News @ M-Media

Tag: French

  • လေထုညစ်ညမ်းမှု ကာကွယ်ရန် ပဲရစ်မြို့တွင် မော်တော်ကား အသုံးပြုမှု အလှည့်ကျ ပိတ်မည်။

    မတ် ၁၇ ၊ ၂၀၁၄
    M-Media

    – မြို့တော်အတွင်း လေထုညစ်ညမ်းမှုအဆင့် မကြုံစဖူးမြင့်တက်လာသောကြောင့် မြို့တော်ပဲရစ်နှင့် ပတ်ဝန်းကျင်ဒေသများတွင် မော်တော်ယာဉ် သုံးစွဲမှုကို အလှည့်ကျစနစ်ဖြင့် ပြင်သစ်အစိုးရက ပိတ်ပင်မည်ဟု သိရသည်။

    _73602529_parissmog

    ပြည်သူ့ကျန်းမာရေးကို ခြိမ်းခြောက်နေသည့် မီးခိုးငွေ့များအား လျော့ချရန်အတွက် အလှည့်ကျ မောင်းနှင်မှုစနစ်ကို စတင်ခဲ့ခြင်းဖြစ်ကာ ပဲရစ်မြို့တစ်ဝှမ်းနှင့် ပတ်ဝန်းကျင်ဒေသ ၂၂ ခုရှိ လမ်းမများပေါ်တွင် မော်တော်ကားစီးရေ ထောင်ပေါင်းများစွာကို ယနေ့မှစတင်ကာ လျှော့ချသွားမည်ဖြစ်သည်။

    မြို့တော်တစ်ဝှမ်းရှိ စစ်ဆေးရေးဂိတ် ၆၀ ကျော်တွင် ရဲတပ်ဖွဲ့ဝင် ၇၀၀ ခန့်က စောင့်ကြည့်နေပြီး လိုင်စင်နံပတ်ပြား၏ နောက်ဆုံးဂဏန်း “မ” ကိန်းဖြင့်ဆုံးသော မော်တော်ကားများမှာ ယနေ့တွင် မောင်းနှင်ခြင်းမပြုရန် တားဆီးသွားမည်ဟု သိရသည်။ မနက်ဖြန်တွင်မူ “စုံ” ကိန်းဖြင့်ဆုံးသော ယာဉ်များ မောင်းနှင်ခွင့်ရမည်မဟုတ်ပေ။

    ယခုအစီအစဉ်ကြောင့် လေထုညစ်ညမ်းမှု မည်မျှလျှော့ချနိုင်မည်ကို အစိုးရက သုံးသပ်သွားမည်ဖြစ်ပြီး၊ ထိုကန့်သတ်ချက်အား ကာလကြာရှည် ဆောင်ရွက်ရန် သင့်မသင့်ကို နောက်ပိုင်းတွင် ဆုံးဖြတ်သွားမည်ဖြစ်သည်။ လွန်ခဲ့သည် ၅ ရက်ခန့်မှစ၍ ပဲရစ်မြို့ရှိ လေထုညစ်ငြမ်းမှုမှာ အန္တရာယ်ရှိသည့် အဆင့်သို့ ရောက်ရှိလာသောကြောင့် နှစ်ပေါင်း ၂၀ အတွင်း ပထမဆုံးအကြိမ်အဖြစ် ထိုကန့်သတ်ချက်အား ပြင်သစ်အစိုးရက သတ်မှတ်ခဲ့ခြင်းလည်းဖြစ်သည်။

    လေထုညစ်ညမ်းမှု အန္တရာယ်ကင်းရှင်းသည့် အနိမ့်ဆုံးတန်ဖိုးမှာ ၁ ကုဗမီတာတွင် ၈၀ မိုက်ကရိုဂရမ်သတ်မှတ်ထားသော်လည်း မတ်လ ၁၄ ရက်နေ့ ပဲရစ်မြို့တွင် တိုင်းတာရရှိခဲ့သည့် တန်ဖိုးမှာ ၁ ကုဗမီတာတွင် ၁၈၀ မိုက်ကရိုဂရမ်အထိ ရှိနေသည်။ ဒေသအတွင်း လေတိုက်ခတ်မှု နည်းပါးခြင်း၊ ခြောက်သွေ့သောနေ့များနှင့် ချမ်းအေးသော ညများက လေုထုညစ်ညမ်းမှုကို ဖြစ်စေသည်ဟု ပညာရှင်များကဆိုသည်။

