Tag: India

နိုဝင်ဘာ ၂၃၊ ၂၀၁၇
M-Media

– လူတွေမှာ ကင်ဆာရောဂါဖြစ်ပွားတာဟာ မကောင်းမှုအကုသိုလ်တွေကြောင့် နတ်ဘုရားက အပြစ်ပေးတာဖြစ်တယ်လို့ အိန္ဒိယနိုင်ငံ အာသံပြည်နယ် ကျန်းမာရေးဝန်ကြီးက ပြောကြားလိုက်ပြီး သူ့ရဲ့ အဲဒီမှတ်ချက်အတွက် နိုင်ငံအတွင်း ဝေဖန်မှုတွေလည်း ပေါ်ထွက်လာခဲ့ပါတယ်။

ဟီမန်တာ ဘစ္စ၀ါ ဆာရ်မာဆိုတဲ့ အဲဒီဝန်ကြီးဟာ အာဏာရ BJP ပါတီက ခေါင်းဆောင်တစ်ဦးလည်း ဖြစ်ပါတယ်။

“ကျွန်တော်တို့အပြစ်လုပ်ရင် ဘုရားရှင်က အပြစ်ပေးတယ်။ တစ်ခါတစ်လေမှာ ငယ်ငယ်ရွယ်ရွယ် သန်သန်မာမာကြီးတွေ ကင်ဆာဖြစ်တာကို ကျွန်တော်တို့တွေ့ရတယ်။ နောက်ကြောင်းလိုက်ကြည့်ရင် ဒါဟာ နတ်ဘုရားတွေက အပြစ်ပေးတယ်ဆိုတာ တွေ့ရလိမ့်မယ်။ တစ်ခြားဘာမှကြောင့်မှမဟုတ်ဘူး။ ကျွန်တော်တို့ဟာ နတ်ဘုရားတွေရဲ့ အပြစ်ပေးမှုကို ခံစားရတာပါ” လို့ ၀န်ကြီးချုပ်က ပြောကြားခဲ့တာပါ။

အတိတ်ဘ၀ ဒါမှမဟုတ် လက်ရှိဘ၀မှာ ကိုယ့်ရဲ့ အဖေ၊ အမေတွေက လုပ်ခဲ့တဲ့ အပြစ်တွေကြောင့်လည်း ဒီလိုအခြေအနေမျိုးတွေ ခံစားရမယ်ဆိုတာကို ဟိန္ဒူဘာသာရေးကျမ်း ဂီတာမှာ ဖော်ပြထားကြောင်း၊ ဒီလို ကြုံတွေ့ရတာဟာ သနားစရာမဟုတ်ဘဲ နတ်ဘုရားရဲ့ အပြစ်ပေးမှုဖြစ်ပြီး ဘယ်သူမှ လွတ်မြောက်နိုင်မှာ မဟုတ်ကြောင်းလည်း ဆာရ်မာက ထည့်သွင်းပြောကြားခဲ့ပါတယ်။

လွှတ်တော်ဥက္ကဌ ဒီဘာဘရက်တာ ဆိုင်ကီယာက ကင်ဆာရောဂါသည်တွေကို စိတ်နှလုံးညှိုးနွမ်းအောင်ပြောဆိုတဲ့ ၀န်ကြီးရဲ့ ဒီမှတ်ချက်ဟာ ဆိုးရွားပြီး လူသိရှင်ကြား ပြန်လည်တောင်းပန်သင့်တယ်လို့ ပြောကြားခဲ့ပါတယ်။

အာသံပြည်နယ်အစိုးရမှာ ထင်ရှားတဲ့ ခေါင်းဆောင်တစ်ဦးဖြစ်တဲ့ အမီနူလ်အစ္စလာမ်က ကျန်းမာရေးဝန်ကြီးဟာ ပြည်နယ်အတွင်း ကင်ဆာရောဂါပြန့်နှံ့နေမှုကို မထိန်းချုပ်နိုင်တာကို ဖုံးဖိလိုတဲ့အနေနဲ့ ဒီလို ပြောကြားခဲ့တာဖြစ်တယ်လို့ ဝေဖန်ခဲ့ပါတယ်။

