ဇွန်လ ၁၉ ၊ ၂၀၁၇
M-Media
သတင်း-သီဟ
နိုင်ငံတော် တည်ငြိမ်ရေးကို ပျက်စီးစေရန် ရည်ရွယ်ပြီး ဘာသာရေးခုတုံးလုပ်က လူနည်းစု ကိုးကွယ်သော ဘာသာတရား အသီးအသီးကို အမုန်းတရားများဖြင့် ဟောပြောဝေဖန်တိုက်ခိုက်မှုများကို ပြင်းထန်စွာ ရှုတ်ချကြောင်း ကြေညာချက်တစောင်ကို မန္တလေးမြို့ ဘာသာပေါင်းစုံမှ ယနေ့နေစွဲဖြင့် ထုတ်ပြန်ကြေညာလိုက်ပါတယ်။
အဆိုပါ ကြေညာချက်ကို ဘာသာကြီး ၄ ခုမှ သံဃာတော်များ၊ ခေါင်းဆောင်များမှ လက်မှတ်ရေးထိုးထားပါတယ်။
Image via-Khin Maung Win
တနင်္သာရီတိုင်းဒေသကြီး၊ မြိတ်မြို့ Grand Jade ဟိုတယ်၌ မေလ ၁၅ရက်မှ ၁၉ရက်နေ့အထိ ပြုလုပ်လျှက်ရှိသည့် ဘာသာ ပေါင်းစုံ ဘာသာရေးခေါင်းဆောင်များ ပါဝင်သော ငြိမ်းချမ်းရေးနှင့် ချစ်ကြည်ရေးဖိုရမ်တွင် ဒေသအတွင်း ပဋိပက္ခ ကာကွယ်တား ဆီးရေးကွန်ရက်တစ်ခု ဖွဲ့စည်းသွားမည်ဟု ယင်းဖိုရမ်ဖြစ်မြောက်ရေး တာဝန်ရှိသူထံမှ သိရသည်။
ဖိုရမ်ဖြစ်မြောက်ရေးကော်မတီ ဦးဆောင်သူ ကိုအာကာဦးက “မတူညီတဲ့ ယုံကြည်မှုတွေ၊ ဓလေ့စရိုက် အယူဝါဒတွေကြားထဲမှာ တစ်ဦးနဲ့တစ်ဦး သဟဇာတရှိရှိနဲ့ နေထိုင်နိုင်တဲ့ နည်းစနစ် အသိပညာတွေ သိလာအောင် ပြုလုပ်တာ ဖြစ်တယ်ပေါ့နော်။ ဘာသာရေးပဋိပက္ခနှင့် ငြိမ်းချမ်းရေးကိစ္စ ထိခိုက်လာနိုင်မယ့် ကိစ္စတွေကို နယ်ပယ်အသီးသီးက မတူညီတဲ့ ဘာသာခြားတွေစုပြီး ကွန်ရက်တစ်ခု ဖွဲ့စည်းသွားမယ်”ဟု ယနေ့ (မေ ၁၆ရက်)တွင် ကေအိုင်စီသို့ ပြောသည်။
မိမိတို့ဒေသအနေဖြင့် ၂၀၁၂-၂၀၁၃ခုနှစ်တွင် ဘာသာရေး ပဋိပက္ခ အသွင်ဆောင်သည့် လုပ်ရပ်တစ်ခုဖြစ်ပွားခဲ့ပြီး အရပ်ဖက် အဖွဲ့အစည်းများက အချိန်မီ ထိန်းသိမ်းခဲ့ရကြောင်း၊ ၅နှစ်တစ်ကြိမ် ကျင်းပသည့် ပရိယာယ်များသော နိုင်ငံရေး (အထွေထွေ ရွေး ကောက်ပွဲ)အတွင်း ဘာသာရေးကို ခုတုံးလုပ် အသုံးချသွားမည်ကို စိုးရိမ်သည့်အတွက် ကြိုတင်ပြီး ကာကွယ်ပြုလုပ်ရခြင်းဖြစ် သည်ဟု ကိုအာကာဦးက ဆက်ပြောသည်။
ငါးရက်တာ ပြုလုပ်မည့် အဆိုပါဖိုရမ်အတွင်း မတူညီသည့် ဘာသာခြားအချင်းချင်း ယုံကြည်မှု၊ အယူဝါဒ၊ ဓလေ့စရိုက် အပြန်အ လှန် ဆွေးနွေးခြင်း၊ ဘာသာပေါင်းစုံအသီးသီးမှ အဆောက်အဦးများ သွားရောက်လေ့လာခြင်း၊ နိုင်ငံရေး၊ ဘာသာရေး၊ လူ့အခွင့် အရေး၊ အသိပညာပေးမှုများ လုပ်ဆောင်ပြီးနောက် နယ်ပယ်အသီးသီးမှ မတူညီသည့် ဘာသာအချင်းချင်းကြား စုစည်းပြီး ပဋိ ပက္ခ ကာကွယ်တားဆီးရေးကွန်ရက်တစ်ခုကို ဖွဲ့စည်းတည်ဆောက်သွားမည်ဟု တာဝန်ရှိများထံမှ သိရသည်။
၎င်းဖိုရမ်သို့ တက်ရောက်လာသူ မြိတ်မြို့နယ်ရှိ မောင်ငံရွာသား ကိုချစ်ထွေးက “ဗုဒ္ဓ၊ ခရစ်ယာန်၊ ဟိန္ဒူ၊ အစ္စလမ်ဘာသာခြား တွေနဲ့ ရင်းနှီးမှုတွေ ပိုရအောင် လာပြီးတက်တာပါ။ မတူကွဲပြားတဲ့ ဘာသာခြား သူငယ်ချင်းတွေနဲ့ သူတို့ ယုံကြည်မှု၊ ခံယူချက်၊ ဆောင်ရွက်မှုတွေ သိလာရတယ်။ အချင်းချင်းကြားမှာ ရင်းနှီးမှု တည်ဆောက်လာနိုင်အောင် ဒီလိုပွဲမျိုး မကြာမကြာ ပြုလုပ်ပေး စေချင်ပါတယ်”ဟု ကေအိုင်စီသို့ ပြောသည်။
