Tag: Germany

အမျိုသမီး ၂ ဦး အရှက်ကို ကာကွယ်ရင်း သေဆုံးခဲ့သည့် ဂျာမန်မွတ်စလင် အမျိုးသမီးအား ပြည်သူများ ဂုဏ်ပြု

ဒီဇင်ဘာ ၂ ၊ ၂၀၁၄
M-Media

– စားသောက်ဆိုင်တစ်ခုတွင် အရှက်တကွဲပြုခြင်းခံရသည့် အမျိုးသမီး ၂ ဦးအား လွတ်မြောက်ရန် ကူညီရင်း သေဆုံးသွားခဲ့သည့် မွတ်စလင်အမျိုးသမီးငယ် တဂ်စီ အလ်ဘေရက်အား ဂုဏ်ပြုရန်အတွက် ဖယောင်းတိုင်ထွန်းကာ စုရုံးမှုအတွင်း ဂျာမနီပြည်သူထောင်ပေါင်းများစွာ ပါဝင်ခဲ့သည်ဟုသိရသည်။

`မရေမတွက်နိုင်တဲ့ အခြားသော နိုင်ငံသားတွေလိုပဲ ကျွန်တော်ဟာ ဒီကြောက်မယ်ဖွယ် ကိစ္စကိုကြားပြီး တုန်လှုပ်ခြောက်ခြားခဲ့ရပါတယ်။ တဂ်စီဟာ ကျွန်တော်တို့ အားလုံးဆီက ကျေးဇူးတင်မှုတွေ၊ လေးစားမှုတွေကို ထိုက်ထိုက်တန်တန်ရရှိသွားခဲ့ပါပြီ။ သူမဟာ ကျွန်တော်တို့အတွက် အတုယူစရာလူတစ်ယောက်အဖြစ် ရှိနေမှာဖြစ်ပြီး ကျွန်တော်တို့ တစ်နိုင်ငံလုံး သူ့အတွက် ၀မ်းနည်းပူဆွေး နေရတာပါ။ တခြားလူတွေက တခြာနည်းလမ်းကို ရှာကြမယ့်အချိန်မှာ တဂ်စီဟာ အတုယူထိုက်စရာ သတ္တိဗျတ္တိနဲ့ စိတ်ဓာတ်ကြံ့ခိုင်မှုကို ပြသခဲ့ပါတယ်´ ဟု ဂျာမနီ သမ္မတ ဂျိုအာချင်း ဂေါက်က ပြောကြားခဲ့ပြီး တဂ်စီ၏ မိသားစုကိုလည်း ၀မ်းနည်းကြောင်း ပြောကြားခဲ့သည်။

အသက် ၂၃ နှစ်အရွယ် တဂ်စီမှာ နိုဝင်ဘာ ၁၅ ရက်နေ့က အော့ဖ်ဘန့်ခ်ျမြို့ရှိ -စားသောက်ဆိုင် တစ်ခု၏ ရေချိုးခန်းရှေ့တွင် အမျိုးသားသုံးဦး၏ အရှက်တကွဲပြုခြင်း ခံနေရသည့် အမျိုးသမီးနှစ်ဦးအား လွတ်မြောက်ရန် သွားရောက်ကူညီခဲ့သည်။

ထို့နောက် ၁ နာရီခန့် အကြာတွင် အမျိုးသား သုံးဦးထဲမှ အသက် ၁၈ နှစ်အရွယ် ဆာနီလ်အမ်ဆိုသူက တဂ်စီအား ကားပါကင်ထဲတွင် ပြင်းထန်စွာရိုက်နှက်ခဲ့သောကြောင့် တဂ်စီမှာ သတိလစ်မေ့မြောခဲ့ပြီး ကိုးမားရောဂါကို ခံစားခဲ့ရသည်။

တဂ်စီ၏ မိသားစုများနှင့် မိတ်ဆွေ အပေါင်းအသင်းများက သတင်းကောင်းကို မျှော်လင့် ခဲ့ကြသော်လည်း ဆရာဝန်များကမူ တဂ်စီ၏ ဦးနှောက်မှာ သေဆုံး သွားခဲ့ပြီဟု နိုဝင်ဘာ ၂၆ ရက်နေ့တွင် ကြေညာခဲ့ပြီး မိသားစုကကလည်း တဂ်စီ အသက် ၂၃ နှစ်ပြည့်သည့် နိုဝင်ဘာ ၂၈ ရက်နေ့တွင် အသက်ရှုကိရိယာများကို ဖြုတ်ရန် ဆုံးဖြတ်ခဲ့ကြသည်။

