ဇွန် ၂၈၊ ၂၀၁၅
M-Media
ပီရူးဒေသတစ်ခုတွင် ကာလရှည် အရေးပေါ်အခြေအနေ ကြေညာမှု ရုပ်သိမ်းတော့မည်
…………………………………..
ပီရူးနိုင်ငံ ဟွာလာဂါမြစ်အထက်ပိုင်းဒေသအား နှစ်ပေါင်း ၃၀ ကျော်ကြာ အရေးပေါ်အခြေအနေ ကြေညာထားမှုကို မကြာမီ ရုပ်သိမ်းတော့မည်ဟု သမ္မတ အိုလန်တာ ဟူမာလာက ယနေ့တွင် ကြေညာခဲ့သည်။ တောင်ထူထပ်ပြီး ကြီးမားသည့် သစ်တောများရှိသော အဆိုပါဒေသတွင် ဆယ်စုနှစ်နှင့်ချီ၍ တရားမ၀င် ကိုကိုးစိုက်ပျိုးမှုများ ရှိပြီး သူပုန်များ အကြမ်းဖက်တိုက်ခိုက်မှု ကျူးလွန်ရာ ဒေသလည်းဖြစ်သည်။
တရားရေးစနစ် ပိုမိုပွင့်လင်းရမည်ဟု အီရန်သမ္မတပြော
……………………………
နိုင်ငံ၏ တရားရေးစနစ်မှာ ပို၍ ထင်သာမြင်သာရှိရမည်ဖြစ်ပြီး နိုင်ငံရေးရာဇ၀တ်မှုများကိုလည်း ရှင်းရှင်းလင်းလင်း အဓိပ္ပါယ်ဖွင့်ဆိုသတ်မှတ်ရမည်ဟု အီရန်သမ္မတ ရူဟာနီက ယနေ့တွင် ပြောကြားလိုက်ပြီး ၂၀၁၃ ခုနှစ် အာဏာရပြီးနောက်ပိုင်း ပြည်တွင်းပြုပြင်ပြောင်းလဲရေးအတွက် အဓိကအကျဆုံး မှတ်ချက်လည်း ဖြစ်ခဲ့သည်။ ရူဟာနီမှာ ရွေးကောက်ပွဲအချိန်က နိုင်ငံအတွင်း လူမှုရေးဆိုင်ရာ ပြုပြင်ပြောင်းလဲမှုများ ဆောင်ရွက်သွားမည်ဖြစ်ပြီး နိုင်ငံရေးအသိုင်းအ၀ိုင်းကိုလည်း ပိုမို ပွင့်လင်းအောင် ဖန်တီးသွားမည်ဟု ကတိပေးခဲ့သူဖြစ်သည်။
ISS သို့ ရိက္ခာပို့ဒုံးကျည် ပေါက်ကွဲပျက်ဆီး
……………………….
နိုင်ငံတကာ အာကာသစခန်း ISS တွင် ရှိနေသူများအတွက် ရိက္ခာ ၂ တန်ခန့်ကို သယ်ဆောင်သွားခဲ့သည့် Falcon 9 လူမဲ့ ဒုံးကျည်မှာ ယနေ့တွင် လွှတ်တင်ပြီး ၂ မိနစ်ခန့်အကြာတွင် ပေါက်ကွဲသွားခဲ့သည်။ ဒုံးကျည်ကိုပိုင်ဆိုင်သော Space X ကုမ္ပဏီကမူ ပေါက်ကွဲပျက်ဆီးမှု အကြောင်းအရင်းကို ဆုံးဖြတ်ရန်အတွက် အဖွဲ့တစ်ခုကို စေလွှတ်ထားသည်ဟု Twitter မှတစ်ဆင့်
ပြောကြားခဲ့သည်။ ဒုံးကျည်တွင် ISS ၌ တာဝန်ထမ်းဆောင်နေသူများအတွက် အစားအသောက်များ၊ အ၀တ်အထည်များနှင့် စမ်းသပ်မှုများပြုလုပ်ရန် ပစ္စည်းများ ပါဝင်ခဲ့သည်။ ပြီးခဲ့သည့် အောက်တိုဘာက ISS သို့ ရိက္ခာပို့သည့် အမေရိကန်၏ ဒုံးကျည်မှာ ပေါက်ကွဲပျက်ဆီးခဲ့ပြီး၊ နောက်ပိုင်း ရုရှား၏ ရိက္ခာပို့ ဒုံးကျည်မှာ ကမ္ဘာပတ်လမ်းထဲသို့ ရောက်ရှိခဲ့သော်လည်း ISS နှင့်
ချိတ်ဆက်နိုင်ခဲ့ခြင်း မရှိချေ။ ရုရှားမှာ လာမည့်သောကြာနေ့တွင် ကာဇက်စတန်မှ နောက်ထပ် ရိက္ခာပို့ ဒုံးကျည်တစ်စင်း ပစ်လွှတ်မည်ဖြစ်သည်။
Ref: News agencies