အဆိုပါဖိုရမ်သို့ ဘာသာပေါင်းစုံမှ ခေါင်းဆောင်ကြီးများ၊ တနင်္သာရီတိုင်းဒေသကြီးဝန်ကြီးချုပ် ဒေါက်တာလဲ့လဲ့မော်၊ အစိုးရ ဌာန ဆိုင်ရာများ၊ အရပ်ဖက်လူမှုအဖွဲ့အစည်းများ၊ တနင်္သာရီ၊ ကျွန်းစု၊ မြိတ်နှင့် ပုလောမြို့နယ်မှ ဒေသခံ ကိုယ်စားလှယ် ၁၅၀နီးပါး တက်ရောက်သည်ဟု သိရသည်။
ကေအိုင်စီ သတင်းဌာမှ ကူးယူဖော်ပြသည်။
မေ ၂၊ ၂၀၁၇
M-Media
– တစ်ကမ္ဘာလုံးနဲ့ဆိုင်တဲ့ ငြိမ်းချမ်းရေးကို ရရှိဖို့အတွက် ဘာသာပေါင်းစုံ ဆွေးနွေးညှိနှိုင်းမှုဟာ အရေးပါတဲ့ အရာတစ်ခုအဖြစ် ကျယ်ကျယ်ပြန့်ပြန် ယုံကြည်ကြပါတယ်။
ဒါပေမယ့် ဒီလို ဘာသာပေါင်းစုံ ညီညွတ်မှုတွေ ရုပ်လုံးပေါ်နေတဲ့ မြို့တွေလည်း ကမ္ဘာတစ်ဝှမ်းမှာ ရှိနေပါတယ်။ ဒီမြို့တွေမှာ ခရစ်ယာန်ဘုရားကျောင်းတွေ၊ ဗလီတွေ၊ အခြား ဘုရားကျောင်းတွေဟာ ဘေးချင်းကပ်တည်ရှိနေကြပြီး မတူညီတဲ့ ဘာသာတရားတွေအကြား ညီညွတ်မှုဆိုတာ အပြောသက်သက်မဟုတ်ဘဲ နေ့စဉ်ဘ၀မှာကို ရှင်သန်နေကြတာဖြစ်ပါတယ်။
ဒါ့ကြောင့် ဒီလို ဘာသာပေါင်းစုံ ညီညွတ်မှု ရုပ်လုံးပေါ်နေတဲ့ မြို့ ၁၀ မြို့ကို ဖော်ပြလိုက်ပါတယ်။
၁။ ဘာလင်
ဘာသာကြီး ၃ ခုကိုရဲ့ ၀တ်ပြုရာတွေကို တစ်နေရာတည်းမှာ ထားရှိမယ့် House of One အစီအစဉ်၂၀၁၈ ခုနှစ်မှာ ပြီးစီးဖို့ရှိနေတဲ့ ဘာလင်မြို့ဟာ ဘာသာပေါင်းစုံညီညွတ်ရေးလှုပ်ရှားမှုမှာ ထိပ်ဆုံးက ရှိနေပါတယ်။
ဘာလင်က ဒီစီမံကိန်းဟာ မွတ်စလင်တို့ရဲ့ ဗလီဝတ်ကျောင်းတော်၊ ခရစ်ယာန်တွေရဲ့ ဘုရားကျောင်း၊ ဂျူးတွေရဲ့ ၀တ်ပြုရာနေရာတွေအားလုံး တစ်မိုးအောက်ထဲမှာ ရှိမှာဖြစ်ပါတယ်။ ဒီဝတ်ပြုရာနေရာ ၃ ခုက ထွက်လာရင် အဆောက်အဦးအလယ်မှာရှိနေတဲ့ အများပြည်သူသုံး ခန်းမကြီးတစ်ခုမှာ ဆုံမှာဖြစ်ပြီး ဒီခန်းမကို အစည်းအဝေးခန်း၊ ဘာသာပေါင်းစုံဆွေးနွေခန်းအဖြစ် အသုံးပြုနိုင်မှာဖြစ်ကာ ဘာသာသုံးခုက ၀တ်ပြုသူတွေ၊ အပြင်လူတွေဟာ ဘာသာတစ်ခုချင်းစီနဲ့ပတ်သက်ပြီး ပိုမို သင်ယူနိုင်မှာဖြစ်ပါတယ်။
၂။ ဂျေရုစလင်
မတူညီတဲ့ ဘာသာရေးအထိမ်းအမှတ်အဆောက်အအုံတွေ အတူတကွ တည်ရှိမှုကြောင့်သာမကဘဲ၊ ရာစုနှစ်ပေါင်းမျာစွာ မတူညီတဲ့ လူ့အဖွဲ့အစည်းတွေ ယှဉ်တွဲနေထိုင်တာကြောင့် ဂျေရုစလင်ဟာ ဘာသာပေါင်းစုံညီညွတ်ရေးရဲ့ အမှတ်သညာအဖြစ် မှတ်ယူခံရပါတယ်။
ဂျေရုစလင်မှာ စကွဲယားကီလိုမီတာ တစ်ခုအတွင်းမှာပဲ အေဒီ ၆၉၀ က တည်ဆောက်ခဲ့တဲ့ အလ်-အက်ဆွာ ဗလီဝတ်ကျောင်းတော်၊ အေဒီ ၄ ရာစုက တည်ဆောက်ခဲ့တဲ့ Holy Sepulcher ခရစ်ယာန်ဘုရားကျောင်း၊ ရုရှားအော်သိုဒေါ့စ်ဘုရားကျောင်း St.Anne’s Church နဲ့ al-Buraq Wall တို့ ရှိပါတယ်။ ဒီဧရီယာအတွင်းမှာ Temple Mount လို့ခေါ်တဲ့ မြင့်မြတ်ရာနေရာတစ်ခုရှိနေပြီး အစ္စလာမ်၊ ခရစ်ယာန်နဲ့ ဂျူးတွေရဲ့ ၀တ်ပြုရာနေရာတွေဟာ ဒီအဆောက်အဦးထဲမှာ ရှိနေပါတယ်။
၃။ ဆာရာယေဗို