တဂ်စီ၏ သတ္တိကို ချီးကျူးသည့်အနေဖြင့် ဂျာမန်ပြည်သူထောင်ပေါင်း များစွာတို့မှာ အခင်းဖြစ်ပွားခဲ့သည့် စားသောက်ဆိုင် အရှေ့တွင် တိတ်ဆိတ်စွာ စုရုံး ဆန္ဒပြခဲ့ကြပြီး တဂ်စီအတွက် နောက်ဆုံးနှုတ်ဆက်ခဲ့ကြသည်။

အဆိုပါ လူအုပ်ကြီးမှာ “Seni seviyoruz” (ငါတို့အသင့်ကို ချစ်နေမည်)စသည့် စာတမ်းများရေးသားထားပြီး တဂ်စီ၏ ဓာတ်ပုံကို ကပ်ထားသည့် တီရှပ်များကို ၀တ်ဆင်ကာ ၊ “Danke Tuğçe” (ကျေးဇူးပါ တဂ်စီ) ဟု လက်ရေးဖြင့်ရေးသားထားသော ဆိုင်းဘုတ်များကိုလည်း ကိုင်ဆောင်ထားကြသည်။

ထို့ပြင် တဂ်စီ၏ စွမ်းစွမ်းတမံ ဆောင်ရွက်မှု အတွက် Order of Merit ဆု ချီးမြှင့်ရန် အစိုးရထံ တောင်းဆိုလွှာကိုလည်း ဂျာမန်ပြည်သူ ရာပေါင်းများစွာက လက်မှတ်ရေးထိုးခဲ့ကြသည်။

ဂျာမနီမှာ ပြင်သစ်နိုင်ငံပြီးလျှင် ဥရောပ၌ အစ္စလာမ် ဘာသာဝင် ဒုတိယ အများဆုံးရှိသော နိုင်ငံတစ်နိုင်ငံဖြစ်ပြီး နိုင်ငံလူဦးရေ ၈၂ သန်း၏ ၅ ရာခိုင်နှုန်းခန့်မှာ အစ္စလာမ် သာသနာကို သက်ဝင်ယုံကြည်ကြသူများဖြစ်သည်။

ထို့အပြင် အစ္စလာမ်မှာ ခရစ်ယာန် ပရိုတက်တက်စတင့်နှင့် ခရစ်ယာန်ကက်သလစ် တို့ပြီးနောက် ဂျာမနီ၏ တတိယအကြီးဆုံး အယူဝါဒလည်းဖြစ်သည်။

OnIslam

December 2, 2014
ဟစ်တလာ လူငယ်ဘဝက ရေးဆွဲခဲ့သည့် ပန်းချီကားလေလံ ဒေါ်လာ ၁ သိန်းကျော်ရ

နိုဝင်ဘာ ၂၅ ၊ ၂၀၁၄
M-Media

– ၁၉၁၄ ခုနှစ်က နာဇီခေါင်းဆောင် ဟစ်တလာ ရေးဆွဲခဲ့သည်ဟု ယူဆရသည့် ပန်ချီကားတစ်ချပ်ကို ယူရို ၁၃၀၀၀၀ (ကန်ဒေါ်လာ ၁၆၁၀၀၀) ဖြင့် လေလံတင်ရောင်းချနိုင်ခဲ့သည်ဟု သိရသည်။

မြူးနစ်မြို့တော်ခန်းမဟောင်း၏ ပုံတူကို ရေဆေးဖြင့် ရေးဆွဲထားသည့် အဆိုပါ ပန်းချီကားကို နိုဝင်ဘာ ၂၂ ရက်နေ့က နုယင်ဘတ်ရှိ Wieder လေလံခန်းမတွင် လေလံတင် ရောင်းချခဲ့ခြင်းဖြစ်သည်။