    CAH/HJL/HMV

  • အစ္စလာမ် ဆန့်ကျင်ရေး လှုပ်ရှားမှုများအား သတင်းပေးပို့နိုင်သည့် ဖုန်းဆော့ဖ်ဝဲ ပြင်သစ်တွင် ဖြန့်ချီ

    နိုဝင်ဘာ-၇ ၂၀၁၃
    M-Media

    French smartphone app targets Islamophobia

    အစ္စလာမ်ဆန့်ကျင်ရေး အပြုအမူများနှင့် စကားများကို တိုင်ကြားနိုင်မည့် ဖုန်းဆော့ဖ်ဝဲတစ်ခုအား ပြင်သစ်ရှိ အစ္စလာမ်ကြောက်ရောဂါ တိုက်ဖျက်ရေး အဖွဲ့တစ်ခု ဖြစ်သည့် The Collectif Contre l’Islamophobie en France(CCIF) ပြင်သစ်နိုင်ငံတွင် တနင်္လာနေ့က စတင်ဖြန့်ချီခဲ့သည်ဟု သိရသည်။

    ထိုဆော့ဖ်ဝဲအား အိုင်ဖုန်း(Apple phones)၊ အိုင်ပက်(tablets) နှင့် အန်ဒရွိုက်( Android)  ဖုန်းများတွင်ပါအသုံးပြုနိုင်မည်ဖြစ်ပြီး၊ အသုံးပြုသူများအနေဖြင့် လူမျိုးရေးခွဲခြားသူများနှင့် အစ္စလာမ်ဆန့်ကျင်ရေး အပြုအမူများအား စီစစ်နိုင်မည်ဖြစ်သည်။ ထို့ပြင် မိမိ၏ပတ်ဝန်းကျင်တွင် ထိုကဲ့သို့သောလုပ်ရပ်များ ရှိ၊ မရှိကို စစ်ဆေးနိုင်ပြီး အဓိကအားအဖြင့် ထိုကဲ့သို့သော အဖြစ်အပျက်များဖြစ်ပွားလာပါက ကျူးလွန်ခံရသူများနှင့် မျက်မြင်သက်သေများက ထိုဆော့ဖ်ဝဲအား အသုံးပြုကာ သတင်းပေးပို့နိုင်မည်ဖြစ်သည်။

    “(ဆော့ဖ်ဝဲကိုထုပ်လုပ်ရခြင်းရဲ့) အဓိကရည်ရွယ်ချက်ကတော့ ဒီလိုခွဲခြားဆန့်ကျင်တဲ့ အပြုအမူတွေဖြစ်လာတဲ့အခါ ချက်ခြင်း သတင်းပေးပို့နိုင်ဖို့ပါ။ ပြီးတော့ အစ္စလာမ် ကြောက်ရောဂါရှိသူတွေရဲ့ အန္တရာယ်ပေးမှုကို ခံရတဲ့သူတွေကို ဥပဒေဆိုင်ရာ အကြံအဥာဏ်တွေပေးဖို့နဲ့၊ သူတို့ရဲ့ ရပိုင်ခွင့်တွေအကြောင်းကို သတင်းပေးဖို့လည်း ဖြစ်ပါတယ်” ဟု CCIF ၏ ပြောရေးဆိုခွင့်ရှိသူ Babacar Sene က The Local သတင်းစာသို့ တနင်္လာနေ့က ပြောကြားခဲ့သည်။

    Ref : The Local

    ————————————————-
    ** M-Media ၏ မူပိုင် သတင်း/ဆောင်းပါးများကို အွန်လိုင်းမီဒီယာများတွင် မည်သူမဆို လွတ်လပ်စွာကူးယူဖော်ပြနိုင်ပါသည်။ ကူးယူဖော်ပြသူများအနေဖြင့် M-Media မူရင်းလင့်ခ်ကို ထည့်ပေးဖို့ မေတ္တာရပ်ခံအပ်ပါသည်။
    စီးပွားဖြစ် ထုတ်ဝေသော Print Media များတွင် အသုံးပြုလိုသူများ M-Media သို့ ခွင့်ပြုချက်တောင်းရန် လိုအပ်ပါမည်။
    ဆက်သွယ်ရန် [email protected]

