News @ M-Media

Tag: Grand Mosque

  • မက္ကဟ်ရှိ ကအ်ဗာပရဝုဏ် အတွင်း ၅ မိုင်ခွဲ အကွာမှကြားနိုင်မည့် အရည်အသွေးမြင့် စပီကာ ၄၀၀၀ တပ်ဆင်

    ဇူလိုင် ၁၉ ၊ ၂၀၁၄
    M-Media
    ၀တ်ပြုမှုများကို အလွန်ဝေးကွာသည့်နေရာများမှ အလွယ်တစ်ကူ ကြားနိုင်ရန်အတွက် အရည်အသွေးမြင့် စပီကာ ၄၀၀၀ ကျော်ကို ကအ်ဗာ ပရ၀ုဏ်အတွင်း တိုးချဲ့တပ်ဆင်

    grand mosque_0

    – ရမ်ဇာန်ဥပုသ်လနှင့် ဟဂ်ျကာလတို့တွင် မွတ်စလင်ထောင်းပေါင်းများစွာ လာရောက်၍ ဘာသာရေးဆိုင်ရာ တာဝန်များကို ထမ်းဆောင်ရာတွင် လွယ်ကူချောမွေ့စေရန်အတွက် ထိပ်တန်းအသံအရည်အသွေးရှိသည့် စပီကာ ၄၀၀၀ ကျော်ကို ကအ်ဗာကျောင်းတော် ပရ၀ုဏ်အတွင်း တိုးချဲ့တပ်ဆင်လိုက်သည်ဟု သိရသည်။

    “စပီကာတွေကို လူသွားလမ်းတွေနဲ့ ရင်ပြင်တွေမှာ တပ်ဆင်ထားပြီးပါပြီ။ ၆၅၆ လုံးကို ရမ်ဇာန်လအတွင်းမှာ စုပေါင်းဝတ်ပြုဖို့ အသစ်ဖွင့်လှစ်လိုက်တဲ့ အထပ်တွေမှာ တပ်ဆင်ထားပါတယ်” ဟု ကအ်ဗာကျောင်တော် စီမံခန့်ခွဲရေး ဒါရိုက်တာဖြစ်သူ ဖါရက်စ် အလ် ဆအက်ဒီက ပြောကြားခဲ့သည်။

    အဆိုပါစပီကာများကို နည်းပညာကော်မတီက ကမ္ဘာပေါ်ရှိ အရည်အသွေး အကောင်းဆုံးများထဲမှ ရွေးချယ် ခဲ့ခြင်းဖြစ်ပြီး ရှေ့ဆောင်ဆရာတော်၏ ဦးဆောင် ၀တ်ပြုမှုကို မီတာ ၉၀၀၀ (၅.၅၆ မိုင်) အကွာအဝေးမှပင် ကြားနိုင်မည်ဖြစ်သည်။ ထို့ပြင် အဆိုပါ စပီကာများမှာ wind-proof အမျိုးအစားများဖြစ်ပြီး ရာသီဥတု ဆိုးရွားသည့်အခါမျိုးတွင်ပင် အသံများကို ကြည်လင်ပြတ်သားစွာ နားထောင်နိုင်မည်ဖြစ်သည်။

    မကြာသေးမီက ဆောက်လုပ်ပြီးစီးခဲ့သည့် မက္ကာနာရီစင်တွင်လည်း အဆိုပါ စပီကာများကို တပ်ဆင်ထားပြီး ၇ ကီလိုမီတာအကွာအဝေးအထိ ရောက်ရှိနိုင်မည်ဖြစ်ကာ ၀တ်ပြုသူများ၏ အခက်အခဲကို ပြေလည်စေမည်ဖြစ်သည်။ ထို့ပြင် ၀တ်ပြုချိန်များကိုဖော်ပြပေးသည့် အားကောင်းသော အစိမ်းရောင်နှင့် အဖြူရောင် မီးများကိုလည်း ထိုနာရီစင်ပေါ်တွင် တပ်ဆင်ထားကာ ကီလိုမီတာ ၃၀ အကွာမှပင် မြင်တွေ့နိုင်သည်။

