နိုဝင်ဘာ ၂၀၊ ၂၀၁၆
M-Media
– လာမယ့်လအတွင်း ကျရောက်မယ့် ခရစ်ယာန်ဘာသာဝင်တို့ရဲ့ ခရစ္စမတ်ပွဲတော်အတွက် အွန်လိုင်းရှော့ပင်းဝဘ်ဆိုက်တစ်ခုဖြစ်တဲ့ Amazon ရဲ့ ကြေ်ာငြာအသစ်မှာ ခရစ်ယာန်နဲ့ မွတ်စလင်တို့အကြား မိတ်ဆွေဖြစ်မှုကို ဖော်ညွှန်းရိုက်ကူးထားတယ်လို့ သိရပါတယ်။
ယူကေနဲ့ အမေရိကန်တို့မှာ အစ္စလာမ်ကြောက်ရောဂါ မြင့်တက်လာတဲ့ အခုလိုအချိန်မျိုးမှာ အိမ်နီးချင်းတစ်ယောက်ရဲ့ မိတ်ဆွေကောင်းဖြစ်ဖို့ဆိုတာ ဘာသာတရားက အဓိကမကျဘူးဆိုတဲ့ သတင်းစကားပေးချင်တဲ့ ဒီကြော်ငြာကို ဗုဒ္ဓဟူးနေ့က လွှင့်တင်ခဲ့တာဖြစ်ပါတယ်။
ကြော်ငြာမှာ မွတ်စလင်အီမာမ်တစ်ယောက်က ခရစ်ယာန် ဂိုဏ်းအုပ်ဘုန်းတော်ကြီးဆီကို အလည်အပတ်သွားရောက်ပြီး ရယ်ရယ်မောမာနဲ့ စကားစမြည်ပြောဆိုကြကာ အသက်အရွယ်ကြီးရင့်မှုကြောင့် နာတာကျင်တာ၊ ကိုက်တာခဲတဲ့ အကြောင်းတွေကိုလည်း ဝေမျှခဲ့ကြပါတယ်။
အလည်အပတ်ပြီးဆုံးပြီး အပြန်မှာတော့ ဒီဘာသာရေးခေါင်းဆောင်နှစ်ဦးစလုံးဟာ တစ်ဦးကိုတစ်ဦး ခရစ်စမတ်လက်ဆောင်လေးတွေဝယ်ပေးဖို့ အတွေးရခဲ့ကြပြီး ၀ယ်ပေးတဲ့လက်ဆောင်တွေကလည်း အသက်အရွယ်ကြီးရင့်နေပြီဖြစ်တဲ့သူတို့ ၀တ်ပြုဆုတောင်းရာမှာ အသုံးဝင်စေမယ့် ဒူးစွပ်လေးတွေ ဖြစ်နေတာပါပဲ။
ဒီကြေငြာထဲမှာ ပါဝင်တဲ့ ဘာသာရေးခေါင်းဆောင်နှစ်ဦးစလုံးဟာ အပြင်မှာလည်း ယူကေက တကယ့် ဘာသာရေးခေါင်းဆောင်တွေ ဖြစ်ကြပါတယ်။ ခရစ်ယာန်ဘုန်းတော်ကြီးက သိက္ခာတော်ရဆရာတော် ဂရေး ဘရက်ဒလေဖြစ်ပြီး လန်ဒန် ခရစ်ယာန်ဘုရားကျောင်းတစ်ခုက သင်းအုပ်ဆရာတော် ဖြစ်ပါတယ်။ မွတ်စလင်အီမာမ်ကတော့ ဇူဘေးရ် ဟာဆန်ဖြစ်ပြီး လက်စတာက အိုအဒ်ဘီ အစ္စလာမ့်ရေးရာသင်တန်းကျောင်းက ကျောင်းအုပ်ဆရာကြီး ဖြစ်ပါတယ်။
အီမာမ်ဟာဆန်က ဒီကြော်ငြာရဲ့ ဇာတ်ညွှန်းဟာ အပြင်က သူ့ရဲ့ဘ၀ကို ရောင်ပြန်ဟပ်နေတာဖြစ်တယ်လို့ ဖွင့်ဟခဲ့ပါတယ်။
“လူ့အဖွဲ့အစည်းမှာ ကျွန်တော် ဒီအတိုင်းပဲ နေထိုင်တာပါ။ တစ်ကိုယ်ကောင်ဆန်တဲ့ အပြုအမူမျိုး ကျွန်တော် မပြုလုပ်ခဲ့ပါဘူး။ လူတွေက မကောင်းမြင်နေကြတဲ့အချိန် ဒီကြော်ငြာလေးက အင်မတန် အပြုသဘောဆောင်ပြီး မတူညီတဲ့ ဘာသာတရားကသူတွေ ညီညွတ်နိုင်တယ်ဆိုတာကို ပြသတာလည်း ဖြစ်ပါတယ်” လို့ အီမာမ်ကြီးက ပြောကြားခဲ့ပါတယ်။
Guardian သတင်းစာကတော့ ဒီကြော်ငြာရိုက်ကူးဖို့အတွက် Amazon ဟာ အင်္ဂလန်အသင်းတော် (Church of England)၊ ဂရိတ်ဗြိတိန် မွတ်စလင်ကောင်စီနဲ့ ခရစ်ယာန် မွတ်စလင်ဖိုရမ် စတဲ့ အဖွဲ့တွေကနေ အကြံအဉာဏ် ရယူခဲ့ပြီး ကြော်ငြာမှာ ဘာသာတရားတွေရဲ့ ဓလေ့ထုံးတမ်းတွေကို အလေးထားတာမျိုးဖြစ်အောင် ဆောင်ရွက်ခဲ့တယ်လို့ ဖော်ပြခဲ့ပါတယ်။
“ဒါဟာ လက်တွေ့ကိုရောင်ပြန်ဟပ်ပြီး နှစ်လိုဖွယ် ကြေငြာဖြစ်တယ်လို့ ကျွန်တော်တို့ထင်ပါတယ်။ လက်ခံနိုင်လောက်တဲ့ ဇာတ်လမ်းလို့လည်း ကျွန်တော်တို့ထင်ပါတယ်။ တစ်ချို့လူတွေက ဒါနဲ့ပတ်သက်ပြီး အထိမခံတာမျိုး ဖြစ်မယ်ဆိုတာလည်း ကျွန်တော်တို့သိပါတယ်။ ကျွန်တော်တို့ကြော်ငြာက တစ်ကိုယ်ကောင်းမဆန်ဖို့ အခြားလူတွေကို ကိုယ်ချင်းစာပေးဖို့ ရည်ရွယ်တာပါ”
Ref: Huffingtonpost