Wieder လေလံခန်းမ ဒါရိုက်တာဖြစ်သူ ကက်ကသရင်း ၀ီဒါကမူ အဆိုပါ ပန်းချီကားမှာ တိုက်ကြီးလေးတိုက်မှ ၀ယ်ယူသူများကို ဆွဲဆောင်နိုင်ခဲ့ကြောင်း ပြောကြားခဲ့သော်လည်း လေလံတင်မှု အသေးစိတ်ကိုမူ ပြောကြားခဲ့ခြင်းမရှိချေ။ အဆိုပါ ပန်းချီကားအား ၀ယ်ယူသွားသူမှာ အရှေ့အလယ်ပိုင်းမှ အမည်မဖော်လိုသူတစ်ဦး ဖြစ်သည်။

“Standesamt und Altes Rathaus Muenchen” ဟု အမည်ပေးထားသည့် အဆိုပါ ပန်းချီကားမှာ ၁၉၀၅ ခုနှစ်မှ ၁၉၂၀ ခုနှစ်အတွင်း လူငယ် ပန်းချီဆရာဘ၀ဖြင့် ရုန်းကန်ခဲ့ရသည့် ဟစ်တလာ၏ လက်ရာ ၂၀၀၀ ကျော်ထဲမှ တစ်ခုဖြစ်သည်ဟု ယူဆကြသည်။

ကိုယ်ပိုင်ရေးအထုတ်ပတ္တိ Mein Kampf တွင် ဟစ်တလာက လူငယ်ဘ၀တွင် ၎င်း၏ မျှော်လင့်ချက်မှာ ပန်းချီဆရာတစ်ဦးဖြစ်ရန် ဖြစ်ကြောင်း၊ ဗီယင်နာအနုပညာအကယ်ဒမီ၏ အကြိမ်ကြိမ်ငြင်းပယ်မှုကို ခံခဲ့ရကြောင်း ရေးသားခဲ့သည်။

ကျွမ်းကျင်သူများကမူ ဟစ်တလာ၏ လက်ရာများမှာ အရည်အသွေး ကောင်းမွန်ခြင်းမရှိဘဲ၊ လေလံခန်းမများကမူ နာဇီခေါင်းဆောင်တစ်ဦး၏ အဆိုပါ ပန်းချီကာများအား ရောင်းချရန် ငြင်းဆိုကြသည်။

နုယင်ဘတ်တွင် ပြုလုပ်ခဲ့သော အဆိုပါလေလံပွဲတွင် ဟစ်တလာ၏ အခြားသော ပန်းချီကား ငါးခုကိုလည်း ရောင်းချခဲ့ရသည်။

Agencies

November 25, 2014
မွတ်စလင်များအတွက် ပညာတော်သင်ဆု အစီအစဉ်ကို ဂျာမနီအစိုးရ စတင်

နိုဝင်ဘာ ၂၁ ၊ ၂၀၁၄
M-Media

– မွတ်စလင်များ ဂျာမန် လူ့အဖွဲ့အစည်းတွင်း ပူးပေါင်းပါဝင်မှုကို အားပေးရန်နှင့် ၀ိဇ္ဇာသိပ္ပံ ဘာသာရပ် အားလုံးတွင် မွတ်စလင်များ၏ အရည်အသွေးများအား မြှင့်တင်ပေးရန်တို့ အတွက် မွတ်စလင် ပညာတော်သင်ဆု အစီအစဉ် တစ်ခုကို ဂျာမနီအစိုးရက စတင်လိုက်သည်ဟု သိရသည်။

အဆိုပါ ပညာသင်ဆုကို အစိုးရက တိုက်ရိုက်ငွေကြေးထောက်ပံ့ထားသည့် Avicenna Studienwerk အဖွဲ့က ပေးအပ်ခဲ့ခြင်းဖြစ်ပြီး ဂျာမနီရှိ ပါရမီရှိသော၊ တက်ကြွ၍ ပြည်သူ့အကျိုးပြု လုပ်ငန်းများ လုပ်ဆောင်နေသာ မွတ်စလင်များကို ပံ့ပိုးပေးရန် ရည်ရွယ်ခြင်းဖြစ်သည်။

“ဒါဟာ ဂျာမန် သမိုင်းမှာ ပထမဆုံးဖြစ်ပါတယ်။ ကနဦးအဖြစ် မွတ်စလင် ကျောင်းသား၊ ကျောင်းသူ ၆၅ ဦးကို ပညာတော်သင်ဆုပေးခဲ့ပြီး လာမယ့်နှစ်မှာတော့ မွတ်စလင် ၅၀၀ လောက်ကို ပညာတော်သင်ဆုပေးသွားမှာပါ” ဟု Avicenna Studienwerk အဖွဲ့မှ ဥက္ကဌ ဘူလန့် ယူကာရ်က Today’s Zman သတင်းစာသို့ နိုဝင်ဘာ ၁၈ ရက်နေ့က ပြောကြားခဲ့သည်။