    အစ္စလာမ်ဘာာဝင်များမှာ တစ်နေ့လျှင် ၅ ကြိမ်ဝတ်ပြုရပြီး ကအ်ဗအ်ကျောင်းတော် ပရ၀ုဏ်အတွင်းတွင် ၀တ်ပြုချိန်များ၌ လူထောင်းပေါင်းမျာစွာရှိကာ ဟဂ်ျဘုရားဖူးကာလတွင် ကမ္ဘာတစ်ဝှမ်းမှ မွတ်စလင်များ လာရောက်ကြသောကြောင့် နေ့စဉ် ၀တ်ပြုသူ သန်းနှင့်ချီ၍ ရှိလေသည်။

    Ref: Arab News

  • မက္ကဟ်ဝတ်ကျောင်းတော်၌ လမ်းညွှန် အမျိုးသမီးဝန်ထမ်း ၁၀၀၀ ခန့်အပ်မည်

    အောက်တိုဘာ- ၂၂
    M-Media

    A Muslim woman prays at the Baiturrahman grand mosque in Banda Aceh

    မက္ကဟ်ဝတ်ကျောင်းတော်ကြီး၏ ဦးစီး အကျိုးတော်ဆောင် ရှိုင်းခ် အဗ်ဒုရ် ရဟ်မာန်း အလ်စုဒိုင်းစ် က ၀တ်ကျောင်းတော်ထံ လာရောက်သည့်အမျုိုးသမီးများအား ကူညီရေးအတွက် ဧည့်လမ်းညွှန်အမျိုးသမီး ၀န်ထမ်း တစ်ထောင်ခေါ်ယူရန် ညွှန်ကြားလိုက်သည်။

    အမျိုးသမီးဧည့်လမ်းညွှန်ဌာနဒါရိုက်တာ ရှိုင်းခ် အဒဲလ် အလ်ဟမ်ဒန် က အကြီးအမှူး၏အဆိုဖြစ်သော ယာယီဝန်ထမ်းနှင့်အမြဲခန့်ဝန်ထမ်း အမျိုးအစား ၂ ရပ်လုံးပါဝင်သည့် အရည်အသွေးပြည့်မီသော အမျုိုးသမီးဝန်ထမ်း ၁၀၀၀ ခန့်အပ်ရေးအပေါ် သဘောတူကြိုဆိုခဲ့သည်။ ထို့ပြင် ယင်းဝန်ထမ်းတို့ကို ဧည့်သည်တို့၏ လိုအပ်ချက်ရှုထောင့် ပေါင်းစုံနှင့်စပ်လျဉ်းသော လမ်းညွှန်ထိန်းကျောင်းရေးသင်တန်းများအား အကြီးအမှူးဖြစ်သူမှ စီမံသွားမည်ဟုလည်း ၄င်းမှ ပြောကြားသည်။

    တရားတော်၏လိုအပ်ချက်အရ ဟိဂျာ့ဗ်ဆင်ယင်ရန်၊ ဧည့်သည်အမျိုးသမီးတို့လာရောက်စဉ်ကာလ အခြားပုံဟန်နှင့် ဆင်ယင်ခြယ်သမှုကို ရှောင်ကြဉ်ရန် အပါအ၀င် အကြံပြုလမ်းညွှန်ကူညီမည့် အမျိုးသမီးများသည် ဗိမာန်တော်လှည့်ပတ်သည့်နေရာ၌ အလှည့်ကျလုပ်ကိုင်သွားမည်ဖြစ်ပြီး၊ ၀တ်ပြုမှုအတွင်း အမျိုးသမီးများကို အမျိုးသားများနှင့် ရောထွေးမှုဖြစ်မသွားစေရေး၊ သတ်မှတ်နေရာအတွင်း စံနစ်တကျ စီတန်းပါဝင်နိုင်ရေးအတွက်လည်း ဆောင်ရွက်သွားမည်ဟု အလ်ဟမ်ဒန် မှ ပြောပြသည်။