ဆာရာယေဗိုမြို့ရဲ့ အံ့သြစရာအကောင်းဆုံးကတော့ ဘာသာပေါင်းစုံရဲ့ မြင့်မြတ်ရာနေရာတွေဟာ ဘေးချင်းကပ် တည်ရှိနေမှုပဲဖြစ်ပါတယ်။ ဆာယာယေဗိုရဲ့ သက်တမ်းအရင့်ဆုံး ၀တ်ပြုရာနေရာဖြစ်တဲ့ အမ်ပါရာ ဗလီဝတ်ကျောင်းတော်ဟာ စိန့် အန်ထော်နီ ကက်သလစ် ဘုရားရှိခိုးကျောင်းနဲ့ မီတာ ၁၀၀ အကွာ၊ အက်ရ်ှကီနာဇီ ဂျူးဘုရားကျောင်းနဲ့ မီတာ ၆၀၀ အကွာမှာ တည်ရှိပါတယ်။ ဒီဝတ်ပြုရာနေရာအားလုံးဟာ မီလ်ဂျက်ကာမြစ်ရဲ့ တောင်ဘက် ကမ်းနဖူးပေါ်မှာ ရှိနေပါတယ်။ နောက်ထပ် ၁ ကီလို မီတာလောက် သွားလိုက်မယ်ဆိုရင် အော်သိုဒေါ့စ် ခရစ်ယာန်ဘုရားကျောင်း၊ ဖာရ်ဟာဒီဂျာ ဗလီဝတ်ကျောင်း၊ Sacred Heart ကက်သလစ် ဘုရားကျောင်း၊ ဂါဇီ ဟူဆာ့ဗ်ဘေး ဗလီ၊ အော်သိုဒေ့ါစ် ဘုရားကျောင်းဟောင်းလို့ခေါ်တဲ့ Holy Archangels Michael and Ga briel ဘုရားကျောင်းတွေကို တွေ့မြင်နိုင်မှာ ဖြစ်ပါတယ်။
၎။ စင်ကာပူ
ဗုဒ္ဓဘာသာ၊ အစ္စလာမ်၊ ခရစ်ယာန်၊ ဟိန္ဒူနဲ့ အခြားသော ဘာသာပေါင်းစုံတို့ဟာ စင်ကာပူနိုင်ငံမှာ နီးနီးကပ်ကပ် အတူယှဉ်တွဲ နေထိုင်ကြပါတယ်။ Telok Ayer လမ်းကနေ မြို့ထဲကိုသွားမယ်ဆိုရင် ဘာသာပေါင်းစုံက မြင့်မြတ်ရာနေရာ ၅ ခုကို ဖြတ်သန်းသွားရမှာပါ။ Sri Mariamman ဟိန္ဒူဘုရားကျောင်း၊ Tooth Relic ဗုဒ္ဓဘာသာဘုရားကျောင်း၊ အလ် အဘ်ရာရ် ဗလီ၊ Telok Ayer တရုတ် မက်သဒစ် ဘုရားကျောင်း၊ Thian Hock Keng တရုတ်ဘုံကျောင်းတို့ဟာ ၁ စကွဲယားကီလိုမီတာအတွင်းမှာ တည်ရှိနေကြတာဖြစ်ပါတယ်။
၅။ အစ္စတန်ဘူလ်
အစ္စတန်ဘူလ်ရဲ့ ဖီနာရ်ရပ်ကွက်မှာ ၁ စကွဲယားကီလိုမီတာအတွင်း ဘာသာပေါင်းစုံက ၀တ်ပြုရာနေရာ ၆ ခုကို တွေ့မြင်နိုင်ပါလိ့မ်မယ်။ Fethiye ဗလီဝတ်ကျောင်းတော်၊ ၁၅ ရာစုက Ahrida ဂျူးဘုရားကျောင်း၊ စိန့်မေရီ မွန်ဂို ခရစ်ယာန်ဘုရားကျောင်း၊ Patriarch of Constantinople အော်သိုဒေါ့စ် ဘုရားကျောင်း၊ ဂူလ် ဗလီနဲ့ Yavuz Selim ဗလီတို့ ဖြစ်ပါတယ်။
၆။ ဘေရွတ်
ဘေရွတ်မြို့ရဲ့ မြို့လည်ကောင် တည့်တည့်မှာပဲ မတူညီတဲ့ ဘာသာတရား ၅ ခုက ၀တ်ပြုရာနေရာတွေကို ၁ စကွဲယားကီလိုမီတာအတွင်း တွေ့မြင်နိုင်ပါတယ်။ မိုဟာမက် အလ် အေမင် ဗလီ၊ စိန့်ဂျော့ဂ်ျ ဂရီအော်သိုဒေါ့စ် ဘုရားကျောင်း၊ Maghen Abraham ဂျူးဘုရားကျောင်း၊ စိန့်ဂျော့ဂ်ျ မာရိုနိုက် ကက်သလစ်ဘုရားကျောင်း၊ National Evangelical ဘုရားကျောင်းတွေ ဖြစ်ပါတယ်။
၇။ ကော်ဒိုဘာ
စပိန်မြို့တစ်မြို့ဖြစ်တဲ့ ကော်ဒိုဘာဟာ စိတ်ဝင်စားဖွယ်အကောင်းဆုံး ဘာသာပေါင်းစုံ အဆောက်အဦးတွေတည်ရှိတဲ့ နေရာတစ်ခု ဖြစ်ပါတယ်။ ကော်ဒိုဘာ ဗလီ-ကက်သဒယ်လို့ခေါ်တဲ့ အဆောက်အဦးဟာ မူလက ခရစ်ယာန်ဘုရားကျောင်းငယ်လေးတစ်ခုပါ။ ဘုရင်ခံ အဘ်ဒဲလ် ရဟ်မန် ၁ ရဲ့ လက်ထက်မှာ ကော်ဒိုဘာဗလီဝတ်ကျောင်းတော်ကြီးဖြစ်ခဲ့ပြီး၊ ၁၃ ရာစုမှာတော့ ရောမ ကက်သလစ်ဘုရားကျောင်း ပြန်ဖြစ်လာတာ ယနေ့အချိန်အထိပါပဲ။ လက်ရှိအချိန်မှာ ကော်ဒိုဘာ ဗလီ-ကက်သဒယ်လို့ ခေါ်ဆိုပြီး Calle Judios လမ်းက ဂျူးဘုရားကျောင်း၊ Virgen de los Faroles ခရစ်ယာန် ဘုရားကျောင်း၊ အခြား ကက်သလစ် ဘုရားကျောင်းတွေနဲ့ မီတာ ၃၀၀ သာ ဝေးပါတယ်။
၈။ ပါလာမို