RRef: Alarabiya

နိုဝင်ဘာ ၂၀၊ ၂၀၁၇
M-Media

– တရုတ်နိုင်ငံ ကမ်းရိုးတမ်းမြို့ ဆန်ယာမှာ နိုဝင်ဘာ ၁၈ ရက်နေ့က ပြုလုပ်ခဲ့တဲ့ ကမ္ဘာ့အလှမယ် (Miss World) ပြိုင်ပွဲမှာ အိန္ဒိယနိုင်ငံသူ မနူရှီ ချာဟီလာဟာ အလှမယ်သရဖူရရှိခဲ့တယ်လို့ သိရပါတယ်။

အသက် ၂၀ အရွယ်သာရှိသေးတဲ့ ဆေးကျောင်းသူ ချာဟီလာဟာ နာမည်ကြီး ဘောလီးဝုဒ်မင်းသမီးတွေဖြစ်ကြတဲ့ ပရီယန်ကာ ချောပရာ၊ အိုက်ရ်ှဝါယာရိုင်းတို့လို အိန္ဒိယက ကမ္ဘာ့အလှမယ်ဟောင်းတွေရဲ့ ခြေရာကို နင်းနိုင်ခဲ့တာ ဖြစ်ပါတယ်။

၆၇ ကြိမ်မြောက်ရှိပြီဖြစ်တဲ့ Miss World ပြိုင်ပွဲမှာ အိန္ဒိယအလှမယ်တွေ သရဖူရရှိတာဟာ ၆ ကြိမ်မြောက်ဖြစ်ပြီး ဗင်နီဇွဲလားနိုင်ငံနဲ့အတူ အအောင်မြင်ဆုံးနိုင်ငံအဖြစ် အိန္ဒိယက ရပ်တည်နေပါတယ်။

“ကျွန်မကို အားပေးတဲ့အတွက်၊ ချစ်ခင်တဲ့အတွက်၊ ဆုတောင်းပေးတဲ့အတွက် အားလုံးကို ကျေးဇူးတင်ပါတယ်။ ဒီဆုဟာ အိန္ဒိယနိုင်ငံအတွက်ပါ” လို့ ချာဟီလာက Twitter စာမျက်နှာမှာ ရေးသားခဲ့ပါတယ်။

ချာဟီလာကို မနှစ်က ကမ္ဘာ့အလှမယ်ဟောင်း ပေါ်တိုရီကိုနိုင်ငံသူ စတီဖာနီ ဒဲလ် ဗာလီက သရဖူဆင်မြန်းပေးခဲ့ပါတယ်။ အင်္ဂလန်က စတီဖန်နီ ဟေးလ်နဲ့ မက္ကစီကိုက အန်ဒရီယာမီဇာတို့ဟာ ဒုတိယနဲ့ တတိယ အသီးသီး ရရှိခဲ့ပါတယ်။

ကမ္ဘာ့အလှမယ်ဘွဲ့ကို ပထမဆုံးရရှိခဲ့တဲ့ အိန္ဒိယနိုင်ငံသူက ရီတာ ဖာရီယာဖြစ်ပြီး ၁၉၆၆ ခုနှစ် လန်ဒန်မှာပြုလုပ်ခဲ့တဲ့ ကမ္ဘာ့အလှမယ်ပြိုင်ပွဲမှာ အောင်ပွဲခံခဲ့တာဖြစ်ပါတယ်။ ၁၉၉၄ ခုနှစ်မှာ အိုက်ရ်ှဝါယာရိုင်း၊ ၁၉၉၇ ခုနှစ်မှာ ဒိုင်ယာနာ ဟေဒန်၊ ၁၉၉၉ ခုနှစ်မှာ ပရီယန်ကာ ချောပရာနဲ့ ယူက်တာ မူခေးတို့က ကမ္ဘာ့အလှမယ်ဘွဲ့ေ
တွကို အသီးသီး ရရှိခဲ့ပါတယ်။