အဆိုပါ ပညာတော်သင်ဆု အစီအစဉ်အတွင် မွတ်စလင်ကျောင်းသားများမှာ တစ်လလျှင် အနည်းဆုံး ယူရို ၆၇၀နှင့် ထပ်ဆောင်းထောက်ပံ့ငွေ ယူရို ၃၀၀ စုစုပေါင်း ၉၇၀ ရရှိမည်ဖြစ်ပြီး၊ PhD တက်သည့် ကျောင်းသားများမှာ တစ်လလျှင် ယူရို ၁၁၅၀ ရရှိမည်ဖြစ်သည်။

ပညာရေးနယ်ပယ်တွင် မွတ်စလင်များ၏ လိုအပ်ချက်များကို ဖြည့်ဆည်းပေးသော ပထမဆုံး အစိုးရအဖွဲ့အစည်းဖြစ်သည့် Avicenna Studienwerk မှာ ချီးကျူးခြင်းခံခဲ့ရပြီး ယူကာရ်ကလည်း အဆိုပါ စီမံကိန်းမှာ လူငယ်ပညာရှင်များကို ပံ့ပိုးပေးပြီး ၎င်းတို့အတွက် လမ်းခင်းပေးသည့် အရေးပါသော စီမံကိန်းဟု ပြောကြားခဲ့သည်။

ဂျာမနီတွင် အစ္စလာမ့်ရေးရာများကို ၂၀၁၂ ခုနှစ်မှစတင်ကာ အစိုးရ တက္ကသိုလ်အချို့တွင် သင်ကြားပေးပြီး ပုဂ္ဂိလိကကျောင်းများတွင်မူ အစ္စလာမ်နှင့်ပတ်သက်သည့် သင်ခန်းစာများကို ၂၀၀၉ ခုနှစ်မှစတင်ကာ သင်ကြားပေးခဲ့သည်။

အစ္စလာမ်မှာ ခရစ်ယာန်ပြီးလျှင် ဂျာမနီ၌ ကိုးကွယ်မှုအများဆုံး အယူဝါဒဖြစ်ပြီး နိုင်ငံလူဦးရေ ၈၂ သန်းတွင် ၅ ရာခိုင်နှုန်းခန့်မှာ အစ္စလာမ်သာသနာအား သက်ဝင်ယုံကြည်ကြသူများဖြစ်သည်။

ref_OnIslam & News Agencies

November 21, 2014
လူရမ်းကားများနှင့် နာဇီ လက်သစ်များ၏ အစ္စလာမ် ဆန့်ကျင်ရေး ချီတက်ပွဲ ပိတ်ပင်မည်ဟု ဂျာမနီ အစိုးရ ကြေညာ

အောက်တိုဘာ ၃၁ ၊ ၂၀၁၄
M-Media

– ကိုးလုံးတွင် ပြုလုပ်ခဲ့သော ဆန္ဒပြပွဲတွင် ရမ်းကားဖျက်ဆီးမှုများရှိခဲ့သောကြောင့် လာမည့် နိုဝင်ဘာ ၁၅ ရက်နေ့တွင် ပြုလုပ်ရန် စီစဉ်ထားသည့် နာဇီလက်သစ်များနှင့် ဘောလုံးလူရမ်းကားများ၏ မွတ်စလင်ဆန့်ကျင်ရေး ချီတက်ပွဲကို ပိတ်ပင်သွားမည်ဟု ဂျာမနီ အစိုးရ တာဝန်ရှိသူများက ပြောကြားလိုက်သည်။