အီတလီမြို့တစ်မြို့ဖြစ်တဲ့ ပါလာမိုမှာ တူနီရှား ဗလီဝတ်ကျောင်းတော်ဟာ Santa Maria del Sabato ဘုရားကျောင်း အပါအ၀င် အခြား ခရစ်ယာန် ကက်သလစ် ဘုရားကျောင်းတွေနဲ့ မီတာ ၅၀၀ သာ ဝေးပါတယ်။ Santa Maria del Sabato ဘုရားကျောင်းကိုတော့ အခုနှစ် ဇန်န၀ါရီလမှာ ဂျူးဘုရားကျောင်းတစ်ခုအဖြစ် ပြောင်းလိုက်ပါတယ်။
၉။ မွမ်ဘိုင်း
အိန္ဒိယက ဒီမွမ်ဘိုင်းမြို့မှာ ၁ စကွဲယား ကီလိုမီတာအတွင်း မတူညီတဲ့ ဘာသာတရားတွေက ၀တ်ပြုရာ အဆောက်အဦးတွေကို တွေ့ရမှာ ဖြစ်ပါတယ်။ ဂျာမာ ဗလီဝတ်ကျောင်းတော်၊ Church of Our Lady of Health Cavel ဘုရားကျောင်း၊ Shaar Harahamim ဂျူးဘုရားကျောင်း၊ Parsi Agiary ဇိုရိုအက်စတာ ဘုရားကျောင်းနဲ့ ဟိန္ဒူဘုရားကျောင်းများစွာဟာ အတူယှဉ်တွဲ တည်ရှိနေပါတယ်။
၁၀။ ပနားမား
အမေရိကန်အလယ်ပိုင်းက ဒီမြို့မှာ ဘာသာပေါင်းစုံက အဆောက်အဦးတွေ တည်ရှိတယ်ဆိုတဲ့ အချက်ကို လူသိနည်းပါတယ်။ Casco Viejo ရပ်ကွက်နဲ့ Punta Paitilla ရပ်ကွက်ကြားက မြို့လယ်ကောင်မှာဆိုရင် La Comunidad Bible ခရစ်ယာန်ဘုရားကျောင်း၊ ဂျာမာ ဗလီဝတ်ကျောင်းတော်၊ Shevet Ahim ဂျူးဘုရားကျောင်းတွေဟာ ၁ ကီလိုမီတာအကွာမှာ ယှဉ်တွဲတည်ရှိနေကြပါတယ်။
Ref: Alarabiya
၂၁ ရာစု ပင်လုံ ညီလာခံ အောင်မြင်ရေး ဘာသာပေါင်းစုံ ဆုတောင်းပွဲနှင့် ငြိမ်းချမ်းရေး အခမ်းအနား တရပ်ကို ၆-၄-၂၀၁၇ ခုနှစ် တွင် ပဲခူးမြို့ ရွှေဝါထွန်းဟော်တယ်ခန်းမ၌ နေ့လယ် ၁၂း၃၀ တွင် ကျင်းပပြုလုပ်မည့်ဖြစ်ကြောင်းသိရှိပါသည်။
ဒီဇင်ဘာ ၂၅ ၊ ၂၀၁၆
M-Media
မြင်သစ် ရေးသည်။
ယေရှုခရစ်တော် (မေတ္တာပို့သအပ်ပါ၏) မွေးဖွားတဲ့ ငြိမ်းချမ်းတဲ့ အခါသမယပါ။
ခရစ်တော်မွေးဖွားတဲ့ နေ့ရက်နဲ့ပတ်သက်ပြီး ခရစ်ယာန်နဲ့ မွတ်စလင်မ် ပညာရှင်တွေ အကြား တွက်ချက်မှုနဲ့ သဘောထား ကွဲလွဲမှုရှိနေပေမယ့်၊ ခရစ်တော် မစီဟ်အီဆာသခင်ရဲ့ မွေးဖွားခြင်းဆိုတဲ့ ဘုံတူညီချက်ကို ယူလိုက်ရင်တော့… ဘယ်အချိန်ဘယ်နေ့ရက် ဘယ်ကာလမှာ မွေးခဲ့၊ သခင်ရဲ့ မွေးဖွားခြင်းဟာ မြတ်မင်္ဂလာတစ်ပါးပါ။
“အခါတပါး၌ ကောင်းကင်တမန်များက ဤသို့ပြောဆိုကြကုန်၏။ အို မရ်ယမ်(မေရီ)၊ အလ္လာဟ်အရှင်မြတ်(ထာဝရဘုရားသခင်)သည် ဧကန်မလွဲ မိမိထံတော်မှ မုက္ခပါဌ်တော်နှင့်ပတ်သက်၍ ဝမ်းမြောက်ဖွယ်ရာ မင်္ဂလာသတင်းကို အသင့်ထံသို့ ပို့တော်မူ၏။ ယင်း၏ အမည်နာမမှာ မရ်ယမ်၏ သား “အီစာ မစီဟ်” (ယေရှု) ဟူ၍ဖြစ်အံ့၊ ယင်းသည် မျက်မှောင်ဘဝ၌ လည်းကောင်း နောင်တမန်လွန် ဘဝ၌လည်းကောင်း ဂုဏ်အသေရရှိ သူလည်း ဖြစ်အံ့။ အရှင်မြတ်နှင့် နီးစပ်သောသူတို့တွင် အပါအဝင်လည်း ဖြစ်အံ့။”
(ကုရ်အာန်ကျမ်းတော် ၃း၄၅)
ခရစ်ယာန်နဲ့ မွတ်စလင်မ်တို့ အကြား ဆက်စပ်နီးကပ်မှုကို တင်ပြရင်း မြန်မာနိုင်ငံ ဒီမိုကရေစီ အရေး ငြိမ်းချမ်းရေးနဲ့ ဘာသာတရားများအကြား သဟဇတဖြစ်ရေးတို့ ပိုမိုအားကောင်းလာစေဖို့ နိုင်ငံအတွင်း လူနည်းစုဘာသာဝင်တွေအကြား အားကောင်းပြီး စနစ်ကျတဲ့ ရင်းနီး နီးကပ်တဲ့ ဆက်ဆံရေးတွေ တည်ဆောက်ဖို့ ပိုမိုလိုအပ်နေပြီဆိုတာကို ဆွေးနွေးလိုတာပါ။
