့ “စိတ်ထောင်းတော့ ကိုယ်ကြေ” ဆိုတာလိုမျိုးနဲ့ ကျီးလန့်စာစားဖြစ်နေရပါတယ်။ အို…အလ္လာဟ်၊ ကျွန်တော်မျိုးတို့မှာ ဒုက္ခဆင်းရဲမျိုးစုံ ခံစားနေကြရတဲ့အပြင် ကိုယ်ခံစားနေရတဲ့ ဒုက္ခတွေကိုတောင် ပွင့်ပွင့် လင်းလင်းဖွင့်ပြောခွင့် မရှိတဲ့ဘ၀၊ ဒါပေမယ့် ကျွန်တော်တို့ရဲ့ မျက်လုံးတွေမှ တဆင့် ပြောနေကြတဲ့စကား၊ ကျွန်တော်တို့ရဲ့ မျက်နှာတွေက တဆင့် ဖွင့်ဟပြောဆိုနေကြတဲ့ ကျွန်တော်တို့ရဲ့ပူဆွေးဗျာ ပါဒတွေကို အလ္လာဟ် အသိဆုံး၊ အမြင်ဆုံးပါ။ ကျွန်တော်တို့အေးချမ်းချင်လှပါပြီ။ ကျွန်တော်မျိုးတို့အား “အနိဌာရုံတွင်းနက်ကြီးထဲမှ အမြန်ဆုံးကယ်တင်ဆွဲထုတ်တော်မူပါ”။

    “ဆင်ဝှေ့ရန်ရှောင်”နည်းနဲ့ ဘယ်လောက်ကြာကြာတင်းခံနိုင်ကြမလဲ?

    ဟုတ်ပါတယ်။ ကျွန်တော်တို့တွေဟာ အခုအချိန်မှာ ဆင်ဝှေ့ရန်ရှောင် ဆိုတာလို ဖြစ်နေပါတယ်။ လွန်ကဲတဲ့အတ္တစိတ်တွေနဲ့ ဘီလူးစီးနေတဲ့ ဆင်ရိုင်းကြီးတွေက ကျွန်တော်တို့ကို အစွယ်နဲ့ထိုး၊ ခြေထောက်နဲ့နင်း၊ နှာမောင်းနဲ့ရစ်ပတ်ပြီးမြေကြီးကိုဆောင့်ချ လုပ်နေတဲ့အချိန်မှာ အဲဒီဆင်ရိုင်းကြီးတွေကို ပြန်လည်တွန်းလှန်ဖို့နေနေသာသာ ကိုယ့်ကိုယ် မထိအောင် မနည်းရှောင်တိမ်းနေရပါတယ်။ အဲဒီ ဆင်ရိုင်းကြီးတွေရဲ့တိုက်ခိုက်မှုဒဏ်ကြောင့် ကျွန်တော်တို့ရဲ့အချို့သော မိသားစုဝင်များကတော့ အေးငြိမ်းသော “အမတသုခဘုံ”မှာ ခိုလှုံသွားခဲ့ကြပြီ၊ အချို့က ဒုက္ခသည်စခန်းတွေမှာ၊ အချို့က ဆေးရုံမှာ၊ အချို့ကတော့ ဘယ်ဆီရောက်နေမှန်းမသိ၊ အကောင်းအတိုင်းကျန်ရစ်နေတဲ့သူတွေကလည်း ဒုက္ခရောက်နေသူတွေကိုမြင်ရ၊ ကြားရတော့ “ရှားမီးခဲတွင်၊ ရဲရဲငယ်ကင်၊ အကျွန်မမြင်ဝံ့ပါပြီတကား”ဆိုတဲ့ ချိုးမောင်နှံကဗျာလေးထဲကလို မိမိချစ်ခင်ရသောသူတွေ ရှားမီးခဲတွင် ကင်ခံနေရတာကို မကြည့်ဝံ့၊ မမြင်ဝံ့ ဖြစ်နေရတဲ့အပြင် “မိမိလည်းတစ်နေ့ သူတို့လိုပဲ ခံစားရမှာလား“ဆိုတဲ့  အသိနဲ့ “ဆုပ်လည်းစူး၊ စားလည်းရူး”ဖြစ်နေရပါတယ်။

    စိုတဲ့လက်တွေ မခြောက်ဖို့အတွက် အဓိကရုဏ်းကို အမည်တပ်မမှားစေလို

    ဒီနေရာမှာ စာရေးသူတို့အနေနဲ့က မိမိတို့ရဲ့ခံစားချက်တွေကို အများက ကိုယ်ချင်းစာစိတ်ဝင်လာ အောင် ခံစားချက်ဓာတ်ကူးပေးဖို့လိုပါတယ်။ မြန်မာနိုင်ငံမှာ အစ္စလာမ်ဘာသာဝင်တွေကို အဓိကပစ်မှတ်ထားပြီး ဦးတည်တိုက်ခိုက်နေတယ်ဆိုပေမယ့် ဒါဟာ ဘာသာရေးပဋိပက္ခမဟုတ်ပါဘူး။ နိုင်ငံရေးအလှည့်အပြောင်းမှာ မွတ်စလင်မ်တွေဟာ မြေဇာပင်ဖြစ်နေတယ်ဆိုတာ အများကို တင်ပြတတ်ဖို့အရေးကြီးပါတယ်လို့ အကြံပြုလို ပါတယ်။ ဒါကို သေသေချာချာ ဂဃနဏ မသိဘဲ ခံစားချက်ကိုရှေ့တန်းတင်ရင် လက်ရှိဖြစ်ပေါ်နေတဲ့ ပဋိပက္ခ တွေကို ဘာသာရေးပဋိပက္ခအသွင်ပြောင်းသွားအောင်ဖန်တီးဖို့ မသမာသူတွေကို အခွင့်အရေးပေး သလို ဖြစ်သွားပါလိမ့်မယ်။ အဲဒါကြောင့် ဆူဆူပူပူဖြစ်နေတဲ့အချိန်မှာ အတတ်နိုင်ဆုံး ရွှေဝါရောင်သံဃာတော်များအဖွဲ့၊ ကိုမင်းကိုနိုင်တို့ ၈၈ မျိုးဆက်အဖွဲ့တွေအစရှိတဲ့ သမာသမတ်ရှိတဲ့ အဖွဲ့အစည်းတွေနဲ့ အတတ်နိုင်ဆုံး ဆက်သွယ်ဆောင်ရွက်ပါ။ မီဒီယာတွေနဲ့လည်း ဆက်ဆံရေးယူထားပါ။ အမှန်တရားကို အရှိအတိုင်း လူထုကို ချပြဖို့အခွင့်အရေး မရရင်တောင် အမှန်တရားနဲ့ အနီးစပ်ဆုံးဖြစ်အောင် ရေးဖို့တောင်းဆိုပေးပါ။ မိမိ နေထိုင်ရာ ဒေသအတွင်းမှာရှိတဲ့ ဘာသာခြားတွေနဲ့လည်း ရပ်ရွာလုံခြုံရေး လုပ်ငန်းတွေကို ပူးပေါင်းဆောင် ရွက်ကြစေလိုပါတယ်။ အဲဒီလို အဆင့်ဆင့်ဆောင်ရွက်ပြီးတာတောင်မှ အခြေအနေကို မထိန်းသိမ်းနိုင် တော့ဘူးဆိုရင်လည်း “ကိုယ့်အိမ်၊ ကိုယ့်ရပ်ရွာနဲ့ ကိုယ့်ကိုယ်ကို စောင့်ရှောက်ခွင့်ဆိုတာရှိပါတယ်။ ကိုယ့်ကိုယ်ကို ကာကွယ်ပိုင်ခွင့်လည်းရှိပါတယ်။ တရားဥပဒေအရ ခွင့်ပြုထားတာပါ။ အဲဒီတော့ ကျွန်တော်တို့နေရာ ဒေသကိုလာဖျက်လို့၊ ကျွန်တော်တို့ အိမ်ကိုလာဖျက်လို့၊ ကျွန်တော်တို့ကို အန္တရာယ်လာပြုလို့ ခုခံကာကွယ်တာမျိုးပဲဖြစ်ရပါမယ်။ ဘာသာရေးအသွင်ဆောင်တဲ့ လှုပ်ရှားမှုမျိုးတွေလုပ်ရင် စောစောကတင်ပြထားတဲ့အတိုင်း မသမာသူတွေကိုအခွင့်အရေးပေးသလို ဖြစ်သွားမယ်ဆိုတာကို သတိရပါ။ အခုလိုမျိုး အကြံပြုနေရတာကတော့ “တရားလိုကနေ တရားခံဖြစ် မသွားစေချင်လို့”ပါ။ ပြီးတော့ ဘာသာမတူသူ အများစုကလည်း အခုလို မွတ်စလင်မ်တွေအပေါ် ကိုယ်ချင်းစာ စိတ်ဖြစ်ပေါ်နေတုန်းမှာ ကိုယ့်ဖက်ကစပြီး “စိုတဲ့လက် တွေကို ခြောက်သွားအောင်”မလုပ်မိဖို့လိုပါတယ်။