“ဒီဆန္ဒပြမှုကို ပိတ်ပင်ဖို့အတွက် လုပ်နိုင်တာအားလုံးကို ကျွန်တော်တို့ လုပ်သွားမှာပါ။ ကျွန်တော်တို့ဟာ ပုံစံအသစ်နဲ့ဖြစ်လာတဲ့ အကြမ်းဖက်မှုတွေ၊ ရန်လိုမှုတွေကို ရင်ဆိုင်နေရပါတယ်။ (ကိုးလုံးမှာဆိုရင်) အစကတည်းက သူတို့ဟာ နိုင်ငံရေးအရ လုပ်တာမဟုတ်ဘဲ ရမ်းကားဖို့အတွက် အထူးသဖြင့် ရဲတွေနဲ့ ထိပ်တိုက်တွေ့ဖို့အတွက် လုပ်ဆောင်ခဲ့တယ်ဆိုတာ ရှင်းပါတယ်” ဟု ပြည်ထဲရေးဝန်ကြီးဌာနတွင် တာဝန်ထမ်းဆောင်နေသည့် ဘာလင်လွှတ်တော်အမတ် ဖရန့် ဟန်ကဲလ်က ARD ရုပ်မြင်သံကြားသို့ အောက်တိုဘာ ၃၀ ရက်နေ့တွင် ပြောကြားခဲ့သည်။

နိုဝင်ဘာ ၁၅ ရက်နေ့တွင် ပြုလုပ်ရန် စီစဉ်ထားသည့် အဆိုပါချီတက်ဆန္ဒပြပွဲကို ဘောလုံးလူရမ်းကားများက ဘာလင်ရှိ Brandenburg Gate တွင် ပြလုပ်ရန် စီစဉ်ထားခြင်းဖြစ်သည်။ ထိုဆန္ဒပြပွဲသို့ နာဇီလက်သစ်များ အပါအ၀င် လူပေါင်း ၁၀၀၀ ခန့် တက်ရောက်ဖွယ်ရှိသည်ဟု ဟန်ကဲလ်က ပြောကြားခဲ့သည်။

ပြီးခဲ့သည့် တနင်္ဂနွေက ကိုးလုံးတွင် ပြုလုပ်ခဲ့သော ချီတက်ဆန္ဒပြမှုကို ဘောလုံးလူရမ်းကားအဖွဲ့ဖြစ်သည့် Ho.Ge.Sa က စီစဉ်ကျင်းပခဲ့ခြင်းဖြစ်ပြီး နာဇီလက်သစ်များ အပါအ၀င် လူ ၄၀၀၀ ခန့် ပါဝင်ခဲ့ကြသည်။ အများစုမှာ အရက်မူးနေကြကာ ရဲတပ်ဖွဲ့အား အရာဝတ္ထုများဖြင့် ပစ်ပေါက်ခဲ့ခြင်းကြောင့် ရဲတပ်ဖွဲ့ဝင် ၄၉ ဦးခန့် ဒဏ်ရာရခဲ့ကြသည်။

ထိုအဖြစ်အပျက်များက နိုင်ငံရေးရည်ရွယ်ချက်မရှိသော ဆိုးသွမ်းလူငယ်များ လူမျိုးရေးခွဲခြားသော အုပ်စုများနှင့် ပူးပေါင်းခြင်းအတွက် စိုမ်းရိမ်မှုများကိုလည်း မြင့်တက်စေသည်။

ဘောလုံးလူရမ်းကားအဖွဲ့ဖြစ်သော Ho.Ge.Sa အဖွဲ့၏ အဖွဲ့ဝင်များအကြားတွင် နာဇီလက်သစ်အရိပ်အရောင်များတွေ့နေရပြီး အာဏာပိုင်များကလည်း စောင့်ကြည့်မှုများ ပြုလုပ်နေသည်။

ဂျာမန်တရားရုံးမှာ နာဇီလက်သစ်များ၏ ချီတက်ဆန္ဒပြမှုများအား ပုံမှန်ပိတ်ပင်လေ့ရှိသော်လည်း ဟန်ကဲလ်ကမူ ရေရှည်ပိတ်ပင်ခြင်းထက် အဖြစ်အပျက် တစ်ခုချင်းစီကိုကြည့်၍ ဆုံးဖြတ်သင့်သည်ဟု ထည့်သွင်းပြောကြားခဲ့သည်။

ref_ OnIslam & News Agencies

October 31, 2014
လူနည်းစု အခွင့်အရေး တိုးမြှင် လုပ်ဆောင်ရန် မြန်မာအစိုးရအား ဂျာမနီ အဓိပတိ တိုက်တွန်း

စက်တင်ဘာ ၅ ၊ ၂၀၁၄
M-Media

– မြန်မာအစိုးရအနေဖြင့် လာမည့်နှစ်ရွေးကောက်ပွဲအား တရားမျှတမှုရှိစွာ ကျင်းပပေးပြီး နိုင်ငံအတွင်းရှိ လူနည်းစုများကို ပိုမို အကာကွယ်ပေးပါက မိမိတို့အနေဖြင့် မြန်မာနိုင်ငံအား ပိုမိုကူညီထောက်ပံ့သွားမည်ဟု ဂျာမနီ အဓိပတိ အိန်ဂျလာမာကဲလ်က ပြောကြားလိုက်သည်။