မြန်မာနိုင်ငံမှာ လူနည်းစုဘာသာတရားတွေလို့ ပြောရင် ခရစ်ယာန်၊ အစ္စလာမ်၊ ဟိန္ဒူ၊ ၊ ဘဟာအီ၊ မိရိုးဖလာနဲ့ ဒေသအလိုက် ရိုးရာနဲ့ ပုဂ္ဂိုလ်ကိုးကွယ်မှုတွေကို တွေ့ရမှာပါ။
အဲ့ဒီ့တော့ ဆက်ဆံရေးကောင်းတည်ဆောက်ဖို့ ဘယ်သူက ဘယ်လူ့အဖွဲ့အစည်းက ဘယ်အသင်းအဖွဲ့က အစပြု အားထုတ်ရမလဲပေါ့။
ပုံသေသတ်မှတ်ချက်မရှိဘဲ မိမိတို့ လူ့အဖွဲ့အစည်းအနေနဲ့ ဒါဟာလုပ်သင့်တဲ့ အလုပ်၊ လုပ်ထိုက်တဲ့ အလုပ်လို့ သိမြင်တဲ့ ဖက်က အစပြုရမှာပဲ ဖြစ်ပါတယ်။
ဒီဆွေးနွေးမှုမှာတော့ မြန်မာမွတ်စလင်မ်လူ့အဖွဲ့အစည်းကို အခြေပြု ဆွေးနွေးပါမယ်။
နောက်ဆုံးထုတ်ပြန်ခဲ့တဲ့ ၂၀၁၄သန်းခေါင်စာရင်းအရ ဒုတိယလူများစုနဲ့ တတိယ လူများစုကြီးများဖြစ်တဲ့ မြန်မာခရစ်ယာန် လူ့အဖွဲ့နှင့် မြန်မာမွတ်စလင်မ်လူ့အဖွဲ့တို့ကြားမှာ ယခုထက် ပိုခိုင်မာတဲ့ လူမှုအဆောက်အဦး တည်ဆောက်မှုမျိုး ဖြစ်သင့်နေပါပြီ။
ဒီလိုတင်ပြလိုက်လို့ တခြား လူနည်းစု အသိုင်းအဝိုင်းတွေကို ချန်ထားခဲ့ရမယ်၊ နိုင်ငံတွင်း လူများစုကြီးဖြစ်တဲ့ ဗုဒ္ဓဘာသာဝင် အသိုင်းအဝိုင်းနဲ့ မဆက်ဆံတော့ဘူး အဲ့လိုမျိုး ဆိုလိုတာ လုံးဝ မဟုတ်ပါ။
ဘာသာရေးသမိုင်းကြောင်းအရကြည့်ရင် Abrahamic Religions (အီဘရာဟီမ် (ဝါ) အာဗြဟံသခင်ကို နာမ်ပိုင်းဆိုင်ရာ အလေးထားမှု တူညီတဲ့ ဘာသာတရား) တွေဖြစ်တဲ့ ခရစ်ယာန်နဲ့ အစ္စလာမ်မှာ ဘုံတူညီချက်တွေ များစွာ ရှိနေပါတယ်။
နိုင်ငံတကာအဆင့်မှာဆိုလည်း ပုပ်ရဟန်းမင်းကြီး ဂျွန်ပေါလ်လက်ထက်မှာစတင်ပြီး ခရစ်ယာန်နဲ့ မွတ်စလင်မ် ဘာသာရေးခေါင်းဆောင်တွေ အကြား ဆက်ဆံရေးဟာ သိသိသာသာ တိုးတက်လာပြီး ယခု သဘောထားပျော့ပြောင်းပြီး တိုးတက်တဲ့ အမြင်ရှိတဲ့ ပုပ်ရဟန်းမင်းသစ် ဖရန့်စစ်လက်ထက်မှာဆို ပိုလိုတောင် ခိုင်မာလာပါပြီ။
ပုပ်ရဟန်းမင်းကို ဒီနေရာမှာ ညွှန်းတာဟာ RC ခရစ်ယာန်တွေနဲ့ ဆက်ဆံရေးကိုပဲ မဆိုလိုဘဲ ကမ္ဘာ့အဆင့်မှာ ခရစ်ယာန် ဂိုဏ်းပေါင်းစုံနဲ့ အစ္စလာမ် ကျောင်းတော်ဝါဒအသီးအသီးတို့ အကြား ဘာသာရေးဆက်ဆံမှု ခိုင်မာလာမှုကို ညွှန်းဆိုလိုတာပါ။
ပြည်တွင်း အခြေအနေကို ကြည့်လိုက်ရင်လည်း မြန်မာနိုင်ငံဒီမိုအပြောင်းအလဲအခြေအနေဆိုတဲ့ တစ်လှေတည်း စီးနေတဲ့ တစ်မိသားစုတည်းကဖြစ်တဲ့ လူ့အဖွဲ့အစည်းနှစ်ခုလုံးမှာ တူညီတဲ့ စိန်ခေါ်မှုတွေ ရှိနေပါတယ်။
စစ်အစိုးရလက်ထက်ကအစပြုလို့ အခုထိအားကောင်းနေဆဲ ညစ်ပတ်တဲ့ နိုင်ငံရေးအင်အားစုတွေရဲ့ လူများစုဘာသာနိုင်ငံရေးနဲ့ အမျိုးသားရေးအစွန်းရောက်ဝါဒတို့ရဲ့ ဖိအားကိုလည်း အနည်းအများ ရင်ဆိုင်နေရပါတယ်။
မြန်မာ့ခရစ်ယာန်အသိုင်းအဝိုင်းမှာ လက်ရှိအသိအမှတ်ပြု တိုင်းရင်းသား ၁၃၅မျိုးဝင် ကချင်၊ ကရင်၊ ကယား၊ ချင်းမှ အခြားတိုင်းရင်းနွယ်တွေ ပါနေသလို မြန်မာပြည်ဖွား အိန္ဒိယနွယ်ဖွားတွေ တရုတ်နွယ်ဖွားတွေလည်း အများကြီးပါဝင်ပါတယ်။