    Source : Arab news

  • Grand Mosque တိုးချဲ့နေသည့် အတွက် တကမ္ဘာတဝှမ်းမှ မွတ်စလင်မ်များ ဟဂ်ျခရီးစဉ်အား ရွှေ့ဆိုင်းရန် ဆော်ဒီအာဏာပိုင်များ လိုလား

    ဇွန်- ၁၆၊၂၀၁၃
    Media

    မက္ကာမြို့ Grand Mosque ကို  တိုးချဲ့ပြုပြင်နေသည့်အတွက်  လူများပိတ်ဆို့ခြင်း နှင့် အလုယက်တိုးဝှေ့ခြင်း တို့ မဖြစ်ပေါ်စေရန်၊ ထို့အတူ လာရောက်သူများ ဘေးအန္တရာယ်ကင်းဝေးစေရန် ဆော်ဒီအာဏာပိုင်များက ယခုနှစ်အတွက် ပြည်တွင်း၊ ပြည်ပမှ လာရောက်သူများအနေနှင့် မိမိတို့၏ဟဂ်ျခရီးစဉ်အား ဖြစ်နိုင်ပါလျှင် ရွှေ့ဆိုင်းထားသင့်ကြောင်း တိုက်တွန်းလိုက်သည်။

    Postpone Haj

    ဆော်ဒီအစိုးရမှ ယခုနှစ်အတွက်  ပြည်ပမှလာရောက်သူဦးရေ ၂၀ ရာခိုင်နှုန်း နှင့် ပြည်တွင်းမှဦးရေ ၅၀ ရာခိုင်နှုန်း လျှော့ချရန် ဆုံးဖြတ်ထားသည်။ Grand Mosque မှ မုဖ်သီ ရှိင်းခ် အဘ်ဒုလ် အဇီးဇ် အလ်အတ်ရှိင်းခ် (Sheikh Abdul Aziz Al-Asheikh) မှ အစိုးရ၏ကန့်သတ်ချက်အားထောက်ခံခဲ့ပြီး၊ သူက ၄င်းဆုံးဖြတ်ချက်အား အများသိအောင် ကြေငြာရန်လိုကြောင်း ပြောကြားခဲ့သည်။

    မက္ကာမြို့မှထုတ်လွှင့်သော  Holdy Qur’an ရုပ်မြင်သံကြားလိုင်းမှတဆင့် အဆက်မပြတ်ကြေငြာရာတွင်  Grand Mosque တွင် ပိတ်ဆို့မှုလျှော့ချရေးအတွက် ယခုနှစ် ဟဂ်ျနှင့် အွမ္မရဟ်သို့လာရောက်မည့်သူများသည် မိမိတို့၏ခရီးစဉ်အား ရွှေ့ဆိုင်းပေးရန် ဆော်ဒီ အစိုးရမှအကြံပြုတိုက်တွန်းခဲ့သည်။

    “ ယခုလို ကြေငြာချက်ထုတ်ပြန်တာဟာ အစိုးရမှ ဟဂ်ျ လုံးဝ မလုပ်ဆောင်ရလို့တားမြစ်တာမဟုတ်ပါဘူး။ ပိတ်ဆို့မှုကိုရှောင်ရှားပြီး  ပထမဆုံးအကြိမ် ဟဂ်ျပြုလုပ်သူများအတွက် သူတို့ရဲ့တာဝန်ကို အခက်အခဲမရှိ ဆောင်ရွက်စေနိုင်ဖို့ (ကျန်သူများကို) ရွှေ့ဆိုင်းစေခြင်းသာ ဖြစ်ပါတယ်” ဟု ဟဂ်ျ နှင့် အွမ္မရဟ် ကော်မတီ အဖွဲ့ဝင် စအီးဒ် အလ် ကုရိုင်းရှီ (Saeed Al-Qurashi) မှ မက္ကာမြို့ ကုန်သွယ်ရေး နှင့် စက်မှုလုပ်ငန်းဌာန၌
    အာရဗ် သတင်းဌာနသို့ ပြောကြားခဲ့သည်။