    အဆိုးထဲကအကောင်း

    ဒါပေမယ့် ဒီနေရာမှာအဆိုးထဲကအကောင်းဆိုသလိုပေါ့လေ။ ကျွန်တော်တို့ကို ကိုယ်ချင်းစာနား လည်ပေးနိုင်မယ့်သူတွေ၊ ကျွန်တော်တို့ဘက်က ရပ်တည်ပေးတဲ့သူတွေ၊ ကျွန်တော်တို့ကိုကာကွယ်ပေးတဲ့ သူတွေလည်း ပေါ်ထွက်လာခဲ့ပါတယ်။ ဆရာတော်အရှင် ၀ိသုဒ္ဒ (မိတ္ထီလာမြို့၊ ရတနာကျောင်းတိုက်) ကတော့ ဆရာတော်ရဲ့ ဘုန်းကြီးကျောင်းထဲ ၀င်ပြေးသွားတဲ့ မွတ်စလင်မ်ဒုက္ခသည်တွေကိုထုတ်ပေးဖို့ အကြမ်းဖက် သမားတွေက တောင်းဆိုရာမှာ ထိုဘုန်းတော်ကြီးက ထုတ်မပေးဘဲ ကာကွယ်ပေးခဲ့တာတွေ၊ အလားတူပဲ ရွှေဝါရောင် သံဃာတော်များ အဖွဲ့ကလည်း ဒုက္ခရောက်နေတဲ့မွတ်စလင်မ်တွေကို လိုက်ပြီး ကူညီပေးခဲ့တာ၊ လိုက်ပြီး စောင့်ရှောက်ပေးခဲ့တာတွေ၊ ၎င်းပြင် ကိုမင်းကိုနိုင်တို့လို ၊ ဆရာမ သန်းမြင့်အောင်တို့လို အမှန်တရားဘက်က မားမားရပ်တည်ပေးတဲ့ခေါင်းဆောင်တွေလည်း ပေါ်ထွက်လာခဲ့ပါတယ်။ အလားတူပဲ နောက်ထပ်လည်း လူအများစုကြီးထဲမှ အချို့သူများက ဒီကိစ္စမှာ မွတ်စလင်မ်တွေအပေါ် စာနာမှုတွေပြခဲ့ကြပါတယ်။ အကူအညီတွေလည်းပေးခဲ့ကြပါတယ်။ ထိုသူများကိုတော့ စာရေးသူတို့ နှလုံးသားထဲမှာ ကျေးဇူး တင်လျက်ရှိပြီး ၎င်းတို့အပေါ်သို့လည်း မေတ္တာများ ပို့သပေးလျက်ရှိပါတယ်။ နောက်ပြီးတော့ မေတ္တာကမ်းပိန်းမှ ဆရာတော်များလို မြန်မာနိုင်ငံမှာ “ဘာသာပေါင်းစုံချစ်ကြည်ရေး” ကိုဦးဆောင်ပြီး လုပ်နေကြတဲ့ ဘာသာပေါင်းစုံ မှ သံဃာတော်၊ ဆရာတော်များကိုလည်း အထူးကျေးဇူး တင်လျက်ရှိနေကြပါတယ်။ မေတ္တာကမ်းပိန်း အပြင် နောက်ထပ်လည်း မြန်မာနိုင်ငံမှာ ဘာသာပေါင်းစုံ ချစ်ကြည်ရေးကို ဖော်ဆောင်နေတဲ့ သံဃာတော်များနဲ့ သက်ဆိုင်ရာဘာသာရေး အကြီးအကဲများ၊ သက်ဆိုင်ရာ အဖွဲ့အစည်းများကိုလည်း ကျေးဇူးတင်ပါတယ်။  အကြမ်းဖက်မှုပေါ် ပေါက်လာတိုင်းမှာ လူထုကို ငြိမ်းချမ်းရေးတရားတွေဟောပြီး ငြိမ်းချမ်းစေဖို့ သံဃာတော်များ၊ ကြေငြာစာတွေ ထုတ်ပြန်ပြီး လူထုကို ငြိမ်းချမ်းဖို့အသိတွေပေးတဲ့ အဖွဲ့အစည်းအားလုံးကိုလည်း ကျေးဇူး အထူးတင်လျက်ပါ။ နောက်ထပ်သတိထားမိတာကတော့ တစ်သက်လုံးက မွတ်စလင်မ်ကိုဆိုရင် “မင်းတို့ ကုလားတွေပါ”ဆိုပြီး ဝေဖန်ခဲ့သူ အချို့ကတောင် မွတ်စလင်မ်ကလေးတွေ အသတ်ခံရတာကိုကြားရတော့ “ဒီကောင်တွေလုပ်တာ သိပ်လွန်သွားပြီ”လို့ ပြောတာ ကြားခဲ့ရပါတယ်။ အဆိုးထဲက အကောင်းကို ဆွဲထုတ်ယူပြီး အမှန်တကယ်ကျေးဇူးတင် ထိုက်သူတွေကို ကျေးဇူးတင်ခြင်းပါ။

    မွတ်စလင်မ်ကို အနုနည်းနဲ့ ဆန့်ကျင်ကြရာဝယ်…

    မြန်မာပြည်တွင်းမှာ အချို့သောသူများက မွတ်စလင်မ်ကို အကြမ်းနည်းနဲ့ နှိပ်ကွပ်နေသလို အနုနည်းနဲ့ ဆန့်ကျင်လာကြတာကိုလည်း တွေ့ရပါတယ်။ “မွတ်စလင်မ်ဆိုင်မှာမ၀ယ်နဲ့၊ မွတ်စလင်မ်ဆိုရင်မရောင်းနဲ့” တိုင်းပြည်ထဲမှာ မွတ်စလင်မ်အပေါ် ပိတ်ဆို့မှုတွေ လုပ်လာတာကိုတွေ့ရပါတယ်။ သြော်… သမ္မတကြီးကတော့ နိုင်ငံ တကာလှည့်ပြီး နိုင်ငံတကာခေါင်းဆောင်တွေကို မြန်မာပြည်အပေါ်မှာ ပိတ်ဆို့ အရေးယူထားတွေကို လျှော့ချ ပေးဖို့ ၊ Sanction တွေကို ရုပ်သိမ်းပေးဖို့ တောင်းဆိုနေတဲ့ အချိန်မှာ သူတို့ကတော့ ပြည်တွင်းမှာပြန်ပြီး Sanction တွေလုပ် သမ္မတမျက်နှာကိုတောင် မထောက်တော့တာလား။ ဒါမှမဟုတ်… နိုင်ငံတကာက ပိတ်ဆို့ အရေးယူမှုတွေကို ခံစားနေရတာ မြန်မာပြည်သူပြည်သားအားလုံးပါ။ ဘာသာ/လူမျိုး မရွေးပါဘူး။ အခုလို နိုင်ငံတကာက ပိတ်ဆို့ခံထားရသူ အချင်းချင်းကြားထဲမှာ ပြန်ပြီးအသေးစား Sanction တွေပြန်လုပ်တယ်ဆိုတာ ကမ္ဘာက မသိဘဲနေမလား၊ ဒီလိုသိသွားရင် မြန်မာပြန်ရဲ့အနာဂတ်က ဘယ်လိုဖြစ်လာမလဲ။ နိုင်ငံတကာက ပိတ်ဆို့တာတွေကို အထပ်ထပ်ခံနေရတဲ့ LDC (ဖွံဖြိုးတိုးတက်မှုနိမ့် ကျဆုံးသောတိုင်းပြည်)က ပြည်သူ/ပြည်သား အချင်းချင်း စုပေါင်းတိုင်ပင်ကြပြီး ကိုယ့်တိုင်းပြည်ကို ဘယ်လို တိုးတက်အောင် လုပ်မလဲဆိုတာ ဆွေးနွေးရမယ့် အချိန်မှာ ဇာတ်တူသား စားဖို့ ကြံနေရင်တော့ ဟင်္သာတမျိုးလုံး ပျက်သလိုဖြစ်သွားပါလိမ့်မယ်ဆိုတာ စေတနာနဲ့ အကြံပြုပါရစေ။

    ဘုံရန်သူကိုရှာဖို့လို

    ဒီနေရာမှာတော့ စာရေးသူက အိန္ဒိယသမ္မတဟောင်း သမ္မတကြီး အဗ္ဗဒူလ်ကလာမ် ရေးတဲ့ စာအုပ်တစ်အုပ်ထဲက အကြောင်းအရာလေး တစ်ခုကို ပြန်သွားပြီး သတိရမိပါတယ်။ သမ္မတကြီး အဗ္ဗဒူလ်ကလာမ်က အိန္ဒိယမှာ သမ္မတတာဝန် ထမ်းဆောင်နေတဲ့အချိန်မှာ သမ္မတကြီးက အိန္ဒိယနိုင်ငံမှာ ရှိတဲ့ စာသင်ကျောင်းတွေကို သွားရောက် လှည့်လည်ပြီး ကျောင်းသားလေးတွေကို မေးခွန်းတစ်ခုမေးပါတယ်။ “မင်းတို့ရန်သူက ဘယ်သူလဲ”ဆိုတဲ့မေးခွန်းပါ။ ကျောင်းအားလုံးက ကျောင်းသားလေးတွေ အားလုံးနီးပါးက ပြန်ဖြေပါတယ်။ “ကျွန်တော်တို့ရန်သူက ပါကစ္စတန်”ပါတဲ့။ အားလုံးသိကြတဲ့အတိုင်းပဲ… အိန္ဒိယနဲ့ပါကစ္စတန်ဆိုတာ ရန်သူလိုဆက်ဆံနေကြတာ၊ နှစ်နိုင်ငံ စလုံးကလည်း သူတို့နိုင်ငံရဲ့ မျိုးဆက်သစ်လေးတွေကို အမျိုးသားရေးစိတ်ဓာတ်အမည်ခံ စိတ်သွေးကြွစိတ်ဓာတ်တွေ ရိုက်ထည့်ပေးထား ကြတာဆိုတော့ ကျောင်းသားလေးတွေက အဲဒီလိုပဲဖြေတာပေ့ါ။ ဒါပေမယ့် ကျောင်းသားလေး တစ်ယောက် ဖြေတဲ့အဖြေကတော့ ထူးခြားစွာပဲ အများနဲ့ကွဲလွဲနေပြီး အင်မတန်မှ ချီးကျူးစရာကောင်းပါတယ်။