မြန်မာ့မွတ်စလင်မ်တွေမှာ ဗမာ့ယဉ်ကျေးမှုကို အစ္စလာမ့်နည်းကျ အပြည့်အဝကျင့်သုံးတဲ့ ဗမာမွတ်စလင်မ်တွေ၊ ကမန် ရှမ်း ကရင်စတဲ့ တိုင်းရင်းနွယ် မွတ်စလင်မ်တွေရှိသလို၊ တိုင်းရင်းသားစာရင်းက လျော့ခံလိုက်ရတဲ့ ပသျှူး၊ ပန်းသေးတို့ အပြင် နိုင်ငံဖွား အခြား အိန္ဒိယတိုက်နွယ်ဖွားတွေလည်း ပါဝင်ပါတယ်။
အဲ့ဒီ့တော့ လူ့အသိုင်းအဝိုင်းနှစ်ခုစလုံးဟာ ယခုလက်ရှိအချိန်ထိကို နိုင်ငံသား အခွင့်အရေးအပြည့်အဝရရှိရေး တိုက်ပွဲဝင်နေရတုန်းပါပဲ။ စိန်ခေါ်မှု အတိုင်းအတာ ဒီဂရီတော့ ကွာကောင်း ကွာနိုင်ပါတယ်။
မြန်မာမွတ်စလင်မ်တွေ အနေနဲ့ နိုင်ငံအနှံ့မှာ ဗလီဝတ်ကျောင်းတွေ ဘာသာရေးစာသင်ကျောင်းတွေ ဖျက်ဆီးခံရတာ၊ ပိတ်ခံရတာ၊ ပြန်ဖွင့်ခွင့်မရသေးတာတွေ ခံစားရသလို မြန်မာ့ခရစ်ယာန် အသိုင်းအဝိုင်းမှာလည်း အလားတူ အဖြစ်ဆိုးတွေ တွေ့ကြုံနေရဆဲပါ။
တရားဥပဒေစိုးမိုးမှုအားနည်းသေးတဲ့ အပေါ် အမျိုးသားဘာသာရေးအစွန်းရောက်တွေရဲ့ အမုန်းဖြန့်တီးခံရမှုရဲ့ သားကောင်တွေ အဖြစ်လည်း ခံရနေသေးတာ အတူတူပါပဲ။
KIA KNU အစပြုတဲ့ လက်နက်ကိုင်တွေနဲ့ မြန်မာ့တပ်မတော်ကြားက ပဋိပက္ခတွေရဲ့ ကြားမှာ အခြားခရစ်ယာန်လူ့အဖွဲ့အစည်း ညှပ်သလို မြန်မာမွတ်စလင်မ်တွေလည်း ရိုဟင်ဂျာတွေရဲ့ တိုင်းရင်းသား အခွင့်ရေးတိုက်ပွဲနဲ့ တလောက ရိုဟင်ဂျာလက်နက်ကိုင်လှုပ်ရှားမှုရဲ့ ရိုက်ခတ်မှုတွေကို ပိုကြုံလာရဖို့လည်း ရှိနေပါတယ်။
အကျဉ်းပြောရရင်တော့ အတိုင်းအတာကွာပေမယ့် ရင်ဆိုင်နေရတဲ့ စိန်ခေါ်မှုတွေကတော့ ဘုံဖြစ်နေတယ်ဆိုတာပါပဲ။
ဘာသာရေး ဘုံတူညီချက်တွေနဲ့ လူ့အသိုင်းအဝိုင်းကြီးနှစ်ခုက ရင်ဆိုင်နေရတဲ့ ဘုံစိန်ခေါ်မှုတွေအတွက်ရော ပိုမိုကောာင်းမွန်တဲ့ လူ့အဆောက်အဦးတည်ဆောက်မှုမှာရော အချင်းချင်းကူညီကြမယ်။
ပြီးရင် တစ်ဖက်မှာလည်း နိုင်ငံတွင်း လူများစုဗုဒ္ဓဘာသာဝင်အသိုင်းအဝိုင်းထဲက စစ်မှန်တဲ့ ဒီမိုကရေစီတန်ဖိုးတွေကို တန်ဖိုးထားတဲ့၊ ခန္တီနဲ့ မေတ္တာကို အခြေခံတဲ့ မြတ်ဗုဒ္ဓရဲ့ တရားစစ်မှန်ကို မြတ်နိုးကျင့်သုံးတဲ့ လူအများနဲ့ ပူးပေါင်းဆောင်ရွက်မယ်ဆိုရင် ဒါဟာ မြန်မာနိုင်ငံရဲ့ လှပတဲ့ အနာဂတ်ဆီ လမ်းကြောင်းမှန်ပါပဲ။
အဲ့လိုလုပ်ခြင်းအားဖြင့် တစ်ချိန်တည်းမှာပဲ အခြားလူနည်းစုတွေဖြစ်တဲ့ ဟိန္ဒူတွေ၊ ဘဟာအီတွေ စတဲ့သူတွေကိုလည်း ကူညီပြီးသား လက်တွဲခေါ်ပြီးသား ဖြစ်သွားပါမယ်။
မြန်မာမွတ်စလင်မ်ကို အခြေပြုဆွေးနွေးတာဖြစ်လို့ ဒီဆက်ဆံရေးတိုးမြှင့်မှုကို မွတ်စလင်မ်တွေဖက်က အစပြုသင့်တယ်လို့ပဲ ဆိုပါရစေ။
ရှေ့တိုးဖို့ဆိုရင် လက်ရှိဆက်ဆံရေးကို သုံးသပ်ဖို့ လိုပါမယ်။ လက်ရှိဆက်ဆံရေးကတော့ သိရ မြင်ရသလောက် အပြုသဘောဆံပြီး ရှေ့ဆက်မြှင့်တင်လို့ရမယ်လို့ မြင်ပါတယ်။
ခရစ်ယာန်ကမ္ဘာမှာ မြန်မာ့ဂုဏ်ဖြစ်တဲ့ ခရစ်ယာန်ဗမာကြီး ကာဒီနယ်လ်ချားစ်ဘိုလ်ရဲ့ ဘာသာတရားမခွဲခြားဘဲ နိုင်ငံတကာမှာ လူနည်းစုတွေအတွက် အမှန်တရားပေါ် ရပ်တည်ပေးမှုတွေဟာ သမိုင်းမှတ်တိုင်တွေပါပဲ။
နိုင်ငံတော်အဆင့်မှာ အစိုးရကပဲဖြစ်ဖြစ် အခြားအရပ်ဖက် အဖွဲ့အစည်းတွေကနေပဲဖြစ်ဖြစ် ကမကထလုပ်တဲ့ ဘာသာပေါင်းစုံ ချစ်ကြည်ရေးလှုပ်ရှားမှုတွေမှာ နှစ်ဖက်လူ့အသိုင်းအဝိုင်းက ဘာသာရေး ခေါင်းဆောင်တွေကြား နီးကပ်နွေးထွေးတဲ့ ဆက်ဆံရေးတွေ ရှိနေပါတယ်။