  • လူမျိုးရေး ခွဲခြားမှုဖြင့် ပြင်သစ် နိုင်ငံရေးပါတီ ခေါင်းဆောင် ရာထူးမှဖယ်ရှား၊ တရားစွဲဆိုခြင်းခံရမည်။

    ဇွန်လ-၂၊၂၀၁၃
    M-Media

    မရီးန်လီပန် (Marine Le Pen)သည် ပြင်သစ်ရှိ မွတ်စလင်မ်များအား ဆန့်ကျင်ဝေဖန်မှုကြောင့် သူမအား ပါတီခေါင်းဆောင် အဖြစ်မှ ပယ်ဖျက်ရန် ဥရောပ ပါလီမန်မှ အဖွဲ့ဝင်များက မဲဆန္ဒခွဲ ဆုံးဖြတ်ခဲ့ကြသည်။

    Marine Le Pen

    မရီးန်လီပန်သည် ပြင်သစ် National Front ပါတီ၏ ဦးဆောင်သူဖြစ်ပြီး၊ ပြင်သစ်ရှိ မွတ်စလင်မ်အသိုင်းအ၀ိုင်းအား ဦးတည်၍ လူမျိုးခွဲခြား ဝေဖန်မှုကြောင့် အရေးယူခံ ရဖွယ်ရှိကြောင်း သိရသည်။

    မွတ်စလင်မ်တို့၏ ၀တ်ပြုဆုတောင်းခြင်းကို နာဇီများ၏ ကျူးကျော်မှုနှင့်တူညီသည် ဆိုသော လီပန်၏ ဝေဖန်ချက် အတွက် ပြင်သစ်နိုင်ငံ အာဏာပိုင်များက သူမအား တရားစွဲ ဆိုမည် ဖြစ်သောကြောင့် ယခုရက်သတ္တပတ် အစောပိုင်းက ဥရောပ ပါလီမန်သည် လီပန်၏ လုပ်ပိုင်ခွင့်အားပယ်ဖျက်ရန် မဲဆန္ဒခွဲဆုံးဖြတ်ခဲ့ကြောင်း ပါလီမန်၏ ပြောရေးဆိုခွင့်ရှိသူ တစ်ယောက်က စနေနေ့တွင်ပြောကြားခဲ့သည်။

    ပြောရေးဆိုခွင့်ရှိသူ ဂျောင်မီဒွတ်ခ်ျ (JaumeDuch) ၏ အဆိုအရ တရားစီရင်ရေး ကော်မတီသည် ပါလီမန် ဆုံးဖြတ်ချက်အား ထောက်ခံချက်ပေးရန် လျှို့ဝှက် မဲခွဲမှုပြုလုပ်ခဲ့ပြီး၊ ဇွန်လ ၁၁ ရက်နေ့တွင် အပြီးသတ်ဆုံးဖြတ်ချက်ကို ချမှတ်မည်ဟု သိရသည်။

    ၄င်းမဲခွဲဆုံးဖြတ်မှုသည် လီပန်အပေါ်တွင် ညှာတာမှု မရှိနိုင်ကြောင်း၊ ဆုံးဖြတ်ချက် အတည်ဖြစ်ပါက ပြင်သစ် အာဏာပိုင်များသည် သူမအား လူမျိုးရေး ခွဲခြားမှုဖြင့် စွဲချက်တင် အရေးယူသွားမည်ဖြစ်ကြောင်း  AFP သတင်းဌာနသို့ သတင်းပေးသူတစ်ဦးက ဟုပြောခဲ့သည်။