    သူဖြေလိုက်တဲ့အဖြေကတော့ “ကျွန်တော့်ရဲ့ရန်သူက ဆင်းရဲမွဲတေမှုပါ တဲ့။ ကျွန်တော်က ကျွန်တော့်မိသားစုမှာ အငယ်ဆုံးပါ။ ကျွန်တော့်မိဘတွေက ကျွန်တော့်ကိုအငယ်ဆုံးမို့လို့ ပညာတတ်ဖြစ်စေ ချင်လို့ ကျောင်းပို့ရာမှာ ပိုက်ဆံ မလုံလောက်တဲ့အတွက် ကျောင်းတက်နေတဲ့ ကျွန်တော့်အစ်ကို ၊ အစ်မတွေကို ကျောင်းထုတ်၊ အပြင်ထွက်အလုပ်လုပ်ခိုင်းပြီးမှ ကျွန်တော့်ကိုကျောင်းပို့ရတာပါတဲ့။ အဲဒါ ကျွန်တော်သိထားတဲ့ ကျွန်တော့်ရဲ့ရန်သူပါပဲတဲ့”။ ဟုတ်ပါတယ်။ စာရေးသူတို့တိုင်းပြည်မှာလည်း စာရေးသူတို့ ပြည်သူပြည်သား အားလုံးရဲ့ ဘုံရန်သူ ဟာဘယ်သူပါလဲ၊ စာရေးသူတို့ ရှာကြသင့်ပါပြီ။ စာရေးသူလည်း ဒီအဖြေပဲထပ်ဖြေပါ့မယ်။ “ဆင်းရဲမွဲတေမှု”ပါ။ စာရေးသူတို့တိုင်းပြည်မှာရှိတဲ့ ပြည်သူ/ပြည်သားတွေ၊ လူမျိုး/ဘာသာမခွဲပါဘူး။ အဲဒီ ပြည်သူပြည်သားတွေရဲ့ တစ်လပျမ်းမျှဝင်ငွေဘယ်လောက်ရှိပါသလဲ၊ ပြီးတော့ Human Development Index “လူစွမ်းအား အရင်းအမြစ်ဖွံ့ဖြိုးမှု ညွှန်းကိန်း”ရဲ့ စံချိန်စံနှုန်းတွေနဲ့ ပြန်တိုင်းကြည့်ပါ။ စာရေးသူတို့ ပြည်သူပြည် သားတွေဘယ်လောက်နည်းပညာတွေဖွံ့ဖြိုး တိုးတက်ပြီလဲ၊ နိုင်ငံတကာနဲ့ ရင်ပေါင်တန်းနိုင်ပြီလား စသည်ဖြင့် မေးခွန်းတွေ အများကြီးပါ။ မြန်မာပြည်မှာလူတိုင်း ဖုန်းကိုင်နိုင်ပြီလား၊ လူတိုင်းအင်တာနက်သုံးနိုင်ပြီလား၊ နိုင်ငံ တကာသုံးဘာသာစကား အင်္ဂလိပ်စာနဲ့ အင်္ဂလိပ်စကားကို လူတိုင်းနီးပါးရေးတတ်/ပြောတတ်ပြီလား။ မြန်မာပြည်ကလူတိုင်းလိုလို အင်္ဂလိပ်စာ ညံ့တယ်လို့ မဆိုလိုပါဘူး။ ဒါပေမယ့် နိုင်ငံခြားမှာ အင်္ဂလိပ်စကား မတတ်လို့ အထင်သေးတဲ့အကြည့်နဲ့အကြည့်ခဲ့ရတဲ့သူတွေထဲမှာ အများဆုံးက ဘယ်နိုင်ငံသားတွေပါလဲ။ ဒါကအပိုင်းတစ်ပိုင်းပေါ့လေ။

    စီးပွားရေးနဲ့ပတ်သက်လို့ ပြန်ပြောရရင်တော့ အနီးစပ်ဆုံး သာဓကတစ်ခုပြပါ့မယ်။ လွန်ခဲ့တဲ့ နှစ်ပတ်ကျော်လောက်က Weekly Eleven ဂျာနယ်မှာဖတ်လိုက်ရပါတယ်။ “ရခိုင်ပြည်နယ်တွင် ဖြစ်ပွားခဲ့သော အဓိကရုဏ်းများကြောင့် ရခိုင်ပြည်နယ်မှာ အလုပ်အကိုင်အခွင့်အလမ်း၊ စီပွားရေးအခွင့်အလမ်း တွေ ရှားပါးပြီးတော့ ရခိုင်ပြည်နယ် ဒေသခံ (၃) ပုံ (၁) ပုံခန့်သည် ၎င်းတို့ရဲ့မွေးရပ်မြေကို စွန့်ခွာပြီး အခြားတိုင်းဒေကြီးများမှာ သွားရောက်အလုပ် လုပ်ကိုင်နေကြရသည်”တဲ့။ အဲဒါ အဖြေပါပဲ။ စာရေးသူတို့ ရန်ကုန်မှာရော ရုတ်ရုတ်သဲသဲဖြစ်လို့ ဆိုင်တွေပိတ်ရင် နစ်နာတာ မွတ်စလင်မ်တွေပဲလား၊ မွတ်စလင်မ်တွေ နဲ့အရောင်းအ၀ယ်မလုပ်ရင် နစ်နာမှာ မွတ်စလင်မ်တွေပဲလား။ နှစ်ဖက်စလုံးနစ်နာပါတယ်။ နည်းနည်း နစ်နာတာနဲ့ များများနစ်နာတာပဲကွာချင်ကွာမယ်။ အဓိကပြောချင်တာကတော့ မွတ်စလင်မ်ပဲဖြစ်ဖြစ်၊ ဗုဒ္ဓဘာသာပဲဖြစ်ဖြစ်၊ ဘယ်ဘာသာဝင်မဆို အကုန်လုံးက အေးအေးချမ်းချမ်း၊ အဆင့်အတန်းမြင့်မြင့်နဲ့ ပျော်ပျော်ရွှင်ရွှင်နေချင်ကြတယ် ဆိုတဲ့အချက်တစ်ခုကတော့ တူညီနေတာ အသေအချာပါပဲ။

    “ဆင်းရဲမွဲတွေမှုကို ပြတိုက်ထဲပို့ချင်လား”၊ ရတယ်။  ဒါမှမဟုတ် အခုလိုပဲ ပြဿနာပေါင်းသောင်းခြောက်ထောင်နဲ့ ဆင်းရဲသံသရာ လည်ချင်လား၊ ရတယ်။ အခြေအနေအရပ်ရပ်ကိုအစွဲကင်းကင်းနဲ့ ဓမ္မဓိဌာန်ကျကျ သုံးသပ်ကြည့်ရင် မြန်မာပြည်သူပြည်သားအားလုံးရဲ့ ဘုံရန်သူက ဘာလဲဆိုတာ ပေါ်လာပါလိမ့်။ အဲဒါကို တိုက်ရမယ်။ အဲဒီလိုဆင်းရဲမွဲတေမှုကို သက်ဆိုးရှည်စေမယ့် လုပ်ရပ်တွေကိုရှောင်ရမယ်။ အဲဒီလုပ်ရပ်လုပ်နေတဲ့သူတွေ ကိုလည်း သက်ဆိုင်ရာပုဂ္ဂိုလ်များက တားဆီးရမယ်။ အမျိုးသားရေးစိတ်ဓာတ်အရောင်ပြပြီး မွတ်စလင်မ် မုန်းတီးရေးတွေဖန်တီး၊ Face book တွေကနေ၊ အင်တာနက် စာမျက်နှာတွေကနေ ဘာသာရေး အဓိကရုဏ်းဖြစ်အောင် ၀ါဒတွေဖြန့်၊ ပြဿနာဖြစ်တော့ မဲပြာပုဆိုးဇာတ်လမ်းတွေနဲ့ ဓာတ်ပြားဟောင်းကြီး ပြန်ဖွင့် ဒီလိုမျိုးပြဇာတ်တွေ လိုက်ကာချပြီး တစ်ခန်းရပ်သင့်ပြီ။ Weekly Eleven ဂျာနယ်ရဲ့ CEO ကလည်း ၎င်းရဲ့မီဒီယာမှာ ဒီအတိုင်းပဲသုံးသပ် ထားတာကိုတွေ့ရမှာပါ။