အောက်ခြေလူထု အဆင့်မှာလည်း မကြာခဏ မြန်မာမွတ်စလင်မ် အဖွဲ့အစည်းတွေငယ်တွေနဲ့ YMCA ခရစ်ယာန် ကလျာဏယုဝ အသင်းတို့ကြား ပူးပေါင်းမှုမျိုး၊ ဘာသာပေါင်းစုံချစ်ကြည်ရေး အောက်ခြေ လှုပ်ရှားမှုတွေမှာ အသင်းအဖွဲ့အလိုက်၊ ဘာသာရေးခေါင်းဆောင်တွေ ပုဂ္ဂိုလ်ရေးအဆင့်အလိုက် ပူပေါင်းရိုင်းပင်းမှုတွေလည်း ရှိနေပါတယ်။
ဒါပေမယ့် ရိုးသားပွင့်လင်းစွာ သုံးသပ်ရရင် လက်ရှိအခြေအနေဟာ နိုင်ငံရဲ့ စစ်မှန်တဲ့ဒီမိုကရေစီနဲ့ ဘာသာရေး သဟဇတဖြစ်မှု လူ့မှုအဆောက်အအုံကြီး တည်ဆောက်ရေးမှာ အားတစ်ခုဖြစ်လောက်အောင်အထိ မရောက်ရှိသေးပါ။
တစ်သီးပုဂ္ဂလအဆင့်၊ အသင်းအဖွဲ့အဆင့်မှာ ပုံမှန်မဟုတ်သေးတဲ့ ပူးပေါင်းမှုမျိုးသာရှိနေပါသေးတယ်။ နှစ်ဖက်အသိုင်းအဝိုင်း စလုံး ဘုံစိန်ခေါ်မှုတွေ ရင်ဆိုင်ဖို့ ဘုံရည်မှန်းချက်တွေ အကောင်အထည်ဖော်နိုင်ဖို့ နည်းဗျူဟာအဆင့် ဗဟိုအဆင့် ပူးပေါင်းမှုမျိုး၊ တစ်ဖက်နဲ့တစ်ဖက် ပိုမိုကောင်းမွန်တဲ့ လူမှုအဖွဲ့အစည်းဖြစ်စေမယ့် လူမှုအဆောက်အအုံအဆင့် (Institutional Level) ပူးပေါင်းဆောင်ရွက်မှုမျိုးကို တက်လှမ်းရပါမယ်။
အဲ့ဒီလိုတက်လှမ်းရာမှာ ဗဟိုအဆင့်ကစလို့ အောက်ခြေအဆင့်ထိ ရင်းနှီးပွင့်လင်းတဲ့ ဆက်ဆံမှုမျိုးရှိဖို့နဲ့ ရှိနေတဲ့ အခက်အခဲအတားအဆီး (Bottlenecks) တွေကို ခြေဖျက်မယ်ဆိုတဲ့ သတ္တိရှိဖို့လိုပါမယ်။ အတားအဆီးက နှစ်ပိုင်း ရှိပါမယ် Internal အတွင်းနဲ့ External အပြင်ပေါ့။ Internal ကတော့ သံသယပါပဲ။ ကိုယ်တွေခေတ်က မဟုတ်တဲ့ သမိုင်းထဲကနဲ့ ကိုယ်တွေဆီမှာ မဟုတ်တဲ့ အခြားနိုင်ငံတွေက လာတဲ့ မှတ်ထားကျက်ထားတဲ့၊ မွေးစားထားတဲ့ လုပ်ယူထားတဲ့ သံသယတွေပါ။ အဲ့ဒီဟာကို လက်တွေ့ကျတဲ့ အဖြေတွေ ချဉ်းကပ်မှုတွေနဲ့ ကျော်ဖြတ်ရပါမယ်။ နို့မိုဆို External လို့ပြောရမယ့် ဒီလူ့အဖွဲ့အစည်းနှစ်ခု ခိုင်မာစွာပူးပေါင်းမှုကို မလိုတဲ့ ပယောဂတွေက အဲ့ဒီသံသယတွေကို အသုံးချသွားပါလိမ့်မယ်။
မြန်မာမွတ်စလင်မ်ဖက်ကိုပဲ ပြောကြရအောင်ပါ။ အမုန်းနဲ့ချယ်ထားတဲ့ ကရူးဆိတ်ပုံပြင်တွေနေရာမှာ အနာဂတ်အတွက် သမိုင်း သင်ခန်းစာယူမယ်ဆိုတဲ့ မျက်မှန်းစိမ်းမတတ်တဲ့ ကရူးဆိတ်ခွဲခြမ်းလေ့လာမှုနဲ့ အစားထိုးရပါမယ်။ ခရစ်ယာန်နစရာနီတွေဆိုပြီး သိမ်းကျုံး တရားဟောချက်တွေ၊ ဘာမှန်းမသိဘဲ မုန်းတာတွေရဲ့ နေရာမှာ ခရစ်ယာန်တွေဟာ မိတ်ဖွဲ့ဖို့ အနီးစပ်ဆုံးသူတွေဆိုတဲ့ ဟောချက်တွေ (ကုရ်အာန် ၅း၈၂) မုဟမ္မဒ်သခင်(မေတ္တာပို့သအပ်ပါ၏)ရဲ့ ချစ်လှစွာသော သားတော်လေးရဲ့ အမေဖက် ဆွေမျိုးတွေ (အီဂျစ်ကော့ပ်တစ်ခရစ်ယာန်)၊ မဒီနာရွှေမြို့တော် တမန်တော်မြတ် ဗလီဝတ်ကျောင်းထဲမှာ ခရစ်ယာန်သံအဖွဲ့ကို တမန်တော်မြတ် ဝတ်ပြုခွင့်ပေးခဲ့တာတွေ၊ တမန်တော်မြတ်က ဆိုင်းနိုင်းချာ့ခ်ျကျောင်းနဲ့ ရဟန်းတွေကို စောင့်ရှောက်ပေးပြီး အခွန်အတုပ် ကင်းခွင့်ပေးခဲ့တာတွေစတဲ့ သမိုင်းတွေနဲ့ ရဲရဲဝံ့ဝံ့အစားထိုးဖို့လိုမယ်။
