ဇွန် ၁၂၊ ၂၀၁၈
M-Media
– မနက် ၂ နာရီ ဂျကာတာမြို့က လူအများစုဟာ အိပ်မောကျနေတဲ့အချိန် လူငယ်တစ်စုကတော့ ဖဂျရ် အာရုဏ်တက်ဝတ်ပြုဖို့နဲ့ ရမ်ဇာန်လ ဥပုသ်သီလဆောက်တည်ရေး နိဗ္ဗာန်ဆော်ဖို့ ပြင်ဆင်နေကြပါတယ်။
အရွယ်စုံပါတဲ့ အဲဒီကလေးတစ်အုပ်ဟာ ဗုံငယ်လေးတွေနဲ့ ဒရမ်တွေကို တီးခတ်ကာ တိတ်ဆိတ်နေတဲ့ လမ်းတွေမှာ တစ်လမ်းဝင်တစ်လမ်းထွက် သွားရောက်ပြီး အိမ်ပျော်နေတဲ့သူတွေ ဆဲဟ်ရီဝါထမင်းစားဖို့တွက် နှိုးကြပါတော့တယ်။
ကမ္ဘာ့ အစ္စလာမ်ဘာသာဝင်အများဆုံးရှိရာ အင်ဒိုနီးရှားနိုင်ငံမှာ သန်းနဲ့ချီတဲ့ သူတွေဟာ ရမ်ဇာန်ဥပုသ်လရောက်တိုင်း အစားအသောက်ရှောင်ကျဉ်ကာ ဥပုသ်သီလ ဆောက်တည်ကြတာပါ။
ဆဲဟ်ရီလို့ခေါ်တဲ့ မနက်အာရုံတက် ၀ါထမင်းစားတာဟာ တစ်နေ့ကုန် သီလဆောက်တည်ဖို့အတွက် အခရာကျတဲ့ အလေ့အကျင့်တစ်ခု ဖြစ်ပါတယ်။
“ဆဲဟ်ရီအချိန်ရောက်ပါပြီ၊ ဆဲဟ်ရီချိန်ရောက်ပါပြီ။ ထတော်မူပါ အကိုတို့၊ အမတို့” ဆိုတဲ့ အသက် ၇ နှစ်ကနေ ၁၅ နှစ်အရွယ် လူ ၂၀ လောက်ရဲ့ အသံဟာ မြည်ဟိန်းပြီး ထွက်လာပါတယ်။
ဒီအသံကိုကြားတဲ့ အခြားကလေးတွေကလည်း ဆေးဗုံးအလွတ်တွေ၊ ရေကရားအလွတ်တွေကို စည်းချက်ညီညီတီးကာ ဒီအဖွဲ့နဲ့အတူ သွားရောက်ပူးပေါင်းကြပါတယ်။
“ဒါဟာ အချိန်အတော်ကြာကတည်းက ရှိခဲ့တဲ့ ဓလေ့ထုံးတမ်းတစ်ခုပါ။ ကလေးတိုင်းက ဒါမျိုးလုပ်ရတာကို နှစ်သက်ကြပါတယ်။ လူတွေကို ဖျော်ဖြေမှုပေးတာသာမက ၀ါထမင်းစားဖို့ နိဗ္ဗာန်ဆော်တာလည်း ဖြစ်တဲ့အတွက် ဒီလို လိုက်နှိုးရတာကို ကျွန်တော် ကြိုက်ပါတယ်” လို့ အသက် ၁၃ နှစ်အရွယ် ရာမာဒင်က ပြောကြားခဲ့ပါတယ်။
ဒါပေမယ့် ဒီလို နိဗ္ဗာန်ဆော်မှုအတွက် ငြင်းခုံမှုတွေတော့ ရှိပါတယ်။
ဒီအထဲမှာပါဝင်တဲ့ ကလေးငယ်တွေ တော်တော်များများဟာ ဒေသတွင်း ဗလီဝတ်ကျောင်းတော်က ဖွင့်လှစ်ထားတဲ့ ကုရ်အာန်ကျမ်းစာ လေ့လာရေးသင်တန်းက ကျောင်းသားတွေ ဖြစ်ပါတယ်။
“ဒီလိုနှိုးတာမျိုးဟာ တကယ်တော့ ဆူညံတာပေါ့။ ဒါပေမယ့် ကျွန်မတို့ကို အချိန်မီနိုးစေပါတယ်။ နှစ်တိုင်းကြုံတွေ့နေရတော့ အကျင့်ဖြစ်နေပါပြီ” လို့ ဂျာကတာသူ ရိုဆီမာက ပြောကြားခဲ့ပါတယ်။
စမတ်ဖုန်းနဲ့ ဒစ်ဂျစ်တယ်နာရီတွေက နှိုးစက်တွေကြောင့် ဒီဓလေ့ဟာ ပြီးခဲ့တဲ့နှစ်အနည်းငယ်အတွင်းမှာ တစ်ဖြည်းဖြည်းချင်း လျော့ပါးလာပါတယ်။
ဒါပေမယ့် အင်ဒိုနီးရှား ကျွန်းဆွယ်တစ်ခုလုံး အထူးသဖြင့် လူမျိုးစုငယ်လေးတွေမှာ တွေ့နေရတုန်း ဖြစ်ပါတယ်။ အင်ဒိုနီးရှားနိုင်ငံရဲ့ စုစုပေါင်း လူဦးရေ သန်း ၂၆၀ လောက်မှာ ၉၀ ရာခိုင်နှုန်းက အစ္စလာမ်ဘာသာဝင်တွေ ဖြစ်ပါတယ်။
အစ္စလာမ်ဘာသာဝင်အများစုရှိရာ အခြားနိုင်ငံတွေမှာလည်း ရမ်ဇာန်မှာ ဒီလို ဆဲဟ်ရီစားဖိုးနှိုးတဲ့ ဓလေ့တွေ ရှိနေပါတယ်။
ဂျကာတာမှာ ဒီလို လိုက်နှိုးတဲ့ အဖွဲ့က ကလေးအများစုဟာ လမ်းပေါ်မှာ ကြီးပြင်းရသူတွေ ဖြစ်တာကြောင့် သူတို့ကို သာသနာရေးတာဝန်တွေ ပေးလိုက်တာက ပတ်ဝန်းကျင်အတွက်ရော ဗလီအတွက်ပါ အကျိုးရှိစေပါတယ်။
“ဒီကလေးငယ်တွေ တော်တော်များများဟာ ကျောင်းထွက်ထားသူတွေပါ။ တစ်ချို့ဆိုရင် ကျောင်းမတက်ဖူးပါဘူး။ အလုပ်မရှိ၊ အကိုင်မရှိနဲ့ လမ်းပေါ်မှာ လပ်လျားလပ်လျားဖြစ်နေသူတွေပါ” လို့ အစ္စလာမ့်ဓမ္မဆရာတစ်ဦးဖြစ်ပြီး နိဗ္ဗာန်ဆော်အဖွဲ့ရဲ့ ခေါင်းဆောင်လည်းဖြစ်တဲ့ အလ်ဗာနာလီ ပန်ဂျီ ပရာဆက်ယိုက ပြောကြားခဲ့ပါတယ်။
“ဒီအဖွဲ့မှာ ပါဝင်ပြီးတဲ့နောက်ပိုင်း အလ္လာဟ်အရှင်မြတ်ရဲ့ အလိုတော်နဲ့ ဒီကလေးတွေရဲ့ အမူအကျင့်တွေ ပြောင်
းလဲလာပါတယ်”
Ref: Alarabiya