    ရှေးခေတ်အခါတုံးက ပညာရှင်ကြီးတစ်ပါးက ရှင်ဘုရင်ကို ဆုံးမခဲ့တဲ့အကြောင်းအရာလေးလိုပါပဲ။ သူတော်စင်ကြီးက ဘုရင်ကြီးရဲ့ နန်းတော်ထဲကို မောကြီးပန်းကြီးနဲ့ ၀င်ရောက်သွားတော့ ဘုရင်ကြီးက မေးပါတယ်။ ဘယ်ခရီးက ပြန်လာတာလဲ၊ ပညာရှိကြီးက ဖြေပါတယ်။ “ငရဲပြည်ခဏသွားတာ။ ဘာသွားလုပ် တာလဲဆိုတော့ ငရဲပြည်က ငရဲမီးနည်းနည်း သွားယူတာ။ ရခဲ့လားဆိုတော့ မရခဲ့ဘူး။ ဘာဖြစ်လို့လဲဆိုတော့ ငရဲပြည်မှာ ငရဲမီးမရှိလို့။ ဟာ…အဲဒါဆိုရင် ငရဲပြည်မှာ ငရဲခံရမယ့် ငရဲသားတွေကို ဘာမီးနဲ့ရှို့မှာလဲလို့မေးတော့ ငရဲပြည်စောင့် နတ်မင်းကြီးက ပြန်ဖြေတယ်။ ငရဲသားတွေကို ရှို့မယ့်မီးက ငရဲပြည်မှာမရှိဘူး။ အဲဒီ ငရဲခံမယ့် ငရဲ သားတွေကို သူတို့ကို ရှို့မယ့်မီးကို သူတို့ဘာသာ ယူလာကြတာ”တဲ့။ မြန်မာစကားလည်း ရှိပါတယ်။ “ကိုယ့် ဆင်းရဲတွင်း ကိုယ့်ဖာသာတူးတာ”တဲ့။ အဲဒီလိုမျိုးမဖြစ်ဖို့တော့ အရေးကြီးပါတယ်။

    အမျိုး၊ ဘာသာ ကာကွယ်စောင့်ရှောက်သည်ဆိုရာဝယ်…

    ၀ံသာနုစိတ်ဓာတ်ရှိတယ်ဆိုတာ ကောင်းပါတယ်။ အမျိုးကိုကာကွယ်စောင့်ရှောက်တယ်ဆိုရာမှာ လည်း မိမိဘာသာ၊ မိမိလူမျိုးရဲ့ ဂုဏ်သိက္ခာကို ထိန်းသိမ်းစောင့်ရှောက်ရတာ အမျိုး/ဘာသာကိုချစ်သော သာသနာဝင် ကောင်းများရဲ့တာဝန်ပါ။ ဒါပေမယ့် ဒီနေရာမှာ သူ့ဘက် ကိုယ့်ဘက် မျှမျှတတရှိဖို့တော့လိုပါတယ်။ ဘယ်ဘာသာမဆို ဘာသာဝင်တိုင်းဟာ မိမိကိုးကွယ်ရာဘာသာကိုတော့ အမြတ်တနိုးနဲ့ ချစ်ခင်တွယ်တာ တတ်ကြတာချည်းပါပဲ။ ဒီနေရာမှာ အလျဉ်းသင့်လို့ မျှဝေချင်တာကတော့ မှော်ဘီ ဓမ္မဒူတကျောင်းက ဆရာတော် ရှင်ဆေကိန္ဒ အကြောင်းပါပဲ။ ယဉ်ကျေးလိမ္မာတရားစခန်းတွေဖွင့်တယ်။ ဘာသာတရားနဲ့ ယဉ်ကျေး မှုအကြောင်းတွေသင်တယ်။ သူများကိုစော်ကားတာမပါဘူး။ ကိုယ့်ဘာသာတရားအကြောင်းကို ကလေး၊ လူငယ်၊ လူကြီး သူ့အသက်အရွယ်နဲ့သူ သင့်တင့်လျောက်ပတ်စွာ သင်ပြပေးသွားတယ်။ အဲဒီ ရှင်ဆေကိန္ဒရဲ့ ယဉ်ကျေးလိမ္မာသင်တန်းတက်ပြီးပြန်လာတဲ့ စာရေးသူရဲ့အသိတစ်ယောက်က သူသင်ကြားခဲ့ရတာကို စာရေးသူတို့ကို ပြန်လည် မျှဝေပေးပါတယ်။ အဲဒီအထဲမှာ သူပြန်လည်မျှဝေသွားတဲ့အချက်တစ်ခု “မကောင်းမှု ရှောင်၊ ကောင်းမှုဆောင်၊ ဖြူအောင်စိတ်ကိုထား”တဲ့…။ မှော်ဘီ ဓမ္မဒူတကျောင်းက ရှင်ကိန္ဒကို မြန်မာပြည်က လူတွေ လူမျိုး/ဘာသာမရွေး တော်တော်များများက လေးစားကြပါတယ်။ ဆရာတော်ဖြန့်ဝေပေးနေတဲ့တရား တော်တွေ၊ ဆရာတော်ရဲ့ကြည်ညိုလေးစားစရာကောင်းတဲ့ လုပ်ရပ်တွေကြောင့်ပေါ့။ အလားတူပဲ ဆရာတော် ရှင်ဆေကိန္ဒကဲ့သို့ ကြည်ညိုလေးစားဖွယ်ရာကောင်းတဲ့ အခြားသော သံဃာတော်၊ ဆရာတော်များလည်း များ စွာ ရှိပါသေးတယ်။

    ပါးနပ်သောပျားရည်သုတ်သူများရဲ့ ကလိမ်စေ့ငြမ်းဆင်အကြံ

    ဒီနေရာမှာ စာရေးသူအဓိကမျှဝေချင်တာကတော့ စနစ်တကျ ကြိုတင်အကွက်ချစီမံပြီး လုပ်ကြံဖန်တီး ထားတဲ့ ထောင်ချောက်ထဲကို မ၀င်မိဖို့ပါပဲ။ အဖြစ်အပျက်တစ်ခုကို အခြေခံပြီး ဖန်တီးထားတဲ့ပုံပြင်လေးတစ်ပုဒ် မျှဝေပါရစေ။ မာရ်နတ်က နံရံပေါ်မှာ ပျားရည်လေးတစ်စက်သုတ်လိုက်ပါတယ်။ အဲဒီပျားရည်ကို ပုရွက်ဆိတ် လေးတွေက လာစုပ်ယူတယ်။ အဲဒီပုရွက်ဆိတ်ကို နှံကောင်လိုသတ္တ၀ါတွေကလာစားတယ်။ အဲဒီနှံကောင်လိုမျိုး သတ္တ၀ါငယ်လေးတွေကို ကြောက်က ခုတ်တယ်။ ကြောင်ကို ခွေးက ကိုက်တယ်။ အဲဒီတော့ ကြောင်ပိုင်ရှင်က ခွေးကိုရိုက်တယ်။ အဲဒီတော့ခွေး ပိုင်ရှင်က ကြောင်ပိုင်ရှင်ကိုပြန်ရိုက်တယ်။ ပြီးတော့ ခွေးပိုင်ရှင်၊ ကြောင်ပိုင်ရှင် နှစ်ဖက်စလုံးက ဆွေမျိုးသားချင်း၊ ညီအစ်ကိုမောင်နှမတွေပါ ထသတ်ကုန်ကြတယ်။ အားလုံးပျက်စီးကုန်ကြ တယ်။

    အခုလိုမျိုး လေးစားဖွယ်ကောင်းတဲ့ ရဟန်းသံဃာတော်တွေ၊ နိုင်ငံရေးပါတီအချို့နဲ့ လူမှုရေးအဖွဲ့ အစည်းတွေကပါ ပြဿနာတွေမဖြစ်ပေါ်အောင် လိုက်လံတားဆီးနေပြီး ပြည်သူအများစုကလည်း အေးချမ်းစွာနေထိုင်နေကြတဲ့အခါကျတော့ အကြမ်းဖက်သမားတွေက လူအုပ်စုနဲ့ဝင်လာပြီး ဖျက်ဆီးလို့ လည်းမရ၊ တစ်ဘာသာနဲ့ တစ်ဘာသာကြား ပဋိပက္ခဖြစ်ပွားအောင် သွေးထိုး လှုံ့ဆော်လို့လည်းမရတော့ရင် နောက်ထပ်ဗျူဟာတစ်ခုပြောင်းပြီး မထင်မှတ်တဲ့အချိန်မှာ အလစ်အငိုက်ဖမ်းပြီး တိုက်ခိုက်တာမျိုးတွေ လုပ်လာတတ်ပါတယ်။ ဒါကိုလည်း လက်ရှိ ကမ္ဘာမှာဖြစ်ပျက်နေတာတွေရော၊ စာရေးသူတို့ရဲ့အတွေ့အကြုံ အရရော ချိန်ဆကြည့်ပြီး သိနိုင်ပါတယ်။