Ref: CNA

နိုဝင်ဘာ ၈၊ ၂၀၁၇
M-Media

– အိန္ဒိယနိုင်ငံ ဒေလီမြို့မှာ လေထုညစ်ညမ်းမှုဟာ အန္တရာယ်ရှိတဲ့အဆင့်ကို ရောက်လာတဲ့အတွက် အိန္ဒိယ ဆေးဘက်ဆိုင်ရာအသင်း (IMA) က ကျန်းမာရေးဆိုင်ရာ အရေးပေါ်အခြေအနေ ကြေငြာလိုက်ပြီး၊ စာသင်ကျောင်းတွေ ပိတ်ပစ်ဖို့လည်း အကြံပြုခဲ့ပါတယ်။

“ဒါဟာ ပြည်သူ့ကျန်းမာရေး အရေးပေါ်အခြေအနေပါ။ ဒါ့ကြောင့် လူတိုင်းဟာ အိမ်ထဲမှာ နေသင့်ပြီး အပြင်ထွက် လမ်းလျှောက်တာ၊ ပြေးတာမျိုးတွေ မလုပ်ရပါဘူး” လို့ IMA ရဲ့ အကြီးအကဲ ဒေါက်တာ ခရစ်ရှန် ကူမားရ် အဂ္ဂါဝါလ်က ပြောကြားခဲ့ပါတယ်။

အင်္ဂါနေ့မနက်ပိုင်းမှာ အမေရိကန်သံရုံးရဲ့ လေထုညစ်ညမ်းမှု တိုင်းတာရေးစက်အရ အဆုတ်နဲ့ သွေးပတ်လမ်းကြောင်းမှာ ၀င်ရောက်နည်ထိုင်နိုင်တဲ့ အမှုန် PM 2.5 ရဲ့ အဆင့်ဟာ ဒေလီလေထုအတွင်း ၇၀၃ အထိ ရှိနေပြီး ဒါဟာ အန္တရာယ်ရှိတယ်လို့ အိန္ဒိယအာဏာပိုင်တွေ့ရဲ့ သတ်မှတ်မှု ၃၀၀ ထက် ၂ ဆလောက် မြင့်တက်နေတာ ဖြစ်ပါတယ်။

နေ့လည်ပိုင်းမှာ ၇၂၈ အထိရောက်ခဲ့ပြီး ကျန်းမာရေး ဒေါင်ဒေါင်မြည်နေတဲ့ လူတစ်ယောက်တောင်မှ အသက်ရှူလမ်းကြောင်းဆိုင်ရာ ဆိုးဆိုးဝါးဝါး အန္တရာယ်ရှိနိုင်တဲ့ အနေအထား ဖြစ်ပါတယ်။

ဒေလီဝန်ကြီးချုပ်က မြို့တော်ဟာ ဓတ်ငွေ့ခန်းဖြစ်လာနေပြီလို့ သတိပေးခဲ့ပြီး ပတ်ဝန်းကျင်ပြည်နယ်တွေမှာ စိုက်ခင်းမီးရှို့တာတွေနဲ့ ပတ်သက်လို့ အဖြေတစ်ခု ရှာရတော့မယ်လို့ ပြောကြားခဲ့ပါတယ်။

IMA က ဒီလို လေထုညစ်ညမ်းမှုကြောင့် ကလေးငယ်တွေနဲ့ သက်ကြီးရွယ်အိုတွေအတွက် ပိုမိုအန္တရာယ်ရှိတယ်လို့လည်း သတိပေးခဲ့ပါတယ်။

ပြီးခဲ့တဲ့တစ်ပတ် ဆေးပညာဂျာနယ် Lancet က PM2.5 ကြောင့် တစ်နှစ်ကို အိန္ဒိယပြည်သူ သန်းဝက်လောက်ဟာ အချိန်မတိုင်ခင် သေဆုံးနေကြတယ်လို့ ဖော်ပြခဲ့ပါတယ်။

