Tag: FranceMuslim

ဇွန် ၂၇၊ ၂၀၁၈
M-Media

– အစ္စလာမ်ဘာသာဝင်တွေကို ပစ်မှတ်ထားကာ အကြမ်းဖက်တိုက်ခိုက်မှုတွေလုပ်ဖို့ စီစဉ်နေတဲ့ လယ်ယာစွန်းရောက် အုပ်စုတစ်စုကို ပြင်သစ် အကြမ်းဖက်တိုက်ဖျက်ရေးတပ်ဖွဲ့က ဖမ်းဆီးလိုက်ပါတယ်။

ဇွန်လ ၂၄ ရက်နေ့ညပိုင်း ပဲရစ်နဲ့ ကော်စီကာတို့မှာ ပြုလုပ်ခဲ့တဲ့ အကြမ်းဖက်တိုက်ဖျက်မှု စစ်ဆင်ရေးမှာ ဒီလို ဖမ်းဆီးလိုက်တာ ဖြစ်ပြီး အဲဒီအစွန်းရောက်တွေဆီက လက်နက်တွေ၊ လက်လုပ် ဖောက်ခွဲရေးပစ္စည်းတွေကို တွေ့ခဲ့တယ်လို့ ပြင်သစ် သတင်းဌာနတွေက တနင်္လာနေ့မှာ ဖော်ပြခဲ့ပါတယ်။

ဖမ်းဆီးခံရသူ ၁၀ ယောက်ဟာ အသက် ၃၂ နှစ်ကနေ ၆၉ နှစ်အတွင်း ရှိသူတွေဖြစ်ပြီး ပြင်သစ်အခြေစိုက် လက်ယာအစွန်းရောက်အဖွဲ့ Operational Forces movement (AFO) နဲ့ ဆက်နွယ်ပတ်သက်မှုတွေ ရှိတယ်လို့ ဆိုပါတယ်။ ဒီကိစ္စနဲ့ပတ်သက်ပြီး စုံစမ်းစစ်ဆေးမှုနဲ့ နီးစပ်သူတစ်ဦးက ဒီလူတွေဟာ “အစ္စလာမ်ဘာဝင်တွေကို ပစ်မှတ်ထားတဲ့ အကြမ်းဖက်တိုက်ခိုက်မှုတွေ ပြုလုပ်ဖို့ စီစဉ်နေတယ်” လို့ AFP သတင်းဌာနကို ပြောကြားခဲ့ပါတယ်။

ဒီအုပ်စုဟာ လက်နက်တွေကို စုဆောင်းနေကြပြီး သူတို့ရဲ့အိမ်တွေမှာ လက်ပစ်ဗုံးတွေ၊ လက်လုပ်ဖောက်ခွဲရေးပစ္စည်းတွေကိုလည်း ရဲတပ်ဖွဲ့က သိမ်းဆည်းရမိခဲ့ပါတယ်။

ဖမ်းဆီးခံရသူတွေထဲမှာ အသက် ၆၅ နှစ်အရွယ် အငြိမ်းစား ရဲတပ်ဖွဲ့ဝင်တစ်ဦးလည်း ပါဝင်ပါတယ်။

AFO အဖွဲ့ဟာ ပြီးခဲ့တဲ့နှစ်တွေအတွင်း ပြင်သစ်မှာ ဖြစ်ပွားခဲ့တဲ့ အစ္စလာမ့်မစ်အစွန်းရောက်တွေရဲ့ တိုက်ခိုက်မှုတွေကို လက်တုန့်ပြန်သွားမယ်လို့ ကျုံးဝါးထားပြီး၊ ကလပ်တွေမှာ အဖွဲ့ဝင်တွေကို သေနတ်ပစ် လေ့ကျင့်ပေးတာ၊ လက်နက်ခဲယမ်းတွေ စုဆောင်းတာ၊ ပြဿနာကြီးကြီးမားမား ဖြစ်လာရင် ရင်ဆိုင်ဖို့အတွက် ရိက္ခာတွေ ကြိုစုဆောင်းတာတွေကို လုပ်ဆောင်နေပါတယ်။

၂၀၁၇ ခုနှစ် အောက်တိုဘာလကလည်း ပြင်သစ် အကြမ်းဖက်တိုက်ဖျက်ရေးအဖွဲ့ဟာ ပဲရစ်နဲ့ မာဆေးလ်မြို့တွေမှာ ဗလီတွေ၊ ပြောင်းရွှေ့အခြေချသူတွေနဲ့ သမ္မတလောင်း Jeahn-Luc Melenchon တို့ကို ပစ်မှတ်ထားကာ အကြမ်းဖက်တိုက်ခိုက်ဖို့ ကြံစည်နေတဲ့ လက်ယာစွန်းရောက် ၁၀ ဦးကို ဖမ်းဆီးထိန်းသိမ်းခဲ့ပါတ
ယ်။