    I.Q နဲ့ E.Q

    စင်္ကာပူနိုင်ငံကို ပြန်လည်ထူထောင်နေတဲ့အချိန်မှာ စင်္ကာပူဝန်ကြီးချုပ် လီကွမ်ယု ပြောခဲ့ဖူးတဲ့ စကားလေးတစ်ခွန်းရှိပါတယ်။ “သူ I.Q သမားတွေပဲ လိုချင်တယ်၊ E.Q သမားတွေမလိုချင်ဘူး”တဲ့။  “ဦးနှောက်နဲ့အလုပ်လုပ်တဲ့ ပညာရည်ပြည့်ဝသူတွေပဲလိုချင်တဲ့၊ စိတ်ခံစားမှုရေးရာတွေကို ဇာချဲ့တာမျိုး မလိုချင်ဘူး”ပေါ့။ စာရေးသူလည်း ဒီစကားကို ကြား ကြားချင်းတော့ စိတ်ထဲတစ်မျိုးဖြစ်သွားပါတယ်။ ဒီလူကြီးမင်းက လူတွေရဲ့ ခံစားချက်ကို ဂရုမစိုက်ဘူးလို့ ပြောချင်တာလားပေါ့။ လူတစ်ဦးတစ်ယောက် ချင်းစီမှာရှိကြတဲ့ ကွဲပြားခြားနားတဲ့အရည်အချင်းတွေကို အသိအမှတ်မပြုတာလားပေါ့။ ဒါပေမယ့် လက်ရှိ စာရေးသူတို့တိုင်းပြည်မှာဖြစ်ပျက်နေတဲ့ အခြေအနေတွေနဲ့ချိန်ဆပြီး သူပြောတာကို အပြည့်အ၀ လက်ခံတာ မဟုတ်သည့်တိုင်အောင် အတိုင်းအတာတစ်ခုအထိ ခံစားလို့ရသွားပါတယ်။ ဘာဖြစ်လို့လဲဆိုတော့ တိုင်းပြည်ပြန်လည်ထူထောင်နေတဲ့အချိန်၊ တိုင်းပြည်ကို တိုးတက်အောင် လုပ်နေတဲ့အချိန်မှာ စိတ်ခံစားချက်ကို ဦးစားပေးလိုက်ရင် ဘာမဟုတ်တဲ့ကိစ္စလေးနဲ့ “အမှိုက်ကစ ပြသာဒ်မီးလောင်”သလိုဖြစ်မှာစိုးလို့ ပြောခဲ့ဟန် တူပါတယ်လို့ နားလည်ပေးလိုက်ပါတယ်။ ဟုတ်ပါတယ်။ အခုစာရေးသူတို့တိုင်းပြည်မှာပဲကြည့်လေ။ လူဆိုတာ ကိုယ့်ကို လူတစ်ယောက်က ပုဂ္ဂိုလ်ရေးအရ ဝေဖန်တာမျိုးကို သည်းခံချင်သည်းခံမယ်၊ ကိုယ့်ယုံကြည်ချက် ဘာသာတရားကို ထိလာရင်တော့ သည်းခံဖို့မဖြစ်နိုင်ပါဘူး။ ဘယ်ဘာသာမဆို အားလုံးအတူတူပါပဲ။ အဲဒါ ကြောင့်မို့လို့လည်း ဒီဘာသာရေးဟာ တစ်သက်လုံးက ပါးနပ်ပြီး ကောက်ကျစ်သူတွေရဲ့ အရောင်ဆိုးခြင်းကို ခံနေရတာပါ။

    စာရေးသူတို့လည်း စာရေးသူတို့ပတ်ဝန်းကျင်မှာ ပြောနေ၊ ဟောနေ၊ ရေးနေကြတဲ့ အစ္စလာမ်အပေါ် အပြုသဘောမဆောင်တဲ့ အရာတွေကို နေ့စဉ်နှင့် အမျှ တွေ့မြင်ကြား သိနေရပါတယ်။ ဒါပေမယ့် စောစောက တင်ပြခဲ့သလို ပေါ့လေ။ ဒီလိုကိစ္စမျိုးတွေကို ရှင်းလင်းတဲ့နေရာမှာ အခြေအနေပေးရင် “မီဒီယာရှင်းလင်းပွဲ”လိုမျိုး ပွဲတစ်ခုစီစဉ်ပြီး ဒါတွေကို အေးချမ်းစွာနဲ့ပြန်လည်ရှင်းလင်းတင်ပြဖို့ရှိပါတယ်။ အင်ရှာအလ္လာဟ်… ဒါပေမယ့် အဲဒီလိုပွဲလုပ်ဖို့ အခြေအနေနဲ့အချိန်အခါတစ်ခုကို အရင်ဖန်တီးကြရမှာပါ။ ပြီးခဲ့တဲ့ လတုန်းက မန္တလေးမှာလုပ်တဲ့ ဘာသာပေါင်းစုံ ချစ်ကြည်ရေးပွဲမှာဟာ အောင်မြင်စွာပြီးဆုံးခဲ့ပေမယ့် အဲဒီပွဲမှာ ဘယ်လိုအခက်အခဲတွေကြုံခဲ့ရသလဲ၊ ဘယ်လိုစိတ် အနှောင့်အယှက်ဖြစ်စရာ တွေကြုံခဲ့ ရသလဲဆိုတာ ပွဲတာဝန်ရှိ သူတွေကို မေးကြည့်ကြပါ။ ဒါပေမယ့် တွေ့ကြုံလာတဲ့အခက်အခဲတွေကို ရင်ဆိုင်ရာမှာ စိတ်ကို တည်တည် ငြိမ်ငြိမ်ထားပြီး သဘောထားကြီးကြီးနဲ့ စဉ်းစားဆင်ခြင် ဥာဏ်အမြော်အမြင်ကိုသုံးပြီး ဖြေရှင်းပြသွားတဲ့ ထိုပွဲစီစဉ် သူတွေ၊ တာဝန်ရှိသူတွေကိုလည်း စာရေးသူ ဤနေရာကပဲ ချီးကျူးလိုက်ပါတယ်။ အဲဒီတော့ စာရေးသူ တင်ပြ ချင်တာက E.Q ဟာ မရှိမဖြစ် လိုအပ်ပေမယ့် နေရာတကာတော့ ရှေ့တန်း တင်လို့မရပါဘူး။ “အမှိုက်ကစ ပြသာဒ် မီးမလောင်”ဖို့ ကိုယ်က သည်းခံသင့်တာ သည်းခံရပါတယ်။ အမြဲတမ်းကြီး သည်းခံပါလို့မဆိုလိုပါဘူး။ သည်းမခံနိုင်လို့ပြန်ရှင်းမယ်ဆိုလည်း လူအများလက်ခံနိုင်အောင် ဥပဒေဘောင်အတွင်းကနေ အကျိုးသင့် အကြောင်းသင့် ရှင်းလင်းတင်ပြဖို့ လိုပါတယ်။ မြန်မာပြည်သူ/ပြည်သား အများစုက အေးဆေးသိမ်မွေ့သူတွေပါ။ ဒါပေမယ့် စာရေးသူစောစောကတင်ပြခဲ့သလို သူတို့အထဲမှာလည်း “ပါးနပ်တဲ့ ပျားရည်သုတ်သူတွေ”ထောင် ထားတဲ့ထောင်ချောက် မိနေသူတွေရှိပါတယ်။ သူတို့ကို သူတို့ရဲ့ မူရင်းဖြူစင်တဲ့ စိတ်ဓာတ်ကောင်းလေးတွေ ပြန် ပေါ်လာဖို့ စာရေးသူတို့က ကိုယ်တွေရဲ့ခံစားချက်၊ နစ်နာချက်တွေကို presentation လုပ်ရာမှာ သိမ်မွေ့ငြင်သာပြီး အမြော်အမြင်ရှိဖို့လိုပါတယ်။

    သမိုင်းမှတ်ကျောက်တင်ခံမယ့်ပွဲ

    စာရေးသူတို့မြန်မာနိုင်ငံဟာ လွန်ခဲ့တဲ့နှစ်အနည်းငယ်အတွင်းမှာ ကြီးမားတဲ့နိုင်ငံရေးပြောင်းလဲမှုကြီး ဖြစ်ပေါ်လာခဲ့တာ လူတိုင်းအသိပါ။ နိုင်ငံတော် သမ္မတကြီးဦးသိန်းစိန်ခေါင်းဆောင်တဲ့ အစိုးရအဖွဲ့က နိုင်ငံတော် အုပ်ချုပ်ရေး အာဏာလွှဲပြောင်းရယူခဲ့ပြီး နိုင်ငံအတွင်းမှာ ကြီးမားလှစွာသော အပြုသဘောဆောင်တဲ့ပြောင်းလဲ မှုတွေကို အစဉ်တစိုက် လုပ်ဆောင်လာခဲ့တာကြောင့်လည်း ရဟန်းရှင်လူများက သာဓုခေါ်ဆိုခဲ့ကြရပါတယ်။ “သန့်ရှင်းသောအစိုးရ၊ ကောင်းမွန်သော အုပ်ချုပ်မှု”ဆိုတဲ့ ဆောင်ပုဒ်နဲ့အညီ သမ္မတကြီးဟာ ၎င်းတို့ အစိုးရအဖွဲ့ ကိုယ်တိုင်အပြင် အတိုက်အခံနိုင်ငံရေးခေါင်းဆောင်များနဲ့ပါ တွေ့ဆုံညှိနှိုင်းပြီး နိုင်ငံတော်တိုးတက်ရေး၊ တည်ငြိမ်အေးချမ်းရေးအတွက် နေ့မအား၊ ညမနား လုပ်ဆောင်နေတာတွေကို တွေ့မြင်နေရပါတယ်။ အကျဉ်း သားတွေကို အသုတ်လိုက်ခွဲပြီး လွတ်ငြိမ်းချမ်းသာခွင့်ပေးခဲ့တုံးကဆိုရင် သက်ဆိုင်ရာ အကျဉ်းထောင်အသီးသီး ရှေ့မှာ လူထုကြီးက “သမ္မတကြီး ချမ်းသာပါစေ ၊ ကျန်းမာပါစေ”ဆိုပြီး အာခေါင်တွေကွဲမတတ် အော်ဟစ်ပြီး သမ္မတကြီးကို ကောင်းချီးပေးခဲ့ကြတာ၊ မေတ္တာပေးခဲ့ကြတာပါ။ ဒီလိုမျိုး စာရေးသူတို့နိုင်ငံမှာ နိုင်ငံတော် သမ္မတကို၊ နိုင်ငံတော်ရဲ့အကြီးအကဲကို လူအုပ်စု လိုက်ဖွဲ့ပြီး မေတ္တာပို့တဲ့ လုပ်ရပ်ကို စာရေးသူ အသက် ၃၀ ကျော် သက်တမ်းအတွင်းမှာ ပထမဆုံးအကြိမ်မြင်ဖူးတာပါ။ နောက်ပြီး မြစ်ဆုံကိစ္စမှာလည်း အများပြည်သူရဲ့ သဘောဆန္ဒအတိုင်း သက်ဆိုင်ရာ ပညာရှင်များနဲ့ ညှိနှိုင်းတိုင်ပင်ပြီး မြစ်ဆုံရေကာတာ စီမံကိန်းကို သမ္မကြီးရဲ့ သက်တမ်းအတွင်းမှာ ရပ်ဆိုင်းခဲ့တာတွေဟာ အင်မတန်မှကို လေးစားစရာကောင်းပါတယ်။  မြန်မာ့နိုင်ငံရေး လေ့လာ အကဲဖြတ်သုံးသပ်သူတွေကလည်း သမ္မတကြီးကို ၀ိုင်းဝန်းချီးကျူးကြပြီး နောက်ကြောင်းပြန်မလှည့်ဖို့ ကိုလည်း အကြိမ်ကြိမ် စိုးရိမ်တကြီးနဲ့ ပြောဆိုခဲ့တာတွေကိုလည်းကြားမိကြပါတယ်။ သမ္မတကြီးကလည်း အများပြည်သူရဲ့သဘောဆန္ဒကို အဓိကထားပါတယ်။ OIC လာမယ်ဆိုတော့လည်း သမ္မတကြီးကပဲ အများ ပြည်သူရဲ့ဆန္ဒအတိုင်း OIC ကိုအ၀င်မခံခဲ့တာကိုလည်း တွေ့ကြရမှာပါ။ အဲဒီလိုအများပြည်သူရဲ့ ဆန္ဒတွေကို အသိအမှတ်ပြုတဲ့နိုင်ငံတော် သမ္မတကြီးကို ပြည်သူများက ချစ်ခင် လေးစားကြပါတယ်။