ခေတ်သစ်ကရူးဆိတ်ဝါဒီတွေက ဇီယွန်ဝါဒီတွေနဲ့ ပေါင်းပြီး ကမ္ဘာ့မွတ်စလင်မ်တွေကို မကောင်းကြံတယ်ဆိုတဲ့ conspiracy theory နဲ့ အတွေးအရိပ်တွေကို ပြည်တွင်းကို ယူလာပြီး မြန်မာ ခရစ်ယာန်အသိုင်းအဝိုင်းပေါ်ကို အထင်မှားတွေ မမြင်ဖို့ လိုပါမယ်။
မြန်မာမွတ်စလင်မ်တွေ အနေနဲ့ကတော့ မြန်မာခရစ်ယာန်အသိုင်းအဝိုင်းဆီက လူ့အဆောက်အဦး တည်ဆောက်ရေးပိုင်းမှာ ဘာသာရေးပိုင်းရော လူ့မှုရေးပိုင်းမှာပါ သင်ယူလေ့လာစရာတွေ အများကြီးပါ။
ပွင့်ပွင့်လင်းလင်းပြောပါရစေ။
မြန်မာမွတ်စလင်မ် လူမှု ဘာသာရေး အဖွဲ့အစည်းတွေက သမိုင်းကြောင်းရှိခဲ့ပေမယ့် လက်ရှိအနေအထားမှာ အဖွဲ့အစည်းပိုင်းဆိုင်ရာ စနစ်ကျနမှုပိုင်းမှာ လေ့လာသင်ယူဖို့ လိုပါတယ်။
ဘာသာရေးပိုင်းနဲ့ ပညာရေးပိုင်းမှာ ခရစ်ယာန်တွေက နိုင်ငံတကာက အသိအမှတ်ပြုတဲ့ မဟာဘွဲ့အဆင့် တက္ကသိုလ်ပညာရေးကို ဘာသာလူမျိုးမခွဲ သင်ကြားပေးနိုင်တဲ့ အချိန်၊ မွတ်စလင်မ်တွေရဲ့ ဘာသာရေးပညာက ဘယ်နိုင်ငံကမှာ အသိအမှတ်ပြုဖို့(accredit)နေနေသာသာ အိန္ဒိယ၊ပါကီ၊အီဂျစ်၊ ဆော်ဒီတို့ရဲ့ ဘာသာရေးတက္ကသိုလ်တွေကို သွားဆက်တဲ့အခါ ပြည်တွင်း မော်လဝီဘွဲ့ရက တစ်ဖက်က ရှစ်တန်းကိုးတန်းကို ပြန်တက်နေရတဲ့ အခြေအနေ။
လူမှုစီးပွားနဲ့ ပညာရေးနဲ့ပတ်သက်ပြီး ခရစ်ယာန် အသိုင်းအဝိုင်းက သုတေသနတွေကို စနစ်တကျပြုနေနိုင်ချိန်မှာ မြန်မာမွတ်စလင်မ်မှာ သုတေသနဆိုတာ အစပြုစပဲ ရှိနေပါသေးတယ်။
လူအဖွဲ့အစည်းတစ်ခုရဲ့ အဓိကအုတ်မြစ်တွေဖြစ်တဲ့ ဘာသာရေးပိုင်း ပညာရေးပိုင်း သုတေသနပိုင်းနဲ့ အဖွဲ့အစည်းပိုင်းကို သုံးသပ်ပြရုံနဲ့ မြန်မာမွတ်စလင်မ်တွေ ခရစ်ယာန်ညီနောင်တွေဆီက များစွာလေ့လာဖို့လိုနေသေးတယ်ဆိုတာ ပေါ်လွင်ပါတယ်။
အဲ့ဒီ့မှာ အရေးကြီးလာတာက မြန်မာမွတ်စလင်မ် ခေါင်းဆောင်တွေ အဖွဲ့အစည်းတွေအနေနဲ့ ပြင်ဆင်ထားရမှာက ကိုယ့်ဖက်ကရော တစ်ဖက်လူ့အသိုင်းအဝိုင်းကို ဘာတွေ ပေးနိုင်မလဲပေါ့။ Win Win ဖြစ်မယ့် ဆက်ဆံရေးကို မတည်ဆောက်နိုင်ရင် ရေရှည်မှာ လူ့အဖွဲ့အစည်းနှစ်ခု ခိုင်မြဲဖို့ ခက်ပါမယ်။ ဒီ့ထက်အရေးကြီးတာက ဘယ်လိုဘယ်ပုံနည်းနဲ့ မိတ်ဖက်ပြုမယ့် ဘယ်အပိုင်းတွေမှာ ပူးပေါင်းဆောင်ရွက်ကြမယ်ဆိုတဲ့ (institution) လူမှုအဆောက်အဦးအဆင့် ပူးပေါင်းမှု နည်းဗျူဟာပိုင်းပါ။ ခရစ်ယာန်ညီနောင်တွေကို ပူးပေါင်းဖို့ ဆက်ဆံရေးတိုးဖို့ လမ်းမစခင် မြန်မာမွတ်စလင်မ် လူ့အဖွဲ့အစည်းက ခေါင်းဆောင်တွေ အဖွဲ့အစည်းတွေ ဒါတွေကို ဦးစွာ ပြန်လည်သုံးသပ် ပြင်ဆင်ထားရပါမယ်။
မြန်မာမွတ်စလင်မ်လူ့အဖွဲ့အစည်းနဲ့ မြန်မာခရစ်ယာန်လူ့အဖွဲ့အစည်းတို့ရဲ့ နွေးထွေး ခိုင်မာ စနစ်ကျတဲ့ ပူးပေါင်းမှုမှသည် မြန်မာဗုဒ္ဓဘာသာ အသိုင်းအဝိုင်းမှ သဘောထားမှန်သည့် လူများစုကြီးနဲ့ အားဖြည့်ပြီး အခြားမြန်မာ့ လူနည်းစုများကိုပါ စောင့်ရှောက်ရင်း စစ်မှန်တဲ့ ဒီမိုကရေစီ ထွန်းကားတဲ့ သဟဇတ မြန်မာ့လူမှုအဆောက်အဦးကြီးဆီသို့ ဆန္ဒမွန်ပြုလျက်… (အာမီန်း၊ အာမင်)။