    ဒီဇင်ဘာလ ၂၀၁၀ ခုနှစ်တွင်ပြုလုပ်ခဲ့သောဟောပြောပွဲမှ သူမ၏ဝေဖန်ချက်အပေါ် သူမအား တရားစွဲဆိုရေးအတွက် ပြင်သစ် အာဏာပိုင်များက ဥရောပ ပါလီမန်သို့ လီပန်၏  နိုင်ငံရေးသမား အဖြစ်လုပ်ပိုင်ခွင့်ကို ပယ်ဖျက်ပေးရန် နိုဝင်ဘာလက တောင်းဆိုခဲ့ကြောင်း သိရသည်။

    သူမ၏ဟောပြောမှုတွင် လီပန်သည် လမ်းမပေါ် မွတ်စလင်မ်များ ဘုရားဝတ်ပြုခြင်းကို ဝေဖန်ရှုတ်ချခဲ့သည်။

    “ ဒုတိယကမ္ဘာစစ်နဲ့ပတ်သက်ပြီး – ကျူးကျော်ဝင်ရောက်ခြင်းနဲ့ပတ်သက်ပြီး – ပြောဆိုလိုသူတွေအဖို့ ယခုအခါမှာ ကျွန်မတို့ ရဲ့ပိုင်နက်ထဲ ကျူးကျော် ၀င်ရောက်လာမှုကို ကျွန်မတို့ ပြောဆိုဆွေးနွေးရတော့မှာ ဖြစ်တယ် ”

    “ လက်နက်တပ်ဆင်ထားတဲ့ ယာဉ်တွေတော့ မရှိဘူး၊ စစ်သည်တွေတော့ မရှိဘူး၊ ဒါပေမယ့် ဒါဟာလည်း လူထုအပေါ် ကျူးကျော်မှုလုပ်တာနဲ့ အတူတူပါပဲ ” ဟု လီပန်က ပြောဆိုခဲ့သည်။

    အမှန်တရားကို ထွက်ဆိုကြခြင်း

    လူမျိုးရေးခွဲခြားမှုဆန့်ကျင်သောအဖွဲ့အစည်းတစ်ခု၏ တိုင်ကြားမှုကြောင့် လီယွန် (Lyon) ရှိ အစိုးရရှေ့နေများက ၄င်း ဟောပြောပွဲပြုလုပ်ခဲ့သောနေရာတွင် လူသိရှင်ကြား စုံစမ်းစစ်ဆေးမှုများ ဇန်န၀ါရီလ ၂၀၁၁ က ပြုလုပ်ခဲ့ရာ လူမျိုးရေးခွဲခြားမှုဝါဒအား လှုံ့ဆော်ပြောဆိုခဲ့ကြောင်း မှတ်ချက်ပေးခဲ့သည်။

    အခြားနိုင်ငံများရှိပါလီမန်များအတိုင်း  ဥရောပပါလီမန်အဖွဲ့ဝင်များသည် ၄င်းတို့၏ တာဝန်ဝတ္တရားများနှင့်ပတ်သက်၍ ရာဇ၀တ်မှု နှင့် ပြည်သူ့ရေးရာအမှုအခင်းများမှ ကင်းရှင်းနေရမည်ဖြစ်သည်။ သို့သော်လည်း လွှတ်တော်၏မဲဆန္ဒဖြင့် ၄င်း၏လုပ်ပိုင်ခွင့်အား ပြန်လည်ရုပ်သိမ်းနိုင်ကြောင်း သိရသည်။

    ပါတီ၏ ဒုတိယဥက္ကဌ ဖလိုရီရန် ဖလီပ်ပေါ့ (Florian Philippot) မှ – သူသည် ပါလီမန် အဖွဲ့ဝင်အားလုံး၏ မဲအဆုံးအဖြတ်ကို စောင့်မည်ဖြစ်ကြောင်း၊ ပြင်သစ်လူထုသည် အမှန်တရားကို ဖုံးကွယ်ပြောဆိုခြင်းကို မနှစ်မြို့ကြကြောင်း၊ လီပန်၏ လုပ်ပိုင်ခွင့်ကို ပယ်ဖျက်ခဲ့ပါလျှင် ယခုတိုင်ရှိနေသော လမ်းမပေါ် မွတ်စလင်မ်များ ဘုရားဝတ်ပြုနေခြင်း ကိစ္စမှာ ကြားရတော့မည် မဟုတ်ကြောင်း ပြောကြားခဲ့သည်။