    ဒါပေမယ့် ရခိုင်အရေးကိစ္စပေါ်လာတော့ သမ္မတကြီးက လွှတ်တော်သို့တင်ပြတဲ့ ရခိုင်အရေးကိစ္စနဲ့ ပတ်သက်တဲ့ အစီရင်ခံစာကိုတော့ လွှတ်တော်က တိုင်းရင်းသားရခိုင်ပါတီဝင်များနဲ့ ကန့်ကွက်မှုကိုအကြောင်း ပြုပြီး“ ပလပ်“ ခဲ့ပါတယ်။  ပြီးတော့ လက်ပံတောင်း ကြေးနီတောင်ကိစ္စမှာ ဆန္ဒပြတဲ့ သံဃာတော်တွေနဲ့ အများပြည်သူကို အင်အားသုံးဖြိုခွဲတဲ့ကိစ္စ ပေါ်လာတဲ့ အခါကျပြန်တော့လည်း စာရေးသူစောစောက တင်ပြခဲ့တဲ့ အတိုင်း နိုင်ငံရေးလေ့လာသူတွေနဲ့ အများပြည်သူက နောက်ကြောင်းပြန်လှည့်တော့မှာလားဆိုတဲ့ စိုးရိမ်စိတ် တွေဝင်ခဲ့ကြပါတယ်။ ဒါပေမယ့် ဒီကိစ္စတွေကိုလည်း သမ္မတကြီးက စုံစမ်းရေး ကော်မရှင်တွေဖွဲ့ပြီး ဥာဏ်အမြော် အမြင်ကြီးစွာကိုင်တွယ်ခဲ့သလို သက်ဆိုင်ရာရဲတပ်ဖွဲ့ဝင်များကလည်း သံဃာတော်များကို တောင်းပန်တဲ့ပွဲတွေ ပြုလုပ်ခဲ့တာကိုလည်း တွေ့ကြရမှာပါ။

    အခုလတ်တလော ဖြစ်ပျက်နေတဲ့ ကိစ္စတွေကိုလည်း လေးစားဖွယ်ကောင်းတဲ့ ရဟန်းသံဃာတော်တွေ၊ နိုင်ငံရေးပါတီအချို့နဲ့ လူမှုရေးအဖွဲ့ အစည်းတွေကပါ ပြဿနာတွေ မဖြစ်ပေါ်အောင် လိုက်လံတားဆီးနေပါ လျက်နှင့်၊ သံဃာ့အဖွဲ့အစည်းများနှင့် သက်ဆိုင်ရာဘာသာရေး၊ လူမှုရေးဆိုင်ရာ အဖွဲ့အစည်းများ ပြည်သူ အများစုကလည်း အေးချမ်းစွာနေထိုင်နေကြပါလျက်နှင့် “ဟိုနေရာမှာတော့ ဖြစ်နေပြီ၊ ဒီနေရာမှာတော့ ခံလိုက်ရပြန်ပြီ”စတဲ့ သတင်းတွေကြားနေရခြင်း၊ လူပေါင်းရာထောင်ချီပါဝင်တဲ့ အဖျက်သမား အုပ်စုကြီးက တစ်မြို့ဝင်တစ်မြို့ထွက် နဲ့ လွတ်လပ်စွာသွားလာလှုပ်ရှားနိုင်ခြင်း၊ အခင်းဖြစ်ပွားရာနေရာများကို အခြေအနေကို အချိန်မီထိန်းသိမ်းနိုင်မှု မရှိခြင်း… စသည် စသည်တို့ဖြစ်ပေါ် ခဲ့မှုများကြောင့် မြန်မာနိုင်ငံ လူ့အခွင့်အရေးဆိုင်ရာ ကုလသမဂ္ဂ အထူးစစ်ဆေးရေး အရာရှိ သော်မတ်စ်အိုဂျီယာ ကင်တားနားက ဒီ ပြဿနာရပ်များမှာ နိုင်ငံတော် အစိုးရပိုင်းမှ ပါဝင်ပတ်သက်မှု များရှိနေတယ်လို့ ပြောဆိုခဲ့တာကိုလည်း ဖတ်လိုက်ရပါတယ်။

    ဒါကိုလည်း နိုင်ငံတော်ပိုင်းမှ ဖြေရှင်းဆောင်ရွက်မှုများပြုလုပ်ခဲ့တာကိုလည်း တွေ့ရှိရပါတယ်။ နိုင်ငံတော်သမ္မတကြီးအနေနဲ့လည်း ရုပ်/သံမှတဆင့် မိန့်ခွန်းပြောကြားခြင်းနဲ့ ကင်တားနားရဲ့ပြောဆိုချက် ထွက်ပေါ်လာအပြီးမှ အဓိကရုဏ်းများ ဖြစ်ပေါ်လာသည်နှင့်တပြိုင်နက် ချက်ခြင်း အရေးယူဆောင်ရွက်မယ့် ကော်မတီ တစ်ရပ်ဖွဲ့စည်းခြင်းနဲ့ နိုင်ငံတော် သမ္မတကြီးရဲ့မိန့်ခွန်းမှာလည်း “မိမိအနေနဲ့ အင်အားသုံးဖြိုခွင်းတာကို မနှစ်မြို့ကြောင်း၊ ဒါပေမယ့် အများပြည်သူရဲ့အသက် အိုးအိမ် စည်းစိမ် လုံခြုံမှုကိုထိပါးလာမယ့် ကိစ္စမျိုးများကိုတော့ မြို့ပြ အင်အားသုံးပြီး နှိမ်နင်းမှာဖြစ်ကြောင်း၊ အဓိကရုဏ်းနှိမ်နင်းရာမှာ တိုင်းပြည်လုံခြုံရေးအတွက် အဓိကတာဝန်ရှိတဲ့ မြန်မာနိုင်ငံ ရဲတပ်ဖွဲ့အနေနဲ့ မိမိတို့တာဝန်ရှိသည့်အတိုင်း ရဲရဲဝံ့ဝံ့ ဆောင်ရွက်ကြစေလိုကြောင်း…” အစရှိတဲ့ သမ္မတကြီးရဲ့မိန့်ခွန်းပြောကြားမှုတွေ ဆက်တိုက် ထွက်ပေါ်လာအပြီးမှာ တိုင်းပြည်အတွင်းမှာ အတိုင်းအတာ တစ်ခုအထိ ပြန်လည်ငြိမ်သက်တာကိုလည်း တွေ့ရပြန်ပါတယ်။ သို့သော်လည်း စာရေးသူအထက်က တင်ပြခဲ့သလိုပဲ “ပါးနပ်သောပျားရည်သုတ် လိမ်းသူများက မည်သို့သော ဗျူဟာ အခင်းအကျင်းမျိုးနဲ့ ထပ်မံထွက် ပေါ်လာမလဲ”ဆိုတာကိုတော့ အခုအချိန်ထိ အများပြည်သူက စိုးရိမ်နေကြတုန်းပါပဲ။