Ref: AFP

ဇွန် ၃၀၊ ၂၀၁၇
M-Media

– ပြင်သစ်နိုင်ငံ ပဲရစ်မြို့ ဆင်ခြေဖုံး ခရီတီးလ်ရပ်ကွက်ရှိ ဗလီဝတ်ကျောင်းတော်တစ်ခုရှေ့မှ လူအုပ်ကို အမျိုးသားတစ်ဦးက ကားဖြင့်ဝင်တိုက်ရန် ကြိုးစားခဲ့ပြီး ထိုအမျိုးသားအား ဖမ်းဆီးနိုင်ခဲ့သည်ဟု ပြင်သစ်ရဲတပ်ဖွဲ့က ပြောကြားလိုက်သည်။

ယမန်နေ့ည ၆ နာရီခွဲအချိန်တွင် ဖြစ်ပွားခဲ့ပြီး ဗလီဝတ်ကျောင်းတော်ရှေ့ရှိ အဆီးအတားများကြောင့် ထိုကားမှာ လူအုပ်ဆီသို့ မရောက်ရှိခဲ့ကြောင်း၊ ထိုအဖြစ်အပျက်အတွင်း မည်သူမှ ဒဏ်ရာမရရှိကြောင်း ရဲတပ်ဖွဲ့က ထုတ်ပြန်သော ကြေငြာချက်တွင် ဖော်ပြထားသည်။

လက်ရှိတွင် ထိုကိစ္စအတွက် အကြမ်းဖက်တိုက်ဖျက်ရေးဌာနမဟုတ်ဘဲ သာမန် ရဲဌာနကသာ စုံစမ်းစစ်ဆေးမှု ပြုလုပ်နေပြီး ထိုအမျိုးသားကို တရားစွဲဆိုရမည်လားဆိုသည်ကို ဆုံးဖြတ်သွားမည်ဟု ကြေငြာချက်က ဆိုသည်။

ရဲတပ်ဖွဲ့က ထိုလုပ်ရပ်၏နောက်ကွယ်မှ လှုံ့ဆော်မှုကို ရှင်းရှင်းလင်းလင်း မသိရသေးဟု ပြောကြားထားပြီး Le Parisien သတင်းစာက အဆိုပါအမျိုးသားမှာ ပြင်သစ်တွင် IS ၏ တိုက်ခိုက်မှုများအတွက် လက်စားချေချင်နေသူဖြစ်သည်ဟု ဖော်ပြခဲ့သည်။

ပြီးခဲ့သည့်တစ်ပတ်က အင်္ဂလန်နိုင်ငံမြောက်ပိုင်း နယူးကာဆယ်တွင် ၀ါကျွတ်အီးဒ်အထိမ်းအမှတ် ၀တ်ပြုဆုတောင်းပြီး ထွက်လာသော လူအုပ်ကို ကားတစ်စီးက ၀င်တိုက်ခဲ့သောကြောင့် ကလေးငယ် ၂ ဦး အပါအ၀င် လူ ၆ ဦး ဒဏ်ရာရရှိခဲ့သည်။

ယခုလအစောပိုင်းကလည်း လန်ဒန်မြို့ရှိ ဗလီတစ်လုံးမှ ၀တ်ပြုပြီးထွက်လာသော မွတ်စလင်လူအုပ်ကို ဗန်ကားတစ်စီးက ၀င်တိုက်ခဲ့ပြီး လူ ၁ ဦးသေဆုံးခဲ့ကာ အနည်းဆုံး ၁၀ ဦး ဒဏ်ရာရရှိခဲ့သည်။

ကျူးလွန်သူမှာ ‘မွတ်စလင်တွေကို သတ်ချင်တယ်’ ဟု ဟစ်အော်ခဲ့ပြီး ရဲတပ်ဖွဲ့က ၎င်း၏ အကြမ်းဖက်မှုဖြင့် တရားစွဲဆိုထားသည်။

ပြင်သစ်နိုင်ငံတွင် ၂၀၁၅ ခုနှစ် နိုဝင်ဘာနောက်ပိုင်း IS က တိုက်ခိုက်မှုများ ပြုလုပ်ခဲ့ပြီးနောက် နိုင်ငံတစ်ဝှမ်း ဘာသာရေး၊ အများပြည်သူနှင့် သက်ဆိုင်သည့်နေရာများကို လုံခြုံရေးကို တင်းကျပ်စွာ ချထားသည်။

Ref: Aljazeera