    လီပန်သည် National Front ပါတီခေါင်းဆောင် နေရာအား ပါတီကိုတည်ထောင်ခဲ့သော ဖခင်ဖြစ်သူ ဂျီန်-မာရီလီပန် (Jean-Marie Le Pen) ထံမှ လက်လွှဲရယူခဲ့ခြင်းဖြစ်ပြီး သူမသည် လူမျိုးရေးခွဲခြားမှု နှင့် ဂျူးဆန့်ကျင်ရေးဆိုင်ရာ ပြစ်မှု အမြောက်အများ ကျူးလွန်းထားသူဖြစ်သည်။

    မရီးန်လီပန်သည် ၂၀၀၄ ခုနှစ်တွင် ဥရောပပါလီမန် နေရာအတွက် ဦးစွာရွေးချယ်ခြင်းခံခဲ့ရပြီး၊ ၂၀၁၂ ဧပြီလတွင်ပြုလုပ်ခဲ့သော ပြင်သစ် သမ္မတ ရွေးကောက်ပွဲ ပထမ အကျော့တွင် မဲ ၁၈ ရာခိုင်နှုန်း ရရှိခဲ့သည်။ ယင်းကိစ္စသည် ပါတီအတွက် တစ်ခုတည်းသော အမြင့်ဆုံး စွမ်းဆောင်ချက်ဖြစ်ခဲ့သည်။

    Ref:aljazeera

  • ပြင်သစ်နိုင်ငံ ပဲရစ်မြို့ဆင်ခြေဖုံးတွင် ခေတ်မီ လှပသော ဗလီဝတ်ကျောင်းတော် အသစ်ဖွင့်လှစ်

    ပြင်သစ်နိုင်ငံ ပဲရစ်မြို့ဆင်ခြေဖုံးတွင် ခေတ်မီ လှပသော ဗလီဝတ်ကျောင်းတော် အသစ်ဖွင့်လှစ်

    Green-domed Mosque

    ပဲရစ်မြို့၏ ဆင်ခြေဖုံးရပ်ကွက် တစ်ခုဖြစ်သော ဆျာဂျီ(Cergy)အရပ်တွင် ခေတ်မီလှပ၍ အနုပညာလက်ရာမြောက်သော အစိမ်းရောင် ဗလီဝတ်ကျောင်းတော် အသစ်ကို ၂၀၁၂ခုနှစ် ဇူလိုင်လ (၆) ရက်နေ့တွင် ဖွင့်လှစ်ခဲ့ပါသည်။

    စတုရန်းမီတာ (၂၀၀၀) ကျယ်ဝန်းကာ လူပေါင်း ၁၅၀၀ ကျော် ၀တ်ပြုနိုင်သော ၀တ်ကျောင်းတော်အသစ်ကို ယူရိုငွေ သန်း ၃.၇၅ အကုန်အကျခံကာ တည်ဆောက်ခဲ့ ခြင်းဖြစ်သည်။ ဆျာဂျီမွတ်စလင်မ် အဖွဲ့အစည်းမှ ချေးငွေ ၂.၂ သန်း ၏ တစ်ဝက်မျှကို အာမခံပေးခြင်းဖြင့်လည်းကောင်း၊ ၀တ်ကျောင်းတော်အတွက် မြေနေရာကိုလည်း နှစ်ပေါင်း ၉၉ နှစ်ကြာအတွက် အနည်းငယ်သော ပမာဏဖြင့် ငှားရမ်းခြင်း ဖြင့်လည်းကောင်း၊ ဆျာဂျီမြို့ရှိ ဒေသခံများသည် အားသွန်ခွန်စိုက် ကူညီ ကြိုးပမ်းခဲ့ပါသည်။