    “မင်းအကြောင်းပြောတော့ရာဇ၀င်”ဆိုသည့်စကားအတိုင်း သမ္မတကြီးအနေနှင့် ၎င်း၏ လက်ထက်တွင် မြန်မာ့သမိုင်းကို ရာဇ၀င်အရိုင်းခံလိမ့်မည်မဟုတ်ဟု ယုံကြည်မျှော်လင့် မိသလို သမ္မတကြီးသည် ၎င်း၏ ပကတိဖြူစင် ရိုးဖြောင့်ပြီး သမာသမတ်ရှိသော၊ ဥာဏ်အမြော်အမြင်ဖြင့် ပြည့်စုံသော၊ ကျောသား ရင်သားမခွဲခြားသော ညွှန်ကြားချက်များ၊ လုပ်ဆောင်ချက်များဖြင့် “ပရိဒေ၀ မီးလျှံများကြားမှ ကယ်ကူရာ မဲ့ဘ၀ကို ခံစားနေရသူများ”ကိုလည်း သမ္မတကောင်းပီသစွာ၊ ခေါင်းဆောင်ကောင်းပီသစွာဖြင့် ကယ်တင်ပေး ပေလိမ့်မည်၊ ပြန်လည်ထူထောင်ပေးပေလိမ့်မည်ဟု မျှော်လင့်ရင်း၊ ဆုတောင်းဆန္ဒပြုရင်းဖြင့် နိဂုံးချုပ်အပ် ပါသည်။ ။

  • Peace and Justice-Building Network မှ သမ္မတဦးသိန်းစိန် ထံသို့စာပေးပို

    ဧပြီ ၄ ရက်၊ ၂၀၁၃

    M-Media

    မြန်မာနိုင်ငံမြို့များ၊ ရွာများတွင် ဘာသာရေး ပဋိပက္ခများ ဖြစ်ပွားစေရန် သွေးထိုး လှုံဆော်၍ နောက်ကွယ်မှ ကြိုးကိုင်နေသူများကို စုံစမ်းစစ်ဆေး အရေးယူပေးရန်အတွက် ငြိမ်းချမ်းရေးနှင့် တရားမျှတမှု တည်ဆောက်ရေး ကွန်ရက်မှ နိုင်ငံတော်သမ္မတ ဦးသိန်းစိန်ထံသို့ ၂၀၁၃ ခုနှစ် ဧပြီလ ၁ ရက်နေ့က စာပေးပို့ခဲ့ကြောင်းသိရပါသည်။ စာအပြည့်အစုံမှာ အောက်ပါအတိုင်းဖြစ်ပါသည်။

    သို့
    ဦးသိန်းစိန်
    နိုင်ငံတော်သမ္မတ
    ပြည်ထောင်စု သမ္မတ မြန်မာနိုင်ငံတော် အစိုးရ
    နေပြည်တော်။

    ရက်စွဲ။ ။၂၀၁၃ခုနှစ်၊ ဧပြီလ (၁)ရက်။

    အကြောင်းအရာ။ ။မြန်မာနိုင်ငံမြို့များ၊ ရွာများတွင် ဘာသာရေး ပဋိပက္ခများ ဖြစ်ပွားစေရန် သွေးထိုးလှုံ့ဆော်၍ နောက်ကွယ်မှ ကြိုးကိုင်နေသူများအား စုံစမ်းစစ်ဆေး အရေးယူပေးပါရန်။

    ပြည်ထောင်စုသမ္မတမြန်မာနိုင်ငံတော်တွင် နိုင်ငံသားလူမျိုးပေါင်းစုံ၊ ဘာသာပေါင်းစုံတို့သည် ငြိမ်းချမ်းစွာအတူယှဉ်တွဲနေထိုင်ကြလျက်ရှိရာ၊ နိုင်ငံသားများအတွက် တရားမျှတမှု၊ သာတူညီမျှမှု၊ တရားဥပဒေစိုးမိုးရေးတို့ကို ဦးတည်၍““ငြိမ်းချမ်းရေးနှင့် တရားမျှတမှု တည်ဆောက်ရေးကွန်ရက်”” (Peace and Justice-Building Network) အမည်ဖြင့်၊ (၂၇-၃-၂၀၁၃)ရက်နေ့က ဖွဲ့စည်းခဲ့ပါသည်။

    ရခိုင်ပဋိပက္ခများဖြစ်ပွားခဲ့ပြီးနောက်၊ ကရင်ပြည်နယ်၊ မွန်ပြည်နယ်များတွင် အစ္စလာမ်ဆန့်ကျင်ရေး လှုပ်ရှားမှု များရှိလာခဲ့ပြီး၊ ရန်ကုန်မြို့၊ လှိုင်သာယာနှင့် သာကေတမြို့နယ်များတွင် ဆက်လက်ဖြစ်ပွားခဲ့ပြီးနောက် ၂၀၁၃ခုနှစ်၊ မတ်လ (၂၀)ရက်နေ့တွင်မန္တလေးတိုင်းဒေသကြီး၊မိတ္ထီလာမြို့ရှိဗလီများကို ဖျက်စီး၊ ဘာသာရေး စာသင်ကျောင်းများကို ဖျက်၊ နေအိမ်များကို မီးရှို့၊ ဈေးဆိုင်များကိုလုယက်၊ လူများကိုသတ်ဖြတ်သော အကြမ်းဖက်ဖြစ်ရပ်များ ၀မ်းနည်းကြေကွဲဖွယ်ရာဖြစ်ပွားခဲ့ပါသည်။ လူအသေအပျောက်များရှိခဲ့ပြီး၊ လူတစ်သောင်းကျော် အိုးမဲ့အိမ်မဲ့ အတိဒုက္ခရောက်လျက်ရှိပါသည်။

    ထိုမှဆက်၍ ပဲခူးတိုင်းဒေသကြီးအတွင်းမှ ကြို့ပင်ကောက်၊ အုတ်ဖို၊ မင်းလှ၊ နတ္တ လင်း၊ ဇီးကုန်းမြို့များရှိ ဗလီများကို ဖျက်စီး လူသတ်အကြမ်းဖက် လုယက်ခဲ့ကြပါသည်။ကြို့ပင်ကောက်မြို့တွင် ဗလီ(၁)လုံးကို ဘူဒိုဇာဖြင့် ဖျက်စီးခဲ့ကြပါသည်။
    ရန်ကုန်မြို့၌ပင် ကျီးလန့်စာစား အခြေအနေသို့ ရောက်ရှိလာပြီး လူအများ၏နေ့စဉ်လူမှု စီးပွားရေး ဘ၀များ ပျက်ယွင်းလာနေချိန်တွင် နိုင်ငံတော်သမ္မတကြီးမှ သွေးထိုးလှုံ့ဆော်၊ ပဋိပက္ခဖန်တီးသူများအား အရေးယူမည် ဖြစ်ကြောင်း မိန့်ကြားခဲ့ရာ၊ သမ္မတကြီး၏မိန့်ခွန်းအား များစွာနှစ်ထောင်းအားရ ရှိခဲ့ကြပါသည်။

    ရိုးသားစွာတင်ပြရလျှင် ထိုသို့သော အကြမ်းဖက်၊ လုယက်၊ သတ်ဖြတ်မှုများကို ဆက်လက်မဖြစ်ပွား စေရန် ကြိုတင်ကာကွယ်ဟန့်တား၍ ထိရောက်စွာ အရေးယူရမည်ဖြစ်ပါသည်။ ပဋိပက္ခ္ခများကို အထိရောက်ဆုံး ကာကွယ်ရန် နည်းလမ်းမှာ သွေးထိုးလှုံဆော်မှုများကို ကန့်လန့်ကာနောက်ကွယ်မှ ကြိုးကိုင်ဖန်တီးနေသူများကို ဥပဒေနှင့်အညီအချိန်မှီ အရေးယူဖော်ထုတ်ရန် အရေးကြီးပါသည်။

    ပြည်သူ့လွှတ်တော်ကိုယ်စားလှယ်တစ်ဦးသည် ရခိုင်ပဋိပက္ခများ ဖြစ်ပွားခဲ့ပြီးနောက်ရခိုင်ပြဿနာ များသည် မြန်မာပြည်(အခြားတိုင်းနှင့် ပြည်နယ်များ)သို့ ကူးစက်မည်ဖြစ်ကြောင်း လွန်ခဲ့သည့် ၅လခန့်က ကြိုတင်၍ အင်တာဗျူးတစ်ခုတွင် ပြောကြားခဲ့ပါသည်။“ ရခိုင်ကိစ္စသည် ရခိုင်များဖန်တီးခြင်း မဟုတ်ကြောင်း၊ ပြီးလာပြီးခါမှ ရခိုင်တွေအကုန်လုံးကို သွတ်သွင်းခဲ့ကြောင်း၊ ကန့်လန့်ကာနောက်ကွယ်တွင် အဖွဲ့အစည်း ရှိကြောင်း၊ ဘယ်သူလဲဆိုတာ လက်ညှိူးထိုးပြီးတော့ ပြောလို့မကောင်းကြောင်း၊” ၄င်း ရခိုင်ပြဿနာသည် မြန်မာပြည်ကို ကူးတော့မည်ဟု ယူဆလျှုင် မနက်ဖြန်ကူးမည်ဆိုလျှင် ဒီနေ့ရပ်လိမ့်မည်ဖြစ်ကြောင်း၊ ရန်ကုန်မြို့ကြီးမှာ ရခိုင်နှင့်မဟုတ်ဘဲ ဗမာတွေနှင့် ပြဿနာဖြစ်တော့မည်ဟု ယူဆသည့်နေ့တွင် ယခုဖြစ်နေသော ပြဿနာငြိမ်း သွားလိမ့်မည်ဖြစ်ကြောင်း၊”ဒေါက်တာအေးမောင်နှင့် မြန်မာပို့စ်သတင်းဂျာနယ် (အတွဲ-၄၊ အမှတ်-၄၂)တွေ့ဆုံမေးမြန်းခန်းတွင် ဖော်ပြခဲ့ပါသည်။ကြိုတင်၍ အကွက်ကျကျ စီမံခဲ့ခြင်းဖြစ်၍ မိတ္ထီလာမြို့တွင် ပြဿနာရှာရန် အကြောင်းပြချက် သက်သက်ဖန်တီးခြင်းသာ ဖြစ်ကြောင်း ထင်ရှားနေပါသည်။