    မတာ့ဖ် ဟုခေါ်သော ကအ်ဗအ် အိမ်တော်ပတ်လည်ရှိ လှည့်ပတ်ဖူးမျှော်ရသည့်ဧရိယာသည် တစ်နာရီတွင် လူ ၃၉,၀၀၀ သာဆန့်ကြောင်း၊ ဟဂ်ျလာရောက်သူများ အလွန်များပြားပါက ဗလီကျောင်းတော်အတွင်းတွင် ညှပ်ပိတ်မှုဖြစ်သွားနိုင်ကြောင်း သူက ပြောကြားသည်။
    “ မတာ့ဖ် နေရာ တိုးချဲ့ပြီးရင်တော့ တစ်နာရီအတွင်း ဟဂ်ျပြုသူပေါင်း ၁၃၀,၀၀၀ ကျော် လှည့်လည်နိုင်မှာ ဖြစ်ပါတယ်။ ဒါကြောင့်  နောက်တစ်နှစ် သို့မဟုတ် နောက်နှစ်နှစ်ခန့်မှာ ကျွန်တော်တို့ရဲ့ညီနောင်အားလုံး သက်သာချောင်ချိစွာ ဆောင်ရွက်နိုင်ပါတော့မယ် ” ဟု သူက ရှင်းလင်းပြောပြခဲ့သည်။

    ဟဂ်ျရေးရာ ဒုဝန်ကြီး နှင့် ၀န်ကြီးဌာနပြောခွင့်ရပုဂ္ဂိုလ်ဖြစ်သူ ဟာသင်မ် ကာဒွီ (Hatem Qadi) မှ ယခုနှစ်အဖို့ ပြည်တွင်း၊ ပြည်ပမှ ဟဂ်ျလာရောက်သူ လူဦးရေအား လျှော့ချရန် လိုအပ်နေကြောင်း အလေးအနက်ထားဆိုခဲ့သည်။
    “ ဟဂ်ျလာရောက်သူဦးရေ လျှော့ချဖြတ်တောက်မှုကာလဟာ ၂ နှစ်ထက် ပိုကြာမှာ မဟုတ်ပါဘူး ” ဟု သူက ပြောသည်။ အထွဋ်အမြတ်ဝတ်ကျောင်းတော်ကြီးနှစ်ခုအား ဆက်လက်တိုးချဲ့မှုများသည် လာမည့်နှစ်များအတွက်  ဟဂ်ျပြုလုပ်သူများကို ပိုမိုလက်ခံပေးနိုင်ရန် ရည်ရွယ်ခြင်းဖြစ်ကြောင်း ရှင်းပြခဲ့သည်။

    အစိုးရ၏ကြေငြာချက်အပေါ် မုဖ်သီချုပ်(ဓမ္မသတ်မှူးချုပ်)မှ ပြောဆိုရခြင်းမှာ မဖြစ်မနေလိုအပ်သောကြောင့် ဖြစ်သည်ဟု ကာဒွီက မုဖ်သီ၏စကားကို ဤသို့ ကောကနှုတ်တင်ပြသည် “ ဆက်လက်တိုးချဲ့နေမှုများက လာလတ္တံ့သော ဟဂ်ျပြုသူများရဲ့ ကောင်းကျိုးအတွက်သာဖြစ်တယ် ” ။

    အိန္ဒိယ၏ ဟဂ်ျရေးရာအတွင်းဝန် မုဟမ္မဒ် နူးရ် ရဟ်မာန် ရှိင်းခ် (Mohammed Noor Rahman Sheikh) မှ ၄င်းတို့နိုင်ငံသည် ယခုနှစ်အတွက် ဟဂ်ျခရီးသည် ၁၇၀,၀၀၀ ကျော်ပို့ဆောင်မည်ဖြစ်ကြောင်းပြောသည်။ “ဆော်ဒီအစိုးရက ပြည်ပဟဂ်ျခရီးသည်များကို ၂၀ ရာခိုင်နှုန်းလျှော့ချမယ်ဆိုတာ ကျွန်တော်တို့ကို အကြောင်းကြားပြီးဖြစ်ပါတယ်”  ဟု သူက အာရဗ် သတင်းဌာနသို့ပြောကြားခဲ့သည်။

    Ref: ArabNews