ဂျာမနီသို့ အလည်အပတ်ရောက်ရှိနေသည့် မြန်မာသမ္မတ ဦးသိန်းစိန်နှင့် ဗုဒ္ဓဟူးနေ့က ဘာလင်၌ တွေ့ဆုံခဲ့ဆွေးနွေးခဲ့ပြီးနောက် မြန်မာနိုင်ငံအတွက် ရင်းနှီးမြှုပ်နှံမှုနှင့် ဖွံ့ဖြိုးရေးအကူအညီများကို မိမိတို့မှ တိုးမြှင့်ပေးရန် အသင့်ရှိသော်လည်း မြန်မာနိုင်ငံအတွင်းရှိ လူ့အခွင့်အရေးအခြေအနေကို အနီးကပ်စောင့်ကြည့်သွားမည်ဟု မာကဲလ်ကဆိုသည်။

“တိုင်းရင်းသားလူမျိုးစု အများကြီးရှိတဲ့ မြန်မာနိုင်ငံမှာ စီးပွားရေးဖွံ့ဖြိုးတိုးတက်ဖို့နဲ့ ငြိမ်းချမ်းရေးဟာ လိုကိုလိုအပ်ပါတယ်။ ပြီးတော့ ငြိမ်းချမ်းရေးမှာလည်း လူနည်းစုတွေနဲ့ ပတ်သက်ပြီး ညှိနှိုင်းခြင်းတွေ၊ သည်းခံမှုတွေ လိုအပ်ပါတယ်” ဟု သူမက ပြောကြားခဲ့သည်။

မြန်မာနိုင်ငံ၌ ယခုနှစ်ကုန်ပိုင်းတွင် ကြားဖြတ်ရွေးကောက်ပွဲ ကျင်းပရန် ရှိနေပြီး၊ လာမည့်နှစ်တွင်လည်း အထွေထွေရွေးကောက်ပွဲ ကျင်းပရန် ရှိနေသည်။ မာကဲလ်ကမူ မြန်မာနိုင်ငံ၏ တိုးတက်မှုကို ချီးကျူးခဲ့ပြီး ရွေးကောက်ပွဲပြင်ဆင်မှုကို စောင့်ကြည့်နေသည်ဟု ထည့်သွင်းပြောကြားခဲ့သည်။

သမ္မတဦးသိန်းစိန်ကမူ မိမိတို့တိုင်းပြည်မှာ ဒီမိုကရေစီ လမ်းကြောင်းပေါ်သို့ ရောက်ရှိခဲ့သည်မှာ ၃ နှစ်သာ ရှိသေးကြောင်း ပြောကြားခဲ့သည်။

“အခုအချိန်မှာ ကျွန်တော်တို့ အခက်အခဲတွေ အများကြီးရှိပါတယ်” ဟု ၎င်းက ဆိုပြီး သွေးထွက်သံယိုမှု မရှိဘဲ ပြုပြင်ပြောင်းလဲမှုများကို လုပ်ဆောင်နိုင်ခဲ့သည်ဟု ပြောကြားခဲ့သည်။

မြန်မာနိုင်ငံရှိ ပညာရေးစနစ်နှင့် ပဋိပက္ခများဖြစ်ပွားနေသည့် ဒေသများရှိ အသေးစားနှင့် အလတ်စား ကုမ္ပဏီများအား အကူအညီပေးရန် မိမိတို့က ပစ်မှတ်ထားနေသည်ဟု မာကဲလ်က ထပ်လောင်းပြောကြားခဲ့သည်။

နိုင်ငံအတွင်း ဒီမိုကရေစီ ပြုပြင်ပြောင်းလဲရေးနောက်ပိုင်း ခေါင်းထောင်လာခဲ့သည့် မွတ်စလင် ဆန့်ကျင်ရေး လှုပ်ရှားမှုများကို မတားဆီးနိုင်သောကြောင့် ဦးသိန်းစိန် အစိုးရမှာ ဝေဖန်မှုများကို ခံနေရသည်။

ref_Agencies

September 5, 2014