    (၂၅-၁၀-၂၀၁၂)ရက်စွဲပါ ပြည်ထောင်စုသမ္မတမြန်မာနိုင်ငံတော်သမ္မတရုံးသတင်းထုတ်ပြန်ချက် (၁/၂၀၁၂)အရလည်း “ရခိုင်ပြည်နယ် ပဋိပက္ခ နောက်ကွယ်မှ ကြိုးကိုင်လှုပ်ရှားနေသော လူပုဂ္ဂိုလ်နှင့် အဖွဲ့အစည်းများလည်း ရှိနေကြောင်း သိရှိရသဖြင့်၊ ၄င်းတို့ကို ဖော်ထုတ်၍ ဥပဒေနှင့်အညီထိရောက်စွာ အရေးယူသွားမည်ဖြစ်ကြောင်း ထုတ်ပြန်ကြေညာအပ်ပါသည် ””ဟု (၂၆-၁၀-၂၀၁၂)ရက်စွဲပါ နေ့စဉ်သတင်းစာ များတွင် ဖော်ပြခဲ့ပါသည်။နိုင်ငံသားများ၏လူ့အခွင့်အရေးကို ကာကွယ်ရန် သတင်းထုတ်ပြန်ရေးအဖွဲ့၏ (၁၈-၁၁-၂၀၁၂)ရက်စွဲပါ သတင်းထုတ်ပြန်ချက်(၂/၂၀၁၂)အရလည်း ပဋိပက္ခများတစ်ကျော့ပြန် မဖြစ်ပွားစေရေးအတွက် လိုအပ်သည်များကို ထိရောက်စွာ ဆောင်ရွက်သွားမည်ဖြစ်ပြီး၊ အကြမ်းဖက်ကျူးလွန်သူများကိုလည်း ဥပဒေနှင့်အညီ ထိရောက်စွာ အရေးယူသွားမည်ဖြစ်ကြောင်း ဖော်ပြခဲ့ပါသည်။

    ရန်ကုန်တိုင်းဝန်ကြီးချုပ်ဦးမြင့်ဆွေသည် (၂၆-၃-၂၀၁၃)ရက်နေ့က နိုင်ငံရေးပါတီများနှင့် တွေ့ဆုံ ဆွေးနွေးရာတွင် “နိုင်ငံရေးပါတီတစ်ချို့လည်း နောက်ကွယ်မှာ ရှိနေကြောင်း”ထည့်သွင်း ပြောကြားခဲ့ပါသည်။

    သို့ဖြစ်၍ နိုင်ငံတော်အကြီးအကဲများလည်း သိရှိထားပြီးသော ပဋိပက္ခများကို ဖန်တီးကြိုးကိုင်၍ ကန့်လန့်ကာနောက်ကွယ်မှ ပြစ်မှုကျူးလွန်သူများကိုဥပဒေနှင့်အညီ ဖော်ထုတ်အရေးယူပေးပါရန် အလေးအနက် တိုက်တွန်းမေတ္တာရပ်ခံအပ်ပါသည်။

    တောင်းဆိုချက်များ

    ၁။ နိုင်ငံတော်
    ရန်ကုန်မြို့နှင့် မန္တလေးမြို့ကြီးများအပါအ၀င် အခြားတိုင်းနှင့် ပြည်နယ်များရှိမြို့များရှိ ဗလီဝတ်ကျောင်း များ၊ ဘာသာရေးစာသင်ကျောင်းများ အစ္စလာမ်ဘာသာဝင်နှင့် အခြားဘာသာဝင် မြန်မာနိုင်ငံသားများ၏ အသက်အိုးအိမ်၊ ပစ္စည်းများကို နိုင်ငံတော်မှ နောက်နောင်ထပ်မံမဖြစ်ပွားစေရန် ကြိုတင်ကာကွယ်စောင့်ရှောက် ပေးပါရန်။

    ၂။ နိုင်ငံရေးပါတီများ
    ၈၈မျိုးဆက်ကျောင်းသားများ၊ နိုင်ငံရေးပါတီများ ဘာသာရေးအဖွဲ့အစည်းများ၊ အားလုံးလက်တွဲ၍ တိုင်းပြည်အတွက် ကျရောက်လာမည့် အန္တရာယ်ကို ဆက်လက်မဖြစ်ပွားစေရေး ကြိုတင်စုပေါင်း ကာကွယ်ရန်၊ ရှုံ့ချသော ကြေညာချက်များ ထုတ်ပြန်ပေးရန်။

    ၃။ သံဃာတော်များ
    ဘာသာပေါင်းစုံချစ်ကြည်ရေးနှင့် အမျိုးသားစည်းလုံးညီညွှတ်ရေးကို ဦးတည်၍ သံဃာတော်များမှ ဗုဒ္ဓဘာသာတရားစစ်၊ တရားမှန်များကို ဟောကြားသင်ပြပေးပါရန်။

    ၄။ တရားရေး
    ပြစ်မှုကျူးလွန်မှုများကို တရားစွဲအဖွဲ့အစည်းများနှင့် တရားရုံးများမှ တည်ဆဲဥပဒေများနှင့်အညီ ပြင်းထန်စွာ အရေးယူအပြစ်ပေးရန်။

    ၅။ မီဒီယာနှင် အင်တာနက်
    ဘာသာတရားတစ်ခုနှင့် တစ်ခု ပဋိပက္ခဖြစ်ပွားစေရန် သွေုးထိုးလှုံ့ဆော်သည့် အရေးအသားများကို ရှောင်ကျဉ်၍ ဘာသာပေါင်းစုံချစ်ကြည်ရေးနှင့် အမျိုးသားစည်းလုံး ညီညွတ်ရေးကို ဦးတည်၍ ရေးသားရန်နှင့် သွေးထိုးလှုံဆော်သော ဂျာနယ်များကို အရေးယူရန်။ အင်တာနက်တွင် ဘာသာရေး အမုန်းတရားရန်တိုက်သော Hate Speech များကို အရေးယူရန်၊ တားမြစ်သည့်အမိန့်မားထုတ်ပြန်ရန်၊ လိုအပ်လျှင်ဥပဒေပြဌာန်းပေးပါရန်။

    ၆။ ဒုက္ခသည်များ
    မန္တလေးတိုင်းနှင့် ပဲခူးတိုင်းဒေသကြီးများ အတွင်းရှိ ဒုက္ခသည်များ(လူမျိုး/ဘာသာမခွဲခြားဘဲ)အား နိုင်ငံတော်မှ လုံခြုံရေး စီစဉ်ပေးရန်နှင့် မိမိတို့ မူလနေရပ်များတွင် နေအိမ်များပြန်လည်ဆောက် လုပ်ခွင့်ပြုရန်။

    ၇။ ဗလီများ၊ ဘာသာရေးစာသင်ကျောင်းများ
    ပျက်စီးသွားသော ဗလီများ၊ စာသင်ကျောင်းများကို အမြန်ဆုံးပြန်လည်ဆောက်လုပ်ခွင့်ပြုရန်။

    ၈။ CD , DVD အခွေများ
    တရားမ၀င်သွေးထိုးလှုံဆော်သော CD,DVD အခွေများ၊ အမှတ်အသားများကို သိမ်းဆည်း အရေးယူရန်။

    ၉။ မတရားသင်းကြေညာ၍ အရေးယူဖျက်သိမ်းပေးရန်
    တရားမ၀င်ကြိုးကိုင်လှုပ်ရှားသော အဖွဲ့အစည်းများကို မတရားသင်းကြေညာ၍ အရေးယူဖျက်သိမ်းရန်။

    ပြည်ထောင်စု သမ္မတမြန်မာနိုင်ငံတော်တွင် ဘာသာပေါင်းစုံ၊ တိုင်းရင်းသားလူမျိုးများ အားလုံးတို့သည် ငြိမ်းချမ်းစွာ၊ အေးအတူပူအမျှ၊ ချစ်ချစ်ခင်ခင်နေထိုင်လာခဲ့ကြသော သမိုင်းအစဉ်အလာကောင်းများ ရှိခဲ့ကြသည့် အလျှောက်၊ နိုင်ငံတော် သမ္မတကြီး ဦးဆောင်သော ငြိမ်းချမ်းရေး လုပ်ငန်းစဉ်များတွင်လည်း ကျွန်တော်များ ကွန်ရက်အနေဖြင့် တက်တက်ကြွကြွပါဝင်ပူးပေါင်း ဆောင်ရွက်ရန်ဆန္ဒပြုအပ်ပါသည်။

    ရိုသေလေးစားစွာဖြင့်

    president1-page-001 president2-page-001 president3-page-001 president4-page-001