    “ပြင်သစ် အစ္စလာမ်လူမှု အဖွဲ့အစည်းတစ်ရပ်ကို တဖြည်းဖြည်း ဖွံ့ဖြိုးစည်ပင်လာအောင် တည်ဆောက် ဖို့က ကျွန်တော်တို့ အားလုံးရဲ့တာဝန်ပါပဲ။ ကျွန်တော်တို့ တိုင်းပြည်အတွက် အခြေခံ အုတ်မြစ်တစ်ခုလည်း ဖြစ်ပါတယ်။ ” ဟု ၀တ်ကျောင်းတော် ဖွင့်လှစ်ပွဲ အခမ်းအနားသို့ တက်ရောက်ခဲ့သူ ပြည်ထဲရေး ၀န်ကြီး မန်နျူရယ် ဗားလ်(စ)(Manuel Valls) က ပြောကြားခဲ့ပါသည်။

    ၎င်းအနေနှင့် မွတ်စလင်မ် များ အတွက် လူဝင်မှု ကြီးကြပ်ရေး ကိစ္စ နှင့် ပတ်သက်၍ တင်းကြပ်သော အနေအထားမျိုးရှိ သော်လည်း သူသည် မွတ်စလင်မ်များ၏ ရန်သူမဟုတ်ကြောင်းကို သက်သေပြလိုသည် ဟု လေ့လာဆန်းစစ်သူများက ဆိုကြပါသည်။ “ယခုကဲ့သို့ ဖွင့်လှစ်နိုင်ခဲ့ခြင်းသည် မွတ်စလင်မ် ထုအတွင်း စည်းလုံးညီညွတ်မှု နှင့် လူထုစိတ်ဓာတ်၊ နိုင်ငံရေး စိတ်ဓာတ် တို့ကို လှုံ့ဆော်ဖြစ်ပေါ်စေခဲ့သည်” ဟု ၀တ်ကျောင်းတော် ဖွင့်ပွဲသို့ တက်ရောက်ခဲ့သော ဆျာဂျီ ဒေသ၏ မြို့တော်ဝန် ဖြစ်သူ ဒိုမီနစ် လာ့ဖဲ(ဗ)(Dominique Lefebvre)က ပြောကြားခဲ့ပါသည်။

    “လူအများ၏ အလှူဒါနတွေကနေ ယခုလို တည်ဆောက် နိုင်ခဲ့တယ် ဆိုတာကို ကျွန်တော်တို့ လူအများကို ရှင်းရှင်း လင်းလင်း သိစေလိုပါတယ်” ဟု အေမာမ် တာဟာ့ မဟ်ဒီ(Tahar Mahdi)က ဆိုခဲ့ပါသည်။ တိုင်းရင်းသား မျိုးနွယ်စု အသီးသီးမှ ပြင်သစ်မွတ်စလင်မ်များ၏ စုစည်းမှု အင်အားဖြင့် ၀တ်ကျောင်းတော်ကို လက်တွေ့ အကောင်အထည် ဖော်နိုင်ခဲ့ခြင်း ဖြစ်ပါသည်။

    ဆျာဂျီတွင် ၀တ်ကျောင်းတော် တည်ဆောက်နိုင်ရေး စီမံကိန်းကို ၁၉၈၀ ကာလများ ကတည်းကပင် ရေးဆွဲချမှတ်နေ ခြင်း ဖြစ်ပါသည်။
    ၁၉၉၆ ခုနှစ်တွင် မြို့တော်ဝန်အဖြစ် ရွေးချယ်ခံရသော မြို့တော်ဝန် လာ့ဖယ်(ဗ)သည် ဘာသာရေးနှင့်သက်ဆိုင်သောကိစ္စရပ်များအတွက် ပြည်သူလူထုထံမှရံပုံငွေရှာဖွေခြင်းအား ကန့်သတ်တားဆီးထားသော ပြင်သစ်နိုင်ငံ၏ ဥပဒေကို မျှတကောင်းမွန်သော အက်ဥပဒေဖြစ်အောင် လှုပ်ရှားဆောင်ရွက်ခဲ့သူလည်းဖြစ်သည်။ ၀တ်ကျောင်းတော် အသစ်တွင် ယဉ်ကျေးမှု စင်တာ၊ လက်ဖက်ရည်သောက် ကာ နားနေရန်နေရာ၊ အသုဘအခမ်းအနားများ အတွက် ပြင်ဆင်ရန်နေရာ နှင့် စာသင်ဆောင်များလည်း ပါဝင်သည်။

    ကိုးကား-http://en.islamtoday.net/artshow-229-4487.htm