Ref: Aljazeera

နိုဝင်ဘာ ၄၊ ၂၀၁၇
M-Media

– ကက်ရ်ှမီးယားဒေသတွင် အမှတ်အသားမရှိသာ လူအစုလိုက်အပြုံလိုက် မြှုပ်နှံထားသည့်နေရာ အနည်းဆုံး ၂၀၈၀ အတွက် စုံစမ်းစစ်ဆေးမှုပြုလုပ်ရန် အိန္ဒိယ လူ့အခွင့်အရေးကော်မရှင်က ကက်ရ်ှမီးယားအစိုးရကို အမိန့်ပးလိုက်သည်ဟု သိရသည်။

ကရ်ှမီးယား လူ့အခွင့်အရေးအဖွဲ့ APDP က အိန္ဒိယနှင့် ပါကစ္စတန်တို့ ပိုင်ဆိုင်မှုအငြင်းပွားနေသည့် ကက်ရှိမီးယားဒေသကို ပိုင်းခြားထားသော ထိန်းချုပ်ရးမျဉ်း (LoC) တစ်လျှောက်ရှိ ပွန့်ခ်ျခရိုင်နှင့် ရာဂျူရီခရိုင်တို့တွင် အမှတ်အသားမပြုထားသော မြေပုံ ၃၈၄၄ ခုကို တွေ့ရှိခဲ့ရသည်ဟု အိန္ဒိယ လူ့အခွင့်အရေးကော်မရှင်ကို ပြောကြားခဲ့သည်။

ကော်မရှင်က အမှတ်အသားမပြုထားသော မြေပုံ ၂၀၈၀ ရှိကြောင်း အသိအမှတ်ပြုခဲ့ပြီး လူပျောက်ရှာဖွေနေသည့် မိသားစုဝင်များ၏ DNA စစ်ဆေးချက်နှင့် အလောင်းများ၏ စစ်ဆေးချက်များ နှိုင်းယှဉ်ခြင်း အပါအ၀င် စုံစမ်းစစ်ဆေးမှုအားလုံးကို ၆ လအတွင်း အပြီးအစီးဆောင်ရွက်ပေးရန် ကရ်ှမီးယားအစိုးရကို တောင်းဆိုခဲ့သည်။

၂၀၁၁ ခုနှစ်တွင် အစုလိုက်အပြုံလိုက်မြှုပ်နှံထားသည့် မြေပုံများနှင့်ပတ်သက်၍ စုံစမ်းစစ်ဆေးမှု ပြုလုပ်ရန် အစိုးရကို ညွှန်းကြားခဲ့ပြီး ကော်မရှင်က တာဝန်ပေးထားသော အထူးစုံစမ်းရေးအဖွဲ့က ကရ်ှမီးယားမြောက်ပိုင်းတစ်လျှောက် ၃၈ နေရာ၌ အမည်မသိအလောင်း ၂၇၃၀ မြှုပ်နှံထားကြောင်း တင်ပြခဲ့သည်။

APDP က ဆယ်စုနှစ်များစွာကြာမြင့်လျက်ရှိသော ကက်ရ်ှမီးယား ပဋိပက္ခအတွင်း လူပေါင်း ၈၀၀၀ ခန့် ပျောက်ဆုံးနေသည်ဟု ဆိုပြီး၊ အစိုးရတပ်ဖွဲ့များမှာ လူသတ်မှုများကို ဖုံးကွယ်ရန်အတွက် တိုက်ပွဲများဖန်တီးနေကြောင်း စွပ်စွဲခဲ့သည်။

အိန္ဒိယနိုင်ငံရှိ ဂျာမူးနှင့် ကက်ရ်ှမီးယားပြည်နယ်တို့တွင် တွေ့ရှိရသော အစုလိုက်အပြုံလိုက်မြှုပ်နှံထားသည့်နေရာများအား စုံစမ်းရန် ကော်မရှင်၏တောင်းဆိုမှုကို ထိုအဖွဲ့က ကြိုဆိုခဲ့သည်။

Ref : Aljazeera